Eqqaaniaanissamut qaaqqusissutit marsip 22-anni agguaanneqalissapput
Ukioq manna eqqaaniaalluni nalliuttorsiornissamut qaaqqusilluni immikkut suliniarneq arfininngornermi marsip 22-anni aallartissaaq. Tamatta peqataaqqulluta kajumissaarneqarpugut. Naleqquppat sapaatit akunnerisa naaneranni atuagassiat ilanngullugit neqeroorutigineqarsinnaapput. Apriilimi arfininngornermi siullermi qaaqqusissutinik agguaassineq Biibilimik atuaqqissaaqateqalerniarnermit pingaarnerutinneqassaaq. Soqutiginnittumilli naapitsigutta soorunami Biibilimik atuaqqissaaqatigiumassavarput. Oqaluussinermik nakkutilliisoq inuit sapinngisamik amerlanerusut anguniarlugit tamanut oqaluussinikkut agguaassisoqassanersoq aalajangiisinnaavoq. Ilisarisimasatit soorlu ilaquttatit, suleqatitit, atuaqatitit pulaaqqittakkatillu qaaqqusinnaavatit. Qaaqqorusutatit allattuleriikkit suliniarnerlu aallartippat qaaqqusissutinik pajullugit. Neriuppugut asanninnermik ersersitsinerit annerpaajusut marluk pillugit eqqaaniaanitsinni amerlasuut peqatigiumaaraatigut. — Joh 3:16; 15:13.