Адар

Жь бо ве йәке, кӧ рʹуспи щьмәʹта Йаһоwа һʹьз дькьн у бона wан хәм дькьн, әwана гәләк дьхәбьтьн wәки бьред щаһьл һин кьн, чь кӧ әwана гәләк сала һин бунә (Зәб. 71:17, 18). Рʹуспийед, кӧ йед дьн һин дькьн гәләк ԛимәт ьн сәва ве йәке жи, кӧ бь сайа щәфе wан щьват ԛәwи дьбә. Әw һинкьрьн гәләк али бьра дькьн, wәки һазьр бьн али щьвате бькьн, сәва кӧ щьват йәктийеда бьминә у амьн бә Хwәдерʹа. Әw йәк ньһа wәʹде рʹожед ахьрийе лазьм ә, у wе гәләк фәрз бә wәʹде һатьна тәнгасийа мәзьн (Һәзԛл. 38:10-12; Мих. 5:5, 6). Гәли рʹуспийед дәлал, рʹожа ирода дәстпекьри тʹьме wәʹдә бьвиньн, wәки йед дьн һин кьн. Әм фәʹм дькьн, wәки графика wә ида тʹьжә йә, чьмки һун хәм дькьн дәрһәԛа тьштед щьватейә фәрз. Ләма wәрʹа лазьм ә, wәки һьнә wәʹде бона шьхӧле щьвате кем кьн у хәрщ кьн сәва һинкьрьна бьра (Wаиз 3:1). Һәрге һун ӧса бькьн, һуне wәʹдә рʹаст хәрщ кьн у ахьрийеда кʹаре биньн щьватерʹа. w15 1/4 1:​8-​10

Әм заньн кӧ Кʹьтеба Пироз әw һәйә нәʹмә бона һʹәмуйа. Ле гәло Кʹьтеба Пироз дькарә али тә бькә wәки незики Йаһоwа би? Бәле! Чахе тӧ Кʹьтеба Пироз тʹьме дьхуни у леколин дьки, дина хwә бьдә сәр wе йәке кӧ тӧ чь сәр хwә тʹәхмин дьки чахе дьхуни. У дьшьрмиш бә сәр wе йәке, кӧ тӧ чаwа дькари бьди хәбате чь кӧ тӧ пеһʹәсийайи. Чахе тӧ ӧса дьки, тӧ дьһели wәки Йаһоwа тʹәви тә хәбәрдә. Әw дьбә Досте тәйи незик, кʹижан кӧ али тә дькә, у тӧ незики wи дьби (Ибрн. 4:12; Аԛуб 1:23-25). Мәсәлә, тӧ чь тʹәхмин дьки чахе ван гьлийе Иса дьхуни: «Ль сәр дьне хьзне хwәрʹа нәщьвиньн»? Һәрге тӧ һʹәму тьшти дьки, wәки дь әʹмьре хwәда Йаһоwа дайни щийе пешьн, тӧйе тʹәхмин ки кӧ әw тә ԛәбул дькә. Ле дьбәк тӧ дьхуни ван гьлийе Иса у фәʹм дьки кӧ тәрʹа лазьм ә әʹмьре хwә һеса ки, у дьхwази wәки һе зедә Хwәдерʹа ԛӧльх бьки. Һәрге ӧса йә, демәк әw Йаһоwа али тә дькә кӧ фәʹм бьки тӧ чь гәрәке бьки, wәки незики wи би (Мәт. 6:19, 20). w15 1/4 3:​3-5

Чьрʹа Йаһоwа, Паwлос жь «дәве шер» хьлаз кьр? Паwлос дьбежә: «Wәки пе мьн Мьзгинидайин мийасәр бә». Йаһоwа мәрʹа жи шьхӧле даннасинкьрьна «мьзгинийа хере» да, у әw мә нав дькә ча һәвалхәбаткʹаре хwә (1 Тʹеслн. 2:4; 1 Корн. 3:9). Һәрге әм бәрдәwан кьн әwи шьхӧлива мьжул бьн, әм дькарьн сәд сәләфи баwәр бьн, кӧ Йаһоwа wе бьдә мә чь кӧ әм һʹәwщә нә (Мәт. 6:33). У wе мәрʹа һеса бә кӧ һивийе бьн һʹәта Йаһоwа щаба дӧайед мә бьдә. Һәр рʹож бьхәбьтә wәки һәләԛәтийа хwә тʹәви Йаһоwа ԛәwи ки. Чахе тӧ рʹасти тәнгасийе тейи у бәрхwәдькʹәви, әwе йәке бьдә хәбате ча мәщал кӧ незики Йаһоwа би. Бьхунә, леколин кә, у бьфькьрә сәр Хәбәра Хwәде, демәк Кʹьтеба Пироз. Бәрдәwан кә дӧа бькә у ԛӧльхкьрьнева мьжул бә. Һәрге тӧ wан һʹәму тьшта бьки, тӧ дькари баwәр би кӧ Йаһоwа wе али тә бькә кӧ тәйах ки бәр һʹәму чәтьнайед хwә, чаwа ньһа ӧса жи ахьрийе. w15 1/4 4:​17, 18

Ԛӧрʹәбун дькарә зийане бьдә әʹдьлайа щьвате. Һәрге әм кәсәки нәфрʹәт дькьн у дьшьрмиш дьбьн кӧ әм жь wана баштьр ьн, әм дькарьн wанрʹа тьштәки ӧса бежьн йан бькьн, кӧ дьле wан бешиньн (Мәтʹлк. 12:18). Һәрге әм дьшьрмиш дьбьн кӧ әм жь йед дьн баштьр ьн, әм гәрәке бир нәкьн кӧ Йаһоwа нәфрʹәт дькә wан, йед кӧ дьле хwәда ԛӧрʹә нә (Мәтʹлк. 16:5). Мәрʹа ӧса жи лазьм ә, wәки хwә бьщерʹьбиньн у жь хwә бьпьрсьн: «Гәло әз дьшьрмиш дьбьм wәки әз һе баш ьм, нә кӧ мәрьвед жь щурʹә-щурʹә мьләта, рʹәнга, йан жи култура?» Һәрге ӧса нә, әм гәрәке бир нәкьн, кӧ Хwәде жь мәрьвәки «һʹәму мьләтед дьнйайе әʹфьрандьн» (Кʹар. Шанд. 17:26). Демәк, әм гьшк жи жь мьләтәки нә, чьмки һәр кәс жь Адәм пешда һатийә. У әw беаԛьлайи йә, һәрге әм дьшьрмиш бьн кӧ Хwәде һьнә мьләт һе рʹьнд чекьрьнә, нә кӧ йед дьн. Ле һәрге әм ӧса дьшьрмиш дьбьн, әм изьне дьдьнә Шәйтʹан кӧ һʹьзкьрьн у тʹьфаԛийа ортʹа Мәсиһийа кʹӧта кә (Йуһʹн 13:35). Һәрге әм дьхwазьн мьԛабьли Шәйтʹан дәрен у сәркʹәвьн, әм гәрәке жь һʹәму щурʹә ԛӧрʹәбуна нәрʹаст бьрʹәвьн (Мәтʹлк. 16:18). w15 1/5 2:​8, 9

Йаһоwа мәрʹа соз дьдә ахьрийа бәхтәwар у бетәнгаси. Рʹункьри һивийе нә жийина һʹәта-һʹәтайе сәр әʹзмана бьстиньн у «пәзед дьн» жийина сәр әʹрде (Йуһʹн. 10:16; 17:3; 1  Корн. 15:53). Ле ньһа чахе әм дькʹәвьнә тәнгасийе, Йаһоwа фәʹм дькә кӧ әм чь һʹалида ньн. Бәре жи, Йаһоwа һʹале щьмәʹта хwә фәʹм дькьр у бәрхwәдькʹәт чахе әwана Мьсьреда дьчәрчьрин. Кʹьтеба Пироз дьбежә кӧ әw бона wан «әʹщьз бу» (Иша. 63:9). Паше, чахе щьмәʹта wи пʹарьстгәһ тʹәзәда ава дькьр у дьжмьнед хwә дьтьрсийан, Йаһоwа һәстед wан фәʹм дькьр. Әwи готә wан кӧ йе дәсте хwә бьдә wан, дәсте хwә дьдә бибока чʹәʹве wи (Зәкәр. 2:8). Чаwа кӧ һʹьзкьрьна де һәйә һьндава зарʹа, ӧса жи һʹьзкьрьна Йаһоwа һәйә һьндава ԛӧльхкʹаред wи у әw дьхwазә али wан бькә (Иша. 49:15). Чахе әм мәрьва фәʹм дькьн кӧ әwана чь тʹәхмин дькьн у хwә дьдьнә дәwса wан, бь wе йәке әм һʹьзкьрьнеда чʹәʹв дьдьнә Йаһоwа (Зәб. 103:13, 14). w15 1/5 4:2

Гәло гьлийед Иса дьһатьнә һʹәсабе, wәки тʹьме мәрьвед кʹәсиб wе һәбьн? На, әwи дьхwәст бьгота wәки һʹәта кӧ әw дьнйа хьраб һәйә, кʹәсиббун wе һәбә. Жь бо сәрwеред тьма у хьраб, бь сәда милйона мәрьв кʹәсиб дьжин. Ле Хwәде соз дьдә, кӧ зутьрәке wе хьлазийа тәнгасийа бинә! (Зәб. 72:16) Кʹәрәмәтед Иса мә дьдьнә баwәркьрьне, кӧ әw ԛәwата хwә бона ԛәнщийе дьдә хәбате (Мәт. 14:14-​21). Рʹаст ә әм нькарьн кʹәрәмәта бькьн, ле әм дькарьн wәʹде хwә у ԛәwата хwә бьдьнә хәбате, сәва кӧ мәрьварʹа гьли кьн дәрһәԛа ахьрийа пʹьрʹ баш, кӧ Кʹьтеба Пироз соз дьдә. Әм чаwа Шәʹдед Йаһоwа, борщдар ьн әwе йәке бькьн (Рʹом. 1:14, 15). Һәрге әм бьфькьрьн дәрһәԛа кьред Иса кӧ wе зутьрәке бькә, әме бьхwазьн мәрьварʹа жи гьли кьн (Зәб. 45:1; 49:3). w15 1/6 1:​7, 10, 11

Чахе әм Йаһоwа һʹәсаб дькьн ча Досте хwәйи баш, һьнге әм нә кӧ тʹәне бь кьред хwә дьхwазьн дьле wи хwәш бен, ле бь фькьред хwә жи. Чахе фькьред мә тʹәмьз ьн, дьле мә жи тʹәмьз ә (Зәб. 24:3, 4; 51:6; Фили. 4:8). Йаһоwа занә кӧ әм нәԛәдандинә у дькарьн дәрһәԛа тьштед нәщайиз бьфькьрьн. Ле әм нахwазьн дьле Йаһоwа бешиньн, ләма жи әм дьхәбьтьн кӧ фькьред нәрʹаст жь сәре хwә дәрхьн (Дәстп. 6:5, 6). Әм һʹәму тьшти дькьн, кӧ фькьред хwә тʹәмьз хwәй кьн. Һәрге әм тʹьме Йаһоwарʹа дӧа дькьн сәва аликʹарийе, әw wе али мә бькә кӧ фькьред бенамуси жь сәре хwә дәрхьн. Йаһоwа рʹӧʹһе пироз дьдә мә, wәки ԛәwата мә һәбә, кӧ әм бькарьбьн тʹәмьзайе хwәй кьн. w15 1/6 3:​4, 5

Иса әм һин кьрьн кӧ әм дӧа бькьн бона «нане мәйи», нә кӧ «нане мьн». Виктор, бәрпьрсийаре мьһале жь Африкайе дьбежә: «Әз тʹьме жь Йаһоwа рʹази мә, wәки әз у жьна мьн гәләк хәм накьн, кӧ кʹидәре рʹожа дьн әм хwарьне бьхwьн, у нә жи хәм дькьн бона пʹәре кʹьре. Чьмки хушк-бьред мә бь дьл у щан дәрһәԛа мә хәм дькьн. Ле әз дӧа дькьм, сәва йед кӧ али мә дькьн, бькарьбьн проблемед хwә пʹәрәва гьредайи сафи кьн». Дьбәк хwарьна мә тʹер-тʹьжә йә, ле гәләк хушк-бьред мә кʹәсиб ьн. Ӧса жи һьнәк кʹәтьнә ԛәзийе у тәнгасийе. Ләма жи әм нә кӧ тʹәне гәрәке бона wан дӧа бькьн, ле ӧса жи чьԛас дькарьн али wан бькьн. Мәсәлә әм дькарьн пʹәрә ԛӧрбан кьн бона шьхӧле щьмәʹта Йаһоwайә һʹәмдьнйайе. Әм заньн кӧ әw ԛӧрбанкьрьна пʹәра, али хушк-бьред мә дькә, кʹе һʹәwщә нә (1 Йуһʹн. 3:17). w15 1/6 5:​4-6

Ишайа 60:17-да һатә пʹехәмбәртикьрьне, кӧ гәләк гӧһастьнед баш гәрәке бьԛәwьмьн дь пʹарәкә тʹәшкиләта Хwәдейә сәр әʹрдеда. Мәсиһийед щаһьл йан жи йед тʹәзә, тʹәне хwәндьнә йан жи бьһистьнә дәрһәԛа wан гӧһастьна. Ле һәнә гәләк хушк-бьра, кӧ хwәха дитьнә әw гӧһастьнед баш. Әw ԛӧльхкʹаред амьн баwәр ьн, кӧ Хwәде бь Иса рʹебәрийе тʹәшкиләта хwә дькә! Чахе әм дьбьһен кӧ ча wан хушк-бьра хwәха дитьнә әw гӧһастьн, баwәрийа мә у итʹбарийа мә һьндава Йаһоwа һе ԛәwи дьбә. Һʹәму Мәсиһийед рʹаст, гәрәке дәрһәԛа тʹәшкиләта Йаһоwа мәрьварʹа гьли кьн. Әв йәк кʹәрәмәт ә, кӧ һәла һе ве дьнйа Шәйтʹанә зӧлмда жи, әм тʹәви бьратийа хwә, әʹдьлайе у йәктийеда ньн! w15 1/7 1:​12, 13

Шәрʹе Һармәгәдоне wе наве Йаһоwайи пироз рʹумәт кә. Һʹәму мәрьвед кӧ wе бенә диwанкьрьне ча бьзьн, демәк йед нәамьн, wе бенә кʹӧтакьрьне (Мәт. 25:31-33, 46). Ида тӧ щар зӧлми у нәһәԛи wе тʹӧнә бә сәр әʹрде, у «әʹлаләтәкә мәзьн» wе жь Һармәгәдоне хьлаз бә. Һʹәта кӧ әw ԛәwьмандьн зутьрәке бьԛәwьмьн, иро әм гәрәке чь бькьн? Йаһоwа Паwлос һелан кьр кӧ бьньвисә: «Һәгәр әв һәр тьшт wе бь ви аwайи wеран бьн һәрʹьн, һун гәрәке мәрьвнә чаwа бьн? Гәрәке һун жийина һʹәлал у хwәденасийеда бьмәшьн, һивийа Рʹожа Хwәде бьн у һатьна wи ләз хьн . . . Аwа дәлално, һун кӧ һивийа ван йәка нә, бькьн кӧ әw wә беләкʹә у беԛӧсур әʹдьлайийеда тʹәви хwә бьбинә» (2 Пәт. 3:11, 12, 14). Wәрен әм һʹәму тьшти бькьн, сәва кӧ ԛӧльхкьрьна хwә тʹәмьз хwәй кьн, кӧ тʹәви религийа ԛәлп гьредайи нибә у пьштгьрийа Пʹадша Иса Мәсиһ бькьн. w15 1/7 2:​17, 18

Щьмәʹта Йаһоwа хәбата гьран дькьн, сәва кӧ Одед Щьвата ава кьн. Бона wе йәке тенә кʹьфшкьрьне әw мәрьв йед кӧ бь рʹәзәдьли у беһәԛ Одед Щьвата ава дькьн у тʹәзә дькьн. Бь сайа wе йәке, нава 15 салада нав тʹәмамийа дьнйайе, мә 28 000 Одед Щьвата бәдәw ава кьрьнә, демәк һәр рʹож wәкә 5 Одед Щьвата. Тʹәшкиләта Йаһоwа кʹьфш дькә мәрьвед бь рʹәзәдьли у дьдә хәбате пʹәре ԛӧрбанкьри, сәва кӧ Одед Щьвата ль wан щийа ава кьн, кʹидәре һʹәwщәти һәйә. Әм пәй ве принсипа Кʹьтеба Пироз дьчьн, кӧ щәм кʹе зедә һәйә дькарьн али wан бькьн щәм кʹе кем ә (2 Щор. 8:​13-​15). Әwе йәке чь кʹар анийә? Дь гәләк щийада кʹидәре кӧ хwәха щьват нькарә хәрще авакьрьна Одед Щьвата дадә, йәкә Одед Щьвата һатә авакьрьне. w15 1/7 4:​9-​11

Иса гот кӧ wе чь нишан һәбә, сәва кӧ пәйчуйед wи бьзаньбьн, кӧ әwана wе чь wәʹдәйида бьжин. Ләма пәйчуйед Иса ида пешда һаш жь хwә һәбун (Мәтта 24:27, 42). Жь сала 1914 щурʹә-щурʹә пʹаред нишана Иса тенә сери. Ләма жи әм баwәр ьн, кӧ әм дьжин рʹожед ахьрийеда, демәк «ахьрийа ве дьнйайе». Йаһоwа ида сафи кьрийә кӧ кʹәнге дьнйа Шәйтʹанә зӧлм кʹӧта кә (Мәт. 24:3). Ле гәло чьрʹа әм гәрәке бәрдәwам кьн һивийа хьлазийе бьн? Чьмки әм гӧрʹа Иса Мәсиһ дькьн. Ӧса жи, әм әʹйан дьвиньн кӧ нишана рʹожед ахьрийе кʹижан кӧ Иса дабу, те сери. Әм баwәр ьн кӧ хьлази незик ә нә жь бо wе йәке, кӧ әм һәма чь дьбьһен һʹәму тьшти баwәр дькьн, ле әм баwәр ьн чьмки пʹехәмбәрти жь Кʹьтеба Пироз те сери. Әм гәрәке һаш жь хwә һәбьн, у һазьр бьн чахе хьлази бе. w15 1/8 2:​8, 9

Дьнйа тʹәзәда әме гәләк ша бьн, чахе һьнә wәʹде хwә хәрщ кьн бона хwәстьнед хwә у һесабуне. Чьмки Йаһоwа мә ӧса әʹфьрандийә, кӧ әм хwәрʹа ша бьн у әw мәрʹа соз дьдә кӧ «дахwаза һәр жийандари» бинә сери (Wаиз 2:24). Бәле мәрʹа лазьм ә һесабун у wәʹдәдәрбазкьрьн, ле әм һе зедә шабуне дьстиньн, чахе һәләԛәтийа хwә тʹәви Йаһоwа датиньн щийе пешьн. У дьнйа тʹәзәда жи wе ӧса бә. Wе бь билани бә, кӧ әм бәрдәwам кьн «бәре пешьн ль Пʹадшатийа Хwәде бьгәрьн», бьфькьрьн сәр кʹәрәмед хwә кʹижана дьстиньн жь ԛӧльхкьрьна хwә Йаһоwарʹа (Мәт. 6:33). Дьнйа тʹәзәда жийин wе һе баш бә, нә кӧ ча әм дьдьнә бәр чʹәʹве хwә. Wәрен әм бьдьнә кʹьфше, кӧ әм чьԛас зәʹф дьхwазьн дьнйа тʹәзәда бьн, демәк ньһа ида һазьр бьн бона «жийина рʹасти». w15 1/8 3:​17, 18

Иса чахе сәр әʹрде ча мәрьве ԛәданди бу, дор бәре wи мәрьвед нәԛәданди бун. Де-баве wи у хушк-бьред wи, гьшк жи нәԛәданди бун. Һәла һе шагьртед Исайи незик жи һʹӧнӧред ӧса данә кʹьфше чаwа бабахи у хwәһʹьзи. Мәсәлә, шәв пешийа мьрьна wи, шагьртед wи дькʹәтьнә дәʹwе, кӧ «нав wанда кʹижан wе йе һәри мәзьн бе һʹәсабе» (Луԛа 22:24). Рʹаст ә әwана нәрʹаст дьфькьрин жь бо нәԛәдандибуна хwә, ле Иса заньбу кӧ пәйчуйед wи зутьрәке wе бьбьнә Мәсиһийед гьһишти у щьвате саз кьн, кʹижан кӧ wе йәктийеда бә. Wе шәве, Иса бона wан дӧа кьр, сәва кӧ әwана йәктийеда бьн. Әwи жь Баве хwә һиви кьр, кӧ әwана бьбьнә йәк, у гот: «Баво, чаwа тӧ нава мьнда йи у әз нава тәда мә, әм йәк ьн». Әwи зедә кьр: «Wәки әw бьбьн йәк, чаwа әз у тӧ йәк ьн» (Йуһʹн. 17:21, 22). w15 1/9 1:​10, 11

Чахе Пәтрус сәр бәʹра Щәлилерʹа дьчу, ньшкева тьрс кʹәтә дьле wи. Гәло чьрʹа? Әw тьрсийа жь бо ба у пʹела. Әм ба у пʹела дькарьн бәрамбәр кьн тʹәви гәләк проблем у щерʹьбандьна, йе кӧ рʹасти Мәсиһийа тен. Һәрге жи әw проблем гәләк мәзьн ьн, әм бь аликʹарийа Йаһоwа дькарьн ԛәwи бьминьн. Ле биньн бира хwә, кӧ чь ԛәwьми тʹәви Пәтрус. Әw нӧԛи аве нәдьбу жь бо wе йәке кӧ ба у пʹеле аве wи дьхьстьн. Кʹьтеба Пироз дьбежә: «Чахе әwи байе ԛайим дит тьрсийа» (Мәт. 14:24-32). Пәтрус ида сәр Иса нәдьньһерʹи, чьмки дина хwә да сәр ԛәwата фьртоне. Ләма жи баwәрийа wи сьст бу. Әм жи һәрге дина хwә бьдьнә сәр проблемед хwә, әм дькарьн дәстпекьн дӧдьли бьн кӧ Йаһоwа wе али мә бькә. Әм гәрәке фәʹм бькьн, кӧ дьԛәwьмә әм баwәрийа хwә ӧнда кьн. Ле чьрʹа? Чьмки Кʹьтеба Пироз дьбежә, кӧ ӧндакьрьна баwәрийе әw һәйә «гӧне кӧ рʹьһʹәт ль мә дьwәлә» (Ибрн. 12:1). Һәрге әм жи мина Пәтрус дина хwә бьдьнә сәр тьштед нәрʹаст, баwәрийа мә дькарә дәрберʹа сьст бә. w15 1/9 3:​1, 6, 7

Чахе кәсәк пʹешкʹешәке дьдә тә, фәʹмдари йә кӧ тӧ рʹазибуна хwә әʹйан дьки. У ӧса жи тӧ әве пʹешкʹеше дьди хәбате, чьмки ԛимәт дьки. Әм гәләк жь Йаһоwа рʹази нә, чьмки әw һʹәму тьшти дьдә мә чь кӧ мәрʹа лазьм ә сәва кӧ бьжин у бәхтәwар бьн. Әм фәʹм дькьн кӧ әw чьԛас зәʹф мә һʹьз дькә, у әм дьхwазьн wирʹа әʹйан кьн кӧ әм жи wи һʹьз дькьн. Йаһоwа Исраели кʹәрәм дькьр у гәләк тьштед баш дьда wан. Бь сәда сала, әwи бь ԛанунед хwә рʹебәри wан дькьр у һʹәму тьшт дьда сәва кӧ әwана бьжин (Ԛан. Дщр. 4:7, 8). У Исраелийа жи дькарьбун рʹазибуна хwә Йаһоwарʹа бьдана кʹьфше, һәрге ԛанунед wи бьԛәдандана. Мәсәлә, чахе wана Йаһоwарʹа ԛӧрбан дьанин, wана гәрәке «бәред дәрәмәта пешьнә әʹрде» бьанийана (Дәркʹ. 23:19, ПКМ). Исраелийа заньбун кӧ Йаһоwа wе бәрдәwам кә wана кʹәрәм кә, һәрге әwана гӧрʹа wи бькьн, у тьштед лапә баш бьдьнә wи (Ԛан. Дщр. 8:7-11). w15 1/9 5:​5, 6

Тӧ ча дькари жийина хwәда дәсте Йаһоwа бьвини? Бьфькьрә, дьбәкә тә тʹәхмин кьрийә, кӧ Йаһоwа али тә кьр кӧ тӧ рʹастийе бьвини. Йан, дьбәкә те бира тә чахе тӧ сәр щьвате буйи, тә готар бьһист у хwәрʹа ӧса гот: «Хут әw йәк мьнрʹа лазьм бу!» Ӧса жи, дьбәкә тә дитийә, кӧ чаwа Йаһоwа щаба дӧайед тә дайә. Йан, дьбәкә тә дьхwәст һе зедә бона Йаһоwа бьки, у тә дит кӧ ча әwи али тә кьр кӧ бьгьһижи әwе нета хwә. Ӧса жи, дьбәкә тә жь бо ԛӧльхкьрьна хwә Йаһоwарʹа хәбата хwә ӧнда кьр, чьмки гәләк wәʹдә жь тә дьстанд у паше тә дит, кӧ чаwа Хwәде созе хwә ани сери: «Әзе  . . . Тʹӧ щар тә бәрʹнадьм» (Ибрн. 13:5). Чахе һәләԛәтийа мә тʹәви Йаһоwа ԛәwи йә у әм дьлпаԛьж ьн, әм һеса дькарьн жийина хwәда дәсте wи бьвиньн. Ле чь те һʹәсабе «дьлпаԛьж» бьн? Әw те һʹәсабе кӧ фькьред мә гәрәке тʹәмьз бьн у әм гәрәке тьштед нәрʹаст нәкьн (2 Корн. 4:2). Әм гәрәке һәләԛәтийа хwә тʹәви Хwәде ԛәwи кьн, wәки дәсте wи бьвиньн. w15 1/10 1:​17, 19

Һьнә мәрьвед Йунани, йед кӧ һатьнә Оршәлиме сәва кӧ Щәжьна Дәрбазбуне дәрбаз кьн, дитьн кӧ Иса ча бәри wан мәрьва да у әʹщебмайи ман. Ләма wана жь Филипойе шанди пьрсин, кӧ һәла әwана дькарьн рʹасти Иса бен. Ле Иса мәрьвед ӧса нәдьгәрʹийа кӧ бькарьбуна пьштгьрийа wи бькьрана у әw жь дьжмьнед wи хwәй кьрана. Иса заньбу чь лап фәрз ә. Әwи дина хwә дьда сәр ԛьрара Хwәде дәрһәԛа хwә, демәк, әwи гәрәке әʹмьре хwә бьда ча ԛӧрбан. У ләма Иса кьрә бира шагьртед хwә, кӧ әw зутьрәке гәрәке бьмьрә у әwед кӧ пәй wи дьчьн гәрәке һазьр бьн кӧ әʹмьре хwә жи бьдьн. Әwи гот: «Йе кӧ әʹмьре хwә һʹьз дькә, әwе ӧнда кә, ле әwе кӧ ль ве дьнйайе дьжәнә әʹмьре хwә, әw wи бона жийина һʹәта-һʹәтайе хwәй дькә». Пашә Иса ида гот әw гьлийед йа ве рʹеза рʹоже. У Филипо карьбу әве мьзгинийа баш мәрьвед Йунанирʹа бежә (Йуһʹн. 12:20-25). Чахе Иса ль сәр әʹрде бу, әwи дина хwә дьда сәр бәлакьрьна мьзгине. Рʹаст ә бона wи әw шьхӧл сәрәкә бу, ле әw һәртʹьм сәр wи шьхӧли нәдьфькьри. w15 1/10 3:​13, 14

Шагьртед Иса гәләк щар һәвдӧрʹа дькʹәтьнә дәʹwе, кӧ жь wана кʹи йә йе һәри мәзьн. Иса әw проблем пьшт гӧһе хwәва нәавит. Дәwсе, әwи бь сәбьр әwана диса у диса ширәт дькьрьн. Иса һәртʹьм нәрм бу, у сәва кӧ wана ширәт кә, щи у wәʹде рʹаст дьжбарт (Марԛ. 9:33-37). Һун зарʹед хwә һʹьз дькьн, ләма жи һун заньн кӧ гәрәке wана ширәт кьн. Щара бәс ә кӧ зарʹарʹа тʹәне шьровәкьн кӧ чьрʹа әв тьшт рʹаст ә йан хьраб ә. Ле һәрге әwана диса йа хwә дькьн? (Мәтʹлк. 22:15). Чʹәʹв бьдьнә Иса. Бь сәбьр бәрдәwам кьн wана рʹаст кьн, ширәт кьн у һин кьн. Щи у wәʹде рʹаст бьжберьн, сәва кӧ wана ширәт кьн, у әwе йәке бь нәрми бькьн. Хушкәкә жь Африкайа Башуре бь наве Елен тинә бира хwә, кӧ де-баве wе чаwа әw ширәт дькьрьн. Елен дьбежә: «Wана тʹӧ щар бь һерсе әз щәза нәдькьрьм, йан жи бе шьровәкьрьн кӧ чьрʹа мьн щәза дькьн». Жь бо ве йәке Елене тʹьме заньбу, кӧ де-баве wе, wе һʹьз дькьн. w15 1/11 1:​5, 6

Гәло ахьрийа инсанәте wе ча буйа, һәрге Хwәде инсанәт һʹьз нәкьра? Мәрьва wе диса жи хwәха сәрwерти бькьрана у бьн һʹӧкӧме Шәйтʹанда буна, кʹижан кӧ бе һʹьзкьрьн ә у зӧлм ә (2 Корн. 4:4; 1 Йуһʹн. 5:19; Әʹйан. 12:9, 12). Бәле, ахьри wе гәләк хьраб буйа, һәрге Йаһоwа әм һʹьз нәкьрана! Чахе Шәйтʹан мьԛабьли сәрwертийа Йаһоwа дәркʹәт, әwи кьрә бьн шьке изьна Хwәде кӧ бьбә Хwәдайе һʹәму Зорайе. Шәйтʹан гот кӧ сәрwертийа wи wе һе баш бә, нә кӧ йа Хwәде (Дәстп. 3:1-5). Бь билани бу, кӧ Йаһоwа сәр wәʹдәки кьн изьн да Шәйтʹан, wәки гьлийед хwә избат кә. Ле ахьри зәлал те кʹьфше, кӧ нә мәрьв нә жи Шәйтʹан нькарьн бьбьнә сәрwеред баш. w15 1/11 3:​3, 4

Мьлукти али мә дькә кӧ гӧрʹа тʹәмийа Иса бькьн. Әwи гот: «Wә бьһистийә кӧ һатийә готьне: ‹Һәвале хwә һʹьз бькә у бьжәнә дьжмьне хwә›. Ле әз wәрʹа дьбежьм, дьжмьнед хwә һʹьз бькьн у бона wан дӧа бькьн, йед кӧ wә дьзериньн, wәки һун бьбьнә зарʹед Баве хwәйи Әʹзмана. Чьмки әw тәʹва хwә дәрдьхә һьн сәр ԛәнща, һьн жи сәр хьраба у баране дьбаринә һьн сәр рʹаста, һьн жи сәр нәрʹаста» (Мәт. 5:43-45). Чьмки әм хьзмәткаред Йаһоwа нә, әм гәрәке дьжмьнед хwә һʹьз бькьн у фьрԛи тʹӧнә әw һьндава мә чаньн. Әм һәргав гәрәке һʹьзкьрьна хwә һьндава Йаһоwа у һәвала нишан кьн. Һәрге жи мәрьв мьԛабьли мә у мьзгина мә дәртен, әм йәкә али wан дькьн чахе әwана һʹәwщә нә. w15 1/11 4:​17, 19, 20

Щьмәʹта Хwәде тʹьме пʹешкʹеша зьман дьда хәбате, сәва кӧ Йаһоwа рʹумәт кьн у дәрһәԛа wи мәрьварʹа гьли кьн. Дь wан пашwәхтийада щьмәʹта Хwәде әw пʹешкʹеш да хәбате, сәва кӧ Кʹьтеба Пироз wәлгәриньн, чьмки ӧса һе зедә мәрьв дькарьн пебьһʹәсьн дәрһәԛа Йаһоwа. Бь һʹәзара wәлгәрандьнед Кʹьтеба Пироз һәнә, ле һьнәк жь wан һе рʹаст ьн нә кӧ йед дьн. Сәва кӧ Кʹьтеба Пироз рʹаст wәлгәриньн, Комитейа Wәлгәрандьна Кʹьтеба Пироз йа Дьнйа Тʹәзә сафи кьр, кӧ wәʹде wәлгәрандьне wан се принсипед сәрәкә бьдьнә хәбате: 1) Наве Хwәде рʹумәт кьн у наве wи дь Хәбәра wида бьдьнә хәбате һаԛас, чьԛас дь орижиналеда һәйә (Мәт. 6:9). 2) Кʹидәре кӧ те стандьн текста орижинале хәбәр пәй хәбәр wәлгәриньн. Ле кʹидәре кӧ найе стандьне, фькьре орижинале рʹаст wәлгәриньн. 3) Бьдьнә хәбате зьман кӧ һеса бә бьхуньн у фәʹм бькьн (Нәһәм. 8:8). w15 1/12 2:​1, 2

Һәла бьдьнә бәр чʹәʹве хwә, кӧ wе чь бьԛәwьмийа тʹәви әскәра, һәрге борийе дәнге нәнас дәрхьста! Демәк һәрге әм тьшта зәлал шьровәнәкьн, мәрьв дькарьн бьхальфьн йан жи бьфькьрьн кӧ готьна мә дәрәw ә. Рʹаст ә әм дьхwазьн кӧ мә рʹаст фәʹм кьн, ле әм гәрәке фәсал бьн wәки чь кӧ әм дьбежьн сәрт йан жи беԛәдьр нибә (1 Корн. 14:9). Жь Мәтта сәре 5-7 әм педьһʹәсьн кӧ чаwа Иса хәбәред ӧса дьжбартьн, кʹижан кӧ һеса бун бона фәʹмкьрьне. Сәва кӧ мәрьварʹа чәтьн нибә, әwи хәбәрдана хwәда хәбәред чәтьн йан жи йед зедә нәдьда хәбате. У әwи тьштед ӧса нәдьгот кӧ дьле мәрьва бешиньн. Иса тьштед гәләк фәрз у кʹур һин дькьр, ле әwи чь жи дьгот тʹьме һеса бун бона фәʹмкьрьне. Мәсәлә, Иса дьхwәст кӧ шагьртед wи баwәр бькьн, кӧ wанрʹа нә лазьм ә дәрһәԛа хwарьна һәр рʹожи хәма бькьн. У ләма әwи wанрʹа шьровәкьр кӧ Йаһоwа тʹьме тәйрәда тʹер дькә. Паше, әwи wанрʹа гот: «Нә һун жь wан ԛимәттьр ьн?» (Мәт. 6:26). Иса бь wан хәбәред һеса али шагьртед хwә кьр, кӧ дәрсәкә фәрз фәʹм кьн у дьлгәрм бьн. w15 1/12 3:​13, 14

Чь те һʹәсабе һʹьзкьрьна бьрати? Хәбәра Йунани «филаделфиа» кӧ Паwлос дайә хәбате, рʹастә-рʹаст те һʹәсабе «һʹьзкьрьна һьндава бьра». Һʹьзкьрьн һьндава бьра ԛәwи йә у гәрм ә, ча кӧ һʹьзкьрьна һьндава нәфәред мале йан һәвала (Йуһн. 11:36). Әм нә кӧ тʹәне хwә дьдьнә кʹьфше кӧ йанчь әм хушк-бьред һәв ьн, ле әм бь рʹастийе жи чаwа хушк-бьра нә (Мәт. 23:8). Һәма дәрһәԛа һʹьзкьрьна wи щурʹәйи әw гьлийед хwәш дьдьнә кʹьфше: «Һʹьзкьрьнеда чаwа хушк-бьра сәр һәв шәwат бьн, ԛәдьркьрьнеда жь һәвдӧ дәрбазтьр бьн» (Ром. 12:10). Һʹьзкьрьна бьрати гьредайи йә тʹәви һʹьзкьрьна «агапе» кӧ сәр һʹиме принсипа йә, у әw һʹьзкьрьн щьмәʹта Хwәде йәктийеда хwәй дькә. Мәсиһи Мәсиһийед дьн һʹәсаб дькьн чаwа «бьра», у фьрԛи тʹӧнә әwана чь мьләт ьн (Ром. 10:12). У Йаһоwа әм һин кьрьн кӧ һʹьзкьрьна мәйә бьрати һәбә (1 Тʹеслн. 4:9). w16.01 1:​5, 6

Һьзкьрьна мә һьндава Иса, мә һелан дькә кӧ хьзмәткьрьнеда у һазьркьрьна шагьртада әм бь дьл кʹар бькьн (Мәт. 28:19, 20; Луԛа 4:43). Wәʹде мәһа Биранине әм дькарьн чаwа пешәнге кʹомәкдар 30 йан 50 сьһʹәта хьзмәт кьн. Тӧ дькари дәрәще хwә ӧса сафи ки, сәва кӧ wе мәһеда хьзмәт ки чаwа пешәнге кʹомәкдар? Мере би, кʹижан кӧ 84 сали йә, жь бо әʹмьре мәзьн у кемасийа сьһʹәт-ԛәwате, сәр хwә гӧман нибу кӧ wе бькарьбә хьзмәт кә чаwа пешәнге кʹомәкдар. Ле пешәнгед дь мьһала wида сафи кьрьн кӧ wе йәкеда аликʹарийе бьдьнә wи. Wана хәм кьрьн бона әʹрәбе у бона мьһаләкә ӧса, кʹидәре кӧ әw бькарьбә 30 сьһʹәте хьзмәтийа хwә тʹәмам кә. Ле тӧ һазьр и дь wе йәкеда аликʹарийе бьди кәсәки сәва кӧ әw жи шабуне бьстинә кӧ ча пешәнге кʹомәкдар хьзмәт кә wәʹде мәһа Биранине? Рʹаст ә, һәр кәс жь мә нькарә ча пешәнге кʹомәкдар хьзмәт кә. Ле йәкә, әм дькарьн һʹәму ԛәwата хwә у wәʹде хwә бьдьнә хәбате, сәва кӧ һе зедә пәсьне Йаһоwа бьдьн. w16.01 2:​7, 11

Һәрге пәзед дьн нькарьн наве һʹәму рʹункьрийа бьзаньбьн, ле wе ча бькарьбьн тʹәви wан «һәрьн»? Дина хwә бьдьне Зәкәрйа чь гот дәрһәԛа дәһ мера, кӧ бь симболик тенә һʹәсабе пәзед дьн. Әw дәһ мер «пе даwа кәсәки Щьһудива бьгьрьн у wе бь готьна [бежьн]: ‹Әм бь wәрʹа һәрʹьн, жь бәр, мә бьһистьн кӧ Хwәде бь wәрʹа йә!› » Рʹаст ә дь ве рʹезеда те готьне дәрһәԛа Щьһуйәки, ле гьлийе «бь wәрʹа» те һʹәсабе гәләк нә кӧ йәк. Демәк әw Щьһуйе рʹӧһʹани те һʹәсабе кʹом, нә кӧ мәрьвәк. Ләма нәлазьм ә кӧ әм һәр Щьһуйе рʹӧһʹани нас кьн у паше тʹәви wи һәрʹьн. Әм гәрәке wана һʹәсаб кьн чаwа кʹом у пьштгьрийа wан бькьн. Кʹьтеба Пироз мәрʹа тӧ щар набежә кӧ әм пәй кәсәки һәрʹьн. Әм гәрәке тәне пәй Иса һәрʹьн, йе кӧ Рʹебәре мә йә (Мәт. 23:10). w16.01 4:​4

Жь зарʹотийе һʹәта мьрьне, һʹәwщәтийа мәйә мәзьн һʹьзкьрьн ә. Мәрьварʹа лазьм ә һʹьзкьрьн, у әwана дьхwазьн кӧ wана һʹьз кьн, у нә тʹәне бь һәстед романтики. Әм һʹәwще достийе у һәләԛәтийа незик ьн. Ле һәйә һʹьзкьрьнәкә ӧса, кʹижан кӧ әм гәләк һʹәwщә нә. Әw һәйә һʹьзкьрьна Йаһоwа. Гәләк мәрьварʹа чәтьн ә кӧ фәʹм кьн wәки мәрьв дькарьн бьбьнә достед Хwәдейе Һьмзор. Ле әм жи ӧса дьфькьрьн? Һьлбәт на! Кʹьтеба Пироз әʹйан дькә, кӧ мәрьвед гӧнәкʹар бунә достед Хwәде. Ԛазанщкьрьна достийа ӧса нетәкә лапә фәрз ә дь әʹмьре мәда, кʹижан кӧ әм дькарьн бьдьнә пешийа хwә. Ләма жи һежа йә кӧ әм бьфькьрьн сәр һьнә мәсәла, йед кӧ wе али мә бькьн кӧ әм бьзаньбьн ча дькарьн бьбьнә досте Хwәде. Дь ве йәкеда мәсәла лапә мәзьн Бьраһим һиштийә (Аԛуб 2:23). Ле Бьраһим ча ӧса незики Хwәде бу? Мәʹна лапә сәрәкә баwәрийа wи бу. Кʹьтеба Пироз сәр Бьраһим дьбежә «баве һʹәму баwәрмәндед» (Рʹом. 4:11). w16.02 1:​1, 2

Рʹаст ә баве Һьзԛийа йәк жь пʹадшед Щьһудайи хьраб бу, ле Һьзԛийа йәк жь пʹадшед баш бу (2 Пʹадш. 18:6). Тьштед хьраб кʹижан кӧ баве wи кьр, Һьзԛийа рʹаст кьр. Мәсәлә, әwи пʹарьстгәһ тʹәмьз кьр, у жь Хwәде һиви кьр кӧ гӧне щьмәʹте бьбахшинә, у һʹәму пʹут кʹӧта кьрьн (2 Дир. 29:1-11, 18-24; 31:1). Чахе Һьзԛийа рʹасти чәтьнайа һат, мәсәлә чахе пʹадше Ашуре Санһәриб һʹӧщӧми сәр Оршәлиме кьр, әwи мерхаси у баwәри да кʹьфше. Әwи итʹбарийа хwә Хwәде ани, кӧ әw wе wана хьлаз кә у ӧса жи бь мәсәла хwә у бь гьлийа щьмәʹт ԛәwи кьр (2 Дир. 32:7, 8). Рʹаст ә wәʹдәке Һьзԛийа ԛӧрʹә бу, ле йәкә әwи хwә ньмьз кьр у пʹошман бу (2 Дир. 32:24-26). Әʹйан ә кӧ Һьзԛийа изьн нәда кӧ зарʹотийа wи сәр wи һʹӧкӧм бә, у әw бьбә йәки зӧлм. Дәwсе әwи да кʹьфше кӧ Йаһоwа досте wи йә. Бь рʹастийе жи Һьзԛийа бона мә мәсәләкә баш ә. w16.02 2:​11

Әм жи дькарьн пешийе Йаһоwарʹа амьн бьн у һьн жи йед дьненарʹа чахе ԛәнщ ьн һьндава wан. Мәсәлә, дьбәкә тӧ зани кӧ кәсәк жь щьвате гӧне гьран кьрийә. Дьбәкә тӧ дьхwази wирʹа амьн бьмини, һәла һе һәрге әw һәвале тә йан мәрьве тәйи незик ә. Ле һәрге тӧ чʹәʹве хwә дади сәр гӧне wи, бь ве йәке нәамьн дьмини Хwәдерʹа. Бәле, амьнийа тә Йаһоwарʹа гәрәке сәр щийе пешьн бә. Ԛәнщ бә һьндава һәвале хwә. Ширәт кә һәвале хwә йан мәрьве хwәйи незик кӧ аликʹарийе жь рʹуспийа бьхwазә. Һәрге әw ширәта тә ԛәбул накә, тӧ гәрәке һәрʹи у бежи рʹуспийа. Чьмки бь wе йәке тӧ амьнийа хwә Хwәдерʹа дьди кʹьфше, у ӧса жи ԛәнщи һьндава һәвале хwә йан мәрьве хwәйи незик. Ле рʹуспи wи мәрьви wе бь нәрми ширәт кьн у рʹаст кьн (Ԛан. Кʹаһ. 5:1). w16.02 4:​14

«Амьни Хwәдерʹа» те һʹәсабе кʹаркьрьн щьватеда, мәсәлә чуйина сәр щьвине у бәлакьрьна мьзгине. Ӧса жи, әw те һʹәсабе тьштед рʹӧһʹани кӧ йед дьн нькарьн бьвиньн. Мәсәлә, дӧайед тә у һинбуна тәйә шәхси. Кәсе кӧ әʹмьре хwә тʹәсмили Йаһоwа кьрийә, тʹӧ щар wан тьшта ча баргьрани һʹәсаб нәкә. Дәwсе, әwе мина Даwьд Пʹадша бьфькьрә, кʹижани кӧ гот: «Йа Хwәдайе мьн, жь кьрьна хwәстьна тә, әз зәwԛә дьгьрьм» (Зәб. 40:8). Бира хwәда хwәй кә, чахе тӧ хwә тʹәсмили Йаһоwа ки у бейи ньхӧмандьне, ида те хwәха бәр Хwәде щаба хwә бьди. У ләма хьзмәткьрьна тә Йаһоwарʹа мәрьвед дьнва гьредайи нинә, нә жи жь де-баве тәва. Кьред тәйә пироз у амьни Хwәдерʹа избат дькьн кӧ тә хwәха рʹастийа Хwәде ԛәбул кьрийә у дьхwази пе принсипед wи бьжийи. У зутьрәке тӧйе бьгьһижи ньхӧмандьне. w16.03 2:​10, , 12, 15

Ԛануна Муса щьмәʹт хwәй дькьр wәки мина щьмәʹтед дьн бенамусийе, әʹдәт у кьред ԛәлп нәкьн. Чахе Исраелийа гӧра Хwәде дькьрьн, wана тʹьме кʹәрәма Хwәде дьстандьн. Ле чахе wана гӧра wи нәдькьрьн, wана бәред хьраб дьстандьн. (Ԛануна Дӧщари 28:1, 2, 15.) Диса мәʹникә дьн һәбу кӧ чьрʹа тʹәми у рʹебәри лазьм бу. Әwе Ԛануне, Исраели һазьр дькьрьн бона ԛәwьмандьна фәрз дь ԛьрара Хwәдеда. Әw һәбу һатьна Иса Мәсиһ. Әwе Ԛануне дьани бира Исраелийа кӧ әwана гӧнәкʹар ьн. Әве ӧса жи али wан дькьр wәки әwана фәʹм кьн кӧ wанрʹа лазьм ә кʹьрин, демәк ԛӧрбана беԛьсур, сәва әwана бь тәмами жь гӧнә хьлаз бьн (Галт. 3:19; Ибрн. 10:1-10). Хенщи ве йәке, пе аликʹарийа wе Ԛануне дьһатә хwәйкьрьне әw рькʹьнийат, жь кʹижане кӧ Иса гәрәке бьһата. Бәле, Ԛанун мина «хьлазкʹаре» wәʹдәлу бу, кʹижан кӧ бәрбь Мәсиһ дьбьр w16.03 4:​6, 7.