Һʹәзиран

Һәла һе чахе кәсәк тьштәки ӧса мәрʹа дьбежә кӧ дьле мә дешинә, әм бь хәбәрдана хwәйә нәрм дькарьн тьштәки гәләк баш бькьн (Мәтʹлк. 15:1). Wәрен әм мәсәләке бьньһерʹьн. Хушкәкә мә кӧрʹе хwә тʹәне мәзьн дькьр. Кӧрʹе wе тьштед хьраб дькьр, һьн жи Йаһоwарʹа хьзмәт дькьр. Хушкәк щьватеда бәр дьле wеда һат, у жерʹа гот: «Йазьх, кӧ мәзьнкьрьна зарʹеда щәфе тә бадиһәwа чу». Әw де сәкьни, фькьри у паше гот: «Рʹаст ә, ньһа һал нәбаш ә, ле йәкә мәзьнкьрьна wи һе бәрдәwам дьбә. Wәрә дәрһәԛа wе тʹемайе паши Һармәгәдоне хәбәрдьн. Ви чахи һʹәму тьшт wе әʹйан бә». Әw дайик һерс нәкʹәт у тʹәви ве хушке нәрм бу, ләма жи әwана диса ман һәвалед һәв. Һьн жи, кӧрʹе wе хәбәрдана дийа хwә бьһист у фәʹм кьр wәки дийа wи баwәр дькә, кӧ әw дькарә хwә бьгӧһезә. У ахьрийе, әwи ида тʹәви һәвалед хьраб һәвалти нәдькьр, у әw һатә ньхӧмандьне, паше жи дь Бәйтʹәледа хьзмәт дькьр. Фьрԛи тʹӧнә әм тʹәви хушк-бьра хәбәрдьдьн, йан тʹәви малбәта хwә, йан тʹәви wан әм кʹе нас накьн, гәрәке хәбәрдана мә тʹьме «мәрифәти у хwекьри бә» (Колс. 4:6). w15 1/12 3:​15, 17

Һәрге һун йәк жь wан шагьрта буна, wәйе әw рʹож тʹӧ щар бир нәкьра. Һуне тʹӧ щар дӧдьли нибуна кӧ һун бь рʹӧһʹе пироз һатьнә кʹьфшкьрьне, илаһи һәрге wә жи бьстанда әв фәрәсәт кӧ сәр зьманед хәриб хәбәрдьн (Кʹар. Шанд. 2:6-12). Ле гәло һʹәму рʹункьри ӧса тенә кʹьфшкьрьне, чаwа кӧ әw кʹома кӧ wәкә 120 мәрьва бун? На. Wе рʹоже һьнәкед кӧ Оршәлимеда бун, wәʹде ньхӧмандьна хwә һатьнә рʹункьрьне (Кʹар. Шанд. 2:38). Зьмане агьр нәһатә сәр сәре wан. Һьн жи, нә һʹәму Мәсиһийед рункьри wәʹде ньхӧмандьна хwә тенә кʹьфшкьрьне. Мәсәлә, Кʹьтеба Пирозда те готьне кӧ мәрьвед Самәри, һьнәк wәʹдә паши ньхӧмандьна wан бь рʹӧһʹе пироз һатьнә рʹункьрьне (Кʹар. Шанд. 8:14-17). Дәрәща лап щурʹәки майин жи һәбу, мәсәлә Корнилиус у малбәта wи һатьнә рʹункьрьне пешийа ньхӧмандьна хwә (Кʹар. Шанд. 10:44-48). w16.01 3:​3, 5

Рʹункьри ӧса нафькьрьн кӧ Хwәде рʹӧһʹе хwәйи пироз wанрʹа һе зедә дьдә, нә кӧ йед нәрʹункьрира. Әwана набежьн кӧ занәбуна wан һе зедә йә. У әwана нә жи дьдьнә кʹьфше, кӧ жь йед дьн баштьр ьн. У әwана тӧ кәсирʹа набежьн кӧ әw жи рʹункьри йә, у кӧ әw гәрәке симбола бьхwә. Чьмки әwана заньн кӧ тʹәне Йаһоwа дьжберә, кӧ ке wе бе бьжартьне. Рʹункьри һивийе ниньн кӧ йед дьн щурʹәки мәхсус wана һӧрмәт кьн. (Әфәс. 1:18, 19; Фили. 2:2, 3) Рʹӧһʹе Йаһоwайи пироз, шәхси шәʹдәтийе дьдә wан кӧ әwана рʹункьри нә. У тӧ кәс дәрһәԛа ве йәке ньзанә. Ләма рʹункьрийара әʹщебмайи нинә, һәрге һьнә мәрьв дәрбера нькарьн баwәр кьн кӧ әwана бь рʹастийе рʹункьри нә. Чьмки Кʹьтеба Пироз ширәте дьдә, кӧ әм гәрәке дәрбера баwәр нәкьн, һәрге кәсәк дьбежә кӧ әwи жь Хwәде щабдарийа мәхсус стандийә (Әʹйан. 2:2). w16.01 4:​6, 7

Йаһоwа алийе хwәда гәләк щара Бьраһим у Сәра бь кʹәрәмәти хwәй кьр (Дәстп. 12:10-​20; 20:2-7, 10-12, 17, 18). Әwан тьшт чь кӧ Бьраһим бь чʹәʹве хwә дитьбу баwәрийа wи ԛәwи кьрьн. Гәло әм дькарьн бьбьнә достед Йаһоwа? Һьлбәт әре! Занәбуна Кʹьтеба Пироз дькарә али мә бькә у мәсәлед кӧ Кʹьтеба Пирозда һәнә. Әм ньһа һе зедә заньн нә кӧ Бьраһим заньбу (Дан. 12:4). Әw хьзнә кӧ тʹьжә йә Хәбәра Хwәдеда, әw дькарә занәбуна мә дәрһәԛа «Әʹфьрандаре әʹрд у әʹзман» һе кʹур кә (Дәстп. 14:22, ПКʹМ). Һьн жи әw занәбун али мә дькә кӧ әм ԛәдьре Хwәде бьгьрьн у wи һʹьз кьн. Һʹьзкьрьн у ԛәдьре һьндава Хwәде жи али мә дькьн кӧ әм гӧрʹа wи бькьн. Ӧса әм дәстпедькьн итʹбарийа хwә wи биньн, чьмки дьвиньн кӧ чахе әм гӧрʹа wи дькьн, әм кʹаре дьстиньн. Әм заньн кӧ ԛанунед wи мә хwәй дькьн у кӧ әw мә кʹәрәм дькә у ԛәwи дькә. Әм дьвиньн у һин дьбьн кӧ чахе әм бь дьл у щан Хwәдерʹа хьзмәт дькьн, әв йәк һәwасе мәрʹа тинә, ӧса жи әʹдьлайе у шабуне (Зәб. 34:8; Мәтʹлк. 10:22). Чахе занәбун у итʹбарийа мә һьндава Йаһоwа зедә дьбә, баwәрийа мә у достийа мә тʹәви wи ԛәwи дьбә. w16.02 1:​7, 8

Әw гьли әʹйан дькьн, кӧ Мәрйәме Ньвисаред Пироз рʹьнд заньбу. Гьлийед wе гәләк мина wан гьлийед Һанна дийа Самуйел ьн, йед кӧ әwе дӧайе хwәда готьбу (1 Сам. 2:1-10). Ӧса жи те кʹьфше кӧ Мәрйәме ве хәбәрдана хwәда wәкә 20 щара рʹезед жь Ньвисаред Пироз wәкʹьландийә. Әʹйан ә кӧ Мәрйәмерʹа чәтьн нибу дәрһәԛа тьштед рʹӧһʹани хәбәрдьдә. Әwе һʹьз дькьр хәбәрдә дәрһәԛа рʹастийе, кʹижан кӧ педьһʹәсийа жь Йаһоwа, демәк Досте хwәйи мәзьн, у ӧса жи жь Хәбәра wи. Мина Мәрйәме, дьбәкә әм жи щабдарикә ӧса бьстиньн, кʹижан дьбәкә мәрʹа бе кʹьфше кӧ әм нькарьн бькьн. Дә wәрә әм чʹәвʹ бьдьнә Мәрйәме, у бь мьлукти ԛәбул кьн һʹәму шьхӧле кӧ Йаһоwа бьдә мә. Һьн жи итʹбарийа хwә Йаһоwа биньн кӧ әw wе али мә бькә. Әм ӧса жи дькарьн чʹәвʹ бьдьнә баwәрийа Мәрйәме, кӧ гӧһ бьдьнә Йаһоwа у бьфькьрьн сәр ве йәке чь кӧ әм педьһʹәсьн дәрһәԛа wи у ԛьрара wи. У чь жи әм педьһʹәсьн, wәрә бь шабуне мәрьварʹа гьли кьн (Зәб. 77:11, 12; Луԛа 8:18; Рʹом. 10:15). w16.02 2:​17, 18

Һәр сал бь һʹәзара щаһьл нав тʹәмамийа дьнйайе тенә ньхӧмандьне (Wаиз 12:1). Де-бав у рʹуспийед щьвате дьхwазьн баwәр бьн кӧ щаһьл дьле хwәда хwәха сафи кьрийә кӧ бе ньхӧмандьн, у ӧса жи фәʹм дькә кӧ чь те һʹәсабе бе ньхӧмандьн. Тʹәсмилбуйин у ньхӧмандьн дәстпека жийина Мәсиһити йә. Wәʹде wе жийина тʹәзә мәрьв wе гәләк кʹәрәма жь Йаһоwа бьстинә, ле ӧса жи wе жь Шәйтʹан пәйкәтʹьн һәбьн (Мәтлк. 10:22; 1 Пәт. 5:8). Ләма де-бавед кӧ Мәсиһи нә, зарʹед хwә һин дькьн кӧ чь те һʹәсабе бьбьнә шагьртед Мәсиһ. Ле әw щаһьлед кӧ де-баве wан Мәсиһи ниньн, дькарьн аликʹарийе жь рʹуспийа бьстиньн, сәва кӧ фәʹм бькьн чь те һʹәсабе тʹәсмилбуйин у ньхӧмандьн (Луԛа 14:27-30). Чаwа кӧ лазьм ә пешда һʹәсаба бькьн сәва кӧ авайе баш ава кьн, ӧса жи лазьм ә пешда һазьр бьн кӧ «һʹәта хьлазийе» бь амьнийе Йаһоwарʹа хьзмәт кьн (Мәт. 24:13). w16.03 1:​1, 2

Чьмки Ԛануна Муса тʹәне щьмәʹта Исраелрʹа һатә дайине. Ле Исраела рʹӧһʹани, нә жь мьләтәки бу. Щурʹә-щурʹә мьләт дькʹәтә нава Исраела рʹӧһʹани. Ԛануна Муса кӧ Исраелрʹа һатә дайине, сәр кәвьр дьһатә ньвисаре. Ле бона Исраела рʹӧһʹани, «ԛануна Мәсиһ», кʹижан кӧ һәчи зәʹф сәр һʹиме принсипа йә, гәрәке дьле wанда бә. У әв «ԛануна Мәсиһ» гәрәке рʹебәре Мәсиһийа бә, у фьрԛи тʹӧнә әwана жь кʹидәре нә (Галт. 6:2). Исраела рʹӧһʹани кʹарәкә мәзьн станд жь рʹебәрийа Йаһоwа кӧ әwи бь сайа Иса дайә. Пешийа кӧ Иса пәймана тʹәзә гьреда, әwи дӧ тʹәмийед фәрз да. Тʹәмийа пешийе, тʹәви шьхӧле бәлакьрьна мьзгине гьредайи йә. Йа дӧда, дьда кʹьфше кӧ Мәсиһи хwә ча гәрәке бьдьнә кʹьфше у гәрәке ча бьн һьндава һәвдӧда. Әw тʹәми бона һʹәму Мәсиһийа бун. Демәк әw иро бона мәнә жи, у фьрԛи тʹӧнә әм һивийа жийина сәр әʹзмана нә, йан сәр әʹрде w16.03 4:​10, 11.

Пешийа кӧ рʹуспи дәстпекә бьра һин кә, әw гәрәке ԛәwате хәрщ кә wәки wирʹа бьбә һәвал. Әw йәк кӧ рʹуспи чь бькә wәки шагьртарʹа һʹәwас бә, гьредайийә тʹәви дәрәщә у културайе. Фьрԛи тʹӧнә тӧ кʹӧ дьжийи, һәрге тӧ wәʹдә һьлдьди жь графика хwәйә тʹьжә у хәрщ дьки бона шагьрт, әw wе бьзаньбә кӧ әw бона тә фәрз ә. Шагьрт wе әʹсә жь тә гәләк рʹази бә, wәки тӧ бона wи хәм дьки у wәʹде хwә бона wи хәрщ дьки. Рʹаст ә һинкʹаре щерʹьбанди һʹьз дькә кӧ йед дьн һин кә, ле әw ӧса жи гәрәке wи мәрьви һʹьз кә кʹижани һин дькә. (Бәрамбәр кьн Йуһʹәнна 5:20.) Чьрʹа әw йәк фәрз ә? Чахе шагьрт тʹәхмин дькә кӧ тӧ wи һʹьз дьки, әw wе бьхwазә у һазьр бә wәки жь тә һин бә. Демәк рʹуспи гәрәке нә кӧ тʹәне ԛәwате хәрщ кә сәва һин кә, ле ӧса жи гәрәке бьбә һәвале баш (Мәтʹлк. 17:17; Йуһʹн. 15:15). w15 1/4 1:​19, 20

Һәгәр дәрһәԛа Азарйа Пʹадша (Узийа Пʹадша) Кʹьтеба Пирозда информасийа һур бь һур тʹӧнә буйа, чаwа кӧ сәрһатийед дьн жь Кʹьтеба Пироз, wи чахи тӧйе чь дьшьрмиш би? (2 Пʹадш. 15:7, 32; 2 Дир. 26:3-5, 16-21) Дьбәк тӧйе дӧдьли би, гәло Йаһоwа рʹаст кьр йан на? Йан тӧйе һʹәсаб ки, wәки Кʹьтеба Пироз чьԛас информасийа дьдә, тʹере дькә кӧ итʹбарийа хwә Хwәде бини, у дӧдьли нәби wәки Йаһоwа һәртʹьм ӧса дькә ча кӧ рʹаст ә? (Ԛан. Дщр. 32:4) Чьԛас һе зедә тӧ Хwәде нас дьки чаwа Кәс, һаԛас һе зедә тӧйе wи һʹьз ки у итʹбарийа хwә wи бини. У wи чахи тәрʹа wе лазьм нибә кӧ бьзаньби мәʹнийед һʹәму кьред wи. Чахе тӧ Кʹьтеба Пироз леколин дьки, Йаһоwа дьбә кәсе реали бона тә у тӧ незики wи дьби (Зәб. 77:12, 13). w15 1/4 3:​8, 10

Мьлйакʹәт гәләк ԛәwат ьн. Әwана гәләк аԛьл ьн у жь мәрьва ԛәwаттьр ьн. Һьлбәт, мьлйакʹәтед амьн ԛәwата хwә рʹаст дьдьнә хәбате. Мәсәлә, мьлйакʹәтәки Йаһоwа 185 000 әскәред Ашуре кӧ дьжмьн бун кӧшт. Әве йәке мәрьвәк нькарә бькә, һәла ордикә мәзьн жи нькарә (2 Пʹадш. 19:35). Щарәке жи мьлйакʹәтәки ԛәwата хwә да хәбате у шандийед Иса жь кәле дәрхьстьн. Рʹаст ә нобәдар дур нибун, ле нәдитьн ча мьлйакʹәт дәри вәкьр, шанди дәрхьстьн, у бәр чʹәʹве wан дәри дада (Кʹар. Шанд. 5:18-23). Мьлйакʹәтед амьн ԛәwата хwә бона ԛәнщийе дьдьнә хәбате, ле Шәйтʹан бона хьрабийе. Бь рʹастийе ԛәwата Шәйтʹан жи гәләк мәзьн ә у һʹӧкӧме wи жи һәйә. Кʹьтеба Пироз wи нав дькә чаwа «сәрwере ве дьнйайе» (Йуһʹн. 12:31). w15 1/5 1:​5, 6

Фьрԛи тʹӧнә әм зәwащеда ньн йан азәп ьн, әм гәрәке гәләки бьхәбьтьн сәва кӧ мьԛабьли һʹәму щурʹә бенамусийе һәрʹьн. Ле гәло әw йәк һеса йә? На! Мәсәлә, һәрге тӧ щаһьл и, тӧ дьбәкә бьбьһейи ча һәвалед тәйә дәрсхане пʹайе хwә дьдьн, кӧ тʹәви кʹе жи бьхwазьн бенамусийе дькьн. Әwана ӧса жи дькарьн пʹайе хwә бьдьн дәрһәԛа секстинге, демәк, шандьна нәʹмәк йан шькьлед бенамуси бь телефона. Дь һьнә wәлатада, секстинге һʹәсаб дькьн тьштәки ӧса хьраб, ча бәлакьрьна порнографиа зарʹа. Кʹьтеба Пироз дьбежә: «Ле әwе кӧ ԛавийе дькә, мьԛабьли бәдәна хwә гӧна дькә» (1 Корн. 6:18). Бь һәләԛәтийа сексуали нәхwәшийед гьран бәла дьбьн, у ахьрийа wе йәке гәләк щәфа у мьрьн ә. У һʹәчʹи зәʹф жь wан щаһьла, йед кӧ пешийа зәwаще бенамуси кьрьнә, дьбежьн кӧ әwана гәләк пʹошман бунә. Әва дьнйа рʹьһʹәтиһʹьз, дьхwазә мә бьдә баwәркьрьне кӧ wе ԛә тьштәк жи нәбә, һәрге әм ԛануна Хwәде нәԛәдиньн. Дьшьрмишбуна ӧса, дькарә мә бьхальфинә у бәрбь гӧнәкьрьне бьбә. w15 1/5 2:​14

Иса мина Баве хwә һʹәйф бу. Ле чь али Иса кьр кӧ әw һʹәйф бу һьндава мәрийа, чахе сәр әʹрде бу? Әw дьшьрмиш дьбу кӧ гьлийед wи йан кьред wи, wе ча һʹӧкӧм бьн сәр мәрьва. Мәсәлә, жьнәкә кӧ гәләк хьраби дькьр һатә бал Иса, у ӧса дьгьрийа кӧ һесьред wе дьрьжийанә сәр ньгед Иса. Иса дит кӧ әw жьньк гәләк бәрхwәдькʹәвә жь бо кьред хwәйә хьраб, у дит wәки әw пʹошман буйә. Иса фәʹм дькьр кӧ һәрге һьндава wе һʹәйф нибә, жьньк wе һе хьраб хwә тʹәхмин кә. Ләма әwи пʹайе жьньке да бона ван кьред баш у бахшандә wе. Һьн жи Иса тʹәви wи Ферьси жи нәрм хәбәр да, кʹижани хwәш нәһат кӧ Иса һьндава wе жьньке ча бу (Луԛа 7:36-48). Әм ча дькарьн мина Йаһоwа һʹәйф бьн? Пешийа кӧ тьштәки бькьн йан бежьн әм гәрәке дьшьрмиш бьн. Ӧса әме бь ԛәдьр бьн тʹәви мәрьва у дьле wана нәешиньн. Паwлос гот wәки Мәсиһи гәрәке шәрʹа нәкә, ле «һьндава һʹәмуйада бәрбьһер бә» (2 Тимтʹ. 2:24). Әм гәрәке бьдьн бәр чʹәʹве хwә һәстед мәрьва у дьшьрмиш бьн, кӧ гьлийед мә wе ча сәр wана һʹӧкӧм бьн. У паше әме бьзаньбьн чь бькьн йан чь бежьн, wәки мина Йаһоwа һʹәйф бьн (Мәтʹлк. 15:28). w15 1/5 4:​8, 9

Чахе хушк-бьред мә тәнгасийеда ньн, әм дькарьн хәм бькьн бона һʹәwщед wанә физики у емосиали, у wана дьлгәрм кьн (Мәтʹлк. 17:17). Мәсәлә, әм дькарьн али wан бькьн чахе тʹәшԛәлед тʹәбийәте дьԛәwьмьн. Мала жьнәбике һьлшийа бу жь бо фьртоне, у әw гьли дькә: «Әз гәләк жь Йаһоwа рʹази мә, wәки әз тʹәшкиләта wида ньм, нә кӧ тʹәне бона аликʹарийа физики, ле ӧса жи йа рʹӧһʹани». Мала хушкәкә азәп жь фьртоне зийан станд, у әwе хwә бегӧман тʹәхмин дькьр. Паше чахе бьра али wе кьрьн мала wе чекьрьн, әwе гот: «Әw йәк тьштәки әʹщеб ә! Әз нькарьм бь тʹәмами һәстед хwә бьдьмә кʹьфше». Әwе зедә кьр: «Зәʹф рʹази мә Йаһоwа!» Әм рʹасти жи гәләк рʹази нә жь хушк-бьред мә, кӧ әwана бона һʹәwщед мәрьва хәм дькьн. Ле һе зедә әм гәләк жь Йаһоwа у жь Иса рʹази нә, wәки әwана бь рʹастийе жи бона мә хәм дькьн. w15 1/6 1:​17

Дь Кʹьтеба Пирозда те готьне, кӧ мер у жьн һьндава һәвда гәрәке чаwа бьн. Мәсиһи бь һәстед романтик тʹәне ль wан дьньһерʹьн, йед кӧ тʹәви wан зәwащеда ньн, йан жи тʹәви кʹе дьхwазьн бьзәwьщьн. Әwана флирте накьн. Һьнәк дьфькьрьн, кӧ һәрге мәрьв һәстед романтик дьдә кʹьфше бь жестед хwә, бь бәдәна хwә, у чʹәʹвед хwә, әв тьштәки бь нормал ә, чьмки әwана бь рʹастийе накʹәвьнә һәләԛәтийа сексуал. Ле ӧса нинә. Чахе дӧ мәрьв һәврʹа флирте дькьн, һьнге фькьред бенамуси пешда тен, жь бо чь жи әwана дькарьн бенамусийе бькьн. Усьв, сәва мә мәсәләкә баш ә. Жьна Потифар дьхwәст кӧ Усьв тʹәви wе бенамусийе бькә. Ле Усьв, жьна Потифаррʹа рʹази нәбу. Әwе диса у диса Усьв дьщерʹьбанд. Һәр рʹож әwе дьготә wи, кӧ сәре хwә wерʹа дайнә (Дәстп. 39:7, 8, 10). Ле Усьв тӧ щар нәдькʹәтә бьн байе wе. Бь wе йәке әwи нәһишт кӧ хwәстьнед нәрʹаст дьле wида пешда бен. w15 1/6 3:​10, 11

Йаһоwа дьхwазә кӧ әм дәрһәԛа хушк-бьред хwә жи дьшьрмиш бьн, у дәрһәԛа һәләԛәтийа wан тʹәви Хwәде. Һьн жи әм гәрәке дәрһәԛа wан хушк у бьра жи дьшьрмиш бьн, йед кӧ әм данә хәйдандьне, у дәрберʹа бьбахшиньнә wан. Гәләк щар мә тьштед бьчʹукда дьдьнә хәйдандьне, ле чахе әм дьбахшиньнә wан, әм избат дькьн кӧ әм wана һʹьз дькьн. У ӧса жи избат дькьн, кӧ әм дьшекьриньн бахшандьна Йаһоwа (Колс. 3:13). Жь бо wе йәке кӧ әм гӧнәкʹар ьн, щара дькарә мәрʹа чәтьн бә бьбахшиньн (Ԛан. Кʹаһ. 19:18). Һәрге дь щьватеда әм хәбәрдьдьн сәр wан, йед кӧ әм данә хәйдандьне, хушк-бьра wе дәстпекьн алийе кәсәки бьгьрьн, у ахьрийеда әв йәк wе һʹӧкӧм бә сәр тʹьфаԛийа щьвате. Һәрге әм бәрдәwан кьн ӧса бькьн, әм дьдьнә кʹьфше кӧ әм пʹешкʹеша Хwәде, демәк ԛӧрбане у бахшандьна wи ԛимәт накьн (Мәт. 18:35). Чахе әм нәбахшиньнә кәсәки, Йаһоwа жи wе нькарьбә бьбахшинә мә (Мәт. 6:14, 15). Ӧса жи һәрге әм дьхwазьн кӧ Йаһоwа бьбахшинә мә, әм гәрәке һʹәму тьштед ӧса нәкьн чь кӧ бәр чʹәʹве wи рʹәш ьн (1 Йуһʹн. 3:4, 6). w15 1/6 5:​9-​11

Йаһоwа ԛәдьр дайә мә, кӧ әм дькарьн аликʹарийе бьдьн, wәки щьнәта мәйә рʹӧһʹани һе бәдәw бә. Ле әм ча әwе йәке дькьн? Әм бь хирәт даннасин дькьн мьзгинийа хере дәрһәԛа Пʹадшатийе у шагьрта һазьр дькьн. Һәр щар чахе әм али кәсәки дькьн, сәва кӧ әw мәрьв бьбә ԛӧльхкʹаре Хwәде, бь ве йәке әм аликʹарийе дьдьн, кӧ щьнәта рʹӧһʹани мәзьн бә (Иша. 26:15; 54:2). Әм ӧса жи щьнәта рʹӧһʹани бәдәw дькьн, чахе сәр хwә дьхәбьтьн, сәва кӧ бьбьнә Мәсиһийед һе баш. Чахе әм ӧса дькьн, әw щьнәта рʹӧһʹани һе һʹәwас дьбә бона мәрьвед дьн. Бь рʹастийе нә кӧ тʹәне занәбуна мәйә Кʹьтеба Пироз, ле тʹәмьзбуна мә у рʹабун-рʹуньштандьна мәйә баш һʹәwаса мәрьва тинә, пешийе бәрбь тʹәшкиләте у паше бәрбь Йаһоwа у Иса. Йаһоwа у Иса гәләк ша дьбьн, чахе дьвиньн щьнәта мәйә рʹӧһʹанийә иро. Әw шабун, кӧ әм ньһа щьнәта рʹӧһʹани бәдәw дькьн, һаԛас нә мәзьн ә чьԛас әw шабун, чахе әме бьхәбьтьн wәки әʹрде бькьнә щьнәт. w15 1/7 1:​18-​20

Йаһоwа изьне дьдә мә, кӧ әм хwәха сафи кьн пьштгьрийа кʹе бькьн. Ле тӧ пьштгьрийа кʹе дьки? Тӧ гӧрʹа Йаһоwа дьки у баwәр дьки кӧ әw һʹәму тьшти дьһа рʹьнд занә, нә кӧ тӧ? Тӧ баwәр дьки, кӧ тʹәне Пʹадшатийа Хwәде wе һʹәму проблемед мә сафи кә? Йан тӧ дьфькьри кӧ мәрьв дькарьн бей Хwәде, хwәха сәрwертийе сәр хwә баш бькьн? Мәсәлә, һәрге кәсәк жь тә бьпьрсә, кӧ тӧ чь дьфькьри дәрһәԛа партийакә политике йан жи организасийа политике, тӧйе ча щаба хwә бьди? Дьбәк һьнә мәрьв жь wан партийа йан жи организасийа, һʹәлал ьн у дьхwазьн али мәрьва бькьн. Ле йәкә әм фәʹм дькьн, кӧ тʹәне Пʹадшатийа Йаһоwа дькарә проблемед инсанәте сафи кә у һʹәму нәһәԛийа кʹӧта кә. Әм ӧса жи дь щьватеда пәй рʹебәрийа Йаһоwа дьчьн, нә кӧ ӧса дькьн ча әм һʹәсаб дькьн кӧ һе баш ә. Бь wе йәке щьват йәктийеда нә. w15 1/7 3:​7, 8

Чахе әм әʹфьринед Йаһоwа дьньһерʹьн, әм педьһʹәсьн кӧ әw чьԛас зәʹф мә һʹьз дькә (Рʹом. 1:20). Мәсәлә, Йаһоwа әʹрд ӧса әʹфьранд, кӧ әм дькарьн гәләк тьшт ль сәр бькьн, нә кӧ тʹәне бьжин. Әwи һʹәму тьшт дайә мә, сәва кӧ әм жийина хwәрʹа ша бьн. Мәрʹа хwарьн лазьм ә, ле Йаһоwа щурʹә-щурʹә хwарьн дайә мә, у чахе әм әwан хwарьна дьхwьн дьле мә хwәш те (Wаиз 9:7). Йаһоwа мәрьв бь фәрәсәте ӧса әʹфьранд, кӧ әwана дькарьн шьхӧле һʹәwас бькьн у жь wе йәке шабуне бьстиньн (Wаиз 2:24). Әwи шьхӧл дайә мәрьва кӧ әʹрде тʹьжә кьн, бещәр кьн у мьԛати мәʹсийа, тәйрәда, у тьштед дьн бьн йе сәр әʹрде (Дәстп. 1:26-28). Һьн жи Йаһоwа әм бь һʹӧнӧред ӧса баш әʹфьрандьнә, кӧ әм дькарьн чʹәʹв бьдьнә wи (Әфәс. 5:1). w15 1/8 1:​4, 5

Әм дькарьн зәлал бьвиньн, кӧ пʹехәмбәртийа жь Кʹьтеба Пироз те сери, у кӧ хьлазийа wе дьнйа зӧлм гәләк незик ә. Әм һивийе нә кӧ «дәһә стьруйед» у «щәʹнәwьр» мьԛабьли религийа ԛәлп демәк, Бабилона мәзьн дәрен (Әʹйан. 17:16). Әм гәрәке нәфькьрьн, кӧ әw йәк һе дур ә. Бир нәкьн, кӧ Хwәде wе бькә «дьле wан», кӧ мьԛабьли религийа ԛәлп дәрен у әw йәк дькарә зу у ньшкева бьԛәwьмә! (Әʹйан. 17:17). Хьлазийа дьнйа Шәйтʹанә зӧлм зутьрәке wе бе. Ләма әм гәрәке гӧһ бьдьнә гьлийед Иса реза рожеда ньвисийә (Әʹйан. 16:15). Дә wәрьн әм һʹьшйар бьминьн, у бь хирәт Йаһоwарʹа ԛӧльх кьн, у баwәр бьн, кӧ Йаһоwа «бона йе ль бәнда [һивийа] wи нә, дьхәбьтә» (Иша. 64:4). w15 1/8 2:​17

Рʹаст ә әм дьхwазьн һьндава һʹәму мәрьва баш бьн, ле йәкә әм гәрәке незик һәвалтийе нәкьн тʹәви wан, кʹижан кӧ бь принсипед Хwәде нажин. Ӧса жи wе нәрʹаст бә һәрге Шәʹде Йаһоwа бона һәвнаскьрьне рʹасти wи мәрьви бе, кʹижан кӧ ԛӧльхкʹаре Хwәдейи нәньхӧманди у нәамьн ә. Мәрʹа һе фәрз ә кӧ Хwәде мә ԛәбул кә, нә кӧ мәрьвед кӧ Хwәде һʹьз накьн. Әм гәрәке һәвалтийе бькьн тәне тʹәви wан, йед кӧ ԛьрара Хwәде дьԛәдиньн. Һәвалтийа хьраб бәред хьраб тинә. Бьньһерʹьн мәсәла Исраелийа. Исраелийа гӧһ нәданә тʹәмийа Йаһоwа у wирʹа амьн нәман (Дәркʹ. 23:24, 25; Зәб. 106:35-39) Ахьрийеда Йаһоwа щьмәʹта Исраел инкʹар кьр, у дәwсе щьвата Мәсиһти жьбарт чаwа щьмәʹта хwә (Мәт. 23:38; Кʹар. Шанд. 2:1-4). w15 1/8 4:​7, 8

Йаһоwа Хwәде мәрьв бь азайа бьжартьне әʹфьрандьнә, демәк әм дькарьн бь азабуне тьшта сафи кьн. Ле сәва кӧ сафикьрьнед рʹаст бькьн, Йаһоwа рʹебәр дайә мә. Әw рʹебәр һәйә исафа мә у әw фәрәсәт ә нав мәда, бь сайа кʹижани әм дькарьн тедәрхьн, чь рʹаст ә у чь нәрʹаст ә. Чахе әм исафа хwә рʹаст дьдьнә хәбате, әw дькарә али мә бькә, кӧ әм тьштед ԛәнщ бькьн у хwә жь тьштед хьраб дур бьгьрьн. Әw йәк, кӧ исафа мә һәйә избат дькә, кӧ Йаһоwа мә һʹьз дькә у дьхwазә кӧ әм баш бьн. Һьнә мәрьв иро принсипед Кʹьтеба Пироз ньзаньн, ле йәкә тьштед ԛәнщ дькьн у хьрабийе нәфрʹәт дькьн (Рʹом. 2:14, 15). Ле гәло чьрʹа? Чьмки исафа wан һәйә. Әw йәк гәләк мәрьва хwәй дькә, кӧ тьштед хьраб нәкьн. Һәла бьдә һʹәсабе хwә, дьне wе чьԛас хьраб буйа, һәрге исафа тʹӧ кәси тʹӧнә буйа! Әм гәрәке гәләк жь Йаһоwа рʹази бьн, кӧ әwи исаф дайә мәрьва! w15 1/9 2:​1, 2

Йуһʹәннайе шанди әм һелан кьрьн, кӧ әм кʹур бьфькьрьн сәр һʹьзкьрьна Йаһоwайә гьринг һьндава мә. Әwи гот: «Бьньһерʹьн, Баве әм чаwа һʹьз кьрьн». Чахе әм дьфькьрьн, кӧ Йаһоwа чьԛас зәʹф мә һʹьз дькә у ча әw һʹьзкьрьна хwә мәрʹа әʹйан дькә, әм незики wи дьбьн у һе зәʹф wи һʹьз дькьн. Ле йазьх, һьнә мәрьв нькарьн баwәр кьн, кӧ Хwәде wана һʹьз дькә. Әwана дьфькьрьн, кӧ Хwәде дәрһәԛа мәрьва хәм накә. Әwана баwәр дькьн, кӧ Хwәде тʹәне ԛануна дьдә у щәза дькә йед кӧ гӧрʹа wи накьн. Һьнәк мәрьв бо һинкьрьнед ԛәлп һәла һе ӧса жи дьфькьрьн, кӧ Хwәде берʹәʹм ә, у набә кӧ wи һʹьз кьн. Һьнәк жи дьфькьрьн, кӧ Хwәде һʹәму мәрьва һʹьз дькә у wирʹа фьрԛи тʹӧнә, кӧ әwана чь дькьн. Ле һинбуна Кʹьтеба Пироз али мә кьр, кӧ дәрһәԛа Йаһоwа рʹастийе бьзаньбьн. Әм заньн, кӧ һʹьзкьрьн һʹӧнӧрәки wийи лапи гьринг ә, у кӧ әwи Кӧрʹе хwә кьрә ԛӧрбан бона мә (Йуһʹн. 3:16; 1 Йуһʹн. 4:8). w15 1/9 4:​1, 2

Чахе әм ширәткьрьна Йаһоwа ԛәбул дькьн у дьһельн кӧ әw мә рʹаст кә, әм һин дьбьн тьштед рʹаст бькьн у әʹдьлайеда бьн. Ле әм ча гәрәке хwә бьдьнә кʹьфше, чахе Йаһоwа мә ширәт дькә? Әм тʹӧ щар гәрәке ширәта Йаһоwа пьшт гӧһе хwәва нәвежьн, у нә жи дьлтәнг бьн һәрге әм ве йәке дьбьһен чь кӧ мә хwәш найе. Әм Йаһоwа һʹьз дькьн, у ләма әм гӧһ дьдьнә wи у чахе лазьм ә гӧһастьна жи дькьн. Дьнйа Шәйтʹан мәрьва һелан дькә кӧ ԛӧрʹә у хwәһʹьз бьн. Гәләка хwәш найе чахе wана ширәт дькьн йан жи дьбежьнә wан кӧ чь гәрәке бькьн. Һьнәк жи ширәта дьбьһен, чьмки лазьм ә бьбьһен, ле паше пьшт гӧһе хwәва давежьн. Әм гәрәке мина wан мәрьва нибьн. Кʹьтеба Пироз мәрʹа дьбежә кӧ әм «нәкʹәвьнә кьрасе бәнде ве дьнйайе». Дәwсе әм гәрәке фәʹм бькьн кӧ Йаһоwа жь мә һивийа чь йә у ве йәке бькьн чь кӧ дьле wи хwәш те (Рʹом. 12:2). Йаһоwа тʹәшкиләта хwә дьдә хәбате, сәва кӧ мә wәʹдәда ширәт кә. Мәсәлә, тʹәшкиләта wи тʹьме ширәт дьдә мә, кӧ әм ча һәвала бьжберьн, ча рʹаст сафикьрьна бькьн бона һесабуне у wәʹдәдәрбазкьрьне, у ча мер гәрәке һьмбәри жьна у жьн һьмбәри мера, хwә рʹаст бьдә кʹьфше. Чахе әм бь һазьрбуне ширәткьрьна Йаһоwа ԛәбул дькьн у гӧһастьна дькьн сәва кӧ дьле wи ша кьн, бь wе йәке әм әʹйан дькьн кӧ әм гәләк жь wи рʹази нә бона рʹебәрийа wи у кӧ әм бь рʹастийе жи wи һʹьз дькьн (Йуһʹн. 14:31; Рʹом. 6:17). w15 1/9 5:​13, 15

Әм хwәха нькарьн баwәрийа хwә зедә кьн, ләма әм гәрәке жь Хwәде рʹӧһʹе пироз бьхwазьн. Гәло чьрʹа? Чьмки баwәри йәк жь бәре рʹӧһʹе пироз ә (Галт. 5:22). Әw бь билани йә чахе әм гӧһ дьдьнә ширәта Иса, кӧ дӧа дькьн Хwәдерʹа, сәва кӧ әw һе зедә рʹӧһʹе пироз бьдә мә. Иса соз дайә кӧ Йаһоwа wе «рʹӧһʹе пироз бьдә әwед кӧ жь wи дьхwазьн» (Луԛа 11:13).Чахе баwәрийа мәйә ԛәwи һьндава Хwәде һәйә, әм гәрәке әwе баwәрийе хwәй кьн. Баwәрийе әм дькарьн бәрамбәр кьн тʹәви агьр. Чахе әм агьр тʹәзә ведьхьн, алава wе дькарә гәләк ԛайим бә, ле һәрге сәрда дара зедә нәкьн, ахьрийе әw агьр wе весә у тʹәне кʹози бьминә. Ле һәрге әм тʹьме дара бавежьнә сәр агьр, әw wе бәрдәwам кә бьшхӧлә. Дәрһәԛа баwәрийе жи әм дькарьн ӧса бежьн. Һәрге әм һәр рʹож Хәбәра Хwәде дьхуньн у тʹьме леколин дькьн, wе һʹьзкьрьна мә һьндава Кʹьтеба Пироз у Йаһоwа һе зедә бә. У ахьрийе, әме баwәрийа хwә ԛәwи хwәй кьн. w15 1/10 2:​6, 7

Зандара тедәрхьстьн кӧ чахе мәрьв бь дәнге ньмьз дьхунә, гәләк һеса йә кӧ бира хwәда хwәй кә. Әʹфьрандаре мә занә әве йәке, ләма жи әwи готә Йешу кӧ кʹьтеба Ԛануне бьхунә бь дәнге ньмьз, демәк хwәрʹа бь дәнге һеди (Йешу 1:8). Һәрге тӧ Кʹьтеба Пироз бьхуни бь дәнге ньмьз, әw йәк wе али тә бькә кӧ рʹьнд дина хwә бьдейи чь дьхуни у һе зедә бира хwәда хwәй ки. Рʹасти жи гәләк ԛәwат лазьм ә, кӧ чахе дьхуни һьше тә нәчә щики дьн у сәр бьфькьри. Ләма жи wәʹде лапи баш бона фькьрандьне әw һәйә, чахе тӧ wәстийайи нини у ль wедәре дьхуни, кʹидәре кӧ дәнг тʹӧнә у кʹидәре кӧ гәләк тьштед ӧса тʹӧнә нә, кӧ фькьред тә бьрʹәвиньн. Зәбурбеж Даwьд чахе шәв нав щийада һʹьшйар дьма, һьнге дьфькьри (Зәб. 63:6). Иса жи, кӧ ԛәданди бу, бона бьфькьрә у дӧа бькә, щийе ӧса дьжбарт кʹидәре кӧ дәнг тʹӧнә бу (Луԛа 6:12). w15 1/10 4:​4, 6, 7

Щарәке һьнә мәрьв дь Щәлиле һатьн у Иса дьгәрʹийан (Йуһʹн. 6:22-24). Иса фәʹм кьр кӧ әwана һатьнә нә сәва ве йәке, кӧ дьхwазьн бьбьһен һәла әw wе wана чь һин кә, ле сәва хwарьне һатьнә. Иса заньбу кӧ бь рʹастийе дьле wанда чь бу. Ләма әwи әwана ширәт кьрьн у wанрʹа шьровәкьр, кӧ әwана нав хwәда гәрәке чь бьгӧһезьн (Йуһʹн. 6:25-27). Рʹаст ә һун нькарьн дьла бьхуньн, ле һун жи дькарьн фәʹмкʹар бьн. Мәсәлә, һун дькарьн зарʹед хwә фәʹм кьн, кӧ әwана ча дьньһерʹьн сәр бәлакьрьна мьзгине. Һун дькарьн пьрсе бьдьнә хwә: «Гәло дьбәкә зарʹед мьн хьзмәтийеда тʹәне һивийа wи wʹәдәйи нә, чахе әм дькарьн һеса бьн, тьштәки бьхwьн йан вәхwьн?» Һәрге wә фәм кьр кӧ зарʹед wә жь хьзмәтийе шабуне навиньн, ӧса бькьн кӧ хьзмәти wанрʹа һʹәwас бә. Шьхӧлед бьчʹук wанрʹа бьдьн, сәва кӧ әwана тʹәхмин кьн кӧ әwана дькарьн кʹаре биньн. w15 1/11 1:​10, 11

Баве мәйи һʹьзкьри чь кӧ бона хьзмәткаред wи һәри баш ә тʹьме ве дькә. Кʹьтеба Пироз мәрʹа дьбежә: «Әwе жь чʹәʹвед wан һʹәму һесьред wан паԛьж кә у иди мьрьне тʹӧнәбә, нә шин, нә гьри, нә еш-ешук». Ахьрикә чьԛас баш һивийа wан ә, йед кӧ гӧһдар ьн у ԛимәт дькьн һʹьзкьрьна Хwәде! Кʹьтеба Пироз мәрʹа дьбежә: «Чʹәʹвньһерʹийе ль мьровед кʹамьл [беԛьсур, ДТʹ] бькә у ль мьровед рʹаст бьньһерʹә; жь бәр кӧ пешәрожа wан ашти йә. Ле кәсед кӧ сәри һьлдане, әwе һʹәму бь һәвра тʹӧнә бьбьн пешәрʹожа хьраба, wе бе ԛуткьрьн» (Зәбур 37:37, 38, ДО). Йе «беԛьсур» Йаһоwа у Кӧрʹе wи нас дькә, у ԛьрара Хwәде тинә сери. Әw ԛайим баwәр ә кӧ «дьнйайе жи дәрбаз бә, һавьжийа wе жи, ле әwе кӧ әʹмьре Хwәде дьԛәдинә wе һʹәта-һʹәтайе бьминә» (1 Йуһʹн. 2:17). Чьмки хьлазийа дьнйайе незик ә, ләма жи гәләк фәрз ә кӧ әм һивийа Хӧдан бьн у рʹийа wида һәрʹьн (Зәб. 37:34). w15 1/11 3:​11, 12

Щьмәʹта Хwәде бь рʹебәрийа Иса щурʹә-щурʹә метод дайә хәбате, сәва кӧ мьзгин бьгьһижә гәләк мәрьва. Әw метод гәләк фәрз бун, илаһи ви чахи чахе хьзмәткʹар һьндьк бун. Мәсәлә, гәләк сал шунда мә рʹожнамә дьда хәбате сәва кӧ мьзгине бәла кьн. Һәр һʹәфтийе бьре Расел готар сәр һиме Кʹьтеба Пироз дьшандә нәшьрхана рʹожнаме. Паше әве нәшьрхане әв готар дьшандә нәшьрханед дь Канадеда, Әwропаеда у Дәwләтед Йәкбуйида. Бәрбь сала 1913 готаред бьре Расел һатьнә дәрхьстьне дь 2 000 рʹожнамада у wәкә 15 000 000 мәрьва әв рʹожнамә хwәндьнә. Радиойе жи гәләк кʹар ани бәлакьрьна мьзгинеда. Бьре Рутерфорд 16 Нисане сала 1922, щара пешийе бь радиойе готар хwәнд, у әв готар wәкә 50 000 мәрьва бьһистьн. Паше, мә ида хwәха радиойа хwә чекьр, бь наве WББР. w15 1/11 5:​10, 11

Йаһоwа ӧса жи дькарә әʹфьрине хwә бькә әw кʹе жи дьхwазә. Мәсәлә, Йаһоwа ӧса кьр кӧ Нӧһ бьбә авакʹаре гәмийе, Бьсалел бьбә һостәки ԛәwи, Гидәон бьбә сәркʹаре гьринг, у Паwлос бьбә мисйонер. Наве Хwәде бона щьмәʹта wи бь рʹастийе тьштәки реали те һʹәсабе, у ләма жи Комитейа Кʹьтеба Пироз йа Wәлгәрандьна Дьнйа Тʹәзә дь wәлгәрандьнеда наве Хwәде ньвисин. Һе гәләк у гәләк wәлгәрандьнед Кʹьтеба Пирозда наве Хwәдейи шәхси наньвисьн. Дәwса наве wи, әwана дьдьнә хәбате хәбәра «Хӧдан» йан жи навәки дьн, кʹижан кӧ щәм wан те хәбьтандьне. Әw мәʹнийа лапә мәзьн ә кӧ чьрʹа Кʹома Рʹебәрийе дьфькьрә, wәки сәр зьмане һʹәму щьмәʹта һәбә Кʹьтеба Пироз, кʹижан кӧ наве Хwәде теда һәбә у наве wи бе рʹумәткьрьне (Малх. 3:16). Наве Йаһоwа те рʹумәткьрьне дь дәрхьстьна «Wәлгәрандьна Дьнйа Тʹәзәда» сәр 130 зьмана зедәтьр. w15 1/12 2:​7-9

Йаһоwа дькарә сәр сьһʹәт-ԛәwата мәрьва һʹӧкӧм кә. Әwи һьнәк бь нәхwәшийа щәза дькьр, мәсәлә Фьрәwьне кӧ wәʹде Бьраһимда бу, у паше хушка Муса, Мәрйәм (Дәстп. 12:17; Жьмар 12:9, 10; 2 Сам. 24:15). У чахе Исраели Йаһоwарʹа амьн нибун, әwи әwана «бь нәхwәши у . . . бәла» щәза кьрьн (Ԛан. Дщр. 28:58-61). Wәʹде майин, Йаһоwа щьмәʹта хwә жь нәхwәшийа хwәй дькьр (Дәркʹ. 23:25; Ԛан. Дщр. 7:15). Әwи һьн жи һьнәк жь wан ԛәнщ дькьрьн. Мәсәлә, чахе Ибо гәләк гьран нәхwәш бу у дьхwәст бьмьра, Йаһоwа әw ԛәнщ кьр (Иб. 2:7; 3:11-13; 42:10, 16). Әм сәд сәләфи баwәр ьн wәки ԛәwата Йаһоwа һәйә кӧ мәрьвед нәхwәш ԛәнщ кә. Иса жи дькарә нәхwәша ԛәнщ кә. Чахе әw сәр әʹрде бу, әwи мәрьвед нәхwәш, мәсәлә йед кʹоти йан жи һивкʹәти ԛәнщ дькьрьн. Әwи ӧса жи йед кор у шьлушәт ԛәнщ дькьр (Мәт. 4:23, 24; Йуһʹн. 9:1-7). Әw кʹәрәмәт али мә дькьн кӧ әм һивийа wан тьштед пʹьр баш бьн, кʹижан кӧ дьнйа тʹәзәда Иса wе бькә. w15 1/12 4:​3, 4