Ataatsimeersuaararnissamut sammisassat nutaat
Jehovap saqeqatiginera ilinnut maanna qanoq iluaqutaalereersimava? Qanoq ilillutit inuuninni salliutitanni teokratiimut tunngasunik sammisatit sammisassanik teokratiimut tunnganngitsunik inangertinnissaannut usserneqarnerit akiortarpiuk? (Mat. 6:33) Silarsuarmi matumani ajortut ajunngitsuutinneqartarmata ajortup ajunngitsullu immikkoortinnissaat ajornakusoortittarpiuk? (Epr. 5:14) Tamakku ataatsimeersuaararnissami „Guutip aqqutigeqqusaasigut saqinerput iluaqutigaarput“-mik qulequtaqartumi septembari 1999 aallartittussami sammineqarumaarput. — Tus. 128:1.
Arfininngornermi nutaatut oqaluussinermut tunngasumik ataatsimiinneq malittarisaqarluartoq saqqummiunneqarumaarpoq. Nakkutilliisup angalasartup ilagiit nalunaarfigiumaarpai suut pilersaarutigineqartut najuuttussat tamarmik piareersarluarsimaqqullugit ullormilu sammineqartussat tamaasa pissarsiffigilluarsinnaaqqullugit.
Oqalugiaatip „Pioneerit — qanoq saqinerluni mianersoqqissaaritsi“-p takutikkumaarpaa qanoq ilisimassuseqartumik siuneqassuseqartumillu pioneeritut kiffartornissamut ullut piginnaaffiusut asiutinnaveersaarneqarsinnaasut. (Evf. 5:15-17) Sammisassami „Ajunngitsuusorisat mianersorfigikkit“-mi ilinniassavarput qanoq ililluta qularutiginagu ilisimalersinnaagipput inuunitsinnut tunngassuteqartunut tamanut suut Guutip akuerigai. Oqalugiaatip „Siulittuutit eqquussimasut uagutsinnut qanoq sunniuteqartut“ isumarput uumaterpullu Guutip oqaasianut asanninnermik immersussavai. Tamanut ammasumik oqalugiaammi „Guutip aqqutigeqqusai iluaqutaangaartut“ erseqqissarneqassaaq maannangaaq qanoq Jehovap naapertuilluartumik piumasaqaatai inuuseralugit iluaqutigilereersimagivut.
Guutip kiffaatut tunniulluinnarsimasutut aqqutigeqqusaani saqeqatigiumallugu kissaateqarnerit kuisinnikkut tamanut takutikkumaviuk? Taamaaliorumaguit ilagiinni nakkutilliisut siulittaasuat saaffigiuk, taassumalu piareersagassat pisariaqartut isumagissavai.
Ataatsimeersuaararnissami maannakkorpiaq pisunik sammineqartussanik annaasaqannginnissannut aalajangerit. Ulluni taakkunani sammineqartussat tamakkerlugit najuuffigikkit ’pilluarmat Jehovamik mianerinnittoq ingerlasorlu aqqutigeqqusaasigut.’ — Tus. 128:1