Nalunaaqutsersuineq aniguisitaanissamut ingerlasoq
1 Jehova naapertuilluartumik eqqartuussutini pitinnagu mianersoqquseqqaartarpoq, inuillu qanilaartut aniguinissaannik aqqutissiuuttarlugit. Hesekielip nalaani inuit ilaat maajunnartunut suliarineqartunut anersaarulullutillu kappialaatiginnissimapput. Jehovap taamaattut aniguisitaanissaannut nalunaaqutsersorneqarnissaat isumagisimavaa. (Hes. 9:4, 6) Ullumikkut oqaluussineq assingusumik siunertaqarpoq, uagullu pingaaruteqartumik peqataaffigisinnaavarput.
2 Inuit peqqusersuitsut nassaarineqarneri alloriarneruvoq siulleq. Tullinnguuttussaq tassa pulaaqqiineq. Pulaaqqiinissami ajunngitsumik kinguneqarniassappat uagut qanoq piareersarluartigisimanissarput qanorlu oqarnissarput iliornissarpullu apeqqutaasorujussuuvoq.
3 Pulaakkat siullermik „Vagttårnet“ 1. maajimoortoq pisimappagu immaqa ima oqarsinnaavutit:
◼ „Aluu. Nuannaarutigaara naapeqqissinnaagakkit, takoqqinnissat qilanaarisimavara. [Pulaagaq periarfissiguk oqaaseqartinnissaanik.] Pissanngatigisimavara tusassallugu atuagassiami kingullermik uannik pisanni maluginiarsimanerit silarsuarmi piitsuussutsip immikkut ittumik qanoq aaqqinneqarnissaa. [Pulaakkat tusarnaarluaruk. Qupperneq 5-imi assiliaq takutiguk.] Siullermik innersuussutigineqarsimavoq immini ajornartorsiutit annertunerusut annikillisinneqarsinnaasut Biibilimi najoqqutassiat atoriaannaasut malinnerisigut. [Assiliartaata oqaasertai atuakkit.] Aappaattullu eqqaaneqarsimalluni ataasiakkaat siunissamik neriuutissaqarnissaminnut atorfissaqartitsisut. Taamaassorinngiliuk? [Pulaagaq oqaaseqartilli.] Biibilimi siunissaq neriorsuutigineqartoq innersuussutigineqarsimavoq. [Qupperneq 6-mi ataani, talerpillermi, uanngaannit „Den fattige skal ikke for bestandig . . .“ immikkoortullu sinneranut.] Tamannaana silarsuarmut neriuut Jehovap nalunaajaasuisa siaruaanniagaat. Piumaguit sulilu annertunerusumik paasisaqarusukkuit, aggeqqissinnaavunga. Ulloq suna ilinnut ajunnginnerussava?“
4 Pulaakkanni siullermi eqqartorsimagussiuk toqugaangatta qanoq pisoqartarnera, oqaloqatigiinnersi ima nangissinnaavat oqarlutit:
◼ „Aluu, naapeqqissinnaagakkit nuannaarutigeqaara. Kingullermik eqqartorparput toqusimasunut neriuutissaqartoq. Immaqa maluginiarsimassavat Lazarusip makisitaanera pillugu pisimasoq? [Pulaakkat akili.] Lazarusip makisitaanngitsiarnerani pissaganartumik oqaloqatigiittoqarsimavoq [Juánase 11:23-27-mut atuakkit.] Martap toqusunit makisitaanissaq upperisimavaa? [Pulaakkat akili.] Aap, qularutissaanngilaq. Kisianni sooruna qularutiginngilluinnaraa Jesusip toqusimasut makitissinnaagai? [Pulaakkat akili.] Jesusimut upperinnilersimavoq. Ilisarisimavaa aammalu tusarsimallugu Biibilimiit tusagassaq oqaluussissutigigaa. Uppilissutigisaa Biibilimi uagutsinnut ullumimut allaat atatinneqarsimavoq. Una atuagaq — Biibili tunngavigalugu allanneqarsimavoq — eqqartorpaa uagut qanoq upperinnilersinnaasugut neriuuteqalersinnaasugullu inuunissamik naassaanngitsumik. [’Paratiisilersaarut’ takutiguk.] Qanoq isumaqarfigissaviuk tamanna pillugu erseqqissaavigineqarneri naatsumik misissuataarnissaat?“
5 „Vågn op! 8. maajimoortoq kingullermik saqqummiussineq naatsoq atussagukku ima ingerlaqqissinnaavutit:
◼ „Kingullermik oqaloqatigiikkatta eqqartorparput inuunerup siunertaa ilumut nassaarineqarsinnaanersoq . . . Ilanngutassiami immaqa maluginiarsimassavat Jesusip misilittagarisimasaa innersuutigineqarsimasoq . . . Isumaqarpunga uanga soqutiginartuusoq Jesusip tunngaveqartumik paasisaa. Qupperneq 27-mi innersuutigineqarsimavoq Matîuse 4:4. [Issuagaq atuaruk.] Jesusip nassuerutigaa inuuneq siunertaqassappat anersaakkut tunngaveqartariaqartoq. Kisianni inuunitsinni tamanna pisinnaava? [Akissutissamik utaqqigit.] Qupperneq 27-mi Jesusip oqaatiga suup inuunera siunertaqalersissimagaa. [Issuagaq atuaruk Juánase 4:34-miit.] Apeqqutaalerpoq Guutip piumasaa sunaanersoq. Tullianik aggeqqinnissannut eqqarsaatigisinnaavat. Taava Biibilimiit takutissinnaassavakkit akissutissaanik.“
6 Allat aniguisitaanissamut nalunaaqutsersorneqarnerinut peqataarusuppit? Ajunngitsumik kinguneqassappat ’kiffartuutigisatta naammatsillugu kiffartuutiginissaanut’ piareersarluartariaqarpugut pilertortumillu soqutiginninneq malittaralugu. — 2 Tim. 4:5. (kmD 95/5 Et mærkningsarbejde der fører til udfrielse)