Тʹәбах

Шәрʹәки гәләк гьран бу. Тʹәмамийа шәв әскәред Исраели пе рʹебәрийа Һʹакьме Гидәйон, пәй дьжмьнед хwә Мьдйана у пьштгьред wан кʹәтьн, у wәкә 32 километра пәй wан дьрәвийан. Әwан Исраелийа заньбун, кӧ ньһа wәʹдә нинә бьсәкьньн, чьмки Мьдйана бь сала әwана дьчәрчьрандьн. Ләма, сәва кӧ ԛьрʹа дьжмьна биньн, wана бәрдәwам кьр пәй wан дькʹәтьн, у ахьрийеда wана Мьдйан алт кьрьн (Һʹакьм. 7:22; 8:4, 10, 28). Әм жи шәрʹәки мәзьнда шәрʹ дькьн. Шәйтʹан, дьнйа wи, у ԛьсуртийа мә дьжмьнед мә нә. Һьнәк жь мә бь сала шәрʹ дькьн тʹәви wан дьжмьна. Әм пе аликʹарийа Йаһоwа сәрдькʹәвьн. Ле щара, дьбәкә әм дьwәстьн кӧ шәрʹ бькьн тʹәви wан дьжмьна. Йан жи дьбәкә дьwәстьн һивийа ахьрийа ве дьнйайе бьн. Ле бь рʹастийе, әм һе бь тʹәмами wи шәрʹида сәрнәкʹәтьнә. Иса пешда гот wәки йед wәʹде рʹожед ахьрийеда бьжин, wе рʹасти тәнгасийа у нәһәԛийа бен. Ле әwи ӧса жи гот, кӧ сәркʹәтьн сәбьра мәва гьредайи  йә (Луԛа 21:19). w16.04 2:1, 2

Щьвинеда Һинкʹаре мәйи гьринг бь сайа Хәбәра хwә мә һин дькә (Иша. 30:20, 21). Һәла һе йед нәбаwәрмәнд жи, кӧ тенә сәр щьвине дьбежьн кӧ «Хwәде нав wәда йә!» (1 Корн. 14:23-25). Йаһоwа бь рʹӧһʹе хwәйи пироз щьвине кʹәрәм дькә у әw һинкьрьна кӧ әм дьстиньн жь Хәбәра wийә. Ль сәр щьвине әм гӧһ дьдьнә хәбәред Йаһоwа у тʹәхмин дькьн һʹьзкьрьна wи. Бь wи щурʹәйи әм незики wи дьбьн. Иса гот: «Кʹидәре дӧ йан се мәрьв бь наве мьн бьщьвьн, әз ль wьр нава wанда мә» (Мәт. 18:20). Сәре щьвине Мәсиһ нава щьвата щьмәʹта Хwәдеда «дьгәрә» (Әʹйан. 1:20–2:1). Дәрһәԛа wе йәке бьфькьрә. Йаһоwа у Иса мә ԛәwи дькьн бь сайа щьвина. Ча тӧ дьшьрмиш дьби, Йаһоwа чь тʹәхмин дькә чахе дьвинә, кӧ әм дьхwазьн незики wи у Кӧрʹе wи бьн? w16.04 3:13, 14

Рʹожәке хушкәк незики дӧ бьра бу у тʹәви wан хәбәрда. Бьрак хәйиди жь бо щурʹе хәбәрдана ве хушке. Чахе әw һәрдӧ бьра тʹәне ман, бьре кӧ хәйиди әw хушк сущдар дькьр сәва хәбәрдана ве. Ле йе дьн, ани бира wи, кӧ әw хушк ида 40 сала бь амьни Йаһоwарʹа хьзмәт дькә, һәла һе wәʹде чәтьнайа жи. Әwи бьрайи wи да баwәркьрьне, wәки әwе хушке нәдьхwәст wи бьхәйидинә. Паши хәбәрдана wан, бьре кӧ хәйиди бу, бьре дьнрʹа гот: «Тӧ рʹаст и». Ӧса әw чәтьнайи сафи бу. Жь ве дәрәще әм чь һин дьбьн? Чахе кәсәк мә дьхәйидинә, әм хwәха дьжберьн кӧ чаwа хwә кʹьфш кьн. Мәрьве бь һʹьзкьрьн, шашийа дьбахшинә (Мәтʹлк. 10:12; 1 Пәт. 4:8). Чахе әм дина хwә надьнә «ԛьсуред» мәрьва, әw йәк бәр чʹәʹве Йаһоwа тьштәки бәдәw ә (Мәтʹлк. 19:11). Ләма, һәрге һун һʹәсаб дькьн кӧ кәсәк тʹәви wә сәрт бу йан беԛәдьри да кʹьфше, жь хwә бьпьрсьн: «Гәло әз дькарьм дина хwә нәдьмә сәр ве йәке? Лазьм ә әз дәрһәԛа ве йәке бәрдәwам кьм дьшьрмиш бьм?» w16.05 1:8, 9

Кʹи бь рʹастийе иро мьзгина Пʹадшатийе бәла дькә? Әм дькарьн дӧдьли нәбьн у бежьн: «Шәʹдед Йаһоwа!» Ле чьрʹа әм дькарьн ве йәкеда баwәр бьн? Чьмки әм мьзгина рʹаст бәла дькьн, демәк мьзгина дәрһәԛа Пʹадшатийе. Ӧса жи, әм хwәха дьчьн мәрьва дьгәрʹьн, у әw рʹаст ә әм ӧса дькьн. Һьн жи, әм бь нета рʹаст мьзгине бәла дькьн. Әм пәй пәрʹа накʹәвьн, ле әм Хwәде у мәрьва һʹьз дькьн, ләма әwи шьхӧли дькьн. Әм әwи шьхӧли нав тʹәмамийа дьнйайеда бәла дькьн, демәк әм жь һʹәму мьләта у зьмана мәрьва дьгәрʹьн. У әме әwи шьхӧли бәрдәwам кьн бькьн бе әгләкьрьн, һʹәта кӧ хьлази бе. Рʹасти жи әʹщеб ә, кӧ щьмәʹта Йаһоwа wан рʹожед ахьрийеда, шьхӧләки чьԛас мәзьн дькьн. Ле чь щурʹәйи әw шьхӧл ӧса пешда дьчә? Паwлосе шанди щаба ве пьрсе да кӧ ве рʹеза рʹожеда те готьне. Дә wәрә әм пе ԛәwата Баве мә Йаһоwа, бәрдәwам кьн бь дьл у щан мьзгине бәла кьн (2 Тимтʹ. 4:5). w16.05 2:17, 18

Йаһоwа азайа бьжартьне дайә мә. Ләма чахе әм гӧрʹа Хwәде дькьн у ԛьрара wи тиньн сери, әм дьдьнә кʹьфше кӧ әм Йаһоwа гәләк һʹьз дькьн у дьхwазьн дьле wи ша кьн. Хенщи ве йәке, әм дьдьнә кʹьфше кӧ әм пьштгьрийа һʹӧкӧмәтийа wи дькьн, чьмки Шәйтʹан изьна һʹӧкӧмәтийа Йаһоwа кьрә бьн шьке. У ләма чахе әм гәләк дьхәбьтьн сәва гӧрʹа Йаһоwа бькьн, әм дьдьнә кʹьфше кӧ әм дьхwазьн wәки әw Сәрwере мә бә. Әм гәрәке дӧдьли нәбьн кӧ Йаһоwа гәләк ԛимәт дькә, чахе әм бь дьл ԛәwата хwә дьдьнә хәбате, сәва гӧрʹа wи бькьн (Ибрн. 2:3-5; Мәтʹлк. 27:11). Ле һәгәр Йаһоwа әм аза кьрана жь ве йәке кӧ әм шәрʹ кьн тʹәви кемаси у хәйсәтед хwәйә нәбаш, сәва кӧ әм wи хwәш бен, wи чахи амьнийа мә у пьштгьрийа мә һьндава сәрwертийа Хwәде, wе ԛәwата хwә ӧнда кьра. Йаһоwа дьбежә мә, кӧ әм «һәр алийава» ԛәwата хwә бьдьнә хәбате, сәва кӧ чʹәʹв бьдьнә һʹӧнӧред wи (2 Пәт. 1:5-7; Колс. 3:12). Әw дьхwазә кӧ әм фькьр у һәстед хwә контрол кьн (Рʹом. 8:5). Чахе әм гәләк дьхәбьтьн кӧ әве йәкеда гӧһастьна бькьн, әм бәхтәwар дьбьн, чьмки дьвиньн кӧ Кʹьтеба Пироз мә дьгӧһезә. w16.05 4:12, 13

Йаһоwа рʹьнд занә кӧ кʹижан ах чь щурʹәйи йә. У ләма әw занә ча жь ве ахе тьштәки чекә (Зәб. 103:10-14). Бәле, Йаһоwа мә рʹьнд занә. Әw кемасийед мә дьдә һʹәсабе, у занә әм чь дькарьн у чь нькарьн, у ӧса жи чьԛас әм рʹӧһʹанида пешда дьчьн. Чахе Иса сәр әʹрде бу, әwи рʹьнд әʹйан кьр ньһерʹандьна Йаһоwа һьндава мәрьвед гӧнәкʹар. Мәсәлә wәрә әм шеwьр кьн, кӧ Иса ча дьньһерʹи сәр кемасийед шандийед хwә. Щара әwана дькʹәтьнә дәʹwе, һәла кʹе жь wан һәри мәзьн ә. Һәрге wә әw дәрәщә бьдита, һуне дәрһәԛа шандийа бьфькьрийана кӧ әwана мьлук у нәрм ьн? Иса дәрһәԛа wан нәбаш нәфькьри. Әwи заньбу кӧ шандийед wийи амьн бь сайа ширәт у рʹасткьрьна дькарьн бенә гӧһастьне. Ӧса жи әwана дькарьбун чʹәʹв бьдана мьлуктийа wи (Марԛ. 9:33-37; 10:37, 41-45; Луԛа 22:24-27). Паши сахкьрьна Иса, чахе шандийед wи рʹӧһʹе пироз стандьн, wана ида пәй wе йәке нәдькʹәтьн, кӧ кʹе жь wан йа һәри мәзьн ә. Бона wан йа лапи фәрз әw шьхӧл бу, кʹижан кӧ Иса дабу wан (Кʹар. Шанд. 5:42). w16.06 1:10

Хенщи Йаһоwа, тʹӧ Хwәдайе реали у рʹаст тʹӧнә йә. Тʹӧ хӧдан мина wи нинә (2 Сам. 7:22). Демәк Муса нә кӧ дьхwәст избат кьра кӧ һинкьрьна дәрһәԛа сейәканә, нәрʹаст ә. Ле әwи дьхwәст бьанийа бира Исраелийа, кӧ әwана гәрәке тʹәне Йаһоwа бьһʹәбиньн. Исраели гәрәке пәй мьләтед дорбәре хwә нәчуна, чьмки әwи мьләти щурʹә-щурʹә хӧдан дьһʹәбандьн. Wана баwәр дькьр, кӧ һьнәк жь wан хӧданед ԛәлп, тʹәбийәте контрол дькьн. Мәсәлә, Мьсьрийа дьһʹәбандьн хӧдане тәʹве Ра, хӧдане-әʹзмана Нат, хӧдане-әʹрде Геб, хӧдане-Нил бь наве Һапи. Wана ӧса жи гәләк һʹәйwан пироз һʹәсаб дькьрьн у сәре хwә бәр wан датанин. Йаһоwа гәләк жь wан хӧданед ԛәлп ньмьз кьр бь сайа Дәһ Бәла у әʹйан кьр кӧ жь wан мәзьнтьр ә. Баал хӧдане Кәнанйайә сәрәкә, хӧдане бәрдарийе бу, кʹижан кӧ ӧса жи әʹйан бу ча хӧдане әʹзмана, баране, у багәре. Гәләк щийада, мәрьва ӧса жи Баал һʹәсаб дькьрьн ча хwәйи хӧдане хwә (Жьмар 25:3). Ле Исраелийа гәрәке бира хwәда хwәй кьрана кӧ Хwәдейе wан, Хwәдейе рʹаст, «тʹәк ә» (Ԛан. Дщр. 4:35, 39). w16.06 3:4, 5

Иса итʹбарийа хwә Йаһоwа у щьмәʹта wи дьани. Әм жи гәрәке ӧса бькьн. Wан рʹожед хьлазийеда, әм дьвиньн кӧ ча Йаһоwа рʹебәрийа щьмәʹта хwә дькә. Әw али wан дькә кӧ нав тʹәмамийа дьнйайе мьзгинийе бәла кьн, у йәктийеда бьн. Хенщи wан, тʹӧ кәс әwи шьхӧли накә. Ишайа 65:14-да Йаһоwа дәрһәԛа щьмәʹта хwә дьбежә: «А вай, ԛулед [хьзмәткʹаред] мьн wе жь фьрәйа дьл бьстьред». Дьле мә рʹасти жи бь шабуне тʹьжә йә, чьмки Йаһоwа рʹебәрийе мә дькә, у али мә дькә кӧ әм гәләк тьштед баш бькьн. Ле мәрьвед дьнйа Шәйтʹанда, бинтәнг ьн, чьмки һʹале дьнйайе һе хьраб дьбә, у баwәрийа wан бона ахьрийе тʹӧнә. Ләма әм гәрәке амьн бьминьн Йаһоwарʹа, у пәй рʹебәрийа wи һәрʹьн. w16.06 4:10-12

Wәрә мәсәла бьвиньн, кʹижан кӧ мәрʹа әʹйан дькә wәки чьԛас фәрз ә һʹьшйар бьминьн. Бәре, дора шәһәред мәзьн диwаред бьльнд һәбун, мәсәлә чаwа дора шәһәре Оршәлиме. Әw диwар шәһәр хwәй дькьр, wәки дьжмьн нәкʹәвьне. Ԛәрәwьл сәр wан диwара дьсәкьнин, чьмки жь wедәре дьһатә кʹьфше дорбәре шәһәр. Әwана шәв у рʹож дьсәкьнин сәр wан диwара у бәр дәргәһа. Ӧса, wана дькарьбу жь дурва дьжмьн бьдитана, у дәрһәԛа хофийе бьнәлийед шәһәррʹа пешда әʹлам кьрана (Иша. 62:6). Ԛәрәwьла заньбун кӧ чьԛас фәрз ә һʹьшйар бьминьн, чьмки әʹмьре мәрьва ве йәкева гьредайи бу (Һәзԛл. 33:6). Тʹәрихзан Усьве Флавиус шьровәкьр кӧ ча сала 70 Д.М., ордийа Рʹомайа дькарьбун бькʹәтана Оршәлиме. Ԛәрәwьлед кӧ дәргәһед шәһәр хwәй дькьрьн, хәwрʹа чун. Ахьрийеда, ордийа Рʹомайа карьбун бькʹәвьнә Оршәлиме. Wана пʹарьстгәһ wеран кьр у шәwьтандьн, у паше тʹәмамийа Оршәлиме wеран кьрьн. Әw йәк хьлазийа тәнгасийа мәзьн бу, тәнгасийа ӧса кӧ щьмәʹта Щьһу тʹӧ щар нәдитьбу. w16.07 2:2, 7, 8

Бь сайа ԛәнщийа нәһежа жь Йаһоwа, әм гәләк кʹәрәма дьстиньн. Ле әм гәрәке нәфькьрьн кӧ Хwәде чʹәʹве хwә дадьдә сәр һʹәму гӧнед мә, кʹижан кӧ әм һʹәмде хwә дькьн. Һьнә Мәсиһийед ԛьрʹна йәкеда «наве кʹәрәма Хwәде данә бенамусийе» (Щьһуд. 4). Ча те кʹьфше әw Мәсиһийед нәамьн дьфькьрин, кӧ әwана дькарьн гӧнә бькьн у Йаһоwа wе тʹьме wана бьбахшинә. Хенщи ве йәке, wана һәла һе бьред дьн жи һелан дькьрьн кӧ әwана жи гӧнә бькьн. Иро жи һәрге кәсәк ӧса дькә, әw «рʹӧһʹе кʹәрәмдайине беһӧрмәт» дькә (Ибрн. 10:29). Иро Шәйтʹан һьнә Мәсиһийа дьхальфинә, wәки әwана бьфькьрьн кӧ дькарьн гӧнә бькьн у Йаһоwа wе wана тʹьме бьбахшинә. Бәле, Йаһоwа һазьр ә бьбахшинә wан, йед кӧ гӧне хwә тиньн рʹуйе хwә. Ле әw һивийе йә кӧ әм мьԛабьли хwәстьнед хьраб бьн, кʹижан кӧ дькарьн мә бәрбь гӧнә бьвьн. w16.07 3:16, 17

Бь ԛануна Хwәде, һәгәр нава зәwащеда бенамуси у ԛави һатийә кьрьн, изьн һәйә жь һәв бьԛәтьн у кәсәки дьн бьстиньн. Ле чахе йәк бенамусийе дькә у гӧне хwә дьдә рʹуйе хwә, һәвалзәwаще wе (wи) дькарә бьбахшине. Һосәйа пʹехәмбәр жи бахшандә жьна хwәйә ԛав Гомәре, чаwа кӧ Йаһоwа жи бахшандә wан Исраелийа, йед кӧ гӧне хwә данә рʹуйе хwә (Һос. 3:1-5). Һәрге кәсәк занә кӧ һәвалзәwаще wе (wи) ԛави кьрийә, у бәрдәwам дькә тʹәви йе гӧнәкьри дьжи, бь wе йәке әw дьдә кʹьфше кӧ бахшандийә wе (wи). У ида бь ԛануна Хwәде изьна wан кәсәки дьн бьстиньн ӧнда дьбә. Паши wан гьлийа кӧ рʹеза иройинда те готьне, Иса хәбәрда дәрһәԛа wан йед кӧ азәп дьминьн, у гот: «Кʹерʹа әв йәк дәст дьдә, бьра ӧса жи бькә» (Мәт. 19:10-12). Гәләка сафи кьрьнә кӧ нәзәwьщьн, сәва кӧ һе зедә Йаһоwарʹа хьзмәт кьн. Ләма жи әм гәрәке пʹайе wан бьдьн. w16.08 1:15, 16

Щаһьл дькарьн гәләк тьшт бькьн хьзмәтийеда, чьмки енержийа у сьһʹәт-ԛәwата wан баш ә (Мәтʹлк. 20:29). Һьнә бьред мәйи щаһьл Бәйтʹәледа хьзмәт дькьн wан идарада, кʹидәре кӧ әʹдәбйәтед мә у Кʹьтеба Пироз нәшьр дькьн у һәвва дькьн. Гәләк хушк-бьред щаһьл аликʹарийе дьдьнә шьхӧле авакьрьн у тʹәзәкьрьна Одед Щьвата. Ӧса жи чахе хәзәб дьԛәwьмьн, йед щаһьл аликʹарийе дьдьнә хушк-бьра. У гәләк щаһьл йед кӧ пешәнг ьн, зьмане хәриб һин дьбьн, йан жи дьчьнә щийед дьн сәва мьзгинийе бәла кьн. Зәбурбеж дьстьра: «Тʹӧ ԛәнщи жь йед кӧ бәре хwә данә Хӧдан найе вәшартьн» (Зәб. 34:10, ИМ). Рʹасти жи, Йаһоwа тʹӧ щар мә наһелә, һәрге әм бь дьл у щан wирʹа хьзмәт дькьн. Әм хwәха «тәʹм» дькьн у дьвиньн кӧ Йаһоwа «чьԛас ԛәнщ ә». Бь рʹастийе жи әм бәхтәwар ьн, чахе әм дьле Хwәде ша дькьн. w16.08 3:5, 8

Йаһоwа дькарә у һьм жи һазьр ә кӧ бь сайа рʹӧһʹе хwәйи пироз ԛәwате бьдә мә (1 Дир. 29:12). Бь сайа рʹӧһʹе Хwәдейи пироз, әм дькарьн тәйах кьн бәр щерʹьбандьнед Шәйтʹан у дьнйа wи (Зәб. 18:39; 1 Корн. 10:13). У әм гәләк рʹази нә сәва Хәбәра Хwәде, кʹижан кӧ бь рʹӧһʹе wийи пироз һатә ньвисаре. Әм ӧса жи гәләк тьшт һин дьбьн жь хwарьна рʹӧһʹани, йа кӧ әм һәр мәһ дьстиньн. Хәбәред жь Зәкәрйа 8:9, 13 һатьнә готьне чахе пʹарьстгәһа Оршәлиме дьһатә авакьрьне, у әw хәбәр гәләк керһати нә бона мә жи. Хwәде мә һин дькә бь сайа щьвинед мә, щьватед мәзьн у мәкʹтәбед кӧ организасийона мәда һәнә. Әw һинкьрьн мә ԛәwи дькьн. Хенщи ве йәке, әw һинкьрьн дькарә али мә бькә кӧ әм сәр тьшта рʹаст бьфькьрьн, ӧса жи нетед рʹӧһʹани дайньн пешийа хwә, у щабдарийед хwәйә щьватеда биньн сери (Зәб. 119:32). Ле тӧ чь дьки сәва кӧ жь һинкьрьна Хwәде кʹаре бьстини? w16.09 1:10, 11

Ԛануна Хwәде кӧ Исраелийарʹа һатә дайине, дьда кʹьфше кӧ Йаһоwа мьԛабьли кʹьнщхwәкьрьна ӧса йә, кʹижан надә кʹьфше әw кәс мер ә йан жьн ә. Иро жи һәма ӧса йә, мер ча жьн хwәдькьн, жьн жи ча мер хwәдькьн (Ԛан. Дщр. 22:5). Жь Ԛануна Хwәде әм һин дьбьн кӧ Хwәде хwәш найе кʹьнщхwәкьрьна wи щурʹәйи, йа кӧ мер дькә жьн, жьн жи дькә мер у чәтьн ә те дәрхи жьн ә йан мер ә. Хәбәра Хwәдеда принсипед ӧса һәнә, йед кӧ али Мәсиһийа дькьн сафикьрьнед баш бькьн кʹьнщхwәкьрьнеда. Фьрԛи тʹӧнә әм кʹидәре дьжин, култура wи wәлати чь щурʹәйи йә, йан һәwа ча нә, йәкә гәрәке wан принсипа хwәй кьн. Әʹсәйи нинә, wәки һур бь һур бе готьне кӧ кʹижан кʹьнщ изьн ә хwә кьн у кʹижан на. Ле дәwсе, принсипед жь Ньвисаре Пироз рʹебәрийе дьдьнә мә. У әw рʹебәри мәщале дьдә мә, wәки хwәха бькарьбьн рʹаст сафи кьн, кӧ кʹьнще чь щурʹәйи хwә кьн.w16.09 3:3, 4

Бьфькьрьн сәр wан мәрьва, йед кӧ Кʹьтеба Пироз ньвисинә. Әw мәрьв гәләк мерхас у дьлсах бун. Ньвискʹаред дьнә бәре тʹәне тьштед баш дьньвисин дәрһәԛа хwә, сәрок у пʹадшед хwә. Ле пʹехәмбәред Йаһоwа тʹьме рʹасти ньвисинә. Wана шашийед щьмәʹта хwә у һәла һе пʹадшед хwә жи, вәнәшартьнә у бь һʹәлали ньвисинә (2 Дир. 16:9, 10; 24:18-22). Wана ӧса жи шашийед хwә у хьзмәткʹаред дьн вәнәшартьнә у ньвисинә (2 Сам. 12:1-14). Кʹьтеба Пирозда һәнә принсипед гәләк керһати. У әw жи мәʹни йә кӧ чьрʹа гәләк мәрьв избат дьбьн, wәки әw бь рʹебәрийа Хwәде һатийә ньвисаре (Зәб. 19:7-11). Принсипед жь Кʹьтеба Пироз мә хwәй дькә жь һинкьрьнед ԛәлп, кӧ мәрьва дькьнә дил (Зәб. 115:3-8). Әwед кӧ еволусийа баwәр дькьн, тʹәбйәте дькьнә хwәдайе хwә у рʹумәте дьдьнә ве. Ле рʹумәт тʹәне Йаһоwарʹа дькʹәвә. У әwед кӧ дьбежьн Хwәде тʹӧнә, готьна wан ӧса дәрте кӧ ахьри дәсте инсанәтеда нә. Ле тʹәрихийе рʹьнд әʹйан кьрийә, кӧ мәрьв хwәха нькарьн ахьрийа баш биньн (Зәб. 146:3, 4). w16.09 4:10, 11

Чь кӧ ԛәwьми паши ве йәке, дьдә кʹьфше wәки Боwаз бь рʹастийе хәм дькьр сәва Рʹутʹ, у фәʹм дькьр һʹале wе ча хәриб. Әwи Рʹутʹ тʹәглиф кьр кӧ тʹәви щарийед wи бә, wәки меред кӧ зәвийеда дьхәбьтин, жерʹа хьрабийе нәкьн. Әwи һәла һе жи хәм кьр wәки хwарьн у ава ве епʹещә һәбә, чаwа щәм хәбатчийед wи. Хенщи ве йәке, Боwаз wе беһӧрмәт нәдькьр, ле ԛәдьре wе дьгьрт у бәр дьле wеда дьчу (Рʹутʹ 2:8-10, 13, 14). Боwаз Рʹутʹрʹа ԛәнщи кьр, чьмки әw амьн бу һьндава хасийа хwә Наоми, ле тʹәне әw мәʹни нибу. Боwаз әʹщебмайи ма кӧ Рʹутʹ, йа кӧ жь мьләте хәриб бу, бу хьзмәткʹара Йаһоwа. Бь рʹастийе ԛәнщийа Боwаз әʹйанкьрьна һʹьзкьрьна Йаһоwа бу һьндава ве жьньке, кʹижан кӧ щи-сьтʹар «бьн пʹәре» Хwәдайе Исраелида дит (Рʹутʹ 2:12, 20; Мәтʹлк. 19:17). Иро жи, һәрге әм ԛәнщ ьн һьндава «һʹәму мәрьва», әw йәк wе али wан бькә кӧ рʹастийе ԛәбул кьн у тʹәхмин кьн кӧ чьԛас зәʹф Йаһоwа wана һʹьз дькә (1 Тимтʹ. 2:3, 4). w16.10 1:10-12

Әм жи гәрәке дӧада дьле хwә Йаһоwарʹа вәкьн у хәмед хwә жерʹа гьли кьн. Ле әм гәрәке баwәр бьн, кӧ әw дӧайе мә дьбьһе у wе ԛәwате бьдә мә, wәки әм wәʹде тәнгасийа шабуна хwә ӧнда нәкьн. Чахе әм бьвиньн кӧ Йаһоwа ча щаба дӧайед мә дьдә, баwәрийа мә wе һе ԛәwи бә (1 Йуһʹн. 5:14, 15). Баwәри әw һәйә бәре рʹӧһʹе пироз, ләма чаwа кӧ Иса гот, әм гәрәке тʹьме дӧа бькьн, wәки Хwәде рʹӧһʹе хwәйи пироз бьдә мә (Луԛа 11:9, 13). Чахе әм Хwәдерʹа дӧа дькьн, әм гәрәке тʹәне сәва хwә дӧа нәкьн. Бе һʹәсаб тьшт һәнә, сәва чь жи әм дькарьн рʹазибуна хwә Йаһоwарʹа бьдьнә кʹьфше у шькьрийе бьдьнә wи! (Зәб. 40:5). Әм дӧайед хwәда гәрәке ӧса жи «гьртийа бир биньн, һʹәсаб кьн кӧ чаwа [әм] жи тʹәви wан гьрти нә». У ӧса жи әм гәрәке дӧа бькьн сәва хушк-бьред мә нав тʹәмамийа дьнйайе, илаһи сәва «рʹебәред хwә». Чахе әм бьвиньн кӧ Йаһоwа ча щаба дӧайед мә дьдә, әw йәк wе дьле мә бьгьрә у әме һе незики wи бьн (Ибрн. 13:3, 7). w16.10 3:8, 9

Рʹожа иройин, щьмәʹта Йаһоwа баwәрийа хwә Пʹадшатийа Хwәде тинә у пьштгьрийа Пʹадшатийе дькә. Әwана щьнәта рʹӧһʹанида ньн у һәвдӧ һʹьз дькьн, чьмки әwана бәре рʹӧһʹе Хwәдейи пироз дьдьнә кʹьфше (Галт. 5:22, 23). Ле ахьрийа wе йәке чь йә? Һʹәйшт милйон хушк у бьра әʹдьлайе у йәктийеда ньн. Рʹасти жи баwәри у һʹьзкьрьна Мәсиһийед рʹаст рʹьнд әʹйан дьбә! Ле бей аликʹарийа Хwәде әw йәкти wе тʹӧ щар тʹӧнәбуйа. Әw йәкти Йаһоwа рʹумәт дькә, у әw рʹумәткьрьн wе бәрдәwам бә һʹәта-һʹәтайе (Иша. 55:13). Щьнәта мәйә рʹӧһʹани wе һе мәзьн у гәш бә, чахе тʹәмамийа әʹрде wе бь мәрьвед рʹаст, беԛьсур у бәхтәwар тʹьжә бә. Әwана wе һʹәта-һʹәтайе шькьрийе бьдьнә наве Йаһоwа. Дә wәрә әм тʹьме баwәрийа хwә созед Баве мә Йаһоwа биньн! w16.10 4:18, 19

Әм гәрәке пәй рʹебәрийа жь Кʹьтеба Пироз һәрʹьн, кӧ рʹуспи дьдьнә мә. Wәрә дәрәщәке шеwьр кьн, чахе Паwлос щьватерʹа ширәт да. Паwлос гот, wәки щьватеда һьнәк « тʹәви шьхӧле хәлԛе дьбьн». Рʹуспийа әwана ширәт дькьрьн, ле wана ширәтед wан ԛәбул нәдькьрьн. Ле гәло щьват чаwа бу һьндава мәрьвед wи щурʹәйи? Паwлос готә щьвате: «Wи рʹачʹәʹв кьн у һәвалтийе wирʹа нәкьн». Ле әw ширәт нә дьһатә һʹәсабе, wәки wи мәрьви һʹәсаб кьн ча дьжмьн (2 Тʹеслн. 3:11-15). Иро жи рʹуспи wана ширәт дькьн, йед кӧ принсипед Хwәде пьшт гӧһе хwәва давежьн. Чахе рʹуспи дьвиньн wәки әw мәрьв хwә нагӧһезә, әwана дькарьн сафи кьн, wәки щьватеда готаре бьхуньн, кӧ чаwа кьред wан мәрьва наве щьвате хьраб дькә. Мәсәлә, әwана дькарьн хәбәрдьн дәрһәԛа wан, йед кӧ тʹәви нәбаwәра рʹасти һәв тен, сәва һәв бьстиньн (1 Корн. 7:39). Ле гәло һун ча хwә дьдьнә кʹьфше чахе ширәтед ӧса дьдьн? Һәрге һун һаш пе һәнә кӧ рʹуспи дәрһәԛа кʹе дьбежә, һуне диса тʹәви wи мәрьви һәвалтийе бькьн? Һәрге һун һәвалтийе нәкьн, бь ве йәке һуне һʹьзкьрьне бьдьнә кʹьфше у али wи бькьн кӧ кьред нәрʹаст бьһелә. w16.11 2:13

Рʹожа Пенщийе Һʹәсабе сала 33 Д.М., бь һʹәзара Щьһу у нәщьһу бь рʹӧһʹе пироз һатьнә рʹункьрьне. Әw Мәсиһийед тʹәзә бунә бьжарти, «кʹаһинед пʹадшатийе, мьләте бӧһӧрти, щьмәʹта Хwәде» (1 Пәт. 2:9, 10). Һʹәта шанди һе сах бун, әwана мьԛати щьвата щьмәʹта Хwәде дьбун. Ле щьватада һьнә мәрьв дәстпекьрьн «тьштед хельф» һин кьн, илаһи паши мьрьна шандийа, сәва кӧ «шагьрта пәй хwә бьбьн» (2 Тʹеслн. 2:6-8). Щәм гәләка жь wана щабдарийед мәзьн һәбун щьватеда. Әwана ча бәрпьрсийар хьзмәт дькьрьн, у паше ида ча «епископ». Рʹаст ә Иса шагьртед хwәрʹа гот wәки «һун һʹәму жи бьра нә», ле йәкә сәрwер нава дерада пешда һатьн (Мәт. 23:8). Мәрьвед навдар йед кӧ һʹьз дькьрьн философийед Аристотел у Платон, щьватеда мәрьва һин дькьрьн әw һинкьрьнед ԛәлп. Ахьрийеда һинкьрьна рʹаст йа Хәбәра Хwәде, һеди-һеди һатә гӧһастьне сәр һинкьрьнед ԛәлп. w16.11 4:8

Пешийа кӧ әм бьбуна Мәсиһи, мә гәләк щар гӧнә дькьр, дьбәкә ԛә нә жи дьфькьрин wәки кьред мә бәр чәʹве Хwәде чьԛас рʹәш ьн. Әм чаwа «хӧламед һʹәрамийе у нәһәԛийе» бун, у дькарьн бежьн кӧ әм «хӧламед гӧнә бун» (Рʹом. 6:19, 20). Паше чахе әм рʹастийе пеһʹәсийан, мә әʹмьре хwә гӧһаст. Мә хwә тʹәсмили Хwәде кьр у һатьнә ньхӧмандьне. Әм «жь гӧнә аза бун у бунә хӧламед рʹастийе» (Рʹом. 6:17, 18). Һәрге әм бьһельн wәки гӧнә һʹӧкӧми сәр мә бә, wи чахи әме пәй хwәстьна бәдәне һәрʹьн. Ле йәкә әм дькарьн ӧса бькьн wәки гӧнә «ида» сәрwертийе мә нәкә. Пьрс әw ә, wәки әме чь бьжберьн, йане дьле мә чь дьхwазә. Wе керһати бә кӧ пьрсед ӧса бьдьнә хwә: «Чахе хwәстьна бәдәне пешда те, йан фькьред нәрʹаст тенә һʹьше мьн, гәло әз дәрберʹа wана дәрдьхьм, йан дьһельм wәки әw тьштед нәрʹаст дьле мьнда бьминьн? Гәло әз дькарьм бежьм wәки әз һьндава гӧнада мьри мә?» Һәрге әм дьшекьриньн ԛәнщийа Хwәде кӧ әм һежа ниньн, у кӧ әw ча дьбахшиньнә мә, әме һʹәму тьшти бькьн сәва дьле wи ша кьн. w16.12 1:11, 12

Әм дьлрʹьһʹәт ьн у әʹдьлайеда ньн. Чьрʹа? Чьмки әм әʹдьлайе хwәй дькьн ортʹа нәфәред хwәда, у ӧса жи ортʹа хушк-бьред щьватеда. Ле әм гьшк гӧнәкʹар ьн, ләма щара дькарә чәтьнайи ортʹа мәда пешда бе. У чахе ӧса дьԛәwьмә, әм пәй ширәта Иса дьчьн, кӧ гот: «Һәрә бьре хwәрʹа ль һәв wәрә» (Мәт. 5:24). Мәрʹа һеса йә әве йәке бькьн, чьмки әw хушк-бьред мә жи Хwәдейе әʹдьлайерʹа хьзмәт дькьн (Рʹом. 15:33; 16:20). Һәрге һʹьш-аԛьле мә сәр тьштед рʹӧһʹани йә, әм дькарьн ӧса жи әʹдьлайа тʹәви Хwәде бьстиньн, кʹижан кӧ гәләк ԛимәт ә. Чахе нет-фькьред мә сәр тьштед рʹӧһʹани йә, әм тʹәви Әʹфьрандаре хwә әʹдьлайеда ньн. Ишайа гьлийед ӧса гот: «[Йаһоwа], тӧйе хwәй ки wана йед кӧ бь тʹәмами хwә тә дьгьрьн, тӧйе wанрʹа әʹдьлайа дьреж бьди, чьмки әwана итʹбарийа хwә тә тиньн» (Иша. 26:3, ДТʹ; Рʹом. 5:1). Әw гьли ча wәʹде wида һатьнә сери, ӧса жи рʹожа иройин әм дьвиньн әw тенә сери. w16.12 2:5, 18, 19

Һәла һе ве дьнйа хьрабда жи кӧ wе зутьрәке кʹӧта бә, Йаһоwа щьмәʹта хwә кʹәрәм дькә. Әw хәм дькә, wәки хьзмәткʹаред wийи рʹаст wе щьнәта рʹӧһʹанида пешда һәрʹьн, кʹижан кӧ бь хwарьна рʹӧһʹани тʹер-тʹьжә йә (Иша. 54:13). Чаwа Иса соз да, Йаһоwа ида ньһа мә кʹәрәм дькә, бь ве йәке кӧ малбәта мәйә рʹӧһʹани һәйә, кӧ жь хушк-бьра йә нав тʹәмамийа дьнйайеда (Марԛ. 10:29, 30). Хенщи ве йәке, әwед кӧ ль Хwәде дьгәрʹьн дьлрʹьһʹәт у бәхтәwар ьн (Фили. 4:5-7). Һун дькарьн дӧдьли нәбьн, wәки һәрге «һун әʹмьре Хwәде биньнә сери», һуне «бьгьһижьнә созе wи» (Ибрн. 10:35, 36). Дә wәрә әм бәрдәwам кьн баwәрийа хwә һе ԛәwи кьн у бь дьл у щан шьхӧле Йаһоwа бькьн. Бәле, әм баwәр ьн wәки Йаһоwа бона ве йәке wе әʹсә мә хәлат кә! (Колс. 3:23, 24). w16.12 4:17, 20

Һәрге синора азайа мә һәйә, гәло әм дькарьн бежьн wәки әw бь рʹастийе азайи йә? Бәле, әм дькарьн! Ле ча? Синоред кӧ азайа мәрьвада һәнә, бь рʹастийе бона кʹара wан ә у әw синор wана хwәй дькьн. Мәсәлә, әм дькарьн сафи кьн, wәки пе әʹрәбе һәрʹьнә шәһәрәки дур. Ле бьдьнә бәр чʹәʹве хwә wәки сәр рʹе тʹӧнә нә нишан у һәр кәс ча дьхwазә ӧса жи дажо. Гәло һуне хwә рʹьһʹәт у бехоф тʹәхмин кьн сәр ве рʹе? Фәʹмдари йә на. Әw синор мәрʹа лазьм ьн, сәва әм азайа хwәрʹа ша бьн у кʹаре бьстиньн. Wәрә шеwьр кьн дәрһәԛа мәрьве пешьн, Адәм. Әwи бьжарт wәки жь wи синори дәре, йе кӧ Хwәде дани у бәре дара ԛәдәхәкьри хwар. Әwи шашийа мәзьн кьр, чьмки азайа хwә нәрʹаст да хәбате. Ахьрийа кьре wи әw бу кӧ зӧрʹәтед wи ида бь һʹәзара сала кӧл-дәрда дькʹьшиньн (Рʹом. 5:12). Әw шашийа wи гәрәке бона мә дәрс бә, wәки азайа хwә рʹаст бьдьнә хәбате у жь синоред кӧ Хwәде дани, дәрнәйен. w17.01 2:6, 8

Чахе щабдарийа тʹәзә дьдьнә мә, әм гәрәке Хwәдерʹа дӧа бькьн у рʹаст бьньһерʹьн сәр дәрәща хwә. Әw йәк wе али мә бькә wәки чь кӧ жь ԛәwата мә дәр ә һьлнәдьн сәр хwә. У мьлукти дькарә мә һелан кә wәки бежьн на. Сәрһатийа Гидәйон мәрʹа зәлал дьдә кʹьфше, wәки бей рʹебәрийа у кʹәрәма Йаһоwа, әм нькарьн пешда һәрʹьн щабдарийед хwәйә тʹәзәда. Жь мә һʹәмушка, тʹәне әw те дәʹwакьрьне, wәки бь мьлукти тʹәви Хwәдейе хwә һәрʹьн (Мих. 6:8). Ләма чахе әм дьхwазьн щабдарийа тʹәзә бьстиньн, әм гәрәке дӧа бькьн у кʹур бьфькьрьн һәла Йаһоwа чь мәрʹа дьбежә бь сайа Хәбәра хwә у тʹәшкиләта хwә. Әм гәрәке фәʹм бькьн кӧ Хwәде биланийе у ԛәwате дьдә мә, у ләма әм гәрәке итʹбарийа хwә wи биньн сәва кӧ щабдарийа хwә рʹьнд биньн сери. Әм гәрәке бир нәкьн wәки әм хwәха бей Йаһоwа нькарьн тʹӧ тьшти бькьн, чьмки әw аликʹари у рʹебәрийе дьдә мә (Зәб. 18:35). Чахе әм бь мьлукти рʹийа Хwәдеда дьчьн, әме хwә сәр мәрьварʹа нәгьрьн у нә жи хwә ньмьз һʹәсаб кьн. w17.01 3:17, 18

Иса мәсәләкә баш һишт, кӧ чаwа һин кьн йед майин сәва әwана һе зедә щабдарийа һьлдьнә сәр хwә. Иса заньбу, wәки әw wе тʹьме сәр әʹрде нибә у йед дьн гәрәке шьхӧле wи бәрдәwам кьн. Әwи заньбу, wәки шагьртед wи гӧнәкʹар ьн, ле йәкә әwи итʹбарийа хwә wана дьани у wанрʹа гот кӧ әwана wе wи зедәтьр бькьн (Йуһʹн. 14:12). Әwи әwана бь тʹәмами һазьр кьрьн у һин кьрьн бона wи шьхӧли. У wана мьзгини бәла дькьр һʹәму щийа кʹидәре дькарьбун (Колс. 1:23). Паше чахе Иса әʹмьре хwә ԛӧрбан кьр, әw һатә сахкьрьне у чу ль әʹзмен. Wедәре әwи һе зедә шьхӧл станд. Хwәде «әw дани сәр һʹәму сәрwертийа, һʹӧкӧмәтийа, ԛәwата, хӧдантийа» (Әфәс. 1:19-21). Һәрге жи ӧса бьԛәwьмә кӧ пешийа Һармәгәдоне әм әʹмьре хwә ӧнда кьн, әме бенә сахкьрьне дьнйа тʹәзәда. Әме wедәре гәләк шьхӧлед һʹәwас бькьн у шабуне бьстиньн. Ле ньһа, һәр кәс жь мә дькарә шьхӧләки гәләк фәрз бькә, демәк мьзгинийе бәла кә у шагьрта һазьр кә. Wәрә әм гьшк ча щаһьл ӧса жи әʹмьрда мәзьн, «һәр гав шьхӧле Хӧданда пешда һәрʹьн». w17.01 5:17, 18

Ԛәwата кʹьрʹине тʹӧ щар кʹӧта набә (Ибрн. 9:24-26). Кʹьрʹин бь тʹәмами мә хьлаз дькә жь гӧнә у мьрьне кӧ жь Адәм дәрбази сәр мә буйә. Хенщи ве йәке, бь сайа ԛӧрбана Иса әм аза нә жь һʹӧкӧме дьнйа Шәйтʹан у әм ида мьрьне натьрсьн (Ибрн. 2:14, 15). Созед Хwәде wе әʹсә бенә сери. Чаwа кӧ Йаһоwа ԛанунед тʹәбийәте ӧса дани wәки әwана найенә гӧһастьне, ӧса жи хwәха Йаһоwа тʹӧ щар найе гӧһастьне. Әw wе тʹӧ щар мә нәһелә. Йаһоwа мәрʹа нә кӧ тʹәне жийине дьдә, әw ӧса жи мә гәләк һʹьз дькә. «Әм wе һʹьзкьрьна Хwәдейә һьндава хwәда нас дькьн у баwәр дькьн. Хwәде һʹьзкьрьн ә» (1 Йуһʹн. 4:16). Ахьрийеда әʹрд wе бьбә щьнәта бәдәw у хwәш, у сәр әʹрде һәр кәс wе чʹәʹв бьдә һʹьзкьрьна Хwәде. Wи wәʹдәйи һʹәму хьзмәткʹаред Хwәде, һьн сәр әʹрде һьн сәр әʹзмана wе бежьн: «Пәсьн, рʹумәт, сәрwахти, шькьри, һӧрмәт, ԛәwат у зорайи бьра һʹәта-һʹәтайе Хwәдейе мәрʹа бә. Амин» (Әʹйан. 7:12). w17.02 2:16, 17

Сала 1973, «Бьрща Ԛәрәwьлийе»-да йа 1 Һәзиране, пьрсәкә ӧса һәбу: «Гәло мәрьвед кӧ щьхарә нәтʹәрькандьнә, дькарьн бенә ньхӧмандьне?» Щаба ве пьрсе ӧса бу: «Жь Кʹьтеба Пироз әʹйан ә wәки на». Паши ве йәке, ве «Бьрща Ԛәрәwьлийе»-да сәр һʹиме чәнд рʹезед фәрз һатьбу шьровәкьрьне, wәки чьрʹа мәрьве кӧ нахwазә щьхаре бьтʹәрькинә, гәрәке жь щьвате бе дәрхьстьне (1 Корн. 5:7). Ӧса жи ль wедәре һатә готьне: «Әw принсип нә жь мәрьва йә, ле жь Хwәде йә, кʹижан кӧ бь сайа Хәбәра хwә мәрʹа әʹйан дькә». Кʹьтебәкеда дәрһәԛа рʹелигийед Дәwләтед Йәкбуйида те готьне: «Сәрwеред дине Мәсиһти дина хwә дьдьн кӧ әндәмед дера wан чь баwәр дькьн у чь wанарʹа дәст дьдә, у ль гора wе йәке тʹьме һинкьрьнед хwә дьгӧһезьн». Ԛә рʹелигийа ӧса һәйә кʹижан кӧ бь тʹәмами пәй Хәбәра Хwәде дьчә, һәрге жи әw йәк һьнә әндәмед ве рʹелигийайера чәтьн ә? w17.02 4:15

Рʹуспи нахwазьн wәки wана бьльнд кьн у рʹумәт кьн ча мәрьвед нав у дәнг. Рʹасти жи әwана гәләк щӧдә дьбьн жь сәрwеред рʹелигийед иройин у жь йед ԛьрʹна йәке. Иса дәрһәԛа wан сәрwера гот: «Шайийада һәрәма жорьн һʹьз дькьн, кʹьништада жи кʹӧрсийед пешьн, базарада сьлаве бьдьнә wан» (Мәт. 23:6, 7). Шьванед рʹаст бь мьлукти гӧрʹа wан гьлийед Иса дькьн: «Бьра wәрʹа нәбежьн: ‹Мамоста›, чьмки дәрсдаре wә йәк ә у һун һʹәму жи бьра нә. Ль сәр дьне һун тʹӧ кәсирʹа нәбежьн: ‹Баво›, чьмки Баве wә йәк ә, кӧ әʹзмана йә. Нә жи wәрʹа бежьн: ‹Рʹебәр›, чьмки Рʹебәре wә йәк ә, әw Мәсиһ ә. Бьра нава wәда йе һәри мәзьн бьбә бәрдәстийе wә» (Мәт. 23:8-11). Бәле, рʹуспийед щьвате мьлук ьн чьмки гьлийед Иса тиньн сери, ләма жи хушк-бьра wана һʹьз дькьн у ԛәдьре wан дьгьрьн. w17.03 1:14, 15

Әм гәрәке хwәха сафикьрьна бькьн. У сәва кӧ бь билани сафикьрьн у бьжартьна бькьн, әм гәрәке рʹьнд бьзаньбьн Хәбәра Хwәде. Әм бона хwә гәрәке хwәха сафикьрьна бькьн у әве борщдарийа хwә нәвежьн стуйе кәсәки дьн. Әм гәрәке бьзаньбьн кӧ чь рʹаст ә бәр чʹәʹве Хwәде у әwе йәке бьжберьн. Ле ча дькарә ӧса бьԛәwьмә кӧ кәсәки дьн дәwса мә сафикьрьна бькә? Һәрге әм пе фькьред кәсәки дьн сафикьрьна дькьн, wи чахи сафикьрьна мә дькарә нәбаш бә (Мәтʹлк. 1:10, 15). Әм борщдар ьн wәки пәй исафа хwә һәрʹьн кӧ пе Кʹьтеба Пироз һинкьри йә. Бь рʹастийе һәрге әм изьне дьдьн кӧ кәсәки дьн дәwса мә сафикьрьна бькьн, ӧса дәрте кӧ әм пәй wан дьчьн. Ле әw сафикьрьн дькарә ахьрийа хьраб мәрʹа бинә. Паwлос Мәсиһийед Галати пешда ширәт кьр, wәки әwана һаш хwә һәбьн сәва изьне нәдьн кӧ дәwса wан кәсед дьн сафикьрьна бькьн (Галт. 4:17). Галатида һьнә бьра дьхwәстьн дәwса хушк-бьра бьжартьна бькьн. w17.03 2:8-10

Йошийа кьред рʹаст дькьр, чьмки дьхwәст дьле Хwәде ша кьра. Дьԛәwьмә Мьнаш Пʹадша, кальке Йошийа, жерʹа гьли дькьр дәрһәԛа Хwәде у рʹәма wи. Щаһьл жи дькарьн чʹәʹв бьдьнә Йошийа у һе незики Йаһоwа бьн. Щаһьлно, малбәтеда у щьватеда һәвалтийе бькьн тʹәви мәрьвед әʹмьрда мәзьн. Һуне ԛәwи бьн чахе әwана wәрʹа гьли кьн, кӧ Йаһоwа һьндава wанда ча ԛәнщ бу. Ӧса жи, бир нәкьн wәки хwәндьна Ньвисара, дьле Йошийа гьрт у ләма әw һелан бу һе зедә гӧһастьна бькә. Чахе һун жи Кʹьтеба Пироз бьхуньн, һуне бьхwазьн һе дьле Хwәде ша кьн у һуне һе бәхтәwар бьн. Һьн жи, һуне достийа хwә тʹәви Хwәде ԛәwи кьн, у ӧса жи али мәрьвед дьн бькьн wәки бенә щәм Хwәде (2 Дир. 34:18, 19). Чахе һун Кʹьтеба Пироз леколин бькьн, һуне бьвиньн чьда гәрәке хьзмәтийа хwә һе баш кьн у мина Йошийа гӧһастьна бькьн. w17.03 3:18, 19