Eqqortumik isumallit ujarlugit
1 Oqaluussinerup siunertaata ilagaa ’inuunermut naassaanngitsumut eqqortumik isumallit’ nassaariniarnissaat. (ap. sul. 13:48, NV) Napasuliaq Alapernaarsuiffik-mik Iteritsi!-millu agguaassineq tamatumunnga iluaqutaalluarsimavoq, tassami atuagassiaatitta inuit Naalagaaffimmik neriuutissamut tikkuartuuttarmatigik. Apriilimi atuagassiat atussavavut. Soqutiginninnermik ersersitsisut atuagaq Ilisarsineq inuunermut naassaanngitsumut sammisoq atorlugu atuaqqissaaqatigilerniassavavut. Siunnersuutit immaqa atorsinnaasatit makkuupput:
2 „Vagttårnet“-imi 1. apriilimoortumi ilanngutassiaq „Pris evighedens Konge!“, siorna ataatsimeersuarnermi tamanut ammasumik oqalugiaammik tunngaveqarpoq. Ima oqarlutit saqqummiussinnaavat:
◼ „Oqaloqatigisatta ilarpassuisa Guuti upperaat. Allallu upperiuminaatsippaat. Apeqqut tamanna illit qanoq isumaqarfigaajuk? [Pulaakkat akili.] Eqqarsaammik soqutiginartumik takutikkusuppakkit. [Tussiaat 104:24.] Biibilimi oqaatigineqarpoq Guutip piunera avatangiisitsinnit uppernarsaatissarpassuaqartoq. Assiliivik qarasaasiarluunniit takugaangatsigit ingerlaannaq akuerisarparput inummit pikkorissumit sananeqarsimasut. Taava silatusaarnerussava oqaatigissallugu suli paasiuminaannerusut, assersuutigalugu nunarsuaq inuillu, nalaatsornikkut pinngorsimasut?“ Ilanngutassiami immikkoortut ilaanni Guutip piuneranik upperinninnissamut pissutissaalluartumik taasaqarit. Pulaagaq soqutiginnippat atuagassiat neqeroorutigineqassapput.
3 „Vattårnet“-imi 15. apriilimoortumi ilanngutassiaqarpoq ima taaguutilimmik „Hvorfor den sande tilbedelse velsignes af Gud“. Saqqummiutsinnagu ima oqarsinnaavutit:
◼ „Isumaqarpit silarsuarmi ullumikkut upperisarsiornerit hundredelikkuutaat tamaasa Guutip akuerigai? [Pulaakkat akili.] Biibilip takutippaa sorlermik upperisaqarneq pingaaruteqartorujussuusoq. Tusariassagit. [Matîuse 7:21-23. atuakkit.] Tassa Jesus naapertussagaanni upperisap ilumoortup Jesusip ajoqersuutigisaata nassaarinissaa pingaaruteqarpoq. Qanorli iliorluta taamaaliussaagut?“ Pulaakkat tusarnaaruk, quppernerlu 16-mut qulequtaaraq „Frugter den sande tilbedelse må frembringe“ innersuussutigiuk, eqqarsaammullu assersuummik taasaqarit.
4 „Vågn op!“-mi 22. apriilimoortumi allaatigisaq pingaarneq, „Når vi bliver fri for al krig“, saqqummiukkukku ima oqarlutit aallartissinnaavutit:
◼ „Ukiut hundredellit makkua ingerlaneranni hundredelikkuutaanik sorsunneqartarsimavoq, ilaatigut sorsunnersuit marluk pisimallutik. Taamaakkaluartorli silarsuarmi siuttut tamarmik oqartarput eqqissinissaq kissaatigalugu. Nalunngisakka tamarmik taama oqartarput. Kisianni tamarmik eqqissinissaq kissaatigippassuk, sooq eqqissineqanngila? [Pulaakkat akili.] Eqqissineq piviusoq nunarsuarmi pissappat suna pisariaqarsoraajuk?“ Pulaakkat akereerpat qupperneq 8 aamma 9 quppersinnaavatit allassimaffiillu, soorlu Tussiaat 46:9, 10, atuarlugit. Assiliaq allassimaffiillu ilanngunneqarsimasut ikiortigalugit qanoq ililluni Guutip naalagaaffiata naassaanngitsussamut eqqissineq atuutilersikkumaaraa takutiguk. Pulaakkat aperiuk atuagassiaq atuarusunneraa, pulaaqqinnissannillu isumaqatigiissuteqarfigiuk.
5 Amerlasuut oqartarpata ulapinnerarlutik ima oqarsinnaavutit:
◼ „Aap, ullummi tamasaa ulapputissaqalaartuaannarpugut. Inuit amerlanersaat misigisarput anersaakkut eqqarsaatiginninnissaminnut piffissaqarnatik. Napasuliaq Alapernaarsuiffik aamma Iteritsi! anersaamut tunngasunut pingaaruteqartunut paasiuminartunik paasissutissaqarput. Tigusinnaavatit namminerlu nalilerlugit.“
6 Napasuliaq Alapernaarsuiffik-mik aamma Iteritsi!-mik pisut qularnanngitsumik atuarunikkik iluaqutigissavaat, tassami ’tusagassanik nuannersunik aatsimmata’. — Jes. 52:7. (kmD 96/4 Søg efter dem der er ret indstillet)