Allat paasinnissinnaaqqullugit ikiukkit
1 Apustilip Peterip nassuerutigisimavaa Biibilimi allassimasut ilaat ’paasineq ajornartunik ilaqartartut’. (2 Pît. 3:16) sarĸúmersitat pillugit aamma inuppassuit taama misigisimapput. Qanorli paasisariaqarnersoq atuakkami Åbenbaringen — Det store klimaks er nær!-mi peqqissaartumik nassuiarneqarpoq. Qanoq ililluta soqutiginnittut sapinngisamik annertuumik atuakkamik iluaqutiginninnissaannik ikiorsinnaavavut?
2 Pulaakkami siullermi sarĸúmersitat 1:3 eqqartorsimagussiuk eqqarsaat immaqa manna soqutiginninnerulersitsisinnaavoq:
◼ „Kingullermik oqaloqatigiissutigaarput qanoq ililluta sarĸúmersitat paasinerisigut pillualersinnaasugut. Pilluarnerli tamanna imaaliinnarlugu angusinnaanngilarput. Minnerpaamik marlunnik piumaffigineqarpugut: Biibili misissortariaqarparput, ilikkakkavullu atortariaqarlutigit.“ Jâko 1:25 atuaruk oqaaseqarfigalugulu. Qupperneq 8-imi immikkoortoq 9 qupperuk takutillugulu qanoq ililluni sarĸúmersitat paasinninnerup silarsuarmi nutaami paratiisiusumi pilluarneq angussagaanni suup pisariaqarneranik ilikkartissinnaagaatigut.
3 Kingullermik Juánase 17:3 atorsimagukku Biibilimik annerusumik ilisimasaqalernissamik pisariaqartitsineq erseqqissarsinnaavat ima oqarlutit:
◼ „Kingullermik maaniikkama Juánase 17:3-mi atuarparput Guutimik ilisarsineq inuunermik naassaanngitsumik kinguneqarsinnaasoq. Kisianni silarsuarmi maani pissutsit ullumikkutut itsillugit naassaanngitsumik inoorusussinnaavit? [Pulaakkat akili, akissutaanullu oqaaseqarit.] Pissutissaqarluarpugut Guutip neriorsuutigisaanut qilanaarutiginninnissatsinnut.“ Qupperneq 303-imi immikkoortoq 6 takutiguk; sarĸúmersitat 21:4 atuarlugu, nassuiarlugulu silarsuaq qanoq ikkumaartoq ’siulliit peerpata’. Aggeqqikkumagit oqaloqatigiissutigisarsilu nangeqqikkumallugu.
4 Qupperneq 302-imi assiliaq atorsimagukku qanoq ililluni Guutip naalliunneq atorunnaarsikkumaaraa takutillugu, taanna quppeqqissinnaavat imalu oqarlutit:
◼ „Kingullermik oqaloqatigiissutigaavut Guutip aqutsinerata ataani pilluaqqussutissat inuit angujumaagassaat. Kisianni naalagaaffiup tamatuma ataani inuusinnaatitaalersinnaassagaanni suna pisariaqarsoraajuk? [Pulaakkat akili.] Biibilip nalaani inuusimasut ilaat maligassiuilluarsimapput uagut iluaqutigalugit malissinnaasatsinnik.“ apustilit suliait 17:11 atuaruk, tassani erseqqissarneqarmat ’ullut tamaasa allakkat misissornissaat’ pisariaqartoq. Nassuiaaguk Jehovap nalunaajaasuisa inuit peqqusersuitsut ikiortaraat Guutip oqaasiinik pitsaanerusumik paasitinniarlugit.
5 Oqaloqatiginissaanut piffissaqarsimanngitsumut, naqitaaqqamillu „Silarsuaq manna aniguissava?“-mik qimatsivigisimasannut ima oqarsinnaavutit:
◼ „Kingullermik maaniikkama ulapissimavutit. Naqitaaqqamik qimatsivigisimavakkit, tassanilu apeqquserneqarpoq ullumikkut allanngornersuit annertuut silarsuup matuma anigussanerai. Tassani naqitaaqqami allassimaffiit ilaat atuakkami Åbenbaringen — Det store klimaks er nær!-mi sammineqarpoq. [Qupperneq 303-imi immikkoortoq 6-imi allassimaffik atuaruk.] Assilissap matuma [qupperneq 302-mi] ’Guutip qulliit tamaasa inuit isaannik allarterpagit’ qanoq ikkumaarnissaanik isumassarsisissavaatit. Atuagaq una neriorsuutip tamatuma qanittukkut eqquunnissaanik qularutissaanngitsumik nalunaajaateqarpoq. Atuarusussinnaagukku pisinnaavat.“
6 Inunnut soqutiginninnermik ersersitsisunut kingorna atuagaq Ilisarsineq inuunermut naassaanngitsumut sammisoq innersuussutigineqarsinnaavoq, taannalu ikiortigalugu atuaqqissaaqateqalerluni. ’Paasisakitsunik siuneqalersitseqataanerit’ nuannaarutigingaassavat. — Tuss. 119:130. (kmD 96/02 Hjælp dem til at få forståelse)