’Tusaqqinnissaannik’ periarfississigik
1 ’Tamatuminnga tusaqqikkumaarpatsigit.’ (ap. sul. 17:32) Marsip qattorngani Paulusip oqalugiaataanik tusaamasaasumik tusartut ilaat taama oqarsimapput. Ullumikkuttaaq inuit ilaasa Naalagaaffimmik tusarliussaq tusaqqikkusuttarpaat pulaaqqinneqarnermikkut.
2 Ilinniartitsinitta annerpaartaa pulaaqqiinitsinni pisarpoq. Piareersarluartarutta angusaqarluassaagut. ’Skolehåndbog’-imi quppernerni 50-51-imi allassimavoq: „Sammisassaq siullermik iserfigilluartariaqarpat tunngavilersuutit paasilluarniassagakkit. Aalajangiulluarniassavat sooq taamaannersoq. Misileriaruk nammineq oqaatsinnik eqqarsaatit oqaatigisinnaanerlugit. Biibilimi uppernarsaatissat paasiniarluakkit. Allassimaffiit qularunnaarsitsisumik atornissaat piareersimaffigiuk.“
3 Atuagaq „Bibelen — Guds ord eller menneskers?“ kingullermik tunniussimagukku ima oqarsinnaavutit:
◼ „Kingullermik eqqartorparput sooq Biibili tatigineqarsinnaasoq. Atuakkami ilinnut tunniussanni una apeqqutigineqarpoq: ’Sooq Biibili atuarlugu?’ [Quppernermi 5-imi kapitalip 1-ip aallarniutaa atuaruk apeqqummullu kingullermut pulaakkat akili.] Biibilimi oqaatigineqarpoq ungasinngitsukkut Guutip inuiaat ajornartorsiutaat tamaasa aaqqikkumaarai, takutinneqarporlu qanoq iliortariaqartugut taamanikkussamut pilluaqqussutissat ilangeeqataaffigisinnaassagutsigik. [Tussiaat 119:105 atuaruk.] Atuagaq ilaqutariinnut ataasiakkaanullu Biibilimik atuaqqissaarnermut iluaqutissiaavoq. Takutikkusukkaluarpakkit qanoq ililluni atorneqartartoq.“
4 Kingullermik naqitaaqqamik „Suna pillugu Biibili tutsuigisinnaagit“-mik tunisimasat ima immaqa oqarfigisinnaavat:
◼ „Siunissami qanoq pisoqarnissaa tamatta soqutigaarput. Silarsuarmi pissutsit eqqarsaatigigukkit qanoq inerneqassasoraajuk? [Pulaakkat akili.] Uagut inuit eqqoriaaginnarsinnaavugut, Guutilli susoqarnissaa nalunngilluinnarpaa. [Jesaja 55:11 atuaruk.] Immaqa tupaallaatigissavat Biibilimi siulittuutigineqarmat qanittukkut nunarsuarmi paratiisiusumi pilluarluta inuulersinnaassasugut. [Quppernermi 4-mi immikkoortut pingajuat atuaruk.] Neriorsuut nuannersoq tamanna pillugu oqaluttuukkusukkaluarpakkit.“
5 „Ny Verden-Oversættelsen“-imik pisimasut pulaarukkit ima oqarsinnaavutit:
◼ „Qanittukkut Biibilimik tunivakkit, taamanilu neriorsorpakkit tamakkiisumik iluaqutigisinnaalerniassagakku ikioriartorniarlutit. Immaqa ilaannikkut eqqarsaatigisarparput qanoq ililluta inunnut allanut ajunngitsumik attaveqarneq atatiinnarsinnaanerlugu. Biibilimi pitsaasunik siunnersuuteqarpoq, tamakkulu naninissaat Ny Verden-Oversættelsen-ip ajornaallisarpaa. [Quppernerni 1587-8-mi ’asanninneq’ qupperuk. Allassimaffiit soorlu 1 Korintumiut 13:4, Kulorsamiut 3:14 aamma 1 Pîtruse 4:8 erseqqissaatigikkit. Naatsumik nassuiaruk najoqqutassianik taakkuninnga maleruaaneq qanoq pitsaasumik kinguneqarsinnaasoq.] Biibilip ajornartorsiutitsinnik aaqqiiniarnitsinni iluaqutissatsinnik atoriaannaasunik siunnersuutitaqarneranut tamanna assersuutaannaavoq ataaseq. Tulliani takutikkusuppakkit qanoq allatut Biibilip ikiorsinnaagaatigut pillualernissatsinnut isumakkullu eqqissinissatsinnut.“
6 Erlinnartuut annerpaaq allanut tunniussinnaasarput tassa Guutip oqaasianik ilisimassut eqqorluartoq. Ilisimassutip tamatuma Jehovamik mianerinnilernissaannik ilinniartissinnaavai kajumissisissinnaallugillu taassuma aqqutaatigut ingerlalernissamik, imminnut naassaanngitsumik iluaqutaasumik. — Uss. 2:20, 21. (kmD 94/11 Giv dem mulighed . . .)