Һʹәзиран

Хенщи ԛизе, зарʹед Йәфтаһ тʹӧнә бун. Ләма тʹәне ԛиза wи карьбу рʹькʹьнйата wи бәрдәwам кьра, сәва наве wи хwәй бә, у бьбуйа хwәйе мьлкʹе wи Исраеледа (Һʹакьм. 11:34). Ле йәкә Йәфтаһ гьлийед ӧса гот: «Мьн жь Хӧданрʹа гот, еди әз нькарьм вәгәрʹьм» (Һʹакьм. 11:35). Йаһоwа ԛӧрбана Йәфтаһйә мәзьн ԛәбул кьр у әw кʹәрәм кьр. Ле тәйе ча бькьра дәрәща ӧсада? Чахе әм хwә тʹәсмили Йаһоwа дькьн, әм соз дьдьнә wи wәки әме тʹьме ԛьрара wи биньн сери. У әм заньн кӧ сәва анәгори ви сози бьжин, лазьм ә тьштәки ԛӧрбан кьн. Ле һеса нинә әwе йәке бькьн. Чьмки щара дьбәкә жь мә бе хwәстьне кӧ тьштәки ӧса бькьн, чь мә хwәш найе. Чахе әм тьштед ӧса ԛӧрбан дькьн, у Хwәдерʹа ӧса хьзмәт дькьн кӧ накʹәвьнә һʹәйра комфорта хwә, бь ве йәке әм амьнийа хwә избат дькьн. Ле кʹәрәмед Хwәде тʹьме жь wан һʹәму ԛӧрбана кӧ әм дькьн мәзьнтьр ьн (Малх. 3:10). w16.04 1:11, 14, 15

Иса бь рʹӧһʹе пироз рʹебәрийа щьвата Мәсиһийа дькә. Мәрʹа рʹӧһʹе пироз лазьм ә, сәва әм бькарьбьн щерʹьбандьнада тәйах кьн, бь мерхаси хьзмәт кьн, у ӧса жи сәва сафикьрьнед рʹаст бькьн. Ләма жи әм гәрәке һәр тьшти бькьн, wәки һәртʹьм һәрʹьнә щьвине, сәва кӧ рʹӧһʹе пироз бьстиньн. Сәр гәләк щьвина әм шеwьр дькьн дәрһәԛа wе йәке, кӧ ча пʹехәмбәртийед жь Кʹьтеба Пироз тенә сери. Әw йәк баwәрийа мә ԛәwи дькә, кӧ Йаһоwа чь соз дайә мә бона ахьрийе, әw соз жи wе әʹсә бенә сери. Бәле, әм ӧса жи гәләк ԛәwи дьбьн чахе бьра пе готара дәртен. Ле щьватеда диса хушк-бьред дьн жи мә дьшьдиньн, мәсәлә пе щабед хwә, йан чахе пе дәрса дәртен, у чахе бь дьл кʹьлама дьстьрен (1 Корн. 14:26). У ӧса жи чахе әм тʹәви хушк-бьра хәбәрдьдьн пешийа у паши щьвине, әм тʹәхмин дькьн кӧ әwана бона мә хәм дькьн у әм гәш дьбьн (1 Корн. 16:17, 18). w16.04 3:6, 7

Иса гот кӧ мьзгин гәрәке бе бәлакьрьне «нав тʹәмамийа дьнйайе» (Мәт. 24:14). Ләма жи шагьртед wи гәрәке «һʹәму мьләтарʹа» мьзгин бәлакьрана. Демәк, әw те һʹәсабе wәки мьзгин һʹәму щийа гәрәке бьһата бәлакьрьне. Тʹәне Шәʹдед Йаһоwа пʹехәмбәртийа Иса тиньн сери, демәк мьзгине нав тʹәмамийа дьнйайеда бәла дькьн. Чьрʹа әм дькарьн ӧса бежьн? Wәрә һьнә һʹәсаба шеwьр кьн. Дәwләтед Йәкбуйида wәкә 600 000 кʹәшишед жь щурʹә-щурʹә религийа һәнә, ле Шәʹдед Йаһоwа wәкә 1 200 000 ьн. Тʹәмамийа дьнйайеда, Дера Рʹомайа Католикида wәкә 400 000 кʹәшиш һәнә. Ньһа дина хwә бьдьн сәр һәжмара Шәʹдед Йаһоwа, йед кӧ мьзгина Пʹадшатийа Хwәде бәла дькьн. Нав тʹәмамийа дьнйайеда, 240 wәлатада, wәкә 8 милйон Шәʹдед Йаһоwа мьзгина дәрһәԛа Пʹадшатийе бәла дькьн. Бәле, нав тʹәмамийа дьнйайеда шьхӧләки мәзьн те кьрьне, сәва рʹумәт у һӧрмәткьрьна Йаһоwа (Зәб. 34:1; 51:15). w16.05 2:13, 14

Иро мәрьв дьфькьрьн кӧ изьна wан һәйә хwәха сафи кьн чь баш ә у чь хьраб ә. Әwана ԛӧрʹә нә, хwәһʹьз ьн у шәрʹуд ьн. Әwана әве йәке дькьн чь кӧ чʹәʹве wанда рʹаст ә, у бона wан фьрԛи тʹӧнә сафикьрьнед wан wе ча сәр мәрьвед дьн һʹӧкӧм бьн (Дәстп. 3:1-5). Ньһерʹандьна wи щурʹәйи шәрʹ-дәwа пешда тинә. Иса мәрьв һин дькьрьн, кӧ тʹьме әʹдьлайе бьгәрʹьн, һәла һе wи чахи жи, чахе әwана дьшьрмиш дьбьн кӧ әw йәк бона кʹара wан нинә. Чахе Иса сәр чʹийе мәрьв һин дькьрьн, әwи ширәт да шагьртед хwә, кӧ чаwа чәтьнайед ортʹа һәвда сафи кьн. Мәсәлә әwи wанрʹа гот кӧ нәрм бьн, әʹдьлайе хwәй кьн, у ӧса жи хwә жь һерсе дур бьгьрьн. Һьн жи әwи әwана һин дькьрьн, кӧ чәтьнайа нав һәвда зу сафи кьн, у дьжмьнед хwә һʹьз бькьн (Мәт. 5:5, 9, 22, 25, 44). w16.05 1:4, 5

Мә гәләкарʹа лазьм бу пешийа ньхӧмандьне гӧһастьнед мәзьн бькьн, сәва кӧ бьжин ӧса, чаwа Кʹьтеба Пироз мәрʹа дьбежә. Ле паши ньхӧмандьне, мә фәʹм кьр кӧ әм гәрәке диса нав хwәда гӧһастьна бькьн, сәва кӧ һе зедә чʹәʹв бьдьнә Хwәде у Иса Мәсиһ (Әфәс. 5:1, 2; 1 Пәт. 2:21). Мәсәлә, дьбәкә мә дит кӧ хәйсәтәки мәйи ӧса һәйә кӧ әм дькьнә кӧтә-кӧт, йан гәвәстийе дькьн. Йан жи дьбәкә жь мәрьва дьтьрсьн, у диса кемасийед дьн. Дьԛәwьмә wә тʹәхмин кьр кӧ хәйсәт-һʹӧнӧред ӧса нав хwәда дәрхьн һе чәтьн ә, нә кӧ ча һун дьфькьрин. Ле бир нәкьн кӧ әм гӧнәкʹар ьн (Колс. 3:9, 10). Ләма жи, паши ньхӧмандьне у һәла һе паши гәләк сала жи, әм диса жи шашийа бәрʹдьдьн. Дьԛәwьмә щара хwәстьнед нәрʹаст щәм мә дькарьн пешда бен йан һәстед нәбаш, йан жи чәтьн бә сьстбунед хwә контрол кьн. Дьбәкә жи мәрʹа лазьм бә гәләк сала бьхәбьтьн сәр хәйсәт-һʹӧнӧред хwә (Аԛуб 3:2). w16.05 4:3-5

Дьбәкә wә бьһистийә кӧ кәсәки гьлийе ӧса готийә: «Һʹәта кӧ зарʹ мьнрʹа нәбуна, мьн ширәткьрьна де-бава бь тʹәмами нәдьшекьранд». Чахе әм мәзьн дьбьн, әм ширәткьрьне һе ԛимәт дькьн, чьмки әм фәʹм дькьн кӧ әw йәк жь һʹьзкьрьне йә (Ибрн. 12:5, 11). Бәле, Йаһоwа мә һʹьз дькә ча зарʹед хwә, у ләма әw мә ширәт дькә у бь сәбьр мә рʹаст дькә. У әw дьхwазә кӧ әм жи wи һʹьз кьн, у дьхwазә әм билан у бәхтәwар бьн (Мәтʹлк. 23:15). Әw нахwазә кӧ әм сәва нәбиланийа хwә бьчәрчьрьн, у нә жи дьхwазә әм әʹмьре хwә ӧнда кьн, сәва гӧнәкʹарийа хwә, кʹижан кӧ мә чаwа зӧрʹәта Адәм стандийә (Әфәс. 2:2, 3). Пешийа кӧ мә Йаһоwа нас кьра, дьбәкә һʹӧнӧред мәйә ӧса һәбун, йед кӧ wи хwәш найен, дьԛәwьмә һʹӧнӧред гәләк хьраб жи. Ле йәкә, Йаһоwа али мә кьр кӧ әм һатьнә гӧһастьне, у ньһа гәләк һʹӧнӧред мәйи баш һәнә (Иша. 11:6-8; Колс. 3:9, 10). w16.06 1:7, 8

Зарʹед бьчʹук мьлук ьн, әwана дьхwазьн һин бьн, у тьштед тʹәзә пебьһʹәсьн (Мәт. 18:1-3). Ләма, һʹәта кӧ зарʹ бьчʹук ьн, wе билани бә кӧ де-бав али зарʹед хwә бькьн кӧ рʹастийе нас кьн у һʹьз кьн (2 Тимтʹ. 3:14, 15). Ле сәва кӧ де-бав ве йәкеда пешда һәрʹьн, әwана гәрәке хwәха рʹастийе һʹьз бькьн, у пе жийина хwә әве йәке нишан кьн. Чахе зарʹ бьвиньн кӧ де-бав ӧса дькьн, wанрʹа wе һе һеса бә рʹастийе һʹьз кьн. Хенщи ве йәке, зарʹ wе фәʹм бькьн кӧ ширәткьрьна де-бава әw һәйә әʹйанкьрьна һʹьзкьрьна wан у ӧса жи һʹьзкьрьна Йаһоwа. Чахе әм мьлук ьн у тʹьме гӧрʹа Йаһоwа дькьн, әме бәр чʹәʹве wи гәләк ԛимәт бьн, чаwа Данийел пʹехәмбәр (Дан. 10:11, 19). Хенщи ве йәке, Йаһоwа wе бәрдәwам кә мә бьгӧһезә бь сайа Хәбәра хwә, рʹӧһʹе хwә, у тʹәшкиләта хwә. w16.06 2:14, 17

Йаһоwа Даwьд һʹьз дькьр, чьмки әwи дьдит кӧ «дьле» Даwьд тʹәмьз бу (1 Сам. 13:13, 14). Ле һәла һе Даwьд жи гӧне мәзьн кьр. Әwи бенамуси кьр тʹәви Бат-Шәбайе, у әw жьньк гьран дәркʹәт. Әw йәк ԛәwьми, чахе мере wе Урийа әскәрийе бу. Ле чахе Урийа жь әскәрийе вәгәрʹийа, Даwьд әw һелан кьр, кӧ әw һәрә мала хwә, чьмки баwәр бу кӧ әw wе тʹәви жьна хwә рʹазе. Даwьд дьхwаст, кӧ Урийа баwәр бькә кӧ әw зарʹ жь wи йә, сәва гӧне wи бе вәшартьн. Ле Урийа нәчу мале. Ләма жи Даwьд ӧса кьр кӧ wәʹде шәрʹ Урийа бе кӧштьне. Ле Даwьд жь бо гӧне хwә, ԛәзийа ани сәр хwә у малбәта хwә (2 Сам. 12:9-12). Ле йәкә, Йаһоwа рʹәʹм бу һьндава Даwьд у бахшандә wи, чьмки Даwьд дьлсах бу (1 Падш. 9:4). Һәрге wә wи wәʹдәйи бьжита, һуне чь бьфькьрийана дәрһәԛа Даwьд? Гәло кьред wийи нәрʹаст, бона wә wе бьбуйа кәвьре лькʹӧмандьне? w16.06 4:7

Чаwа Шәʹдед Йаһоwа әм рʹьнд гӧһ дьдьнә гьлийед Иса. Әм заньн кӧ әм ньһа дьжин рʹожед хьлазийеда у гәләк һьндьк майә кӧ тәнгасийа мәзьн дәстпебә! (Дан. 12:4; Мәт. 24:21). Әм пе чʹәʹве хwә дьвиньн кӧ чаwа пʹехәмбәртийа Иса те сери. Әм дьвиньн кӧ дьнеда нәһәԛи у зӧлми зедә буйә. Гәләк шәрʹ, кемасийа хwарьне, нәхwәшийед гьран, әʹрдһәж һәнә, у ӧса жи рʹелигийед ԛәлп мәрьва дьхальфиньн. Хенщи ве йәке, щьмәʹта Йаһоwа нав тʹәмамийа дьнйайеда мьзгинийа Пʹадшатийе бәла дькә (Мәт. 24:7, 11, 12, 14; Луԛа 21:11). У әм ньһа гәләк һивийа һатьна Иса нә, у һивийе нә чахе әw ԛьрара Хwәде бинә сери (Марԛ. 13:26, 27). Ле әм ньзаньн, wе кʹижан сале, йан рʹоже у сьһʹәте дәстпебә тәнгасийа мәзьн. w16.07 2:2-4

Бь сайа ԛәнщийа нәһежа жь Йаһоwа, әм дькарьн wирʹа дӧа бькьн. Йаһоwа мәрʹа ԛәдьрәки ӧса мәзьн да, кӧ әм дькарьн бь сайа Кӧрʹе wи, wирʹа дӧа бькьн. Паwлос гот: «Йәктийа Мәсиһда у пе wе баwәрийа мәйә сәр wи әм дькарьн бь меркʹими у рʹувәкьри незики Хwәде бьн» (Әфәс. 3:12). Әw йәк кӧ әм дькарьн Йаһоwарʹа дӧа бькьн, бь рʹастийе жи әʹйан дькә ԛәнщийа wи, кӧ әм һежа ниньн бьстиньн. Паwлос әм һелан кьрьн кӧ әм һеса Йаһоwарʹа дӧа бькьн, сәва «рʹәме бьстиньн у кʹәрәме бьбиньн кӧ гава әм һʹәwщә бьн, аликʹарийа мә бькә» (Ибрн. 4:16б). Wәʹде тәнгасийа у чәтьнайа, әм тʹьме дькарьн жь Йаһоwа һиви кьн, кӧ әw али мә бькә. Рʹаст ә әм һежа ниньн, ле йәке әw щаба дӧайед мә дьдә. Гәләк щар әw бь сайа хушк-бьра али мә дькә. Бәле, Йаһоwа дьбьһе дӧайед мә, «ләма жи рʹуйе мә дьгьрә кӧ әм бежьн: ‹Хӧдан пьштоване мьн ә у әз натьрсьм. Инсане чь ль мьн бькә?›» (Ибрн. 13:6). w16.07 3:12, 13

Нӧһ у се кӧрʹед wи, һәр йәки жьнәк стандьбу. Ле паши селаве гәләк мера йәке зедәтьр жьн дьстандьн. Гәләк културада бенамуси у ԛави бунә тьштәки нормал, у һәла һе религийада жи бунә ԛәйдә. Чахе Бьраһим у Сәра чунә Кәнане, дәр-доре wана гәләк мәрьвед бенамус һәбун, кʹижана зәwащ һӧрмәт нәдькьрьн. Ләма жи Йаһоwа сафи кьр кӧ Содом у Гоморайе кʹӧта кә, чьмки бьнәлийед wан шәһәра гәләк кьред бенамуси дькьрьн. Ле Бьраһим бона малбәта хwә сәрwерәки баш бу, у Сәрайе жи мәсәләкә баш һишт wе йәкеда кӧ гӧрʹа мере хwә дькьр (1 Пәт. 3:3-5). Бьраһим хәм кьр дәрһәԛа wе йәке, кӧ кӧрʹе wи Исһаԛ йәкә ӧса бьстинә, кʹижан кӧ Йаһоwарʹа хьзмәт дькә. У Аԛубе кӧрʹе Исһаԛ жи, дьхwәст wәки кӧрʹед wи тʹәви хьзмәткʹаред Хwәде бьзәwьщьн, йед кӧ ахьрийеда бунә кал-бавед 12 бәрәкед Исраели. w16.08 1:10

Әв пʹехәмбәрти иро wан рʹожед ахьрийеда те сери. Нава сала 2015-да, нав тʹәмамийа дьнйайе 8 220 105 хьзмәткʹаред Йаһоwа мьзгинийа Пʹадшатийе бәла дькьрьн! Йаһоwа пешда гот кӧ щьмәʹта wи wе зедә бә. Әwи гот: «Әз Йаһоwа, әве йәке wәдәʹда ләз хьм». Бәле, чьԛас wәʹдә дьчә, һаԛас зәʹф шьхӧле мә зедә дьбә, wәки әм бькьн. Ле гәло әм һʹәму тьшти дькьн, сәва бь хирәт мьзгинийе бәла кьн? Гәләк хушк-бьред мә хьзмәт дькьн ча пешәнгед һәртʹьм йан комәкʹдар. Әм ӧса жи ша дьбьн чахе гәләк бь рʹәзәдьли хьзмәт дькьн wан щийа, кʹидәре һʹәwщәти һәйә, у ӧса жи шьхӧле авакьрьнеда кʹар дькьн. Фьрԛи тʹӧнә әм хушк ьн йан бьра, «шьхӧле Хӧданда» әм дькарьн гәләк тьшт бькьн (1 Корн. 15:58). w16.08 3:1, 2

Паши ве йәке чахе Исраели жь дилтийа Мьсьре аза бун, Амалеки мьԛабьли Исраелийа дәркʹәтьн. Йешу кӧ мерхас бу, бь рʹебәрийа Муса сәрwерти сәр Исраелийа дькьр wи шәрʹида. Wи wәʹдәйи, Муса тʹәви Һарун у Һур һьлкʹьшийа сәр бьльндщики, сәва кӧ әwи шәрʹи бьвиньн. Муса заньбу кӧ әw чь гәрәке бькә, wәки Исраели wи шәрʹида сәркʹәвьн. Муса дәсте хwә у шьвдара Хwәдайе рʹаст, бәрбь әʹзман бьльнд кьр. Чахе дәсте wи һьлкʹьшанди бун, Йаһоwа ԛәwат дьда Исраелийа сәва әwана һьмбәри Амалекийа сәркʹәвьн. Ле чахе дәстед Муса дьwәстийан у бәржер дьбун, Амалеки сәрдькʹәтьн. Гава Һарун у Һур әw йәк дитьн, дәрберʹа «кәвьрәк һьлдан данинә бьн [Муса] у әw ль сәр wи рʹуньшт. Һарун у Һур жи йәки аликива йе дьн жи алийе дьнва дәстед wи бьльнд хwәй кьрьн, һʹәта рʹо чу ава дәстед wи ԛәwин сәкьнин». Бәле, бь дәсте Хwәдейе ԛәwи, Исраели wи шәрʹида сәркʹәтьн (Дәркʹ. 17:8-13, ПКʹМ). w16.09 1:5-7

Паwлос сәд сәләфи баwәр бу, кӧ әw дькарә wи «шәрʹида» сәркʹәвә, һәрге бона аликʹарийе Йаһоwарʹа дӧа бькә у баwәрийа хwә ԛӧрбана Иса бинә. Ле гәло әм жи дькарьн сәркʹәвьн, чахе мьԛабьли ԛьсуред хwә шәрʹ дькьн? Бәле, әме бькарьбьн сәркʹәвьн, һәрге мина Паwлос бь тʹәмами итʹбарийа хwә Йаһоwа тиньн, нә кӧ хwә, у баwәрийа хwә ԛӧрбана Иса тиньн. Щара Йаһоwа дәрберʹа щаба дӧайед мә надә, чьмки дьхwазә бьвинә һәла әм бь тʹәмами итʹбарийа хwә wи тиньн йан на. Мәсәлә, һәрге нәхwәшийа мәйә гьран йан йа мәрьвед мәйи незик һәйә, йан жи һьмбәри мә нәһәԛийе дькьн, ча әм хwә кʹьфш дькьн? Әм гәрәке бь тʹәмами итʹбарийа хwә Йаһоwа биньн. Әм гәрәке тʹьме wирʹа дӧа бькьн сәва әw ԛәwате бьдә мә, wәки баwәрийа хwә хwәй кьн у шабуне ӧнда нәкьн. Ӧса жи, дӧа дькарә али мә бькә wәки әм рʹӧһʹанида нәкʹәвьн (Фили. 4:13). Сәрһатийед хьзмәткʹаред амьн, wәʹде бәре у ньһа, избат дькьн wәки дӧа бь рʹастийе ԛәwате дьдә мә у мә ԛәwи дькә, сәва әм тәнгасийада сәбьр кьн. w16.09 2:14, 15

Wи wәʹдәйи чахе щьвата Мәсиһи һәв зедә дьбу, чәтьнайик пешда һат. Мәсиһийа һеди-һеди дәстпедькьрьн фьрԛийе бькьнә ортʹа һәвдӧ. Щьһуйед кӧ Йунани хәбәрдьдан, бина хwә тәнг дькьрьн, чьмки Щьһуйед Ибрани һьндава жьнәбийед wан нәрʹасти дькьрьн. Сәва ве йәке, шандийа һʹәфт мер бьжартьн, сәва әwана бьньһерʹьн wәки тʹӧ кәси башԛә нәкьн. Наве wан һәр һʹәфт мера, наве Йунанийа бун. Дьԛәwьмә шандийа ләма әwана бьжартьн, чьмки дьхwәстьн wәки щьватеда фьрԛийе нәкьнә ортʹа һәвдӧ (Кʹар. Шанд. 6:2-6). Дьбәкә әм тʹәхмин накьн, ле йәкә әʹйд-ԛәйд, йане култура мә, гәләк сәр мә һʹӧкӧм дькә (Рʹом. 12:2). Хенщи ве йәке, дьбәкә әм дьбьһен кӧ чаwа мәрьвед дор-бәре мә, мәсәлә щинар, һәвал-хәбаткʹар, йан һәвалед мәкʹтәбеда, мьләтед дьн ньмьз дькьн у ԛәрфе хwә wана дькьн. Ле гәло әм дькʹәвьнә бәр байе wан? Әм ча хwә дьдьнә кʹьфше, чахе кәсәк ԛәрфа мьләте мә дькә, йан әʹдәтед мә? w16.10 1:7, 8

Хәбәра «хӧйа дьбьн», дьдә кʹьфше кӧ рʹаст ә мә әв йәк пе чʹәʹве хwә нәдитийә, ле әм фәʹм дькьн кӧ әw ӧса нә (Ибрн. 11:3). Ләма жи, мәрьве сәрwахтрʹа әʹсәйи нинә пе чʹәʹва тьшта бьвинә сәва кӧ тьштәки баwәр кә. Мәсәлә, әм нькарьн Әʹфьрандар пе чʹәʹве хwә бьвиньн, ле әм баwәр дькьн кӧ әwи һәр тьшт әʹфьрандийә. Һун дькарьн һе зедә дәрһәԛа әʹфринед Хwәде бьхуньн әʹдәбйәтед мәда кӧ тʹәшкиләта Йаһоwа дьдә. Wан әʹдәбйәтада һәнә информасийа, дәрһәԛа фькьред зандара сәр әʹфрина (Ибрн. 11:27). Мәсәлә, һьнә информасийа әм дькарьн бьвиньн жь видео бь наве «Thе Wondеrs of Crеation Rеvеal God’s Glory» (Һʹьмзорийа Хwәде жь Әʹфьрина Те Кʹьфше), ӧса жи брошуред «Was Lifе Crеatеd?» (Гәло Жийин Һатийә Әʹфьрандьн?), у «Thе Origin of Lifе—Fivе Ԛuеstions Worth Asking» (Канийа Әʹмьр-Пенщ Пьрсед Фәрз), у кʹьтеб бь наве «Is Thеrе a Crеator Who Carеs About You?» (Гәло Һәйә Әʹфьрандаре кӧ Мә Һʹьз Дькә?). Дь журнала «Һʹьшйар Бьн!», щара һәнә сәрһатийед зандара у мәрьвед дьн, йед кӧ гьли дькьн, кӧ wана ча баwәр кьр кӧ Хwәде һәйә. Ве журналеда ӧса жи һәнә рʹеза готара «Гәло Әw Йәк Кәсәки Әʹфьрандийә?». Әw готар шьровәдькьн, кӧ һәр тьшт чь кӧ әм тʹәбйәтеда дьвиньн, чьԛас рʹьнд һатьнә әʹфьрандьне. У зандар чахе тьштәки дьхwазьн чекьн, әwана кʹур дина хwә дьдьн әʹфринед Хwәде, у паше бь wи щурʹәйи тьштед тʹәзә чедькьн. w16.09 4:4, 5

Әw мәрьвед амьн дәрһәԛа кʹижана Ибрани сәре 11-да те готьне, пешийа һатьна «зӧрʹәте» создайи мьрьнә, демәк пешийа Иса Мәсиһ, йе кӧ рʹе вәкьр сәва мәрьв бьжин сәр әʹзмана (Галт. 3:16). Ле Йаһоwа wе wан мәрьва жь мьрьне рʹакә. Әwана wе бьбьнә беԛьсур у һʹәта-һʹәтайе сәр әʹрде бьжин (Зәб. 37:11; Иша. 26:19; Һос. 13:14). Ибрани 11:13-да дәрһәԛа хьзмәткʹаред бәре те готьне: «Әв һʹәму жи кӧ баwәрийеда мьрьн, ле созед Хwәде нәстандьн. Әwана тʹәне әw соз дурва дитьн, ша бун». Йәк жь wан мәрьвед амьн Бьраһим бу. Ле гәло әw һивийе бу, кӧ wе әʹмьрәки баш бьстинә, чахе «зӧрʹәта» создайи wе сәрwертийе бькә? Иса рʹастә-рʹаст щаба wе пьрсе да: «Баве wә Бьраһим һʹәйра wе рʹожа мьнда бу, wи дит у ша бу» (Йуһʹн. 8:56). Сәра, Исһаԛ, Аԛуб у мәрьвед дьн жи һивийа wи wәʹдәйи бун, чахе Пʹадшати, кʹижан кӧ «әʹфьрандар у авакьре wе Хwәде йә», сәр тʹәмамийа әʹрде сәрwертийе бькә (Ибрн. 11:8-11). w16.10 3:4, 5

Әм чьԛас жь Йаһоwа рʹази нә, wәки әwи бь рʹӧһʹе хwәйи пироз мәрʹа рʹастийе әʹйан кьр у али мә кьр wәки әм мьзгинийе баwәр кьн (Луԛа 10:21). Әм гәрәке тʹьме рʹази бьн кӧ әwи әм незики хwә кьрьн бь Кӧрʹе хwә, йе кӧ «Пʹешикʹеш у Кʹамьлкьре» баwәрийа мә йә. Ле әм ча дькарьн рʹазибуна хwә бьдьнә кʹьфше, сәва һʹәму тьштед кӧ Йаһоwа бона мә кьрийә? (Ибрн. 12:2). Әм гәрәке бь сайа дӧа у хwәндьна Хәбәра wи, тʹьме баwәрийа хwә ԛәwи кьн (1 Пәт. 2:2). Әм бь кьред хwә дькарьн әʹйан кьн, wәки әм созед Йаһоwа ԛайим баwәр дькьн. Мәсәлә, әм гәрәке бәрдәwам кьн мьзгинийа дәрһәԛа Пʹадшатийа Хwәде бәла кьн у али мәрьва бькьн кӧ бьбьнә шагьртед Иса. Әм ӧса жи гәрәке һʹәмуйарʹа «ԛәнщийе бькьн, илаһи нәфәред мала Хwәдерʹа» (Галт. 6:10). Ӧса жи, әм дьхәбьтьн wәки «мәрьве кәвьн кьред wива жь сәр хwә» бехьн (Колс. 3:5, 8-10). w16.10 4:11, 12

Гәләк әʹщебмайи йә кӧ Йаһоwа гәрдун чаwа тʹәрбәт у щи-wар чекьрийә. Жь ве йәке әм тедәрдьхьн wәки Йаһоwа дьхwазә кӧ хьзмәткʹаред wи жи тʹәрбәт у пʹәргал бьн. Бона ве йәке Хwәде Кʹьтеба Пироз дайә мә, сәва мә һин кә у рʹебәрийе мә бькә. У һәрге әм пәй рʹебәрийед wи дьчьн у принсипед wи тиньн сери, тʹәне wи чахи әм дькарьн бәхтәwар бьн. Әм дькарьн бежьн wәки щьмәʹта Исраели йа бәре чаwа тʹәшкиләт бу. Хwәде wанрʹа Ԛанун дабу, у әwана бьн wан ԛанунада бун, ләма тʹәрбәти нава wанда һәбу. Мәсәлә, нава щьмәʹтеда жьн кʹьфшкьри бун, сәва кӧ бәр дәре коне щьвине хьзмәт кьн (Дәркʹ. 38:8). Wәʹдә шунда, Даwьд пʹадша организә кьр wәки кʹаһин у кʹәшиш бь кʹом-кʹом башԛә бьн, сәва пʹарьстгәһеда шьхӧл бькьн (1 Дир. 23:1-6; 24:1-3). Щьват ԛьрʹна йәкеда жи организә бун, чьмки әwана рʹебәри дьстандьн жь кʹома рʹебәрийе кʹижан кӧ рʹебәри дьданә щьвата. Пешийе әw кʹом жь шандийа бу (Кʹар. Шанд. 6:1-6). Ӧса жи бь сайа нәʹма рʹебәри у тʹәми дьданә щьвата. Йаһоwа пе рʹӧһʹе хwәйи пироз әwана һелан дькьрьн кӧ нәʹма бьньвисьн (1 Тимтʹ. 3:1-13; Тито 1:5-9). w16.11 2:3, 6, 8, 9

Сала 607 Б.Д.М., ордийа Бабилонийа пе фәрмана Нәбукәднәсәре II Оршәлим һьлшандьн. Кʹьтеба Пирозда те готьне кӧ әw шәрʹ гәләк гьран бу: «[Нәбукәднәсәр] щьwанед [щаһьлед] wан бь шурва кӧштьн у һʹәйфа wи ль әʹгиде щьwан, ль ԛиза кӧ нәзәwьщийә, жь зьламе кал у пор сьпива нәһат. . . . Мала Хwәде шәwьтандьн у диwаре Оршәлиме хьраб кьрьн у агьр һʹәму ԛәсред wева хьстьн у һʹәму фьраԛед wейи бь ԛимәт хьраб кьрьн» (2 Дир. 36:17, 19). Щьһу әʹщебмайи нәман чахе һьлшандьна Оршәлиме дитьн. Бь сала, пʹехәмбәред Хwәде Щьһуйарʹа пешда дьготьн кӧ һәрге әwана бәрдәwам кьн Ԛануна Хwәде пьшт гӧһе хwәва бавежьн, Хwәде wе wана бьдә дәсте Бабилонийа. Ӧса жи һатә пʹехәмбәртикьрьне wәки гәләк Щьһу wе жь шур бенә кӧштьне, ле әwед кӧ жь мьрьне хьлаз бьн, дьбәкә wе тʹәмамийа әʹмьре хwә дилтийа Бабилонеда бьн. w16.11 4:1, 2

Бь «мәрьвәки», демәк бь Адәм гӧнә кʹәтә дьне, у ӧса «бь нәһәԛийа мәрьвәки у рʹуйе wида мьрьне һʹӧкӧм кьр». Ле «кʹәрәма Хwәдейә дәwләмәнд», демәк ԛәнщийа нәһежа, «бь сайа йәки, аwа готи Иса Мәсиһ» бу (Рʹом. 5:12, 15, 17). У бь сайа ве ԛәнщийа мәзьн, тʹәмамийа инсанәте дькарә кʹәрәма бьстинә. «Бь гӧһдарийа йәки [Иса] гәләк wе рʹаст бенә һʹәсабе». Бәле, ԛәнщийа нәһежа жь Хwәде, дькарә мә бьвә «бәрбь жийина һʹәта-һʹәтайе», бь сайа Иса Мәсиһ (Рʹом. 5:19, 21). Йаһоwа борщдар нибу wәки Кӧрʹе хwә бьшинә сәр әʹрде у бькә ԛӧрбан сәва мә. Хенщи ве йәке, мәрьвед гӧнәкʹар һежа нибун, кӧ Хwәде у Иса һәԛе кʹьрʹине бьдьн сәва бахшандьна гӧнед wан. Демәк, бахшандьна гӧнед мә у созе Хwәде кӧ әм дькарьн бьжин һʹәта-һʹәтайе, бь рʹастийе жи ԛәнщийа гәләк мәзьн ә, кӧ әм һежа ниньн. Әм гәрәке гәләк бьшекьриньн әw ԛәнщийа Хwәде, у һәр рʹож пе жийина хwә жерʹа бьдьнә кʹьфше, кӧ әм гәләк жь wи рʹази нә. w16.12 1:1, 6, 7

Гәләк фәрз ә wәки әм хwә бьщерʹьбиньн, һәла нет-фькьред мә чь нә. Ле чьрʹа? Паwлос гот: «Ахьрийа фькьра бьнйатʹа мәрьвайе мьрьн ә» (Рʹом. 8:6). Демәк әw йәк гәләк фәрз ә, чьмки һәрге нет-фькьред мә сәр хwәстьнед бәдәне бьн, әм дькарьн рʹӧһʹанида бьмьрьн у ахьрийеда әʹмьре хwә жи ӧнда кьн. Ле Паwлос нә гот wәки мәрьве кӧ дьфькьрә сәр хwәстьнед бәдәне, ахьрийа wи әʹсә wе мьрьн бә. Чьмки мәрьв дькарә бе гӧһастьне. Биньн бира хwә мәрьвәки Корьнтʹи, кӧ пәй хwәстьна бәдәне дькʹәт у бенамуси дькьр. Бона wан кьра әw гәрәке жь щьвате бьһата дәрхьстьне. Ле әw дькарьбу бьһата гӧһастьне у әwи ӧса жи кьр, әwи хwә гӧһаст. Әw ида пәй хwәстьна бәдәне нәдькʹәт у вәгәрʹийа сәр рʹийа рʹаст (2 Корн. 2:6-8). Һәрге әw мәрьв һатә гӧһастьне, демәк иро жи Мәсиһи кӧ дькʹәвә бьн байе хwәстьнед бәдәне, дькарә бе гӧһастьне. Бәле, ширәта Паwлос һелане дьдә Мәсиһийед кӧ сәр хwәстьнед бәдәне дьфькьрьн, wәки әwана бенә гӧһастьне. w16.12 2:5, 12, 13

Рʹасти жи чьԛас әм дьлгәрм дьбьн, чахе әм баре хwә дьдьнә сәр Йаһоwа, у әм заньн wәки әw wе али мә бькә. Әм гәрәке сәд сәләфи баwәр бьн, wәки Хwәде «дькарә . . . жь тьште кӧ әм дьхwазьн йан жи дьфькьрьн һе гәләк зедәтьр бькә» (Әфәс. 3:20, ИМ). Бьдьнә һʹәсабе хwә, wәки Йаһоwа бона мә дькарә нә кӧ гәләк бькә, ле «гәләк зедәтьр» бькә! Сәва кӧ жь Йаһоwа хәлате бьстиньн, әм гәрәке бь тʹәмами баwәрийа хwә wи биньн, у гӧрʹа тʹәми у рʹебәрийед wи бькьн. Муса готә щьмәʹта Исраел: «Хӧдан wе әʹсә дӧа ль тә бькә ль сәр wи әʹрди, кӧ Хӧдан Хwәдейе тә чаwа мьлкʹ дьдә тә кӧ ԛазьнщ ки. Тʹәне тӧ рʹьнд гӧһдарийа дәнге Хӧдан Хwәдейе хwә бькә у тʹам ви әʹмьре кӧ әз иро ль тә әʹмьр дькьм, бькә кӧ бьԛәдини. Чьмки Хӧдан Хwәдейе тә wе дӧа ль тә бькә, чаwа кӧ wи готә тә» (Ԛан. Дщр. 15:4-6). Һәрге тӧ Йаһоwарʹа амьн дьмини, тӧ баwәр дьки, wәки әw wе әʹсә тә кʹәрәм кә? Бь рʹастийе мәʹни һәйә, wәки тӧ ве йәкеда гәрәке ԛә дӧдьли ниби. w16.12 4:8, 9

Әw бьжартьн Хwәде ньшкева нәкьр, ле мәʹни һәбу кӧ әwи wана бьжарт. Йаһоwа бь ве йәке созе хwә ани сери, кʹижан кӧ әwи досте хwә Бьраһимрʹа соз да (Дәстп. 22:15-18). Хенщи ве йәке, Йаһоwа азайа хwә тʹьме бь һʹьзкьрьне у рʹастийе дьдә хәбате. Әw йәк рʹьнд те кʹьфше ве йәкеда, кӧ Йаһоwа ча Исраели ширәт дькьрьн. Wана гәләк щар пьшта хwә дьданә wи, ле чахе wана бь дьле сах гӧнед хwә дьданә рʹуйе хwә, Йаһоwа тʹьме һазьр бу диса жи һʹьзкьрьн у рʹәʹмтийе wанрʹа бьдә кʹьфше. Йаһоwа гот: «Әзе жь нәамьнийе wана ԛәнщ кьм. Әзе хwәха wана һʹьз бькьм» (Һос. 14:4, ДТʹ). Рʹасти жи чьԛас мәсәләкә баш ә бона мә, кӧ Йаһоwа азайа хwә бона кʹара мәрьва дьдә хәбате. Чахе Йаһоwа мьлйакʹәт у мәрьв әʹфьранд ьн, жь һʹьзкьрьне әwи азайа бьжартьне да wан. Кәсе пешьн кӧ әw пʹешкʹеш станд, ньхӧрийе wи Иса бу, йе кӧ бь «сурәте» Хwәде һатә әʹфьрандьне (Колс. 1:15). Ле гәло әwи ча азайа хwә дьда хәбате? Һәла һе пешийа һатьна сәр әʹрде, Иса сафи кьрьбу wәки Баве хwәрʹа амьн бьминә у тʹәви рʹабәрибуна Шәйтʹан нәбә йәк. w17.01 2:3, 4

Дьбәкә жь бо гӧһастьнед дәрәща әме бькарьбьн шьхӧле Хwәдеда йан һе зедә бькьн йан жи һе кем. Фьрԛи тʹӧнә әм щаһьл ьн йан әʹмьрда мәзьн ьн, у сьһʹәт-ԛәwата мә чьԛас һәйә, Йаһоwа рʹьнд занә кӧ һәр кәс жь мә чьԛас у чь шьхӧли дькарә бькә хьзмәтийеда. Әw жь мә һаԛас дәwа накә чьԛас әм нькарьн бькьн. Әw мә ԛимәт дькә у дьле wи ша дьбә чахе әw дьвинә, wәки чьԛас ԛәwата мә дьгьһижә әм шьхӧле wи дькьн. Иса шабун дьстанд жь һәр шьхӧли кӧ Хwәде дьда wи, у әм жи дькарьн шабуне бьстиньн жь шьхӧлед хwә кӧ Хwәде дьдә мә (Мәтʹлк. 8:30, 31). Бона мәрьве шкәсти шьхӧл у щабдарийед кӧ әw щьватеда дькә, баргьрани нинә. Әw щьватеда пәй наве хwә накʹәвә у ша дьбә чахе йед дьн пешда дьчьн. Мәрьве шкәсти фәʹм дькә wәки әw шьхӧл Хwәде жерʹа дайә, у әw дина хwә дьдә у ԛәwата хwә хәрщ дькә сәр wан шьхӧла. Хенщи ве йәке, әw ԛәдьре йед дьн дьгьрә чьмки Йаһоwа wанрʹа жи шьхӧл дайә у щийе wан жи һәйә тʹәшкиләта Хwәдеда. Бәле, чахе әм шкәсти у мьлук ьн, әм ԛәдьре йед дьн дьгьрьн у али wан жи дькьн (Рʹом. 12:10). w17.01 3:13, 14

Һьнә бьред щаһьл рʹебәрийе шьхӧлед ӧса дькьн, кʹижан кӧ бьред әʹмьрда мәзьн дькьн. Wе керһати бә сәва щаһьла, wәки жь wан бьред щерʹьбанди һин бьн. Тимотʹейо кӧ щаһьл бу, гәләк сала тʹәви Паwлосе шанди һәвкʹари дькьр. Паwлос Корьнтʹийара ньвиси: «Мьн Тимотʹейо сәр wәда шанд, лаwе хwәйи дәлал у һьндава Хӧданда амьн. Әwе wан рʹе-дьрʹбед мьнә Мәсиһ Исада гьрти бькә бира wә» (1 Корн. 4:17). Әw гьли гәләк рʹьнд дьдьнә кʹьфше кӧ Паwлос у Тимотʹейо ча тʹәвайи һәвкʹари дькьрьн. Паwлос тʹьме wәʹдә дьдит сәва методед хwә Тимотʹейо һин кә. Тимотʹейо рʹьнд һин бу у Паwлос гәләк ша дьбу. Әwи итʹбарийа хwә Тимотʹейо дьани, wәки әw wе бькарьбә рʹӧһʹанида мьԛати хушк-бьред Корьнтʹеда бә. Рʹасти жи мәсәләкә чьԛас баш ә бона рʹуспийа, чахе әwана бьред дьн һин дькьн сәва щьватеда рʹебәрийе һьлдьнә сәр хwә. w17.01 5:13, 14

Йаһоwа мьрьна тʹӧ кәси нахwазә. Чахе мьри жь мьрьне рʹабьн, Йаһоwа wе бьбә Баве wан, чьмки әw Канийа жийине йә, демәк әw жийине дьдә (Зәб. 36:9). Ләма жи Иса һин дькьр ӧса дӧа бькьн: «Баве мәйи әʹзмана» (Мәт. 6:9). Йаһоwа шьхӧләки фәрз да Иса, демәк мьрийа жь мьрьне рʹакә (Йуһʹн. 6:40, 44). Иса wе щьнәтеда әве йәке бькә. Ләма әwи гот wәки әw «рʹабун у жийин» ә (Йуһʹн. 11:25). Йаһоwа һәр кәси тʹәглиф дькә, wәки бьбьнә нәфәред малбәта wи. Ләма Иса гот: «Һәр кәсе кӧ хwәстьна Хwәде бинә сери, әw ә бьре мьн, хушка мьн у дийа мьн» (Марԛ. 3:35). Хwәде дьхwазә wәки «әʹлаләтәкә мәзьн» жь һʹәму мьләта, бәрәка у зьмана бьбьнә хьзмәткʹаред wи. У һәрге әwана баwәрийа хwә ԛӧрбана Иса биньн у ԛьрара Хwәде биньн сери, әwана жи wе бькʹәвьнә нава wан йед кӧ рʹумәте дьдьнә Хwәде у дьбежьн: «Хьлазбун жь дәсте Хwәдейе мә йә, Йе кӧ ль сәр тʹәхт рʹуньшти йә у жь дәсте wи Бәрхи йә» (Әʹйан. 7:9, 10). w17.02 2:10, 11

Сала 1884, бь ԛануни Щьвака Бьрща Ԛәрәwьлийе йа Сийоне һатә сазкьрьне, сәва кӧ сәр щурʹә-щурʹә зьмана рʹастийа Кʹьтеба Пироз бәла кьн. Пресиденте (сәроке) ве Щьваке wи чахи Чарлз Теиз Рассел бу. Рассел гәләк кʹур Кʹьтеба Пироз леколин дькьр, у тьрса wи тʹӧнә бу wәки әʹйан кә кӧ дер һинкьрьнед ԛәлп һин дькьн, мәсәлә дәрһәԛа Сейәканә у жийина паши мьрьне. Әwи ӧса жи жь Кʹьтеба Пироз фәʹм кьр, wәки һатьна Иса wе нәхӧйа бә у «wәхте . . . мьләта» гәрәке сала 1914-да хьлаз буйа (Луԛа 21:24). Рассел Бьра бь дьл у әшԛ wәʹде хwә, ԛәwат у пʹәре хwә хәрщ дькьр, wәки әw рʹастийед жь Кʹьтеба Пироз мәрьв жи пебьһʹәсьн. Әʹйан ә, wәки wи wәʹдәйи Йаһоwа у Иса рʹебәри Рассел дькьрьн, сәва әw шьхӧл пешда һәрә. Нета Рассел әw нибу wәки мәрьв wи рʹумәт кьн. Әwи сала 1896-да ньвиси: «Әм нахwазьн мә йан жи ньвисаред мә рʹумәт у һӧрмәт кьн; әм нә жи дьхwазьн кӧ мә нав кьн кʹәшиш йан жи Дәрсдар. Ӧса жи әм нахwазьн wәки кәсәк наве мә һьлдә сәр хwә». Паше әwи ӧса гот: «Әwа шьхӧле дәсте мәрьва нинә». w17.02 4:8, 9

Әм гьшк гәрәке әʹмьре хwәда бьжартьн у сафикьрьна бькьн. Һьнә сафикьрьн гәләк фәрз ьн, һьнәк жи на. У гәләк сафикьрьн дькарьн сәр әʹмьре мә һʹӧкӧм бьн. Һәрге әм сафикьрьнед баш бькьн, чәтьнайед мә wе кем бьн у әме рʹьһʹәт бьжин. Ле һәрге әм сафикьрьнед хьраб бькьн, чәтьнайед мә wе гәләк бьн у әме дьлтәнг бьн. Чь wе али мә бькә wәки сафикьрьна бь билани бькьн? Әм гәрәке баwәрийа хwә Хwәде биньн, у дӧдьли нәбьн wәки әw wе али мә бькә у биланийе бьдә мә. Хенщи ве йәке, әм гәрәке баwәрийа хwә Хәбәра Йаһоwа биньн у ширәтед wи ԛәбул кьн (Аԛуб 1:5-8). Чахе әм незики Йаһоwа бьн у Хәбәра wи һʹьз бькьн, әме баwәр бькьн wәки әw занә чь дьһа баш ә бона мә. Һьн жи әме һин бьн кӧ пешийа тьштәки сафи кьн, жь Хәбәра Хwәде ширәта бьгәрʹьн. w17.03 2:2, 3

Йәһошәфат мина баве хwә Аса Хwәдерʹа амьн бу. Чахе ордийа мәзьн у ԛәwи һатә сәр wи шәрʹ, wи чахи жи Йәһошәфат итʹбарийа хwә Йаһоwа ани (2 Дир. 20:2-4). Рʹаст ә һьнге тьрс кʹәтә дьле Йәһошәфат, ле йәкә әwи һәwара хwә Йаһоwа ани. Дӧайе хwәда әwи бь мьлукти да рʹуйе хwә, wәки щьмәʹта wи бәр wан дьжмьна сьст ә у әw щьмәʹта хwәва ньзаньн чь бькьн. Йәһошәфат әв чәтьнайи да дәсте Йаһоwа кӧ әв гьлийед рʹеза рʹоже гот. Әм жи дьԛәwьмә мина Йәһошәфат ньзаньбьн чь бькьн wәʹде чәтьнайа у һәла һе бьтьрсьн жи (2 Корн. 4:8, 9). Ле биньн бира хwә wәки wи һʹалида Йәһошәфат бәр щьмәʹте Йаһоwарʹа дӧа кьр у гот wәки әwана һьмбәри дьжмьна чьԛас сьст ьн (2 Дир. 20:5). Малхед мале, һун дькарьн ве йәкеда чʹәʹв бьдьнә Йәһошәфат. Мәсәлә, чахе һун рʹасти чәтьнайа тен, шәрм нәкьн бәр нәфәред хwә Йаһоwарʹа дӧа бькьн, wәки әw аликʹари у ԛәwате бьдә wә. Ӧса нәфәред wә wе бьвиньн кӧ һун ԛайим итʹбарийа хwә Йаһоwа тиньн. Хwәде али Йәһошәфат кьр у wе әʹсә али wә жи бькә. w17.03 3:12, 13