Ataatsimeersuaararnermi saqqummiussassat nutaat

Septembari aallarnerfigalugu ulluni marlunni ataatsimeersuaararnissami „Jehovap ullussaata nalliuffissaa ilimagalugulu qilanaariuk“ qulequtaassaaq. (2 Pît. 3:12) Saqqummiussassat piffissap ilungersornassusianik paasitilluassavaatigut. Qanittukkut nunarsuarmiut Jehovap eqqartuussutaa misigissavaat. Kikkut ’Guutip Ajugaqanngitsup ullussarsua’ anigussavaat? Anersaakkut eqqumajuartut ’iluartumillu ileqqoqartut Guutimullu tunniusimasut’ kisimik aniguissapput. — sar. 16:14; 2 Pît. 3:11, NV.

Jehovap ullussaa anigussagutsigu kuisinneq pingaaruteqarluinnarpoq. (1 Pît. 3:21) Oqaluussisartut ataatsimeersuarnissami kuisikkusuttut nakkutilliisoq siulittaasoq tamatuminnga paasitissavaat; taava taanna pisariaqartunik piareersaassaaq.

Oqalugiaatini ataqatigiinni sisamani „Inuttut qanoq ittuusariaqartugut“-mik qulequtalinni nassuiarneqassaaq qanoq iliortariaqartugut Jehovap ullussaata nalliuffissaa ilimagalugulu qilanaarissagutsigu. Tamanut ammasumik oqalugiaatip, „Jehovap ullussaa qanilliartortillugu silatuumik iliortarit“-p, takutissavaa aniguiniarluni ’Jehovamik ujaasineq iluarsutsimillu makitajuissutsimillu noqqaassutiginninneq’ qanoq paasisariaqarnersut. — Sef. 2:3.

Ataatsimeersuaararnermi naggataarutaasumik makku marluk oqalugiaatigineqassapput: „Sallusuissut inuuninni qitiua?“ aamma „Jehovap ullussaa ilimagalugulu qilanaaralugu pilersaarusiorit“. Oqalugiaatit tamakkua killissavaatigut inuunitsinnik misissuinissatsinnut pisariaqartunillu allannguinissatsinnut. Biibilimi siulittuutit silarsuarmilu pisartut takutilluarpaat Jehovap ullussaa qanillisoq. Ataatsimeersuarnissami saqqummiussassat ’putumatsaalinissatsinnut eqqumanissatsinnullu’ kajumissaassavaatigut. (1 Pît. 5:8) Ullut marluk tamaasa najuunnissat pilersaarusioruk.