Jehovas Vidner — En levende tro, 1. del: Ud af mørket
Biibilimi qaamaneq sallusuissummut attuumatinneqartarpoq taarnerli eqqunngitsuunermut attuumatinneqartarluni. (Tuss 43:3; Es 5:20) Silarsuarmi taarsiorneq aallartippoq Satanip Eva salloqittarmagu naggataatigullu silarsuaq tamarmi taartuinnanngortippaa. (Saqq 12:9) Filmimi Jehovas Vidner — En levende tro, 1. del: Ud af mørket-imi sammineqarpoq, qaamaneq qanoq ililluni taartumit erseriartulersoq. (Es 60:1, 2) Filmi takoreerlugu apeqqutit uku akisinnaavigit?
(1) Apustilit toqoreernerata kingorna taarneq qanoq ililluni alliartorsimava? (2) Qanoq ilillutik inuit 1100-kkunni paasisimavaat oqaluffimmi ajoqersuutigineqartut eqqortuunngitsut? (3) Henry Grew aamma George Storrs kikkuuppat? (4) Suut Charles Russellip inuuneranut sunniuteqangaarsimappat? (5) Qatanngutip Russellip angutaatalu ilisarisimasaasalu ikittunnguit Biibilimik atuaqqissaaqatigiittarnertik qanoq ingerlattarsimavaat, Biibilimilu tunngaviusut pillugit qanoq paasisaqarpat? (6) Sooq Biibilimik atuaqqissaaqatigiittartut Nelson Barbourimut ilaasut suleqatigiilerpat, sunali pissutigalugu qatanngutip Russellip qimaqqippai? (7) Juulimi 1879-imi anersaakkut qaamarissiartornerani suna aallartippa? (8) Tamatuma kingornatigut nutaarsiassaq nuannersoq siaruarterniarlugu Biibilimik atuaqqissaartartut amerliartuinnartut qanoq iliorpat? (9) Ukiorpassuit sioqqullugu 1914-imi susoqarnissaa Biibilimik atuaqqissaartartut suna ilimagisimavaat? (10) Qatanngut Russell toqummat Biibilimik atuaqqissaartartut qanoq unamminiagaqalerpat? (11) Qatanngut Rutherford suleqataalu paarnaarussivimmiit iperigaareermata Biibilimik atuaqqissaartartut qanoq iliorpat? (12) Filmi isiginnaareerlugu Jehovap peqatigiiffia paasinninnikkut pingaartitsinikkullu qanoq sunnerneqaatigaajuk? (13) Naak akornutissaqaraluartoq ilungersuussillutit oqaluussiuaannarnissannut aalajangerninnut filmi qanoq nakussatsinneqaatigaajuk? (14) Ilaquttavut, atuaqqissaaqativut allallu filmi atorlugu qanoq ikiorsinnaavavut?
Anersaakkut erlinnartuutit Biibilimik atuaqqissaartartut uagutsinnut ingerlateqqitaat nuanningaaramik! Silarsuarmi anersaakkut taarsiorfiusumi sapiillutik ilungersuussillutillu qaammaqqutaapput. Maligassiaat malillugit “qaamasup qitornaasut” saqisa. — Ef 5:8.