Isumalluarnartumik nutaarsiassaq nuannersoq saqqummiupparput
1 Kikkulluunniit tamarmik naammassisaqarlutik misigerusuttarput suliaminnullu nuannaarutissarsiffiginnikkumasarlutik. Minnerunngitsumillu ajoqersunganngortitsinissamik suliatsinni taamaappoq. Naammagisimaarneq tamanna qanoq anguneqarsinnaava? Tunngaviusoq tassaavoq ajunngitsumik isumaqarnissaq ulapputeqartuarlutalu allanik ikiuinissaq. (Uss. 11:25) Nutaarsiassaq nuannersoq saqqummiukkaangatsigu ersertariaqarpoq upperigipput. Uummatitsigut oqalukkutta ilumoornerput namminerlu upperisaqarnerput ersissapput. (Lúk. 6:45) Saqqummiussassat sungiusartarutsigik inunnut angalaartarfitsinni naapitatsinnut oqaloqatiginnikkaangatta nalorninnginnerusassaagut. Tamanna ingammik septembarimi pingaaruteqassaaq atuagaq Ilisarsineq inuunermut naassaanngitsumut sammisoq neqeroorutigissagatsigu. Qularnanngilaq siunnersuutit nutaarsiassap nuannersup isumalluarnartumik saqqummiunniarnerani iluaqutigilluassagitit.
2 Atuagaq ’Ilisarsineq’ tigummillugu ima oqarsinnaavutit:
◼ „. . .-mik ateqarpunga. Siornatigut eqqarsaatigisimaviuk sooq taama amerlatigisunik assigiinngitsunik upperisarsiorneqarnersoq? [Pulaakkat akili.] Tamarmik oqartarput ilumoornerarlutik, kisianni taamaassinnaava? [Pulaakkavit akinissaa utaqqiuk.] Soqutiginarpoq Jesusip upperisarsiornerit tamaasa ilumuunnginnerarmagit. Uani qupperneq 46-imi Jesusip oqaasii issuarneqarsimapput: [Matîuse 7:21-23 immikkoortoq 6-imi. Taava immikkoortoq 7 sammiuk ingerlaqqillutillu.] Guutip piumasaa sunaanersoq qanoq paasineqarsinnaava? [Pulaakkat akili.] Biibilimik atuaqqissaarnikkut biibililersaarut una atorlugu ilumoortup naninissaanut ikiorsinnaavaatit. Atuagaq pisinnaavat, tullianillu aggeqqikkuma immaqa kapitali 5-imiit eqqartueqqissinnaavugut.“
3 Tullianik pulaaqqikkuit atuagaq saqqummersereersimanissaa kajumissaarutigerusupparput. Imalu oqarsinnaavutit:
◼ „Aluu. Kingullermik maaniikkama atuagaq biibililersaarut Ilisarsineq inuunermut naassaanngitsumut sammisoq pivat. Eqqartorparput sooq taama amerlatigisunik upperisarsiorneqartoq. [Pulaakkat oqaaseqarli.] Immaqa malugisimassavat assiliaq qupperneq 44-miittoq? [Quppersinnaavat, assiliaq takutillugu.] Assiliaq una sumut assersuunneqarnersoq tupigusuutigaajuk? [Soqutiginnillutit tusarnaarit.] Akissutaa uani qupperneq 43-miippoq immikkoortoq 1-imi.“ Qupperneq 43-mi immikkoortoq 1 atuarsinnaavat. Atuaqqissaaqatigiinneq aallartinneqarpoq. (kmD 9/96 Vi fremholder den gode nyhed med en positiv indstilling)