Ullumikkut kikkut Jehovap piumasaatut iliorpat?
1. Qaqugu Ullumikkut kikkut Jehovap piumasaatut iliorpat? sammilissavarput, tamannalu qanoq iluaqutigissavarput?
1 Oktobarip 28-at aallarnerfigalugu Ilagiit Biibilimik atuaqqissaaqatigiinneranni Ullumikkut kikkut Jehovap piumasaatut iliorpat? sammineqartalissaaq. Quppersakkap nutaap ataatsimeersuarnermi “Uummatit paariuk!”-mi saqqummersinneqarneranut siunertaavoq Biibilimik atuaqqissaaqatigisartakkanik peqatigiiffimmut siulersuinissaq. Quppersakkap uuma sammineqarnerani Guutip peqatigiissortaanut ilaanerput pingaartinnerulissavarput, aammattaaq quppersagaq oqaluussinitsinni pingaaruteqartorujussuusoq ilisimallualissavarput. — Tuss 48:14.
2. Quppersagaq ilagiinni qanoq sammineqassava?
2 Atuaqqissaaqatigiinneq qanoq ingerlanneqassasoq. Ilinniagassat tamarmik assigiimmik sammineqarniassammata aqutsisoq piffissamik assigiissaarisariaqarpoq. Ilinniagassat 28-usut qulequtaat aallarniutigineqatassapput. Taava aqutsisup immikkoortoq siulleq atuffassisumut atuaqqussavaa, apeqqummillu piareersarsimasaminik najuuttut aperalugit. Tamatuma kingorna qulequttat ersarissunik naqinnillit immikkoortukkuutaarlugit atuarneqarlutillu sammineqassapput. Immikkoortoq atuarneqareerpat ilinniagassap qulequtaa qanoq akineqassanersoq najuuttunut oqaluttuaritinneqassaaq. Quppersakkami aamma oqaaseqarfigineqarsinnaasunik assiliartarpassuaqarpoq. Ajornanngippat allassimaffiit pingaarnerit atuarneqatassapput. Ilinniagassap tullianut ingerlaqqitsinnani aqutsisoq apeqqutit quppernerup naggataaniittut atorlugit apereqqissaaq. Ungalusaq “Iliuuserisinnaasatit” atuarneqassaaq Biibilimillu atuaqqissaaqatigisartakkap siunnersuut maleruaruniuk qanoq iluaqutigisinnaaneraa najuuttut oqaaseqarfigissavaat. Piffissaqarpat aqutsisup ilinniagassat qulequtaat atuaqqissaaqatigiinerup naalernerani uteqqiinnermi atorsinnaavai. Eqqaamajuk angerlarsimaffimmi Biibilimik atuaqqissaaqatigiinnermi periuseq taanna atorneqartariaqanngimmat.
3. Quppersakkamik atuaqqissaaqatigiineq qanoq pissarsiaqarfigilluarsinnaavarput?
3 Pissarsiaqarfigilluarumallugu ataatsimiinermut piareersarluartarit. Sapinngisamik akissuteqarniartarit. Eqqartuinerup ingerlanerani eqqarsaatigisinnaavat sooq sammisarsi Biibilimik atuaqqissaaqatigisartakkannut iluaqutaassinnaanersoq. Qanortoq quppersagaq nutaaq taanna uagutsinnut atuaqqissaaqatigisartakkatsinnullu iluaqutaali, taakku aamma naassaanngitsumik atasinnaaqqullugit. — 1 Joh 2:17.