Tullit sallusuissummik oqaloqatigiuk
1 Inatsisit annerit aappaat imaappoq: ’Tullit ilittut asassavat.’ (Mat. 22:39) Asanninnerup taamattup pigisatta pitsaanerpaartaannik tullitsinnut avitseqatigitissavaatigut, tassa sallusuissut Guutip oqaasianeersoq. Napasuliaq Alapernaarsuiffik Iteritsi!-lu Biibilip sallusuissummik oqariartuutaanik tunngavilersuimmata, atuagassianik taakkuninnga maajimi agguaaneq ’sallusuissummik inoqatitsinnut oqalunnissatsinnut’ periaasitta ilagissavaat. — Evf. 4:25 NV.
2 „Vågn op!“ 22. apriilimoortoq saqqummiunneqassaaq nunguutsinissatta tungaanut. Aallarniillutit ima oqarsinnaavutit:
◼ „Silarsuaq sorsuffiunngitsoq qanoq isumaqarfigissaviuk? [Pulaakkat akili.] Nalunngiliuk silarsuarmi upperisarsiornerit sorsunnernik toqutsinernillu siuarsaaqataasut? [Pulaakkat akili.] Tamatuma akerlerluinnaanik Biibilimi Guutip pallorfiginnittai ilumoortut pillugit soqutiginartumik allassimasoqarpoq.“ Atuagassiami Jesaja 2:2-4 (qupperneq 4-imi qullerpaaq) atuaruk taavalu qulequttap ataani immikkoortoq siulleq (qupperneq 10-mi) „opfordring til alle fredselskende“ atuaruk. Taava aperigit: „Guuti qanoq taamaaliorumaartoq nalunngiliuk? Akissut atuagassiamiippoq, unalu pisinnaavat.“
3 „Vagttårnet“ 15. maajimoortoq saqqummiukkukku tusagassiuutitsigut nutaarsiassani qanittukkut pisimasumik inuit akornanni eqqissiunnaarutaasumik siooralissutaasumillu eqqaasaqarsinnaavutit, taava ima aperalutit:
◼ „Toqqissilluta inuussagutta suna pisariaqarsoraajuk? [Pulaakkat akili.] Inuit ajornartorsiutitsinnik aaqqiisinnaanissaat tunaartarissallugu piviusorsiornerua? [Pulaakkat akili, taavalu Tussiaat 146:3 atuaruk.] Tussiaammik allattup siunissami isumalluarnissatsinnik pissutissaqarluartippaatigut. [Tussiaat 146:5, 6.] Ilanngutassiap matuma, „Sand tryghed, nu og for altid“, nassuiarpaa sooq Jehova Guuti nunarsuarmi pissutsinik ajunnginnerusunik pilersitsiumaartoq tatigisinnaagipput.“ Atuagassianik neqeroorfigiuk aggeqqikkumanerillu eqqaajuk eqqartorumallugu maannakkut allaat toqqissilluta inuusinnaalereersugut.
4 „Vågn op!“-mi 22. maajimoortumi ilanngutassiat pingaarnerit illumiit illumut niuerniariartarfinnilu naapitatta soqutigissavaat. Ima aallarniillutit oqarsinnaavutit:
◼ „Arnarpassuit suliffimmi arneriniarfigineqartarput. Eqqartuussisut pisuusunik pillagassaatitsinerulersimapput pinerlineqarsimasunullu taarsiititsinerusalersimallutik. Tamanut iluaqutaasussamik nalunaarusiaq una saqqummersissimavarput, tiingaffigineqartarnerit pillugit nalinginnaasumik oqaatiginiarneqartartut eqqunnginneranik takutsisoq. Ilanngutassiat aamma siunnersuutinik atoriaannaasunik imaqarput arnat angutillu tiingaffigineqarnermik eqqorneqannginnissaannik imaluunniit taamaaliortutut pisuutinneqannginnissaannik iluaqutaasunik. Vågn op! una ilinnut tunniukkusuppara.
5 Saqqummiussineq naatsoq atorumanerugukku ima oqarsinnaavutit:
◼ „Atuagassiat marluk atuarlugit nuannarisimasakka neqeroorutigerusuppakka. [Napasuliaq Alapernaarsuiffik Iteritsi!-lu takutikkit.] Taakkunani assigiinngitsorpassuit sammineqartarput Biibilillu pingaaruteqarnera innersuussutigisarlugu — aamma ullumikkut uagutsinnut inuusunut.“ Pulaakkap atuagassiat tiguppagit tullissai aggiukkumasinnaavatit taamaalillutillu pajuttagaqalerlutit.
6 Aallussilluarluta tullitsinnut sallusuissummik oqaloqatiginnikkutta amerlasuut nuannaartingaarsinnaavavut. — ap. sul. 8:4, 8. (kmD 5/96 Tal sandhed . . .)