Щотмәһ

Йаһоwа дәстпекьр рʹункьрийа бьжберә паши мьрьн у сахкьрьна Иса. Те кʹьфше кӧ ԛьрна йәкеда һʹәму Мәсиһийед раст, рʹункьри бун. Ле жь wи wәʹдәйи һʹәта дәстпебуна рʹожед ахьрийе, һәчʹи зәʹф жь wан кӧ дьготьн кӧ әwана пәйчуйед Иса нә, бь рʹастийе Мәсиһийед дәрәw бун. Иса wана бәрамбәри «зиwана» кьр. Ле йәкә, нава wан салада, Йаһоwа бәрдәwам дькьр рʹункьрийа бьжберә. У чаwа кӧ Иса гот әwана wе мина «гәньм» бьн (Мәт. 13:24-30). Нава wан рʹожед ахьрийеда, Йаһоwа диса жи бәрдәwам дькә бьжберә әwед кӧ wе бькʹәвьнә нава 144 000. Һәрге Йаһоwа һьнәка дьжберә wәʹде кʹӧтасийа рожед ахьрийе, фәʹмдари йә кӧ әм гәрәке дӧдьли нибьн кӧ әw рʹаст дькә (Иша. 45:9; Дан. 4:35; Рʹом. 9:11, 16). Әм гәрәке фәсал бьн кӧ мина wан пʹала нибьн, йед кӧ сәр ахайе хwә кьрьнә котә-кот, кӧ әw ча бу һьндава wан пʹала, йед кӧ еваре сьһʹәта 5 дәстпекьрьн хәбьтин (Мәт. 20:8-15). w16.01 4:​15

Ле әм чь дькарьн дәрһәԛа хwә бежьн? Рʹаст ә Хwәде иро жь мә дәʹwа накә wәки әм зарʹед хwә жерʹа бькьнә ԛӧрбан. Ле әw жь мә һиви дькә, кӧ гӧрʹа wи бькьн һьнге жи чахе тʹәмийед wи мәрʹа нәфәʹмдари йан гьран ьн биньн сери. Һәйә тьштәки ӧса кӧ Хwәде жь тә дәʹwа дькә, ле тәрʹа чәтьн ә кӧ бини сери? Бона һьнәка әw йәк бәлакьрьна мьзгине йә. Әwана дьбәкә шәрм дькьн у ләма wанарʹа чәтьн ә тʹәви мәрьве нәнас хәбәрдьн. Һьнәк жи шәрм дькьн кӧ жь йед майин щӧдә дьбьн, мәсәлә мәкʹтәбеда йан жи щийе хәбате (Дәркʹ. 23:2; 1 Тʹеслн. 2:2). Ԛә тӧ жи мина Бьраһим кʹәти чәтьнайа ӧса, кӧ тә тʹәхмин кьрийә, wәки ԛәwата тә дәр ә әwе чәтьнайе дәрбаз ки? Һәрге әре, бьфькьрә сәр мерхаси у баwәрийа Бьраһим! Һәрге әм бьфькьрьн сәр мәсәлед мер йан жьнед амьн, әме һелан бьн чʹәʹв бьдьнә wан у незики Хwәде бьн чаwа досте незик (Ибрн. 12:1, 2). w16.02 1:​3, 14

Чахе Шаwул хwәст Даwьд бькӧжә, һьнге Йонатʹан рʹасти чәтьнайе һат. Йонатʹан тʹәви Даwьд пәйман гьреда у дьхwәст wирʹа амьн бьминә, ле әwи дьхwәст баве хwәрʹа жи амьн бьминә. Йонатʹан заньбу кӧ Хwәде тʹәви Даwьд ә, нә кӧ тʹәви Шаwул. Ләма жи, Йонатʹан амьнийа хwә һьндава Даwьд дани сәр щийе пешьн. Әwи Даwьдрʹа гот кӧ әw хwә вәшерә, у паше бәр баве хwә дәрһәԛа Даwьд баш хәбәр дьда, сәва дьле баве хwә нәрм кә, wәки әw Даwьд нәкӧжә (1 Сам. 19:1-6). Әм гәрәке фәсал бьн, сәва кӧ бона мә һе фәрз бә амьнийа мә һьндава Йаһоwа, нә кӧ һьндава тьштед дьн, мәсәлә һьндава мьләте мә, мәктәбе, йан кʹома спорте. Мәсәлә, Һенри һʹьз дькә шахмат (сәдрәнщ) бьлизә. Мәктәба wида ԛәйдә бу кӧ чемпионатеда бьлизьн, у әwи дьхwәст ԛәwате хәрщ кә сәва кʹома мәктәба wи сәркʹәвә. Әw гьли дькә: «Һеди-һеди, бал мьн амьни һьндава мәкʹтәбе щийе пешьн дьгьрт, нә кӧ амьни Хwәдерʹа. Мьн рʹожед Шәмийе у Ләʹде жи дьлист, у жь бо ве йәке хьзмәткьрьна мьн зийане дькʹәт. Ләма жи, мьн сафи кьр кӧ дәркʹәвьм жь кома шахмат-листьке» (Мәт. 6:33). w16.02 3:​10, 12

Һәрге тӧ щаһьли һәнә һьнә тьшт, бь сайа кʹижана тӧ дькари тедәрхи һәла хwәстьна тә кӧ бейи ньхӧмандьне, жь дьле те йә йан на. Мәсәлә, хwәстьна тә кӧ тӧ дьхwази Йаһоwарʹа хьзмәт бьки, wе дӧайед тәда әʹйан бьн. Һәрге тӧ тʹьме дӧа дьки у дӧайед тә конкрет ьн, әw йәк дьдә кʹьфше кӧ һәләԛәтийа тә тʹәви Йаһоwа чьԛас незик ә (Зәб. 25:4). Йаһоwа бь сайа Хәбәра хwә щаба дӧайед мә дьдә. Ләма һәрге тӧ тʹьме Кʹьтеба Пироз леколин дьки, әw жи дьдә кʹьфше кӧ тӧ дьхwази незики Йаһоwа би у бь тʹәмамийа дьле хwә жерʹа хьзмәт бьки (Йешу 1:8). Һәла жь хwә бьпьрсә: «Дӧайед мьн конкрет ьн? Һинбуна мьнә шәхси тʹьме һәйә?» У һәрге малбәта тә Ԛӧльхкьрьна тʹәви Малбәте дәрбаз дькә, жь хwә бьпьрсә: «Әз бь һазьрбуне темә сәр ве щьвине?» Щабед тәйә сәр wан пьрса wе али тә бькьн кӧ тедәрхи, һәла әw хwәстьна тәйә шәхси йә кӧ бейи ньхӧмандьне. w16.03 1:​11, 13

Чахе әм кʹьтеба «Һәрсалида» дьхуньн кӧ шьхӧле мәйи бәлакьрьна мьзгине чь кʹаре тинә, әw йәк мәрʹа шабуне тинә! Ӧса жи бьфькьрьн, дәрһәԛа йәктийа мә чахе тʹәвайи нав тʹәмамийа дьнйайеда сәр щьватед мәзьн дьщьвьн. Сәр wан щьвина әм готаред һеланкьрьне дьбьһен, ӧса жи драма у тʹәмаша дьньһерʹьн. Әw һʹәму тьшт дьдьнә кʹьфше, кӧ ча Хwәде бь һʹьзкьрьне мә тʹәглиф дькә, wәки бь тʹәмамийа дьле хwә wирʹа хьзмәт кьн. Евара Биранина мьрьна Иса жи мә дькә йәктийе. Әм һәр сал 14 Нисане паши кӧ рʹо дьчә ава, тʹоп дьбьн сәва бьдьнә кʹьфше рʹазибуна хwә бона дьлрʹәмийа Хwәде һьндава мә, у ӧса жи бьдьнә кʹьфше гӧһдарибуна хwә һьндава тʹәмийа Иса (1 Корн. 11:23-26). Чәнд һәфти пешийа Евара Биранине әм дәртен хьзмәткьрьне, сәва кӧ чьԛас дькарьн гәләк мәрьва тʹәглиф кьн сәр wе ԛәwьмандьна мәхсус. Мәрьвәк тʹәне нькарә һʹәму мәрьварʹа мьзгине бәла кә. Ләма жи әм тʹәви һәв һәвкʹарийе дькьн, сәва кӧ али милйона мәрьва бькьн әwана нас кьн wи, кʹе кӧ һежайи пәсьна у шькьрийе йә. Әw һәйә Йаһоwа! w16.03 3:​4, 6, 7

Әw бьра кʹижан кӧ һин дьбә сәва щьватеда шьхӧл бькә, гәрәке ӧса жи һин бә, кӧ пе принсипед Кʹьтеба Пироз шьхӧлед щьвате бькә. Мәсәлә, һәрге рʹуспи жь бьра һиви кә wәки бәр дәре Ода Щьвате тʹәмьз хwәй кә у хәм кә сәва бехофийе, рʹуспи дькарә wирʹа бьхунә Тито 2:10, у шьровәкә кӧ жь бо wи шьхӧли, wе ча мьзгинийа хере мәрьварʹа һе зедә һʹәwас бә. Ӧса жи рʹуспи дькарә шагьрт һелан кә wәки дьшьрмиш бә дәрһәԛа мәрьвед мәзьн дь щьватеда у ча әw шьхӧл wе кʹаре бьдә wан. Хәбәрдана ӧса wе али шагьрт бькә кӧ һин бә һе зедә дьшьрмиш бә дәрһәԛа мәрьва нә кӧ сәр тʹәмийа. Чахе әw бьвинә кӧ ча хушк у бьра кʹаре дьстиньн жь wи шьхӧли, әw wе шабуне бьстинә чьмки бона йед дьн хәм дькә. Ӧса жи рʹуспи гәрәке пʹайе шагьрт бьдә, wәки әw ширәтед wи һьлдьдә. Чаwа кӧ ав лазьм ә сәва кӧ шинкайи рʹьнд шин бә у гәш бә, ӧса жи чахе рʹуспи пʹайе шагьрт бьдә, әw wе ԛӧльхкьрьнеда пешда һәрʹә. w15 1/4 2:​7, 8

Ԛә проблема тәйә ӧса чәтьн һәбуйә кӧ кәсәки нькарьбуйә али тә бькә? Дьбәк тә хәбата хwә ӧнда кьр, йан жи мәкʹтәбеда зорбәти һәбу. Дьбәк тӧ нәхwәш буйи йан жи чәтьнайед тәйә дьн һәбун. Дьбәкә тә жь һьнәка аликʹари хwәстийә, ле wана нькарьбунә ӧса аликʹарийе бьдьнә тә ча кӧ тәрʹа лазьм бу. Рʹаст ә, һәнә проблем кӧ мәрьв нькарьн сафи кьн. Һьнге тӧ чь дькари бьки? Кʹьтеба Пироз мәрʹа дьбежә wәки итʹбарийа хwә Йаһоwа биньн (Мәтʹлк. 3:5, 6). Ле тӧ дькари баwәр би wәки әw wе али тә бькә? Бәле! Әм дькарьн жь Кʹьтеба Пироз дәрһәԛа гәләк мәсәла бьхуньн, кʹижан кӧ мә дьдьнә баwәркьрьне wәки Йаһоwа рʹасти жи али щьмәʹта хwә дькә. Һерс нәкʹәвә чахе мәрьв аликʹарийа ӧса надьнә тә ча кӧ тәрʹа лазьм ә. Дәwсе, мина Паwлос, чәтьнайед хwә һʹәсаб кә ча мәщал, кӧ бь тʹәмами итʹбарийа хwә Йаһоwа бини. Әw ӧса жи мәщал ә кӧ дь әʹмьре хwәда бьвини, чаwа әw бона тә хәм дькә. Ахьрийе, итʹбари у һәләԛәтийа тә һьндава Йаһоwа wе һе ԛәwи бә. w15 1/4 4:​3-5

Шәйтʹан тʹәне бь хапандьне дькарә мәрьва жь Хwәдайе һʹьзкьрьн Йаһоwа дур хwә (1 Йуһʹн. 4:8). Әw мәрьва дьхапинә, кӧ wанарʹа нәлазьм ә «рʹӧһʹфәԛир» бьн, демәк һʹәwщә нибьн wәки һәләԛәтийа wан тʹәви Йаһоwа һәбә (Мәт. 5:3). Мире-щьна «шәвәрʹәша кора анийә сәр фәʹме нәбаwәра», у ләма әwана нькарьн рʹастийа дәрһәԛа Йаһоwа бьвиньн. Шәйтʹан ӧса жи бь религийа ԛәлп мәрийа дьхапинә. Әw занә, wәки Йаһоwа «Хwәдеки кʹӧмрʹәш» ә (Дәркʹ. 20:5). Һәла бьдьнә һʹәсабе хwә, чьԛас Шәйтʹан хwәш те, чахе әw дьвинә кӧ мәрьв кал-бавед хwә, йан тʹәбийәте, йан жи һʹәйwана, демәк кәсәки йан тьштәки дьһʹәбинә, нә кӧ Йаһоwа. Йазьх, ле гәләк мәрьв дьшьрмиш дьбьн кӧ Хwәде һʹәбандьна wана ԛәбул дькә. Ле әwана бьн һʹӧкӧме һинкьрьнед ԛәлп у әʹйд-ԛәйдед бекерда ньн. Исраели һена Ишайада һәма дәрәщед ӧсада бун. Йаһоwа жь wана пьрси: «Ма чьма һун . . . кʹәда хwә дьдьн тьште кӧ тʹер накә? Мьн баш гӧһдари бькьн у .  . . бьла бь тьште ԛәләw щане wә тәʹме бьвинә!» (Иша. 55:2) w15 1/5 1:​14, 15

Һабил рʹаст ньзаньбу әw йәк wе ча бьԛәwьмә. Ле әw дьбәк гәләк сәр wан гьлийед Хwәде дьшьрмиш дьбу. Һабил дькарьбу дьшьрмиш буйа: «Гәло кʹе wе али инсанәте бькә wәки диса бьбьнә ԛәданди, демәк мәʹр wе кʹе бьгәзә?» Һабил баwәр дькьр, кӧ һәр созед Хwәде wе бенә сери. Ләма чахе әwи Йаһоwарʹа ԛӧрбан ани, Йаһоwа ԛӧрбана wи ԛәбул кьр (Дәстп. 4:3-5; Ибрн. 11:4). Баwәрийа Нӧһ жи һәбу һьндава Йаһоwа, ләма әw хьлаз бу wәʹде селаве (Ибрн. 11:7). У паше жь бо баwәрийа хwә, әwи бона Йаһоwа һʹәйwан кьрьн ԛӧрбан (Дәстп. 8:20). Паши селаве, дьнйа диса бу зӧлм. Нәмруд сәрwерти дәстпекьр у дьхwәст wәки мәрьв мьԛабьли Хwәде рʹабьн (Дәстп. 10:8-12). Ле баwәрийа Нӧһ ԛәwи ма. Мина Һабил, әwи жи баwәр дькьр wәки рʹожәк wе бе, кӧ Хwәде гӧнә у мьрьне бьдә һьлдане. Нӧһ ӧса жи дькарьбу бьфькьрийа дәрһәԛа wи wәʹдәйи, чахе сәрwеред хьраб ида тʹӧнә бьн. Әм жи дькарьн бьдьн бәр чʹәʹве хwә wи wәʹдәйи, кʹижан кӧ ньһа гәләк незик ә! (Рʹом. 6:23) w15 1/5 3:​4, 6

Чахе әм гәләк хәма дькьн у бәрхwә дькʹәвьн, әм дькарьн нәхwәшкʹәвьн у һәла баwәрийа хwә жи һьндава Йаһоwа һеди-һеди ӧнда кьн. Дәwсе әм гәрәке итʹбарийа хwә Йаһоwа биньн, кӧ әw wе али мә бькә у рʹеза ве рʹоже биньн бира хwә. Һәрге тӧ дәрһәԛа тьштәки хәм дьки, дьле хwә ԛӧльхкʹарәки Йаһоwарʹа вәкә, кʹижан кӧ тә рʹьнд нас дькә. Де йан бав, мере тә йан жьна тә, йан жи һәвале баш дькарә тә дьлгәрм кә, wәки тӧ баwәрийа хwә Йаһоwа бини, у wе али тә бькә кӧ һе кем хәм бьки. Йаһоwа һе рʹьнд һәстед мә занә, нә кӧ кәсәки дьн. У чахе әм хәм дькьн, әw дькарә али мә бькә wәки әм дьлрʹьһʹәт бьн. Паwлос ньвиси: «Бона тʹӧ тьшти хәм нәкьн, ле хwәстьна wә бьра бь дӧа-дьрозга, рʹазибунева тʹәвайи, Хwәдева әʹйан бә. У әʹдьлайа Хwәде кӧ жь һәр һʹьш-аԛьли дәрбазтьр ә, wе дьл у фькьред wә йәктийа Мәсиһ Исада хwәй кә» (Фили. 4:6, 7). Демәк чахе тӧ хәм дьки, бьфькьрә дәрһәԛа аликʹарийа кӧ Йаһоwа дьдә тә, wәки һәләԛәтийа хwә тʹәви wи ԛәwи хwәй ки. Мәсәлә әw аликʹарийе дьдә тә бь хушк у бьра, рʹуспийа, хӧламе амьн, мьлйакʹәта, ӧса жи бь Иса. w15 1/5 4:​16, 17

Оршәлимеда, жь пʹарьстгәһе алийе бакʹуре, һʹәwз һәбу бь наве Бәйтʹһаста. Гәләк мәрьвед нәхwәш дьчунә ль wедәре, чьмки баwәр дькьрьн кӧ әwана бь кʹәрәмәт wе ԛәнщ бьн. Иса wедәре рʹасти wи мәрьви һат, кʹижан кӧ жь нәхwәшийа хwә дьчәрчьри һе зедә сал, нә кӧ чьԛас сал Иса ль сәр әʹрде жит (Йуһʹн. 5:6-9). Иса жь wи мәрьви пьрси һәла әw дьхwазә ԛәнщ бә. Әwи Исарʹа гьли кьр, кӧ әw дьхwазә ԛәнщ бә ле нькарә. Чьмки тʹӧ кәси али wи нәдькьр кӧ бькʹәвә һʹәwз. Паше Иса готә wи мәрьви, кӧ тьштәки нәбуйи бькә. Әwи гот, wәки әw мәрьв бәрʹа хwә һьлдә у бьгәрʹә. У әw мәрьве сәԛәт бәрʹа хwә һьлда у дәстпекьр бьгәрʹә! Әw кʹәрәмәта баш избат дькә, кӧ Иса wе чь бькә дьнйа тʹәзәда. Һьн жи әw нишан дькә кӧ Иса мәрьва чьԛас зәʹф һʹьз дькә. Иса мәрьвед ӧса дьгәрʹийан, кʹижанарʹа аликʹари лазьм бу. Мәсәла wи мә һелан дькә, wәки әм чахе даннасин дькьн али wан мәрьва бькьн, йед кӧ дьлтәнг дьбьн жь бо тәнгасийед ве дьнйайе. w15 1/6 2:​8-​10

Иса дӧакьрьн дәстпекьр бь гьлийед ӧса, «Баве мәйи әʹзмана». Әw гьли мәрʹа дьдә кʹьфше, кӧ Йаһоwа Баве һʹәму хушк-бьред мә йә (1 Пәт. 2:17). Ле Йаһоwа бь рʹастийе жи Бав ә бона wан, кʹижан кӧ әwи хwәха жьбартийә бона жийина сәр әʹзмана, у wана һʹәсаб дькә чаwа кӧрʹед хwә (Рʹом. 8:15-17). Әwед кӧ wе бьжин һʹәта-һʹәтайе сәр әʹрде, дькарьн бежьн кӧ Йаһоwа «Баве» wан ә, чьмки әw жийине дьдә wан у дәрһәԛа һʹәwщед wан хәм дькә. Ле әwана wе бенә навкьрьне ча «зарʹед Хwәде», чахе бьбьнә ԛәданди у wәʹде щерʹьбандьна пашьн амьн бьминьн (Рʹом. 8:21; Әʹйан. 20:7, 8). Де-бав пʹешкʹешәкә гәләк баш дьдьнә зарʹед хwә, чахе али wан дькьн сәва әwана фәʹм кьн, кӧ Йаһоwа Баве wани әʹзмана йә, у ӧса жи чахе wана һин дькьн кӧ Хwәдерʹа дӧа бькьн. Рʹасти жи, де-бав пʹешкʹешәкә гәләк баш дькарьн бьдьнә зарʹед хwә, чахе wана һин дькьн, кӧ Йаһоwа Кәсе реали йә, у кӧ әwана дькарьн бьбьнә досте wийи незик. w15 1/6 4:​4-6

Әм ча дькарьн Йаһоwарʹа нишан кьн, кӧ әм дьхwазьн әw мә «жь йе хьраб хьлаз кә»? Әм гәрәке «нә пʹара дьнйайе» бьн, у ӧса жи гәрәке «дьнйайе һʹьз нәкьн, нә жи wан тьштед кӧ дьнйайеда нә» (Йуһʹн. 15:19; 1 Йуһʹн. 2:15-17). Wе чьԛас баш бә, чахе Йаһоwа Шәйтʹан у әве дьнйа зӧлм кʹӧта кә! Ле һʹәта әw wәʹдә бе, әм гәрәке бира хwәда хwәй кьн, кӧ Шәйтʹан «жь һерсе хwә дьхwә, кӧ занә wе һьндьки бьминә». Әw һʹәму тьшти дькә чь кӧ дькарә, сәва кӧ әм ԛӧльхкьрьна хwә Йаһоwарʹа бьдьнә сәкьнандьне. Ләма жи, әм гәрәке тʹьме Йаһоwарʹа дӧа бькьн, сәва әw мә жь Шәйтʹан хwәй кә (Әʹйан. 12:12, 17). Тӧ дьхwази бьжийи wе дьнйайеда, кʹидәре кӧ Шәйтʹан wе тʹӧнә бә? Дә wәки ӧса нә, бәрдәwан кә дӧа бькә wәки Пʹадшатийа Хwәде бе, наве Хwәде Пироз бә у wәки ԛьрара wи бә сәр әʹрде. Тʹьме итʹбарийа хwә Йаһоwа бинә, wәки әw wе бона тә хәм бькә у али тә бькә сәва кӧ wирʹа амьн бьмини. Бәле, һʹәму тьшти бькә чь кӧ дькари, сәва кӧ анәгори дӧакьрьна Иса бьжийи (Мәт. 6:9-13). w15 1/6 5:​12, 17, 18

Рʹаст ә әм һʹәму тьшти ньзаньн, кӧ wе чь бьԛәwьмә wәʹде щерʹьбандьне. Ле гәрәке әм һивийе нибьн, кӧ wи чахи жийин wе һеса бә. Дәwса ве йәке әм гәрәке һивийе бьн, кӧ дьбәк wе лазьм бе тьштәки ԛӧрбан кьн йан жи жь хwә кем кьн. Ԛьрʹна йәкеда, Мәсиһи малед хwә һиштьн у бәр гәләк чәтьнайа тәйах дькьрьн, сәва кӧ хьлаз бьн (Марԛ. 13:15-18). Ләма жи әм гәрәке хwә бьпьрсьн: «Гәло әз һазьр ьм һәбуна хwә бьһельм? Гәло әз һазьр ьм һʹәму тьшти бькьм, сәва кӧ Йаһоwарʹа амьн бьминьм?» Тӧ тʹәне бьфькьрә, wи wәʹдәйи чь жи бьԛәwьмә, тʹәне әме Хwәдайе хwәрʹа ԛӧльх кьн, чаwа кӧ Данийел пʹехәмбәр дькьр (Дан. 6:10, 11). Тәнгасийа мәзьн wе нә әw wәʹдә бә, кӧ «мьзгинийа Пʹадшатийе» даннасин кьн. Wәʹде даннасинкьрьна ве мьзгинийе wе дәрбаз бә. Чьмки зутьрәке wәʹде «хьлази» wе бе! (Мәт. 24:14). Щьмәʹта Хwәде wе бь мерхаси әʹламәтийа диwанкьрьне әʹлам кьн. Әw әʹламәти дькарә әw бә, кӧ дьнйа Шәйтʹанә зӧлм, ида бь тʹәмами һәрʹә бәрбь кʹӧтакьрьне. w15 1/7 2:​3, 8, 9

Иса пешда гот, кӧ мәрьв wе һәла һе мә нәфрʹәт жи бькьн, чьмки әм жь wана щӧдә дьбьн. Әм гәрәке бира хwәда хwәй кьн кӧ әwед кӧ мьԛабьли мә дьчьн, дәрһәԛа Пʹадшатийа Хwәде ньзаньн. Ләма жи әwана нькарьн фәʹм кьн, кӧ чьрʹа әм ӧса амьн ьн Пʹадшатийа Хwәдерʹа, дәwса сәрwертийед мәрьварʹа. Сәва кӧ Йаһоwарʹа амьн бьн, әм гәрәке гӧһ бьдьнә wи. Фьрԛи тʹӧнә мәрьвед дьн һьмбәри мә wе чь бежьн йан жи чь бькьн (Дан. 3:16-18). Щаһьларʹа илаһи гәләк чәтьн ә, жь бо ве йәке, кӧ әwана жь йед дьн щӧдә дьбьн. Де-бавно али зарʹед хwә бькьн, сәва кӧ әwана мәкʹтәбеда мерхас бьн. Чьмки зарʹ дькарьн дь мәкʹтәбеда бьтьрсьн, кӧ бәйраԛе һӧрмәт нәкьн йан жи тʹәви wан щәжьна нәбьн, йед кӧ мьләта һӧрмәт дькьн. Тӧ дькари wәʹде ԛӧльхкьрьна тʹәви малбәте леколин ки, кӧ чаwа Йаһоwа дьфькьрә дәрһәԛа wан тьшта. Зарʹед хwә һин кә, кӧ әwана бькарьбьн дәрһәԛа баwәрийа хwә бь фәʹмдари у бь ԛәдьр шьровәкьн (Рʹом. 1:16). Ле һәрге лазьм бә, тʹәви дәрсдаред зарʹед хwә хәбәрдә дәрһәԛа баwәрийа хwә. w15 1/7 3:​15, 16

Йаһоwа пʹешкʹеш дайә мә демәк кʹьрʹин, бь сайа кʹижани әм дькарьн жийина һʹәта-һʹәтайе ԛазанщ кьн (1 Йуһʹн. 4:9). Паwлос дәрһәԛа wе пʹешкʹеше, кӧ һʹьзкьрьна Хwәде әʹйан дькә ньвиси: «Мәсиһ бона мә нәпʹака wәхтда мьр. Дәгмә бона мәрьвәки рʹаст йәк бьмьрә, бәлки бона мәрьвәки ԛәнщ йәке бьwерә бьмьрә, ле бәле Хwәде һʹьзкьрьна хwә һьндава мәда һьнге да кʹьфше, гава әмә һе гӧнәкʹар бун, Мәсиһ бона мә мьр» (Рʹом. 5:6-8). Кʹьрʹин әw әʹйанкьрьна һʹьзкьрьна Хwәдейә лапә мәзьн ә, кʹижан кӧ мәщале дьдә мәрьва кӧ һәләԛәтийа wанә незик тʹәви Йаһоwа һәбә. Демәк бь сайа кʹьрʹине, Йаһоwа һʹьзкьрьна хwә һьндава һʹәму мәрьва әʹйан дькә. Чьԛас баш ә, кӧ әм заньн һәрге әм Хwәдерʹа амьн ԛӧльх дькьн, әw wе жийина сәр әʹрде бьдә мә! Wәрьн әм бьдьнә кʹьфше кӧ ԛимәт дькьн әwе кʹьрʹине, кʹижан кӧ избат дькә һʹьзкьрьна Хwәде кӧ кʹӧта набә. w15 1/8 1:​13, 15

Бьдә бәр чʹәʹве хwә кӧ wе ԛәдьрәки чьԛас мәзьн бә, кӧ әм ԛӧльх кьн дьнйа тʹәзәйә Хwәдеда, у бьн сәрwертийа Пʹадшатийа wида! Ләма, ньһа әм ша нә кӧ тʹәви тʹәшкиләта Йаһоwа шьхӧлкʹарийе дькьн у чь шьхӧли жи дьдьнә мә әм дькьн. Ле щара дькарә шьхӧлед мә йане жи кʹьфшкьрьнед мә бенә гӧһастьне. Мәсәлә, һьнә хушк-бьра кӧ дь Бәйтʹәла Дәwләтед Йәкбуйида ԛӧльх дькьрьн, әwана һатьнә кʹьфшкьрьне, кӧ дәштеда ԛӧльх кьн. У ӧса жи һьнә бәрпьрсийаред рʹеви, жь бо әʹмьре хwәйи мәзьн һатьнә кʹьфшкьрьне чаwа пешәнге мәхсус. Әwана кʹьфшкьрьна хwәйә тʹәзәра ша дьбьн у Йаһоwа жи wана кʹәрәм дькә. Һәрге әм Йаһоwарʹа дӧа дькьн бона аликʹарийе, у чьԛас дькарьн һʹәму тьшти дькьн, кӧ wирʹа ԛӧльх кьн, ӧса жи һин дьбьн, кӧ ԛайил бьн һʹәму щурʹә кʹьфшкьрьнара, әме бәхтәwар бьн у Йаһоwа wе мә кʹәрәм кә (Мәтʹлк. 10:22). Гәло әме хwә ча кʹьфш кьн һәрге дьнйа тʹәзәда әм бьхwазьн бьжин wи щийи кʹидәре мә хwәш те, ле тʹәшкиләта Йаһоwа мәрʹа бежә кӧ щики майин бьжин? Һьнге, ида wе мәрʹа фьрԛи тʹӧнә бә әме кʹидәре бьжин йан чь бькьн. Чьмки wи чахи әме гәләк рʹази бьн, кӧ әм дьнйа тʹәзәда ньн. w15 1/8 3:8

Нӧһ дьнйа хьрабда дьжит у әw тʹәви wан мәрьва һәвалти нәдькьр, йед кӧ Йаһоwа һʹьз нәдькьрьн. Нӧһ у малбәта wи, нава шьхӧле авакьрьна гәмийеда бун, у һьн жи Нӧһ «рʹасти даннасин дькьр» (2 Пәт. 2:5). Нӧһ, жьна wи, у кӧрʹед wи жьнед хwәва, тʹәви һәв һәвалтикә баш дькьрьн. Wана тʹьме әw шьхӧл дькьрьн, чь кӧ Хwәде хwәш дьһат, у ахьрийе жи әwана жь селаве хьлаз бун. Әм гьшк рʹькʹьнйата wи нә, у әм гәрәке рʹази бьн кӧ Нӧһ у малбәта wи гӧрʹа Хwәде кьрьнә у жь һәвалед хьраб дур бунә. Мәсиһийед ԛьрʹна йәкеда жи ӧса бун. Wана һәвалти нәдькьр тʹәви wан, йед кӧ Йаһоwа һʹьз нәдькьрьн. Wана гӧрʹа Йаһоwа кьр, ләма жи чахе сала 70 Д.М. Оршәлим һатә һьлшандьне, әwана хьлаз бун (Луԛа 21:20-22). w15 1/8 4:​17, 18

Нә һʹәму щурʹә һесабун кʹаре йан рʹьһʹәтийе тиньн, йан жи ԛәwате дьдьнә мәрьва. Әм ӧса жи гәрәке wәʹде хwә зәʹф хәрщ нәкьн сәр һесабуне. Ле исафа мә ча али мә дькә, кӧ әм ша бьн у ләзәте бьвиньн жь һесабуне, кʹижан кӧ Йаһоwа ԛәбул дькә? Кʹьтеба Пироз пешда дьбежә, кӧ әм гәрәке мьԛабьли «кьред бьнйатʹа инсен» бьн. Дькʹәвә нава wан кьра «бенамуси, һʹәрами, толти, пʹутпʹарьсти, пирәсерти, нәйарти, шәʹр-дәʹw, һʹәвсуди, һерскʹәтьн, һәврʹькʹи, дӧтирәти, щӧдәти, чʹәʹве хьраб, меркӧжи, сәрхwәш, кучʹьксанти у чь кӧ мина ван ьн». Паwлос ньвиси кӧ «йед ван тьшта дькьн, Пʹадшатийа Хwәде wар набьн» (Галт. 5:19-21). Әм дькарьн пьрсе бьдьнә хwә: «Гәло исафа мьн али мьн дькә, кӧ әз хwә дур бьгьрьм жь wан спорта кʹижанада һәйә зорбәти, һʹӧщәти, у кʹижан кӧ фьрԛийе дькә орʹта мьләта? Исафа мьн, мьн дьдә сәкьнандьне, чахе бал мьн хwәстьн пешда те, кӧ бьньһерʹьм wан филма кʹижанада бенамуси һәйә, йан жи һелан дькьн кӧ бенамусийе, сәрхwәшбуне йан сербазийе бькьн?» w15 1/9 2:11, 12

Кʹьтеба Пироз мәрʹа әʹйан дькә, кӧ Хwәде әм бь wе изьне нә әʹфьрандьнә, wәки әм хwәха хwәрʹа сафи кьн, кӧ чь йә баш у чь йә хьраб. Чьмки Йаһоwа занә бона мә чь һе баш ә. Һәрге әм фәʹм кьн, кӧ һʹӧкӧмти тʹәне Хwәдерʹа дькʹәвә у гӧрʹа wи бькьн, әме бькарьбьн әʹдьлайеда бьжин у ләзәте бьвиньн жь жийина хwә. Йаһоwа рʹастийа фәрз мәрʹа әʹйан кьрийә, чьмки әw мә һʹьз дькә. Баве бь һʹьзкьрьн дәрһәԛа ахьрийа зарʹед хwә хәм дькә. Әw дьхwазә, кӧ әwана бәхтәwар бьн. Йазьх, иро һʹәчʹи зәʹф мәрьв бәрхwәдькʹәвьн, кӧ ахьри wе ча бә, у гәләк жи тʹәмамийа әʹмьре хwә тʹәне дьхәбьтьн бона wан тьшта, чь кӧ wәдәлу нә (Зәб. 90:10). Әм чьԛас жь Йаһоwа Баве хwә рʹази нә, кӧ әw нә кӧ тʹәне мә һин дькә кӧ әм чаwа ньһа жь әʹмьре хwә ләзәте бьвиньн, ле ӧса жи соз дайә бона ахьрийа пьр баш! w15 1/9 4:​10, 11

Бәре, мәщала гәләк мәрьва һәбу, кӧ бьвиньн у бьбьһен кӧ чаwа Хwәде али щьмәʹта хwә дькә. Йаһоwа кʹәрәмәт дькьр, сәва кӧ щьмәʹта хwә жь Мьсьре аза кә у гәләк пʹадшед дь Әʹрде Создайида кʹӧта кьр (Йешу 9:3, 9, 10). Дьжмьне Исраелийа кʹӧта бун, чьмки wана нәхwәст баwәр кьн, кӧ Йаһоwа бона щьмәʹта хwә шәрʹ дькә. Мәщала Аһаб Пʹадшайе зӧлм жи һәбу, кӧ гәләк щар дәсте Хwәде бьвинә. Елйас Йаһоwарʹа дӧа кьр, у Йаһоwа щаба дӧайе wи да бь агьре жь әʹзмана. У Аһаб жи әв йәк дит. Паше, Елйас Аһабрʹа гот кӧ Йаһоwа wе ӧса бькә, кӧ әʹрд ида һʹьшк нәбә, ле дәwсе барана ԛайим бьшинә (1 Падш. 18:22-45). Аһаб әw һʹәму кʹәрәмәт дит, ле диса жи нәдьхwәст баwәр кьра кӧ әwи ԛәwата Йаһоwа дит. Әм чь һин дьбьн жь wан мәсәла? Дь жийина хwәда, әм гәрәке тʹьме дәсте Йаһоwа бьгәрʹьн. w15 1/10 1:​4, 5

Һәрге әм принсипед Йаһоwа дьԛәдиньн, әм гәрәке тʹӧ щар дӧдьли нәбьн, кӧ әw wе али мә бькә. Ле әм гәрәке тәʹне баwәрийа хwә Wи биньн, кʹижан кӧ бь рʹастийе дькарә али мә бькә. Паwлос тинә бира мә, кӧ Хwәде әw ә, «йе кӧ дькарә һәр тьшти һе зедә кә, нә чаwа әм дьхwазьн йан дьфькьрьн, бь wе ԛәwата кӧ нава мәда дьхәбьтә» (Әфәс. 3:20). Хьзмәткʹаред Йаһоwа чьԛас дькарьн һʹәму тьшти дькьн, сәва кӧ ԛьрара Хwәде биньн сери. Ле әwана заньн кӧ ԛәwата wан бь синор ә. Әм чьԛас рʹази нә, кӧ Хwәде тʹәви мә йә у кӧ әw мә кʹәрәм дькә. Гәло һәрге әм һиви кьн жь Хwәде кӧ баwәрийа мә зедә бә, әw wе али мә бькә? Йаһоwа соз дьдә мә, кӧ чахе «әм тьштәки ль гора хwәстьна wи же бьхwазьн», әw wе бьдә мә (1 Йуһʹн. 5:14). Һәрге әм бь тʹәмами итʹбарийа хwә Йаһоwа биньн, әw wе мә кʹәрәм кә. Чахе әм жь wи бьхwазьн кӧ һе зедә баwәрийа мә һәбә, баwәрийа мә wе һе ԛәwи бә, у әме «һежайи Пʹадшатийа Хwәде бьн» (2 Тʹеслн. 1:3, 5). w15 1/10 2:​16-​18

Һәрге әм бьфькьрьн дәрһәԛа Йаһоwа у Иса әw йәк wе али мә бькә бьбьнә Мәсиһийед гьһишти у баwәрийа хwә ԛәwи хwәй кьн (Ибрн. 5:14; 6:1). Әw мәрьве кӧ гәләк һьндьк дьфькьрә дәрһәԛа Хwәде, ахьрийеда wе һеди-һеди һәләԛәтийа хwә тʹәви Йаһоwа ӧнда кә, у һәла һе wе жь рʹийа рʹастийе жи дәре (Ибрн. 3:12). Иса пешда гот кӧ һәрге әм «бь дьле сах» гӧһ нәдьнә Хәбәра Хwәде йан жи ԛәбул нәкьн, әме нькарьбьн Хәбәра Wи дьле хwәда хwәй кьн. Дәwсе, әме «хәмед дьнева, дәwләт у шабуна ви әʹмьрива» мьжул бьн (Луԛа 8:14, 15). Дә wәрен әм бәрдәwам кьн бьфькьрьн сәр Кʹьтеба Пироз у бь wе йәке Йаһоwа һе рʹьнд нас кьн. Чьмки әw йәк wе мә һелан кә кӧ бь тʹәмами чʹәʹв бьдьнә wи, у һӧнӧред wи бал хwә пешда биньн (2 Корн. 3:18). Әм дькарьн бәрдәwам кьн һе зедә пебьһʹәсьн дәрһәԛа Баве хwәйи әʹзмана у һʹәта-һʹәтайе чʹәʹв бьдьнә wи. Рʹасти жи ви ԛәдьри зедәтьр чь һәйә! (Wаиз 3:11). w15 1/10 4:​13, 14

Чаwа де-бав, һьлбәт һун дьхwазьн кӧ зарʹед wә тʹәви Йаһоwа тʹьме незик бьн. Йаһоwа дьхwазә кӧ һун wана һин кьн у ширәт кьн. У әw борщдари әwи дайә wә (Әфәс. 6:4). Ләма жи һун гәрәке баwәр бьн, кӧ һәла зарʹед wә әwе һинкьрьне тʹьме дьстиньн йан на. Бьфькьрьн сәр ве мәсәле: Һун заньн кӧ зарʹед wә ләма дьчьнә мәкʹтәбе, чьмки фәрз ә кӧ әwана хwәндьне бьстиньн, у һун дьхwазьн кӧ әwана тьштед тәʹзә һин бьн. Ӧса жи, һун заньн кӧ чьрʹа зарʹед wә тенә сәр щьвате, щьватед мәзьн у ԛӧльхкьрьна тʹәви малбәте. Һун фәʹм дькьн кӧ һинбуна жь Йаһоwа дькарә әʹмьре wан хьлаз кә. Ләма жи, һун гәрәке али wан бькьн кӧ әwана бьхwазьн Йаһоwа нас кьн, у фәʹм кьн кӧ әw дькарә wана һин кә кӧ билан бьн. Ӧса жи зарʹед хwә һин кьн, кӧ тʹьме һәрʹьнә хьзмәтийе. Чʹәʹв бьдьнә Иса ве йәкеда, кӧ али зарʹа бькьн, wәки әwана Хәбәра Хwәде мәрьва һин кьн у шабуне бьстиньн. w15 1/11 2:6

Йаһоwа сафи кьрийә кӧ кʹе гәрәке сәре малбәте бә. Йаһоwа дьхwазә wәки сәре малбәте бь һʹьзкьрьн бә у тʹӧ щар сәрт нибә. Рʹаст ә мер сәре жьне йә, ле Кʹьтеба Пироз дьбежә кӧ мер гәрәке ԛәдьре жьне бьгьрә (1 Пәт. 3:7). Мер ча дькарә әве йәке бькә? Әw гәрәке дина хwә бьдә сәр һʹәwще жьна хwә у готьна wе һьлдә һʹәсаб. Кʹьтеба Пироз дьбежә: «Мерно, жьнед хwә һʹьз бькьн, чаwа кӧ Мәсиһ щьвин һʹьз кьр у жийина хwә бәр wева да» (Әфәс. 5:25). Чахе мер мина Иса ча сәри бь һʹьзкьрьн ә, һьнге жьнерʹа һеса йә кӧ ԛәдьре wи у сафикьрьна wи бьгьрә (Тито 2:​3-5). w15 1/11 4:​6, 7

Чахе мьзгин дьһатә бәлакьрьне, гәләк Мәсиһийа сәр зьмане Йунани хәбәрдьдан, нә кӧ бь зьмане Ибрани. Чьмки wи чахи зьмане Йунани бәлабуйи бу, ләма кʹьтеба Мәтта, Марԛос, Луԛа у Йуһʹәнна бәла бун сәр зьмане Йунани. Ӧса жи нәмед Паwлос у кʹьтебед дьн йе Кʹьтеба Пироз һатьнә ньвисаре сәр зьмане Йунани. Һәwас ә, кӧ чахе ньвискʹаред Ньвисаред Йунани рʹезед жь Ньвисаред Ибрани wәдькʹьландьн, wана гәләк щар «Септуагинт» дьданә хәбате. Щара, әw рʹезед wәкʹьланди һьнәки щӧдә дьбун жь орижинала зьмане Ибрани. У әw хәбат кӧ wәлгәред нәкʹамьл кьрьнә, буйә пʹарәкә Хәбәра Хwәде кӧ щәм мә иро һәйә. Әw йәк мә һин дькә кӧ Йаһоwа фьрԛийе накә ортʹа зьмана йан култура (Кʹар. Шанд. 10:34). w15 1/12 1:​8, 9

Щара һе баш ә кӧ хәбәрнәдьн. Кʹьтеба Пирозда ньвисар ә кӧ «wәхта һьшбуне һәйә» (Wаиз 3:7). Мәсәлә, чахе кәсәк хәбәрдьдә әм гәрәке хwә кәр кьн, бь ве йәке әм ԛәдьр дьдьн кʹьфше һьндава wи кәси (Иб. 6:24). Ӧса жи әм гәрәке дәрһәԛа тьштед хwәйә шәхси хәбәрнәдьн, кʹижан кӧ нә лазьм ә йед майин бьзаньбьн (Мәтʹлк. 20:19). У чахе кәсәк һерса мә тинә, wе бь биланти бә һәрге әм хwә рʹьһʹәт хwәй кьн у тʹӧ тьшти нәбежьн (Зәб. 4:4). Ле ӧса жи һәйә wәʹдә кӧ лазьм ә хәбәрдьн (Wаиз 3:7). Мәсәлә, чахе Йаһоwа рʹумәт дькьн, йед майин ԛәwи дькьн, йан әʹйан дькьн кӧ чь сәр хwә тʹәхмин дькьн, йан жи дьбежьн кӧ әм һʹәwще чь нә. Һәрге әм пʹешкʹеша хәбәрдане кӧ жь Хwәде йә бь ви щурʹәйи бьдьн хәбате, бь ве йәке әме рʹазибуна хwә Йаһоwарʹа бьдьнә кʹьфше. Чахе, һәвале мә пʹешкʹешәкә рʹьнд дьдә мә, әм дьхwазьн әве пʹешкʹеше рʹаст бьдьн хәбате. w15 1/12 3:​4, 5

Иро, жь хушк-бьред мә тʹӧ кәс нькарә кʹәрәмәта бькә у мә ԛәнщ кә (1 Корн. 12:9). Ле чьмки әwана дьхwазьн али мә бькьн, һьнәк жь wан дьбәкә ширәте дьдьнә мә, щара wи чахи жи һәрге мә жь wан нәхwәстийа. Һьлбәт, һьнә ширәт бехоф ьн. Мәсәлә, Паwлос Тимотʹейорʹа ширәт да кӧ һьнә шәрав вәхwә. Проблема Тимотʹейо йа зьква гьредайи һәбу, чьмки дьбәкә әwи ава нәтʹәмьз вәдьхwар. Ле әм гәрәке фәсал бьн чахе мәрʹа ширәта дьдьн дәрһәԛа сьһʹәт-ԛәwате. Мәсәлә, дьбәкә бьра йан хушкәк мәрʹа бежә кӧ әм дәрманәки йан пʹьнщарәке бьхwьн, йан кʹижан хwарьне бьхwьн йан жи кʹижане нәхwьн. Әw дькарә мәрʹа бежә кӧ әwе йәке али нәфәре мала wи кьрийә, проблема кʹижани ӧса бу ча йа мә. Ле әw найе һʹәсабе кӧ әw йәк wе али мә жи бькә. Рʹаст ә иро гәләк мәрьв дәрмана йан щурʹе ԛәнщкьрьне дьдьнә хәбате, ле әм гәрәке бир нәкьн, кӧ әw дәрман йан ԛәнщкьрьн дькарә зийане бинә (Мәтʹлк. 27:12). w15 1/12 4:​13

Чьмки гӧнә дәрбази мә буйә, ләма әм дьмьрьн (Рʹом. 5:12). Ләма Йаһоwа Кӧрʹе хwә Иса, бь һʹьзкьрьне шандә сәр әʹрде, сәва кӧ «бона һʹәмуйа мьрьн бьдита» (Ибрн. 2:9). Йаһоwа нә кӧ тʹәне дькарә әʹмьре мә хьлаз кә, чаwа кӧ мәсәла жореда һатә гьликьрьне. Ле әwи ӧса бь сайа ԛӧрбана Иса һʹим дани, сәва кӧ мьрьне бьдә һьлдане һʹәта-һʹәтайе (Иша. 25:7, 8; 1 Корн. 15:22, 26). Мәрьвед кӧ гӧмана wан жийина сәр әʹрде йә, wе һʹәта-һʹәтайе бьн Пʹадшатийа Хwәдеда бьжин. Ле йед рʹункьри wе Пʹадшатийа Хwәдеда тʹәви Иса Пʹадшатийе бькьн (Рʹом. 6:23; Әʹйан. 5:9, 10). Әw пʹешкʹеша жь Йаһоwа диса кʹижан кʹәрәма тинә? Пʹешкʹеша Йаһоwада ӧса жи әw ә, кӧ әw wе һʹәму нәхwәшийа бьдә һьлдане, дьнйайе бькә щьнәт, у мьрийа рʹакә (Иша. 33:24; 35:5, 6; Йуһʹн. 5:28, 29). Әм Йаһоwа у Кӧрʹе wи гәләк һʹьз дькьн, у әwе пʹешкʹеша кӧ «найе готьн» гәләк ԛимәт дькьн (2 Корн. 9:15). w16.01 2:​5, 6

Пешийа кӧ Йаһоwа рʹункьри кʹьфш кьрана, әwана һивийе бун кӧ бьжин һʹәта-һʹәтайе сәр әʹрде. Әwана һивийа wи wәʹдәйи бун чахе Йаһоwа әʹрде бькә щьнәт у һʹәму зӧлмийе кʹӧта кә. Дьбәкә wана дьда бәр чʹәʹве хwә, кӧ чаwа щьнәтеда рʹасти мәрьвед хwәйи незик тен кӧ жь мьрьне рʹабунә. У дьбәкә һивийа wи wәʹдәйи бун кӧ бь дәсте хwә мале чекьн у теда бьжин, хwарьна баш бьхwьн йа кӧ wе хwәха бьчиньн (Иша. 65:21-23). Ле чьрʹа дьшьрмишбуна wан һатә гӧһастьне? Мәʹни әw нинә кӧ гӧмана сәр әʹрде wан хwәш нәһат. У нә жи жь бо чәтьнайа йан кӧл-дәрда wана фькьред хwә гӧһастьн. Нә жи жь бо ве йәке кӧ wана ньшкева тʹәхмин кьрьн, wәки жийина һʹәта-һʹәтайе сәр әʹрде wе баргьрани бә, йан жи кӧ әwана дьхwазьн бьвиньн һәла жийина сәр әʹзмана чь щурәйи йә. Бь рʹастийе, рʹӧһʹе Хwәдейи пироз сәр wан һʹӧкӧм дькә у дьшьрмишбун у гӧмана wан дьгӧһезә. w16.01 3:​11, 13

Йаһоwа Хwәдайе Һьмзор, Әʹфьрандаре һәму тьшти йә, у билани у ԛәwата беһʹәсаб тәне йа Wи йә. Чахе Йаһоwа али Ибо кьр кӧ әwе йәке фәʹм кә, Ибо гьлийед ӧса wира гот: «Тӧ дькари һәр тьшти бьки, әз пе дьзаньм у мьразәки тә жи найе сәкьнандьн» (Иб. 42:2). Әм заньн кӧ Йаһоwа дькарә бе аликʹарийа тӧ кʹәси, бинә сери һәр тьшти чь кӧ әw бьхwазә бькә. Ле жь бо һʹьзкьрьне әw йед дьнена тʹәглиф дькә кӧ тәви wи бьхәбьтьн, сәва кӧ ԛьрара wи бе сери. Әʹфьрине Хwәдейи пешьн, Кӧрʹе wи бу. Йаһоwа изьн да Кӧре хwә, wәки дь әʹфьрандьна һәр тьштед дьнда әw али wи бькә (Йуһʹн. 1:1-3, 18). Йаһоwа нә кӧ тʹәне ԛәдьрәки мәзьн да Кӧрʹе хwә кӧ әʹфьрандьнеда кар бькә, ле әwи ӧса жи рола wийә фәрз йед дьненарʹа әʹйан кьр (Колс. 1:15-17). w16.01 5:​1, 2