Адар

Ниве бьрайед Йәфтаһ жь бо чʹәʹвнәбарийе у нәфрʹәтийе бәри wи дан. Һьн жи wана беԛануни же стандьн мьлкʹе кӧ wирʹа дькʹәт ча ньхӧри (Һʹакьм. 11:1-3). Ле йәкә чахе wана аликʹари жь wи хwастьн, әwи али wан кьр (Һʹакьм. 11:4-11). Бона Йәфтаһ һе фәрз әw бу наве Йаһоwа һʹӧрмәт бә, нә кӧ бькʹәвә һʹәйра проблемед хwә. Әwи ԛәwи сафи кьрьбу Йаһоwарʹа амьн бьминә, у әве йәке һьн wирʹа у һьн жи мәрьвед дьнрʹа кʹар дьани (Ибрн. 11:32, 33). Ле әм жь мәсәла Йәфтаһ чь дәрсе хwәрʹа һьлдьдьн? Дьбәкә хушк-бьред щьватеда дьле мә ешандьнә йан нәһәԛи мә кьрьнә. Һәрге ӧса нә, әм гәрәке сәва ве йәке щьватед хwә бәрʹнәдьн у хьзмәткьрьна хwә Йаһоwарʹа нәдьн сәкьнандьн. Wәрә әм чʹәʹвʹ бьдьнә Йәфтаһ у бьһельн wәки принсипед Хwәде али мә бькьн кӧ чәтьнайада дьлтәнг нәбьн у бәрдәwам кьн тьштед ԛәнщ бькьн (Рʹом. 12:20, 21; Колс. 3:13). w16.04 1:7, 9, 10

Әм гәрәке һʹәта хьлазийе сәбьр кьн, нә кӧ wәʹдәлу. Wәрә әм мәсәләке шеwьр кьн: Бьдьнә бәр чʹәʹве хwә кӧ гәми дькʹәвә аве. Әwед кӧ гәмийеда бун сәва хьлаз бьн, гәрәке хwә аве хьн сәва бьгьһижьн дәве бәʹре. Һәрге әwе кӧ дькарә хwә аве хә ортʹа бәʹре дьсәкьнә, әw wе нәгьһижә дәве бәʹре у хьлаз набә. Мина ве йәке, әм жи гәрәке сәбьр кьн һʹәта хьлазийе, сәва бьгьһижьн дьнйа тʹәзә. Әʹмьре мә сәбьра мәва гьредайи йә. Wәрә чʹәʹв бьдьнә ньһерʹандьна Паwлосе шанди, йе кӧ дӧ щара гот: «Әм нәwастьн» (2 Корн. 4:16, ИМ). Әм дькарьн сәд сәләфи баwәр бьн, кӧ Йаһоwа wе али мә бькә кӧ һʹәта хьлазийе сәбьр кьн. Әм мина Паwлос гәрәке дӧдьли нәбьн ве йәкеда. Әwи ньвиси: «Әм . . . һе зедә сәрдькʹәвьн, бь сайа әwи кӧ әм һʹьз кьрьн. Чьмки әз әʹсәйи заньм кӧ нә мьрьн, нә жийин, нә мьлйакʹәт, нә шәхсәк, нә тьштед һазьр, нә тьштед wе бен, нә тӧ ԛәwат, нә йед жорьн, нә йед жерьн у нә жи әʹфьринәки майин дькарә һʹьзкьрьна Хwәде сәр мә сар кә, йа кӧ бь дәсте Хӧдан Мәсиһ Иса» (Рʹом. 8:37-39). w16.04 2:17, 18

Жь Йаһоwа һиви кьн сәва биланийе. Чьмки билани дькарә али мә бькә әм пешда тедәрхьн wан дәрәща, кʹидәреда мәрʹа дькарә чәтьн бә тʹәвнәбуйине хwәй кьн. Дьбәкә тӧ кʹәти кәле йан жи щурʹәки майин һати щәзакьрьне, чьмки амьн дьмини Йаһоwарʹа. Wәки ӧса нә, дӧа бькә Йаһоwарʹа кӧ ԛәwате бьдә тә wәки тӧ бь мерхаси дьненарʹа бежи кӧ чьрʹа тʹәвнәбуйине хwәй дьки. Тӧ дькари сәд сәләфи баwәр би wәки Йаһоwа wе тә нәһелә у али тә бькә сәбьр ки wан щерʹьбандьнада (Кʹар. Шанд. 4:27-31). Йаһоwа ӧса жи бь Хәбәра хwә дькарә wә ԛәwи кә. Бьфькьрьн сәр wан рʹеза кӧ дькарьн али wә бькьн, wәки һун wәʹде щерʹьбандьне тʹәвнәбуйине хwәй кьн. Ида ньһада әwан рʹеза бь әзбәри һин бьн, чьмки әw рʹез дькарьн wә ԛәwи кьн, һәрге Кʹьтеба Пироз щәм wә тʹӧнә бә. Хәбәра Хwәде ӧса жи дькарә бинә бира wә әwан кʹәрәма, кʹижана Пʹадшатийа Хwәде wе бинә. Әw wе мәрʹа лазьм бә, илаһи wәʹде пәйкʹәтьна у тәнгасийа (Рʹом. 8:25). Хwәрʹа бьжберьн рʹезед жь Кʹьтеба Пироз, кʹидәреда те готьне дәрһәԛа wан кʹәрәма кӧ һун гәләк һивийе нә. У ӧса жи бьдьнә бәр чʹәʹве хwә кӧ һун ида щьнәтеда ньн, у wан кʹәрәма дьстиньн. w16.04 4:14, 15

Мәсиһийед ве дьнйайе, мьзгина дәрһәԛа Пʹадшатийа Хwәде бәла накьн. Һәрге жи әwана хәбәрдьдьн дәрһәԛа Пʹадшатийе, гәләк жь wан дьбежьн wәки әw Пʹадшати дьле Мәсиһида йә (Луԛа 17:21). Әwана мәрьва һин накьн wәки Пʹадшатийа Хwәде әw һәйә сәрwертийа әʹзмана, кʹидәреда Иса Мәсиһ сәрwертийе дькә. У нә жи һин дькьн кӧ әw Пʹадшати wе һʹәму проблемед инсанәте сафи кә, у ӧса жи кӧ әw wе зутьрәке һʹәму зӧлмийе сәр әʹрде кʹӧта кә (Әʹйан. 19:11-21). Әwана Иса тиньн бира хwә тʹәне сәр щәжьна Рʹожа Буйина Иса у сәр Рʹожа Дәрбазбуне (Пасхә). Әwана нә жи заньн Иса wе чь бькә сәр әʹрде чаwа Сәрwере тʹәзә. Әwана ньзаньн нета wан гәрәке чь бә чахе хьзмәт дькьн. Нет гәрәке әw нибә кӧ пʹәрә ԛазанщ кьн у авайед мәхсус ава кьн. Бәлакьрьна хәбәра Хwәде гәрәке бизнес нибә (2 Корн. 2:17). Әwед кӧ мьзгинийе бәла дькьн гәрәке wи шьхӧлида кʹара хwә нәгәрʹьн (Кʹар. Шанд. 20:33-35). w16.05 2:7, 8

Бьдә бәр чʹәʹве хwә кӧ стиләкә кʹьнщхwәкьрьне тә хwәш те, кʹижан кӧ дьбәкә һьнә хушк-бьред щьватеда дькарә әʹщьз кә. Ле тӧ зани wәки Кʹьтеба Пирозда тʹәмийа конкрет тʹӧнә, кʹижан кӧ ԛәдәхә дькә әwе стила кʹьнщхwәкьрьне. Ле ча тӧ дькари тедәрхи ньһерʹандьна Йаһоwа дәрһәԛа ве йәке? Кʹьтеба Пироз мәрʹа дьбежә: «Бьра кʹӧлфәт бь кʹьнщед лайиԛ, шәрме у бәрбьһерийе хwә бьхәмьлиньн, нә кӧ бь гӧли-гӧжанга, йан зерʹ, йан бь дӧра, йан жи бь кʹьнщед бьһа, ле бь кьред ԛәнщ, чаwа ль wан кʹӧлфәта дькʹәвә, йед кӧ наве хwәденасийе һьлданә сәр хwә» (1 Тимтʹ. 2:9, 10). Бәле, әw ширәт бона һʹәму хьзмәткʹаред Йаһоwа йә, демәк бона кʹӧлфәта, у ӧса жи бона мера. Чахе әм сафи дькьн кʹижан кʹьнща хwә кьн у ча хwә бьхәмьлиньн, әм гәрәке нә кӧ тʹәне бона хwә дьшьрмиш бьн, ле ӧса жи бьфькьрьн кӧ чаwа кʹьнщхwәкьрьн у хәмьландьна мә wе сәр йед дьн һʹӧкӧм бә. Мьлукти у һʹьзкьрьн мә һелан дькьн кӧ ньһерʹандьна хушк-бьред хwә һьлдьнә һʹәсаб, сәва wана әʹщьз нәкьн йан wана нәхәйидиньн (1 Корн. 10:23; Фили. 3:17). w16.05 3:14

Адәм, йе кӧ кӧрʹе Хwәде дьһатә һʹәсабе, паше мьԛабьли Әʹфьрандаре хwә дәркʹәт. Ле гәләк жь зӧрʹәта Адәм, Йаһоwа Хwәде ԛәбул кьрьнә ча Сәркʹаре хwә (Ибрн. 12:1). Wана бь мьлуктийе гӧрʹа Әʹфьрандаре хwә дькьрьн. Ӧса, wана да кʹьфше кӧ дьхwазьн wәки Йаһоwа бә Баве wан у Һостәйе wан, нә кӧ Шәйтʹан (Йуһʹн. 8:44). Амьнийа wанә һьндава Хwәде, тинә бира мә гьлийед жь рʹеза иройин. Иро хьзмәткʹаред Йаһоwайи рʹаст жи, мьлуктийе дьдьнә кʹьфше у гӧрʹа Йаһоwа дькьн. Әwана ча ԛәдьрәки мәзьн һʹәсаб дькьн, кӧ Йаһоwа бона wан Бав у Һостә йә, у кӧ әwана бьн дәсте wида ньн. Ле тӧ дәсте Йаһоwада һʹәрʹийа чь щурʹәйи, тӧ нәрм и у дьһели кӧ әw жь тә дәрданәкә ԛимәт чекә? Тӧ сәр хушк-бьра ча дьньһерʹи, дьди һʹәсабе кӧ Хwәде һе wана чедькә у дьгӧһезә? w16.06 1:2, 3

Иро әм жи незики дьнйа тʹәзә дьбьн, у баwәрийа мә те щерʹьбандьне. Ләма әм гәрәке тʹьме тедәрхьн, һәла баwәрийа мә ԛәwи йә йан на. Ле әм ча дькарьн әве йәке бькьн? Мәсәлә, әм дькарьн бьфькьрьн сәр ньһерʹандьна хwә, һьндава гьлийед Иса кӧ ньвисар ьн Мәтта 6:33-да. Жь хwә бьпьрсә: «Гәло нет у сафикьрьнед мьн дьдьнә кʹьфше, кӧ әз бь рʹастийе гьлийед Иса баwәр дькьм? Мьне щьват йан хьзмәткьрьн бьһишта, сәва бьхәбьтьм кӧ һе зедә пʹәра чекьм? Һәрге мәзьне хәбата мьн, жь мьн дәʹwа бькә кӧ һе зедә бьхәбьтьм, әзе ча сафи кьм? Әзе рʹе бьдьм ве дьнйайе кӧ мьн бьгӧһезә, у ӧса бькә кӧ әз һәла һе рʹастийе жи бьһельм?» Дьле мә ӧса жи дькарә һʹьшк бә, һәрге әм щара принсипед Кʹьтеба Пироз нәйньн сери, мәсәлә дәрһәԛа һәвалтийе, wәʹдәдәрбазкьрьне, йан һәләԛәтийа тʹәви wан кʹе жь щьвате һатийә дәрхьстьне. Ләма, жь хwә бьпьрсьн: «Дьбәкә дәрәща мьнда жи ӧса нә?» Һәрге мә тедәрхьст кӧ ньһерʹандьна нәрʹаст нав мәда шин буйә, әм гәрәке дәрберʹа баwәрийа хwә бьщерʹьбиньн! Рʹаст бьн һьндава хwә у тʹьме бь сайа Кʹьтеба Пироз ньһерʹандьна хwә бьгӧһезьн. w16.06 2:8, 9

Тʹәшкиләта Хwәде йа сәр әʹрде, гәләк мәхсус ә. Ве тʹәшкиләтеда әw мәрьв ьн, йед кӧ Йаһоwа һʹьз дькьн у дьхwазьн wирʹа хьзмәт кьн. Әw мәрьв һәнә Шәʹдед Йаһоwа. Рʹаст ә әwана гӧнәкʹар ьн у кемасийед wан һәнә, ле йәкә Хwәде бь сайа рʹӧһʹе хwәйи пироз wана кʹәрәм дькә. Щьмәʹта wи пешда дьчә у зедә дьбә. Чахе сала 1914 рʹожед ахьрийе дәстпебун, хьзмәткʹаред Хwәде гәләк һьндьк бун. Ле йәкә Йаһоwа шьхӧле бәлакьрьна мьзгинийе кʹәрәм дькьр. Сал дәрбаз бун, у ида милйона мәрьв пеһʹәсийанә рʹастийед Кʹьтеба Пироз у бунә Шәʹдед Йаһоwа. Йаһоwа дәрһәԛа ве йәке пешда гот, кӧ гьлийед ве рʹеза рʹожеда һәнә у паше әwи зедә кьр: Әз, Хӧдан, дәма wәхта wе бе, әзе вейа бьләзиньм!». У wан рʹожед ахьрийеда, әм пе чʹәʹве хwә дьвиньн, кӧ әw пʹехәмбәрти ча те сери. Ньһа һәжмара щьмәʹта Хwәде гәләк мәзьн ә. Һәрге әм бәрамбәр кьн, һәжмара щьмәʹта Хwәде жь һәжмара гәләк мьләта зедәтьр ә. w16.06 4:1, 2

Иса тʹӧ щар дӧдьли нибу, кӧ һәрге Баве wийи әʹзмана хәм дькә бона тәйрәда, wе һе зедә бона мәрьва хәм бькә (1 Пәт. 5:6, 7). Йаһоwа хwәха хwарьне надә мә, ле әw мә кʹәрәм дькә чахе әм ԛәwата хwә дьдьнә хәбате, сәва хwарьне хwәрʹа бькʹьрʹьн, йан бьчиньн. Щара, әw дькарә мәрьва һелан кә, кӧ әwана али мә бькьн. Иса нә гот кӧ Йаһоwа щи-сьтʹаре дьдә тәйрәда. Ле әwи инстинкт, фәрәсәт, у тьште ӧса да wан, кӧ әwана хwәха дькарьн хwәрʹа һелуне чекьн. Йаһоwа ӧса жи дькарә али мә бькә, кӧ щи-сьтʹара малбәта мә һәбә. Чахе Иса wан гьлийа дьгот кӧ ве рʹеза рʹожеда те готьне, wи чахи бешьк әwи заньбу кӧ әw wе зутьрәке әʹмьре хwә бьдә бона инсанәте. (Бәрамбәр кьн Луԛа 12:6, 7.) Иса мьр нә кӧ бона тәйрәдед әʹзмен, ле сәва мә, wәки әм бькарьбьн һʹәта-һʹәтайе бьжин (Мәт. 20:28). w16.07 1:11-13

Чьрʹа әм гӧнәкʹар ьн у дьмьрьн? Кʹьтеба Пироз шьровәдькә кӧ «бь нәһәԛийа мәрьвәки [Адәм] у рʹуйе wида мьрьне һʹӧкӧм кьр» сәр тʹәмамийа зӧрʹәта wи (Рʹом. 5:12, 14, 17). Ле әм дькарьн ӧса бькьн, кӧ гӧнә сәр мә һʹӧкӧм нәкә. Ле чаwа әм дькарьн әве йәке бькьн? Һәрге әм баwәрийа хwә ԛӧрбана Иса тиньн, wи чахи Йаһоwа һьндава мә ԛәнщийа кӧ әм һежа ниньн дьдә кʹьфше (Рʹом. 5:20, 21). Рʹаст ә әм гӧнәкʹар ьн, ле әм гәрәке нәһельн кӧ гӧнә сәр мә һʹӧкӧм кә. Чахе әм гӧнә дькьн, әм жь Йаһоwа һиви дькьн кӧ бьбахшинә мә. Ләма жи ԛәнщийа нәһежа сәр мә һʹӧкӧм дькә. Ле әw чь кʹаре мәрʹа тинә? Паwлос шьровәкьр: «Кʹәрәма Хwәде . . . мә һин дькә, кӧ әм нәпʹакийе у дьлһавьжийед дьнйайе инкʹар кьн у аԛьлда гьран, бь рʹастийе у хwәденасийе бьжин ль ве дьне» (Тито 2:11, 12). w16.07 3:5, 6

Бәхтәwарбуна зәwаща Адәм у Һеwайе ӧнда бу жь бо wе йәке кӧ wана азайа жьбартьне рʹаст нәданә хәбате у гӧрʹа Йаһоwа нәкьрьн. Шәйтʹан «Мәʹре бәре», Һеwа хапанд у жерʹа гот кӧ һәрге әw жь «дара ԛәнщи у хьраби наскьрьне» бьхwә, wе занәбуна wейә мәхсус һәбә у wе бькарьбә ԛәнщи у хьрабийе жь һәв дәрхә. Әwе бона ве йәке жь мере хwә нәпьрси, у ӧса әwе ԛәдьре сәрwертийа мере хwә нәгьрт. Адәм дәwса кӧ гӧрʹа Йаһоwа бькьра, әwи әw бәра даре, кʹижан кӧ жьне да wи, һьлда у хwар (Әʹйан. 12:9; Дәстп. 2:9, 16, 17; 3:1-6). Чахе Йаһоwа жь Адәм пьрси кӧ әwи чьрʹа ӧса кьр, әwи жьна хwә нәһәԛ кьр. Ле Һеwайе мәʹр нәһәԛ кьр кӧ әwи әw хапанд (Дәстп. 3:12, 13). Wана дьхwәст хwә һәԛ дәрхьстана, ле бь рʹастийе әwана нәһәԛ бун. Wана гӧрʹа Йаһоwа нәкьр у ләма жи Йаһоwа әwана сущдар кьрьн ча рʹабәр. Мәсәла wана бона мә буйә дәрс! Сәва кӧ зәwащ бәхтәwар бә, һәр йәк жь щоте зәwаще гәрәке борще хwә бьԛәдинә у гӧрʹа Йаһоwа бькә. w16.08 1:1, 4, 5

Чахе мер у жьн нә реали дьньһерʹьн сәр зәwаще, һьнге дькарьн проблем пешда бен. Һәрге мәрьв зәwаща бәхтәwар дьдә бәр чʹәʹве хwә, ле әw йәк найе сери, wи чахи мәрьв дькарә дьлтәнг бә у һәла һе һерс кʹәвә. Ортʹа мер у жьнда дькарьн проблем пешда бен дәрһәԛа wан пьрса йед кӧ гьредайи нә тʹәви пʹәра, бьра-пьзмама у ширәткьрьна зарʹа. Проблемед ӧса дькарьн һәбьн, чьмки жьн мер мина һәв нәһатьнә мәзьн кьрьне у мина һәв нафькьрьн. Ле чьԛас баш ә, кӧ һʹәчʹи зәʹф жь щотед Мәсиһийа, пьрсед wи щурʹәйи бь йәкти ӧса сафи дькьн, кӧ һәрдӧ жи ԛайил ьн. Әwана ӧса дькьн, чьмки пе рʹебәрийа Йаһоwа дьчьн. Чахе проблемед мәзьн йед жьн меред Мәсиһи һәнә, әwана гәрәке аликʹарийе жь рʹуспийа бьхwазьн. Әw бьред щабдар дькарьн али щотед зәwащеда бькьн, wәки әwана ширәтед жь Хәбәра Хwәде әʹмьре хwәда биньн сери. Сәва кӧ wан проблема сафи кьн, әм гәрәке дӧайед хwәда рʹӧһʹе Хwәдейи пироз бьхwазьн. У ӧса жи аликʹарийе жь wи бьхwазьн, сәва кӧ принсипед жь Кʹьтеба Пироз биньн сери, у бәре рʹӧһʹ бьдьнә кʹьфше (Галт. 5:22, 23). w16.08 2:11-13

Иса тʹьме хьзмәтийеда бу. Ле чахе әwи дьдит кӧ мәрьв бь дьл дьхwазьн wи бьбьһен, әwи wәʹде хwә хәрщ дькьр сәва гәләк тьшт wана һин кә. Мәсәлә, щарәке Иса сәр ԛәйьке әʹлаләт һин дькьр. Wи чахи Иса ӧса жи дьхwәст Пәтрус жи тьштәки һин кә. Иса кʹәрәмәтәкә ӧса кьр, wәки Пәтрус бь тʹорʹе гәләк мәʹси гьрт. Паше Иса жерʹа гьлийед жь реза ве рʹоже гот. Ле гәло әw гьлийед Иса ча сәр Пәтрус һʹӧкӧм бун? Пәтрус у ӧса жи йед кӧ тʹәви wи бун, дәрберʹа «һәр тьшт һьштьн пәй [Иса] чун» (Луԛа 5:1-11). Никодемо дьхwәст һе зедә пебьһʹәсә дәрһәԛа Иса у һинкьрьнед wи. Ле чьмки әw әндәме Щьвина Гьрәгьра бу, әw дьтьрсийа кӧ мәрьв wе чь бежьн, һәрге бьвиньн кӧ әw тʹәви Иса хәбәрдьдә. Ләма Никодемо шәв һатә щәм Иса. Иса бәри wи нәда, дәwсе әwи гәләк тьшт әw һин кьр. Бәле, Иса сәва мәрьва рʹастийе һин кә, тʹӧ щар һʹәйфа хwә wәʹде хwә нәдьани (Йуһʹн. 3:1, 2). Хwәха Кӧрʹе Хwәде жь хwә wәʹдә кем дькьр, сәва мәрьва һин кә у баwәрийа wан ԛәwи кә. Әм жи гәрәке чʹәʹв бьдьнә Иса, кӧ бь дьл у щан сәрледанед дӧбарә бькьн у али мәрьва бькьн кӧ Кʹьтеба Пироз фәʹм кьн. w16.08 4:10, 11

Әм фәʹм дькьн кӧ Йаһоwа Хwәдайе Пироз ә, у кӧ принсипед wи рʹебәрийа лапә баш дьдьнә мә. Һәрге әм мьлук у шкәсти бьн, әме бькарьбьн принсипед Хwәде әʹмьре хwәда бьдьн хәбате. Мьлукти wе ӧса жи али мә бькә, wәки әм ԛәдьре мәрьва бьгьрьн, демәк һәст у фькьред wан һьлдьн һʹәсаб. Бь щурʹе кʹьнщхwәкьрьна мә гәрәке әʹйан бе кʹьфше, кӧ әм хьзмәткʹаред Йаһоwа нә. Принсипед wи, йе лапи баш ьн, у әм ша нә wан принсипа әʹмьре хwәда биньн сери. Хушк-бьред мә, йед кӧ кʹьнще лайиԛ хwәдькьн у рʹабун-рʹуньштьна wан баш ә, бь рʹастийе һежайи пʹайа нә. Чьмки мәрьвед дьлсах, йед кӧ дина хwә дьдьнә wана, һелан дьбьн кӧ мьзгинийе ԛәбул кьн, у дьхwазьн Хwәде һӧрмәт кьн у дьле wи ша кьн. w16.09 3:18-20

Аԛуб йа хwә кьр у мерхас бу. Әwи да кʹьфше кӧ wе һʹәта хьлазийе шәрʹ бькә! (Дәстп. 32:24-26). Ләма жи Йаһоwа әw кʹәрәм кьр. Йаһоwа навәки зедә да сәр Аԛуб, Исраел, (чь кӧ те һʹәсабе «Гӧлашгьр тʹәви Хwәде» йан «Хwәде Гӧлаш Дьгьрә»). Аԛуб хәлата мәзьн станд, кʹижан кӧ әм жи дьхwазьн бьстиньн, әw һәйә ԛәбулкьрьна Йаһоwа у кʹәрәма wи. Рʹаһел жьна Аԛубә һʹьзкьри, гәләк һивийе бу кӧ бьвинә, һәла ча созе кӧ Йаһоwа дабу мере wе, wе бе сери. Ле әw безӧрʹәт бу. Бәре безӧрʹәти кӧл-дәрдәки гәләк мәзьн бу бона жьна, ләма Рʹаһел гәләк дьлтәнг дьбу. Әwе нькарьбу әв проблем сафи кьра. Ле гәло әwе жь кӧ дьлбини у ԛәwат дьстанд, сәва кӧ wи һʹале чәтьнда тәйах кә? Әwе тʹӧ щар баwәрийа хwә ӧнда нәдькьр. Әwе бь дьле хwәйи сах Хwәдерʹа гәләк дӧа дькьр. Ле гәло Хwәде дӧайе wе бьһист? Бәле, Йаһоwа Рʹаһел кʹәрәм кьр, у wерʹа зарʹ бу (Дәстп. 30:8, 20-24). w16.09 2:6, 7

Гәләк фәрз ә зарʹа һин кьн, wәки әwана фәʹм кьн, кӧ чьԛас кʹар ә принсипед Кʹьтеба Пироз биньн сери (Зәб. 1:1-3). Һун дькарьн щурʹә-щурʹә метода бьдьнә хәбате. Мәсәлә, һун дькарьн зарʹарʹа бежьн кӧ бьдьнә бәр чʹәʹве хwә, wәки йанчь әwана дьхwазьн дәрбази гьравәке бьн, кʹидәреда тӧ кәс нажи. У әwана гәрәке мәрьва бьжберьн кӧ тʹәви wан wе гьраведа бьжин. Паше жь зарʹа бьпьрсьн: «Wәйе мәрьвед ча бьжьбартана? Демәк хәйсәтед wан гәрәке ча буйа, wәки wә гьшка һәврʹа әʹдьлайеда бьжита?» Паше, һун дькарьн wанрʹа бьхуньн Галати 5:19-23, у шьровәкьн кӧ Хwәде дьхwазә кʹижан һʹӧнӧр нав мәрьвада һәбьн. Wи щурʹәйи һуне дӧ дәрса зарʹа һин кьн. Йа әʹwльн, әwана wе баwәр кьн, кӧ принсипед Хwәде әʹдьлайе у тʹьфаԛийе тиньн. Йа дӧда, әwана wе фәʹм кьн, wәки Йаһоwа ида ньһа мә һазьр дькә бона жийина дьнйа тʹәзәда (Иша. 54:13; Йуһʹн. 17:3). Һун дькарьн ӧса жи жь әʹдәбйәтед мә, һьнә сәрһатийа wанрʹа гьли кьн. Мәсәлә, жь «Бьрща Ԛәрәwьлийе» рʹеза готара бь наве «Кʹьтеба Пироз Жийина Мәрьва Дьгӧһезә». w16.09 5:13, 14

Иро дьбәкә гәләк шьхӧлед мә һәнә, ле йәкә һәр кәс жь мә гәрәке сәва һинбуна шәхси у ԛӧльхкьрьна тʹәви малбәте wәʹдә хwәрʹа бьвинә (Әфәс. 5:15). Нета мә гәрәке әw нибә кӧ тʹәне гәләки бьхуньн, йан жи тʹәне щабед хwә һазьр кьн бона щьвате. Ле нета мә гәрәке әw бә, wәки Хәбәра Хwәде сәр дьле мә һʹӧкӧм кә, мә һин кә у баwәрийа мә ԛәwи кә. Әм гәрәке сәрwахт бьн. Чахе әм тьштәки дьхуньн, әм нә кӧ тʹәне гәрәке бьфькьрьн, кӧ әм чаwа дькарьн бь wе информасйайе али мәрьвед дьн бькьн, ле ӧса жи гәрәке дәрһәԛа хwә бьфькьрьн, кӧ әw йәк чьда дькарә али мә бькә (Фили. 1:9, 10). Әм гәрәке фәʹм кьн, кӧ чахе әм хwә һазьр дькьн бона хьзмәтийе, щьвате, йан жи чахе готаре һазьр дькьн, әw йәк мә рʹӧһʹанида тʹер накә. Wәрә мәсәләке биньн: Чахе аспеж хwарьне чедькә, әw һʹәта әwе хwарьне бәла кә, тәʹм дькә. Ле фәʹмдари йә, wәки әw бь ве йәке тʹер набә. У һәрге әw дьхwазә сьһʹәт-ԛәwата wи баш бә, әw гәрәке хwарьна хwә бьхwә. Әм жи гәрәке хwә бь хwарьна рʹӧһʹанийа гьран тʹер кьн, кʹижан кӧ хут мәрʹа лазьм ә, сәва рʹӧһʹанида ԛәwи бьминьн. w16.10 2:10, 11

Ибрани 11:1 шьровәдькә кӧ баwәри чь йә. Баwәри дӧ тьштада те кʹьфше, 1) Чахе һивийа wан тьшта нә, чь кӧ баwәр дькьн, бәʹса хәбәре, әм һивийа wан ԛәwьмандьна нә, кӧ Хwәде мәрʹа соз да, ле әw соз һе нәһатьнә сери. Мәсәлә, әм һивийе нә, чахе Хwәде wе һʹәму зӧлми кʹӧта кә, у дьнйа тʹәзә wе бе. 2) Әм баwәр дькьн тьштед кӧ һәнә, ле найенә дитьн. Ве рʹезеда хәбәра Йунани кӧ һатә wәлгәрʹандьне ча «избатийа» wан тьшта, те һʹәсабе чахе мәрьв сәд сәләфи баwәр дькә тьштәки, чь кӧ әw навинә. Мәсәлә, әw баwәр дькә кӧ Йаһоwа Хwәде һәйә, Иса Мәсиһ, мьлйакʹәт, у ӧса жи Пʹадшатийа әʹзмана. Ле гәло wе чьда бе кʹьфше кӧ әм бь рʹастийе созед Хwәде баwәр дькьн у ӧса жи тьштед кӧ әм нькарьн бьвиньн? Әw wе бе кʹьфше пе хәбәрдана мә у кьред мә. Бей wан тьшта, баwәрийа мә пʹучʹ ә. w16.10 4:6

Дьбәкә ԛәwата мә тʹӧнә сәва шьхӧле Пʹадшатийеда гәләк тьшт бькьн у пʹәра ԛӧрбан кьн, ле йәкә Йаһоwа у Иса гәләк ԛимәт дькьн чь кӧ һәр кәс жь мә дькә (Луԛа 21:1-4; 2 Корн. 8:12). Мәсәлә, һьнә хушк-бьред мә, йед кӧ әʹмьрда мәзьн ьн, щәфа дькʹьшиньн сәва бенә щьвате у хьзмәт кьн. Әwана бь рʹастийе жи һежа нә, wәки әм дьл бьдьнә wан у пʹайе wан бьдьн! Бәле, чаwа кӧ мәщале дьвиньн, дьл бьдьнә йед дьн. Һәрге әм дьвиньн wәки кәсәк һежайи пʹайа йә, әм гәрәке хwә паш нәхьн. Wәрә бьньһерʹьн кӧ чь ԛәwьми чахе Паwлос у Барнабас чунә Әнтакйа Пьсидйайеда. Сәрwеред кʹьниште wанрʹа готьн: «Гәли бьра, һәгәр готьнәкә wә һәйә кӧ дьл бьдьнә щьмәʹте, кʹәрәм кьн бежьн» (Кʹар. Шанд. 13:13-16, 42-44). Рʹасти жи һәрге әм дькарьн дьл бьдьнә бәр һәв, әм гәрәке һәма ӧса жи бькьн. Һәрге әм дьл бьдьнә йед дьн, әwана жи wе һелан бьн дьл бьдьнә мә (Луԛа 6:38). w16.11 1:3, 15, 16

Чьԛас ԛәдьрәки мәзьн ә wәки әм нава тʹәшкиләта Йаһоwада ньн! Әм заньн дәрһәԛа дәʹwакьрьнед Хwәде у принсипед wи, ләма әм борщдар ьн, wәки wе йәке бькьн чь кӧ чʹәʹве wида рʹаст ә. Әв дьнйа һе хьраб у хьраб дьбә, ле әм гәрәке хьрабийе «нәфрʹәт бькьн» чаwа кӧ Йаһоwа нәфрʹәт дькә (Зәб. 97:10). Әм гәрәке тӧ щар мина wан мәрьва нибьн йед кӧ «жь хьрабрʹа дьбежьн ԛәнщ, жь ԛәнщрʹа дьбежьн хьраб» (Иша. 5:20). Әм гәләк дьхwазьн дьле Хwәде ша кьн, ләма әм физикида, намусийеда у рʹӧһʹанида тʹәмьз дьминьн (1 Корн. 6:9-11). Әм Йаһоwа һʹьз дькьн у итʹбарийа хwә wи тиньн. Әм дьжин пе тʹәмийед wи, кӧ Кʹьтеба wийә ԛимәтда ньвисар ьн. Әw тʹәми у ширәтед wи әм дьдьнә хәбате, малда, щьватеда, хәбатеда, мәкʹтәбеда, демәк һʹәму щийа. w16.11 3:13

Леколинкʹаред Кʹьтеба Пироз дьлсах бун. Ле wәʹде салед 1914-1919-да әwана һьнә принсипед Кʹьтеба Пироз бь тʹәмами фәʹм нәдькьрьн. Мәсәлә, wи wәʹдәйи бьра рʹаст фәʹм нәдькьрьн кӧ чьда гәрәке гӧрʹа сәрwера бькьн. Ләма ча кʹом, әwана wәʹде шәрʹ, нәһәртʹьм тʹәвнәбуйине хwәй дькьрьн. Мәсәлә, 30 Гӧлане, сала 1918-да сәрокwәлате Дәwләтед Йәкбуйи тʹәми да, wәки ве рʹоже гьшк гәрәке дӧа бькьн сәва әʹдьлайе. У «Бьрща Ԛәрәwьлийеда», һатә готьне wәки Леколинкʹаред Кʹьтеба Пироз жи әw тʹәми биньн сери. Һьнә бьра һәла һе алийе пʹәрада жи кʹомәк дьдан сәва шәрʹ, һьнәка жи чʹәк һьлданә дәсте хwә у чунә шәрʹ. Ле wе нәрʹаст бә һәрге әм бьфькьрьн, кӧ Леколинкʹаред Кʹьтеба Пироз кʹәтьнә дилтийа Бабилоне жь бо ве йәке кӧ wана принсипед Кʹьтеба Пироз нәрʹаст фәʹм дькьрьн. Бь рʹастийе wана фәʹм дькьр кӧ әwана гәрәке жь рʹелигийа ԛәлп бьԛәтьн. Ләма wәʹде Шәрʹе Һʹәмдьнйайе йа I, дькарьн бежьн wәки ида тʹӧ тьшт wана рʹелигийа ԛәлпва гьренәдьда (Луԛа 12:47, 48). w16.11 5:9

Дьԛәwьмә һун дьфькьрьн, wәки гәло чьрʹа Паwлос Мәсиһийед бьжарти ширәт кьр, wәки пәй хwәстьнед бәдәне нәкʹәвьн. Гәло әw йәк дькарә тʹәви Мәсиһийа жи бьԛәwьмә, йед кӧ ида бунә достед Хwәде у ча мәрьвед рʹаст һатьнә һʹәсабкьрьне? Йазьх, ле һәр Мәсиһи дькарә бькʹәвә ве тʹәльке, кӧ бьжи бь хwәстьнед бәдәне. Мәсәлә, Паwлос ньвиси wәки Рʹомеда һьнә бьра, бунә хӧламе «зьке хwә [йан хwәстьнед хwә]». Пе wан гьлийа дьбәкә әwи дьхwәст бьгота, wәки әʹмьре wанда хwәстьнед wанә бәдәне, щийе пешьн дьгьртьн, мәсәлә секс, хwарьн йан диса хwәстьнед дьн. Һьнәк жь wана «бь заре хwәш у һʹьләкарийе», мәрьвед дьлсах дьхапандьн (Рʹом. 16:17, 18; Фили. 3:18, 19; Щьһуд. 4, 8, 12). Биньн бира хwә, wәки wи wәʹдәйи, бьраки жь Корьнтʹе тʹәви «демарийа хwә» зьнекʹари дькьр (1 Корн. 5:1). Әʹйан ә кӧ Хwәде чьрʹа Паwлос һелан кьр, wәки wан Мәсиһийа ширәт кә, сәва әwана бь хwәстәка бәдәне нәжин. Әв ширәт иро бона мә жи гәләк фәрз ә (Рʹом. 8:5, 6). w16.12 2:5, 8, 9

Сәва кем хәма бькьн, дькарә али wә бькә хәбәрдан тʹәви wан, итʹбарийа хwә кʹе жи һун тиньн. Чахе һун дьле хwә щоте хwәрʹа вәкьн, һәвале незикрʹа, йан рʹуспийе щьватерʹа, дьле wә wе рʹьһʹәт бә у һуне ида һаԛас дьлтәнг нәбьн у гәләк хәма нәкьн. Чахе һун дәрде хwә кәсәкирʹа һʹәлал гьли кьн, һуне һе рʹьнд дәрәща хwә фәʹм кьн у ида wе дәрд дьле wәда нәминә. Кʹьтеба Пироз мәрʹа дьбежә: «Бе ширәт мәрәм у тʹьвдир бәтал дьбьн, ле бь сайа гәләк ширәткʹара әw тенә сери» (Мәтʹлк. 15:22). Йаһоwа ӧса жи бь сайа щьвате али мә дькә, wәки гәләк хәма нәкьн. Сәр щьвате әм хәбәрдьдьн тʹәви хушк-бьра, кʹижан кӧ мә һʹьз дькьн у дьл дьдьнә мә (Ибрн. 10:24, 25). Бь сайа ве йәке кӧ әм дьл дьдьнә һәв, әме һе ԛәwи бьн у әме кем хәма бькьн (Рʹом. 1:12). w16.12 3:17, 18

Чахе сьһʹәт-ԛәwата мә нәбаш ә йан жи чәтьнайед дьн һәнә кӧ әм нькарьн бьгӧһезьн, әм гәрәке хәмед хwә бавежьн сәр Йаһоwа, чьмки заньн wәки әw мә һʹьз дькә у али мә бькә (1 Пәт. 5:6, 7). Ӧса жи әм чьԛас дькарьн гәрәке һʹәму тьшти бькьн, wәки кʹаре бьстиньн жь щьвата у жь хwарьна рʹӧһʹани, кӧ тʹәшкиләта Йаһоwа дьдә мә (Ибрн. 10:24, 25). Чь дькарьн бькьн әw де-бав, зарʹед кʹе жи жь рʹийа рʹаст дәркʹәтьнә? Мәсәлә, Самуйел нькарьбу зоре зарʹед хwәйи мәзьн бькә, wәки Хwәдерʹа амьн бьминьн (1 Сам. 8:1-3). Әwи әw чәтьнайи да дәсте Йаһоwа. Ле һәла wи чахи жи Самуйел амьнийа хwә хwәй дькьр, у дьле Баве хwәйи әʹзмана ша дькьр (Мәтʹлк. 27:11). Иро дәрәща һьнә де-бавед Мәсиһи жи мина йа Самуйел ә. У әwана жи баwәр дькьн, wәки Йаһоwа тʹьме һазьр ә ԛәбул кә wан гӧнәкʹара кӧ гӧнед хwә дьдьнә рʹуйе хwә (Луԛа 15:20). Әw де-бав һʹәму тьшти дькьн сәва амьн бьминьн Йаһоwарʹа у баwәр дькьн, wәки зарʹ wе чʹәʹв бьдьнә wан у вәгәрʹьн щәм Хwәде. w17.01 1:15, 16

Мәрьве мьлук шкәсти йә жи. Әw фәʹм дькә кӧ синоре ԛәwата wи һәйә, у ӧса жи шашийед хwә тинә рʹуйе хwә. Мәрьве мьлук тʹьме һазьр ә гӧһ бьдә йед дьн у ширәта ԛәбул дькә. Бәле, мәрьве мьлук дьле Йаһоwа ша дькә. Кʹьтеба Пироз дьдә кʹьфше, wәки мәрьве шкәсти синора ԛәwата хwә занә у фәʹм дькә кӧ һәнә тьшт чь изьна wи тʹӧнә бькә. Занәбуна ве йәке, али wи дькә wәки ԛәдьре мәрьвед дьн бьгьрә у һәләԛәтийа wи һьндава wанда баш бә. Ча әм дькарьн тедәрхьн wәки әм кʹӧбар дьбьн? Дина хwә бьдьнә һьнә wан нишана. Мәсәлә, чахе әм дьле хwәда хwә бьльнд һʹәсаб дькьн, у бь щабдарийед хwә щьватеда хwә ԛӧрʹә дькьн (Рʹом. 12:16). Йан жи чахе әм дина мәрьва дькʹьшиньн сәр хwә (1 Тимтʹ. 2:9, 10). Дьԛәwьмә жи, әм фькьред хwә сәр мәрьвава кьн, у бежьн кӧ әwана чь бькьн у чь нәкьн. Чахе әм хwә ӧса дьдьнә кʹьфше, гәләк щар ӧса дьԛәwьмә wәки әм нә жи тедәрдьхьн кӧ әм кʹӧбар дьбьн (1 Корн. 4:6). w17.01 3:6-8

Wан пашwәхтийа шьхӧле бәлакьрьна мьзгинийе гәләк зедә у мәзьн дьбә. Ӧса жи тʹәшкиләта Йаһоwа һащәт у техноложийед тʹәзә дьдә хәбате, сәва кӧ һе зедә мәрьв мьзгинийе пебьһʹәсьн. Ле бона мәрьвед әʹмьрда мәзьн, щара чәтьн ә һин бьн wан тьштед тʹәзә бьдьнә хәбате (Луԛа 5:39). Һәрге жи әw йәк wанрʹа чәтьн нинә, йәкә әwана нькарьн һаԛас шьхӧл бькьн, чьԛас щаһьл дькарьн. Ләма wе бь һʹьзкьрьн у билани бә, һәрге йед әʹмьрда мәзьн, һазьр кьн бьред щаһьл, сәва әwана һе зедә щабдарийа һьлдьн сәр хwә (Зәб. 71:18). Һьнәкарʹа һеса нинә щабдарийа хwәйә щьватеда бьдьнә дәсте кәсәки дьн. Чьмки һьнәк нахwазьн ӧнда кьн әw шьхӧле кӧ әwана һʹьз дькьн, йан жи дьфькьрьн wәки йед щаһьл нькарьн мина wан шьхӧл рʹьнд бькьн. Һьнәк жи дьбәкә дьфькьрьн, wәʹде wан тʹӧнә бьред дьн һин кьн. Ле бьред щаһьлрʹа лазьм ә сәбьр кьн, чахе шьхӧл һе надьн дәсте wан. w17.01 5:3, 4

Йаһоwа әʹмьре әʹфрине хwәйә пешьн жь әʹзмана дәрбази әʹрде кьр (Йуһʹн. 1:14). Иса жи мина Адәм мәрьвәки бекемаси бу, ле әwи мина Адәм нәкьр. Иса пе ԛануна Хwәде дьжит, чаwа кӧ Хwәде жь мәрьве беԛьсур дәʹwа дькьр. Әwи һәла һе wәʹде щерʹьбандьнед ԛайим жи тʹӧ щар гӧнә нәкьр у нә жи ԛануна Хwәде тʹәрʹьбанд. Иса мәрьвәки беԛьсур бу, ләма дькарьбу инсанәт жь гӧнә у мьрьне хьлаз кьра бь ве йәке кӧ әʹмьре хwә бьда бона wан. Иса мәрьвәки бекемаси, амьн у гӧрʹа Хwәдеда бу, чаwа кӧ Адәм гәрәке бьбуйа (1 Тимтʹ. 2:6). Иса хwә ԛӧрбан кьр, у әwе йәке рʹе вәкьр һʹәму мәрьварʹа, сәва жийина һʹәта-һʹәтайе бьстиньн (Мәт. 20:28). Бәле, кʹьрʹин кӧ Иса да, рʹе вәкьр сәва кӧ ԛьрара Хwәде йа пешьн бе сери (2 Корн. 1:19, 20). Әw кʹьрʹин мәщале дьдә һʹәму мәрьвед амьн, wәки жийина һʹәта-һʹәтайе бьстиньн. w17.02 1:15, 16

Бьдә бәр чʹәʹве хwә кӧ wәʹде рʹеwитийа дьреж тӧ дьсәкьни ортʹа тунеләкә дьреж. Тӧ дьвини һʹәму щийа гәләк тәʹри йә. Ле тӧ зани, һәрге тӧ бәрдәwам ки һʹәта хьлазийа тунеле һәри, тӧйе рʹонайе бьвини. Щара әм дьбәкә нава проблемада дьхәньԛьн у ньзаньн ча тәйах кьн. Һәла һе Иса жи дькарьбу ӧса хwә тʹәхмин кьра. Чьмки әwи жь йед гӧнәкʹар готьнед «мьԛабьли хwә» дьбьһист. Һьн жи wана wи беһӧрмәт дькьр, у һәла һе жи әw дардакьрьн сәр стуна щәфайе. Бешьк, һьнге жийина Исайә сәр әʹрдеда wәʹдәки лапә тәʹри бу! (Ибрн. 12:3). Ле йәкә, Иса һʹәму дәрәщада сәбьр кьр. Әwи дина хwә дьда сәр wан хәлата, йед кӧ wе пәй сәбьркьрьне бьстанда. Ле лапә фәрз бона wи әw бу, wәки изьна сәрwертийа Йаһоwа бе избаткьрьне, у наве Хwәде бе рʹумәткьрьне. Әw тәнгасийед Иса wәʹдәлу бун, ле хәлата wийә әʹзмана wе һʹәта-һʹәтайе буйа. Иро, чәтьнайед кӧ рʹасти wә тен, дьбәкә гәләк еше wәрʹа тиньн у һәла һе дьбәкә һун бьфькьрьн кӧ ида нькарьн тәйах кьн. Wи чахи, тʹьме биньн бира хwә кӧ тәнгасийед wә wәʹдәлу нә. w16.04 2:10

Иро, ԛә хәма мәрьва нинә чахе әwана гӧнә дькьн. Ләма әwана фәʹм накьн кӧ чьрʹа әwана һʹәwще кʹьрине нә. Тʹәне паши хәбәрдана тʹәви Шәʹдед Йаһоwа, әwана әве йәке фәʹм дькьн. Әwана ӧса жи ньзаньн кӧ чь wанрʹа лазьм ә, сәва әwана жь һʹӧкӧме гӧнә аза бьн. Ле чахе әwана педьһʹәсьн кӧ Йаһоwа Кӧрʹе хwә шандә сәр әʹрде, у сәва мә ԛӧрбан кьр, әw мәрьвед дьлсах гәләк жь Хwәде рʹази дьбьн. Әwана дьлша дьбьн кӧ әw кʹьрин һатә дайине, сәва һʹәму мәрьв жь гӧнә у мьрьне хьлаз бьн. У әwана фәʹм дькьн кӧ Йаһоwа әв йәк кьр, жь бо һʹьзкьрьна хwәйә мәзьн у ԛәнщийа нәһежа (1 Йуһн. 4:9, 10). Ԛӧрбана Иса избат дькә һʹьзкьрьна Хwәде у ԛәнщийа Wийә мәзьн һьндава мә. Чьԛас әм дьлрʹьһʹәт дьбьн кӧ әм заньн, wәки һәрге әм баwәрийа хwә ԛӧрбана Иса тиньн, гӧнед мә wе бенә бахшандьне. Хенщи wе йәке, исафа мә wе бәр Хwәде тʹәмьз бә (Ибрн. 9:14). Бь рʹастийе жи, әw чьԛас мьзгиникә баш ә, кʹижан кӧ әм дькарьн мәрьварʹа гьли кьн! w16.07 4:6, 7

Сәва бь тʹәмами гӧнед мә бенә бахшандьне, әм гәрәке баwәрийа хwә кʹьрʹине биньн. Хәбәра Хwәде мә дьдә баwәркьрьне, wәки гӧнед мә дькарьн «бенә рʹәситкьрьне» (Кʹар. Шанд. 3:19-21). Йаһоwа бь сайа кʹьрʹине, Мәсиһийед бь рʹӧһʹе пироз кʹьфшкьри дькә зарʹед хwә (Рʹом. 8:15-17). У Йаһоwа соз дьдә «пәзед дьн» жи кӧ wана бькә малбәта хwә. Чахе әwана бьбьнә беԛьсур у амьн бьминьн wәʹде щерʹьбандьна хьлазийе, Йаһоwа wе wана жи бькә зарʹед хwә (Рʹом. 8:20, 21; Әʹйан. 20:7-9). Һʹьзкьрьна Йаһоwа һьндава зарʹед wи, wе һʹәта-һʹәтайе бә у кʹьрʹин жи wе мәрʹа кʹәрәмед һʹәта-һʹәтайе бинә. Әw пʹешкʹеша Хwәде wе тʹӧ щар ԛимәта хwә ӧнда нәкә у нә жи тʹӧ кәс дькарә әwе пʹешкʹеше жь мә бьстинә. Һәрге әм бь дьле сах гӧнед хwә тиньн рʹуйе хwә, Шәйтʹан нькарә мә бьдә сәкьнандьне, wәки әм ахьрийеда бьбьнә нәфәред малбәта Йаһоwа. w17.02 2:15, 16

Чахе Йаһоwа әм незики хwә кьрьн, әwи заньбу кӧ чь сьстбун у кемасийед мә һәнә. Ле йәкә, Йаһоwа хwәст кӧ әм бьбьнә достед wи. Йаһоwа мә гәләк һʹьз дькә, у ләма әwи Кӧрʹе хwәйи һʹьзкьри сәва мә кьрә ԛӧрбан (Йуһʹн. 3:16). Чахе әм шашийа дькьн, бь сайа ве ԛӧрбане әм дькарьн жь Йаһоwа бахшандьне бьхwазьн. У әм гәрәке дӧдьли нәбьн, кӧ Йаһоwа wе мә бьбахшинә у диса мә һʹәсаб кә достед хwә. Гәло гәрәке әм хwә бьгьрьн кӧ кʹара ԛӧрбане нәстиньн, чьмки әм гӧнәкʹар ьн у бь ԛьсур ьн? Ԛӧрбана Иса һатә дайине бона мәрьвед гӧнәкʹар, йед кӧ гӧнед хwә тиньн рʹуйе хwә. Әм гәләк рʹази нә бона ве ԛӧрбане, чьмки рʹаст ә әм мәрьвнә гӧнәкʹар ьн, ле йәкә әм дькарьн бьбьнә достед Йаһоwа! (1 Тимтʹ. 1:15). w16.05 4:6, 7