Immikkut ittumik ataatsimeersuarnissami saqqummiussassat nutaat
Septembarimi 2001-mi immikkut ittumik ataatsimeersuarnissami qulequtaassaaq: „Taamaattumik Guutimut naalatsigitinniaritsi, Diaavululu akerartorsiuk.“ (Jaaku 4:7) Ulluni anikilliornartumi inuunitsinni unnersuutaalluarpoq. Guutip peqqussutai maleruaraangatsigit toqqaannartumik Saatanmut saqitsaateqatiginninneruvoq. Sammisassatsinni ilinniartinneqarumaarpugut qanoq Diaavulup uppernitsinnut aserorsaarinerinut pilersaarutipalaavinullu illersorsinnaanersugut. Anersaakkut illernartuutit qanoq ittut ataatsimeersuaararnermit angerlaannissaat ilimagisinnaavarput?
Nakkutilliisup angalasartup oqalugiaatissaani, „Ilaqutariittut Guutimut naalatsigitippugut“-mi takutinneqassaaq ilaqutariit silarsuup naqisimanninnera qanoq assortorsinnaaneraat. Oqalugiartup Betelimeersup oqalugiaatissamini siullermi, „Diaavulu qanoq assortorneqarsinnaasoq“-mi nassuiassavaa sooq qanorlu ililluta Saatanip anersaakkut nakkarsaanera assortortariaqaripput. Ataatsimeersuarnermi oqalugiaatit marluk inuusuttunut Diaavulup periaasiinut mianersortariaqartunut immikkut tunngapput. Ullumikkut kristumiut inersimalluartut inuusutsillutik kissaatiminnut naaggaartariaqarsimapput. Misigisimasaat tusarnaassallugit nuannaarutigisinnaavarput.
Tamarmik oqartussaasunut naalatsigitittariaqarput. Taamaattumik oqalugiartup qaaqqusap Guutimut naalatsigitinnissatsinnut immikkoortut sisamat iserfigissavai: (1) oqartussaasunut, (2) ilagiinni, (3) suliffimmi aammalu (4) ilaqutariit iluanni. Siunnersuutit atoriaannaasut tassani pissarsiaqarfigissavavut.
Ataatsimeersuaararnissami kuisikkumasut nakkutilliisumut siulittaasumut sapinngisamik piaartumik nalunaassapput. Tamatta ulloq taanna ullorsiutitsinni nalunaaqqusertariaqarparput saqqummiussassallu tamaasa najuuffiginissaat pilersaarutigalugu. Jehovamut naassaanngitsumik naalatsigitikkutta pilluaqqussutinik ataavartunik tunineqassaagut.