បណ្ណាល័យអ៊ីនធឺណិតរបស់ប៉មយាម

យ៉ូស្វេ ២០:៨

គម្ពីរបរិសុទ្ធសេចក្ដីបកប្រែពិភពលោកថ្មី
- ៨ ចំណែកឯតំបន់ទន្លេយ៉ូដាន់ខាងកើតក្រុងយេរីខូវិញ ពួកគេបានយកក្រុងបេសឺ+នៅតំបន់ស្ងាត់ជ្រងំ ដែលស្ថិតនៅតាមខ្ពង់រាបរបស់កុលសម្ព័ន្ធរូបេន និងក្រុងរ៉ាម៉ូត+នៅស្រុកគីលាតរបស់កុលសម្ព័ន្ធកាដ ព្រមទាំងក្រុងកូឡាន+នៅតំបន់បាសានរបស់កុលសម្ព័ន្ធម៉ាណាសេ។+

បណ្ដាស្ដេចទី១ ២២:២៩-៣៣

គម្ពីរបរិសុទ្ធសេចក្ដីបកប្រែពិភពលោកថ្មី
- ២៩ ដូច្នេះ ស្ដេចស្រុកអ៊ីស្រាអែលនិងយេហូសាផាតជាស្ដេចស្រុកយូដា បានឡើងទៅឯរ៉ាម៉ូតគីលាត។+ ៣០ ពេលនោះ ស្ដេចស្រុកអ៊ីស្រាអែលបាននិយាយទៅកាន់យេហូសាផាតថា៖ «ខ្ញុំនឹងបន្លំខ្លួន រួចចូលទៅច្បាំង។ ចំណែកឯខ្លួនលោកវិញ សូមលោកស្លៀកសម្លៀកបំពាក់ស្ដេចចុះ»។ លុះនិយាយចប់ហើយ ស្ដេចស្រុកអ៊ីស្រាអែលក៏បន្លំខ្លួនចូលទៅច្បាំង។+ ៣១ រីឯស្ដេចស្រុកស៊ីរីវិញ គាត់បានបង្គាប់ពួកមេទ័ពរទេះចម្បាំងទាំង៣២នាក់ថា៖ +«កុំប្រយុទ្ធនឹងអ្នកណាឡើយ ទោះជាកូនទាហានឬមេទាហានក្ដី។ ចូរប្រយុទ្ធតែជាមួយស្ដេចស្រុកអ៊ីស្រាអែលប៉ុណ្ណោះ»។ ៣២ ពេលដែលពួកមេទ័ពរទេះចម្បាំងបានឃើញយេហូសាផាតភ្លាម ពួកគេបានគិតថា៖ «នោះច្បាស់ជាស្ដេចស្រុកអ៊ីស្រាអែលហើយ»។ ដូច្នេះ ពួកគេបានបែរទៅប្រយុទ្ធនឹងយេហូសាផាតវិញ ហើយយេហូសាផាតបានស្រែកសុំជំនួយ។ ៣៣ កាលដែលពួកមេទ័ពរទេះចម្បាំងបានឃើញថាអ្នកដែលពួកគេកំពុងដេញតាមមិនមែនជាស្ដេចស្រុកអ៊ីស្រាអែលទេ ភ្លាមនោះពួកគេក៏ឈប់ដេញតាមទៅ។

ប្រវត្តិហេតុទី២ ១៨:២

គម្ពីរបរិសុទ្ធសេចក្ដីបកប្រែពិភពលោកថ្មី
- ២ លុះប៉ុន្មានឆ្នាំក្រោយមក យេហូសាផាតបានធ្វើដំណើរទៅសួរសុខទុក្ខអាហាប់នៅក្រុងសាម៉ារី។+ ពេលនោះ អាហាប់បានសម្លាប់ចៀមនិងគោជាច្រើន* ដើម្បីទទួលយេហូសាផាត និងអស់អ្នកដែលរួមដំណើរជាមួយគាត់។ ក្រោយមក អាហាប់បានបបួលយេហូសាផាតទៅច្បាំងនឹងក្រុងរ៉ាម៉ូតគីលាត។+