Тирмәһ

Ԛиза Йәфтаһ хwәстьнед хwәйә тʹәбийәти, кӧ мере wе у зарʹед wе һәбьн, да алики сәва кӧ Йаһоwарʹа хьзмәт кә. Ле әм ча дькарьн чʹәʹв бьдьнә wе, кӧ рʹӧһʹе хwәԛӧрбанкьрьне бьдьнә кʹьфше? Бь һәзара Мәсиһийед щаһьл ԛӧрбана дькьн бь ве йәке кӧ назәwьщьн йан мер накьн, йан жи йед кӧ зәwащеда ньн һе зарʹа найньн. Ле гәло чьрʹа әwана хwәстьнед хwә ԛӧрбан дькьн? Чьмки әwана дьхwазьн һе зедә Йаһоwарʹа хьзмәт бькьн. Йед әʹмьрда мәзьн жи ԛӧрбан дькьн wи wәʹдәйи, кʹижан кӧ дькарьн хәрщ кьн тʹәви зарʹед хwә у нәбийед хwә. Мәсәлә, әwана шьхӧлед авакьрьнеда кʹар дькьн, йан дәрбаз дьбьн Мәкʹтәба сәва Мьзгинванед Пʹадшатийе, у хьзмәт дькьн wан щийада кʹидәре һʹәwщәтийа Мьзгинвана һәйә. Һьнәк жи, шьхӧлед хwәйи шәхси дьдьнә алики, сәва кампанийед хьзмәткьрьнеда кʹар бькьн. Әw хьзмәткьрьна wанә бь дьл у щан дьле Йаһоwа гәләк ша дькә. У Йаһоwа wе тӧ щар бир нәкә шьхӧлед wан у һʹьзкьрьна кӧ wана wирʹа данә кʹьфше (Ибрн. 6:10-12). Ле тӧ дькари тьшта ԛӧрбан ки, wәки һе зедә Йаһоwарʹа хьзмәт бьки? w16.04 1:16, 17

Иса хwә бәрамбәри шьван кьр, ле шагьртед хwә бәрамбәри кәрийед пез кьр. Һәла дьшьрмиш бә дәрһәԛа wе йәке: Һәгәр дӧ пәз сәр тʹәпә нә, дӧдӧ чоле нә, йәк жи щики дьн ә, гәло әм әван пенщ пәза дькарьн һʹәсаб кьн ча кәрийе пез? Тʹәбийәти йә wәки кәрийе пез гәрәке тʹәви һәв бьн, бьн рʹебәрийа шьванда. Бь wи щурʹәйи һәрге әм жи хwә жь хушк-бьра дур дьгьрьн, әме нькарьбьн пәй Шьване хwә һәрʹьн. Әм гәрәке тʹәви Мәсиһийа тʹәвайи тʹоп бьн, сәва бьбьнә пʹара «кәрик» пез, бьн рʹебәрийа «шьванәки». Чахе әм тенә щьвине, бь wе йәке әм йәктийе тʹәви хушк-бьра хwәй дькьн (Зәб. 133:1). Һьнә хушк-бьред мә сәва рʹастийе һатьнә инкʹаркьрьне жь де-баве хwә, йан жь хушк-бьред хwәйи һʹәлал. Ле Иса соз дайә wан, кӧ малбәта рʹӧһʹани бьдә wан, кʹижан кӧ wе wана һʹьз кә у бона wан хәм кә (Марԛ. 10:29, 30). Демәк чахе һун һәртʹьм тенә щьвине, һун дькарьн бона wан хушк-бьред дәлал бьбьнә де, бав, хушк, йан бьра! Чахе әм дәрһәԛа wе йәке дьфькьрьн, гәло әм һелан набьн кӧ тʹьме бенә щьвине? w16.04 3:9, 10

Иро әм Хwәдерʹа хьзмәт дькьн, wирʹа дӧа дькьн, мьзгине бәла дькьн у дьчьнә сәр щьвинед мә. Ле һәрге әм тʹәви йед дьн әʹдьлайе хwәйи накьн, әw һʹәму тьшт пʹучʹ ә. Әм нькарьн досте Хwәде бьн, һәрге шашийед мәрьвед дьн набахшиньн (Луԛа 11:4; Әфәс. 4:32). Йаһоwа жь һʹәму хьзмәткʹаред хwә дәʹwа дькә, кӧ һәвдӧ бьбахшиньн у тʹәви һәвдӧ әʹдьлайеда бьн. Ләма wе керһати бә, һәрге әм жь хwә бьпьрсьн: «Гәло әз һеса хушк-бьред хwә дьбахшиньм? Әз ша мә тʹәви wан һәвалтийе бькьм?» Йаһоwа жь хьзмәткʹаред хwә һивийе йә, кӧ әwана йед дьн бьбахшиньн. Ләма, һәрге исафа тә тәрʹа дьбежә кӧ лазьм ә һин би һе зедә бьбахшини, Йаһоwарʹа дӧа бькә бона аликʹарийе! Баве мәйи әʹзмана wе әw дӧайед тәйи мьлукти бьбьһе, у әʹсә wе щаба дӧайед тә бьдә (1 Йуһʹн. 5:14, 15). w16.05 1:6, 7

Гәло чьԛас wәʹдә гәрәке бькʹьшинә шьхӧле бәлакьрьна мьзгине? Иса гот кӧ һʹәта «хьлази wе бе», әw шьхӧле һʹәмдьнйайе wе бәрдәwам бә. Ԛә һәнә рʹелигийед дьн, йед кӧ wан рʹожед ахьрийеда мьзгине бәла дькьн? Һьнәк мәрьвед баwәрмәнд дьбежьн кӧ рʹӧһʹе пироз сәр wана йә. Ле шьхӧле бәлакьрьна мьзгине тʹәне әм бәрдәwам дькьн. Гәло әw йәк избат накә кӧ рʹӧһʹе Хwәдейи пироз сәр мә йә? (Кʹар. Шанд. 1:8; 1 Пәт. 4:14). Щара, рʹелигийед дьн дәстпедькьрьн мина Шәʹдед Йаһоwа хьзмәт кьн, ле шьхӧле wан пешда нәчу. Һьнәк жи, йанчь мисйонертийе дькьн, ле тʹәне сәр һьнә wәʹдә у паше диса вәдьгәрʹьн бь жийина хwәйә бәре дьжин. Һьнәк, дәстпедькьн мал бь мал хьзмәт кьн, ле әwана мьзгина Пʹадшатийе бәла накьн. Демәк, әʹйан ә кӧ әwана әwи шьхӧли накьн, кʹижан кӧ Иса дәстпекьр. w16.05 2:13, 16

Әм гәрәке тʹьме сәр хwә бьхәбьтьн, сәва кӧ тʹьме «мәрьве ну» бьн. Паwлос готә Мәсиһийа: «Дә һун хәйсәте хwәйи бәре жь хwә дур хьн, wи мәрьве кәвьни кӧ бь һавьжийед һьләкʹарва дерьсбуйи йә у бь рʹӧʹһ у фькьред хwәда нуйәжийин бьн, мәрьве ну ль сәр хwә wәргьрьн, кӧ кьрасе Хwәдеда бь рʹастийе у һʹәлалийе бе ԛәлпи хӧльԛи йә» (Әфәс. 4:22-24). Гьли «нуйәжийин бьн», дьдә кʹьфше кӧ әм гәрәке һәргав сәр хwә бьхәбьтьн, сәва кӧ мәрьве ну бьн. Демәк, фьрԛи тʹӧнә әм чьԛас wәхт Йаһоwарʹа хьзмәт дькьн, йәкә әм дькарьн тʹьме һин бьн чʹәʹв бьдьнә һʹӧнӧред Йаһоwа. Бь рʹастийе жи, Кʹьтеба Пироз али мә дькә кӧ әм хәйсәт-һʹӧнӧред хwә һе баш кьн, у нав хwәда гӧһастьнед ӧса бькьн, кӧ һе рʹьнд чʹәʹв бьдьнә Хwәде. w16.05 4:8, 9

Иро әм щьнәта рʹӧһʹанида ньн. Әw щьнәт Йаһоwа саз кьрийә, сәва мә бьгӧһезә (Иша. 64:8). Рʹаст ә әм дьнйа зӧлмда дьжин, ле йәкә ве щьнәта рʹӧһʹанида, әм хwә хwәйкьри у бехоф тʹәхмин дькьн. Мә Йаһоwа ча бав нас кьр у ньһа һʹьзкьрьна wи тʹәхмин дькьн (Аԛуб 4:8). Дьнйа тʹәзәда, әме бь тʹәмами кʹаре жь щьнәта рʹӧһʹани бьстиньн. Әме ӧса жи жь щьнәта физики шабуне бьстиньн. Әw щьнәта сәр әʹрде, wе бьн сәрwертийа Пʹадшатийа Хwәде бә. Wи wәʹдәйи, Йаһоwа wе бәрдәwам кә мә бьгӧһезә у мә һин кә. Ньһа мәрʹа чәтьн ә әве йәке бьдьнә бәр чʹәʹве хwә (Иша. 11:9). Йаһоwа ӧса жи wе һʹьше мә у бәдәна мә бекемаси бькә. Ӧса әме бькарьбьн һе кʹур фәʹм бькьн һинкьрьнед wи у бь тʹәмами гӧрʹа тʹәмийед wи бькьн. Wәрә әм бәрдәwам кьн бьһельн Йаһоwа мә бьгӧһезә, у рʹазибуне бьдьнә кʹьфше бона һʹьзкьрьна wи һьндава мә. w16.06 1:8, 9

Әw гьли Муса мьләте Исраелрʹа гот, йед кӧ әʹрде Моwабеда тʹоп бьбун. Әw сала 1473 Б.Д.М., бу. Әwана гәрәке чʹәме Урдӧнерʹа дәрбаз буна, сәва Әʹрде Создайи wар буна (Ԛан. Дщр. 6:1). Муса кӧ 40 сала рʹебәрийа wан дькьр, дьхwәст wана һелан кә, wәки әwана мерхас бьн, рʹасти чәтьнайа бен. Wана гәрәке итʹбарийа хwә Хwәдейе хwә Йаһоwа бьанийана у wирʹа амьн бьмана. Гьлийед Мусайә хьлазийе, рʹасти жи гәләк һʹӧкӧм бун сәр Исраелийа. Паши ве йәке, чахе Муса Дәһ Ԛанун у ӧса жи тʹәмийед дьн щьмәʹтерʹа гьли кьр, әwи гьлийед ԛәwи готә wан, кʹижан кӧ ньвисар ьн Ԛануна Дӧщарида 6:4, 5. Ле гәло Исраелийа ньзаньбун кӧ Йаһоwа Хwәдейе wан, «тʹәк ә Йаһоwа»? Бәле, wана заньбу. Исраелийед амьн тʹәне Хwәдек дьһʹәбандьн, Хwәдейе кал-бавед wан Бьраһим, Исһаԛ, Аԛуб. w16.06 3:2, 3

Әwана гьлийа Иса гот чахе сәр әʹрде бу. Ле чахе әwи чу ль әʹзман, Хwәде wи кʹьфш кьр, сәва Һармәгәдонеда мьԛабьли дьнйа Шәйтʹан шәрʹ бькә (Әʹйан. 19:11-16). Ләма әм дькарьн бежьн, wәки ньһа Иса занә wе кʹәнге Һармәгәдон дәстпебә. Ле әм ньзаньн у ләма гәләк фәрз ә кӧ әм һʹьшйар бьминьн. Йаһоwа ида әw рʹож кʹьфш кьрийә, кӧ кʹәнге wе тәнгасийа мәзьн дәстпебә. У рʹож бь рʹож әм незики wи wәʹдәйи дьбьн. Әw рʹож wе «дәрәнги» нәкʹәвә (Һәбԛ. 2:1-3). Ле чьрʹа әм дькарьн дӧдьли нәбьн ве йәкеда? Пʹехәмбәртийед Йаһоwа тʹьме wәʹдәда дьһатьнә сери! Әм дькарьн сәд сәләфи баwәр бьн, кӧ созе Йаһоwа wәки әw wе мә хьлаз кә wәʹде тәнгасийа мәзьн, wе әʹсә бе сери. Ле һәрге әм дьхwазьн хьлаз бьн wәʹде кʹӧтакьрьна ве дьнйайе, әм гәрәке һʹьшйар бьминьн. w16.07 2:4-6

Чахе Иса чәтьнайа гьранда бу, шандийа әw һиштьн. Пешийа ве йәке, Пәтрус Исарʹа гот кӧ һәрге жи һʹәмушк wи бьһельн, әw тʹӧ щар wи наһелә (Марԛ. 14:27-31, 50). Ле чахе Иса һатә гьртьне, һʹәму шандийа, ӧса жи Пәтрус, әw һиштьн. Әwи һәла һе се щара инкʹар жи кьр, кӧ Иса нас дькә (Марԛ. 14:53, 54, 66-72). Ле паше, Пәтрус гәләк пʹошман бу. У Йаһоwа бахшандә wи, у һишт кӧ әw диса шьхӧле wи бькә. Һәрге тӧ шагьрте Иса буйайи, у тә әw кьре Пәтрус бьдита, тӧйе диса Йаһоwарʹа амьн бьмайи? Иро һуне фәʹм бькьн, кӧ Йаһоwа дьбәкә wәʹдә дьдә wи мәрьви, кӧ әw гӧне хwә бинә рʹуйе хwә, wәки Йаһоwа бь һәԛи wи рʹаст кә у ширәт кә? Ле щара ӧса жи дьԛәwьмә, кӧ йе гӧне мәзьн дькә, гӧне хwә найинә рʹуйе хwә. Ве дәрәщеда, һуне итʹбарийа хwә Йаһоwа биньн, кӧ әw wе wәʹдәда һәԛе wи бьде, дьбәкә wи жь щьвате дәрхә жи? w16.06 4:8, 9

Кʹәрәма мәзьн кӧ Йаһоwа жь ԛәнщийа нәһежа дайә мә, әw һәйә бәрдьли у рʹьһʹәти wәʹде тәнгасийа (Зәб. 51:17). Чахе Мәсиһийед Тʹесалоникида, рʹасти пәйкʹәтьна һатьн, Паwлос wанрʹа гьлийед рʹеза ве рʹоже ньвиси. Гәләк бәрдьлийе дьдә мә, занәбуна ве йәке кӧ Йаһоwа мә һʹьз дькә, у бона мә хәм дькә! Әм гӧнәкʹар ьн, ләма бей Йаһоwа баwәрийа мә сәр тʹӧ тьшти тʹӧнә (Зәб. 49:7, 8). Ле Йаһоwа әм нәһиштьн, бь сайа wи һивийа мә һәйә кӧ әме ахьрийа баш бьстиньн. Ле әw чь ахьри йә? Иса гот: «Хwәстьна Баве мьн әв ә, wәки һәр кәсе кӧ Кӧрʹ бьбинә у wи баwәр бькә, жийина wийә һʹәта-һʹәтайе һәбә» (Йуһʹн. 6:40). Әw пʹешкʹеш кӧ әм дькарьн һʹәта-һʹәтайе бьжин, әʹйан дькә ԛәнщийа Йаһоwа кӧ әм һежа ниньн. Паwлос әw йәк гәләк дьшекьранд у гот: «Кʹәрәма Хwәде бона хьлазбуна һʹәму мәрьва хӧйа бу» (Тито 2:11). w16.07 3:14, 15

Рʹожа иройин жи щьмәʹта Йаһоwа гәрәке зәwащеда амьнийе хwәй кьн. Ле дькарә ӧса бьԛәwьмә, кӧ Мәсиһийе ньхӧманди бенамусийе бькә сәва жь һәвалзәwаще хwә бьԛәтә, wәки йәки дьн бьстинә. Йед кӧ ӧса дькьн, һәрге пʹошман нәбьн, жь щьвате тенә дәрхьстьне, сәва кӧ щьват тʹәмьз бьминә (1 Корн. 5:11-13). Әw мәрьв гәрәке «бь кьред ԛәнщ бьдьнә кʹьфше, кӧ . . . жь гӧнәкьрьне вәгәрʹийанә», у паше wе вәгәрʹьнә щьвате (Луԛа 3:8; 2 Корн. 2:5-10). Ле кʹьфшкьри нинә, кӧ чьԛас wәʹдә гәрәке дәрбаз бә, кӧ әw мәрьв диса вәгәрʹә щьвате у бе һʹәсабе ча Шәʹде Йаһоwа. Әw мәрьвед кӧ гӧнә кьрьнә, wанрʹа дьбәкә лазьм бе саләк йан һе зедә wәки әwана избат кьн кӧ пʹошман бунә. Һәрге әw мәрьв пʹошман бьн жи, йәкә wе «бәр диwана Хwәде бьсәкьньн» (Рʹом. 14:10-12). w16.08 1:12, 13

Хәбәра Йунани, кӧ сәр зьмане мә һатә wәлгәрʹандьне ча «тәм», те һʹәсабе чахе мәрьв дьхwазә бьгьһижә тьштәки, у хwәстьна wийә гәләк ԛайим һәйә. Паwлос бь ви гьли да кʹьфше, кӧ һәрге мәрьв дьхwазә рʹӧһʹанида пешда һәрʹә, әw гәрәке гьран сәр хwә бьхәбьтә. Бьдьнә бәр чʹәʹве хwә кӧ бьрак дьхwазә бьбә бәрдәстийе щьвате. Әw фәʹм дькә кӧ wирʹа лазьм ә сәр хwә бьхәбьтә, wәки һʹӧнӧред хwә һе баш кә. Wәʹдә шунда әw дьбә бәрдәстийе щьвате. Паше, әw ида сәр хwә гьран дьхәбьтә wәки бьбә рʹуспи. Wан һәрдӧ дәрәщада әw бьра сәр хwә дьхәбьтә, wәки һʹӧнӧред ӧса щәм wи һәбьн, кʹижан кӧ гәрәке һәбьн щәм wан, йед кӧ дьхwазьн щьватеда һе зедә щабдарийа һьлдьнә сәр хwә. Иро гәләк хушк-бьра әʹмьре хwәда гӧһастьна дькьн, чьмки дьхwазьн һе зедә Йаһоwарʹа хьзмәт кьн. Мәсәлә, гәләк нетед ӧса датиньн пешийа хwә кӧ бьбьнә пешәнг, Бәйтʹәледа хьзмәт кьн, йан аликʹарийе бьдьн бона шьхӧле авакьрьна Одед Щьвата. w16.08 3:3, 4

Бьдьнә бәр чʹәʹве хwә кӧ Нәһәмийа чь тʹәхмин дькьр чахе чу Оршәлиме. Дькарьн бежьн шәһәр ԛә хwәйкьри нибу, у ләма Щьһу гәләк дьлтәнг дьбун. Мьләтед хәриб дьхwәстьн авакьрьна пʹарьстгәһе бьдьнә сәкьнандьне, ләма әwана мьԛабьли Щьһуйа дәрдькʹәтьн. Жь бо ве йәке Щьһу бәрхwә кʹәтьн у «дәсте» wан сьст бу. Ле гәло Нәһәмийа жи дьлтәнг бу? На! Нәһәмийа мина Муса, Аса, у мәрьвед дьнә амьн, итʹбарийа хwә Йаһоwа дьани у бь дьле сах wирʹа дӧа дькьр (Дәркʹ. 17:8-13; 2 Дир. 14:8-13). Wи wәʹдәйи чахе Щьһу дьфькьрин кӧ чь бькьн, Йаһоwа щаба дӧайе Нәһәмийа да. Хwәде пе ԛәwата хwәйә мәзьн у дәсте хwәйи һʹьмзор, дәстед Щьһуйа кӧ сьст бьбун, ԛәwи кьр (Нәһәм. 2:17-20; 6:9). Ле һун баwәр дькьн wәки Йаһоwа иро жи пе ԛәwата хwәйә мәзьн у дәсте хwәйи һʹьмзор, хьзмәткʹаред хwә ԛәwи дькә? w16.09 1:9

Рʹожнама Алманида дәрһәԛа щьвинед кʹәшиша у сәрwеред дера, ӧса ньвисар бу: «Дьбәкә wә дитийә, кӧ гәләк жь wан кʹьнще һәррʹожи хwә дькьн, илаһи чахе һәwа гәрм ә». Wе рʹожнәмеда ӧса жи ньвисар бу, кӧ чахе Шәʹдед Йаһоwа дьчьнә сәр щьватед хwәйә мәзьн, әwана бь кʹьнще һәррʹожи начьн. Бәле, гәләк щар пʹайе Шәʹдед Йаһоwа дьдьн, чьмки әwана «бь кʹьнщед лайиԛ, шәрме у бәрбьһерийе» хwә дьхәмьлиньн, чаwа ль wан дькʹәвә, «йед кӧ наве хwәденасийе һьлданә сәр хwә» (1 Тимтʹ. 2:9, 10). Рʹаст ә Паwлосе шанди әw гьли дәрһәԛа жьна гот, ле әw принсип ӧса жи бона мера йә. Әм щьмәʹта Йаһоwа нә, ләма гәләк фәрз ә кӧ кʹьнщед мә ль гора принсипед wи бьн (Дәстп. 3:21). Әw йәк Хwәде хwәха жь мә дәʹwа дькә. Чь кӧ Кʹьтеба Пирозда те готьне дәрһәԛа кʹьнщхwәкьрьне, дьдә кʹьфше кӧ Хwәде принсипед фәрз кʹьфш кьрийә бона хьзмәткʹаред хwә. Ләма жи фәрз әw ә әм һьлдьн һʹәсаб wәки кʹьнщхwәкьрьна мә Әʹфьрандаре мә wе хwәш бе йан на. w16.09 3:1, 2

Һьнәк жи алийе археоложида, тʹәрихийеда йан зандарийеда Кʹьтеба Пироз леколин дькьн. Мәсәлә, wәрә шеwьр кьн пʹехәмбәртийа пешийе кӧ кʹьтеба Дәстпебун 3:15-да ньвисар ә. Әв рʹез әʹйан дькә тʹема сәрәкә йа Кʹьтеба Пироз, демәк дәрһәԛа изьна һʹӧкӧмәтийа Хwәде. Әв пʹехәмбәрти ӧса жи әʹйан дькә, кӧ наве Хwәде wе бе рʹумәткьрьне бь сайа Пʹадшатийа wи. Әв һьн жи дьдә кʹьфше кӧ Йаһоwа wе ча һʹәму кӧл-дәрде инсанәте кʹӧта кә, кʹижан кӧ бахче Әдәнеда дәстпебу. Ле һун ча дькарьн ве пʹехәмбәртийе леколин бькьн? Мәсәлә, һун дькарьн хwәрʹа бьньвисьн wан сала у wан рʹеза, кʹижан кӧ дьдьнә кʹьфше кӧ чаwа Хwәде һеди-һеди зәлал дькьр у избат дькьр кӧ әw пʹехәмбәрти wе әʹсә бе сери. Паше һуне фәʹм бькьн кӧ рʹаст ә ньвискʹаред Кʹьтеба Пироз щурʹә-щурʹә wәʹдада дьжитьн, ле ньвисаред wан һәв дьгьрьн. Әw йәк избат дькә кӧ һʹәму ньвискʹаред Кʹьтеба Пироз «бь рʹебәрийа рʹӧһʹе пироз» ньвисинә. w16.09 4:8

Һәбу wәʹдә чахе Пәтрусе шанди фьрԛи дькьрә ортʹа мьләте щьһу у нәщьһу, ле һеди-һеди әw һин бу, кӧ әwи хәйсәти кʹокева нав хwә дәрхә (Кʹар. Шанд. 10:28, 34, 35; Галт. 2:11-14). Һәрге әм жи тʹәхмин дькьн кӧ әм дьле хwәда фьрԛийе дькьнә ортʹа мәрьва, әм гәрәке сәр хwә зәʹф бьхәбьтьн, wәки әwи хәйсәти жь дьле хwә дәрхьн (1 Пәт. 1:22). Ле чь дькарә али мә бькә? Әм гәрәке бира хwәда хwәй кьн кӧ фьрԛи тʹӧнә әм чь мьләт ьн, әм гьшк жи гӧнәкʹар ьн у тʹӧ кәс жь мә һежайи хьлазкьрьне нинә (Рʹом. 3:9, 10, 21-24). Ләма жи чьрʹа әм гәрәке һʹәсаб кьн, wәки әм жь кәсәки четьр ьн? Әм гәрәке чʹәʹв бьдьнә ньһерʹандьна Паwлос, йе кӧ ани бира Мәсиһийа, wәки әwана ида «хәлԛ у хәриб» ниньн, «ле . . . нәфәред мала Хwәде» (Әфәс. 2:19). Һәрге әм сәр хwә бьхәбьтьн wәки фьрԛийе нәкьнә ортʹа мьләта, мәрʹа дьһа һеса бә кӧ бьбьнә мәрьве ну (Колс. 3:10, 11). w16.10 1:9

Сәва кӧ баwәрийа мә ԛәwи бьминә, Йаһоwа Хәбәра хwә дайә мә, демәк Кʹьтеба Пироз. Хәбәра хwәда әw мәрʹа дьбежә кӧ әм ча дькарьн бәхтәwар бьн. Ләма жи әм гәрәке һәр рʹож Кʹьтеба Пироз бьхуньн (Зәб. 1:1-3; Кʹар. Шанд. 17:11). Хенщи wе йәке, Йаһоwа бь сайа «хӧламе амьн у сәрwахт», мәрʹа хwарьна рʹӧһʹани тʹер-тʹьжә дьдә (Мәт. 24:45). Һәрге әм жи мина хьзмәткʹаред бәре, тʹьме бьфькьрьн сәр созед Хwәде у гӧрʹа тʹәмийед wи бькьн, баwәрийа мә wе ԛәwи бә у әме һивийа һатьна Пʹадшатийа Хwәде бьн (Ибрн. 11:1). Гәло диса чь али хьзмәткʹаред бәре дькьр кӧ баwәрийа wан ԛәwи бу? Дӧа али wан дькьр. Чахе wана дьдит кӧ Хwәде ча щаба дӧайед wан дьдә, баwәрийа wан ԛәwи дьбу (Нәһәм. 1:4, 11; Зәб. 34:4, 15, 17; Дан. 9:19-21). w16.10 3:7, 8

Иса жи да кʹьфше кӧ һʹьзкьрьн гәләк фәрз ә. Әwи гот ԛанунеда «тʹәмийа һәрә мәзьн», әw һәйә һʹьзкьрьн һьндава Хwәде (Мәт. 22:35-40). У ньвискʹаред Кʹьтеба Пироз гәләк щар баwәри у һʹьзкьрьн нава щьмледа тʹәвайи ньвисинә, сәва кӧ бьдьнә кʹьфше wәки әw һәрдӧ һʹӧнӧр гәләк фәрз ьн. Wәрә бьньһерʹьн һьнә мәсәла. Паwлос бьра ширәт кьр, wәки әwана «зьрьһа баwәрийе у һʹьзкьрьне ль хwә wәргьрьн» (1 Тʹеслн. 5:8). Йуһʹәнна жи ньвиси: «Әв ә тʹәмийа [Хwәде], кӧ әм баwәрийа хwә наве Кӧрʹе wи Иса Мәсиһ биньн у әм һәвдӧ һʹьз бькьн» (1 Йуһʹн. 3:23). Рʹаст ә баwәри һьндава созед Хwәде фәрз ә, ле чахе әw һʹәму соз бенә сери, әw һʹӧнӧр ида wе мәрʹа лазьм нәйе. Ле мәрʹа лазьм  ә һʹьзкьрьна хwә һьндава Хwәде у мәрьва мәзьн кьн, чьмки әw һʹӧнӧр wе тӧ щар кʹӧта нәбә. Ләма Паwлос гьлийед ӧса ньвиси: «Ижар, әв һәр се дьминьн: Баwәри, һеви, һʹьзкьрьн. У жь wан йа һәри мәзьн һʹьзкьрьн ә» (1 Корн. 13:13, ИМ). w16.10 4:15-17

Бьра пе наве кʹома рʹебәрийе тʹәсәлийа щьвата дькьрьн, сәва кӧ «тʹәмийед кӧ шандийа у бәрпьрсийаред Оршәлиме ԛьрар кьрьбун», хушк-бьред щьвате пебьһʹәсьн (Кʹар. Шанд. 16:4). Чахе щьвате әw тʹәми дьанинә сери, әwана «баwәрийеда дьшьдийан у рʹож бь рʹож һʹәсабе wан зедә дьбу». Әм гәрәке чь бькьн, чахе жь тʹәшкиләта Хwәде рʹебәри дьстиньн? Хәбәра Хwәде дьбежә, wәки әм гәрәке гӧһдарийа рʹебәра бькьн у гӧрʹа wанда бьн (Ԛан. Дщр. 30:16; Ибрн. 13:7, 17). Тʹәшкиләта Хwәдеда кӧтә-кӧт у рʹабәрибун гәрәке тʹӧнә бә, чьмки һәрге әм ӧса бькьн әме зийане бьдьнә щьвате, демәк һʹьзкьрьне, әʹдьлайе у йәктийе хьраб кьн. Бәле, тʹӧ кәс жь мә нахwазә чʹәʹв бьдә Дийотрәфис, йе кӧ беԛәдьр бу һьндава бьра у нәамьн бу (3 Йуһʹн. 9, 10). Ләма wәрә әм тʹьме пьрсе бьдьнә хwә: «Гәло әз хушк-бьра һелан дькьм кӧ әwана амьн бьн Йаһоwарʹа? Чахе әз жь бьред щабдар рʹебәрийе дьстиньм, гәло әз дәрберʹа ԛәбул дькьм у пьштгьрийа ве рʹебәрийе дькьм?» w16.11 2:10, 11

Щьһуйед кӧ тʹәмийед Хwәде дьанинә сери, дилтийеда бь жийина пʹак дьжитьн. Бабилонийа изьн дьданә Щьһуйа кӧ хwәха рʹебәрийа шьхӧлед хwә бькьн у һьн жи изьна wан һәбу нава wәлатеда сәрбәст һәрʹьн-бен. Бәре Бабилон гәләк навдар бу пе арш-вершийе. Жь документед бәре те кʹьфше wәки гәләк Щьһу һин бун шьхӧле кʹьрʹин-фьротане бькьн, у һьнәк жи бунә һостәйед баш. Һәла һе һьнә Щьһу жи бунә дәwләти. Бәле, дилтийа Бабилонеда мина дилтийа Мьсьреда нибу (Дәркʹ. 2:23-25). Ле гәло Исраелийа диса wе бькарьбуна Хwәдерʹа ӧса хьзмәт кьн, ча әwи дьхwәст? Wи wәʹдәйи те бежи чʹарә тʹӧнә бу, чьмки Бабилонийа тʹӧ щар дилед хwә аза нәдькьрьн. Ле Йаһоwа Хwәде соз дабу щьмәʹта хwә кӧ wе wана аза кә, у тʹӧ тьшти нькарьбу рʹе wи бьгьрә wәки нета хwә бинә сери. У чаwа Хwәде гот ӧса жи ԛәwьми, чьмки созед Хwәде тʹьме тенә сери (Иша. 55:11). w16.11 4:3, 5

Әв йәк ча дькарьбу бьбуйа, һәрге әw Мәсиһи һе сах бун у сәр әʹрде дьжитьн? Хwәде бь сайа ԛӧрбана Иса, гӧнед Паwлос у Мәсиһийед wи wәʹдәйи бахшанд. Әwи әwана бь рʹӧһʹе пироз кʹьфш кьр, сәва кӧ әwана бьбьнә кӧрʹед wийи рʹӧһʹани. Паши ве йәке, әwана ида һивийе бун кӧ һʹәта-һʹәтайе сәр әʹзмана бьжин. Һәрге әwана амьн бьмана, wана wе сәр әʹзмана сәрwерти тʹәви Иса бькьрана. Паwлос гот wәки әwана «һьндава гӧнада мьрьн», wи wәʹдәйи чахе һе сах бун у Хwәдерʹа сәр әʹрде хьзмәт дькьрьн. Паwлос wан Мәсиһийарʹа мәсәла Иса ани. Әwи гот wәки Иса мьр чаwа мәри, ле паше жь мьрьне рʹабу бь бәдәна рʹӧһʹани у нәмьри. Демәк, иди мьрьне сәр Иса һʹӧкӧм нәдькьр. Мәсиһийед бь рʹӧһʹе пироз бьжарти жи, бь симболик дькарьбун хwә һʹәсаб кьрана ча «һьндава гӧнада» мьри, ле «һьндава Хwәдеда сах, бь сайа Мәсиһ Иса» (Рʹом. 6:9, 11). Бь щурʹәки майин бежьн, әwана бона әʹмьре хwәйи бәре мьрьн. Әwана ида бьн һʹӧкӧме хwәстәка бәдәнеда нибун, wана ида ӧса дьжитьн, ча Хwәде хwәш те. w16.12 1:9, 10

Чахе һьш-аԛьле мәрьв сәр тьштед рʹӧһʹани йә, әw найе һʹәсабе wәки әw тʹәне дьфькьрә у хәбәрдьдә дәрһәԛа Кʹьтеба Пироз, йан тʹьме хәбәрдьдә wәки әw ча Хwәде һʹьз дькә у һивийа чь кʹәрәма йә. Әм Мәсиһи бь әʹмьре тʹәбийәти дьжин. Бьфькьрьн сәр Паwлос у Мәсиһийед ԛьрʹна йәке, кӧ Хwәдерʹа хьзмәт дькьрьн у дьле wи ша дькьрьн. Wана хwарьн дьхwар у вәдьхwар жи, дьзәwьщин у мер дькьрьн, зарʹ мәзьн дькьрьн, у дьхәбьтин сәва әʹбура хwә бькьн (Марԛ. 6:3; 1 Тʹеслн. 2:9). Ле әw тьшт әʹмьре хьзмәткʹаред Хwәдеда, щийе сәрәкә нәдьгьрт. Мәсәлә, әм заньн wәки Паwлос кон чедькьрьн, у ӧса әʹбура хwә дькьр. Ле бона wи хәбат йа лапә фәрз нибу. Бона wи лапи фәрз әw бу, wәки мьзгинийе бәла кә у мәрьва һин кә (Кʹар. Шанд. 18:2-4; 20:20, 21, 34, 35). Әw йәк ӧса жи те кʹьфше wәки әwи ча хушк-бьред Рʹомеда һелан дькьр, кӧ хирәт бьн wи шьхӧле Хwәдеда. Паwлос хwәха тʹьме нава шьхӧле Хwәдеда бу. У Рʹомайарʹа лазьм бу чʹәʹв бьдьнә wи, у wәрә әм жи чʹәʹв бьдьнә Паwлос (Рʹом. 15:15, 16). w16.12 2:5, 15, 16

Әм гәрәке дӧдьли нәбьн, wәки Йаһоwа ԛәwата мә дьшекьринә, кʹижан кӧ әм бона хьзмәтийа wи хәрщ дькьн. Әw мә фәʹм дькә чахе әм сьст ьн йан чахе әм хwәда дӧдьли дьбьн. Әw дькʹәвә һʹале мә у бәр дьле мәда те, чахе дьвинә кӧ мәрʹа чәтьн ә жерʹа хьзмәт кьн жь бо чәтьнайед пʹәрава гьредайи, йан сьһʹәт-ԛәwате, йан жи дьлтәнгбуне. Әм гәрәке бь тʹәмами баwәр бькьн, wәки әw гәләк ԛимәт дькә чахе әм һʹәму тьшти дькьн сәва wирʹа амьн бьминьн (Ибрн. 6:10, 11). Ӧса жи бира хwәда хwәй кьн, wәки Йаһоwа дӧа дьбьһе. Ләма тʹӧ щар дӧдьли нәбьн wәки әw әʹсә wе щаба дӧайед wә бьдә (Зәб. 65:2). «Баве дьлшәwатийе у Хwәдейе һʹәму бәрдьлийе», wе әʹсә аликʹарийе бьдә мә, ча емосийалида ӧса жи рʹӧһʹанида. Мәсәлә, дьбәкә әw бь сайа хушк-бьред мә аликʹарийе бьдә мә (2 Корн. 1:3). Дьле Йаһоwа гәләк ша дьбә чахе әм һьндава мәрьва дьлшәwат ьн (Мәт. 6:3, 4). У әw соз дьдә, wәки wе мә кʹәрәм кә бона ԛәнщийа мә. w16.12 4:13, 14

Чахе Иса сәр әʹрде бу, әw нәкʹәтә тʹәлькед Шәйтʹанда (Мәт. 4:10). Шәва пешийа мьрьна хwә, чахе Иса бь дьл Хwәдерʹа дӧа дькьр, әwи дӧада диса жи да кʹьфше, wәки дьхwазә ԛьрара Хwәде бинә сери. Әwи гот: «Баво, һәгәр әʹмьре тә йә, әве кʹасе жь мьн дур хә. Ле бьра хwәстьна тә бә, нә кӧ йа мьн» (Луԛа 22:42). Wәрә әм чʹәʹв бьдьнә Иса у азайа хwә бьдьнә хәбате сәва Йаһоwа рʹумәт кьн у ԛьрара wи биньн сери. Ле ча әм дькарьн чʹәʹв бьдьнә Иса? Әм жи һатьнә әʹфьрандьне бь сурәта Хwәде у һʹӧнӧред wи (Дәстп. 1:26). Ле һаԛас азайа мә тʹӧнә ча щәм Йаһоwа һәйә, чьмки синоред мә һәнә. Хәбәра Хwәде мәрʹа шьровәдькә, wәки Йаһоwа азайа мә синор кьрийә у әм гәрәке жь wан синора дәрнәйен. Мәсәлә, жьн гәрәке гӧрʹа мере хwәда бә, у зарʹ гӧрʹа де-бавада бьн (Әфәс. 5:22; 6:1). w17.01 2:4, 5

Әм wәʹде мәхсусда дьжин. Пʹара тʹәшкиләта Йаһоwа йа әʹрде, гәләк алийава пешда дьчә у ләма һе зедә гӧһастьн жи лазьм ә бенә кьрьне. Һьнә гӧһастьн дькарьн сәр мә жи һʹӧкӧм бьн, у дьԛәwьмә мәрʹа нәһеса бә һини wан гӧһастьна бьн. Ле wәрә әм wи чахи жи мьлук бьминьн у дина хwә бьдьнә сәр шьхӧле Хwәде, нә кӧ сәр хwә. Чахе әм ӧса бькьн, әме йәктийе хwәй кьн. Паwлос Мәсиһийед Рʹомерʹа ньвиси: «Чаwа ԛальбе мәда гәләк әндәм һәнә у һʹәму әндәм кьрәки накьн, ӧса жи әм гәләк ьн, ле йәктийа Мәсиһда әм бәдәнәк  ьн» (Рʹом. 12:4, 5). Һәр кәс жь мә дьхwазә шьхӧле Пʹадшатийе пешда бьвә. Гәли бьред әʹмьрда мәзьн, бьред щаһьл һин кьн, wәки әwана һе зедә щабдарийа һьлдьнә сәр хwә. Ле һун, гәли бьред щаһьл, ԛәбул кьн әwан щабдарийа у шьхӧла кӧ дьдьнә дәстед wә. Мьлук бьн у ԛәдьре мәзьна бьгьрьн. Гәли кʹӧлфәта ле һун чʹәʹв бьдьнә Прьскилайе, жьна Әкила, у бь амьни пьштгьрийа мере хwә бькьн, чахе дәрәщә тенә гӧһастьне (Кʹар. Шанд. 18:2). w17.01 5:15, 16

Гидәйон гот wәки бона wи шьхӧли әw нәлайиԛ ә, чьмки әw жь бәрәка һәри бьчʹук ә у нәщерʹьбанди йә. Паше, чахе әwи ԛәбул кьр шьхӧле кӧ Йаһоwа жерʹа да, әw дьхwәст баwәр буйа wәки әwи бь тʹәмами фәʹм кьр чь кӧ Хwәде жь wи дәʹwа дькьр, у әwи дӧа дькьр wәки Йаһоwа рʹебәрийе бьдә wи (Һʹакьм. 6:36-40). Гидәйон мәрьвәки мерхас у ԛәwи бу, ле ӧса жи әw йәки аԛьл у сәрwахт бу (Һʹакьм. 6:11, 27). Әwи әw шьхӧл дькьр, нә сәва наве wи бьльнд бә. У чахе әwи ида һʹәму тьшт кьр чь кӧ Йаһоwа жь wи хwәст, әw бь шабуне вәгәрʹийа мала хwә (Һʹакьм. 8:22, 23, 29). Һәрге кәсәк дьхwазә wәки щабдарийа тʹәзә бьстинә йан жи пешда һәрә сәва щьватеда һе зедә бькә, әw найе һʹәсабе wәки әw йәки шкәсти нинә. Бь рʹастийе, Кʹьтеба Пироз мә һʹәмушка һелан дькә, wәки хьзмәтийеда пешда һәрʹьн (1 Тимтʹ. 4:13-15). Ле гәло пешдачуйин әw те һʹәсабе чахе щабдарийа тʹәзә дьстиньн? Нә һәртʹьм. Бь аликʹарийа Йаһоwа, әм дькарьн һәр шьхӧле хwәда рʹӧһʹанида пешда һәрʹьн. Әм ӧса жи дькарьн хәйсәт-һʹӧнӧр у фәрәсәтед хwә һе баш кьн, сәва кӧ һе рʹьнд Хwәдерʹа хьзмәт кьн у аликʹарийе бьдьнә мәрьвед дьн. w17.01 3:15, 16

Кʹьрʹин кӧ Йаһоwа бона мәрьва да, гәләк гьран сәр wи рʹуньшт (1 Пәт. 1:19). Әwи Кӧрʹе хwәйи тайе тʹәне бәр инсанәтева да, чьмки әw ԛайим мәрьва ԛимәт дькә. Дькарьн бежьн, wәки дәwса Адәм Иса бу баве мә (1 Корн. 15:45). Иса нә кӧ тʹәне жийине дьдә мә, ле әw ӧса жи мәщале дьдә wәки әм диса бьбьнә нәфәред малбәта Хwәде. Бәле, бь сайа ԛӧрбана wи, Йаһоwа бь ԛануни дькарә мәрьва диса ԛәбул кә кӧ вәгәрʹьнә малбәта wи. Әм чьԛас дьлгәрм дьбьн чахе дьфькьрьн, wәки wе бе wәʹдә чахе һʹәму мәрьвед амьн бьбьнә бекемаси! Wи чахи ида һәр кәс сәр әʹзмана ӧса жи сәр әʹрде, wе бь тʹәмами бьбьнә йәк ча малбәтәк. Әме гьшк жи бь тʹәмами бьбьнә зарʹед Хwәде (Рʹом. 8:21). Һәрге әм гәләк рʹази нә сәва кʹьрʹине, әме әʹсә мәрьвед дьнрʹа жи гьли кьн, wәки әwана жи дькарьн кʹаре бьстиньн жь ве пʹешкʹеша гәләк ԛимәт. w17.02 1:17, 19

«Бьрща Ԛәрәwьлийе» йа 15 Тирмәһе, сала 2013-да дьһатә шьровәкьрьне, wәки «хӧламе амьн у сәрwахт», әw һәйә Кʹома Рʹебәрийе кӧ жь мәсиһийед бьжарти йә. Кʹома Рʹебәрийе тʹәвайи сафикьрьнед фәрз дькьн. Әwана һәр һʹәфти тʹәвайи тʹоп дьбьн, у бь сайа ве йәке һәврʹа незик ьн у йәктийеда ньн (Мәтʹлк. 20:18). Һәр сал жь wана йәк те кʹьфшкьрьне ча бәрпьрсийаре ван щьвина. У әw йәк дьдә кʹьфше wәки тʹӧ кәс жь wан, хwә жь йед дьн бьльндтьр нагьрә (1 Пәт. 5:1). Бәрпьрсийаред һәр шәш комитейед Кʹома Рʹебәрийе жи һәр сал тенә гӧһастьне. Тʹӧ кәс жь wан хwә бьльнд һʹәсаб накә у хwә сәр бьред хwәрʹа нагьрә. Һәр йәк жь wан жи хwә һʹәсаб дькә ча «хӧламед мале», йед кӧ жь хӧламе амьн хwарьна рʹӧһʹани дьстиньн у пәй рʹебәрийа wи дьчьн. Кʹома Рʹебәрийе жь Хwәде хәwн у хәйала навинә у беԛьсур нинә. Ләма жи щара һинкьрьнед Кʹьтеба Пирозда йан жи рʹебәрийа тʹәшкиләтеда шаши һәнә. w17.02 4:10-12

Чахе әм хwә тʹәсмили Йаһоwа дькьн у тенә ньхӧмандьне, әм нишан дькьн wәки әм баwәрийа хwә кʹьрʹине тиньн у ԛимәт дькьн. Һьн жи, ньхӧмандьна мә дьдә кʹьфше кӧ әм «пʹара Хӧдан ьн» (Рʹом. 14:8). Йаһоwа һʹәму тьшти жь һʹьзкьрьне дькә, у әw дьхwазә wәки һʹәму хьзмәткаред wи ве йәкеда чʹәʹв бьдьнә wи (1 Йуһʹн. 4:8-11). У әм әʹйан дькьн wәки әм дьхwазьн «бьбьнә зарʹед Баве [хwәйи] әʹзмана», чахе әм мәрьва һʹьз дькьн (Мәт. 5:43-48). Мәрьва һʹьз кьн тʹәмийа дӧда йә, ле йа пешийе әw ә кӧ Хwәде һʹьз бькьн (Мәт. 22:37-40). Чахе әм мьзгинийа Пʹадшатийе бәла дькьн, ӧса әм һʹьзкьрьна хwә һьндава мәрьва дьдьнә кʹьфше у рʹумәта Хwәде әʹйан дькьн. Бь ве йәке һʹьзкьрьна мә һьндава Хwәде дьһа мәзьн дьбә, илаһи чахе әм хушк-бьред хwә һʹьз дькьн (1 Йуһʹн. 4:12, 20). w17.02 2:13, 14

Аликива бьньһерʹи, әw бьжартьна һеса бу, чьмки хьзмәткьрьн Йаһоwарʹа тʹьме кʹаре тинә. Һьн жи мәрьве билан wе тʹӧ щар хwә ль хӧдане бекер нәгьрә. Ле Исраели «һәрдӧ алива» дькӧлийан у нькарьбун бьжартьн бькьрана. Елйас әwана ширәт кьрьн wәки Хwәдайе рʹаст бьһʹәбиньн, демәк Йаһоwа. Гәло чьрʹа Исраелийарʹа чәтьн бу сафикьрьне бь билани бькьн? Пешийе, wана баwәрийа һьндава Йаһоwа ӧнда кьрьн у гӧһ нәдьданә wи. Wана wәʹде хwә хәрщ нәдькьр wәки Йаһоwа рʹьнд нас бькьн у итʹбарийа хwә wи нәдьанин. Һәрге билани у занәбуна wанә рʹаст һәбуйа, wана wе сафикьрьна бь аԛьлайи бькьрана (Зәб. 25:12). Һьн жи, әв мьләтед пʹутпʹарьст һʹьше Исраелийа зьвьрандьн у Исраели жи мина wан дәстпекьрьн хӧданед ԛәлп бьһʹәбиньн. Ле Йаһоwа гәләк сал пешда Исраели ширәт дькьрьн, wәки мьԛати хwә бьн кӧ нәкʹәвьнә бәр байе мьләтед дьн (Дәркʹ. 23:2). w17.03 2:6, 7

Чьда әм дькарьн чʹәʹв бьдьнә Һьзԛийа? Дьԛәwьмә әм тедәрдьхьн wәки тьштәк мә жь Хwәде дур дьхә, йан жи һʹьш-аԛьле мә дьчә сәр тьштед майин, нә кӧ сәр хьзмәтийе. Мәсәлә, иро гәләк мәрьвед ве дьнйайе малпәрада мәрьва гәләк бьльнд рʹумәт дькьн. Әwана гәләк wәʹде хwә хәрщ дькьн сәр интернете, у малпәрада тʹәви мәрьва дьбьнә нас. Һьнәк жи, гәләк wәʹде хwә хәрщ дькьн, чьмки шьклед мәрьвед навдар дьньһерʹьн йан жи дәрһәԛа wан гәләк дьхуньн. Дьбәкә мә хwәш те тʹәви малбәта хwә йан һәвалед хwәйи незик пе интернете хәбәр дьн йан жи һәврʹа бьньвисьн. Ле гәләк хоф ә һәрге әм гәләк wәʹде хwә хәрщ кьн сәр wан тьшта. Һәрге гәләк мәрьв бәгәм дькьн тьштед кӧ әм дькьнә малпәра хwәда, әw йәк дькарә мә ԛӧрʹә кә жи. У һәрге кәсәк жь малпәра мә дәре, дьбәкә әм бьхәйидьн жи. Wе керһати бә һәрге әм пьрсе бьдьнә хwә: «Гәло әз мәрьва бьльнд дькьм чаwа мәрьвед ве дьнйайе дькьн? Гәло әз чьԛас wәʹде хwә хәрщ дькьм сәр тьштед нәфәрз?» (Әфәс. 5:15, 16). w17.03 3:14, 17