inûp atugassai sujumut aulajangerîgáupat?

„KINAUGALUARUVITDLŨNÎT ĸanordlũnît ilioraluaruvit,“ angut aliasugtoĸ oĸarpoĸ, „taimáitut avdlatut ajornartunik pissarput.“ ujaravimerngit igdlumit nákarput, ikíngutâ erĸordlugo toĸutdlugulo. „erssíngitsup piumassáinarâ,“ aliasugpalugtumik oĸarpoĸ.

kisiánile ilioriarfigssaĸarnata erssíngitsup piumassânit naláuneĸartarpugut? ukiune untritiligpagssuarne inuit aperĸut nalunaĸissoĸ tamána erĸarsautigiuarpât; píssutigssaĸardluarpordlo. sôrdlo kúnge Salomon ilãne oĸartoĸ: „arpagdluarnigssaĸ oĸilasût pigíngíkât, sorssugdluarnigssardlo píssarssuit pigíngíkât, neĸigssaĸarnigssardlũnît ilisimatût pigíngíkât, nákorineĸarnigssardlũnît sianisût pigíngíkât.“ (akugdlîssup oĸausê 9:11) ilimanángíkaluartunut taimáitunut suna píssutaussarpa?

píssutâ Salomonip imáitumik agdlautigâ: „taimaivfigssâlo akornusiútutdlo táukunúnga tamanut pârdláutarmata.“ inugpagssuitdle ugperissaĸarput inûp atugagssai Gûtip sujumut aulajangertarai. gûtisiornerup pînik ilíniarsimassup ukiut 1500-gssãne inûsimassup, Johannes Calvinip, pissugssat sujumut aulajangerêrsimaneránik imalũnît inûp atugagssaisa sujumut aulajangerîgauneránik imáisoringningnera inugpagssuit aulajangiúpât. palasit avdlat isumaĸarput inuit kíkut ánagtugssaussut Gûtip sujumut aulajangerêrsimagâ. erĸarsautdle tamána autdlarniutigalugo Calvinip ingerdláinaĸ túngaveĸartumik ánilârnartumigdlo erĸarsautigssiarâ inuit kíkut támartugssaussútaoĸ sujumut aulajangerîgaussut! tamána taivâ decretum horribile, tássa Gûtip „aulajangînera amîlârnartoĸ“.

inuit ilait akerdlilîvdlutik oĸarput ajoĸersûtip tamatuma Gûte ajortimut pissûtíkâ. „inorujuk aulajangersimassoĸ“ taimáisoringningnermut tamatumúnga akerdlilîssoĸ ilumũngínerarniardlugo, Calvin narrangârsimavdlune oĸarpoĸ: „nãkinartup táussuma pâsíngilâ, Gûte nâpertuivdluássusiagut píngitsûtíniardlugo patsisigssarsiûtinik kúkussunik taissinermigut Gûtip píssaunera nalikitdlisíkine.“ Calvinimut pâsigssáungivigpoĸ Gûte ajugaĸángitsoĸ piumârtugssanik tamavingmik sujumut ilisimangnerêrsimanermik pigissaĸásángitsoĸ.

pissugssat sujumut aulajangerêrsimaneránik imalũnît inûp atugagssaisa sujumut aulajangerîgauneránik ugperissaĸarneĸ inûp inôriausianut avdlatut ajornartumik súniuteĸangârsimásaoĸ. bîbilimile ajoĸersûtigineĸarpa avdlatut ilioriarfigssaĸarnata atugagssavut tamarmik sujumut aulajangerîgaussut, „erssíngitsup piumassânit“ naláuneĸartásassugut?