sarĸúmersitat — pilluarnermut piviusumut matuersaat
1 Apustili Johannesip sarĸúmersitat 1:3-imi oqaasii uatsinnut nutaarsiassamik nuannersumik imaqarput, tassani paasitinneqaratta qanoq ililluta pilluarneq nanisinnaagipput. Ima allappoq: ’Pilluarput takorluukkersaarutit makkua oqaasiinik atuaasorlu tusaasullu, taakkunanilu allassimasunik toqquisut.’ Atuakkap Åbenbaringen — Det store klimaks er nær!-p amerlasuut pilluarnissaannut ikiorsimavai. Atuakkap allanut neqeroorutiginissaanut pissutissaqarluarpugut.
2 Immaqa inussiarnersumik ilisariteriarlutit oqaloqatigiinneq ima aallarnersinnaavat:
◼ „Kikkut tamarmik pilluarusukkaluarput, kisianni amerlanersatta nassuerutigisariaqarparput tamanna imaaliallaannaq angusassaanngitsoq. Pilluarneq anguneqassappat suna pisariaqarsoraajuk? [Pulaakkat akili, oqaasiinullu akigit.] Immaqa isiginnittariaatsimik qaqutigoortumik eqqaasaqarusuppunga. [sarĸúmersitat 1:3 atuaruk.] Uani allassimavoq sarĸúmersitat tusarliussai atuaraanni, paasigaanni maleruaraannilu pilluarneq anguneqarsinnaasoq. Qanoq tamanna pisinnaava?“ Qupperneq 6-imi immikkoortoq 2-mi eqqarsaatit ilaat sammikkit, imalu oqarlutit: „Tamanna misilikkusunngiliuk? Atuakkap sarĸúmersitat versimiit versimut sammivai, isumaqarpungalu pissanganartittorujussuussagit. Atuagaq perusukkukku pisinnaavat, taamaanngippat taava tulliani aggeqqikkuma tunniutiinnarumaarpat.“
3 Inuppassuit maanna pigisat tungaasigut ernumassuteqarmata, immaqa ima oqaruit soqutiginnilersitsisinnaavutit:
◼ „Inuup pisariaqartinnerpaasaa sunaassoraajuk? [Pulaakkat akili.] Amerlasuut isumaqarput pigisatigut ajunngitsorsiassanik amerlanerusunik pisariaqartitsisugut.“ Qupperneq 73 qupperuk ungalusamiittorlu „Materialisme kontra visdom“ (nunap piinik pingaartitsivallaarneq ilisimassuserlu) pingaarnersiorlugu sammillugu. Taava ima oqarsinnaavutit: „Tamatuma takutippaa pigisalerituneqarpallaartoq; anersaakkut pisariaqartitavut samminerusussaagaluarpavut. Eqqortumik ilisarsinissarput pisariaqartipparput. Kisianni sumut ilisarsineq?“ Juánase 17:3 atuaruk nassuiarlugulu Guutimik ilisarsineq qanoq inuunermik naassaanngitsumik kinguneqarsinnaasoq. ’Åbenbaringsbogen’ neqeroorutigiuk, eqqaallugulu tullianik aggeqqikkuit atuakkami inuit tamarmik pisariaqartitaannik matussutissiinissamut atatillugu Guutip siunertai pillugit paasissutissanik takutikkumallugu.
4 Inuppassuit silarsuarmi pissutsit eqqissiunnaarutigaat, taamaattumillu ima oqarsinnaavutit:
◼ „Oqaloqatigisakka tamangajammik siunissaq pillugu ernumassuteqarput. Suna ilimagisinnaagipput illit qanoq isumaqarpit? [Pulaakkat akili.] Naak inuit ilungersorlutik iliuuseqarsimagaluartut, sumi tamaani suli nakuusernermik naalliuutinillu ulikkaarpoq. Ajornartorsiutinut tamakkununnga aaqqiissutissamik ataavartussamik Biibili kisimi neriorsuuteqarpoq. [2 Pît. 3:13 atuaruk. Assiliarlu qupperneq 302-miittoq takutiguk, nassuiaallugulu qanoq ililluni Guutip qilammi naalagaaffia nunarsuarmut ataavaartumik eqqissinermik isumannaassusermillu pilersitsiumaartoq.] Atuakkap uuma paasitissavaatit qanoq ilillutit inunnut Guutip naalagaaffiata naalakkersuinerani naassaanngitsumik inuusussanut ilaalersinnaasutit.“
5 Pulaakkat ulapippat naatsunnguamillu oqassaguit ima oqarsinnaavutit:
◼ „Takusinnaavara ulapittutit, naqitaaraq una taava tunniutiinnassavara: „Silarsuaq manna aniguissava?“ [Imaluunniit atuagassiat ilaanni ilanngutassiamik tassunga tulluartumik takutiguk.] Atuarnissaa innersuussutigerusuppara, tulliani aqqusaaruma qanoq isumaqarfiginerit tusarusukkaluarpara.“
6 Pulaakkatta apeqqutigippagu sulinerput qanoq aningaasalersorneqarnersoq naatsumik oqaluttuunneqarsinnaavoq nammineq piumassutsimik tunissutitigut aningaasalersorneqartoq. Soqutiginnittoq tunisiniarpat immikkut tunissutinut puussamut oqaluussisartunut tamanut agguaanneqareersimasumut ikineqarsinnaavoq. Kikkut tamarmik ’Åbenbaringsbog’-imik pisimasut pilluaatigingaassavaat siulittuutit tupinnangaartut sarĸúmersitani allanneqarsimasut paasilerunikkik. — Uss. 3:13. (kmD 96/02 Åbenbaringen — en nøgle til sand lykke)