Pigisavut qujamasuutigalugit
1 ’Guutilli asannissutsi uatsinnut nalunarunnaarsippaa, suli ajortuliortilluta Kristusip toqussutigimmatigut.’ (Rûm 5:8) Tamatta qujamasuutigisariaqarpavut Jehova Guutip erneratalu uagut pilluta pilliugisimasaat annertuut. Kristusip aavata kuisap periarfissippaatigut inuunermik naassaanngitsumik inuunissatsinnik, inuinnaat taamaaliorfigisinnaanngilaatigut.
2 Tamanna qanoq ililluta ersersissinnaavarput? Amerlaqaat eqqortumik ilisimassummik qilalersut, tamannalu taamaallaat Guutip oqaasiani erlinnartumi, Biibilimi nassaassaalluni. Jehovap inuit kissaatigai eqqortumik sallusuissummik ilisimasaqalernissaat. (1 Tim. 2:4) Sallusuissummik pingaartitsinerput ersersittarparput ’Nutaarsiassamik nuannersumik Guutip naaalagaaffianik oqaluussissutiginninnitsigut’. (Lúk. 4:43) Uummatsitsigut iluunngarluta suliassami tamatumani takutissavaa paasisimagipput Kristusip toqussutigisimagaatigut uagut pilluta uagullu kissaatigigipput taanna malikkumallugu aalajaalluta peqqussutaa naalakkumavarput ajoqersuganngortitsinissatsinnik. — Mat. 28:19, 20.
3 Oqaluussinissamut sunik immikkut periarfissaqarpugut? Ikiorti-pioneeriullattaarnissamik nalunaarsinnaavugut? Ilaasalu akissartik naatsorsorsimavaat pisinnaanngorsimallutillu naliginnaasumik pioneerinngornissaminnut. Immaqa aamma illit nalunaarniarlutit eqqarsaatigisimassavat kisiannili akornutissat amerlavallaarsimallutik. Pissutsit atukkatit allanngorsimappat? Ilungersorlutit pioneeritut aallartinnissat eqqarsaatigisimaviuk, imaluunnit ikiorti-pioneerisut nalunaarnissat? Immaqa kingorna piareersaasiorsinnaavutit pioneerisut kiffartulernissannut?
4 Qujamasunnerput allisarpoq avatangiisitsinni pisut isigileraangatsigik. Nakuuserneq, uumissuineq saqitsaannerillu tamani atugaapput. Paulusip ulluvut misigisartakkavut tulluartumik taasimavai ’ullussat kingulliit qaangerniarneri ajornartut’. (2 Tim. 3:1) Ajussuseqarnerup qeqqani uagut nutaarsiassamik nuanningaartumik allat avitseqatigisinnaavavut. Pitsaasunik marlunnik atuagassiaateqarpuvut, Napasuliaq Alarpernaarsuiffik aamma Iteritsi! uani qaammammi neqeroorutigisinnaasavut. Aamma atuagassiaaraateqarpugut assigiinngitsunik eqqartuisunik. Taakkua atuagassiat naqitikkat atuartoq assut qiimmallaatissarsiffigisinnaavaat. Pigisatta qujamasuutiginerisigut qisuariartissavaatigut allat avitseqatigalugit agguaassinitsigut. — Epr. 13: 16.
5 Immaqa oqaluussiffigisartakkanni inuit anersaakkut soqutigisaqarpianngillat. Kisianni sumi tamani taamaanngilaq. Allamiut oqaasilinni angalaarfissani soqutiginninnermik takutitsiviulluartarsimapput. Oqaatsinik allanik allamiutut oqalussinnaaguit, periarfissaqarputit pisariaqartitsiffiusuni ikiuinissannik? Nakkutilliisup arlaannik ajunngitsumik siunnersorluarsinnaavaatit.
6 Pissutissaqaqaagut qujamasuutiginninnissatsinnik naammattorsuarnik pitsaasunik pigisaqaratta. pitsaanerpaamik Jehovamut qujamasuutiginninnerput takutissinnaavarput allanut aqqata illernarsisinneratigut siunertaanillu ilisimalersitsinitsivut. — Jes. 12:4, 5. (kmD 95/4 Taknemmelige for det vi har)