Saqqummiussinerit sunniuteqartartut
1 Saqqummiussineq sunniuteqarluassappat, pulaakkamut paasinarsarluartariaqarpoq oqaluuserisaq taassumunnga namminermut pingaaruteqartuusoq. Taamaattumik saqqummiussinissatsinnut piareersaraangatta imminut ima aperisariaqarpugut: ’Inuit angalaarfigisartakkanniittut suna soqutiginartinnerpaassavaat? Suna pisariaqartippaat? Inuit ullumikkut soqutigilluinnagaat ataani taagorneqarput. Siunnersuutit taakku ilaat, assigisaalluunniit, atorsinnaassaviuk? Malugiuttaaq ’Åbenbaringsbogimi’ sammineqartut ilaat qanoq ililluni saqqummiussamut ilanngunneqarsinnaasut.
2 Pilluannginnermik isumakuluutiginninneq: „Inuinuku oqaloqatigisaqattaarivut pitsaasumik inuuneqarneq pillugu. Immaqa illit nammineq eqqarsaatigisimavat pitsaasumik inuuneq qanoq paasisariaqarnersoq qanorlu ililluni anguneqarsinnaanersoq? [Pulaakkat akinissaanut piffissaqartiguk.] Aap, inuppassuit taama isumaqarput. Inuiaqatigiit ataatsimut qiviarutsigik ersarippoq pigissaarluni inuunerup assigiinnanngikkaa pilluarluni inuuneq. Taamaattumillu pillualernissamut imaluunniit pitsaasumik inuulernissamut pissut, inuppassuit isumaat naapertorlugu immikkorluinnaq ittoq, innersuussutiginiarpara. [sarĸúmersitat 1:3 atuaruk oqaaseqarfigalugulu.] Tamanna illit qanoq isumaqarfigaajuk? [Pulaakkat akili.] Bibelip qanoq ililluni inuunitsinnik pitsaanerulersitsisinnaaneranik assersuummik takutilaarlakkit.“ sarĸúmersitat 21:3, 4 atuaruk nassuiarullu siunissamik isumalluarfiginninneq qanoq ililluni maannakkut inuunermi nuannaarnermik annerulersitsisartoq. Taava ’Åbenbaringsbogimi’ qupperneq 302-mi assiliaq takutiguk.
3 Siunissamik isumakuluutiginninneq: „Inuinuku oqaloqatigisaqattaarivut inuit tamatta soqutigisarput pillugu, tassa siunissarput. Illit siunissaq qanoq isigaajuk? [Pulaakkat akili.] Bibeli naapertussagaanni isumalluarnissamut pissutissaqarpugut, tassa sarĸúmersitat 1:3-miittoq malikkutsigu.“
4 Nappaatinik isumakuluutiginninneq: „Inuppassuit peqqissuunissartik suliniutigisartorujussuuaat, taamaakkaluartorli napparsimalertarlutik. Illit nuannerunartissinnaaviuk silarsuarmi inuit tamarmik peqqilluinnarfigisaanni inuusinnaasuuguit? [Pulaakkat akili.] Ilumoorputit, tamanna upperiuminaappoq, pissutsilli taamaattorpiaat Bibelimi sarĸúmersitat-ni eqqartorneqarput, oqaluttuarineqarporlu pissutsit taamaattut qanittukkut atuutilerumaartut.“ sarĸúmersitat 21:3, 4 atuaruk. Taava ’Åbenbaringsbogimi’ qupperneq 308-9-mi assiliaq takutissinnaavat.
5 Mingutsitsinermik avatangiisinillu isumakuluutiginninneq: „Sanilitit oqaloqatigigakkit malugaara amerlasuut avatangiisinik soqutiginnittut. Illit isumaqarpit nunani assigiinngitsuni naalakkersuisut silaannarmik, immamik inuussutissanillu assigiinngitsunik mingutsitsinermik qaquguluunniit unitsitsisinnaassasut? [Pulaakkat oqaaseqarli.] Tamatumunnga atatillugu Bibelimi allassimasoq nuannaajallannartorujussuaq ilinnut takutilaarlara.“ sarĸúmersitat 11:18b atuaruk. Guutip nunamik aseruisut suujunnaarsiinnassanngilai, aammali siunertaraa inuit qanilaartut nunarsuaq paratiisinngortissagaat, soorlu Tussiaat 37:10, 11-mi imaluunniit Jesaja 65:21, 22-mi eqqartorneqartoq.
6 Inuit upperisarsiortut: „Inuinuku oqaloqatigisaqattaarivut apeqqut soqutiginartoq pillugu: Isumaqarpit siunertaasoq sarĸúmersitat-nik paasisaqarsinnaanissarput, imaluunniit isumaqarpit inunnut amerlanernut paasissaanngitsuujuaannartariaqartoq? [Pulaakkat akili.] Aap, inuppassuit taama isumaqarput. Malugeriaruk Bibelimi namminermi qanoq oqaatigineqartoq, tassa sarĸúmersitat 1:3-mi.“
7 Ilumoorlutit inuit uummataannik killiinissat ilungersuutigigukku, sallusuissummik naapertuilluarnermillu qiisasut tusarnaassavaatsit. — Mat. 5:3, 6. (km 92/3 Præsentationer der virker)