Qanilaartunut nutaarsiassaq nuannersoq
1 Piffissami eqqartuussinissap pingajalernerani inuuvugut. (Hes. 9:5, 6) Pingaaruteqarpoq inuit qanilaartut sumiikkaluartut ilisimatinnissaat pisussat piareersimaffiginiassammatigik. Atuagassiaatitta ikiortarpaatigut ilisimaneqalersinniarlugu nutaasiassaq nuannersoq sumut tamanut siaruaannissaanut.
2 Napasuliaq Alapernaarsuiffiup Iteritsi!-llu isumassortarpaatigut aalajangersimasumik anersaakkut nerisassatsinnik nukittorsarluta kajumilersillutalu. Tunngaviunerusumik tatigilertarparput Pinngortitsisup neriorsuutaanik toqqissisimanermik eqqissinermillu silarsuassamik nutaamik pilersitsinissaa. Inunnut qanilaartunut nutaarsiassap anngunnissaanut atuagassianik agguaassineq periaatsit pilertortut ilagaat. Atuagassiani nutaani suut pitsaasut takutissinnaavavut?
3 „Vagttårnet“ 1. maajimoortoq atussallugu toqqarsimagukku, assersuutigalugu ima oqarsinnaavutit:
◼ „Aluu . . .-mik ateqarpunga, piffissama ilaa ullumikkut atorlugu inuit oqaloqatigiissutissamik eqqarsaatissarsinartumik oqaloqatigaakka, tassa piitsuussuseq ajornartorsiutigineqaleraluttuinnartoq qanoq iliuuseqarfigineqarsinnaanersoq. [Unikkallarit pulaakkallu oqaaseqartillugu.] Nassuerutigisinnaavarput Kalaallit Nunaanniittut amerlanerit amigaateqanngimmata, kisianni maluginiariaruk uani oqaatigineqartoq. [Atuagassiami tigummisanni qupperneq 3 qupperuk.] UNESCO-mi generaldirektørip kajumissaarutaa tulluartoq. [Issuagaq atuaruk.] Qaquguluunnit kikkut tamarmik amigaateqarunnaarnissaannik takorluugaq eqquutissava? Piitsunut sumik neriuutissaqarpa? [Pulaakkat akili] Atuagassiap tikkuarpaa ileqquusartoq tunngaviginagu ajornartorsiummik aaqqiissutissaqartoq, kisianni atuagassiaq tigusinnaavat namminerlu atuarlugu. [Pulaakkamut atuagassiaq isaatsiguk.] Ajorinngikkukku ulloq alla atuagassiamut qanoq isummersimanersutit assut tusarusukkaluarpara. Qanoq innikkut ilinnut ajunnginnerussava?“
4 Ilanngutassiamut „Vagttårnet“ 15. maajimoortumut immaqa pingaarnerusunik imatut saqqummiussinikkut soqutiginnilersitsisinnaavutit:
◼ „Aluu . . .-mik ateqarpunga, inuit maani oqaloqatigaakka inummut nammineq tunngassuteqarluinnartumik, tassa toqugaangatta qanoq pisoqartarpa? Tamanna eqqarsaatiginikuuiuk? [Pulaakkavit oqaaseqarnissaanik periarfissiguk.] Tamanna pillugu amerlasuut atuagassaminnik atuakkanik pisisarput. Amerlanerilli atuagaateqarput toqugaangatta qanoq pisoqartarneranik ilaatigut eqqartuisumik. Atuagaq nassarpara qularnanngilaq ilisarissagit. Tassa Biibili. Takutilaarlara apeqqutip akissutissartaa. [Nalunaajaasup oqaasii 9:5, 6-lu qupperuk allassimaffiillu atuarlugit.] Uani oqaatigineqartut qanoq isumaqarfigaagit? [Pulaakkat akili.] Biibilip aamma oqaatigaa toqusimasut neriuutissaqartut. Atuagassiami uani eqqartorneqarpoq [saqqaa takutiguk] perusukkukku tigusinnaavat. Immaqa aggeqqissinnaassaanga ilanngutassiat qanoq isumaqarfigineritit paasiniarlugu?“
5 Inussiarnersumik ilassinnillutit oqareeruit: „Aluu, . . .-mik ateqarpunga,“ ingerlaqqillutit „Vågn op!“ 8. maajimoortoq saqqummiussinnaavat:
◼ „Inuit oqaloqatigaakka apeqqummik soqutigiuaannarsimasannik: Sooq piuvugut aammalu inuuneq sumik siunertaqarpa? Illit qanoq tamanna isumaqarfigaajuk? [Pulaakkat oqaaseqartiguk oqaaseqaataanullu inussiarnersumik oqaaseqarit.] Atuagassiap uuma tikkuarpaa immaqa kukkusumut akissutissarsiniartarsimasugut. [Qupperneq 26-mi immikkoortoq 3 atuaruk.] Atuagassiaq tigusinnaavat akissutillu eqqarsaatissarsinartut atuarlugit. Immaqa taava uteqqissinnaavunga ilanngutassiap akissutai qanoq isumaqarfigineritit paasiniarlugu.“
6 Oqaluussinermi atuagassiat maajip 14-at tikitsinnagu atussagukkit, ilanngullugu naqitaaqqanik nassataqarsinnaavutit pisimanngeratarsinnaasunut neqeroorutiginiassagakku. Piareersimaffiugiuaannartariaqarpavut atuagassiaatitta agguaannissaat. (1 Tim. 6:18) Inuit qanilaartut inuuneri annaanneqarsinnaapput nutaarsiassamik nuannersumik ingerlatsinitsigut. — 1 Tim. 4:16 (kmD 95/5 Godt nyt for de sagtmodige)