Nutaarsiassamik nuannersumik saqqummiussineq nalitta ilungersornassusianik qularinninngilluinnarluni
1 Guutip naalagaaffianik neriorsuutit pingaartilluinnarlugit takutittarparput uummatikkut iluunngarluta kristumiut nalunaajaasarnerannut peqataasarnitsigut. Suliamut tamatumunnga peqataasariaqarpugut nalitta ilungersornassusianik qularinninngilluinnarluta. Sooq? Sulisussat ikeqimmata, pissutsit aaqqissuussaanerata matuma ajortup piuneerussaanissaa qanilliartormat, aamma angalaartarfitsinni najugaqartut inuunissaat tassani pineqarpoq. (Hes. 3:19; Mat. 9:37, 38) Akisussaaffik annertooq tamanna eqqarsaatigalugu sapinngisarput tamaat pitsaanerpaamik kiffartuussisariaqarpugut. Oqaluussiartortarnitsinni nalitta ilungersornassusianik qularinninngilluinnarnerput qanoq takutissinnaavarput? Saqqummiusseriaatsinut pitsaasumik piareersarnitsigut, eqiasuilluta inuit sumiiffigisaanni naapinniartarnerisigut, soqutiginninnermik ersertitsisut tamaasa eqqortumik allattortarnerisigut, soqutiginninneq malittariniarlugu pilertortumik aggeqqittarnikkut eqqaamallugulu kiffartuussinerput ilumoorutissagipput inuit inuunerat tassani pineqarmat. Siunnersuutit tulliuttut ikiussavaatigut februaarimi nalitta ilungersornassusianik qularinninngilluinnarluta nutaarsiassamik nuannersumik saqqummiussinissatsinnut piareersalerutta. Atuagaq Åbenbaringen — Det store klimaks er nær! neqeroorutigissavarput.
2 Immaqa najukkanni ajornartorsiut naatsumik aallarniutigeriarlugu ima oqarsinnaavutit:
◼ „Inuppassuit Guuteqarnera upperigaluarpaat, isumaqarnatilli soqutigigaatigut imaluunniit siunissarput soqutigigaa. Illit aamma tamanna eqqarsaatigisimaviuk? [Pulaakkat akili.] Nalunngiliuk Guutip inunnut siunertaa Biibilip ersarissumik allaatigimmagu aammalu naammassiniarlugu qanoq iliuuseqassasoq?“ Atuakkami ’Åbenbaringensbog’-imi qupperneq 301 qupperuk. Immikkoortoq 1-imi sarĸúmersitat 21:1 immikkoortumilu 2-mi naggataata tungaani nassuiaasiunneqarsimasoq atuaruk. Assiliaq qupperneq 302-miittoq qupperiaruk takutinniarlugu siunissaq qanoq ikkumaarnersoq. Immikkoortoq 6-imi sarĸúmersitat 21:4 atuaruk. Pulaakkat ajunngitsumik qisuariarpat atuagaq neqeroorutigisinnaavat. Oqaloqatigiinnerup qaqugu nangeqqinnissaa isumaqatigiissutigiuk.
3 Pulaaqqikkuit oqaloqatigiinneq sarĸúmersitat 21:1, 4 tunngavigalugu ingerlateqqissinnaavat naatsumik ima saqqummiussillutit:
◼ „Kingullermik eqqartorparput nunami inuiaqatigiinnik nutaanik pilersitsinissaminik Guutip neriorsuutaa. [Atuakkami ’Åbenbaringsbog’-imi assiliaq qupperneq 302-miittoq innersuussutigeqqiguk.] Ilaquttatillu pissutsit taama ittut misigerusussinnaassagaluarpisigik? [Pulaakkat akili.] Apeqqutaavoq Guutip neriorsuutai qanoq tatiginartiginersut. Nammineq qanoq oqarnersoq malugiuk.“ Qupperneq 303-mi immikkoortoq 8-mi sarĸúmersitat 21:5, 6a atuakkit. Qupperneq 303-mi immikkoortoq 9-mut apeqquteqarit akissutaalu atuarlugu immikkoortumilu oqaaseqaatit kingulliit ilanngullugit. Akeqanngitsumik angerlarsimaffimmi atuaqqissaaqateqartarneq neqeroorutigisaripput eqqaajuk aggeqqinnissallu takutikkumallugu isumaqatigiissuteqarfigalugu.
4 Inuppassuit ajornartorsiutit annertusiartuinnartut inuiaat atugaat pillugit ernumassuteqarmata, pulaaqqaarnermi ima oqarsinnaavutit:
◼ „Naapitama tamangajammik ajornartorsiutit erloqissutigisavut ernumassutigaat. [Ilaannaannik eqqaasaqarit.] Ukiorpassuarni naalakkersuisut aaqqiissutissanik inaarutaasussanik naammassinnikkumallutik neriorsuuteqartarsimapput ilaasalumi neriorsuutitik naammassiniartaraluarpaat. Pissutsit ajorsiartuinnarnerannut suna pissutaasoraajuk? [Pulaakkat akili.] Amerlanerit eqqarsaatigisimanngisaannagaannik Biibilip nassuiaatissaqartippaa. Biibilimi sarĸúmersitat-ni eqqartorneqarpoq qilammi sorsuuttoqarsimasoq. Malugeriaruk uani sarĸúmersitat 12:9 naapertorlugu qanoq kinguneqarsimasoq.“ Versi atuaruk taavalu atuakkami ’Åbenbaringsbog’-imi qupperneq 182 qupperlugu. Assiliaq najoqqutaralugu Satan nunami pissutsinut qanoq sunniuteqartoq nassuiaruk. Pulaakkat soqutiginninnivimmik ersersitsippat atuagaq neqeroorutigisinnaavat. Aggeqqinnissat pilersaarusioruk inuiaat ajornartorsiutaat qanoq Guutip aaqqikkumaarai eqqartorumallugu.
5 Aggeqqinnissannik neriorsuisimaguit ajornartorsiutit Guutip qanoq aaqqikkumaarai nassuiarumallugu ima oqarsinnaavutit:
◼ „Pulaaqqinnissat qilanaarisimavara eqqartoqqinniassagatsigu inuiaat atugaannut ajornartorsiutinut aaqqiissutissamik piviusumik pilersitsisoqassappat suna pisariaqartoq. Kingullermik maaniikkama takuarput Satan Diaavulu Biibilimi eqqaaneqartoq inuit najugaanni tamani tammartitsiniartoq. Inuinnarnit inornartutut illuni anersaajunera eqqarsaatigissagutsigu isumaqarpit sunniisinnaanera unitsinneqarsinnaasoq? [Pulaakkat akili.] Malugiuk Biibilimi qanoq allassimanersoq.“ sarĸúmersitat 20:1-3 atuakkit nassuiarlugillu. Atuakkami ’Ilisarsineq’-mi quppernerit 4-mi 5-imilu assilissat ikiortigalugit takutissinnaavat Satan sunniisinnaajunnaarsinneqarpat pissutsit qanoq ittuujumaarnersut. Toqqaannartumik Biibilimik atuaqqissaaqatiginissaa neqeroorutigiuk.
6 Inuppassuupput avatangiisinik illersuiniartut taamaattumillu oqaloqatigiinneq immaqa ima aallarnerlugu oqarsinnaavutit:
◼ „Maluginiarsimavara amerlanerit silaannarmik, imermik inuussutissanillu mingutsitsineq ernumassutigigaat. Nunat ilaasa avatangiisiat aarlerinartorsiortinneqalereersimapput. Guuti nunarsuarmik pinngortitsisuunera eqqarsaatigalugu qanoq iliuuseqassasoraajuk? [Pulaakkat akili.] Biibilip oqaluttuuppaatigut Guutip naatsorsuiffigiumaaraatigut nunarsuarmik qanoq atuinerput tunngavigalugu. [sarĸúmersitat 11:18b atuaruk.] Takorlooriaruk nunami mingutsinneqanngitsumi inuuneq!“ Guutip paratiisissamik neriorsuutaa sarĸúmersitat 21:3, 4-imi allaaserineqarsimasoq erseqqissarnerujuk. Atuakkami ’Åbenbaringsbog’-imi qupperneq 302-mi assiliaq takutiguk. Pulaakkat soqutiginnippat atuagaq neqeroorutigineqassaaq pulaaqqinnissamillu isumaqatigiissuteqarluni.
7 Nunamik paratiisissamik soqutiginninnermik ersersitsisimasumut pulaaqqiiguit ima oqarsinnaavutit:
◼ „Kingullermik maaniikkama isumaqatigiippugut mingutsitsinermik ajornartorsiut aaqqinneqassappat Guuti iliuuseqartariaqartoq. Una apeqqutaavoq: Qanoq iliortariaqarpugut nunami nutaami naapertuilluartumi Guutip pilersitassaani inuussagutta?“ Juánase 17:3 atuaruk. Pulaakkat angerlarsimaffimmi akeqanngitsumik Biibilimik atuaqqissaaqatiginissaanik neqeroorfigiuk ilisarsissutigisinnaasaanik.
8 Immikkut pisinnaatitaaffissuuvoq nalitsinni katersuinermi sulisorineqartunut ilaasinnaaneq inuunermillu annaassiniarnermik oqaluussissutiginninnermut peqataasinnaaneq. Qanortoq tamatta aallussilluarluta nutaarsiassaq nuannersoq saqqummiuttuartigu nalitta ilungersornassusianik qularinninngilluinnarluta, ’suliniarnivut asuliinnaanngitsut ilisimagatsigik’. — 1 Kor. 15:58.