Oqaluussinerulernissannut pilersaaruteqalereerit
1. Eqqaaniaalluni nalliuttorsiornerup nalaani immikkut ittumik qanoq periarfissaqalertarpugut, qanorlu piareersarsinnaavugut?
1 Ukiut tamaasa eqqaaniaalluni nalliuttorsiornerup nalaani Jehova ‘nipituumik qutsaviginissaanut’ periarfissaqalertarpugut. (Tuss 109:30) Utertitsissummik Pilersitsisimasumut pingaartitsinerit takutinniarlugu marsimi oqaluussinerulerusuppit? Pilersaarusiornissannut piffissanngorpoq. — Uss 21:5.
2. Siorna apriilimi akunnerit ikinnerusut atorlugit ikiorti pioneriuneq ilinnut allanullu qanoq sunniuteqarsimava?
2 Ikiorti pioneritut kiffartorneq: Siorna apriilimi akunnerit ikinnerusut atorlugit ikiorti pioneriusinnaaneq ilagiinni nuannaarutaaqaaq. Qatanngut angut allappoq: “Suli ilinniarnertuunngorniarfimmi atuarpunga, sulili pioneriunissannut periarfissaqarsimanngilanga. Apriilimili akunnerit 30-t anguniarniarlugit qinnuteqarniarpunga akunnerilli 50-it anguniaraluarniarpakka”. Qatanngut arnaq ulloq naallugu sulisartoq allappoq: “Akunnerit 30-t anguneqarluarsinnaapput!” Aaqqissuussaq tamanna nalunaarutigineqarmat, pioneriusimasoq qatanngut arnaq 80-it sinnerlugit ukiulik oqarpoq: “Utaqqisimasara nalliuppoq! Jehovap ilisimavaa pioneritut kiffartornera inuuninni nuannernerpaajusimasoq!” Allat ikiorti pioneriusinnaanngitsut, oqaluussinerulernissartik anguniarsimavaat.
3. Marsimi, apriilimi maajimilu ikiorti pioneriunissaq eqqarsaatigissallugu sunik pissutissaqarpugut?
3 Ikiorti pioneriunissamut marsi pitsaassaqaaq, tassani aamma akunnerit 30-t imaluunniit 50-it anguniarnissaannut periarfissaqassagatta. Taassuma saniatigut, arfininngorneq marsip 17-iat aallarnerfigalugu apriilip 5-iani eqqaaniaalluta nalliuttorsiornissatsinnut qaaqqusilluta immikkut suliniuteqassaagut. Amerlasuut oqaluussinertik nuannaarutigingaassavaat allaat apriilimi maajimilu akunnerit 50-it piumasarineqartut angullugit ikiorti pioneriorusulissagunarlutik.
4. Qanoq oqaluussinerulersinnaavugut, qanorlu kinguneqassava?
4 Soormi ilaqutariinniittusi tamassi immikkut, eqqaaniaalluni nalliuttorsiornerup nalaani qanoq oqaluussinerulersinnaanerlusi unnummi ilaqutariittut anersaakkut ittunik sammisaqarfimmi oqaloqatigiissutigigussiuk? (Uss 15:22) Ilungersornersi pilluaqqoqqullugu Jehova qinnuigisiuk. (1 Joh 3:22) Oqaluussineruleruit Jehovamut unnersiutiginninnerit, aamma nuannaarnerit allissapput. — 2 Kor 9:6.