Ulersuarmiit Egyptenimit aninermut

Inuit arfineq pingasuinnaat ulersuarmit aniguipput, kinguaassiorpulli tuusintilippassuanngorlutillu. Ulersuarmiit ukiut 352-it qaangiummata Abraham inunngorpoq. Tusassavarput qanoq ililluni Guutip Abrahamimut neriorsuutini eqquutikkaa ernertaartillugu Isakimik. Isakip ernerinit marluusunit Guutip Jakob toqqarpaa.

Jakobikkut ilaqutariit amerlaqaat, aqqaneq marlunnik erneqarmat, paneqarlunilu. Jakobip ernerisa angajulliit qulit nukartik Josef uumissorpaat Egyptenimullu inussiatut tunillugu. Kingusinnerusukkut Egyptenimi Josef naalakkersuisorsuanngorpoq. Kaannersuaqalermat Josefip qatanngutini misilippai pissusertik allanngortissimaneraat paasiumallugu. Naggataatigut Jakobip ilaqutai tamarmik, Israelikkut, Egyptenimut nuupput. Tamanna pivoq Abrahamip inunngorneraniit ukiut 290-it qaangiummata.

Ukiuni 215-ini tulliusuni Israelikkut Egyptenimi najugaqarput. Josefip toqunerata kingorna tassani inussiaatinngorput. Kingornatigut Moses inunngorpoq, Guutillu taanna sakkugalugu Israelikkut Egyptenimit aniguisippai. IMMIKKOORTOQ 2-mi ukiuni 857-ini pisimasut oqaluttuarineqarput.