យោបល់សំរាប់ពាក្យផ្សព្វផ្សាយ
តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច?
បន្ទាប់ពីជំរាបសួរម្ចាស់ផ្ទះអ្នកអាចនិយាយថា៖
«ជីវិតសព្វថ្ងៃចៀសមិនផុតពីការមានបញ្ហានិងការខកចិត្តផ្សេងៗទេ។ តើអ្នកគិតថាជីវិតមានន័យយ៉ាងនេះឬ? [អនុញ្ញាតឲ្យឆ្លើយ] សៀវភៅស្តើងនេះបង្ហាញថានៅទីបំផុត គោលបំណងដើមដំបូងរបស់ព្រះសំរាប់មនុស្សជាតិនិងផែនដី នឹងបានសម្រេចជាក់ជាមិនខាន។ [សូមពិភាក្សារូបភាពនៅទំព័រ២០-២១។ បន្ទាប់មកសូមអានវគ្គទី៩ ដោយបញ្ជាក់នៅអេសាយ១៤:២៤និង៤៦:១១] ពេលដែលខ្ញុំមកលើកក្រោយ ខ្ញុំសូមបង្ហាញអ្នកថាតើនៅកន្លែងណាដែលព្រះគម្ពីរប្រាប់ថាព្រះនឹងបង្កើតសួនមនោរម្យឡើងវិញនៅលើផែនដីនោះ?»។ សូមជូនសៀវភៅស្តើង ហើយណាត់ពេលដើម្បីត្រឡប់មកវិញ។
ពេលអ្នកត្រឡប់មកវិញអ្នកអាចនិយាយថា៖
«ដូចពេលដែលខ្ញុំបាននិយាយពីលើកមុនថាគោលបំណងរបស់ព្រះគឺឲ្យមនុស្សលោករស់នៅជារៀងរហូតនៅលើផែនដីមនោរម្យ។ [សូមបង្ហាញរូបភាពនៅទំព័រ២០-២១ ម្ដងទៀត] សូមកត់សម្គាល់ថា ព្រះយេស៊ូ ពេត្រុសនិងដាវីឌបាននិយាយអំពីសួនមនោរម្យ»។ សូមគាត់យកសៀវភៅស្តើងរបស់គាត់។ ក្រោយនោះបើកទៅទំព័រ២១-២២ ហើយពន្យល់វគ្គ១០-១៣។ សូមសួរថាតើគាត់ចង់រៀនព្រះគម្ពីរទេ? ឬក៏អ្នកអាចណាត់ពេលដើម្បីពិនិត្យមើលចំណងជើងណាមួយនៅទំព័រ២៩-៣០នៅលើកក្រោយ។
អ្នកផ្សាយជាយុវវ័យម្នាក់អាចនិយាយថា៖
«មនុស្សជាច្រើនដែលមានអាយុស្រករខ្ញុំ មិនប្រាកដអំពីអនាគតទេ។ តើអ្នកគិតថាជីវិតនឹងប្រសើរជាងសំរាប់មនុស្សជំនាន់ក្រោយឬទេ? [អនុញ្ញាតឲ្យឆ្លើយ] ព្រះគម្ពីរនិយាយអំពីអនាគតដ៏រុងរឿងមួយសំរាប់មនុស្សជាតិទាំងអស់។ [សូមបើកទៅទំព័រ៣១ ហើយអានចំណងជើង។ បន្ទាប់មកសូមអានពេត្រុសទី២ ៣:១៣] សៀវភៅស្តើងនេះមានព័ត៌មានអំពីប្រសិទ្ធពរដែលព្រះបម្រុងទុកសំរាប់មនុស្សជាតិ។ [សូមបញ្ជាក់ចំណងជើងជាអក្សរដិតនៅទំព័រ២៩-៣០ ហើយជូនសៀវភៅស្តើង] ខ្ញុំសូមមកជួបអ្នកម្ដងទៀតហើយសូមប្រាប់អ្នកអំពីសេចក្ដីសន្យារបស់ព្រះថាទ្រង់នឹងបញ្ចប់សង្គ្រាមទាំងអស់»។ សូមណាត់ពេលដើម្បីត្រឡប់មកវិញ។
កាលណាអ្នកត្រឡប់មកវិញអ្នកអាចនិយាយថា៖
«ពេលដែលខ្ញុំបានមកលេងនៅពេលថ្មីៗនេះ ខ្ញុំបាននិយាយយ៉ាងសង្ខេបអំពីគោលបំណងរបស់ព្រះដើម្បីបង្កើតឡើងវិញនូវសួនមនោរម្យមួយនៅលើផែនដី។ [សូមនិយាយអំពីរូបភាពនៅទំព័រទី៣១ម្ដងទៀត] ខ្ញុំចង់ឮយោបល់អ្នកអំពីគោលបំណងរបស់ព្រះដើម្បីបញ្ចប់សង្គ្រាមទាំងអស់»។ សូមអញ្ជើញគាត់ឲ្យយកសៀវភៅស្តើងរបស់គាត់មក។ ក្រោយនោះអានហើយពិភាក្សាវគ្គ៣-៦នៅទំព័រ២៩។ ណាត់ពេលដើម្បីពិនិត្យមើលវគ្គ៧-៨ នៅពេលមកលេងលើកក្រោយ។
កាលណាផ្សព្វផ្សាយជាមួយកុមារមនុស្សពេញវ័យម្នាក់អាចណែនាំឲ្យស្គាល់ទាំងពីរនាក់ហើយនិយាយថា៖
«________សូមបង្ហាញអ្នកនូវរូបភាពមួយហើយអានខមួយពីព្រះគម្ពីរ។ [កុមារបង្ហាញរូបភាពហើយអានចំណងជើងនៅទំព័រ៣១ ហើយបន្ទាប់មកអានវិវរណៈ ២១:៤] សៀវភៅស្តើងនេះពន្យល់ថាតើព្រះនឹងធ្វើដូចម្ដេចចំពោះបញ្ហាផ្សេងៗដែលយើងប្រឈមមុខសព្វថ្ងៃនេះ? [សូមបញ្ជាក់យ៉ាងសង្ខេបនូវចំណងជើងជាអក្សរដិតនៅទំព័រ២៩-៣០ ហើយជូនសៀវភៅស្តើង] កាលណាយើងត្រឡប់មកវិញ ខ្ញុំសូមបង្ហាញអ្នកថាតើព្រះគម្ពីរនិយាយយ៉ាងណាអំពីទីបញ្ចប់នៃបញ្ហាសុខភាពផ្សេងៗទាំងអស់?»។
ពេលត្រឡប់មកជួប មនុស្សពេញវ័យអាចនិយាយថា៖
«ក្នុងកំឡុងពេលសន្ទនារបស់យើងនៅពេលថ្មីៗនេះ ខ្ញុំបាននិយាយថាខ្ញុំចង់បង្ហាញអ្នកថាតើព្រះគម្ពីរនិយាយយ៉ាងណាអំពីទីបញ្ចប់នៃបញ្ហាសុខភាពទាំងអស់? សូមកត់សម្គាល់នូវអ្វីដែលបាននិយាយនៅទីនេះ»។ សូមអញ្ជើញគាត់ឲ្យយកសៀវភៅស្តើងរបស់គាត់។ ក្រោយនោះពិនិត្យមើលវគ្គ៩-១៤នៅទំព័រ២៩នៃសៀវភៅស្តើង។ សូមសួរថាតើគាត់ចង់រៀនព្រះគម្ពីរទេ? ឬក៏អ្នកអាចណាត់ពេលដើម្បីពិនិត្យមើលវគ្គ១៥-១៧ ពេលមកលើកក្រោយ។