Eqqaaniaalluni nalliuttorsiorfiup nalaa — Suliniuteqarnerunissamut periarfissaq!
1. Marsimi, apriilimi maajimilu suliniuteqarnerunissatsinnik eqqarsaatiginninnissamut sunik pissutissaqarpugut?
1 Eqqaaniaalluni nalliuttorsiorfiup qanilliartortup nalaani oqaluussinermut peqataanerusinnaavit? Sumiiffinni amerlasuuni silaginerullunilu sivisunerusumik qaamanerulertarpoq. Oqaluussisartut ilaat suliffimminit imaluunniit atuarfimminit freertussaapput taamaalillutik oqaluussinermi peqataanerusinnaallutik. Apriilip aappaat aallarnerfigalugu immikkut ittumik suliniuteqarneq aallartissavarput soqutiginnittunik apriilip 17-ianni peqatigaluta eqqaaniaaluni nalliuttorsiornissamut qaaqqusilluta. Kingorna, najuuttut soqutiginninnerat sapinngisatsinnik ineriartorteqqinniassavarput oqalugiaammut immikkut ittumut apriilip 25-anniit oqalugiaatigineqartussamut qaaqqullugit. Ilumut, marsimi, apriilimi maajimilu suliniuteqarnerunissatsinnik eqqarsaatiginninnissamut pissutissarpassuaqarpugut.
2. Oqaluussinerulernissatsinnut qanoq iliorutta pitsaassava?
2 Ikiorti-pioneritut kiffartorneq: Suliniuteqarnerorusukkaanni ikiorti-pioneriunissaq pitsaassaaq. Tamatta ulapittuugatta, siumut pilersaarusiornissaq pilersaarutitsinnillu allannguisariaqarneq pisariaqassaaq. (Uss 21:5) Immaqa ulluinnarni sammisartakkatit pingaaruteqanngitsut kinguartissinnaavatit. (Fil 1:9-11) Soormi, ikiorti-pioneriorusullutit ilagiinniittunut oqaatigigukku paasiniarlugu allat peqatigalutit ikiorti-pioneriusinnaanersut.
3. Ilaqutariit qanoq iliorlutik suliniuteqarnerusinnaappat?
3 Tulliani unnummi ilaqutariittut anersaakkut ittunik sammisaqarfimmi ilaqutariittut qanoq anguniaqarsinnaanissarsi eqqartussallugu pitsaassaaq. (Uss 15:22) Ilaqutariinniittut tamarmik suleqatigiikkunik, immaqa ilaqutariinniittut ilaat qaammammi ataatsimi arlalinniluunniit ikiorti-pioneriusinnaassapput. Taamaattoqarsinnaanngippat qanoq iliussavisi? Suli periarfissaqarpoq, ilaqutariittut suliniuteqarnerusinnaavusi unnukkut imaluunniit sapaatip akunnerata naanerani sivisunerusumik oqaluussisarlusi.
4. Eqqaaniaalluni nalliuttorsiorfiup nalaani suliniuteqarnerunitsigut pilluaqqussutit suut misigissavavut?
4 Jehova kiffartorniarlugu ilungersornivut tamaasa maluginiartarpai pilliutivullu tamaasa pingaartittarlugit. (Hebr 6:10) Jehovamut allanullu tunisineq nuannaarnermik kinguneqartarpoq. (1 Nal 29:9; ApS 20:35) Eqqaaniaalluni nalliuttorsiorfiup nalaani suliniuteqarnerusinnaavit taamaalillutit nuannaarneq annerusoq pilluaqqussutillu nuannaarutigalugit?