Тирмәһ

Әw гьлийе «меванһʹьзи» кӧ Паwлос дайә хәбате, рʹастә-рʹаст те һʹәсабе «ԛәнщикьрьн хәрибарʹа». Дьбәкә әw гьли дькә бира мә мәсәла Бьраһим у Лут. Әw һәр дӧ мера ԛәнщи данә кʹьфше wан меванарʹа, кʹижан кӧ нас нәдькьрьн. Әw меван мьлйакʹәт бун (Дәстп. 18:2-5; 19:1-3). Әм ча дькарьн меванһʹьзийе бьдьнә кʹьфше? Әм дькарьн хушк-бьра тʹәглифи мала хwә кьн, мәсәлә сәр хwарьне, сәва кӧ тʹәви һәв хәбәр дьн у һәвдӧ дьлгәрьм кьн. Нәлазьм ә щурʹә-щурʹә тьшт, йан жи гәләк пʹәрә хәрщ кьн сәва кӧ меванһʹьзийе бьдьнә кʹьфше. Һьн жи әм нахwазьн кӧ тʹәне wана тʹәглиф кьн, йед кӧ wе бькарьбьн мәрʹа ԛәнщийе бькьн (Луԛа 10:42; 14:12-14). Нета мә гәрәке әw бә кӧ һәвдӧ дьлгәрьм кьн, нә кӧ бь тьшта хушк-бьра әʹщебмайи кьн! Дьбәкә әм бәрпьрсийаре мьһале у жьна wи нас нәкьн, ле әм wанарʹа жи дькарьн меванһьзийе бьдьнә кʹьфше (3 Йуһн. 5-8). Рʹаст ә wәʹде мәйи аза һаԛас тʹӧнә йә у ӧса жи стресед һәр рʹожи әм дьстиньн, ле гәләк фәрз ә «меванһʹьзийе» бир нәкьн! w16.01 1:​11, 12

Рʹӧһʹе Хwәдейи пироз рʹункьрира шәʹдәтийе дьдә, кӧ әwана тедә бьжартьне wәки һәрьнә ль әʹзмана. Мәсиһийе рʹункьри хwәха дьле хwәда баwәр ә, чьмки әwи бьһе стандийә (2 Корн. 1:21, 22; 5:5). Әw мәрьв баwәр ә кӧ әw һатийә тʹәглифкьрьне кӧ һәрʹә ль әʹзмана. Ле әw wе хәлата хwә бьстинә йан на, гьредайи йә ве йәкева һәрге әw һәта хьлазийе амьнийа хwә Йаһоwарʹа избат кә. Пәтрус шьровәкьр: «Бона ве йәке хушк-бьрано, һе бькьн кӧ wе гази у жьбарәбуна хwә тʹәстиԛ кьн. Һун кӧ ве йәке бькьн, тӧ щар накʹәвьн. Бь ви аwайи дәргәһе ль бәр wә вәбә, кӧ бькʹәвьнә Пʹадшатийа һʹәта-һʹәтайейә Хӧдан у Хьлазкьре мә Иса Мәсиһ» (2 Пәт. 1:10, 11). Һәр Мәсиһийе рʹункьри гәрәке гьран бьхәбьтә кӧ Йаһоwарʹа амьн бьминә, чьмки һәрге әw амьн нибә, әw тʹәглифкьрьн wе бона wи бекер бә (Ибрн. 3:1; Әʹйан. 2:10). w16.01 3:​6, 7

Wе нәрʹаст бә һәрге кәсәк йәки дьн бьльнд кә, һәла һе һәрге жи әw рʹункьри йә. Чахе Кʹьтеба Пироз дәрһәԛа рʹуспийа дьбежә, әw мә һелан дькә кӧ әм чʹәʹв бьдьнә баwәрийа wан. Ле Кʹьтеба Пироз тӧ щар набежә кӧ әм мәрьва һʹәсаб кьн чаwа рʹебәре мә (Ибрн. 13:7). Бәле, Кʹьтеба Пироз дьбежә кӧ һьнәк «дӧбарә һежайи ԛәдьр» ьн. Әwана һежайи ԛәдьр ьн, нә бона ве йәке кӧ әwана рʹункьри нә, ле чьмки әwана «сәрwерийе рʹьнд дькьн» у «хәбәрдан у һинкьрьнеда дьхәбьтьн» (1 Тимт. 5:17). Ләма wе нәлайиԛ бә, һәрге кәсәк рʹункьрийа рʹумәт кә йан зәʹф һӧрмәт кә. Һе хьраб әw ә, кӧ һәрге һәләԛәтийа мә тʹәви рʹункьрийа мәхсус бә, демәк әм wана зәʹф һʹӧрмәт кьн, дькарә wанрʹа чәтьн бә кӧ мьлук бьминьн (Рʹом. 12:3). Бәле, тʹӧ кәс жь мә нахwазә хушк-бьрарʹа бьбә кәвьре лькʹӧмандьне! (Луԛа 17:2). w16.01 4:​9

Достийе дькарьн бәрамбәр кьн тʹәви хьзна ԛимәт. Ле әw хьзнәкә ӧса нинә, кʹижан кӧ дькарьн бькʹьрʹьн у тʹәне бона бәдәwбуне дайньн. Дости әw мина тьштәки сах ә, кʹижан кӧ лазьм ә хwәй кьн у мьԛат бьн сәва кӧ әw гәш бә. Бьраһим һәма ӧса дькьр. Әwи достийа хwә тʹәви Йаһоwа ԛимәт дькьр у ԛәwи дькьр. Ле әwе йәке әм жь кʹӧ заньн? Бьраһим бәрдәwам дькьр тьрса хwә бәр Хwәде у гӧһдарикьрьна хwә ԛәwи кә. Чахе әw тʹәви малбәта хwәйә мәзьн чу Кәнане, әwи һишт кӧ Йаһоwа рʹебәрийе wи бькә сафикьрьнед мәзьн у бьчʹукда. Саләк пешийа буйина Исһаԛ, чахе Бьраһим 99 сали бу, Йаһоwа дәʹwа кьр кӧ меред жь малбәта wи гьшк бенә сьнәткьрьне. Гәло Бьраһим пьрс да Хwәде йан жи дьхwәст әве дәʹwакьрьне нәйнә сери? На, әwи итʹбарийа хwә Хwәде ани у «һәма wе рʹоже» гӧрʹа wи кьр (Дәстп. 17:10-14, 23). w16.02 1:​9, 10

Щаһьл жи дькарә фәʹм бькә кӧ чь те һʹәсабе тьштед рʹаст бькә у чь те һʹәсабе хwә тʹәсмили Хwәде бькә. Ләма, ньхӧмандьн әw гавәкә гәләк фәрз ә бона щаһьлед кӧ гьһишти нә у кӧ хwә тʹәсмили Йаһоwа кьрьнә (Мәтлк. 20:7). Ле чь те һʹәсабе гьһиштибун? Гьһиштибун әw найе һʹәсабе чахе мәрьв тәне физики мәзьн дьбә. Кʹьтеба Пирозда те готьне кӧ мәрьвед гьһишти әw ьн, йед кӧ «сәwдайе хwәда кʹәти-рʹабуйи нә, ԛәнщи у хьрабийе жь һәв дәрдьхьн» (Ибрн. 5:14). Мәрьве гьһишти занә кӧ чь рʹаст ә чʹәʹве Йаһоwада, у дьле хwәда сафи дькә кӧ һәма ӧса жи бькә. Ләма wирʹа чәтьн нинә хwә бьгьрә кӧ тьштед нәрʹаст нәкә. Һьн жи, әw һʹәwщә нинә кӧ кәсәк тʹьме wирʹа бежә кӧ әw тьштед рʹаст бькә. Бь рʹастийе, щаһьле кӧ дьхwазә бе ньхӧмандьне, принсипед Йаһоwа тинә сери wи чахи жи, чахе де-бав йан жи кәсәки мәзьн wи навиньн (Фили. 2:12). w16.03 1:​4, 5

Йонатʹан дьбәкә гәләк әʹщебмайи ма, чахе Даwьде щаһьл мьԛабьли Голйатʹе мәзьн дәркʹәт. Паше жи Даwьд сәкьни бәр Шаwуле баве Йонатʹан Пʹадше Исраеле, у «сәре Фьльсти дь дәсте wида бу» (1 Сам. 17:57). Дьбәкә Йонатʹан жь бо мерхасийа Даwьд гәләк әʹщебмайи ма. Йонатʹан әʹйан дит кӧ Йаһоwа тʹәви Даwьд ә, у нәфса Йонатʹан бь нәфса Даwьдва һатә гьредан. Паши ве йәке, wана һәвдӧрʹа сонд хwәр, жь бәр кӧ Йонатʹан мина нәфса хwә Даwьд һʹьз кьр (1 Сам. 18:1-3). Йонатʹан тʹәмамийа әʹмьре хwә Даwьдрʹа амьн ма. Йонатʹан һәла һе wи чахи жи Даwьдрʹа амьн ма, чахе Хwәде Даwьд бьжарт кӧ бьбә пʹадше Исраеле. Һьн жи Йонатʹан гәләк бәрхwә дькʹәт дәрһәԛа Даwьд, чьмки Шаwул дьхwәст wи бькӧжә. У Йонатʹан сәва кӧ һәвале хwә дьлгәрм у ԛәwи кә, чу бәрийа Щьһустане, ль Һорәше. Ль wедәрә Йонатʹан wи шьданд кӧ әw итʹбарийа хwә Йаһоwа бинә (1 Сам. 23:16). w16.02 3:​1, 2

Дәстпебуна әʹфьрандьнеда Йаһоwа у Иса йәктийеда бун. Бав у Кӧрʹ тʹәви һәв һәвкʹари дькьрьн, wана щурʹә-щурʹә бинбәред дьн жи әʹфьрандьн чь кӧ иро әм дьвиньн. Әw йәкти ӧса жи дьһатә кʹьфше нава хьзмәткʹаред Хwәдеда. Мәсәлә, чахе Нӧһ тʹәви нәфәред хwә гәми ава дькьр. Ӧса жи, чахе щьмәʹта Хwәде ль бәрийеда щигӧһасти дьбун, тʹәвайи Коне Пироз тʹоп дькьрьн, һәвдәрдьхьстьн, у щигӧһасти дькьрьн. Әw һәвкʹари һьн жи һәбу чахе пʹарьстгәһеда тʹәвайи пәсьне Йаһоwа дьдан бь кʹьлама у һащәтед музикайе. Әw һәр тьшт щьмәʹта Хwәде дькарьбу бькьра, чьмки йәкти нав wанда һәбу (Дәстп. 6:14-16, 22; Жьмар 4:4-32; 1 Дир. 25:1-8). Ԛьрна йәкеда щьвата Мәсиһитийә пешьн жи йәктийеда бу. Әw щьват бьн рʹебәрийа Сәре щьвате, демәк Иса Мәсиһда бу. Паwлосе шанди шьровәкьр, кӧ рʹаст ә «щурʹә-щурʹә пʹешкешед» Мәсиһийед рʹункьри һәнә у ӧса жи «щурʹә-щурʹә ԛӧльх», «щурʹә-щурʹә карин», ле йәкә әw һʹәмушк пʹарәкә бәдәнәке нә, демәк әwана йәктийеда (1 Корн. 12:4-6, 12). w16.03 3:​1, 2

Wәрә шеwьр кьн шьхӧле бәлакьрьна мьзгине, кʹижан кӧ Иса пәйчуйед хwәрʹа готьбу. Мьзгин гәрәке ида бь щурʹәки майин бәла буйа. Бәре, щьмәʹтед дьн хwәха дьһатьнә бал Исраелийа сәва Йаһоwарʹа хьзмәт кьн (1 Падш. 8:41-43). Ле әw йәк пешийа тʹәмидайина Иса бу, кʹижан кӧ рʹеза ве рʹожеда ньвисар ә. Иса шагьртед хwәрʹа гот кӧ «һәрʹьн» һʹәму мьләта һин кьн. Сала 33 Д.М.-да, әʹйан бу кӧ Йаһоwа дьхwазә, wәки ида мьзгин сәр тʹәмамийа дьнйайе бәла бә. Чьмки ве рʹоже, бь рʹӧһʹе wийи пироз, wәкә 120 әндәмед щьвата тʹәзә, дәстпекьрьн сәр щурʹә-щурʹә зьмана хәбәрдьн тʹәви Щьһуйа у йед нәщьһу (Кʹар. Шанд. 2:4-11). Паше, мьзгин бәла бу һʹәта мәрьвед Самәри жи. Паше жи, сала 36 Д.М., мьзгин гьһиштә һәла һе мәрьвед пʹутпʹарьстә нәсьнәткьри жи. Әw йәк дьһатә һʹәсабе кӧ Мәсиһи гәрәке бьчуна чьԛас дькарьбун гьшкарʹа нав тʹәмамийа дьнйайе мьзгин бәла кьрана! w16.03 4:​12.

Щьмәʹта Йаһоwа тʹьме заньбунә кӧ йед дьн һин кьн әw гәләк кʹаре тинә. Мәсәлә, Бьраһим «хӧламед хwәй һинкьри» кӧ шәрʹкьрьнеда щерʹьбанди бун, тʹоп кьр сәва кӧ Лут хьлаз кьн (Дәстп. 14:14-16). Wәʹде Даwьд Пʹадша, дәнгбеж һатьбун һинкьрьне wәки кʹьламед бона рʹумәткьрьна Йаһоwа бьстьрен (1 Дир. 25:7). Иро әм мьԛабьли Шәйтʹан у дьнйа wи дьчьн (Әфәс. 6:11-13). Әм ӧса жи гәләк дьхәбьтьн кӧ һʹӧрмәт кьн Йаһоwа, бь ве йәке кӧ дәрһәԛа наве wи мәрийарʹа гьли дькьн (Ибрн. 13:15, 16). Һәрге әм дьхwазьн пешдачуйи бьн әм гәрәке һинкьри бьн чаwа щьмәʹта Хwәдейә бәре. Дь щьватеда, Йаһоwа борщдари да рʹуспийа wәки йед дьн һин кьн. Рʹуспи пешийа кӧ тьштед тʹәзә шагьрта һин кә, әw дькарә тʹәви wи шьровәкә wан принсипед Кʹьтеба Пироз, кʹижан кӧ wе али wи бькьн, wәки әw һазьр бә бьдә хәбате чь кӧ һин дьбә (1 Тимтʹ. 4:6). w15 1/4 2:​1, 2

Әw найе һʹәсабе wәки мәнийа мьрьна һʹәму мәрийа Шәйтʹан ә. Ле wәки ӧса нә әw чь те һʹәсабе? Йа әʹwльн, әва дьнйа тʹьжә йә бь wе зӧлм у нәфрʹәткьрьне чаwа кӧ Шәйтʹан хwәха йә. Йа дӧда, жь бо ве йәке кӧ Һеwайе дәрәwе Шәйтʹан баwәр кьр у Адәм жи гӧрʹа Йаһоwа нәкьр, һʹәму мәрьв бунә гӧнәкʹар у дьмьрьн (Рʹом. 5:12). Чаwа кӧ Иса гот Шәйтан «ԛәтʹьл» ә (Йуһʹн. 8:44). Әw бь рʹастийе жи дьжмьнәки гәләк ԛәwат ә. Чахе әм мьԛабьли Шәйтʹан дьчьн, әм ӧса жи мьԛабьли wан дьчьн кʹе алийе wи нә у дьжбәри сәрwертийа Хwәде дәртен. Нава wанда ньн кʹомәкә мәзьнә мьлйакʹәта, йед кӧ тенә навкьрьне чаwа щьн (Әʹйан. 12:3, 4). Гәләк щар wана да кʹьфше кӧ жь мәрьва гәләк ԛәwаттьр ьн, бь wе йәке кӧ мәрьв дьчәрчьрандьн (Мәт. 8:28-32; Марԛ. 5:1-5). Тӧ щар бир нәкьн, wәки щьн у сәрwере wан, демәк Шәйтʹан чьԛас ԛәwат ьн (Мәт. 9:34). Бе ԛәwата Йаһоwа әме тʹӧ щар нькарьбьн шәрʹе мьԛабьли Шәйтʹанда сәркʹәвьн. w15 1/5 1:​6, 7

Һәрге тӧ бенамусийеда тейи щерʹьбандьне, тӧ чь дькари бьки? Бир нәкә бона сьстбуна хwә (Рʹом. 7:22, 23). Йаһоwарʹа дӧа бькә сәва ԛәwате бьстини (Фили. 4:6, 7, 13). Бьрʹәвә жь wан дәрәща, йед кӧ дькарьн тә бькьнә нава бенамусийе (Мәтʹлк. 22:3). У чахе тӧ рʹасти щерʹьбандьне бейи, дәрберʹа же бьрʹәвә (Дәстп. 39:12). Иса мәсәла ԛәwи мәрʹа һишт. Әw нәһатә хапандьне бь wан созед кӧ Шәйтʹан дьда wи. Әw һәла ԛә нәфькьри жи дәрһәԛа wан соза. Дәwсе, әwи дәрберʹа щаба Шәйтʹан да у гот: «Ньвисар ә» (Мәт. 4:4-10). Иса Хәбәра Хwәде рʹьнд заньбу. Ләма жи чахе Шәйтʹан әw дьщерʹьбанд, wирʹа һеса бу дәрберʹа рʹезед жь Хәбәра Хwәде әзбәри бежә. Һәрге әм дьхwазьн мьԛабьли Шәйтʹан дәрен у сәркʹәвьн, әм гәрәке мьԛати хwә бьн wәки нәкʹәвьнә нава бенамусийе. w15 1/5 2:​15, 16

Йаһоwа гәләк билан ә, у әw дькарә бьвинә кӧ чь wе бьԛәwьмә ахьрийеда. Рʹаст ә әм ньзаньн кӧ ахьрийеда чь wе бьԛәwьмә, ле әм жи дькарьн билан бьн. Ле чаwа? Пешийа кӧ әм тьштәки сафи кьн, әм дькарьн бьдьнә бәр чʹәʹве хwә кӧ әw сафикьрьн ча дькарә сәр мә у мәрьвед дьн һʹӧкӧм бә. Мәсәлә, һәрге тӧ рʹасти кәсәки тейи, бира хwәда хwәй кә, кӧ чахе мәрьв кәсәки бәгәм дькә, гәләк чәтьн ә һәстед хwә у хwәстьнед сексуали контрол кә. Ләма жи, зәʹф фәсал бә кӧ тьштәки ӧса нәки, wәки зийане бьдә һәләԛәтийа тәйә ԛимәт тʹәви Йаһоwа! Дәwсе билан бә у жь тʹәлька бьрʹәвә. Гӧһ бьдә ширәта Йаһоwайә билани кӧ дь мәтʹәлокеда ньвисар ә, wәки мәрьве сәрwахт чахе хәтайе дьвинә, хwә вәдьшерә, ле мәрьве нәщерʹьбанди пешда дьчә у дькʹәвә хәтайе (Мәтʹлк. 22:3). w15 1/5 4:​10, 11

Биньн бира хwә кӧ әв йәк һатә сәре Даwьд Пʹадша. Әw сәр бане мала хwә бу, у дит кӧ кʹӧлфәтәк сәре хwә дьшо. Даwьд бәрдәwан кьр ле ньһерʹи у дәрһәԛа wе фькьри (2 Сам. 11:2). Рʹаст ә әw жьна мәрьвәки дьн бу, ле Даwьд дәстпекьр бь чʹәʹве хьраб сәр wе бьньһерʹә у тʹәви wе бенамуси кьр. Һәрге әм дьхwазьн фькьред бенамуси жь хwә дур хьн, әм гәрәке чʹәʹв бьдьнә мәсәла Ибо. Әwи гот: «Мьн бь чʹәʹвед хwә . . . пәйманәке чекьр» (Иб. 31:1, 7, 9). Мина Ибо әм дькарьн сәва хwә сафи кьн, wәки тʹӧ щара сәр тʹӧ кәси бь чʹәʹвед хьраб нәньһерʹьн. У һәрге әм компотәреда тьштед бенамуси дьвиньн, мәсәлә шькьлада, рекламада, журналада, йан жи щики дьнда, һьнге әм гәрәке перʹа-перʹа чʹәʹвед хwә сәр wан тьшта һьлдьн. Һәрге тәрʹа лазьм ә һьнә тьшт нав хwәда бьгӧһези, перʹа-перʹа әве йәке бькә! У чахе тӧ гӧһ дьди гьлийе Йаһоwа, тәрʹа һеса дьбә хwә жь бенамусийе дур бьгьри у намуса хwә тʹәмьз хwәй ки (Аԛуб 1:21-25). w15 1/6 3:​12-​14

Жь дӧакьрьна Иса әw гьли «Мә нәбә щерʹьбандьне», тинә бира мә кӧ чь ԛәwьми һьнәк wәʹдә шунда, чахе Иса һатә ньхӧмандьне. Кʹьтеба Пироз дьбежә кӧ рʹӧʹһ Иса бьрә бәрʹийе, сәва «жь Мирещьн бе щерʹьбандьне» (Мәт. 4:1). Ле гәло чьрʹа Йаһоwа һишт кӧ әw йәк бьԛәwьмә? Йаһоwа Иса шандә ль сәр әʹрде сәва кӧ пьрсәк бе сафикьрьне, у әw пьрс пешда һат чахе Адәм у Һеwайе сәрwертийа Йаһоwа ԛәбул нәкьрьн. Нәԛәбулкьрьна wана пьрсед ӧса пешда анин, кʹижанарʹа wәхт лазьм бу wәки щаб бе дайине. Мәсәлә: Гәло Йаһоwа мәрьв нәрʹаст әʹфьранд? Гәло мәрьве ԛәданди дькарьбу амьн бьма Йаһоwарʹа, чахе «жь йе хьраб» бьһата щерʹьбандьне? Гәло wе һе баш нибуйа, һәрге мәрьва хwәха сәр хwә сәрwерти бькьрана? (Дәстп. 3:4, 5) Ахьрийеда, чахе сәр wан пьрса щаб һәбьн, һʹәмушк ль әʹзмана у сәр әʹрде, wе бьзаньбьн кӧ сәрwертийа Йаһоwа йа лапә баш ә. w15 1/6 5:​12

Wе ча дәстпебә тәнгасийа мәзьн? Әw wе дәстпебә бь кʹӧтакьрьна религийа ԛәлп. Кʹьтеба Пироз религийа ԛәлп нав дькә чаwа «Бабилона мәзьн, мака [дийа] ԛава у кʹьретийед дьнйайе» (Әʹйан. 17:5-7). Ле чьрʹа религийа ԛәлп те навкьрьне чаwа жьна ԛав? Чьмки сәрwеред религийед ԛәлп Хwәдерʹа нәамьн бун. Дәwса кӧ бь амьни пьштгьрийа Иса у Пʹадшатийа wи бькьн, әwана пьштгьрийа сәрwертийед мәрьва дькьн у чь кӧ Кʹьтеба Пироз һин дькә ԛәбул накьн. Әwана ӧса дькьн, сәва кӧ һе зедә һʹӧкӧме wан һәбә. Фьрԛи һәйә ортʹа ԛӧльхкьрьна wан у рʹункьрийа, чьмки рʹункьри Хwәдерʹа рʹаст ԛӧльх дькьн (2 Корн. 11:2; Аԛуб 1:27; Әʹйан. 14:4). Ле кʹе wе Бабилона мәзьн кʹӧта кә? Чаwа Әʹйантида ньвисар ә, Хwәде wе ӧса бькә кӧ «дәһә стьруйед» «щәнәwьрәки соре гәвәз» «хwәстьна wи бькьн». Ле кʹе йә әw «щәнәwьрәки соре гәвәз»? Әw бь симболик те һʹәсабе Мьләтед Йәкбуйи, ле «дәһә стьруйед» wи тенә һʹәсабе һʹәму политик, кӧ пьштгьрийа Мьләтед Йәкбуйи дькьн (Әʹйан. 17:3, 16-18). w15 1/7 2:​3, 4

Әw дәʹw-доз гәләк проблемәкә мәзьн бу, чьмки тʹьфаԛийа щьвате дькʹәтә бьн хофе. Ләма Паwлос әwана ширәт кьрьн: «Дә әз иди һиви жь wә дькьм хушк-бьрано, . . . бьра готьна wә һʹәмуйа йәк бә у дӧтирәти нава wәда тʹӧнәбьн, ле һʹәму жи бь һәврʹа бьн у сәр нет-мәрәмәки бьн» (1 Корн. 1:10, 11, 13). Иро жи гәрәке щьватеда тʹӧ пʹарәвәбуйин тʹӧнә бә (Рʹом. 16:17, 18). Паwлос ани бира Мәсиһийед рʹункьри, кӧ әwана бажарванед әʹзмана нә у гәрәке дина хwә нәдьн сәр «тьштед ве дьне» (Фили. 3:17-20). Әw рʹункьри ԛасьд ьн, демәк wәкʹиле Хwәде у Иса нә. Чахе ԛасьд дь wәлатәки хәрибда нә, әw накʹәвә нава проблем у политика wи wәлате хәриб. Ӧса жи рʹункьри, чаwа бажарванед әʹзмана гәрәке нәкʹәвьнә нава проблемед у политика ве дьнйайе (2 Корн. 5:20). Әwед кӧ гӧмана wан сәр жийина әʹрде йә, әwана жи амьн ьн Пʹадшатийа Хwәдерʹа у тʹӧ щар нәкʹәвьнә нав шәрʹ-дәʹwе ве дьнйайе. w15 1/7 3:​9, 10

Һәрге тӧ бьфькьри сәр ви рʹези, әw йәк wе али тә бькә, кӧ фәʹм ки Йаһоwа чьԛас зәʹф тә һʹьз дькә у бона тә хәм дькә. Әм дькарьн сәд сәләфи баwәр бьн, кӧ Йаһоwа бона мә гәләк хәм дькә (1 Пәт. 5:6, 7). Әм гәрәке Кʹьтеба Пироз гәләк ԛимәт кьн. Чьрʹа? Чьмки Йаһоwа бь Кʹьтеба Пироз мәрʹа хәбәр дьдә. Чахе де йан бав тʹәви зарʹа хwә һʹәлал хәбәрдьдьн, әwана һʹьзкьрьна хwә һьндава һәв ԛәwи дькьн у итʹбарийа хwә һәв тиньн. Йаһоwа Баве мә йә, кʹижан кӧ мә һʹьз дькә. Рʹаст ә мә әw тӧ щар нәдитийә у нә жи дәнге wи бьһистийә, ле әв тʹәви мә бь Кʹьтеба Пироз хәбәрдьдә. У әм гәрәке тʹьме гӧһ бьдьнә wи (Иша. 30:20, 21). Чахе әм дьхуньн Кʹьтеба Пироз, әм Йаһоwа нас дькьн у итʹбарийа хwә wи тиньн. Әw рʹебәрийе дьдә мә у мә хwәй дькә (Зәб. 19:7-11; Мәтʹлк. 1:33). w15 1/8 1:​6, 7

Әм гәләк һивийе нә чахе әм Щьнәтеда бьн, ле дьнйа тʹәзәда ԛӧльхкьрьна мә Йаһоwарʹа wе шабунәкә лапә баш мәрʹа бинә. Бьдә бәр чʹәʹве хwә кӧ жийин дьнйа тʹәзәда wе чьԛас хwәш бә, чахе һʹәму мәрьв наве Йаһоwа пироз кьн у wи чаwа Сәрwере хwә ԛәбул кьн (Мәт. 6:9, 10). Әме әʹщебмайи бьминьн, чахе бьвиньн, кӧ дьнйа бь мәрьве ԛәданди тʹьжә бә, чаwа кӧ ԛьрара Хwәде бу. Дә һәла бьфькьрьн, чахе әм һеди-һеди бьбьнә ԛәданди, wе мәрʹа чьԛас һе һеса бә, һәләԛәтийа хwә тʹәви Йаһоwа ԛәwи кьн (Зәб. 73:28). Әм итʹбарийа хwә Йаһоwа тиньн кӧ әw wе һʹәму wан тьштед баш бькә, чьмки «һәр тьшт жь дәсте Хwәде те» (Мәт. 19:25, 26). Һәрге әм дьхwазьн дьнйа тʹәзәда һʹәта-һʹәтайе бьжин, ньһа wʹәдә йә кӧ әм жийина һʹәта-һʹәтайе «ԛазанщ кьн» (1 Тимтʹ. 6:19). Әм заньн кӧ хьлази ида те, у ләма әм гәрәке ӧса бьжин, кӧ бьдьнә кʹьфше wәки әм һивийе нә кӧ хьлази wе ньшкева бе. Әм гәрәке ньһа ида һʹәму тьшти бькьн, сәва кӧ һазьр бьн бона жийина дьнйа тʹәзәда. w15 1/8 3:​2, 3

Һʹәчʹи зәʹф жь медиа ве дьнйайе, мәсәлә бәрнамед телевизийоне, малпәр, у кʹьтеб, дькарьн зийане бьдьнә һәләԛәтийа мә тʹәви Йаһоwа. Тьштед wи щурʹәйи нәһатьнә чекьрьне сәва кӧ али Мәсиһийа бькьн, кӧ баwәрийа хwә Йаһоwа у созед wи биньн. Ле дәwсе, әw тьшт мәрьва һелан дькьн кӧ итʹбарийа хwә ве дьнйа Шәйтʹанә зӧлм биньн. Ләма әм гәрәке фәсал бьн ве йәкеда, кӧ әм чь дьньһерʹьн, дьхуньн, йан жи дьбьһен, чьмки тьштед ӧса дькарьн бьбьнә мәʹни кӧ «дьлһавьжийед дьнйайе» бал мә пешда бен (Тито 2:12). Тʹәшкиләта Йаһоwа нә мина дьнйа Шәйтʹан ә, чьмки әw али мә дькә кӧ әм бь жийинәкә ӧса бьжин, кʹижан кӧ бәрбь жийина һʹәта-һʹәтайе дьбә. Журнал, брошур, кʹьтеб, видео, у Малпәр, әw һʹәму тьшт аликʹарийе дьдьнә мә сәва кӧ әм бәрдәwам кьн Хwәдерʹа ԛӧльх кьн. Тʹәшкиләта Хwәде ӧса жи тʹьме щьвата дәрбаз дькә, у әw щьват нав тʹәмамийа дьнйайе 110 000 зедәтьр һәйә. Әw чь кӧ әм педьһʹәсьн жь Кʹьтеба Пироз сәр wан щьвата, у щьватед мәзьн, баwәрийа мә һьндава Йаһоwа у созед wи ԛәwи дькә (Ибрн. 10:24, 25). w15 1/8 4:​9, 11

Щьмәʹта Йаһоwа дьхwазә, кӧ исафа wан рʹаст бьхәбьтә, чьмки әw йәк дькарә аликʹарийа мәзьн бьдә йәктийа щьвате. Әм дьхwазьн, кӧ исафа мә принсипед Кʹьтеба Пироз бинә бира мә дәрһәԛа рʹасти у нәрʹастийе, ԛәнщи у хьрабийе. Ле сәва исафа хwә һин кьн у бьдьнә хәбате, әм гәрәке һе зедә бькьн, нә кӧ тʹәне пебьһʹәсьн һәла Кʹьтеба Пироз чь дьбежә. Әм гәрәке принсипед Хwәде һʹьз бькьн у баwәр бьн, кӧ әwана бона мә керһати нә. Паwлос ньвиси: «Сәре тʹәмийе һʹьзкьрьн ә, кӧ жь дьле сах, бь исафа рʹьһʹәт у жь баwәрийа бедӧрʹути йә» (1 Тимтʹ. 1:5). Чахе әм исафа хwә һин дькьн у гӧһ дьдьне, һʹьзкьрьна мә у баwәрийа мә һьндава Йаһоwа һе ԛәwи дьбә. Әв йәк, кӧ чаwа әм исафа хwә дьдьнә хәбате избат дькә, кӧ һәләԛәтийа мә тʹәви Йаһоwа чьԛас незик ә, у әм чьԛас дьхwазьн дьле wи ша кьн. Исафа мә ӧса жи дьдә кʹьфше, кӧ әм мәрьвед ча ньн. w15 1/9 2:​2, 3

Йаһоwа әм әʹфьрандьнә, демәк әwи әʹмьр дайә мә (Зәб. 100:3-5). Ләма жи Кʹьтеба Пироз сәр мәрьве пешьн дьбежә «кӧрʹе Хwәде» (Луԛа 3:38, ИМ). У Иса әм һин кьрьн, кӧ Йаһоwарʹа бежьн «Баве мәйи әʹзмана» (Мәт. 6:9). Демәк Йаһоwа Баве мә йә, у әw мә һʹьз дькә, чаwа кӧ баве баш зарʹед хwә һʹьз дькә. Һьнәкарʹа чәтьн ә, кӧ баwәр кьн, wәки бав әw һәйә кәсе бь һʹьзкьрьн. Дьбәкә әwана дьлтәнг дьбьн чахе бьчʹуктайа wан дькʹәвә бира wан, кӧ баве wан һьндава wанда чьԛас берʹәʹм буйә. Йаһоwа wе тʹӧ щар тʹәви зарʹед хwә ӧса нибә, чьмки Йаһоwа Баве лапи баш ә (Зәб. 27:10). Әw мә гәләк һʹьз дькә у бона мә гәләк хәм дькә. Әм чьԛас зәʹф тʹәхмин кьн һʹьзкьрьна Йаһоwа һьндава хwә, һаԛас зәʹф әме wи һʹьз кьн (Аԛуб 4:8). w15 1/9 4:​3, 4

Пешийа кӧ әм тьштәки сафи кьн, әм һʹәму тьшти дькьн чь кӧ дькарьн, сәва кӧ пебьһʹәсьн фькьре Йаһоwа. Һәрге әм итʹбарийа хwә Йаһоwа тиньн, әw wе рʹӧһʹе хwәйи пироз бьдә мә, сәва кӧ әм әве йәке бькьн чь кӧ рʹаст ә. Рʹожед Самуйелда, Исраелийа данә дәр wәʹде шәрʹе тʹәви Фьльстиана. Wана дәwса wе йәке кӧ жь Йаһоwа пьрс кьрана чь гәрәке бькьн, әwана ӧса фькьрин: «Әм жь Шилойе у Сьндоԛа Пәймане йа Хӧдан бьгьрьн щәм хwә у бьра wәрә нав мә у мә жь дәстед нәйаред мәва хьлаз бькьн». Гәло ахьрийа wе сафикьрьне чь бу? «Шькәстинәк зәʹф мәзьн чебу; жь бәр кӧ Исраел сиһ һәзар пәйа кʹәтьн. У Сьндоԛа Хwәде һатә раһьштьн [зәфт кьрьн]» (1 Сам. 4:2-4, 10, 11). Исраели дьфькьрин кӧ һәрге тʹәне Сьндоԛа Хwәде тʹәви wан бә Йаһоwа wе али wан бькә у wана хwәй кә. У ләма wана аликʹари жь Йаһоwа нәхwәстьн, у нә жи дьхwастьн пебьһʹәсьн кӧ Йаһоwа чь дьфькьрә. Дәwса ве йәке, wана ӧса кьр чаwа кӧ бь тʹәхмина wан рʹаст бу, у ӧса бәрен хьраб чьнин (Мәтʹлк. 14:12). w15 1/9 5:​16, 17

Чь тӧ дькари бьки сәва кӧ баwәрийа хwә ԛәwи ки? Әw занәбуна, кӧ тә пешийа ньхӧмандьне станд бәс нинә (Ибрн. 6:1, 2). Мәсәлә, леколинкьрьна пʹехәмбәртийед жь Кʹьтеба Пироз, кʹижан кӧ ида һатьнә сери, wе али тә бькә, кӧ баwәрийа хwә һе зедә ки у ԛәwи ки. Тӧ ӧса жи дькари бь Хәбәра Хwәде тедәрхи, һәла баwәрийа тә бь рʹастийе ԛәwи йә йан на (Аԛуб 1:25; 2:24, 26). Паwлосе шанди готә Мәсиһийа, кӧ әwана дькарьн бь баwәрийа хwә «дьл бьдьн бәр һәв» (Рʹом. 1:12). Әw чь те һʹәсабе? Чахе әм тʹәви хушк бьред мә wәʹдә дәрбаз дькьн, әм дькарьн баwәрийа һәвдӧ ԛәwи кьн. Илаһи чахе әм wәʹде хwә дәрбаз дькьн тʹәви wан, баwәрийа кʹижана щерʹьбанди йә, һьнге баwәрийа мә зедә дьбә (Аԛуб 1:3). Һәвалед хьраб баwәрийа мә һьлдьшиньн, ле һәвалед баш баwәрийа мә ԛәwи дькьн (1 Корн. 15:33). Ләма жи әм пәй wе ширәте дьчьн, кӧ тʹьме бенә сәр щьвате (Ибрн. 10:24, 25). w15 1/10 2:​2, 8, 9

Чахе тӧ һазьр дьби бона һинкьрьна Кʹьтеба Пироз, лазьм ә wәʹдә бьвини сәва кӧ бьфькьри. Бьфькьрә дәрһәԛа wи мәрьви, тʹәви ке тӧ һинбуна Кʹьтеба Пироз дәрбаз дьки у пьрс йан жи мәсәлед ӧса бьгәрʹә, кʹижан кӧ wе али wи бькьн кӧ һе пешда һәрʹә. Ӧса жи wе гәләк керһати бә, чахе пешийа һәрʹи дәштеда мьзгине бәла ки, бьфькьри (Әзр. 7:10). Тӧ дькари жь кʹьтеба Кʹаред Шандийа сәрики бьхуни, сәва кӧ али тә бькә wәки тӧ һе хирәт мьзгине бәла ки. Тӧ ӧса жи дькари бьфькьри сәр wан рʹезед Кʹьтеба Пироз у wан әʹдәбйәта, кʹижан кӧ тә сафи кьрийә, wәки ве рʹоже wәде хьзмәткьрьне бьди хәбате (2 Тимтʹ. 1:6). Бьфькьрә дәрһәԛа мәрьвед дь мьһала тәда у бьфькьрә, кӧ тӧ чь дькари wанрʹа гьли ки кӧ wанрʹа һʹәwас бә. Чахе тӧ бона хьзмәтийе wи щурʹәйи һазьр би, тӧйе бькарьби Кʹьтеба Пироз керһати бьди хәбате (1 Корн. 2:4). w15 1/10 4:9

Пьрсед ӧса бьдьнә хwә: «Гәло зарʹед мьн заньн кӧ чʹьра ньһерʹандьна порнографиайе хоф ә? Чь дькарә wана һелан кә кӧ бьхwазьн тьштед ӧса бьньһерʹьн? Гәло зарʹед мьнрʹа һеса йә тʹәви мьн дәрһәԛа һʹәму тьшти хәбәрдьн, чьмки ӧса әwана дькарьн аликʹарийе жь мьн бьхwазьн, һәрге кʹәтьнә ве тʹәльке кӧ порнографиайе бьньһерʹьн?» Һәла һе чахе зарʹ бьчʹук ьн, һун wанрʹа дькарьн ӧса бежьн: «Һәрге тӧ дь интернетеда тьштәки бенамуси бьвини у бьхwази бьньһерʹи, һиви дькьм wәрә бал мьн у мьнрʹа бежә. Тʹӧ щар нәтьрсә у шәрм нәкә кӧ аликʹарийе жь мьн бьхwази. Чьмки әз дьхwазьм али тә бькьм». Чахе һун дьжберьн ча һеса бьн йан жи wәʹдә дәрбаз кьн, бьзаньбьн кӧ зарʹед wә ве йәкеда чʹәʹв дьдьнә wә. Баwәки дьбежә: «Тӧ дькари дәрһәԛа гәләк тьшта бежи, ле зарʹед тә дьньһерʹьн, кӧ тӧ чь дьки у чʹәʹв дьдьнә тә.» Һәрге һун бона wәʹдәдәрбазкьрьне фәсал дьжберьн музикайе, кʹьтеба, у филма, кʹижан кӧ лайиԛ ьн, бь ве йәке һуне зарʹед хwә һин кьн кӧ әwана жи ӧса бькьн (Рʹом. 2:21-24). w15 1/11 1:​12-​14

Иро бәлакьрьна мьзгине ль wан щийа кʹидәре кӧ гәләк мәрьв тʹоп дьбьн методәкә гәләк керһати йә. Лазьм ә гәләк ԛәwат хәрщ кьн кӧ мәрьварʹа мьзгине бәла кьн, мәсәлә, щийед сәкьнандьна отобуса, тʹьрена, әʹрәба, у ӧса жи мәйданада у дькʹанада. Ле тӧ дьтьрси мьзгине бәла ки ль wан щийа кʹидәре кӧ гәләк мәрьв тʹоп дьбьн? Һәрге әре, дӧа бькә Хwәдерʹа кӧ али тә бькә. Бьфькьрә ль сәр гьлийед бәрпьрсийаре рʹеви, бьре Манера: «Мә һәр методәкә тʹәзә йа бәлакьрьна мьзгине һʹәсаб дькьр диса щурʹәки баш кӧ чаwа Йаһоwарʹа хьзмәт кьн, әw щурʹәки баш бу бона избат кьн амьнийа хwә wирʹа, демәк әw щерʹьбандьна амьнийа мә бу, у мә дькарьбу нишан кьра кӧ әм һазьр ьн хьзмәт кьн wирʹа чаwа кӧ әw жь мә дьхwазә». Чахе әм тьрса хwә дьтәмьриньн у методед тʹәзә дьдьнә хәбате бона бәлакьрьна мьзгине, әм баwәрийа хwә һьндава Йаһоwа ԛәwи дькьн у дьбьнә мьзгинванед баш (2 Корн. 12:9, 10). Мә гәләкарʹа зәʹф һʹәwас ә чахе мәрьварʹа гьли дькьн дәрһәԛа малпәра мә жw.орг. Бь сайа малпәра мә мьзгин дьгьһиштә wан мәрьва йед кӧ щийед ӧса дьжин, кʹидәре кӧ чәтьн ә бьгьһижьне. w15 1/11 5:​12, 13, 15

«Wәлгәрандьна Дьнйа Тʹәзәда» сәр зьмане Инглизи, дь Wаиз 9:10-да у дь рʹезед майинда жи хәбәра Ибрани «Шеол» һатә хәбьтандьне диса «Шеол». Әw гьли wәлгәрандьнед дьнда жи йа сәр зьмане Инглизи диса ӧса ньвисар ә. Ле әw хәбәр дь гәләк зьманада нькарьбун бьньвисийана, чьмки һәчʹи зәʹф хwәндәванед wан зьмана, Хәбәра Ибранийә «Шеол» ньзаньбун. Әw хәбәр фәрһәнгед wанда жи тʹӧнә бун, у һьнәк һәла һе дьфькьрин жи кӧ әw гьли наве щики йә. Жь бо ве йәке дь wәлгәрандьна йа тʹәзәкьри сала 2013-да, wәлгәрара изьн һатә дайине кӧ әw хәбәра Ибрани «Шеол» у хәбәра Йунани «Һадис» wәлгәриньн ӧса «Дийаре Мьрийа» йане «Мәзәл». Әw wәлгәрандьн рʹаст ә у фәʹмдари йә. Гьлийед Инглизийә кәвьн гӧһастьн сәр гьлийед кӧ ньһа дьдьнә хәбате, у бь ве йәке текст һеса бу бона хwәндьн у фәʹмкьрьне, у һьн жи рʹаст бу. Ӧса жи wәлгәрандьн, кʹижан кӧ ида wан пашwәхтийа һатә кьрьне сәр зьманед дьн, али ве йәке кьр кӧ текста Инглизи һе баш бә. w15 1/12 2:​10, 12

Һәрге нәхwәшийа wә һәйә, Йаһоwа wе бәр дьле wәда бе у али wә бькә, чаwа кӧ бәре әwи али хьзмәткʹаред хwә дькьр. Һьлбәт, Даwьд нәдьхwәст бьгота кӧ әw мәрьв, кʹижан кӧ али бәләнгаза дькә, тʹӧ щар wе нәмьрә. Ле wәки ӧса нә, Йаһоwа ча али wи мәрьве һәйф дькьр? Даwьд шьровәкьр: «Дәма нәхwәшийа wида, Йаһоwа, жь wирʹа дьбә аликʹар у дь нәхwәшийа wида тʹәваһийа щьлед wи тӧ чедьки» (Зәбур 41:3, ДО). Йаһоwа занә кӧ хьзмәткʹаред wи чь еше дькʹьшиньн, у әw тʹӧ щар wана бир накә. Әw дькарә мерхаси у биланийе бьдә wан. Һьн жи, Йаһоwа мәрьв ӧса чекьр, кӧ бәдәна мәрьва дькарә хwәха ԛәнщ бә. w15 1/12 4:7

Паwлос дь wе рʹезеда нәдьгот дәрһәԛа һʹәму гьртийа. Әwи бона wан бьра хәбәрда, кʹижан кӧ бона баwәрийе һатьбун гьртьне. Паwлос хwәха жи чар сала кәледа бу, чахе әwан гьлийа Мәсиһийед Ибранирʹа ньвиси (Фили. 1:12-14). Әwи пʹайе бьра да кӧ әwана «дькʹәтьнә һʹале гьртийа» (Ибрн. 10:34). Һьнә бьра али Паwлос дькьрьн чахе әw кәледа бу, ле йед дьн дур дьман. Ле әwана ча дькарьбун али wи бькьрана? Wана карьбун бона wи дӧа кьрана (Ибрн. 13:18, 19). Иро, әм жи дьбәкә мина wан Мәсиһийа дур ьн жь бьрайед кӧ кәледа ньн. Дьбәкә әм нькарьн али wан бькьн, мина wан хушк-бьра кӧ незики кәлайед wан дьминьн. Ле әм дькарьн дӧайед хwәда бьдьнә кʹьфше бәрдьлийе у һʹьзкьрьне һьндава хушк-бьра, демәк тʹьме бона wан Йаһоwарʹа дӧа бькьн. w16.01 1:​13, 14

Ԛьрара Хwәде бона инсанәте әw бу, кӧ әwана wьрʹа сәр әʹрде бьжин һʹәта-һʹәтайе (Дәстп. 1:28; Зәб. 37:29). Ләма бона мә нәтәбийәти йә, кӧ һьнә мәрьв тенә жьбартьне кӧ һәрʹьнә ль әʹзман, сәва кӧ чаwа пʹадша у кʹаһин сәрwертийе бькьн. Кʹьфшкьрьна рʹункьрийа тьштәки мәхсус ә. Рʹункьри чахе те бьжартьне ньһерʹандьна wи, дьшьрмишбуна wи, у гӧмана wи те гӧһастьне (Әфәс. 1:18). Ле әw мәрьв ча занә, кӧ әw те бьжартьне wәки һәрʹә ль әʹзмен? Щаба ве пьрсе те кʹьфше жь гьлийед Паwлос, кʹижан кӧ әwи бьред Ромеда йед рʹункьрира ньвиси, йед кӧ дьһатьнә навкьрьне «пирозбунера газикьри». Паwлос гот: «Wә рʹӧһʹәки ӧса нәстандийә, кӧ wә диса бькә хӧлам бьтьрсьн, ле wә әw рʹӧһʹ стандийә, йе кӧ wә дькә зарʹед Хwәде, бь кижани гази wи дькьн: ‹Абба!› аwа готи ‹Баво!›» (Ром. 1:7; 8:15). Һәрге кьн бежьн, Хwәде бь сайа рʹӧһʹе хwәйи пироз, мәрьве бьжартира әʹйан дькә кӧ әw һатә тәглифкьрьне ль әʹзмен, кӧ тәви Иса Пʹадшатийе бькә дь Пʹадшатийа Хwәдеда (1 Тʹеслн. 2:12). w16.01 3:​8, 9

Ча әм дькарьн ԛәдьр бьдьнә кʹьфше һьндава рʹункьрийа? Әм гәрәке пьрсед шәхси нәдьнә wан дәрһәԛа рʹункьрьна wан. Изьна мә тʹӧнә йә кӧ әм әwан тьштед шәхси бьзаньбьн (2 Теслн. 3:11). Әм ӧса жи гәрәке мәрьвед wани незик нәпьрсьн кӧ әw жи рʹункьри нә йан на. Чьмки һәрге кәсәк рʹункьри йә, рʹункьрьна wи дәрбази сәр нәфәред мала wи набә (1 Тʹеслн. 2:12). Әм ӧса жи гәрәке мер йан жьна рʹункьри нәпьрсьн, кӧ әwана чь тʹәхмин дькьн, кӧ заньн wәки дьнйа тʹәзәда һәвалзәwаще wан wе тʹәви wан нибә. Дәwса wе йәке, кӧ бь wан гьлийа дьле wан бешиньн, wе һе баш бә кӧ әм баwәр бьн ве йәкеда кӧ Йаһоwа wе дәсте хwә фьрә кә у «дахwаза һәр жийандари бь щиһ» бинә (Зәб. 145:16, ИМ). Кʹе кӧ сәр рʹункьрийа раст дьньһерʹьн, әw хwә хwәй дькьн жь хофийе, дәмәк жь «бьрайед дәрәw» йед кӧ дькарьн һәла һе жи бежьн, кӧ әwана рʹункьри нә. (Галт. 2:4, 5; 1 Йуһʹн. 2:19) w16.01 4:​10, 11