កម្មវិធីប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១២ ខែមករា
ចំរៀងលេខ១០៥
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះពី កិច្ចបំរើព្រះរាជាណាចក្រយើង។ សូមប្រើយោបល់ទីមួយនៅទំព័រទី៤ ដើម្បីបង្ហាញនូវរបៀបជូនទស្សនាវដ្ដីប៉មយាម ថ្ងៃទី១ ខែកុម្ភៈ។ ក្រោយការសម្ដែង សូមលើកបញ្ជាក់លក្ខណៈល្អៗនៃការសម្ដែងនោះ។
១៥ នាទី: «តម្លៃខ្ពស់លើសលប់នៃប្រាជ្ញាពីព្រះ»។a អាស្រ័យលើពេលវេលា ចូរអញ្ជើញអ្នកស្ដាប់ឲ្យលើកឡើងចំណុចសំខាន់ៗពីបទគម្ពីរដែលមានក្នុងអត្ថបទ។
២០ នាទី: «បុរសឧត្តមបំផុតដែលធ្លាប់រស់នៅ»។b បញ្ជាក់សារៈសំខាន់នៃការស្គាល់ពត៌មានក្នុងសៀវភៅនោះ។
ចំរៀងលេខ៨ និងសេចក្ដីអធិស្ឋានបញ្ចប់
សប្ដាហ៍ចាប់ផ្ដើមថ្ងៃទី១៩ ខែមករា
ចំរៀងលេខ១១៤
៥ នាទី: សេចក្ដីជូនដំណឹងតាមតំបន់។
១០ នាទី: ប្រអប់សំនួរ។ សុន្ទរកថាដោយអ្នកចាស់ទុំម្នាក់។
១៥ នាទី: សេចក្ដីត្រូវការតាមតំបន់។
១៥ នាទី: «តើយើងអាចជួយប្ដីឬជួយប្រពន្ធដែលមិនមែនជាស្មរបន្ទាល់យ៉ាងដូចម្ដេច?»។c ចូរសម្ភាសបងប្អូនម្នាក់ឬពីរនាក់ក៏បានដែលបានទៅជាអ្នកបំរើព្រះយេហូវ៉ាដោយសារគំរូដ៏ល្អប្រសើររបស់គូអាពាហ៍ពិពាហ៍ដែលបានទទួលសេចក្ដីពិត។
ចំរៀងលេខ១១៧ និងសេចក្ដីអធិស្ឋាន។
សប្ដាហ៍ចាប់ផ្ដើមថ្ងៃទី២៦ ខែមករា
ចំរៀងលេខ១៩១
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ សូមរំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែមករា។ សូមប្រើយោបល់ទីពីរនៅទំព័រទី៤ ដើម្បីបង្ហាញនូវរបៀបជូនទស្សនាវដ្ដីប៉មយាម ថ្ងៃទី១ ខែកុម្ភៈ។ ក្នុងការសម្ដែងនោះ សូមបង្ហាញនូវរបៀបអ្នកអាចផ្ដល់ទស្សនាវដ្ដីនោះដល់អ្នកជិតខាង។
១៥ នាទី: ចូរអនុវត្តតាមព្រះបន្ទូលរបស់ព្រះក្នុងជីវិតអ្នកជារៀងរាល់ថ្ងៃ។ សុន្ទរកថានិងការពិគ្រោះជាមួយនឹងអ្នកស្ដាប់។ លើកទឹកចិត្តទាំងអស់គ្នាឲ្យឆ្លៀតប្រយោជន៍យ៉ាងពេញលេញពីសៀវភៅការពិនិត្យមើលបទគម្ពីរប្រចាំថ្ងៃ—ឆ្នាំ២០០៤។ ពិគ្រោះនូវចំណុចខ្លះៗពីបុព្វកថា ទំព័រ៣-៤។ សួរអ្នកស្ដាប់ថា ចំពោះពួកគេតើពេលណាល្អបំផុតសំរាប់ពិចារណាបទគម្ពីរប្រចាំថ្ងៃ។ ពិគ្រោះបទគម្ពីរនិងការពន្យល់សំរាប់ថ្ងៃនោះជាមួយនឹងក្រុមជំនុំ។ អញ្ជើញអ្នកស្ដាប់ឲ្យប្រាប់ពីវិធីយើងអាចយកពត៌មាននោះមកអនុវត្ត។ លើកទឹកចិត្តបងប្អូនទាំងអស់គ្នាឲ្យពិចារណាយ៉ាងខ្លីនូវរបៀបដែលពួកគេអាចធ្វើតាមពត៌មានពេលដែលពិគ្រោះនូវបទគម្ពីរប្រចាំថ្ងៃ។
២០ នាទី: ជួយអ្នកឯទៀត ចូលទៅជិតព្រះយេហូវ៉ា។ សុន្ទរកថានិងការពិភាក្សាជាមួយនឹងអ្នកស្ដាប់។ នៅខែកុម្ភៈយើងនឹងចែកសៀវភៅថ្មីនោះ។ ពិភាក្សានូវសំបុត្រជូនចំពោះអ្នកអាននៅទំព័រទី៣ ហើយបញ្ជាក់នូវលក្ខណៈខ្លះៗរបស់សៀវភៅថ្មីនោះ។ ផ្នែកនិមួយៗក្នុងចំណោមបួនផ្នែកនោះបញ្ជាក់ទៅលើគុណសម្បត្ដិចំបងមួយរបស់ព្រះយេហូវ៉ា ក៏មានជំពូកមួយដែលពន្យល់នូវរបៀបព្រះយេស៊ូបានសម្ដែងគុណសម្បត្ដិនោះ ហើយជំពូកមួយដែលពន្យល់របៀបយើងអាចបង្ហាញគុណសម្បត្ដិនោះដែរ។ មានរូបភាព១៧ដែលមានទំហំពេញមួយទំព័រ និងបង្ហាញពីទិដ្ឋភាពមួយដែលត្រូវបញ្ជាក់ក្នុងព្រះគម្ពីរ។ «សំនួរសំរាប់រំពឹងគិត»ជួយយើងពិចារណាចំណុចសំខាន់ៗឯទៀតដែលទាក់ទងនឹងប្រធាន។ ចូរពិភាក្សា«យោបល់ពីរបៀបផ្សព្វផ្សាយដោយប្រើសៀវភៅចូរចូលទៅជិតព្រះយេហូវ៉ា»នៅទំព័រទី៤ហើយឲ្យអ្នកផ្សាយម្នាក់ដែលមានសមត្ថភាពបង្ហាញនូវរបៀបប្រើណាមួយ។
ចំរៀងលេខ១៧៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២ ខែកុម្ភៈ
ចំរៀងលេខ១៧១
១០ នាទី: សេចក្ដីជូនដំណឹងតាមតំបន់។ សូមអ្នកផ្សាយម្នាក់ធ្វើការសម្ដែងដោយប្រើយោបល់មួយនៅទំព័រទី៤ក្រោមចំនងជើងថា«យោបល់ពីរបៀបផ្សព្វផ្សាយដោយប្រើសៀវភៅចូរចូលទៅជិតព្រះយេហូវ៉ា»។
២០ នាទី: ការបង្កើតឲ្យមានមិត្តភាពជាមួយនឹងអ្នកជឿគ្នីគ្នា។ (សុ. ១៨:២៤; ២៧:៩) សុន្ទរកថានិងការពិគ្រោះជាមួយនឹងអ្នកស្ដាប់ ដោយមានមូលដ្ឋានលើអត្ថបទទស្សនាវដ្ដីប៉មយាម ថ្ងៃទី១ ខែធ្នូ ឆ្នាំ២០០០ ទំព័រ២២-២៣ (ជាភាសាអង់គ្លេស)។ ពរមួយដែលមកពីការថ្វាយបង្គំពិតគឺឱកាសបង្កើតឲ្យមានមិត្តភាពដែលស្ថិតស្ថេរ។ ការសំណេះសំណាលនៅឯកិច្ចប្រជុំ ក្នុងកិច្ចផ្សាយ និងនៅឱកាសផ្សេងទៀតផ្ដល់ការលើកទឹកចិត្តជាច្រើនណាស់។ តើយើងអាចបង្កើតឲ្យមានមិត្តភាពជាមួយនឹងអ្នកឯទៀតក្នុងក្រុមជំនុំយ៉ាងដូចម្ដេច? ចូរលើកឡើងចំណុចផ្សេងៗពីប្រអប់«ជំហានប្រាំមួយយ៉ាងសំរាប់បង្កើតឲ្យមានមិត្តភាពដែលស្ថិតស្ថេរ»។ រួចសុំអ្នកស្ដាប់រៀបរាប់អំពីវិធីដែលចំណុចនិមួយៗអាចយកមកអនុវត្តក្នុងទំនាក់ទំនងរបស់យើងជាមួយនឹងបងប្អូន។
១៥ នាទី: ចូរយកតម្រាប់តាមប៉ុល ដូចប៉ុលយកតម្រាប់តាមព្រះគ្រីស្ទ។ (១កូ. ១១:១) ការពិភាក្សាជាមួយនឹងអ្នកស្ដាប់។ ប៉ុលបានឆ្លៀតឱកាសធ្វើបន្ទាល់ដល់«អស់អ្នកដែលលោកជួប» ដូចព្រះយេស៊ូធ្លាប់ធ្វើដែរ។ (កក.[កិច្ច.] ១៧:១៧, ខ.ស.) តើមានឱកាសអ្វីខ្លះក្នុងតំបន់ផ្សាយរបស់អ្នកដែលអ្នកឆ្លៀតធ្វើដូច្នេះបាននោះ? តើអ្នក«ជួប»អ្នកណាខ្លះពេលទៅផ្សារ នៅកន្លែងធ្វើការឬនៅសាលារៀន ឬពេលដែលជិះរថឈ្នួលនោះ? ពេលយើងនៅផ្ទះ តើប្រហែលជាជួបអ្នកណាខ្លះ? សុំអ្នកស្ដាប់រៀបរាប់អំពីបទពិសោធន៍ដែលពួកគាត់ធ្លាប់មានក្នុងការធ្វើបន្ទាល់ដល់មនុស្សដែលពួកគេជួបពេលធ្វើកិច្ចការប្រចាំថ្ងៃ។
ចំរៀងលេខ៦ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។