„Sussaanga?“
1 Inuusuttuullutit inersimasunnguleruit immaqa ima aperisinnaavutit: ’Inuunera sumut atussavara?’ Kristumiut inuusuttut Jehovamut kiffartornertik annertuserusuppaat. Kisianni qanoq taamaaliorsinnaappat inersimasutut akisussaaffiit tiguutigalugit, ilaatigut aningaasaqarniarnikkut allatigullu nammineersinnaanermik ilaqartoq? Tamanna akissallugu nalunarsinnaavoq.
2 Inuusuttut ilaat ernumalersarput nunarsuarmi aningaasaqarniarnikkut pissutsit takorlooraangamikkik ilimagineqartullu isumalluarnanngitsut tusaraangamikkik. Eqqarsartarput: ’Ilinniagaqaqqissaanga imaluunniit piffissaq tamaat kiffartorneq ingerlaannaaq aallartissavara?’ Eqqortumik aalajangerniarnermi apeqqut manna ilumoortumik akisinnaasariaqarpoq: ’Suna soqutiginerpaavara?’ Suut pissutiginerlugit misissortariaqarpoq.
3 Inuusuttuuguit suna soqutiginerpaaviuk? Pingaarnertut pigisatigut pigissaarnissat soqutigineruiuk, imaluunniit inuunerit Guutip naalagaaffiata soqutigisaata siuarsarnissaanut atorusuppiuk? Universitetimi ilinniarsimaneq suliffittaarnissamut qulakkeerisuunngilaq. Ilaasa taarsiullugu assassorissamik ilinniagaqarsimapput faginilluunniit aalajangersimasumik ilinniagaqarsimallutik imaluunniit piffissamik annikinnerpaamik atuillutik pisariinnerpaamillu sivikitsumik pikkorissarsimallutik.
4 Jehovap neriorsuutaa tatigiuk: Alla pingaruteqartoq aamma eqqaamasariaqartoq tassaavoq Jehovap neriorsuutaa Guutip naalagaaffiata soqutigisaanik salliutitsisut isumagiumallugit. (Mat. 6:33) Tamanna asuliinnaq neriorsuutaanngilaq. Qatanngutit angutit amerlasuut nunani assigiinngitsuni Kiffartortut Atuarfiat-niissimasut, sallusuissut ilinnialinngikkallaramikku ilinniakkaminnik ingerlatitseqqissimapput. Kisianni suliffik suna ingerlassimavaat? Ikittuinnaat ilinniarsimasartik suliffigaat. Amerlanersaat ilinniarsimasaminnit allaanerusumik suliffeqarsimapput pioneeriunerminnilu aningaasaqarniarnikkut ingerlalluarsimallutik. Kiffartornermik annertusineratigut pilluaqqussutit aningaasanik pineqarsinnaanngitsut pisimavaat.
5 Atuarunnaarnerup kingornatigut siunissaq aalajangerniaraanni suut tamaasa sunalu pissutiginerlugu eqqarsaatigineqarluartariaqarput. Paasissutissat Vågn op!-imi 8. marsi 1998-imoortumi quppernerni 19-imit 21-mut nassaassaasut assingi apeqqutip oqimaaqatigiissumik isiginissaanut ikiuutaalluarsinnaapput. Angajoqqaatit, ilagiinni utoqqaanertat, nakkutilliisoq angalasartoq sumiiffigisamilu pioneeriusut oqaloqatigikkittaaq. Tamanna inuunerit sumut atussanerlugu iluamik aalajangiinissannut iluaqutigissavat. — Nal. oq. 12:1, 13.