Jehovas Vidner — organiseret til at udbrede den gode nyhed

Ukiut hundredellit sinnerlugit Jehovap Nalunaajaasuisa nutaarsiassamik nuannersumik oqaluussinerat aaqqissugaasimavoq. Oqaluttuarisaanermi nutaarsiassamik oqaluussineq anginerpaaq oqaatsini hundredelinni nunanilu 230-ni amerlanerusuni oqaluussissutigaarput. (Matt 24:14) Sooq suliaq tamanna pisariaqarpa? Tamanna nunarsuaq tamakkerlugu qanoq naammassineqarsinnaagami? Apeqqutit tamakku filmimi Jehovas Vidner — organiseret til at udbrede den gode nyhed-imi silarsuaq tamakkerlugu suliatta assigiinngitsualuttai ilanngullugit sukumiisumik akineqarput. Filmi isiginnaareerlugu apeqqutit tulliuttut akikkit.

Filmip qanoq paasinnilersillutillu pingaartitsinerulersippaatit (1) Jehovap peqatigiiffiata nutaarsiassamik nuannersumik oqaluussillutik suliniuteqarnerata? (2 Tim 4:2) (2) silarsuarmi Betelimi suleqataasut? (3) ajoqersuiartortitanik nakkutilliisunillu ilinniartitsinerup? (2 Tim 2:2) (4) ullormut eqqarsaatigisassanik atuartarnerup sapaatillu akunneri tamaasa ataatsimiinnernut piareersartarnerup pingaaruteqassusiata? (ApS 17:11) (5) ataatsimiinnerni peqatigiittarnerup iluaqutaassusiata? (Hebr 10:24, 25) (6) nunami paratiisi pilersinneqaqqippat pilluaqqussutissarpassuit nuannaarutigisinnaasavit? (Es 11:9) (7) katersugassanik katersuinermi suleqataanerit pisinnaatitaaffiusup? — Joh 4:35.

Soqutiginnittut Jehovap Nalunaajaasuisa nunarsuaq tamakkerlugu suliaannik ilisimasaqalernerannik filmi taanna iluaqutaasimaqaaq. (8) Filmi Biibilimik atuaqqissaaqatitsinnut, ilaquttatsinnut allanulluunniit qaqugu takutissallugu pitsaassava? (9) Filmi takutikkaangakku qanoq ajunngitsumik qisuariartoqartarpa?

Jehovap suliarpassui eqqarsaatigigaangatsigit tussiaasiortutut oqarusussaagut: “Angingaarput naammassisatit; Naalagaq Guutiga, iluaqutigaavut suliatit pilersaarutitillu tupinnangaartut, ilinnut naleqqiunneqartoqarsinnaanngilaq!” (Tuss 40:6) Jehovamik peqatigiiffianillu allat pingaartitsilernissaannik ikiorniarlugit filmi taanna atorluarniartigu!