Нисан

Һәбу wәʹдә кӧ һәләԛәтийа wи тʹәви Йаһоwа баш бу. Ле паше, әw әʹфьрине рʹӧһʹани, демәк мьлйакʹәт, хwәст wәки мәрьв wи бьһʹәбиньн, нә кӧ Хwәде. Әw дәwса кӧ хwәстьна хьраб бал хwә дәрберʹа бьтәмьринә, изьн да һаԛас мәзьн бә һʹәта әwи гӧнә кьр (Аԛуб 1:14, 15). Әм наве wийи шәхси ньзаньн, ле әм заньн кӧ әw те навкьрьне ча Шәйтʹан. Әwи «тʹӧ щар хwә рʹастийе нәгьртийә». Әw мьԛабьли Йаһоwа дәркʹәт у бу «баве дәрәwа» (Йуһʹн. 8:44). Шәйтʹан бь мьԛабьлбуна хwә бу дьжмьне Йаһоwайи лапи мәзьн у дьжмьне инсанәте. Чаwа кӧ Кʹьтеба Пироз дәрһәԛа wи гьли дькә, әм дькарьн бьвиньн кӧ әw чьԛас хьраб ә. Хәбәра Шәйтʹан те һʹәсабе «Йе Мьԛабьл», кʹижан кӧ нишан дькә, wәки әw мьлйакʹәте зӧлм сәрwертийа Хwәде нәфрʹәт дькә у бь һʹәму ԛәwата хwә пешийа wи шәрʹ дькә. Чь кӧ Шәйтʹан бь рʹастийе дьхwазә бьвинә, әw һәйә хьлазийа сәрwертийа Йаһоwа. w15 1/5 1:​1, 2

Рʹаст ә чахе әм Кʹьтеба Пироз леколин дькьн, әм педьһʹәсьн кӧ чь гӧһастьна гәрәке бькьн, сәва кӧ һе рʹьнд Хwәдерʹа ԛӧльх кьн. Әм ӧса жи педьһʹәсьн дәрһәԛа wан тьшта, йед кӧ әw бь һʹьзкьрьн дькә у дәрһәԛа wи ча кәсе лапи баш. У әw йәк һʹьзкьрьна мә һьндава wи һе зедә дькә. Ча һʹьзкьрьна мә һьндава wи мәзьн дьбә, ӧса жи һʹьзкьрьна wи һьндава мә мәзьн дьбә, у һәләԛәтийа мә тʹәви wи һе ԛәwи дьбә. Һәрге әм дьхwазьн незики Хwәде бьн, фәрз ә кӧ чахе Кʹьтеба Пироз леколин дькьн нета мәйә рʹаст һәбә. Иса гот: «Әв ә жийина һʹәта-һʹәтайе, wәки әw тә нас кьн, чаwа Хwәдейе рʹасти бешьрики-беһәвал у ӧса жи Иса Мәсиһе кӧ тә шандийә» (Йуһʹн. 17:3). Әм чахе Кʹьтеба Пироз дьхуньн, дькарьн гәләк тьштед тʹәзә у һʹәwас пебьһʹәсьн. Ле нета мәйә сәрәкә гәрәке әw бә, кӧ Йаһоwа һе рʹьнд нас кьн чаwа Кәс (Дәркʹ. 33:13; Зәб. 25:4). Һәрге әм Йаһоwа нас дькьн чаwа Досте незик, әме дьлтәнг нәбьн һәрге Кʹьтеба Пироз щара мәрʹа шьровәнакә, кӧ әwи чьма ӧса кьрийә йан жи чьрʹа ӧса хwә дайә кʹьфше. w15 1/4 3:​6-8

Wан пашwәхтийа, жь һьнә рʹуспийед щерʹьбанди, йед кӧ бьра һин дькьн кӧ щьватеда һе зедә бькьн, пьрсин кӧ ча әwана бьра һин дькьн. Рʹаст ә әwана щурʹә-щурʹә wәлата у щьватада бун, ле ширәта һʹәмуйа мина һәв бу. Әw йәк чь кʹьфш дькә? Әw нишан дькә кӧ һинкьрьна сәр һʹиме Кʹьтеба Пироз керһати йә «ль һәр дәра һʹәму щьвина». Һинкʹар гәрәке дьле шагьрт һазьр кә. Ле чьрʹа әw йәк фәрз ә? Чаwа кӧ йе дьчинә, пешийе әʹрд һазьр дькә паше тʹохьм дьрʹәшинә, һинкʹар жи гәрәке пешийе дьле шагьрт һазьр кә, паше тьштед тʹәзә wи һин кә. Ле чаwа һинкʹар дькарә дьле шагьрт һазьр кә? Әw дькарә чʹәʹв бьдә пʹехәмбәр Самуйел, һинкʹаре щерʹьбандийи бәре, йе кӧ Шаwул һазьр дькьр сәва рʹебәрийа Исраелийа бькә (1 Сам. 9:15-27; 10:1). w15 1/4 1:​11, 12

Гәләк тьшт дь ве дьнйайеда мьԛабьли принсипед Кʹьтеба Пироз ьн. Рʹаст ә ве дьнйайеда һʹәму тьшт хьраб нинә. Ле әм заньн кӧ Шәйтʹан әwе дьнйайе дьдә хәбате, wәки һʹӧкӧм кә сәр хwәстьнед мә сәва әм гӧнә бькьн. У ӧса жи әw дьхwазә wәки әм әве дьне һʹьз кьн у ԛӧльхкьрьна хwә Йаһоwарʹа бьдьнә сәкьнандьне (1 Йуһʹн. 2:15, 16). Һьнә мәсиһийед бәре дьнйа һʹьз кьрьн. Мәсәлә, Паwлос ньвиси: «Димас кӧ дьнйа һʹьз кьр әз һьштьм» (2 Тимтʹ. 4:10). Кʹьтеба Пироз набежә wәки Димас ве дьнйайеда чь һʹьз кьр, кӧ бу мәʹни Паwлос бьһелә. Дьбәк әwи тьштед материали һе зәʹф һʹьз кьр, нә кӧ ԛӧльхкьрьна хwә Йаһоwарʹа. Һәрге бь рʹастийе ӧса бу, әwи ӧнда кьр әw ԛәдьр кӧ Хwәдерʹа ԛӧльх бькә. Ле гәло әw йәк һежа бу? Һьлбәт на. Димас дькарьбу бьма ча аликʹарчийе Паwлос. Чьмки әwе дьнйайе тʹӧ щар wе нькарьбуйа Йаһоwа зедәтьр тьштед баш бьда wи! (Мәтʹлк. 10:22) w15 1/5 2:​10, 11

Иса чахе тәнгасийа мәрьва дьдит, әwи рʹьнд һʹале wан фәʹм дькьр, рʹаст ә әw тʹӧ щар дәрәща wанда жи нибу. Мәсәлә, әwи заньбу кӧ әʹмьре гәләк мәрьва чәтьн бу. Сәрwеред религийайе әwана дьхапандьн у гәләк ԛанунед ӧса чедькьрьн, кӧ нә жь Хwәде бун. Мәрьв жь сәрwеред религийайе дьтьрсийан (Мәт. 23:4; Марԛ. 7:1-5; Йуһʹн. 7:13). Рʹаст ә Иса жь wан нәдьтьрсийа у тʹӧ щар дәрәwед wан баwәр нәдькьр, ле йәкә әwи дькарьбу һәстед мәрьва фәʹм кә. Дьле Иса дешийа чахе әwи дьдит, кӧ әwана һьндава мәрьва чь щурʹәйи нә. Мәрьв беаликʹари бун, чаwа «пәзе бе шьван» (Мәт. 9:36). Иса жь Баве хwә һин бу мәрьва һʹьз бькә у «дьлован у кʹәрәмдар» бә. Чахе Иса дьдит кӧ мәрьв дьчәрчьрьн, али wан дькьр чьмки әwи әwана һʹьз дькьрьн. Әw хут мина Баве хwә бу. Мәсәлә, щарәке Иса у шагьртед wи паши даннасинкьрьна рʹийа дьреж, вәстийайи бун у дьхwәстьн кӧ щики бьвиньн һеса бьн. Ле Иса гәләк мәрьв дитьн кӧ һивийа wи бун. Әwи фәʹм дькьр кӧ wанарʹа аликʹарийа wи лазьм ә, у рʹаст ә әw гәләк вәстийайи бу, әwи «дәстпекьр гәләк тьшт әw һин кьрьн» (Марԛ. 6:30, 31, 34). w15 1/5 4:​3, 4

Кӧрʹе Хwәдейи пешьн мәсәла биланийа Йаһоwайә гринг ә. Әw бал Баве хwә «һостә» бу. Бьдә бәр чʹәʹве хwә, кӧ Иса чьԛас ша дьбу у чьԛас wирʹа һʹәwас бу, чахе Баве wи әʹзман у әʹрд чедькьр. Ле жь әʹфьринед Баве хwә, Иса дьһа зәʹф мәрьв һʹьз дькьрьн (Мәтʹлк. 8:22-31). Бәле, әwи мәрьв дәстпекеда һʹьз кьр. Иса һʹьзкьрьн у амьнийа хwә избат кьр һьндава Баве хwә у мәрьва, чахе әwи бь һазьрбуне әʹзман һишт у һатә сәр әʹрде чаwа мәрьв. Иса әw йәк жь һʹьзкьрьне кьр, ләма әwи һазьр бу әʹмьре хwә жи бьдә, wәки «гәләка бькʹьрʹә» (Фили. 2:5-8; Мәт. 20:28). Рʹасти жи, Иса чьԛас ԛайим мәрьва һʹьз дькә! w15 1/6 2:​1, 2

Тӧ рʹази йи кӧ Йаһоwа бона тә чь кьрийә? Һәрге әре, тӧйе һелан би кӧ әʹмьре хwә тʹәсмили Хwәде бьки у бейи ньхӧмандьне. Ча ида һатә готьне, кӧ тʹәсмилбуйина тә ӧса жи әw ә, кӧ тӧ соз дьди Йаһоwа кӧ чь жи бьԛәwьмә, тӧйе ԛьрара wи бини сери һʹәта-һʹәтайе. Ле гәло лазьм ә бьтьрси кӧ тӧйе әwи сози нькарьби бини сери? На! Бира хwәда хwәй кә, wәки Йаһоwа тәрʹа ԛәнщийе дьхwазә, у әw «wе wан хәлат кә, кʹижан кӧ ль wи дьгәрʹьн» (Ибрн. 11:6). Тʹәсмилбуйин у ньхӧмандьн жийина тә wе нә кӧ чәтьн кә, ле дәwсе тӧйе бәхтәwар би у хwәйкьри би. Бь рʹастийе ча Йаһоwа жь Шәйтʹан щӧдә дьбә. Шәйтʹан дәрһәԛа wә ԛә хәм накә! Һәрге һун пәй wи һәрʹьн, әw нькарә wә хәлат кә йан тьштед баш бьдә wә. Әw тʹәне ахьрийа хьраб дькарә бьдә, кʹижан кӧ һивийа wи йә! (Әʹйан. 20:10). w16.03 2:​16,18, 19

Һәрге тӧ дьхwази wәки достийа тә тʹәви Йаһоwа незик бә, тӧ гәрәке сәд сәләфи баwәр би кӧ әw дӧа дьбьһе. Дьшьрмиш бә сәр wе йәке: Һʹәта Иса бьһата сәр әʹрде, әwи дьдит кӧ Йаһоwа щаба дӧайед ԛӧльхкʹаред Хwәйи сәр әʹрде дьда. Ле чахе Иса һатә ль сәр әʹрде, әwи дӧа дькьр Хwәдерʹа, дәрһәԛа фькьр у хәмед хwә. Щарәке әwи һәла тʹәмамийа шәве жи дӧа дькьр (Луԛа 6:12; 22:40-46). Гәло Иса wе дӧа бькьра, һәрге әw дьшьрмишбуйа кӧ Йаһоwа бь рʹастийе wи набьһе? Иса ӧса жи пәйчуйед хwә һин дькьр кӧ чаwа Йаһоwарʹа дӧа бькьн. Гәло әwи wе әwана һинкьрана, һәрге әw дьшьрмишбуйа кӧ Йаһоwа дӧа набьһе? Әʹйан ә, Иса заньбу кӧ Йаһоwа рʹасти жи дӧа дьбьһе. Әм жи дькарьн сәд сәләфи баwәр бьн кӧ Йаһоwа дӧайед мә дьбьһе (Зәб. 65:2). w15 1/4 3:​11, , 13

Чахе һун бәр зарʹа дӧада жь Йаһоwа һиви дькьн wәки нә кӧ тʹәне али зарʹед wә бькә, ле ӧса жи али wә бькә, әwана wе һин бьн итбарийа хwә Йаһоwа биньн . Ана кӧ дь Бразилйайеда дьжи дьбежә: «Чахе проблемед мә һәбун, мәсәлә чахе кальке мьн у пирька мьн нәхwәш дькʹәтьн, де-баве мьн жь Йаһоwа һиви дькьрьн, кӧ ԛәwате у биланийе бьдә wан, сәва кӧ сафикьрьна рʹаст бькьн. Wана һәла һе wәʹде гәләк чәтьнда жи проблемед хwә дьданә дәсте Йаһоwа. Ахьрийеда, әз һин бум кӧ итʹбарийа хwә Йаһоwа биньм». Чахе зарʹед wә дьбьһен дӧайед wә, мәсәлә чахе һун дӧа дькьн кӧ мерхасийе бьстиньн сәва щинаре хwәрʹа шәʹдәтийе бьдьн, йан жи мәзьне хәбатерʹа бежьн кӧ һуне рʹожед щьвата мәзьн нәчьн сәр хәбате, зарʹед wә фәʹм дькьн кӧ һун итʹбарийа хwә Йаһоwа тиньн кӧ әw wе али wә бькә, у әwана жи wе ӧса һин бьн. w15 1/11 1:​7, 8

Тӧ дькари һʹьзкьрьна хwә һьндава Йаһоwа ԛәwи ки, һәрге бьфькьри сәр пʹешкʹешәкә wийә мәзьн, демәк ԛӧрбана Кӧрʹе wи (2 Корн. 5:14, 15; 1 Йуһʹн. 4:9, 19). Чахе тӧ бьфькьри сәр ве ԛӧрбане у ӧса жи кӧ әw чь те һʹәсабе бона тә, тӧйе һелан би кӧ Хwәдерʹа рʹазибуне бьди кʹьфше. Рʹазибуна тә һьндава ве ԛӧрбане дькарә бәрамбәри ве мәсәле бә: Бьдә бәр чʹәʹве хwә кӧ тӧ нӧԛи аве буйи у кәсәки тӧ хьлаз кьри. Паши wе йәке, гәло wе рʹаст бә кӧ тӧ һәрʹи мал, хwә зьһа ки, у бир ки кӧ әwи кәси бона тә чь кьр? Һьлбәт на! Тӧйе әʹсә хwә дәйндаре wи һʹәсаб ки. Бь рʹастийе тӧ бь әʹмьре хwә дәйндаре wийи! Ле әм һе зедә дәйндаре Йаһоwа у Иса нә. Жь бо ве һʹьзкьрьна мәзьн, мәщәла мә һәйә кӧ һʹәта-һʹәтайе бьжин щьнәтеда сәр әʹрде! w16.03 2:​16, 17

Гава Иса сәр әʹзмана бу, әwи тʹьме Йаһоwарʹа амьн бу. Йаһоwа бь тʹәмами итʹбарийа хwә Кӧрʹе хwәйи тайи тʹәне дьани. Сәр әʹрде Иса чьԛас жи рʹасти щерʹьбандьнед гьран дьһат, йәкә амьн дьма у пьштгьрийа сәрwертийа Йаһоwа дькьр. Әм гәрәке гәләк рʹази бьн сәва ве йәке кӧ Иса бь сайа мьрьна хwә һәԛе кʹьрине да, чьмки әве йәке мәщал да мәрьва кӧ бьжин һʹәта-һʹәтайе дьнйа тʹәзәда! Йуһʹәннайе шанди ньвиси: «Бь ве йәке һʹьзкьрьна Хwәде һьндава мәда хӧйа бу, гава кӧ әwи Кӧрʹе хwәйи Тайе Тʹәне шандә дьнйайе, wәки әм бь wи бьжин. Һʹьзкьрьн әв ә, нә кӧ мә Хwәде һʹьз кьр, ле әwи әм һʹьз кьрьн у Кӧрʹе хwә шанд чаwа мәщала бахшандьна гӧнед мә» (1 Йуһʹн. 4:9, 10). w15 1/11 3:​13, 14

Чаwа зӧрʹәтед Адәм, һәр кәс жь мә гӧнә у мьрьн сьтанд. Тʹӧ кәс жь мә нькарә бежә, «кӧ әз һʹәwще кʹьрине ниньм». Хьзмәткʹаред Хwәдейи амьн жи һʹәwще бахшандьна Йаһоwа нә, кʹижан кӧ бь сайа кʹьрина Иса йә. Әм һәр кәс гәрәке фәʹм бькьн кӧ дәйне мәйи гьран мәрʹа һатийә бахшандьне. Ле һʹьзкьрьн у рʹәмтийа Йаһоwа гәрәке мә бәрбь чь һелан кә? Һәрге дьле мәда хәйд һәйә, әм гәрәкә чʹәʹв бьдьнә Йаһоwа дь бахшандьнеда (Нәһәм. 9:17; Зәб. 86:5). Һәрге әм жь Йаһоwа рʹази бьн жь бо wе йәке кӧ әwи дәйне мәйи гьран бахшандә мә, һьнге әме жи бьхwазьн бь дьл бьбахшиньнә хушк-бьра. Һәрге әм йед дьн һʹьз нәкьн у нәбахшиньнә wан, әме нькарьбьн һʹьзкьрьн у бахшандьна Хwәде бьстиньн (Мәт. 6:14, 15). Рʹаст ә бахшандьн wе нькарьбә бьгӧһезә тьштед дәрбазбуйи, йе кӧ дьле мә ешандьн, ле әw йәк wе әʹсәйи ахьрийа мә дь алийе башда бьгӧһезә. w16.01 2:​5, 15-​17

Гьлийед жоре Иса гот, wәки али Пәтрус у шагьртед хwә бькә, кӧ әwана бьдьнә бәр чʹәʹве хwә, кӧ ча әwана wе сәр әʹзмана тʹәви Иса сәрwертийе бькьн, у али мәрьвед гӧһдар бькьн кӧ бьбьнә ԛәданди. Хьзмәткʹаред Йаһоwа тʹьме кʹаре дьстандьн, чахе дьфькьрин дәрһәԛа созед Хwәде. Һабил дьда бәр чʹәʹве хwә ахьрийа баш, йа кӧ Йаһоwа соз дабу, у бь wе баwәрийа хwә әwи дьле Йаһоwа ша дькьр. Бьраһим әw wәʹдә дьда бәр чʹәʹве хwә, чахе созед Йаһоwа дәрһәԛа «зӧрʹәт» бе сери. У ләма әwи гӧрʹа Йаһоwа дькьр, һәла һе чахе гәләк чәтьн бу жи (Дәстп. 3:15). Муса һивийа хәлате бу кӧ Йаһоwа соз дабу, у әве йәке али wи кьр кӧ Йаһоwа һʹьз кә у wирʹа амьн бьминә (Ибрн. 11:26). Чахе әм дьдьнә бәр чʹәʹве хwә wи wәʹдәйи кӧ Йаһоwа һʹәму созед хwә бинә сери, баwәри у һʹьзкьрьна мә һьндава wи ԛәwи дьбә. w15 1/5 3:​17, 18

Әw мәрьве, кӧ дьхwазә бьбә Мәсиһийе гьһишти, чʹәʹв дьдә мәсәла Иса у дьхwазә Кʹьтеба Пироз чьԛас дькарә рʹьнд фәʹм кә. Әw тʹьме Кʹьтеба Пирозда рʹастийед кʹур дьгәрʹә, чьмки занә, кӧ әw «хwарьна гьран бона мәрьвед гьһишти йә» (Ибрн. 5:14). Мәсиһийе гьһишти дьхwазә, кӧ жь Кʹьтеба Пироз занәбуна рʹаст бьстинә (Әфәс. 4:13). Ләма пьрса бьдә хwә: «Әз һәр рʹож Кʹьтеба Пироз дьхуньм? Щәм мьн һәйә бәрнамә бона һинбуна шәхси? Әз һәр һʹәфти ԛӧльхкьрьна тʹәви малбәте дәрбаз дькьм?» Чахе тӧ Кʹьтеба Пироз леколин дьки, принсипед ӧса бьгәрʹә, кʹижан кӧ wе али тә бькьн пебьһʹәси, кӧ Йаһоwа ча дьфькьрә у чь тʹәхмин дькә. Паше әwан принсипа бьдә хәбате, чахе сафикьрьна дьки. Әw йәк wе али тә бькә, кӧ тʹәви Йаһоwа һе незик би. w15 1/9 1:​5, 9, 10

Иса бь тʹәмами занә дәрһәԛа тʹәбийәте. Әw занә кӧ чаwа бьдә хәбате у дькарә һʹӧкӧм кә сәр тʹәбийәте. Чахе Иса сәр әʹрде бу, әwи әʹйан кьр кӧ Хwәде ԛәwат дайә wи у кӧ әw дькарә сәр тʹәбийәте һʹӧкӧм кә. Бьдә бәр чʹәʹве хwә әве дәрәще: Пʹеле аве ԛәйике дьхьн, у ав жи дькʹәвә ԛәйике. Дәнге фьртоне те у ԛәйик вьрда-веда дьһәжә, ле Иса рʹаза йә, чьмки гәләк wәстийайи бу. Шагьрт гәләк тьрсийан, ләма Иса һʹьшйар кьрьн у готьн: «Әм ӧнда дьбьн!» (Мәт. 8:25) Ле Иса чь кьр? Әw рʹабу у готә ба у бәʹре: «Бьсәкьнә, кәрʹ бә!» (Марԛ. 4:39). Паши wан гьлийа фьртона хоф хьлаз бу, у «һʹәму тьшт сәԛьрин». Әw мәсәла ԛәwи әʹйан дькә, кӧ Иса дькарә сәр тʹәбийәте һʹӧкӧм кә. w15 1/6 1:​12-​14

Паши wе йәке чахе Иса дӧакьрьн һин кьр, әwи һин кьр wәки әм дәрһәԛа тьштед материали гәләк хәм нәкьн. Әwи гот кӧ, һәрге Йаһоwа һәла һе дәрһәԛа гиһайе чоле жи хәм дькә, «чьԛас зедә wе ль wә кә, кембаwәрно?» Паше Иса диса wәкʹьланд у гот: «Бона рʹожа сьбе хәма нәкьн» (Мәт. 6:30-34). Демәк әм дьвиньн wәки мәрʹа нәлазьм ә, бона һʹәwщед ахьрийе дьшьрмиш бьн у хәм бькьн. Дәwсе, әм гәрәке дәрһәԛа һʹәwщед һәр рʹожи хәм бькьн. Мәсәлә, әм дькарьн дӧа бькьн wәки щи-сьтʹара мә һәбә, хәбата мә һәбә wәки малбәта хwә хwәй кьн у дәрһәԛа биланийе, сәва кӧ сафикьрьнед баш бькьн бона сьһʹәт-ԛәwата хwә. Ле диса һәнә тьштед һе гәләк фәрз, дәрһәԛа чь жи әм гәрәке дӧа бькьн. Иса ӧса жи гот, кӧ «инсан тʹәне бь нен нажи, ле бь һәр хәбәра кӧ жь дәве Хwәде дәрдькʹәвә» (Мәт. 4:4). Демәк, әм гәрәке ӧса жи дӧа бькьн, кӧ Йаһоwа тʹьме мә һин кә, у али мә бькә сәва кӧ бәрдәwан кьн незики wи бьн. w15 1/6 5:​4, 7, 8

Тʹьме жь Йаһоwа һиви кә, кӧ али тә бькә жь бенамусийе бьрʹәви, һәла һе һьнге жи гава әв йәк чәтьн ә. Пешийа кӧ әм дәрһәԛа Йаһоwа пеһʹәсийан, дьԛәwьмә мә тьштед ӧса дькьр, чь кӧ wи хwәш нәдьһатьн. У дьбәкә һʹәта ньһа әм тʹәви wан хwәстьнед хwәйә нәрʹаст шәрʹ дькьн. Ле Йаһоwа дькарә али мә бькә кӧ әм бенә гӧһастьне у ве йәке бькьн чь кӧ wи хwәш те. Мәсәлә, чахе Даwьд Пʹадша тʹәви Бат-Шәбайе бенамуси кьр, паше әwи тʹобә кьр у лавайа Йаһоwа дькьр, кӧ «дьләки паԛьж» бьдә wи у али wи бькә кӧ әw гӧһдар бә (Зәб. 51:10, 12). Ләма жи, һәрге бәреда һʹәта ньһа әм тʹәви хwәстьнед хwәйи нәщайиз шәрʹ дькьн, Йаһоwа дькарә али мә бькә, кӧ әм гӧрʹа wи бькьн у ве йәке бькьн, чь кӧ рʹаст ә. У ӧса жи әw дькарә али мә бькә, кӧ әм бькарьбьн фькьред хwә контрол бькьн (Зәб. 119:133). w15 1/6 3:​5, 6

Гәләк хушк-бьред әʹмьрда мәзьн гӧһастьнед тʹәшкиләтеда хwәха дитьнә. Мәсәлә, те бира wан чахе дәwса кʹома рʹуспийа, щьватада һәбу тʹәне хьзмәткʹарәки щьвате, чахе wәлатда дәwса Комитейа Филиале, хьзмәткʹарәки филиале һәбу, йан жи чахе дәwса Кʹома Рʹебәрийе, президенте Щьвака Бьрща Ԛәрәwьлийе рʹебәри дьда. Рʹаст ә wи чахи һәбун аликʹарчи кʹижан кӧ али wан бьра дькьрьн, ле йәкә тʹәне йәк бу йе щабдар бона сафикьрьна дь щьватада, филиалада, у дь офиса сәрәкәда. Паши сала 1970, гӧһастьн һатьнә кьрьне, демәк дәwса йәки, ида кʹома рʹуспийа щабдар бу бона сафикьрьнед дь щьватеда. Әw гӧһастьн һатьнә кьрьне сәр һʹиме ве йәке, кӧ Кʹьтеба Пироз дьһа рʹаст һатә фәʹмкьрьне. Дәwса кӧ тʹәне мәрьвәк һʹәму сафикьрьна бькә, ньһа ида кʹома рʹуспийа сафикьрьна дькьн, у тʹәшкиләт жи кʹаре дьстинә жь һʹӧнӧред һʹәму рʹуспийайә баш, йед кӧ Йаһоwа дайә ча «пʹешкʹеш бь щурʹе мәрьва» (Әфәс. 4:8, ДТʹ). w15 1/7 1:​14, 15

Ԛӧльхкʹаред Йаһоwа тʹәвнәбуйине хwәй дькьн у әwана накʹәвьнә нава дәʹw-доза ве дьнйайе, кʹижан кӧ фьрԛийе дькьнә ортʹа мәрьва, мьләта, у култура. Чьрʹа? Чьмки әм Йаһоwа һʹьз дькьн, wирʹа амьн ьн, у гӧрʹа wи дькьн (1 Йуһʹн. 5:3). Фьрԛи тʹӧнә әм жь кʹидәре нә йан жи кʹидәре дьжин, әм тʹьме принсипед Хwәде дьԛәдиньн. Амьнийа һьндава Йаһоwа у Пʹадшатийа wи, жь һʹәму тьшта фәрзтьр ә (Мәт. 6:33). Ләма жи әм дькарьн бежьн кӧ әм «нә жь дьнйайе нә» (Иша. 2:4; Йуһʹн. 17:11, 15, 16). Иро гәләк мәрьв амьн ьн wәлате хwәрʹа, ӧса жи мьләт, култура, у һәла һе кʹома хwәйә спортера жи. Ле йазьх, әw йәк гәләк щар дьбә мәнийа шәрʹ-дәʹwа, мәрьв һәвдӧ нәфрʹәт дькьн, у һәла һе һәвдӧ дькӧжьн жи. Ле тӧ дькари тʹәвнәбуйине хwәй ки, йан тӧйе пьштгьрийа кәсәки бьки? w15 1/7 3:​1, 2

Йаһоwа Хwәдайе тʹәмьз у пироз ә. Әw Хwәдайе тʹәрбәт ә. Ләма жи әм гәрәке Ода Щьвата хwә тʹәмьз у щиwар хwәй кьн (1 Корн. 14:33). Ле сәва кӧ әм мина Йаһоwа тʹәмьз у пироз бьн, әм гәрәке нә кӧ тʹәне тʹәмьзайа ԛӧльхкьрьна хwә, фькьред хwә у шьхӧлед хwә хwәй кьн, ле ӧса жи тʹәмьзайа физики (Әʹйан. 19:8). Чахе әм мәрьва тʹәглифи щьвате дькьн, әм фьрнаԛ дьбьн кӧ Ода Щьвата мә тʹәмьз у бәдәw ә. У мәрьв жи дьвиньн, кӧ бь рʹастийе жи әм wе йәке дькьн, дәрһәԛа чь кӧ даннасин дькьн, демәк дәрһәԛа дьнйа тʹәзә. Әwана wе бьвиньн кӧ әм Хwәдайе тʹәмьз у пирозрʹа ԛӧльх дькьн, кʹижан кӧ wе әʹрде бькә щьнәта бәдәw (Иша. 6:1-3; Әʹйан. 11:18). Фьрԛи тʹӧнә әм кʹидәре дьжин у мәрьвед дор бәре мә алийе тʹәмьзайеда ча ньн, ле әм гәрәке тʹьме Ода Щьвата хwә тʹәмьз хwәй кьн. Чьмки ль wи щийи әм Йаһоwарʹа ԛӧльх дькьн (Ԛан. Дщр. 23:14). w15 1/7 4:​13-​15

Чахе пәйчуйед Иса фәʹм кьрьн, кӧ сала 1914 Иса дәстпекьр сәрwертийе бькә wана фәʹм кьр, кӧ хьлази дькарә ньшкева бе. Ләма жи wана дәстпекьр һазьр бьн бь wе йәке, кӧ шьхӧле даннасинкьрьнеда һе зедә бькьн. Иса гот, кӧ дьԛәwьмә әw дәрәнг бе «ниве шәве . . . йан сәре сьбәһе». Wәки ӧса нә, пәйчуйед Иса гәрәке чь бькьрана? Иса гот: «Һʹьшйар бьминьн». Демәк һәрге әм дьфькьрьн, кӧ әм гәләк wәхт һивийе нә әw йәк найе һʹәсабе, кӧ хьлази һе дур ә, йан жи wе жийина мәда нәбә. Бьдә бәр чʹәʹве хwә, кӧ тӧ дьнйа тʹәзәда йи. Һʹәму тьшт чь кӧ дәрһәԛа рʹожед ахьрийе һатьбу пʹехәмбәртикьрьне һатә сери, чаwа кӧ Йаһоwа готьбу. У тӧ һе зедә итʹбарийа хwә Йаһоwа тини у ӧса жи тӧ һе зедә баwәр и, кӧ әw wе һʹәму созед хwәйи дьн жи бинә сери. Тӧ ӧса гәләк жь Йаһоwа рʹази йи, кӧ әwи хьлази wәʹдәда ани у кӧ әwи щьмәʹта хwәрʹа пешда гот, кӧ әwана бәрдәwам кьн һивийе бьн (Кʹар. Шанд. 1:7; 1 Пәт. 4:7). w15 8/15 2:​10, 11, 14

Гәләк мәрьв сәва wәʹде  хwә дәрбаз кьн, тьштед ӧса дьньһерʹьн йан жи дькьн, кӧ зорбәти йан бенамуси теда һәйә, йан жи сербазийева у щадубазийева гьредайи нә. Мәсәлә, Интернет, бәрнамед телевисийоне, кʹьтеб, у журнал гәләк щар зорбәтийе у бенамусийе һʹәсаб дькьн ча тьштәки нормал. У мәрьв хwәха жи тьштед ӧса дькьн, кʹижан кӧ бәре һʹәсаб дькьрьн гәләк әʹщеб. Ле ньһа ида ӧса нормал һʹәсаб дькьн, кӧ һьнә wәлатада әw йәк бь ԛануни йә. Ле әw найе һʹәсабе кӧ Йаһоwа тьштед ӧса ԛәбул дькә. (Рʹом. 1:28-32) Дь ԛьрʹна йәкеда жи, мәрьв тьштед ӧсава мьжул дьбун, кʹижанада кӧ зорбәти у бенамуси һәбу. Ле пәйчуйед Иса тьштед ӧса нәдькьрьн, чьмки әwана бь принсипед Хwәде дьжитьн. Әw йәк бона мәрьве дор бәр «әʹщебмайи» бу. Мәрьва ԛәрфе хwә Мәсиһийа дькьрьн у пәй wан дькʹәтьн (1 Пәт. 4:4). w15 1/8 4:​2, 3

Мәсиһийе гьһишти тʹьфаԛе дькә нава щьвате (Әфәс. 4:1-6, 15). Чаwа Мәсиһи, нета мә әw ә «һәвва гьредайи» бьн, демәк тʹәви һәв йәктийеда шьхӧлкʹарийе бькьн. Сәва кӧ Мәсиһи бь ви щурʹәйи йәктийеда бә, әw гәрәке мьлук бә. Чахе Мәсиһийе гьһишти рʹасти нәԛәдандибуна кәсәки дьн те, әw һʹәта wи һәйә дьхәбьтә сәва кӧ дь щьватеда йәктийе хwәй кә. Ләма жи пьрсе бьдә хwә: «Әз ча хwә дьдьмә кʹьфше чахе хушк йан бьра шашийа дькьн? Әз чь тʹәхмин дькьм чахе кәсәк дьле мьн дешинә? Әз тʹәви wи мәрьви ида хәбәрнадьм? Йан әз дьхәбьтьм кӧ һәләԛәтийа хwә тʹәви wи мәрьви баш кьм?» Мәсиһийе гьһишти дьхwазә кӧ проблема сафи кә, дәwса кӧ бона мәрьвед дьн бьбә проблем. Ле тӧ щьватеда йәктийе хwәй дьки? w15 1/9 1:​12, 13

Иса баwәр бу, кӧ Кʹьтеба Пироз Хәбәра Хwәде йә у әw ширәта лапә баш дьдә. Сәва кӧ чʹәʹв бьдьнә Иса, әм гәрәке Кʹьтеба Пироз һәр рʹож бьхуньн, леколин бькьн у бьфькьрьн сәр wан дәрса, кӧ әм һин дьбьн. Әм ӧса жи гәрәке бьгәрʹьн щаба wан пьрса, кʹижан кӧ дькарьн щәм мә пешда бен. Мәсәлә, тӧ ԛайим баwәр и, кӧ әм дьжин рʹожед ахьрийеда? Һәрге тӧ пʹехәмбәртийед Кʹьтеба Пироз, кʹижан кӧ избат дькьн кӧ әм дьжин рʹожед ахьрийеда леколин бьки, тӧйе баwәрийа хwә ԛәwи ки, кӧ хьлази незик ә. Тӧ дьхwази баwәрийа хwә һьндава созед Йаһоwа бона ахьрийе ԛәwи ки? Леколин бькә wан пʹехәмбәртийед Кʹьтеба Пироз, кʹижан кӧ ида һатьнә сери. Тӧ баwәр дьки, кӧ Кʹьтеба Пироз иро жи керһати йә? Тӧ дькари бьхуни дәрһәԛа wан хушк у бьра, йед кӧ бь сайа Кʹьтеба Пироз әʹмьре хwә һе баш кьрьнә (1 Тʹеслн. 2:13). Ле тӧ ча дькари чʹәʹв бьди мәсәла Иса? Бьфькьрә сәр созед Йаһоwайи баш (Ибрн. 12:2). Сәр wан созед Йаһоwа ӧса бьфькьрә, кӧ әw нә тәне бона һʹәму мәрьва нә, ле ӧса жи хут шәхси бона тә. w15 1/9 3:​16, 17

Әм ча дькарьн һʹьзкьрьна хwә Йаһоwарʹа бьдьнә кʹьфше? Әм әве йәке дькарьн бькьн, һәрге чь кӧ һәйә бал мә бьдьнә хәбате, сәва кӧ wи рʹумәт кьн. Мәсәлә, әм дькарьн пʹәра ԛӧрбан кьн, сәва кӧ али шьхӧле Пʹадшатийе бькьн дь щьвата хwәда у нав тʹәмамийа дьнйайеда. Фьрԛи тʹӧнә щәм мә һьндьк һәйә йан зәʹф, һәр кәс жь мә дькарә һәбуна хwә бьдә хәбате, сәва кӧ һʹьзкьрьна хwә Йаһоwарʹа әйан кә (2 Корьнти 8:12). Ле әм диса бь щурʹәки майин жи дькарьн Йаһоwарʹа бьдьнә кʹьфше, кӧ әм wи һʹьз дькьн. Иса әм һин кьрьн кӧ әм бәре пешьн Пʹадшатийа Хwәде бьгәрьн у дәрһәԛа хwарьне у кʹьнща хәма нәкьн. Чьмки Баве мә соз дьдә, кӧ чь кӧ мәрʹа лазьм ә, әw wе бьдә мә (Мәтта 6:31-33). Әм итʹбарийа хwә Йаһоwа тиньн у заньн кӧ әw wе хwәйе созе хwә бә. Чахе әм кәсәки һʹьз дькьн, әм итʹбарийа хwә wи тиньн. Рʹасти жи, чьԛас зәʹф әм итʹбарийа хwә Йаһоwа тиньн, һаԛас зәʹф әм wирʹа дьдьнә кʹьфше, кӧ wи һʹьз дькьн (Зәбур 143:8). Әм дькарьн пьрсе бьдьнә хwә: «Гәло нете мьн у әw кӧ әз ча wәʹде хwә у ԛәwата хwә хәрщ дькьм, әʹйан дькьн кӧ әз бь рʹастийе Йаһоwа һʹьз дькьм? Гәло әз һәр рʹож итʹбарийа хwә Йаһоwа тиньм, кӧ әw бона һʹәwщед мьн хәм бькә?» w15 1/9 5:​7, 8

Тә ԛә пьрсәкә ӧса дайә хwә: «Гәло Йаһоwа wәʹде тәнгасийа мәзьн wе мьн хьлаз кә?» Һʹӧнӧрәки лапи фәрз, кʹижан кӧ мәрʹа лазьм ә сәва кӧ хьлаз бьн, әw һәйә баwәри. Паwлосе шанди дьгот дәрһәԛа баwәрийа «һежа», демәк йа щерʹьбанди (1 Пәт. 1:7). Тәнгасийа мәзьн гәләк незик ә у әм дьхwазьн, кӧ баwәрийа мәйә ԛәwи һәбә, кӧ әм хьлаз бьн (Ибрани 10:39). Ләма мәрʹа лазьм ә гәләк бьхәбьтьн, сәва кӧ баwәрийа хwә ԛәwи кьн. Әм дьхwазьн нава wан мәрьвада бьн, кʹижан кӧ Иса Мәсиһ wе wәʹде һатьна хwә wан хәлат кә жь бо баwәрийа wан. Әм жи мина wи мәрьви, кʹижани кӧ жь Иса һиви кьр кӧ баwәрийа wи зедә кә, дькарьн бежьн: «Аликʹарийа нәбаwәрийа мьн бькә!» (Марԛ. 9:24). Йан жи, әм дьбәкә мина шандийа бежьн: «Баwәрийа мә зедә кә» (Луԛа 17:5 w15 1/10 2:​1, 2

Паwлос һʹәму тьшт һишт у дина хwә да сәр ве чь кӧ «һәрә ԛәнщ ә». Әw шьхӧле бәлакьрьна мьзгинеда гәләк дьхәбьти у дьчу гәләк щийа. Мәсәлә, әw дьчу Сурйайе, Асйа Бьчʹук, Макәдонйайе, у Щьһустане. Паwлос гәлк һивийа хәлата хwә бу, демәк жийина һʹәта-һʹәтайе сәр әʹзмана. Әwи гот: «Тьштед пьшт хwәва һьшти бир бькьм, хwә бавежьмә йед пешийа хwә, дьщәдиньм бьгьһижьмә мәрәме хwә» (Фили. 1:10; 3:8, 13, 14). Паwлос нәзәwьщи бу, у әве йәке али wи кьр, кӧ «бь дьл у щан шьхӧлед Хӧданва» мьжул бә (1 Корн. 7:32-35). Мина Паwлос, һьнәк жь хьзмәткаред Йаһоwа сафи дькьн кӧ нәзәwьщьн, чьмки ӧса әwана дькарьн бәлакьрьна мьзгинеда һе зедә бькьн (Мәт. 19:11, 12). Щабдарийед йед азәп һе һьндьк ьн, нә кӧ йед зәwьщи. Ле фьрԛи тʹӧнә әм азәп ьн йан на, һәр кәс жь мә дькарә «һʹәму гьранийе  . . . жь хwә» дур хә, кʹижан кӧ дькарьн хьзмәтийа мә Йаһоwарʹа әглә кьн. Дьбәкә мәрʹа лазьм ә бал хwә һьнә тьшт бьгӧһезьн чь кӧ мәрʹа бунә хәйсәт, чьмки ӧса әме wәʹде хwә бадиһәwа хәрщ нәкьн у бькарьбьн һе зедә Йаһоwарʹа хьзмәт бькьн. w15 1/10 3:​15, 16

Кʹьтеба Пирозда ӧса жи те готьне: «Йа Хӧдан, дьзаньм кӧ, рʹейа мьров нә дь дәсте wида йә; гавед хwә рʹасткьрьн, нә дь дәсте мьрове кӧ дьмәшә дә йә» (Йерәм. 10:23). Тʹәрихийе зәлал избат кьр кӧ әw гьли рʹаст ьн. Чахе Йаһоwа мәрьв чекьр, әwи әw фәрәсәт йан жи изьн нә да wан, кӧ бейи рʹебәрийа wи хwәха сәр хwә сәрwертийе бькьн. Йаһоwа кӧ һишт зӧлми сәр wәʹдәки кьн һәбә, бь wе йәке әwи ӧса жи избат кьр кӧ тʹәне сәрwертийа wи баш ә. Ахьрийеда Хwәде wе һʹәму зӧлмийе кʹӧта кә. У һәрге паши wе йәке диса кәсәк сәрwертийа wийә бь һʹьзкьрьн бькә бьн шьке, wе Хwәдерʹа ида лазьм нибә избаткьрьна wи кәси. Хwәде дькарә тʹәрихийа инсанәте бьдә хәбате ча избаткьрьн, кӧ мәрьвед мьԛабьл гәрәке дәрбера бенә кʹӧтакьрьне. Зӧлми wе тʹӧ щар ида тʹӧнә бә. w15 1/11 3:​5, 6

Иса һʹьз дькьр дәрһәԛа Пʹадшатийа Хwәде хәбәрдә. Чахе әw ль сәр әʹрде бу әwи дьһа зәʹф хәбәрдьда дәрһәԛа Пʹадшатийе, нә кӧ сәр тʹемәкә дьн. Әwи wәʹде хьзмәткьрьне 100 щари зедәтьр бәʹса Пʹадшатийе кьрийә (Мәт. 12:34). Иса паши сахбуне рʹасти 500 мәрьва зедәтьр һат (1 Корн. 15:6). Дьбәкә wи чахи Иса тʹәми да кӧ мьзгине бәла кьн «һʹәму мьләтарʹа». Ле әw шьхӧл һеса нибу. Әwи готә wан кӧ шьхӧле бәлакьрьна мьзгине wе бәрдәwам бә һʹәта «ахьрийа дьнйайе». У чахе әм мьзгине бәла дькьн, әм әве пʹехәмбәртийе тиньн сери (Мәт. 28:19, 20). Ләма жи, сәва кӧ әм мьзгине бәла кьн Йаһоwа «һәр тьштед ԛәнщ» дайә мә (Мәт. 28:19, 20). w15 1/11 5:​1-3

Наве Хwәде жь чар һәрфед Ибрани йә, сәр кʹижани те готьне Тетраграматон. Тетраграматон әм дькарьн бьвиньн дь гәләк манускриптед Ибранийә кәвьнда, мәсәлә дь кʹьтебед Гӧломәтккьри йа Бәʹра Мьри. Ӧса жи дь һьнә копиед «Септуагинта» Йунанида дькарьн бьвиньн. Әw копи һатьнә чекьрьне 200 сал пешийа Мәсиһ у һʹәта 100 сал паши Мәсиһ. Гәләк мәрьв әʹщебмайи дьминьн чахе дьвиньн кӧ чьԛас гәләк щар наве Хwәде һәйә дь манускриптед кәвьнда. Әʹйан ә, кӧ наве Хwәде гәрәке һәбә Кʹьтеба Пирозда. Ле гәләк wәлгәр наве Хwәде надьн хәбате. Дь сала 1952-да wәлгәрандьна «Версиа Амәрикайа Стандарт» («Amеrican Standard Vеrsion»), йа тʹәзәкьри дәркʹәт. Дь Wәлгәрандьна йа сала 1901, wәлгәра наве Хwәде данә хәбате, ле дәрхьстьна йа тʹәзәкьри сала 1952 нәданә хәбате. Гәло чьра? Wәлгәред wе дәрхьстьне дьфькьрин кӧ хәбьтандьна наве Хwәде «ԛә нәщайиз ә». У гәләк wәлгәрандьнед дьнеда жи, ль сәр зьмане Инглизи у ль сәр зьманед дьн, наве Хwәде нәньвисин. w15 1/12 2:​3-5