“Piffissaq eqqorlugu nerisassat”
1. Kingullermik immikkut ittumik ataatsimeersuaararnermi saqqummiuneqartut illit nammineq qanoq iluaqutigaagit allallu qanoq iluaqutigaat?
1 Immikkut ittumik ataatsimeersuaararnermut najuutereeraangatta oqartarpugut, “tassa pisariaqartilluinnakkavut”! Ilagiinnik nakkutilliisoq oqaluttuarpoq, ilageeqatigiinniittut ilaat ataatsimeersuaararnermi kingullermi saqqummiunneqartut tusarnaareerlugit aalajangersimasut oqaluussinermi kiffartornertik annertusiniarlugu. Nakkutilliisoq angalasartoq alla oqarpoq: “Inuunitsinni eqqortumik aalajangiisinnaanissatsinnut piffissap qanoq ilineranik saqqummiunneqartut eqqarsalersippaatigut.” Alla oqarpoq: “Oqaluussisartut arlaqartut oqarsimapput soorlulusooq oqaluussinermi kiffartornerup pingaaruteqassusianik eqeersarneqarlutik.” Immikkut ittumik ataatsimeersuaararneq qanoq iluaqutigaajuk?
2. Ukiumi kiffartorfiusumi tulliuttumi suut sammineqassappat?
2 Ukiumi kiffartorfiusumi tulliuttumi saqqummiunneqartussat aamma pisariaqartitarilluinnarpavut. Sammisassaq “Søg tilflugt hos Jehova” Tussiaat 118:8, 9-miit tigusaavoq. Sammineqartussat ilaat tassaapput: “Hvordan Jehova er et tilflugtssted i svære tider”, “Hjælp andre til at søge tilflugt under Jehovas vinger”, “Efterlign Jehova og vær et tilflugtssted”, “I unge, gør Jehova til jeres tillid”, aamma “Det åndelig paradis — stedet hvor Jehova beskytter os”.
3. Ataatsimeersuaararnermut najuunnerput qanoq iluaqutigilluarsinnaavarput?
3 Saqqummiussassat iluaqutigikkit: Immikkut ittumik ataatsimeersuaararnissap ullua ilisimaneqaleriarpat peqataanissannut atuaqqissaaqatigisartakkavillu qaaqunissaanut piareersalereerit. ‘Nikallujuilluta inerititaqarsinnaajumalluta’, tusakkavut eqqaamasariaqarpavut. (Luk 8:15) Taamaattumik sammineqartunut tusarnaarluarit naatsunillu pingaarnersiuillutit allattuigit inuuninni oqaluussinermilu atorsinnaasannik. Ataatsimeersuaararnerup kingorna ilaqutariittut samminneqartut oqaloqatigiissutiginissaa piffissaqarfigisiuk ilikkakkasilu inuunissinni qanoq atorsinnaanerlugit oqaloqatigiissutigalugit.
4. Sooq immikkut ittumik ataatsimeersuaararnissamut qilanaartuutissaqarpugut?
4 Immikkut ittumik ataatsimeersuaararnermi sammineqartut assigaat nerisassat mamarsagaalluarlutillu inuussutissaqarluartut asanninnikkut eqqarsaatiginneqqissaarinikkullu piareersarluakkat. Qanortoq ataatsimeersuaararnermut najuunnersi Jehovap pilluaqquliuk nerisassallu anersaakkut inuussutaasut “piffissaq eqqorlugu” kristumiunut oqaluussisartunut tunniunneqartut iluaqutigilluarlugit. — Matt 24:45.