Allat illernartuummik pingaartitsinissaannik ikiukkit
1 Naalagaaffimmik nutaarsiassamik nuannersumik oqaluussigaangatta, eqqortuliorusuttut Guutip oqaasianik pingaartitsinissaannik ikiornissaat siunertarisariaqarparput. (Fil. 3:8) Tassunga tunngatillugu atuagassiaatigut Biibililersaarutit pingaaruteqarput. Soorlu atuakkap ’paratiisilersaarutip’ inuit hundredetusindilikkuutaat Biibilip sallusuissutaanik ilinniartinneratigut Jehovamik kiffartornissaannik ikiorsimavai.
2 Oqaluussinerput atuagassianik siaruarterinerinnaanngilaq. Paqumigisaqarneq soqutiginninnginnerlu naammattortakkavut ajugaaffiginiartariaqarpavut, tusagassaq kaammattornarsinartumik tusarliunneratigut, pulaakkallu tusarnaaqqissaarneratigut taavalu ’allakkat najoqqutaralugit oqaloqatiginissaannut’ piareersimanitsigut oqaluussissutigineratigut. — ap.sul. 17:2.
3 Qanoq ililluni? Pulaakkap Biibilimik tusarliussaanillu ilumut soqutiginnissinnaanerminik nittaanissaminut aallarniinitta periarfississavaa.
Ima oqarsinnaavutit:
◼ „Ullumikkut nunarsuarmi pissutsit atuuttut pingaaruteqarneri pillugit oqaloqatigerusuppakkit. Amerlasuut Guuti Biibilimillu najoqqutaasiai soqutigiunnaavissimavaat. Isumaqarpit inuit imminnut isiginninnerannut sunniuteqarsimasoq? [Pulaakkat oqaaseqartiguk. Maannakkut pisumut innersuussisinnaavutit.] Uani Timûtiusimut agdlagkat áipait 3:1-5-imi allassimasoq malugiuk. Atuareerutsigu paaserusukkaluarpara ullumikkut silarsuarmi pissutsinut naleqquttuusorinerit. [Atuaruk; pulaakkallu oqaaseqartiguk.] Pissutsit siunissami pitsaanerulernissaannut isumaqassalluni pissutissaqarpa?“ Pulaakkap oqaloqatigiinneq ingerlateqqikkusuttungappagu, atuakkami ’paratiisilersaarummi’ uppernerit 12 aamma 13 takutissinnaavatit immikkoortunullu 12 aamma 13-imut innersuullugu. Oqaloqatigiissutigiullu inuuneq taamaattoq tamatta kissatiginnginneripput. Pulaakkat soqutiginnilluarsorigukku, atuagaq atukkiukkumasinnaavat. Tullianik aggeqqikkuvit suna atuassanerlusiuk isumaqatigiissutigisinnaavarsi. Pulaakkat soqutiginnippallaanngippat naqitaaraq Silarsuarmi nutaassami eqqissisimaarfiusumi inuunissaq neqeroorutigisinnaavat.
4 Pulaakkat meeraqarpat oqaloqatiginneq imatut aallarnersinnaavat:
◼ „Takusinnaavara meeraqartutit taamaattumik apeqquteqalaarusuppunga: ’Meeqqavit siunissaat qanoq ikkumaarnersoq eqqarsaatigisarsimaviuk?’“ Angerpat oqarsinnaavutit: „Taava immaqa aperisinnaavunga eqqarsaatitit qanoq inernilersimaneritit? Isumaqarpit silarsuaq siunissami pitsaanerulerumaartoq? [Pulaakkat oqaaseqartiguk tusarnaarluarillu.] Biibilip neriorsorpaatigut silarsuaq pitsaanerulerumaartoq. Soorlu Jesaja 33:24 aamma 35:5, 6 takoriakkit.“ Taava immikkoortoq 3-mi allassimasoq malillugu ingerlaqqigit. Pulaakkat ulapippat soqutiginninngippalluunniit, atuagassiat nutaat neqeroorutigisinnaavatit ilanngutassiamullu tulluartumut innersuussillutit naqitaararluunnit Silarsuaq manna aniguissava? neqeroorutigisinnaavat.
5 Eqqaamajuassavarput Naalagaaffik pillugu nalunaajaalluarnissaq siunertarigatsigu. (Mat. 24:14) Biibili atuagassiallu Biibililersaarutit atorluaraangatsigik, Jehovap pilluaqqusinera naatsorsuutigilluarsinnaavarput ullunimi nalorninartuni makkunani piumasaanik naammassinnikkatta. — Gal. 6:9. (kmD 9/93 Hjælp andre til at . . .)