Eqqaaniaalluni nalliuttorsiornissap nalaani Jehovap Jiisusillu ilungersornerat ilaarusuppiuk?
1. Eqqaaniaalluni nalliuttorsiornissap nalaani Jehovap Nalunaajaasui qanoq immikkut ittumik suliniuteqartarpat?
1 Jehova siunertaminik naammassinninniarluni ilungersortarpoq. Guutip naalagaaffiata pilluaqqussutissaata ilaat qanoq piviusunngorumaartut Esaja 9:7-imi ima allaatigineqarpoq: “Katersaarsuit Naalagaata ilungersornera taamaalisitsiumaarpoq.” Taamatuttaaq Guutip ernerata nunarsuarmi kiffartornermini pallorfiginninnermut eqqortumut ilungersuutiginninnini takutilluarpaa. (Joh 2:13-17; 4:34) Ukiut tamaasa eqqaaniaalluni nalliuttorsiornissap nalaani silarsuaq tamakkerlugu oqaluussisartut millionillit oqaluussinerminni annertusisitsinermikkut Jehovap Jiisusillu ilungersornerat ilaarniarlugu immikkut ittumik suliniuteqartarput. Illit taakkununnga ilaavit?
2. Marsip 7-iata aallartinnerani ilungersornerput qanoq kajumississutigissavarput?
2 Eqqaaniaalluni nalliuttorsiornissamut immikkut suliniarneq. Ukioq manna eqqaaniaalluni nalliuttorsiornissamut suliniarneq arfininngornermi marsip 7-ianni aallartissaaq. Pilersaarusiorit sapinngisamik oqaluussinermi peqataaniarlutit. Ilagiit angalaarfigisartakkatik sapinngisamik tamakkerniarlugit angorniorlutik suliniuteqassapput. Minitaqarnata Biibilimik atuaqqissaaqatitsinnut, pulaaqqittakkatsinnut, suleqatitsinnut, ilaquttatsinnut atuaqatitsinnullu qaaqqussissut tunniussinnaavarput jw.org-ikkulluunniit takutillugu.
3. Marsimi apriilimilu qanoq oqaluussinerulersinnaavugut?
3 Ikiorti pionerit. Taamatuttaaq ilungersornerput oqaluussinerulernissatsinnut kajumississutigissavarput. Qularnanngitsumik amerlasuut marsimi apriilimilu ikiorti pioneriujumassapput, qaammatinimi taakkunani nalunaaquttap-akunneri 30-t anguniarlugit ikiorti-pioneriunissamut periarfissaqarmat. Ilaqutariittut atuaqqissaaqatigiinnermi imaluunniit namminerisamik atuaqqissaarnermi qinunikkut eqqarsaatigisinnaavat qanoq angusinnaanerlugit. (Uss 15:22) Suliniarnermi tamatumani ilungersornerit allat ilungersorlutik suliniuteqarnissaannut kajumississutaasinnaavoq. Iliuuseqarnerujumallutit inuuninnik allannguiguit, Jiisusip ilungersornera ilaassavat. — Mark 6:31-34.
4. Jehovap Jiisusillu ilungersornerat ilaarutsigu qanoq kinguneqassava?
4 Eqqaaniaalluni nalliuttorsiornissap nalaani Jehova Jiisusilu ilungersornerat ilaarlugu ilungersorutta pilluaqquneqaatigissavarput. Oqaluussiffigisartakkatsinni amerlasuut nalunaajaaffigineqassapput. Nuannaarneq nalerisimaarnerlu Jehovamik pallorfiginninnitsinnit allanullu ingerlatitseqqiisarnitsinnit pissuteqartoq misigissavarput. (ApS 20:35) Pingaarnerusumilli Guuterput ilungersortuusoq taassumalu ernera nuannaartissavavut.