Atuaqqisaaqatitit Jehovap peqatigiissortaanut siulersukkit
1 ’Savaatit ataatsit’ Jesusip Juánase 10:16-imi eqqartugaasa aaqqissuussaanerannik Bibelimik atuaqqissaartartut paasitinneqartariaqarput. Annanniaraanni Jehovap peqatigiissortaanut ilaanissap pisariaqassusianik paasinninnissaannik ikiorneqartariaqarput. (sarĸúmersitat 7:9, 10, 15) Taamaattumik atuaqqissaaqatigilerneranniilli peqatigiissortanut siulersortariaqarpavut.
2 Atuaqqissaaqatit Jehovap peqatigiissortaasa suleriaasiinik amerlasuunik ilisimannillualernissaanut ikiorniaruk. Kristumiut siulliit assigalugit, ullumikkut Jehovap kiffai tamarmik ilagiinnut utoqqaanik, kiffartortunik oqaluussisartunillu ilaasortalinnut ilaapput. Ullutsinni ilagiinnut ilaasortaasut sapaatit-akunnerisa ingerlaneranni ataatsimiinnernut tallimanut najuuttarnertik nuannaarutigisarpaat. Akuttunngitsumik immikkut ajoqersuinertalimmik uppeqatinillu ilagiinnit allaneersunik nakussatsinnartumik najortigiinnissamik periarfissartalimmik ataatsimeersuarneqartarpoq. Pionereqarpoq, ajoqersuiartortitaqarluni nakkutilliillunilu angalasartoqarluni, silarsuarmilu tamarmi suliamik aaqqissuisunik Siulersuisoqatigeeqarpoq. Qanoq ilillutit atuaqqissaaqatit Jehovap peqatigiissortaani pissutsinik assigiinngitsorpassuarnik paasitinniarsinnaaviuk? Qanoq ilillutit ilagiit Bibeli najoqqutaralugu aaqqissuunneqarnerata paasinissaanut ikiorsinnaaviuk?
ATUAGASSIAARAQ „JEHOVAP NALUNAAJAASUI — ATAASIUSSUSEQARLUTIK . . .“ ATORUK
3 Atuagassiaaraq „Jehovap Nalunaajaasui — Ataasiussuseqarlutik Guutip peqqusaanik silarsuarmi tamarmi naammassinnittut“ Jehovap peqatigiissortaanut tunngasunik paasissutissanik amerlasuunik imaqarpoq. Taanna ikiortigalugu atuaqqissaaqatitit Jehovap peqatigiissortai pillugit annertusiartortumik oqaluttuussinnaavatit, suleriaasiinillu pingaartitsinissaannut ikiorsinnaallugit. Assersuutigalugu siullermik rigssalimi najugarisatsinniittumi sunik pisoqartartoq oqaluttuarisinnaavat. Tamatuma atuaqqissaaqatit ataatsimiinnernut najuunnissaanut kajumissaassavaa. Oqalugiaammut tamanut ammasumut qaaqqunnginnerani, atuagaaqqami quppernerni 14-imi 15-imilu paasissutissat misissorsinnaavasi. Assilissat isiginnaartikkit. Rigssalip isikkua sumiinneralu oqaluttuarikkit. Immaqalu rigssalip assinganik takutissinnaavat.
4 Ilageeqatigiinnut nakkutilliisup angalasartup tikinnissaa nalunaarutigineqarpat, paasissutissat quppernerni 20-mi 21-milu ittut misissornissaat iluaqutaassaaq. Oqaluuserisassi pingaarnersaat erseqqissarniarlugit apeqqutissat qupperneq 21-p ataaniittut apeqqutigikkit. Qupperneq 20-mi immikkoortoq siulleq ikiortigalugu aaqqissuussap tamatuma tunuliaqutaa Bibelimeersoq oqaloqatigiissutigisiuk. Taamaaliorussi rigsalimi najuunnissamini pissarsiaqarnerussaaq.
5 Ataatsimeersuarnerit sioqqullugit taamaalillutit paasissutissat qupperneq 19-imiittut misissoqatigiissinnaavasi. Ataatsimeersuarnerni pisartut assigiinngitsorpassuit ersersinnerukkit, inuiaqatigiinnillu assiginngitsunit malunnaatit assilissani qupperneq 18-imiittuni takuneqarsinnaasut uparuakkit. Naqitertitat nutaat pillugit assiliaq takutikkukku paasissutissat quppernerni 24-mi 25-milu ittut oqaloqatigiissutiginerusinnaavasi. Pionerisut kiffartuussineq nassuiarniarlugu quppernerni 22-mi 23-milu taaneqartut sammisinnaavatit.
PISARIAQARTITAT NAAPERTORLUGIT OQALOQATIGIISSUTEQARTARIT
6 Taamaalilluni atuagassiaaraq aallaqqaataanit misissortariaqanngilarsi. Paasissutissat pisariaqariartortillugit, pissusissamisoortumilluunniit, samminissaat ajunnginneruvoq, taamaalillunilu atuaqqissaaqatip peqatigiissortanik pingaartitsinera alliartussaaq ilagiinnullu najugarisassinniittunut ilaanissaminut kajumississaaq.
7 Angorniorlutit qularpasinnallu paasissutissat oqaluttuarisarukkit atuaqqissaaqatinnut sunniuteqarsinnaassaqaaq. Anersaakkut ilungersuagit. (ap. sul. 18:25) Tamanna ilutigalugu qulakkeerniarlugu imminut misilittassaatit ’allamik ajoqersuiniartillutit’, nammineq Jehovap peqatigiissortai pingaartinnerlugit. (Rûm. 2:21) Siunnersuutit tamakku maleruarlugit allat ’savaatinut ataatsinut’ Jesusip inuunissamut naassaanngitsumut siulersugaanut peqataanissaannut ikiorsinnaavatit.