Тʹәбах

Чьмки Бьраһим һʹәта тьштед һурда жи гӧрʹа Йаһоwа дькьр, бь wе йәке әwи достийа хwә тʹәви Йаһоwа һе баш дькьр у гәш дькьр. Wирʹа һеса бу кӧ дьле хwә Йаһоwарʹа вәкә. Чахе әw бона тьштәки хәмгин дьбу, әwи аликʹари жь Йаһоwа дьхwәст. Мәсәлә чахе Бьраһим пеһʹәсийа кӧ Йаһоwа дьхwазә шәһәред Содом у Гомора кʹӧта кә, әw хәмгин бу кӧ мәрьвед рʹаст wе тʹәви йед хьраб бенә кʹӧтакьрьне. Бьраһим дьбәкә хәмгин дьбу бона кӧрʹе бьре хwә Лут у малбәта wи, чьмки әwана Содомеда бун. Бьраһим бь мьлуктийа мәзьн пьрс дьда Йаһоwа у итʹбарийа хwә wи дьани, «Һʹакьме тʹәмамийа дьнйайе». Йаһоwа бь сәбьркьрьне Бьраһим һин дькьр, кӧ әw чьԛас дьлрʹәʹм ә у дьле һәр кәси дьхунә, у ӧса жи йед рʹаст дьгәрʹә кӧ wана хьлаз кә һәла һе wәʹде диwанкьрьне жи (Дәстп. 18:22-33). Бешьк, занәбуне у итʹбарийе али Бьраһим кьрьн, кӧ әwи достийа незик тʹәви Йаһоwа хwәй кьр. w16.02 1:​11, 12

Амьни һьндава мәрьва гьшк ԛимәт дькьн. Ле һәрге әм тʹәне дина хwә бьдьнә сәр амьнийа Йонатʹан һьндава Даwьд, әм дькарьн дәрсәкә ԛимәт бәрдьн. Әw һәйә амьнийа wи һьндава Хwәде. Бьфькьрьн, кӧ чьрʹа Йонатʹан Даwьд һʹәсаб дькьр ча һәвал, нә кӧ ча нәйаре хwә. Дьле Йонатʹанда амьнийа һьндава Хwәде щийе пешьн дьгьрт. Бь рʹастийе, әwи дьхwәст Йаһоwарʹа амьн бьминә, ләма жи Даwьдрʹа амьн бу. У әwана һәрдӧ жи бь амьни ль гора ви созе хwә дьжитьн. Чаwа Мәсиһи, әм жи гәрәке амьн бьн нәфәред мала хwәрʹа, һәвалед хwәрʹа, у хушк-бьред хwәрʹа (1 Тʹеслн. 2:10, 11). Ле гәло амьнийа һьндава кʹе гәрәке щийе пешьн бьгьрә әʹмьре мәда? Әw һәйә амьни һьндава Wи, йе кӧ әʹмьр дайә мә, демәк Йаһоwа! (Әʹйан. 4:11). Чахе әм Йаһоwарʹа амьн дьминьн, әм бәхтәwар у дьлрʹьһәт дьбьн. Ле әм гәрәке һәла һе wәʹде чәтьнайед гьранда жи wирʹа амьн бьминьн. w16.02 3:​3, 4

Щаһьле гьһишти баwәрийа хwәда ԛәwи йә. Демәк мәрьве гьһишти дӧрʹу нинә, мәсәлә, әw ӧса нинә кӧ Ода Щьватеда досте Хwәде йә, ле мәкʹтәбеда һәвале ве дьнйайе. Дәwсе, әw һәла һе щерʹьбандьнед ԛайимда жи Хwәдерʹа амьн дьминә (Әфәс. 4:14, 15). Бәле, тʹӧ кәс беԛьсур нинә. Щаһьл жи чаwа йед мәзьн щара шашийа дькьн (Wаиз 7:20). Ләма һәрге тӧ дьхwази бейи ньхӧмандьне, wе бь билани бә һәрге бьфькьри кӧ тӧ чьԛас һазьр и сәва принсипед Йаһоwа бини сери. Жь хwә бьпьрсә: «Wан пашwәхтийа мьн принсипед Хwәде дьани сери?» Бьфькьрә тә чь кьр чахе баwәрийа тә һатә щерʹьбандьне. Тә дайә кʹьфше кӧ дькари рʹасти у нәрʹасти жь һәв дәрхи? Ле һәрге кәсәк тә һелан дькә чаwа Данийел һелан дькьрьн, кӧ ве дьнйа Шәйтʹанда пешдачуйи би, тӧйе чь бьки? Гәло тӧ дькари wәʹде щерʹьбандьнед wи щурʹәйида тедәрхи «чь йә ԛьрара» Йаһоwа? (Әфәс. 5:17). w16.03 1:​7-9

Мәсәлә, ньһа әм дьжин «рожед ахьрийеда», у ида гәләк незик ьн бәрбь тәнгасийа мәзьн, кʹижан кӧ тʹӧ щар тʹӧнә буйа (2 Тимт. 3:1). Һьн жи, Шәйтʹан у щьнед wи жь әʹзмен жорда һатьнә авитьне сәр әʹрде. Ләма жи инсанәт иро гәләк дьчәрчьрә у кӧл-дәрда дькʹьшинә (Әʹйан. 12:9, 12). Хенщи ве йәке, әм тʹәмийа Иса тиньн сери, кӧ нав тʹәмамийа дьнйайеда һʹәму мәрьварʹа мьзгине бәла дькьн. У тʹӧ щар ӧса нибуйә кӧ сәр һаԛас гәләк зьмана мьзгин бе бәлакьрьне. Сәва кӧ кʹәрәма Хwәде бьстиньн, әм гәрәке гӧрʹа һʹәму рʹебәрийа бькьн кӧ бь сайа щьвате әм дьстиньн. Һәрге әм ньһа гӧһ бьдьнә wан рʹебәрийа, әw йәк wе али мә бькә кӧ гӧһ бьдьнә рʹебәрийед wәʹде «тәнгасийа мәзьнда» жи. Wи чахи Шәйтʹан у әв дьнйа wе бенә кʹӧтакьрьне (Мәт. 24:21). У паше, мәрʹа ида wе лазьм бен рʹебәрийед тʹәзә, чьмки әме дьнйа тʹәзәда бьжин. w16.03 4:​16, 18

Ԛьрна йәкеда Д.М., Йуһʹәннайе шанди дитьнок дит дәрһәԛа һәфт мьлйакʹәта, кӧ жь wан һәр кәси дәнге борийе дьһат. Чахе мьлйакʹәте пенща борийе хьст, Йуһʹәнна «стәйркәк» дит жь әʹзмен кʹәти сәр рʹуйе әʹрде. Бал wи стәйрки һәбу кʹьлита дәре гәлийе һәй-wайе. Әwи дәре гәлийе һәй-wайе вәкьр, у ду-духан дәркʹәт у жь wе ду-духане кӧли дәркʹәтьн. Әw кӧлийед симболик, дәwса кӧ зийане бьдьнә шинкайе, әwана зийане дьдьнә «wан мәрьвед кӧ мора Хwәде ль сәр әʹнийа wан тʹӧнәйә» (Әʹйан. 9:1-4). Бешьк, Йуһʹәнна заньбу wәки кӧли зийана мәзьн дькарьн биньн. Нә һена Мусада, wәʹде бәлаки, кӧлийа тʹәмамийа wәлате Мьсьре гьрт (Дәркʹ. 10:12-15). Әw кӧлийед симболик, кʹижан кӧ Йуһʹәнна дит, тенә һʹәсабе Мәсиһийед рʹункьри, йед кӧ религийед ԛәлпрʹа әʹлам дькьн дәрһәԛа диwана Йаһоwа. Милйона мәрьв баwәрийа кʹижана һәйә кӧ бьжин ль сәр әʹрде, wи шьхӧлида тʹәви wан ьн. Тʹәви һәв әwана хьзмәткьрьнеда һәвкʹарийе дькьн. У әw йәк али гәләк мәрьва дькә, кӧ религийа ԛәлп бьһельн у хwә жь һӧкӧме Шәйтʹан хьлаз кьн! w16.03 3:​3

Фәрз ә, кӧ рʹуспи тедәрхә рʹасти ча һʹӧкӧм дьбә сәр һәст у фькьред бьре нәщерʹьбанди. Рʹуспи дькарә жь wи бьпьрсә, кӧ ча тʹәсмилбуна wи Йаһоwарʹа, һʹӧкӧм бу сәр сафикьрьнед wи дь әʹмьрда. Бь ве пьрсе дькарә хәбәрдан һәрʹә дәрһәԛа wе йәке кӧ әw ча дькарә Хwәдерʹа ԛӧльх кә бь тʹәмамийа дьле хwә (Марԛ. 12:29, 30). Дьбәкә рʹуспи бьхwазә дӧа жи бькә тʹәви wи у жь Йаһоwа рʹӧһʹе пироз һиви кә, кʹижан кӧ лазьм ә wирʹа бона һинбуна wи. Шагьрт чахе дӧайе wи рʹуспи бьбьһе, әw wе һелан бә кӧ һе зедә бькә! Чахе рʹуспи щара пешьн дәстпедькә һин кә, һе баш ә дәрһәԛа мәсәлед жь Кʹьтеба Пироз тʹәви wи шеwьр кә, wәки әw фәʹм кә чьԛас фәрз ә кʹомәкдар бә, керһати бә у мьлук бә (1 Пʹадш. 19:19-21; Нәһәм. 7:2; 13:13; Кʹар. Шанд. 18:24-26). Әw һʹӧнӧр һаԛас фәрз ьн, чьԛас тьштед керһати бона халийе. Әw wе али wи бькьн wәки зу пешда һәрʹә у ӧса жи чʹәʹве wи вәкьн, сәва әw бьвинә тьштед баш жь Хәбәра Хwәде. w15 1/4 2:​3, 4

Һәрге әм дьхwазьн незики Йаһоwа бьн, гәләк фәрз ә кӧ тʹьме тʹәви wи хәбәр дьн. Ле ча тӧ дькари тʹәви Хwәде хәбәр ди? Тӧ тʹәви Йаһоwа хәбәр дьди, чахе тʹьме wирʹа дӧа дьки (Зәб. 142:2). У Йаһоwа жи тʹәви тә хәбәр дьдә, чахе тӧ тʹьме Хәбәра wи дьхуни у дьфькьри сәр (Иша. 30:20, 21). Щабед сәр дӧайед тә нә һәртʹьм дькарьн әʹйан бьн. Ле чахе тӧ дӧайед хwәда дәрһәԛа тьштед конкрет дӧа дьки, wи чахи тӧйе бькарьби щабед Йаһоwа һе әʹйан бьвини, у әw wе һе реали бә бона тә. Ле һәрге тӧ дь дӧайед хwәда Йаһоwарʹа дәрһәԛа һʹәму хәмед хwә дьле хwә вәдьки, wи чахи әw незики тә дьбә. Әм дькарьн һʹәта-һʹәтайе бәрдәwан кьн незики Йаһоwа бьн. Wәрен әм бәрдәwан кьн wи бьбьһен бь леколинкьрьна Кʹьтеба Пироз, у ӧса жи бәрдәwан кьн хәбәрдьн тʹәви wи дӧайед хwәда. Һәрге әм ӧса бькьн, һәләԛәтийа мә тʹәви Йаһоwа wе дьһа ԛәwи бә, у бь аликʹарийа wи әме бькарьбьн чәтьнайа тәйах кьн. w15 1/4 3:​3, 14, 16

Әw рʹез ча рʹьнд әʹйан дькә Шәйтʹане зӧлм у хьраб! Шәйтʹан һʹӧкӧм дькә сәр тʹәмамийа дьнйайе, ле бь wе йәке тʹер набә. Әw мина шерʹәки бьрʹчи йә, у дьхwазә гәләка һʹуфи хwә кә. Нета Шәйтʹан әw ә, wәки щьмәʹта Йаһоwа кʹӧта кә. Пәйкʹәтьна мәсиһийед рʹаст ԛьрʹна йәкеда һʹәта ньһа, избат дькә кӧ Шәйтʹан чьԛас зӧлм ә. Чахе шер дьхwазә бькӧжә ԛә рʹәʹма wи тʹӧнә йә, у паши кӧштьне жи ԛә пʹошман набә. Ле Шәйтʹан чь тʹәхмин дькьр чахе дьдит кӧ Исраел кʹәтьнә нава гӧна, бь бенамусийе у бабахийе? Бьдә бәр чʹәʹве хwә, Шәйтʹан чьԛас ша дьбу чахе әwи дит жь бо бенамусийа Зимри у бабахийа Гәһази, ахьри чьԛас хьраб бу (Жьмар 25:6-8, 14, 15; 2 Пʹадш. 5:20-27). w15 1/5 1:​8, 9

Ча әм дькарьн мьԛабьли Шәйтʹан дәрен у сәркʹәвьн? Иса гот: «Бь сәбьра хwә һуне рʹӧһʹе хwә хьлаз кьн» (Луԛа 21:19). Һʹәму тьштед кӧ мәрьв дькарьн бь wан зийане бьдьнә мә, wәʹдәлу нә. Тӧ кәс нькарә һәләԛәтийа мә тʹәви Йаһоwа хьраб кә, һәрге әм хwәха хьраб нәкьн (Рʹом. 8:38, 39). Чахе кәсәк жь ԛӧльхкʹаре Йаһоwа дьмьрә, әw найе һʹәсабе wәки Шәйтʹан сәркʹәт. Чьмки Йаһоwа wе wана сах кә (Йуһʹн. 5:28, 29). Ле ахьрийа Шәйтʹан бош-бәтал ә. Паши кʹӧтабуна ве дьнйа зӧлм, әw wе сәр 1 000 сала бе авитьне ль гәлийе һәй-wайе (Әʹйан. 20:1-3). Хьлазийа Һʹәзарсалийа Пʹадшатийа Иса, Шәйтʹан wе «жь зьндана хwә бе бәрдане» у бьхәбьтә wәки щара пашьн мәрьвед ԛәданди бьхапинә. Паши ве йәке әw wе бе кʹӧтакьрьне (Әʹйан. 20:7-10). Рʹаст ә ахьрийа Шәйтʹан бош-бәтал ә, ле йа тә на! Бәрдәwан кә мьԛабьли Мире-щьн дәре у баwәрийа хwә ԛәwи хwәй кә (1 Пәт. 5:9). Баwәр бә, кӧ тӧ дькари мьԛабьли Шәйтʹан дәрей у сәркʹәви! w15 1/5 2:​1, 18

Мәрьве билан фькьред хwә контрол дькә. Чаwа кӧ агьр дькарә йан кʹаре бьдә мә йан жи зийане, ӧса жи фькьред мә дькарьн йан али мә бькьн, йан жи зийане бьдьнә мә. Чахе әм агьр фәсал дьдьнә хәбате, әм дькарьн кʹаре бьстиньн, мәсәлә хwарьне чекьн. Ле һәрге әм фәсал ниньн, агьр дькарә мала мә бьшәwьтинә у мә бькӧжә жи. Ӧса жи фькьред мә. Чахе әм дьфькьрьн дәрһәԛа wан тьшта чь кӧ әм жь Йаһоwа һин дьбьн, әw йәк гәләк кʹар ә бона мә. Ле һәрге әм дәрһәԛа бенамусийе дьфькьрьн, у дьдьнә бәр чʹәʹве хwә кӧ әм тьштед хьраб дькьн, ахьрийеда әме әwан тьшта ӧса бьхwазьн кӧ нькарьбьн нәкьн. У ӧса әм дькарьн һәләԛәтийа хwә тʹәви Йаһоwа ӧнда кьн (Аԛуб 1:14, 15). Кʹьтеба Пироз зәлал мәрʹа әʹйан дькә, wәки әм гәрәке нәдьнә бәр чʹәʹве хwә тьштед бенамуси. Иса гот: «Кʹи бь тәме хьраб жьнәке бьньһерʹә, әwи дьле хwәда иди тʹәви wе зьнекʹари кьр» (Мәт. 5:28). w15 1/5 4:​11, 12, 14

Хенщи даннасинкьрьне, Иса гәләк кʹәрәмәт дькьрьн. Әwан кʹәрәмәта әʹйан дькьр, кӧ әw бона һʹәму мәрьва хәм дькә. Щарәке, Иса рʹасти мерәки кʹоти һат. Нәхwәшийа wи гәләк гьран бу (Марԛ. 1:39, 40). Әw мәрьв һʹаләки ӧса гьранда бу, кӧ Луԛайе һʹәким дәрһәԛа wи ньвиси «сәрдапеда кʹоти» (Луԛа 5:12). Кʹьтеба Пироз дьбежә кӧ әwи мәрьви чахе Иса дит, «хwә дәвәрʹуйа авит же лава кьр у гот: ‹Хӧдан! Һәгәр бьхwази, тӧ дькари мьн паԛьж ки›». Әwи мәрьви заньбу, кӧ ԛәwата Иса һәйә wәки wи ԛәнщ кә. Ле әwи дьхwаст бьзаньбә һәла Иса дьхwазә wи ԛәнщ кә. Гәло ча Иса хwә кʹьфш кьр һьндава wи мәрьве сәрдапеда кʹоти? Тʹӧ кәс гәрәке незики wи мәрьви нәбуйа, ле Иса дәсте хwә да wи. Әwи бь рʹәʹмти у дьлгәрми гот: «Әз дьхwазьм. Паԛьж бә!» У «кʹотибун же чу» (Луԛа 5:13). Бәле, бь ве йәке Иса нишан кьр, кӧ әw чьԛас зәʹф мәрийа һʹьз дькә (Луԛа 5:17). w15 1/6 2:​3-5

Һәрге тӧ дьвини кӧ тәрʹа чәтьн дьбә хwәстьнед нәрʹаст нав хwәда бьтәмьрини, wе баш бә кӧ тʹәви кәсәки жь щьвате хәбәрди, йе кӧ ида гәләк сал ә Йаһоwарʹа ԛӧльх дькә. Демәк хәбәрдә wи мәрьвирʹа, йе кӧ дькарә ширәта баш жь Хәбәра Хwәде бьдә тә. Дьбәкә сәва тә wе һеса нибә дәрһәԛа проблемед хwәйә шәхси тʹәви йед дьнена хәбәрди, ле гәләк фәрз ә кӧ аликʹарийе бьхwази (Ибрн. 3:12, 13). Мәсиһийед щерʹьбанди дькарьн али тә бькьн, кӧ бьвини чь гӧһастьн тәрʹа лазьм ьн. Паше ида әван гӧһастьна бькә, кӧ бькарьби достийа хwә тʹәви Йаһоwа хwәй ки. Рʹуспи илаһи аликʹарийа мәзьн дькарьн бькьн (Аԛуб 5:13-15). Һәрге тәрʹа буйә хәйсәт порнографиайе бьньһерʹи, тӧ гәрәке бе әгләкьрьн аликʹарийе бьхwази. Чьԛас һе зедә тӧ хwә әглә ки, һаԛас һе зу дьԛәwьмә тӧ бькʹәви тʹәлька бенамусийе. Бь ве йәке тӧ дькари зийане бьди йед дьнена, у һьн жи мәрьвед дор-бәр wә дәстпекьн дәрһәԛа Йаһоwа хьраб хәбәр дьн. Гәләк хушк-бьра, жь рʹуспийа аликʹари хwәстьн, у ширәта wан жи ԛәбул кьрьн, сәва кӧ дьле Йаһоwа ша кьн у щьватеда бьминьн (Аԛуб 1:15; Зәб. 141:5; Ибрн. 12:5, 6). w15 1/6 3:​15-​17

Гәло һʹәму әндәмед религийед ԛәлп wе бенә ԛьрʹкьрьне, wәʹде кʹӧтакьрьна Бабилона мәзьн? На. Чьмки һьнә сәрwеред религийа жи wе инкʹар кьн, кӧ әwана баwәрмәнд ьн у кӧ нава религийед ԛәлпда бун (Зәкәр. 13:5, 6). Ле һьнге wе чь бьԛәwьмә тʹәви щьмәта Хwәде? Иса гот: «Һәгәр әw рʹож кьн нәбуна, тʹӧ кәс хьлаз нәдьбу, ле бона хатьре бьжартийа әw рʹоже кьн бьн» (Мәт. 24:22). Дь ԛьрʹна йәкеда тәнгасийа Оршәлимеда «кьн» бу. Әве йәке мәщал да «бьжартийа», демәк Мәсиһийед рʹункьри, кӧ бьрʹәвьн. Ӧса жи ахьрийеда, пʹара пешьнә тәнгасийа мәзьн, wе «кьн» бә бона «бьжартийа». Йед политик, демәк «дәһә стьруйед» щәнәwьр, wе нькарьбьн щьмәʹта Хwәде кʹӧта кьн (Әʹйан. 17:16). Ле дәwсе, паши пʹара пешьнә тәнгасийа мәзьн wе бьбә әʹдьлайи, ле wәʹдеки кьн. w15 1/7 2:​5, 6

Әм хwәха дькарьн бьжберьн, демәк сафи кьн, бькʹәвьнә тʹәлька Шәйтʹан йан на. (Мәт. 6:13; Аԛуб 1:13-15). Чахе Шәйтʹан Иса дьщерʹьбанд, Иса дәрберʹа жь Хәбәра Хwәде щаба wи дьда. Иса амьн бу Хwәдерʹа. Ле йәкә Шәйтʹан дәсте хwә пәйа нәкьр. Әw «дәмәке жь wи дур кʹәт», демәк һивийа мәщаләкә дьн бу кӧ диса Иса бьщерʹьбинә (Луԛа 4:13). Ле Шәйтʹан чь жи дькьр, Иса тʹьме гӧрʹа Йаһоwада бу. Ле хенщи Иса, Шәйтʹан дьхwазә пәйчуйед wи бьщерʹьбинә, демәк тә жи, wәки гӧрʹа Йаһоwа нәки. Щабед сәр пьрсед дәрһәԛа сәрwертийа Йаһоwа, гәрәке һе диса бенә дайине. Ньһа Йаһоwа һе дьһелә, кӧ Шәйтʹан мә бьщерʹьбинә. Ле Йаһоwа хwәха тʹӧ щар wе «мә нәбә щерʹьбандьне». Чьмки, әw бь рʹастийе жи баwәр ә, кӧ әм дькарьн wирʹа амьн бьминьн, у һьн жи әw дьхwазә али мә бькә. Әw зоре накә сәр мә, wәки әм тьштед рʹаст бькьн. Әw ԛәдьре жьбартьна мә дьгьрә. Демәк, әw мәрʹа изьне дьдә кӧ әм хwәха сафи кьн, wирʹа амьн бьминьн йан на. Һәгәр әм дьхwазьн нәкʹәвьнә щерʹьбандьна, мәрʹа дӧ тьшт лазьм ьн, хwә ль Йаһоwа бьгьрьн у тʹьме дӧа бькьн wәки әw али мә бькә. w15 1/6 5:​13, 14

Әм гәрәке ньһерʹандьна хwә бьгӧһезьн у мәрʹа лазьм ә исафа хwә һин кьн, сәва кӧ һʹәму дәрәщәда тʹәвнәбуйине хwәй кьн (Рʹом. 14:19). Мәсәлә, Мериета һатә буйине дь wәлате, кӧ бәре нав дькьрьн Йугославйа. Кʹидәре кӧ әw мәзьн бьбу, мәрьва мьләте Серби нәфрʹәт дькьрьн. Ле чахе Мериета дәрһәԛа Йаһоwа пеһʹәсийа әwе фәʹм кьр, кӧ Йаһоwа фьрԛийе накә ортʹа мьләта у кӧ Шәйтʹан дьхwазә wәки мәрьв һәвдӧ нәфрʹәт кьн. Ләма жи әw гәләк дьхәбьти, сәва кӧ ньһерʹандьна хwә бьгӧһезә. Ле чахе кʹидәре кӧ Мериетайе дьжит шәрʹ дәстпебу ортʹа мьләтада, әwе диса дәстпекьр нәрʹаст бьньһерʹә сәр мәрьвед Серби. Мериетайе һәла һе нәдьхwаст жи wанрʹа даннасин кә. Әwе заньбу, кӧ әw йәк нәрʹаст ә, ләма жи жь Йаһоwа һиви дькьр кӧ али wе бькә, сәва әw ньһерʹандьна хwә бьгӧһезә. Мериета гьли дькә: «Мьн тедәрхьст кӧ аликʹарийа лапә баш әw ә, чахе мәрьв һʹьш-аԛьле хwә дьдә сәр даннасинкьрьне. Wәʹде даннасинкьрьне әз дьхәбьтим, кӧ чʹәʹв бьдьмә Йаһоwа йе кӧ һʹьзкьрьн ә, у мьн тʹәхмин кьр кӧ чаwа ньһерʹандьна мьнә нәрʹаст кʹӧта бу». w15 1/7 3:​11-​13

Wәрьн әм бьньһерʹьн мәсәләке, кӧ чаwа Йаһоwа тьштед баш нава пʹадшайе Щьһуда Йәһошәфатда дит. Йәһошәфат сафикьрьна нәрʹаст кьр чахе тʹәви Аһаб пʹадшайе Исраеле бу йәк. Рʹаст ә 400 пʹехәмбәред ԛәлп дьготьнә Аһабе зӧлм, кӧ wи шәрʹида әw wе сәркʹәвә, ле пʹехәмбәре Йаһоwайи рʹаст Микайа готә Йәһошәфат у Аһаб, кӧ һәрге әwана һәрʹьн шәрʹ бькьн, wе бьдьнә дәр. Һәма ӧса жи ԛәwьми. Wи шәрʹида Аһаб һатә кӧштьне, ле Йәһошәфат анщах хьлаз бу. Паши wи шәрʹи, Йаһоwа Йәһу да хәбате кӧ Йәһошәфат һьле у ширәт кә жь бо шашийа wи. Ле ӧса жи Йәһу готә Йәһошәфат: «Тәда тьштед ԛәнщ һатьн дитьн» (2 Дир. 18:4, 5, 18-22, 33, 34; 19:1-3). Рʹаст ә Йәһошәфат сафикьрьна нәрʹаст кьр, ле Йаһоwа кьрьнед wийә баш кʹижан кӧ әwи бәре кьрьбу, бир нәкьр (2 Дир. 17:3-10). Әв мәсәлә мә гәләк дьлгәрм дькә, чьмки щара әм жи шашийа бәрʹдьдьн. Ле һәрге әм бь дьл у щан Йаһоwарʹа ԛӧльх дькьн, әw wе бәрдәwам кә мә һʹьз бькә, у wе бир нәкә wан тьштед баш кӧ мә бона wи кьрийә. w15 1/8 1:​8, 9

Чаwа әм дькарьн хwә һазьр кьн бона жийина дьнйа тʹәзәда? Һәрге әм дьхwазьн һәрʹьн wәлатәки дьн у wедәре бьжин, фәʹмдари йә әме һьнә тьшт бькьн, сәва кӧ һазьр бьн бьжин дь ви wәлатида. Мәсәлә, әм дькарьн дәстпекьн зьман у әʹрф-әʹдәтед wи wәлати һин бьн. Дьбәкә әм һьнә хwарьнед wан жи тәʹм кьн. Ӧса жи бона жийина дьнйа тʹәзәда, әм ида ньһа дькарьн хwә һазьр кьн у ӧса бьжин, йанчь әм ида wедәре нә. Гәләк дьфькьрьн, кӧ фәрз ә кәсәкива гьредайи нибьн у кӧ нәлазьм ә гӧрʹа Хwәде бькьн. Ле ахьрийа wе йәке чь йә? Әwана гәләк кӧл-дәрда дьвиньн у бәхтәwар ниньн (Йерәм. 10:23). Ле Йаһоwа Сәрwере бь һʹьзкьрьн ә. Wе чьԛас жийинәкә хwәш бә дьнйа тʹәзәда, чахе һәр кәс гӧрʹа Хwәде бькә! w15 1/8 3:​4, 5

Мәсиһийед азәпрʹа, йед кӧ дьхwазьн бьзәwьщьн йан жи мер кьн, лазьм ә фәсал хwәрʹа һәвала бьжберьн. Кʹьтеба Пироз ԛӧльхкʹаред Хwәдерʹа әʹйан дьбежә, кӧ әwана гәрәке бьзәwьщьн тʹәне тʹәви «баwәрмәнде Хӧдан», демәк бьзәwьщьн тʹәви wи йан wе йе кӧ хwә тʹәсмили Хwәде кьрийә у ньхӧманди йә, у ӧса жи йе кӧ дьжи бь принсипед Йаһоwа (1 Корн. 7:39). Чахе тӧ бьзәwьщи тʹәви wе йан жи мер ки тʹәви wи кʹе кӧ Йаһоwа һʹьз дькә, әw wе тәрʹа әw һәвал бә, кʹижан кӧ али тә бькә Хwәдерʹа амьн бьмини. Йаһоwа занә кӧ мәрʹа чь һе баш ә, у тʹәмийа wи кӧ бьзәwьщьн тʹәне тʹәви «баwәрмәнде Хӧдан», тьштәки тʹәзә нинә. Мәсәлә, wәрен әм биньн бира хwә, кӧ Йаһоwа чь готә Исраелийа дәрһәԛа wан мәрьва, йед кӧ wирʹа ԛӧльх нәдькьрьн. Йаһоwа бь Муса, тʹәми да wан: «Пьсмамтийе wанрʹа нәкә . . . чьмки әwе кӧрʹед тә жь мьн бьхалфиньн у wе пʹутед башԛәрʹа ԛӧльх кьн» (Ԛан. Дщр. 7:3, 4). w15 1/8 4:​12, 13

Гәло әм ча дькарьн исафа хwә һин кьн? Әм гәрәке Кʹьтеба Пироз тʹьме леколин бькьн, у чь дьхуньн сәр бьфькьрьн, у ӧса жи жь Йаһоwа аликʹарийе бьхwазьн, сәва кӧ әм чь пеһʹәсийан бьдьнә хәбате. Чахе әм Кʹьтеба Пироз леколин дькьн, нета мә әw ә, кӧ Йаһоwа һе рʹьнд нас кьн. Әм педьһʹәсьн, кӧ әw йәки ча нә у әw чь һʹьз дькә, у чь һʹьз накә. Чахе әм дәрһәԛа Йаһоwа һе зедә педьһʹәсьн, ахьрийе исафа мә wе дәрберʹа тедәрхә, кӧ Йаһоwа чь һʹәсаб дькә рʹасти у чь нәрʹаст. Чьԛас зәʹф әм исафа хwә һин дькьн, һаԛас зәʹф әме ӧса бьфькьрьн чаwа Йаһоwа. Щара әм фәʹм накьн, кӧ чьрʹа хушк йан бьра пьрсәкә хwәйә шәхси wи щурʹәйи сафи дькә. Ле әм гәрәке дәрберʹа wи мәрьви сущдар нәкьн, йан жи зоре нәкьн сәр wи, кӧ әw фькьре хwә бьгӧһезә. Чьмки дьбәкә әw гәрәке һе зедә исафа хwә һин кә, йан жи дьбәкә исафа wи гәләк сьст ә (1 Корн. 8:11, 12). w15 1/9 2:​4, 8, 10

Йаһоwа нә кӧ тʹәне һʹәму тьшт дайә мә сәва кӧ әм сах бьминьн, ле әwи әʹрд ӧса баш у бәдәw чекьрийә, кӧ әм дькарьн әʹмьре хwәрʹа ша бьн у ча бежи маләкә бехофда бьн (Иша. 45:18). Чахе әм дьфькьрьн дәрһәԛа әве мале, кӧ Баве мә Йаһоwа дайә мә, әм рʹасти жи тʹәхмин дькьн, кӧ әw мә чьԛас зәʹф һʹьз дькә (Иб. 38:4, 7; Зәб. 8:3-5). Һʹьзкьрьна Йаһоwа һьндава мә әʹйан дьбә диса бь wе йәке, кӧ әwи әм бь фәрәсәте ӧса әʹфьрандьнә, кӧ әм дькарьн чʹәʹв бьдьнә wи (Дәстп. 1:27). Әw те һʹәсабе, кӧ әм дькарьн һʹьзкьрьна wи һьндава хwә тʹәхмин кьн, у паше әм жи һʹьзкьрьна хwә һьндава wи әʹйан кьн. Әw занә, кӧ әw йәк бь рʹастийе мә бәхтәwар дькә. Зарʹ бәхтәwар ьн чахе тʹәхмин дькьн, кӧ де-баве wан wана һʹьз дькьн. У бькә бира хwә, кӧ Иса гот wәки әме бәхтәwар бьн, һәрге әм тʹәви Баве хwә Йаһоwа незик бьн (Мәт. 5:3). Әw һʹәму тьшти дьдә мә «wәки әм мьраз пе бькьн». Әʹйан ә, кӧ Йаһоwа гәләк мәрʹд ә у мә гәләк һʹьз дькә (1 Тимтʹ. 6:17; Зәб. 145:16). w15 1/9 4:​6, 7

Зәбурбеж кʹижан кӧ ԛайим Йаһоwа һʹьз дькьр у итʹбарийа хwә wи дьани, гьлийе ӧса ньвиси: «Һевийа хwә бь Хwәдева гьредә. Әзе диса жерʹа спас бькьн; чьмки әw ә рьзгаркʹар [хьлазкʹар] у Хwәдайе мьн. Дьле мьн хәмгин ә . . . Лома, тә бьбир тинә» (Зәб. 42:5, 6, ИМ). Гәло тӧ жи дәрһәԛа Йаһоwа ӧса дьфькьри? Тӧ тʹәви wи незик и у итʹбарийа хwә wи тини? Тӧ дькари һе зедә һин би итʹбарийа хwә wи бини. Кʹьтеба Пироз дьбежә: «Бь һʹәмуйа дьле хwә, бь Хӧданва әʹwлә бьбә у пьшта хwә нәсперә аԛьле хwә. Дь һәр кʹаре тӧ дькида, wи нас бькә у әw жи рʹейа тә дәрхә рʹастийе» (Мәтʹлк. 3:5, 6). Пешийе Йаһоwа әм һʹьз кьрьн, у бь wе йәке әwи әм һин кьрьн, кӧ әм чаwа wи һʹьз кьн. Дә wәрә әм тʹьме бьфькьрьн кӧ Йаһоwа чьԛас гәләк тьшт бона мә кьрийә у чьԛас зәʹф мә һʹьз дькә. У wәрен әм wира нишан кьн кӧ әм wи бь тʹәмамийа дьле хwә, щанийа хwә, һʹьше хwә у ԛәwата хwә һʹьз дькьн (Марԛ. 12:30). w15 1/9 5:​17-​19

Әм ӧса жи баwәрийа хwә ԛәwи дькьн, чахе мьзгине бәла дькьн у мәрьва Кʹьтеба Пироз һин дькьн. Әм жи мина Мәсиһийед пешьн, һин дьбьн кӧ итʹбарийа хwә Йаһоwа биньн, у һәр дәрәщеда бь мерхаси хьзмәт дькьн (Кʹар. Шанд. 4:17-20; 13:46). Баwәрийа мә һьндава Йаһоwа һе зедә дьбә, чахе әм дьвиньн кӧ ча әw али мә дькә у щаба дӧайед мә дьдә. Әw йәк Кʹаләб у Йешу дитьнә. Wана баwәрийа хwә һьндава Йаһоwа әʹйан кьрьнә, чахе чунә кӧ тʹәсәлийа Әʹрде Создайи бькьн. Чахе wәʹдә дәрбаз бу, баwәрийа wан һе ԛәwи дьбу, чьмки wана тʹьме дьдит кӧ Йаһоwа ча али wан дькә. Ләма Йешу дькарьбу бь баwәри бьгота Исраелийа: «Йәк жи жь готьнед кӧ Хwәдайе wә Хӧдан дайә мә, вала дәрнәкʹәт у гьшк жи һатьн щиһ». Паше әwи гот: «У ньһа жь Хӧдан бьтьрсьн, жь дьл у дьлсозийе ԛультийе [хьзмәтийе] wирʹа бькьн». (Йешу 23:14; 24:14). Чахе әм итʹбарийа хwә Йаһоwа тиньн у дьвиньн, кӧ әw чаwа хут али мә дькә, баwәрийа мә һе ԛәwи дьбә (Зәб. 34:8). w15 1/10 2:​10, 11

Сәр чь әм дькарьн бьфькьрьн? Мәсәлә, һәрге щьватеда йан жи щьватед мәзьнда, wәʹде готар тенә готьне тӧ хwәрʹа фькьра дьньвиси, wәʹдә бьвинә кӧ әwан фькьра бьхуни у бини бира хwә. Чахе тӧ ӧса бьки, пьрсе бьдә хwә: «Әз чь пеһʹәсийам жь Хәбәра Хwәде у жь тʹәшкиләта wи?» Тӧ ӧса жи дькари бьфькьри сәр готаред жь журналед «Бьрща Ԛәрәwьлийе» у «Һʹьшйар Бьн!», у сәр әʹдәбйәтед тʹәзә кӧ wәʹде щьвата мәзьн әм дьстиньн. Чахе тӧ дьхуни кʹьтеба «Һәрсали», паши хwәндьна мәсәләке, бьсәкьнә у бьфькьрә, сәва кӧ бьгьһижә дьле тә. Чахе тӧ әʹдәбйәтед мә дьхуни, тӧ дькари әwан фькьред сәрәкә кʹьфш ки, йан жи фькьред хwә бьньвиси сәр щийед аза. Әw йәк wе али тә бькә чахе тӧ һазьр дьби бона сәрледана дӧбарә, шьвантийе, йан жи бона һазьркьрьна готаре. Чахе тӧ дьсәкьни у дьфькьри сәр ве йәке кӧ чь дьхуни, һьнге тӧ мәщале дьди, сәва кӧ әw информасийа бьгьһижә дьле тә у тӧйе бьхwази дӧа ки Йаһоwарʹа кӧ тӧ рʹази йи бона wан тьштед баш, чь кӧ тӧ пеһʹәсийайи. w15 1/10 4:​9, 10

Йәк жь ԛәwьмандьнед лапи баш дь жийина де-бавада әw ә, чахе зарʹед wан тенә ньхӧмандьне. Чар зарʹед Беренис һәнә, у гьшк жи пешийа кӧ бьбуна 14 сали һатьнә ньхӧмандьне. Әw гьли дькә: «Әw ԛәwьмандьн бона мә лап емосиали бу. Һьлбәт әм гәләк рʹази бун, кӧ зарʹед мә дьхwазьн Йаһоwарʹа ԛӧльх кьн. Ле мә ӧса жи заньбу кӧ чаwа щаһьл, әwана wе рʹасти гәләк чәтьнайа бен». Експерте псикʹоложийа зарʹа гот, кӧ салед щаһьлтийеда дькарә чаwа де-баварʹа ӧса жи щаһьларʹа чәтьн бә, ле де-бав гәрәке сәр зарʹед хwә ӧса нәфькьрьн кӧ әwана һʹьшсьвьк ьн йан һе бьчʹук ьн. Екʹсперт зедә кьр у гот кӧ йед щаһьл дькарьн тьштед баш бәр хwә дәрхьн, емосийед wанә кʹур һәнә, у әwана һʹәwщә нә кӧ тʹәви һәвалед хwә wәʹдә дәрбаз кьн. Де-бавно, зарʹед wә дькарьн тʹәви Йаһоwа незик бьн, чаwа кӧ Иса чахе щаһьл бу. Әwана дькарьн дь хьзмәтийеда фәрәсәтед хwә һе баш кьн, у хwәстьна wанә ԛайим жи дькарә һәбә, кӧ һе зедә хьзмәт кьн Йаһоwарʹа. Һьн жи әwана дькарьн тьшта хwәха сафи кьн, мәсәлә, хwә тʹәсмили Йаһоwа кьн у гӧрʹа wи бькьн. w15 1/11 2:​1, 2

Сәрwертийа Хwәде, демәк Пʹадшатийа Мәсиһити, избат дькә һʹьзкьрьна Йаһоwа һьндава мәрьва. Ле чаwа? Йаһоwа ида Сәрwер кʹьфш кьрийә кʹижан кӧ мәрьва һʹьз дькә, у һатийә һинкьрьне кӧ ча пʹадшатийе бькә. Әw пʹадша һәйә Иса Мәсиһ (Мәтʹлк. 8:31). Һьн жи, Йаһоwа 144 000 мәрьв бьжарт ьн, кӧ ль әʹзмана сәрwертийе бькьн тʹәви Иса Мәсиһ. Ча баш ә кӧ әwана wе һʹале мәрьва рʹьнд бьзаньбьн (Әʹйан. 14:1). Чахе Иса ль сәр әʹрде бу, нета wийә сәрәкә әw бу, кӧ мәрьва дәрһәԛа Пʹадшатийе һин кә. Әwи ӧса жи шагьртед хwә һин дькьр, кӧ дӧа бькьн бона Пʹадшатийа Хwәде, кʹижани кӧ мәрьварʹа wе кʹәрәма бинә. Кʹьтеба Пироз әʹйан дькә кӧ Пʹадшатийа Хwәде дәстпекьр сәрwертийе бькә сала 1914-да. Һьнгеда дәстпебу тʹопкьрьна wан, йед кӧ wе ль әʹзмана тʹәви Иса сәрwертийе бькьн, демәк йед рʹункьри, у ӧса жи тʹопкьрьна «әʹлаләтәкә . . . мәзьн», демәк әw мәрьв йед кӧ wе хьлаз бьн жь кʹӧтакьрьна ве дьнйайе у бькʹәвьнә дьнйа тʹәзә (Әʹйан. 7:9, 13, 14). w15 1/11 3:​16, 18

Пешийе Йаһоwа әw әʹфьранд, кʹижан кӧ Йуһʹәннайе шанди сәр wи гот «Хәбәр» (Йуһʹн. 1:1; Әʹйан. 3:14). Йаһоwа тʹәви ви әʹфрине хwәйи пешьн, демәк тʹәви Иса, хәбәрдьда у фькьред хwә у һәстед хwә wирʹа гьли дькьр (Йуһʹн. 1:14, 17; Колс. 1:15). Паwлосе шанди дьбежә кӧ мьлйакʹәт жи хәбәрдьдьн у зьмане wан жи һәйә, кʹижан кӧ гәләк щӧдә йә жь зьмане мәрьва (1 Корн. 13:1). Йаһоwа дәрһәԛа милиарда мьлйакʹәт у мәрьвед кӧ әwи әʹфьрандийә һʹәму тьшти занә. Әw дькарә щарәкерʹа дӧайед бь милйона мәрьва бьбьһе у фәʹм бькә, у wирʹа фьрԛи тʹӧнә сәр кʹижан зьмани әwана хәбәрдьдьн. Йаһоwа чахе дӧайед һʹәму мәрьва дьбьһе, wи чахи әw ӧса жи тʹәви мьлйакʹәта хәбәрдьдә у рʹебәрийе wан дькә. Хwәде wәки һаԛас тьшт дькә, фәʹмдари йә кӧ фькьред wи у зьмане wи жь йед мәрьва гәләк зедәтьр ә (Иша. 55:8, 9). Ләма чахе әw тʹәви мәрьва хәбәрдьдә, әw готьна хwә һеса дькә, сәва кӧ әм wи фәʹм кьн. w15 1/12 1:​1, 2

Дь гәләк wәлатада Кʹьтеба Пироз гәләк бьһа йә йан жи гәләк чәтьн дәстдькʹәвә. У стандьна Кʹьтеба Пироз кʹәрәмәкә мәзьн ә! Дь әʹламәтийа жь wәлате Рwандайеда ӧса һатә готьне: «Гәләк мәрьв, тʹәви кʹижана бьред мә һинбуна Кʹьтеба Пироз дәрбаз дькьрьн, гәләк wәхт рʹӧһʹанида пешда нәдьчун, чьмки Кʹьтеба Пироз йа wан тʹӧнә бу. Һаԛас пʹәре wан тʹӧнә бу кӧ Кʹьтеба Пироз йа дере бькʹьрьн. У гәләк щар wана нькарьбун рʹез рʹьнд фәʹм кьрана, у ләма әwана һеди-һеди пешда дьчун». Ле чахе «Wәлгәрандьна Дьнйа Тʹәзә» сәр зьмане wан дәркʹәт, малбәтәкә Рwанди кʹижанеда чар зарʹед щаһьл һәнә, готьн: «Әм бь рʹастийе гәләк жь Йаһоwа у жь хӧламе амьн рʹази нә кӧ әw Кʹьтеба Пироз данә мә. Әм гәләк кʹәсиб ьн у пʹәре мә тʹӧнә йә кӧ Кʹьтеба Пироз дь малбәтеда бона һʹәмуйа бькʹьрьн. Ле ньһа малбәта мәда Кʹьтеба Пироз щәм һәр кәси һәйә. Сәва кӧ рʹазибуна хwә Йаһоwарʹа әʹйан кьн, малбәтеда әм гьшк жи һәр рʹож Кʹьтеба Пироз дьхуньн». w15 1/12 2:​15, 16

Даwьд дьбәкә wан гьлийа ньвиси чахе кӧрʹе wи Абшалом дьхwәст дәwса wи бьбуйа пʹадша. У Даwьд ӧса зәф нәхwәш бу, кӧ нькарьбу кӧрʹе хwә бьдә сәкьнандьне. Әwи заньбу кӧ жь бо ви гӧнәйи кӧ тʹәви Бат-Шәбайе кьр, малбәта wида проблем һәнә (2 Сам. 12:7-14) Даwьд заньбу кӧ Йаһоwа гӧне wи бахшанде, у әwи итʹбарийа хwә Йаһоwа дьани кӧ әw wе али wи бькә wәʹде нәхwәшийа wи. Даwьд һивийе нибу кӧ Йаһоwа бь кʹәрәмәт wи ԛәнщ кә. Дәwсе, әw һивийе бу кӧ Хwәде һьндава wида жи ӧса бә, чаwа һьндава мәрьве кӧ али бәләнгаза дькә (Зәб. 41:3). Һәләԛәтийа Даwьд тʹәви Хwәде гәләк незик бу, у ләма әwи карьбу жь Йаһоwа һиви кә кӧ wи дьлбинийе бьдә wи у wи хwәй кә wәде нәхwәшийа wи. Әwи ӧса жи һиви кьр кӧ Йаһоwа али wи бькә wәки әw бь ԛәwата бәдәна хwә ԛәнщ бә. Әм жи ӧса дькарьн аликʹарийе жь Йаһоwа бьхwазьн (Зәб. 103:3). w15 1/12 4:​8, 9

Әwед кӧ әве тʹәглифкьрьне жь Хwәде дьстиньн, һʹәwщә ниньн кӧ кәсәк wанрʹа избат кә кӧ әwана һатьнә бьжартьне. Чьмки Йаһоwа wана дьдә баwәркьрьне, сәва кӧ әwана һьш у дьле хwәда дӧдьли нибьн. Йуһʹәннайе шанди рʹункьрийара ӧса гот: «Wә жь Мәсиһе Пироз рʹӧһʹ пешкеш стандийә у һун һʹәму жи рʹастийе заньн». Паше әwи зедә кьр: «Ле чь дәрһәԛа wәда йә, әw рʹӧһʹе кӧ wә жь Мәсиһ стандийә, нава wәда дьминә. Иди нә һʹәwщә йә, кӧ йәк wә һин кә, чьмки рʹӧһʹ бона һәр тьшти wә һин дькә у чь кӧ һин дькә рʹаст ә, нә дәрәw ә. Чаwа әwи һун һинкьрьн, нав Мәсиһда ӧса бьминьн» (1 Йуһʹн. 2:20, 27). Чаwа һәр кәс, рʹункьри жи һәwщә нә кӧ жь Йаһоwа бенә һинкьрьне. Ле әwана нә һʹәwщә нә кӧ кәсәк wанрʹа избат кә кӧ әwана рʹункьри нә. Чьмки ԛәwата лапә мәзьн, демәк рʹӧһʹе Йаһоwайи пироз, wанра избат дькә кӧ әwана бьжарти нә! w16.01 3:​9, 10

Чахе әм итʹбарийа хwә Йаһоwа тиньн әм рʹази нә. Әw йәк али мә дькә кӧ рʹаст бьньһерʹьн сәр һәбуне у пʹәра (1 Тимт. 6:6-8). Һьн жи, әw али мә дькә кӧ әм фʹәм кьн, кӧ һәләԛәтийа мә тʹәви Йаһоwа у хушк-бьред мә һе фәрз ә, нә кӧ тьштәки кӧ дькарьн пе пʹәра бькʹьрʹьн. Мәрьве кӧ рʹази йә, офә-оф накә, нә жи кәсәки гӧнәкʹар дькә сәва һʹале хwә. Әw мәрьв нә чʹәʹвнәбарийе дькә у нә жи тьма йә, чьмки әw һʹӧнӧр дькарьн һʹьзкьрьна һьндава хушк-бьра бьтәмьриньн. Дәwсе, әw мәрьв кӧ рʹази йә мәрʹданийе дьдә кʹьфше (1 Тимт. 6:17-19). Ӧса жи итʹбари һьндава Йаһоwа мерхасийе дьдә мә, сәва кӧ әм бәр чәтьнайед гьран тәйах кьн (Ибрн. 13:6). Әw мерхаси али мә дькә кӧ ньһерʹандьна мә позитив бә у һәвдӧ бьшьдиньн у дьлгәрм кьн (1 Теслн. 5:14, 15). Һәла һе wәʹде тәнгасийа мәзьн жи, әме бькарьбьн бь мерхаси «рʹабьн сәре хwә бьльнд кьн», чьмки әме бьзаньбьн кӧ азабуна мә незик ә (Луԛа 21:25-28). w16.01 1:​16, 17

Нава гәләк салада, әwед кӧ сәр Биранине симбол дьхwарьн һьнәк бун. Ле дь wан пашwәхтийада, һәр сал һәжмара wан һе зедә дьбә. Гәло гәрәке әм жь бо ве йәке бәрхwә кәвьн? На. Wәрә әм пебьһʹәсьн чьрʹа. Бьред кӧ сәр Биранине һʹәсаб дькьн чьԛас мәрьв симбола дьхwьн, сәд сәләфи нькарьн бежьн кӧ ке йә бь рʹастийе жь wан рʹункьри. Һьнәк жь wан симбола дьхwьн, чьмки дьфькьрьн кӧ рʹункьри нә. Һьнәк жи wәʹдәки дәстпекьрьн симбола бьхwьн, паше ида симбол нәдьхwарьн. Щәм һьнәка жи дьбәкә проблемед һьшда у емосиали һәйә, у ләма әwана дьфькьрьн кӧ һәрьнә ль әʹзмен тʹәви Иса сәрwертийе бькьн. Ләма жи, һәжмара йед кӧ симбола дьхwьн, раст әйан накә һәжмара рʹункьрийа кӧ сәр әʹрде манә. Ле йәкә, Кʹьтеба Пироз набежә кӧ wәде дәстпебуна тәнгасийа мәзьн, чьԛас рʹункьри сәр әʹрде бьн. w16.01 4:​12-​14