Мьждар

Чахе әм дьхуньн кӧ Бьраһим бу «каләки әхтйар, жь әʹмьре хwә тʹербуйи», әw найе һʹәсабе кӧ Бьраһим ахьрийеда нәдьхwәст бьжита. Кʹьтеба Пироз дәрһәԛа Бьраһим дьбежә: «Әw һивийа wи бажаре хwәйирʹькʹьне мьԛәрʹм бу, йе кӧ әʹфьрандар у авакьре wе Хwәде йә» (Ибрн. 11:10). Һәла бьдьнә бәр чʹәʹве хwә кӧ Бьраһим wе чьԛас ша бә чахе Щьнәтеда бьжи у бәрдәwам кә достийа хwә тʹәви Йаһоwа ԛәwи кә! Чахе әw пебьһʹәсә кӧ паши мьрьна wи бь һʹәзара сала, мәсәла баwәрийа wи али хьзмәткʹаред Йаһоwа кьрийә, әw йәк wе чьԛас дьле wи бьгьрә! Щьнәтеда әw wе һәла һе жи пебьһʹәсә кӧ чахе әwи дьхwәст кӧрʹе хwә Исһаԛ бькьра ԛӧрбан, әw йәк «сурәта» йане сийа тьштәки гьринг дьһатә һʹәсабе (Ибрн. 11:19). У әw wе ӧса жи пебьһʹәсә wәки әв еша кӧ әwи дит чахе кӧрʹе хwә Исһаԛ гәрәке бькьра ԛӧрбан, ча али милйона мәрьвед амьн кьрийә, кӧ әwана фәʹм кьн әwе еша Йаһоwа, чахе әwи кӧрʹе хwә Иса Мәсиһ чаwа кʹьрин да (Йуһʹн. 3:16). w16.02 1:​15, 16

Амьнийа мә һьндава Йаһоwа дькарә бе щерʹьбандьне, чахе кәсәк һӧкӧме кʹе жи һәйә нәһәԛийе мә дькә. Йонатʹан һәма рʹасти чәтьнайикә ӧса һат. Шаwул Пʹадша кӧ жь Хwәде кʹьфшкьри бу, заньбу wәки кӧрʹе wи тʹәви Даwьд һәвалтийе дькә, ле фәʹм нәдькьр кӧ чьрʹа кӧрʹе wи тʹәви Даwьд һәвалтийе дькә. Ләма Шаwул сәр Йонатʹан һерс кʹәт у wи беһӧрмәт кьр. Ле йәкә Йонатʹан щаба баве хwә нәда. Һьн жи әw Хwәдерʹа амьн ма, у ӧса жи Даwьдрʹа, кʹижан кӧ гәрәке бьбуйа пʹадше Исраеле (1 Сам. 20:31-41). Дь щьвата щьмәʹта Йаһоwада, һʹәзара-щарәке дьбәкә бьԛәwьмә кӧ кәсәк нәһәԛийе мә бькә. Ле әwед кӧ щьватеда щабдар ьн, мәрьвнә гӧнәкʹар ьн у дьбәкә кьред мә нәрʹаст фәʹм кьн (1 Сам. 1:13-17). Һәрге ӧса бьԛәwьмә, демәк кәсәк мә рʹаст фәʹм накә йан бь нәһәԛи мә сущдар кә, wәрә әм амьнийа хwә һьндава Йаһоwа хwәй кьн. w16.02 3:​14, 15

Һьнә щаһьл дьбәкә рʹаст фәʹм накьн фьрԛийа ортʹа тʹәсмилбуйине у ньхӧмандьне. Мәсәлә, һьнә щаһьл дьбежьн кӧ wана ида хwә тʹәсмили Йаһоwа кьрийә, ле йәкә һе һазьр ниньн кӧ бенә ньхӧмандьне. Гәло әw йәк рʹаст ә? Чахе мәрьв хwә тʹәсмили Йаһоwа дькә, әw те һʹәсабе кӧ әw Йаһоwарʹа соз дьдә, wәки wирʹа һʹәта-һʹәтайе хьзмәт кә. Ле чахе мәрьв те ньхӧмандьне, әw һʹәмушкарʹа әʹйан дькә кӧ әwи ида дӧайе хwәда хwә тʹәсмили Йаһоwа кьрийә. Ләма, чахе тӧ тейи ньхӧмандьне, тӧ гәрәке баwәр би кӧ тӧ фәʹм дьки тʹәсмилкьрьн чь те һʹәсабе. Чахе тӧ хwә тʹәсмили Йаһоwа дьки, тӧ хwә инкʹар дьки. Тӧ Йаһоwарʹа соз дьди кӧ ԛьрара wи wе жийина тәда сәр щийе пешьн бә. Бәле, әм гәрәке сәр һәр сози фәсал бьньһерʹьн, ле илаһи чьԛас фәрз ә бона мә созе кӧ мә Йаһоwа Хwәдерʹа дайә! (Мәт. 5:33). w16.03 1:​14, 15

Паwлос мәсәлә ани дәрһәԛа бәдәне, сәва бьдә кʹьфше кӧ һәр Мәсиһи дькарә щьватеда йәктийе хwәй кә, кʹидәре Иса Мәсиһ рʹебәрийе дькә. Паwлос ӧса жи гьли дькә дәрһәԛа һәвкʹарийа һәр «севька», кʹижан кӧ гәләк лазьм ьн (Әфәс. 4:16). Ле ча һәр кәс жь мә, фьрԛи тʹӧнә щаһьл йан мәзьн, ԛәwи йан сьст, дькарә йәктийе бькә щьвате? Әме бькарьбьн, һәрге әм ԛәдьре wан дьгьрьн, йед кӧ Иса кʹьфш кьр, сәва әwана щьватеда рʹебәрийе бькьн. Әw һәнә рʹуспи (Ибрн. 13:7, 17). Рʹаст ә щарна әw йәк чәтьн ә. Ле әм дькарьн жь Хwәде рʹебәрийе һиви кьн. Рʹӧһʹе wийи пироз дькарә али мә бькә кӧ бь дьл у щан аликʹарийе бьдьн щьвате. Һәрге һʹәwаса мә тʹӧнә кӧ пәй рʹебәрийе һәрʹьн кʹижан кӧ әм щьватеда дьстиньн, әм гәрәке бьфькьрьн һәрге әм бь мьлукти һәвкʹарийе бькьн, әме йәктийе бькьнә щьвате. Хенщи wе йәке, һәвкʹарийа ӧса али мә бькә кӧ һʹьзкьрьна хwә һе мәзьн кьн. w16.03 3:​8, 9

Һьнә бьра чахе щаһьл бунә, де-баве wан әwана һелан нәкьрьнә wәки нетед рʹӧһʹани дайньн пешийа хwә. У ӧса ԛӧльхкьрьна Йаһоwарʹа дь әʹмьре wанда тʹӧ щар сәр щийе пешьн нибу (Мәт. 10:24). Ләма жи рʹуспи гәрәке wәʹдә бьвинә wәки wи бьрайирʹа, кʹижан кӧ әw дьхwазә һин кә, бьбә һәвал. Әw гәрәке wи һин кә сәва щьватеда щабдарийа һьлдә сәр хwә у wи бьдә фәʹмкьрьне wәки әw щьватерʹа лазьм ә. Паше, wәʹдә дәрбаз бә, рʹуспи гәрәке тʹәви wи рʹуне у хәбәр дә дәрһәԛа wан рʹезед жь Кʹьтеба Пироз, йед кӧ дькарьн али wи бькьн wәки әw бьфькьрә дәрһәԛа тʹәсмилбуйина хwә Йаһоwарʹа (Wаиз 5:4; Иша. 6:8; Мәт. 6:24, 33; Луԛа 9:57-62; 1 Корн. 15:58; 2 Корн. 5:15; 13:5). Рʹуспи дькарә дьле wи бькʹьрʹә һәрге жь wи бьпьрсә: «Тә чахе әʹмьре хwә тʹәсмили Йаһоwа кьр, тә чь соз дабу wи? Ча тӧ дьшьрмиш дьби, Йаһоwа чь тʹәхмин дькьр чахе тӧ һати ньхӧмандьне?» (Мәтʹлк. 27:11) «Ле Шәйтʹан чь тʹәхмин дькьр?» (1 Пәт. 5:8) Пьрсед ӧса дькарьн гәләк керһати бьн у кʹур һʹӧкӧм бьн сәр дьле бьра. w15 1/4 2:​9, 11

Чьрʹа щара Йаһоwа дәрберʹа щаба дӧайед мә надә? Кʹьтеба Пироз дьбежә кӧ Йаһоwа баве мә йә, ле әм зарʹед wи нә (Зәб. 103:13). Мәсәлә, бав һʹәму тьшти надә зарʹа хwә чь кӧ әw дьхwазә, йан жи һәма дәрберʹа наде. Бав занә кӧ зарʹ дькарә ньшкева тьштәки бьхwазә, ле паше ида нә жи бьхwазә. Щара бав хwәстьна зарʹе ԛә найнә сери, чьмки занә wәки әw йәк кʹаре найнә нә зарʹерʹа на жи мәрьвед дьнрʹа. Әw занә зарʹа wи һʹәwще чь йә у кʹәнге гәрәке бьстинә. Һәрге бав дәрберʹа бьдә зарʹе чь кӧ әw дьхwазә, ӧса wе бав зарʹерʹа бьбә хӧлам. Йаһоwа баве мәйи ль әʹзмана, мә һʹьз дькә. Чаwа Әʹфьрандаре билан, әw занә чь мәрʹа лазьм ә у әw сафи дькә кӧ кʹәнге һе баш ә бьдә мә чь кӧ мә жь wи хwәстийә. Йа лапә баш әw ә кӧ әм һивийе бьн у бьвиньн щабед Йаһоwа сәр дӧайед мә (Иша. 29:16; 45:9). w15 1/4 4:​6, 7

Хьлазийа ве дьнйайе незик ә, у ләма жи әм дьжин wәʹдеки гьрингда. Шәйтʹан дьхwазә wәки әм дәрһәԛа хwә дьшьрмиш бьн, у дьхwазә дина мә бьдә сәр wә йәке, кӧ әм ве дьнйайеда пешдачуйи бьн. Әw дьхwазә wәки әм бир кьн, кӧ әм дьжин рʹожед ахьрийеда, у ида һʹьшйар нибьн. Изьне нәдьн wәки ӧса бе сәре wә! Дәwсе, «һʹьшйар бьминьн» (Мәт. 16:22, 23; 24:42). Тʹӧ щар баwәр нәкьн дәрәwа Шәйтʹан wәки хьлази һе дур ә йан жи wе нәйе. Шәйтʹан дьхwазә wәки әм баwәр кьн, кӧ әм һежайи һʹьзкьрьна Йаһоwа ниньн, у wәки Хwәде тʹӧ щар wе гӧне мә нәбахшинә. Ле әw йәк дәрәwед Шәйтʹан ньн. Һәла дьшьрмиш бьн, кʹе бь рʹастийе һежайи һʹьзкьрьна Йаһоwа нинә? Әw һәйә Шәйтʹан. Әw кʹе йә кӧ Хwәде wе тʹӧ щар нәбахшине? Әw хwәха Шәйтʹан ә. Ле бона мә, Кʹьтеба Пироз дьбежә: «Хwәде сәр нәһәԛийе нинә, wәки кьред wә у әw һʹьзкьрьна кӧ wә бона наве wи да кʹьфше бир бькә» (Ибрн. 6:10). Йаһоwа дьшекьринә һʹәму тьшти чь кӧ әм дькьн wәки wи ша кьн, у ԛӧльхкьрьна мә бона wи тʹӧ щар нәһежа нинә (1 Корн. 15:58). Ләма жи тʹӧ щар нәхапьн жь дәрәwед Шәйтʹан. w15 1/5 1:​16-​19

Бьраһим заньбу wәки Йаһоwа бәреда тʹьме созед хwә дьани сери. Ләма жи әw баwәр бу wәки һʹәму созед Йаһоwа ахьрийеда жи wе бенә сери. Бьраһим баwәр дькьр чь кӧ Хwәде соз дабу wи. Ләма жи Йаһоwа чь wирʹа дьгот, әwи тʹьме дькьр. Мәсәлә, әwи мала хwә дь шәһәре Урда һишт, у тʹәмамийа әʹмьре хwә жь щики дәрбази щийе дьн дьбу. Әwи заньбу кӧ әw бажаред дор бәр wәʹдәлу нә, чьмки сәрwеред wан Йаһоwарʹа ԛӧльх нәдькьрьн (Йешу 24:2). Дәwсе, әw һивийа wи wәʹдәйи бу, чахе Йаһоwа у сәрwертийа wи һʹәта-һʹәтайе сәр әʹрде һʹӧкӧм кьн. Әw сәрwерти һәйә «бажаре бьнгәһа wи . . . йе кӧ авакʹар у чекәре wи Хwәде йә» (Ибрн. 11:10, ИМ). Бьраһим ӧса жи Һабил, Һәнох, Нӧһ, у йед дьн сахбуна мьрийа баwәр дькьрьн. Һәр щар, чахе әwана дьшьрмиш дьбун дәрһәԛа әʹмьре баш һʹәта-һʹәтайе сәр әʹрде, баwәрийа wана һьндава Йаһоwа һе ԛәwи дьбу (Ибрн. 11:15, 16). w15 1/5 3:​8, 9

Йаһоwа ԛәwата хwә бь Иса Мәсиһ нишан кьр. Чахе Иса ль сәр әʹрде бу, әwи кʹәрәмәт дькьрьн. Әм дькарьн әwан кʹәрәмәта дь Кʹьтеба Пирозда бьхуньн, у әw дькарьн баwәрийа мә ԛәwи кьн (Мәт. 9:35; Луԛа 9:11). Рʹасти жи, Йаһоwа ԛәwатәкә мәзьн дайә Иса, у ләма Паwлосе шанди дькарьбу бьгота кӧ: «Мәсиһ ә, ԛәwата Хwәде». Пәтрусе шанди гот wәки Иса гәләк кʹәрәмәта дькьр (Кʹар. Шанд. 2:22). Әм чь һин дьбьн жь wан кʹәрәмәта? Әм һин дьбьн кӧ Иса wе чь бькә wәʹде Һʹәзарсалийа Пʹадшатийа хwә. Кʹәрәмәтед wи ӧса жи али мә дькьн, wәки әм рʹьнд фәʹм кьн һʹӧнӧред wи у Баве wи. w15 1/6 1:​1, 2

Иса заньбу кӧ Йаһоwа әw жьньк ԛәнщ кьр, у ләма әwи бь дьлшәwати жерʹа гот: «Әʹвде! Баwәрийа тә тӧ ԛәнщ кьри. Бь хер у сьламәт һәрʹә у жь еша хwә ԛәнщ бә» (Марк 5:34). Гәләк мә дьлгәрм дькә әw йәк, кӧ Иса чаwа бу һьндава мәрьва, илаһи һьндава мәрьвед нәхwәш. Әw щӧдә дьбә жь Шәйтʹан, кʹижан кӧ дьхwазә мә бьдә баwәркьрьне, кӧ әм тʹӧ тьшт ниньн у тʹӧ кәс мә һʹьз накә. Ле кʹәрәмәтед Иса избат дькьн, кӧ Иса бь рʹастийе жи дәрһәԛа мә у проблемед мә хәм дькә. Әм гәрәке гәләк рʹази бьн чьмки Пʹадшайе мәйи ӧса һәйә, кʹижан кӧ мә һʹьз дькә! (Ибрн. 4:15) Мәрʹа дькарә чәтьн бә кӧ фәʹм кьн һʹале мәрьвед нәхwәш, илаһи һәрге әм нәхwәш ниньн. Ле һәла бьфькьрьн дәрһәԛа Иса. Әw дьлшәwат бу һьндава мәрьвед нәхwәш, ле йәкә хwәха тʹӧ щар нәхwәш нибу. Wәрен әм жи һʹәму тьшти бькьн, сәва кӧ чʹәʹв бьдьнә мәсәла Иса (1 Пәт. 3:8). w15 1/6 2:​11, 12

Гәләк ԛәдьрәки мәзьн ә әw йәк, кӧ әм заньн наве Хwәде, у кӧ әм «наве wи һьлдьнә сәр хwә» (Кʹар. Шанд. 15:14; Иша. 43:10). Әм дӧа дькьн Хwәдерʹа «Наве тә пироз бә», демәк wәки наве wи һӧрмәт бә (Мәт. 6:9). Дӧакьрьнеда, әм ӧса жи жь Йаһоwа һиви дькьн, кӧ али мә бькә wәки әм тьштәки ӧса нәкьн у нәбежьн, кӧ наве wи беһӧрмәт кьн. Әм гәрәке чʹәʹв нәдьнә һьнә мәсиһийед ԛьрʹна йәкеда, йед кӧ мәрьвед дьн һин дькьрьн, ле хwәха әw тьшт нәдькьрьн, чаwа кӧ рʹеза рʹожеда те готьне. Йаһоwа wе бь тʹәмами наве хwә пироз кә, чахе кʹӧта кә wан һʹәмушка, йед кӧ wи беһӧрмәт дькьн у ԛәбул накьн чаwа Сәрwере хwә (Һәзԛл. 38:22, 23). Wи чахи, мәрьв wе ԛәданди бьн у һәр кәс ль әʹзмана у сәр әʹрде wе Йаһоwа бьһʹәбинә у наве wийи пироз һӧрмәт кә. Ахьрийеда Баве мә wе «һәр тьштида әw бьбә Хwәдейе һәр тьшти» (1 Корн. 15:28). w15 1/6 4:​7, 10

Дь Ньвисаред Ибранида, хәбәра «бьнпʹи» ӧса жи һатә хәбьтандьне, чахе хәбәрдан дьчу дәрһәԛа пʹарьстгәһа бәре дь Исраеледа (1 Дир. 28:2; Зәб. 132:7). Әw пʹарьстгәһ бона Йаһоwа гәләк бәдәw у хwәш бу, чьмки әw щийе ԛӧльхкьрьн у һʹәбандьна рʹаст бу. У әw пʹарьстгәһ дьһатә хәбьтандьне, сәва кӧ сәр әʹрде Йаһоwа рʹумәт бә (Иша. 60:13). Ле иро чь йә щийе ԛӧльхкьрьн у һʹәбандьна рʹаст? Әw һәйә пʹарьстгәһа рʹӧһʹани, нә кӧ пʹарьстгәһа бь дәсте мәрьва авакьри. Пʹарьстгәһед бәре һаԛас Йаһоwа рʹумәт нәдькьрьн, чьԛас кӧ пʹарьстгәһа рʹӧһʹани рʹумәт дькә. Ле чь йә пʹарьстгәһа рʹӧһʹани? Әw пʹарьстгәһ те һʹәсабе һʹәму тьшт, чь кӧ Йаһоwа һазьр кьр у саз кьр бона һʹәбандьн у ԛӧльхкьрьна рʹаст. Бь сайа ве йәке, Йаһоwа мәрьварʹа рʹе вәдькә, кӧ бьбьнә дост у ԛӧльхкʹаред wи. Әw йәк һатә стандьне тʹәне бь сайа ԛӧрбанбуна Иса. Әw сазкьрьна Йаһоwа кʹәтә ԛәwате сала 29-да, чахе Иса һатә ньхӧмандьне у бу чаwа Сәрәккʹаһин дь пʹарьстгәһа Йаһоwайә рʹӧһʹанида (Ибрн. 9:11, 12). w15 1/7 1:​1-3

Иса wе wан хәлат кә кʹижан кӧ амьн бьн, ле йед нәамьн, әw wе диwана wан бькә (Мәт. 24:46, 47, 50, 51; 25:19, 28-30). Иса мәсәлә ани, сәва шьровәкә, кӧ әw йәк wе ча бьԛәwьмә. Әwи гот: «Гава Кӧрʹе Инсан тʹәви һʹәму мьлйакʹәта у рʹумәта хwәва бе, һьнге wе сәр тʹәхте хwәйи рʹумәте рʹуне һʹәму мьләт wе ль бәр wи бьщьвьн. Әwе wана жь һәв башԛә кә, чаwа шьван пез жь бьзьна вәдьԛәтинә. Әwе пез ль мьле хwәйи рʹасте бьдә сәкьнандьне, ле бьзьна ль мьле хwәйи чʹәпе» (Мәт. 25:31-33). Чь wе бьбә тʹәви пез у бьзьна? Әwана һәрдӧ жи wе бенә диwанкьрьне. Бьзьн, демәк мәрьвед нәамьн, wе ԛьр бьн сәр һʹәта-һʹәтайе. Ле пәз, демәк мәрьвед амьн, wе әʹмьре һʹәта-һʹәтайе бьстиньн (Мәт. 25:46). w15 1/7 2:​11, 12

Бь тʹәбийәти йә һәрге әм ша дьбьн бона хwарьне, зьман, културайе йан жи бона щийе кӧ әм мәзьн бунә. Ле гәло әм ӧса дьфькьрьн, кӧ чь әм һʹьз дькьн тʹьме һе баш ә, нә кӧ чь мәрьвед дьн һʹьз дькьн? Йаһоwа дьхwазә кӧ әм ша бьн бь тьштед щурʹә-щурʹә кӧ әwи әʹфьрандийә (Зәб. 104:24; Әʹйан. 4:11). Wәки ӧса нә, чьрʹа гәрәке әм бежьн, кӧ әw тьшт һе баш ә, нә кӧ йа щурʹе дьн? Йаһоwа дьхwазә, кӧ һʹәму щурʹә мәрьв дәрһәԛа wи пебьһʹәсьн, wи бьһʹәбиньн, у һʹәта-һʹәтайе бьжин (Йуһʹн. 3:16; 1 Тимтʹ. 2:3, 4). Чахе бьра фькьред хwә дьбежьн кʹижан кӧ жь фькьред мә щӧдә дьбьн, әм һазьр ьн гӧһ бьдьнә wан, һәрге әw фькьред wан пешбәри ԛьрара Йаһоwа ниньн. Һәрге әм ӧса дькьн, жийина мә гәләк һʹәwас ә у шабуне тинә, у әм йәктийеда ньн тʹәви хушк-бьра. Чаwа кӧ мә шеwьр кьр, әм накʹәвьнә нав шәрʹ-дәʹwе ве дьнйайе, чьмки әм Йаһоwарʹа у Пʹадшатийа wирʹа амьн ьн. Әм нә мина ве дьнйа Шәйтʹан ьн, чьмки әм нәфрʹәт дькьн ԛӧрʹәбуне у тʹәви мәрьва накʹәвьнә һʹӧщәте. Әм чьԛас гәләк рʹази нә жь Йаһоwа, кӧ әw мә һин дькә, кӧ әм әʹдьлайе у мьлуктийе һʹьз кьн! w15 1/7 3:​17, 18

Әм дькарьн бь гәләк щурʹа һʹьзкьрьна хwә һьндава Йаһоwа бьдьнә кʹьфше. Мәсәлә әм дькарьн Йаһоwарʹа бьдьнә кʹьфше кӧ әм wи һʹьз дькьн, чахе бь хирәт мәрьварʹа дәрһәԛа мьзгинийа Пʹадшатийе гьли дькьн (Мәт. 24:14; 28:19, 20). Әм ӧса жи дькарьн һʹьзкьрьна хwә һьндава Хwәде бьдьнә кʹьфше, чахе амьн дьминьн wәʹде щерʹьбандьна (Зәб. 84:11; Аԛуб 1:2-5). Ле һәрге щерʹьбандьнед мә гәләк чәтьн бьн, әм дькарьн баwәр бьн кӧ Йаһоwа дьвинә һʹале мә у wе али мә бькә, чьмки әw мә ԛимәт дькә (Зәб. 56:8). Һʹьзкьрьна мә һьндава Йаһоwа дькарә мә һелан кә, кӧ бьфькьрьн сәр һʹәму тьштед кӧ әwи әʹфьрандийә. Чахе әм бь дьл у щан Кʹьтеба Пироз леколин дькьн, әм әʹйан дькьн кӧ Йаһоwа у Хәбәра wи һʹьз дькьн. Әм Йаһоwарʹа тʹьме дӧа дькьн, чьмки әм wи һʹьз дькьн у дьхwазьн кӧ һәләԛәтийа хwә тʹәви wи ԛәwи кьн. У чахе әм дәрһәԛа кʹьрʹина wийә ԛимәт дьфькьрьн, һʹьзкьрьна мә һьндава wи һе ԛәwи дьбә (1 Йуһʹн. 2:1, 2). Әw тʹәне һьнә тьшт ьн, кӧ чаwа әм дькарьн әʹйан кьн, кӧ әм гәләк ԛимәт дькьн һʹьзкьрьна wи кӧ кʹӧта набә. w15 1/8 1:​6, 17, 18

Дьнйа тʹәзәда, щара дьбәкә мәрʹа сәбьркьрьн лазьм бә. Мәсәлә, әм дькарьн бьвиньн, кӧ чаwа һьнә мәрьв гәләк ша дьбьн, кӧ мәрьвед wанә незик у һәвалед wан жь мьрьне рʹабунә. Ле әм дьбәк һе һивийа рʹабуна мьрийед хwәйи һʹьзкьри бьн. Һәрге ӧса бә, гәло әме тʹәви wан мәрьва ша бьн у бь сәбьр бьн? (Рʹом. 12:15). Һәрге әм иро һин дьбьн, кӧ бь сәбьр һивийа созед Йаһоwа бьн, әw йәк wе али мә бькә кӧ дьнйа тʹәзәда жи бь сәбьр бьн. Әм ӧса жи дькарьн һин бьн бь сәбьр бьн, чахе фәʹмкьрьна рʹастийа Кʹьтеба Пироз те гӧһастьн. Гәло әм леколин дькьн әwан тьштед тʹәзә, у һәрге әм бь тʹәмами фәʹм накьн, әм сәбьр дькьн? Һәрге әре, дьнйа тʹәзәда wе мәрʹа һе һеса бә, кӧ сәбьр кьн һәр гав чахе Йаһоwа рʹебәрийед тʹәзә бьдә мә (Мәтʹлк. 4:18; Йуһʹн. 16:12). w15 1/8 3:​9, 10

Паwлосе шанди дьхwаст, кӧ Мәсиһийед дь Әфәседа гьһишти бьн. Әwи әwана һелан кьрьн кӧ баwәрийеда йәк бьн у бәрдәwам кьн пебьһʹәсьн дәрһәԛа Иса, сәва кӧ «бьбьнә мәрьвед гьһишти, хут wәкә бәжьн-бала Мәсиһ» (Әфәс. 4:13). Чахе Паwлос щьвата Әфәсирʹа нәʹмә ньвиси, ида чәнд сал бу кӧ әw щьват һәбу. Дь ве щьватеда гәләк Мәсиһи щерʹьбанди бун, демәк гьһишти, ле һәбун мәрьвед ӧса жи, кʹижанарʹа лазьм бу һәләԛәтийа хwә тʹәви Йаһоwа һе ԛәwи кьн. Иро жи ӧса нә. Гәләк хушк-бьред мә гәләк wәхт ә, кӧ Йаһоwарʹа ԛӧльх дькьн у бунә Мәсиһийед гьһишти. Ле ӧса жи щьватеда һәнә йед нәгьһишти. Мәсәлә, һәр сал бь һʹәзара мәрьв тенә ньхӧмандьне, ләма һьнәкарʹа һе лазьм ә кӧ бьгьһижьн (Колс. 2:6, 7). w15 1/9 1:​2, 3

Гәләк мәри тʹәхмин дькьн, кӧ ԛәwикьрьна бәдәне бона сьһʹәтԛәwата wан баш ә. Дьбәк тӧ жи тьштед физики дьки, йан жи спортева мьжул дьби у дьхwази, кӧ тʹәви кʹомәкә мәрийа әве йәке бьки. Ле ча тӧ дьфькьри, фьрԛи һәйә тʹәви кʹе wе йәкева мьжул дьби? Мәтʹәлок 13:20-да те готьне: «Кʹи кӧ тʹәви билана рʹе дьчә, wе бьбә билан, ле кʹаре кʹе тʹәви беаԛьла йә, wе зьраре кʹәвә», (ДТʹ). Демәк фәрз ә, кӧ әм исафа хwә кӧ бь Кьтеба Пироз һинкьри йә бьдьнә хәбате, чахе сафи дькьн тʹәви кʹе wәʹдә дәрбаз кьн, йан һеса бьн. Чьԛас wәхт тӧ хәрщ дьки бона һесабуне у wәʹдәдәрбазкьрьне? Тӧ щьвате, ԛӧльхкьрьне, у һинбуна Кʹьтеба Пироз датини щийе пешийе, йан һесабуне? Чь йә бона тә һе фәрз? Иса гот: «Бәре пешьн ль Пʹадшатийа Хwәде бьгәрʹьн у бькьн кӧ рʹастийа wи бьԛәдиньн у әw һʹәмуйе wәрʹа бенә дайине» (Мәт. 6:33). Чахе тӧ сафи дьки, кӧ wәʹде хwә ча дәрбаз ки, исафа тә тинә бира тә әwе ширәта Иса? w15 1/9 2:​13, 15

Чахе Йаһоwа дит кӧ Ԛайин бәр тʹәлькәкә ӧса нә, кӧ wе тьштәки гәләк хьраб бькә, әwи хwәст али Ԛайин бькә. Ԛайин аликʹарийа Йаһоwа инкʹар кьр, у әwи бәрен хьраб чьни (Дәстп. 4:11-13). Щарәке жи, Йаһоwа дит кӧ ньһерʹандьна Барукә нәрʹаст ӧса сәр Барук һʹӧкӧм дьбә, кӧ әw дьwәстә у дьлтәнг дьбә. У ләма Йаһоwа готә Барук, кӧ ньһерʹандьна хwәйә нәрʹаст бьгӧһезә. Барук гӧһ да ширәткьрьна Йаһоwа у бь wе йәке әw сах ма (Йерәм. 45:2-5). Йаһоwа рʹебәрийе дьдә мә у мә рʹаст дькә, чьмки әw мә һʹьз дькә. Әw нә кӧ тʹәне мә рʹаст дькә чахе лазьм ә, ле ӧса жи мә һʹин дькә (Ибрн. 12:6). Дь Кʹьтеба Пирозда әм дьхуньн дәрһәԛа ԛӧльхкʹаред амьн, кʹижан кӧ жь Йаһоwа һатьнә һинкьрьн кӧ бьбьнә мәрьвед һе баш. w15 1/9 4:​12, 13

Биланийа гибәонийа һатә кʹьфше чахе wана фәʹм кьр, wәки Йаһоwа бона Исраелийа шәр дькә. Рʹәхабе жи дәсте Йаһоwа дит. Рʹаст ә әw Исраели нибу, ле әwе бьһист кӧ чаwа Йаһоwа щьмәʹта хwә жь Мьсьре аза кьр. Чахе дӧ щәʹсус һатьнә щәм wе, әwе готә wан: «Әз дьзаньм кӧ Хӧдан ви wәлати дайә wә». Рʹәхабе баwәр дькьр кӧ Йаһоwа дькарә wе у малбәта wе хьлаз кә. Әwе баwәрийа хwә һьндава Йаһоwа әʹйан кьр, у нәфькьри сәр ве йәке кӧ әw тьштәки хоф дькә (Йешу 2:9-13; 4:23, 24). Ча әw мәсәла ӧса жи йед дьн жь Кʹьтеба Пироз, али мә дькьн фәʹм кьн чь те һʹәсабе «Хwәде бьбиньн», йан жи дәсте Хwәде бьвиньн. Чахе әм Йаһоwа у һʹӧнӧред wи нас дькьн, әм бь «чʹәʹве дьле» хwә дәсте wи дьвиньн (Әфәс. 1:18). Һьлбәт әм дьхwазьн кӧ чәв бьдьнә мәрьвед амьн йе бәре у йе иройин, кʹижана кӧ дитьнә кӧ чаwа Йаһоwа али щьмәʹта хwә дькьр. w15 1/10 1:​6, 7, 9

Кʹьтеба Пироз дьдә кʹьфше, кӧ Мәрта һәвала Исайә баш бу, у ӧса жи те готьне кӧ Иса әw һʹьз дькьр. Һьлбәт әw жь жьна тʹәне нибу кӧ Иса ле һʹьз дькьр у ԛәдьре wе дьгьрт. Мәсәлә, Мәрйәма хушка Мәртʹайе жи һәвала Исайә незик бу. Иса ӧса жи дайика хwә Мәрйәм һʹьз дькьр (Йуһʹн. 19:25-27). Ле чьрʹа Иса Мәрта һʹьз дькьр? Иса Мәртʹа һʹьз дькьр, чьмки әw һәйф у мәʹрʹд бу, у йәкә шьхӧлкʹар бу. Ле дьһа зәʹф Иса жь бо wе йәке әw һʹьз дькьр, чьмки баwәрийа wейә ԛәwи һәбу. Һʹәму тьшт чь кӧ Иса һин дькьр, әwе баwәр дькьр, у әw тʹӧ щар дӧдьли нәдьбу кӧ Иса Мәсиһе создайи йә (Йуһʹн. 11:21-27). Мәртʹа жи мина мә һʹәмушка ԛьсур бу, у шаши дькьр. Мәсәлә, щарәке чахе Иса тʹәсәлийа wан кьр, Мәртʹа сәр хушка хwә Мәрйәме һерс кʹәт, у готә Иса кӧ әw Мәрйәме ширәт кә. Мәртʹайе гот: «Хӧдан, ԛәт хәма тә нинә кӧ хушка мьн нава ве тʹьвдарәкдитьнеда әз тʹәне һьштьмә? Бежә wе кӧ али мьн бькә» (Луԛа 10:38-42). w15 1/10 3:​1, 2

Чахе тӧ бьфькьри дәрһәԛа Йаһоwа у Иса, әw йәк wе али тә бькә кӧ рʹастийеда һе хирәт би. Хирәта тә wе хушк у бьра бьшьдинә у ӧса жи мәрьвед кӧ тӧ мьзгине дьди wан. У чахе тӧ дьфькьри кӧ Йаһоwа бь сайа ԛӧрбана Иса бона тә чь кьрийә, тӧйе һе ԛимәт ки һәләԛәтийа хwә тʹәви Йаһоwа (Рʹом. 3:24). Бьре мә Марк жь Африкайа Башуре йә, кʹижан кӧ се сала бона баwәрийа хwә кәледа бу, гьлийед ӧса гот: «Фькьрандьн әм дькарьн бәрамбәр кьн тʹәви рʹеwитийа һʹәwас. Чьԛас зәʹф әм дьфькьрьн сәр тьштед рʹӧһʹани, һаԛас зәʹф әм тьштед тʹәзә педьһʹәсьн дәрһәԛа Хwәдейе мә Йаһоwа. Щара чахе әз һьнәки дьлтәнг дьбьм йан жи хәмгин дьбьм дәрһәԛа ахьрийе, әз дәрбера Кʹьтеба Пироз дьхуньм у сәр рʹезәке дьфькьрьм. У әз тʹәхмин дькьм кӧ рʹасти жи бь wе йәке әз һеса дьбьм». w15 1/10 4:​15

Wәʹде рʹаст бьжберьн сәва кӧ зарʹед хwәрʹа шьровәкьн, кӧ wә чьрʹа әw тʹәми да йан жи чьрʹа ӧса сафи кьр. Чахе әw фәʹм бькьн кӧ чьрʹа, әwана wе бьхwазьн гӧрʹа wә бькьн. Барри, кʹижан кӧ чар зʹар мәзьн кьр, дьбежә: «Чахе дьбежьн кӧ мәʹни чь йә wәки һун ӧса дькьн, әw йәк али зарʹед wә дькә итʹбарийа хwә wә биньн». Щаһьл wе бьвиньн кӧ wә тьштәк сафи кьр йан тьштәк кьрә ԛанун, нә кӧ чьмки һʹӧкӧмәтийа wә һәйә ӧса бькьн, ле чьмки мәʹнийа wәйә баш һәйә. Ӧса жи бир нәкьн, кӧ щаһьл ида зарʹед бьчʹук ниньн. Әwана һин дьбьн кӧ чаwа бьфькьрьн у әwана дьхwазьн хwәха сафикьрьна бькьн (Рʹом. 12:1). Бари шьровәдькә: «Щаһьл гәрәке һин бьн кӧ һьнге сафикьрьна бькьн чахе мәʹни һәйә, нә кӧ бьн емосийада». Ләма мьлук бьн у щаһьларʹа шьровәкьн кӧ wә чьрʹа ӧса сафи кьр. Ӧса әwана wе һин бьн кӧ хwәха сафикьрьна бькьн, у wе бьзаньбьн кӧ һун ԛәдьре wан дьгьрьн у фәʹм дькьн кӧ әwана дьгьһижьн. w15 1/11 2:​11

Иро, нав тʹәмамийа дьнйайе бь милйона мәрьв Йаһоwарʹа хьзмәт дькьн. Әwана хушк у бьред мә нә. Ле гәло әм гәрәке һьндава wан чаwа бьн? (Рʹом. 12:10) Пәтрусе шанди ньвиси кӧ һәрге әм «гӧһдарийа рʹастийе» дькьн, һʹьзкьрьна мә гәрәке «һьндава хушк-бьрада» һәбә. Пәтрус Мәсиһийарʹа ӧса жи гот: «Бәри һәр тьшти, һʹьзкьрьна wә һьндава һәвда бь дьл у щан бә» (1 Пәт. 1:22; 4:8). Тʹәшкиләта мәйә һʹәмдьнйайе тʹәк у щӧдә йә. Ле чьрʹа? Чьмки һʹьзкьрьна мәйә рʹаст у мәзьн һәйә һьндава хушк у бьред мә. У һьн жи, әм Йаһоwа һʹьз дькьн у гӧра ԛанунед wи дькьн, ләма жи Йаһоwа бь ԛәwата хwәйә гьринг, демәк рʹӧһʹе пироз али мә дькә. Бь сайа рʹӧһʹе Хwәдейи пироз бьратийа мәйә һʹәмдьнйайе йәктийеда нә (1 Йуһʹн. 4:20, 21). w15 1/11 4:​8, 9

Йаһоwа жь мә һивийе нинә кӧ әм зьманәки мәхсус бьдьнә хәбате, сәва кӧ wи у ԛьрара wи нас кьн (Әʹйан. 7:9, 10). Мәрьв ль сәр щурʹә-щурʹә зьмана хәбәрдьдьн, ле бона Йаһоwа әw йәк проблем нинә. Мәсәлә, Иса ль сәр кʹижан зьмани хәбәр дьда, дь Кʹьтеба Пирозда тʹәне һьнә хәбәр һәнә сәр wи зьмани (Мәт. 27:46; Марԛ. 5:41; 7:34; 14:36). Демәк, Йаһоwа ӧса кьр кӧ готьнед Иса бенә ньвисаре у бенә wәлгәрандьне сәр зьмане Йунани, у паше сәр зьманед дьн жи. Ӧса жи, чьмки Щьһуйа у Мәсиһийа Хәбәра Хwәде гәләк щар копи кьрьн, бь wе йәке Хәбәра Хwәде һатә хwәйкьрьне. Паше әw копи һатьн wәлгәрандьне ль сәр гәләк зьмана. Wәкә 400 сал паши буйина Иса, Щон Крисостом гот кӧ чь кӧ Иса һин дькьр, әw һатә wәлгәрандьне сәр зьманед щьмәʹта Сурйайе, Мьсьре, Һьндьстане, Фәрсийайе, Әтйопйайе, у сәр гәләк зьманед дьн. w15 1/12 1:​10, 11

Һәрге әм wәʹде нәрʹаст хәбәрдьн, мәрьв дьбәкә рʹаст жь мә фәʹм нәкьн, йан жи дьбәкә готьна мә ԛәбул нәкьн. Мәсәлә, сала 2011 мәһа Адаре, wәʹде әʹрдһәже у тсунаме гәләк бажар һьлшийан Жапонйа рʹоавайеда. Һьнге 15 000 зедәтьр мәрьв мьрьн. Ль wедәре гәләк Шәдед Йаһоwа малбәта хwә у мәрьвед хwәйи незик ӧнда кьрьн, ле йәкә wана дьхwәстьн бь Кʹьтеба Пироз али wан мәрьва бькьн йед кӧ wи һалида бун. Wана заньбун кӧ гәләк жь wан мәрьва Будист бун у дәрһәԛа Кʹьтеба Пироз һьндьк заньбун. Wи чахи дәwса кӧ хәбәрдьн дәрһәԛа рʹабуна мьрийа, әwана бәр дьле wанда дьчун у шьровәдькьрьн кӧ чьрʹа тьштед хьраб те сәре мәрьвед ԛәнщ. w15 1/12 3:7

Дьбәкә һьнә мәрьв у компанйа дьбежьн кӧ дитьнә әw дәрман, кʹижан кӧ wе нәхwәшийа мә ԛәнщ бькә. Ле йазьх нета wан тʹәне әw ә кӧ гәләк пʹәра чекьн. Әwана дькарьн бежьн кӧ гәләк мәрьва әв дәрман данә хәбате у ԛәнщ бунә. У чьмки әм гәләк дьхwазьн ԛәнщ бьн, ләма жи дьбәкә әм бьхwазьн чь жи һәбә бьдьнә хәбате, сәва кӧ ԛәнщ бьн у жийина хwә дьреж кьн.» Һәрге әм билан ьн, әме фәсал бьн чахе кәсәк ширәте дьдә мә дәрһәԛа сьһʹәт-ԛәwата мә, ле ве йәкеда щерʹьбанди нинә. Wи чахи әм гәрәке пьрсед ӧса бьдьнә хwә: «Әw мәрьв дьбежә кӧ әв витамин, дәрманед жь шинкайа, йан диетайе али мәрьва кьрийә, ле әз сәд сәләфи заньм кӧ бь рʹастийе али wан кьрийә? Һәрге бь рʹастийе жи әwан тьшта али мәрьвед дьн кьрьнә, ле әз жь кʹӧ заньм кӧ wе али мьн жи бькьм? Гәло лазьм ә әз һе зедә леколин бькьм у тʹәви wан мәрьва хәбәрдьм, йед кӧ щерʹьбанди нә у заньн кӧ чаwа нәхwәшийа мьн ԛәнщ кьн? (Ԛан. Дщр. 17:6). w15 1/12 4:​14, 15

Паwлос фәʹм дькьр кӧ әwед кӧ дьшекьриньн ԛӧрбана Иса, әwана һелан дьбьн кӧ бона Иса бьжин. Һәрге әм жи бь тʹәмами фәʹм дькьн ԛимәте wе йәке кӧ чь Йаһоwа бона мә кьр, әw йәк wе мә һелан кә кӧ бь дьл у щан пʹегәһа Исада һәрʹьн. Ле әм ча дькарьн әве йәке бькьн? Әwед кӧ Йаһоwа һʹьз дькьн тенә дәʹфандьне, демәк һеланкьрьне кӧ чʹәʹв бьдьнә Иса у пʹегәһа wида һәрʹьн (1 Пәт. 2:21; 1 Йуһн. 2:6). Чахе әм гӧһдарийа Йаһоwа у Иса дькьн, бь wе йәке әм һʹьзкьрьна хwә һьндава wан избат дькьн. Иса гот: «Әwе кӧ тʹәмийед мьн ԛәбул дькә у wан хwәй дькә, әw ә йе кӧ мьн һʹьз дькә. У әwе кӧ мьн һʹьз дькә, әwе жь алийе Баве мьнда бе һʹьзкьрьне. Әзе жи wи һʹьз бькьм» (Йуһн. 14:21; 1 Йуһн. 5:3). Пьрсе бьдә хwә: «Дь кʹижан тьштада әз ида ньһа чʹәʹв дьдьмә Иса? У диса чьда әз гәрәке һе баш чʹәʹв бьдьмә wи?» Гәләк фәрз ә кӧ әм пьрсед ӧса бьдьнә хwә, чьмки әм дьжин дьнйа хьрабда у әw дьнйа дьхwазә wәки әм бьжин ӧса, чаwа кӧ әw дьжи (Ром. 12:2). w16.01 2:​7-9

Тӧ тʹәхмин дьки кӧ тӧ пʹьр зәʹф хирәт и дь хьзмәткьрьнеда? Бь рʹастийе тә хwәш те кӧ бьхуни у леколин бьки Хәбәра Хwәде, сәва кӧ «нет-мәрәмед Хwәдейә кʹур» пебьһʹәси? (1 Корн. 2:10). Тӧ тʹәхмин дьки кӧ Йаһоwа хьзмәткьрьнеда тә кʹәрәм дькә? Хwәстьна тәйә ԛайим һәйә кӧ ԛьрара Хwәде бини сери? Тӧ тʹәхмин дьки кӧ тӧ борщдари, wәки рʹӧһʹанида али йед дьн бьки? Тӧ дьвини дәсте Йаһоwа дь әʹмьре хwәда? Һәрге тӧ сәр wан һʹәму пьрса бежи әре, гәло әw те һʹәсабе кӧ тӧ бьжартийи бона жийина сәр әʹзмана? На. Ле чьрʹа? Чьмки әw һʹәму тьшт һәму хьзмәткʹаред Йаһоwа дькарьн тәхмин кьн. Йаһоwа рʹӧһʹе хwәйи пироз wанрʹа жи дьдә, йед кӧ гӧмана wан жийина сәр әʹрде йә. Бь рʹастийе һәрге тӧ дӧдьли йи, кӧ тӧ бьжартийи бона жийина сәр әʹзмана, әw йәк те һʹәсабе кӧ тӧ бьжарти нини. w16.01 3:​14, 15

Чахе Иса шьхӧлкʹари дькьр тʹәви Баве хwә, әw гәләк ша дьбу чьмки әwе йәке бькә, у заньбу кӧ Йаһоwа wи һʹьз дькә. Ле чь әм дькарьн бежьн дәрһәԛа мә? Иса гот кӧ мәрьв бәхтәwар дьбә чахе дьдә у чахе дьстинә (Кʹар. Шанд. 20:35). Чахе әм рʹастийа дәрһәԛа Хwәде пеһʹәсийан, әм гәләк ша бун, у әм шабуне дьстиньн гава әм әве рʹастийе бәла дькьн. Чахе әм мәрьварʹа рʹастийа Кьтеба Пироз гьли дькьн, әм дьвиньн чаwа әwана бь емосийа у бь рʹазибуне тьжә дьбьн һьндава Хwәде у рʹастийа wи кӧ Хәбәра wида йә. Бәлакьрьна мьзгина Хwәде гәләк фәрз ә бона әʹмьр. Әw рʹийа жийина һʹәта-һʹәтайе вәдькә бона wан мәрьва, ке кӧ һазьр ә незики Хwәде бә (2 Корн. 5:20). Әм чахе шьхӧле бәлакьрьна мьзгине дькьн, әм шабунәкә мәзьн дьстиньн, чьмки бь сайа wи шьхӧли мәрьв дькарә әʹмьре һʹәта-һʹәтайе бьстинә. w16.01 5:​6, 7