Мьждар

Бь гьлийед Шәйтʹан, те бежи мәрьв пе һʹьзкьрьна ԛәлп Йаһоwарʹа хьзмәт дькьн (Иб. 2:4, 5). Ле гәло Шәйтʹан фькьред хwә гӧһаст паши wан гьлийа? Тʹӧ щар на! Чахе әw һатә авитьне жь әʹзмана, әw диса жи «хәйбкьре хушк-бьред» мә йә у «шәв у рʹож бәр Хwәдейе мә хәйба wан» дькә! (Әʹйан. 12:10). Шәйтʹан һʹәта ньһа бәрдәwам дькә амьнийа мә һьндава Йаһоwа бькә бьн шьке. Әw гәләк дьхwазә wәки әм wәʹде чәтьнайа дьлтәнг бьн у пьштгьрийа сәрwертийа Хwәде нәкьн. Чахе щерʹьбандьнеда шәрʹ дьки кӧ амьн бьмини, бьдә бәр чʹәʹве хwә дәрәща кӧ найе дитьн. Шәйтʹан у щьнед wи дина хwә дьдьнә тә у дьбежьн кӧ тӧйе щерʹьбандьнеда бьди дәр. Ле алийе дьн, Йаһоwа, Кӧрʹе wи, рʹункьрийед кӧ сах бунә, у һʹәзара мьлйакʹәт, тә дьньһерʹьн. Әwана алийе тә нә, у тәрʹа фьрнаԛ дьбьн кӧ тӧ сәбьр дьки у амьн дьмини Йаһоwарʹа. У һьнге тӧ жь Йаһоwа һивикьрьнәке дьбьһейи кӧ ве рʹеза рʹожеда те готьне. w16.04 2:8, 9

Һәрге бь сайа шәʹдәки проблем сафи бу, тӧйе «бьре хwә ԛазьнщ» ки. Ле һәрге тә тʹәви wи бьрайи гәләк щар хәбәрда, у нькари тʹәви wи әʹдьлайе хwәй ки, тʹәне wи чахи тӧ гәрәке һәри рʹуспийарʹа гьли ки, сәва кӧ әwана али wи бькьн. Гәләк дәрәщада, нәлазьм ә һәр се гава бькьн, кʹижан кӧ Мәтта 18:15-17-да те готьне. Ле гәло чьрʹа? Чьмки әw те һʹәсабе wәки чәтьнайи ортʹа һәвдӧ дькарә зу сафи бә, у мәрьве кӧ нәһәԛи кьрийә, жь щьвате wе нәйе дәрхьстьне. Гәләк щар, әwе кӧ нәһәԛи кьр дьвинә шашийа хwә у гӧне хwә тинә рʹуйе хwә. У ләма, мәрьве кӧ хәйидийә, дьбәкә дьвинә wәки ида мәʹни тʹӧнә хәйиде хwәй кә, у дьхwазә wи бьбахшинә. Демәк чаwа жь ширәта Иса әʹйан ә, нәлазьм ә дәрберʹа зу һәрʹьнә щәм рʹуспийа. Әм гәрәке һәрʹьн щәм рʹуспийа тәне wи чахи, һәрге дӧ гавед пешийе һатьнә кьрьне у һәрге избаткьрьна рʹаст һәйә wәки әwи мәрьви нәһәԛи кьрийә. w16.05 1:15, 16

Хенщи ве йәке, әм тʹәвнәбуйине хwәй дькьн, чьмки амьн дьминьн Пʹадшатийа Хwәдерʹа. Һәрге әм тʹәвнәбуйине хwәй нәкьн, исафа мә нькарә тʹәмьз бә, чьмки әм мьзгине бәла дькьн, wәки тәне Пʹадшатийа Хwәде дькарә һʹәму проблемед инсанәте сафи кә. Рʹелигийед ԛәлп дькʹәвьнә нава шьхӧле политикайе, у ӧса мәрьва һәв башԛә дькьн. Ле чьмки әм тʹәвнәбуйине хwәй дькьн, бь ве йәке әм йәктийеда ньн тʹәви хушк-бьра нав тʹәмамийа дьнйайе (1 Пәт. 2:17). Хьлазийа дьнйа Шәйтʹан незик ә, у тʹәвнәбуйина мә wе һе зедә бе щерʹьбандьне. Ләма әм гәрәке һазьр бьн кӧ ида ньһада тʹәвнәбуйине хwәй кьн. Әва дьнйа бь мәрьвед «берʹәʹм» у «щӧләт» тʹьжә йә, ләма әw дьнйа wе һе зедә һәвбәлабуйи бә (2 Тимтʹ. 3:3, 4). Һьнә wәлатада, жь бо гӧһастьнед дәрәщед политикайе, тʹәвнәбуйина бьред мә һатә щерʹьбандьне. Әw йәк дьдә кʹьфше кӧ әм ида ньһа гәрәке хwәрʹа ԛәwи сафи кьн, кӧ тʹьме тʹәвнәбуйине хwәй кьн. Чьмки һәрге әм һивийе бьн һәʹта кӧ әм бенә щерʹьбандьне, әм дькарьн тʹәвнәбуйине хwәй нәкьн. w16.04 4:3, 4

Һьнәк мәрьв дьфькьрьн, wәки фьрԛи тʹӧнә әwана сафикьрьна ча дькьн. Ле әм дьхwазьн дьле Йаһоwа ша кьн, у ләма чахе әм сафикьрьна дькьн, гәрәке ԛанун у принсипед Кʹьтеба Пироз һьлдьнә һʹәсаб. Мәсәлә, Кʹьтеба Пирозда те готьне дәрһәԛа ньһерʹандьна Хwәде сәва хуне, ләма әм гәрәке ӧса бькьн ча Кʹьтеба Пироз дьбежә (Дәстп. 9:4; Кʹар. Шанд. 15:28, 29). Дӧа wе али мә бькә кӧ сафикьрьнед рʹаст бькьн, кʹижан ль гора ԛанун у принсипед Кʹьтеба Пироз ьн. Сафикьрьнед мә дькарьн йан баш йан хьраб сәр мә һʹӧкӧм бьн. Чахе әм сафикьрьна баш дькьн, әw йәк һәләԛәтийа мә тʹәви Йаһоwа ԛәwи дькә. Ле чахе әм сафикьрьна нәбаш дькьн, әw йәк дькарә һәләԛәтийа мә тʹәви Йаһоwа хьраб кә. Хенщи wе йәке сафикьрьнед мә сәр мәрьвед дьн жи һʹӧкӧм дьбьн. Сафикьрьнед мәйә нәрʹаст дькарьн рʹӧһʹанида зийане бьдьнә мәрьвед дьн, йан жи wан әʹщьз кьн. Ӧса жи әм нахwазьн сәва wе йәке wанрʹа бьбьнә кәвьре лькʹӧмандьне, у ӧса йәктийа щьвате ӧнда бә. Бәле, гәләк фәрз ә кӧ әм чь сафикьрьна дькьн (Рʹом. 14:19). w16.05 3:4, 5

Йаһоwа ԛимәт дькә, чахе әм wәʹде хwә бь билани хәрщ дькьн, сәва тʹьме Кʹьтеба Пироз бьхуньн у һинбуна шәхси дәрбаз кьн (Әфәс. 5:15, 16). Ле щара wәʹде мә наминә кӧ һʹәму әʹдәбйәта бьхуньн, кʹижан кӧ әм дьстиньн. Ве йәкеда дькарә хоф һәбә, у ләма әм гәрәке фәсал бьн. Гәло әw чь хоф ә? Һәрге әм бьфькьрьн кӧ һьнә пʹаред жь Кʹьтеба Пироз йан һьнә әʹдәбйәтед мә бона мә ниньн, әв йәк гәләк хоф ә. Ле чьрʹа әм дькарьн ӧса бьфькьрьн? Мәсәлә, чахе әм һьнә рʹезед жь Кʹьтеба Пироз дьхуньн, әм дькарьн бьфькьрьн кӧ әw бона дәрәща мә нинә. Йан әм жь wан хwәндәвана ниньн, бона кʹе жи әw әʹдәбйәт һатә дәрхьстьне. Wи чахи әм чь дькьн, тʹәне сәра-бәра дьхуньн, йан һәла һе ԛә нә жи дьхуньн? Һәрге ӧса нә, әм дькарьн информасийа фәрз бәрʹдьн, кʹижан кӧ wе мәрʹа гәләк кʹар бьанийа. Әм гәрәке бира хwәда хwәй кьн, кӧ һʹәму хwарьна рʹӧһʹани жь Йаһоwа йә. w16.05 5:5, 6

Йаһоwа мә бь сайа щьвате у рʹуспийа дьгӧһезә. Мәсәлә, һәрге рʹуспи тедәрдьхьн кӧ әм рʹӧһʹанида сьст бунә, әwана дьхwазьн аликʹарийе бьдьнә мә. Ле әwана жь хwә әве йәке накьн, у бь хwәва ширәта надьн. Дәwсе, әwана бь мьлукти Йаһоwарʹа дӧа дькьн, кӧ фәʹмкʹари у билани бьдә wан. Паше әwана Кʹьтеба Пирозда у әʹдәбйәтед мәда информасийа дьгәрʹьн, сәва дәрәща мәда һе рʹьнд али мә бькьн. Һәгәр әме рʹьнд фәʹм кьн кӧ Хwәде ча дькарә мәрьва бьгӧһезә, әме пе чʹәʹве рʹаст сәр хушк-бьред хwә бьньһерʹьн. Ӧса жи ньһерʹандьна мә һьндава мәрьвед дәшта мәда у әwед тʹәви кʹе әм һинбуна Кʹьтеба Пироз дәрбаз дьбьн, wе бе гӧһастьн. Хwәде зоре мә накә, кӧ әм бенә гӧһастьне. Дәwсе, әw принсипед зәлал дьдә мә, сәва әм хwәха бь рʹәзәдьли гӧһастьна бькьн. w16.06 1:13, 14

Йуһʹәннайе шанди шьровәкьр, кӧ һәрге кәсәк тьштед ве дьнйайе һʹьз дькә, демәк, «дьлһавьжи, чʹәʹвһавьжи у кʹӧбар-бабахи», wи чахи «һʹьзкьрьна Баве нава wида тʹӧнә» (1 Йуһʹн. 2:15, 16). Әw те һʹәсабе, кӧ әм гәрәке тʹьме дьле хwә бьщерʹьбиньн, һәла әм һʹьз дькьн wәʹдәдәрбазкьрьна, һәвалтийе, стила кʹьнщхwәкьрьн у хәмьландьна ӧса, кʹижан кӧ әв дьнйа һʹьз дькә. Йан дьбәкә әм пәй «тьштед мәзьн» дькʹәвьн, мәсәлә бь сайа хwәндьна бьльнд. Әм бәр шемика дьнйа тʹәзә сәкьнинә. Ләма, гәләк фәрз ә кӧ әм тʹьме гьлийед Муса жь Ԛануна Дӧщари 6:4 бира хwәда хwәй кьн! Һәрге әм рʹьнд фәʹм дькьн у баwәр дькьн кӧ Хwәдайе мә Йаһоwа, тʹәк ә Йаһоwа, әме һʹәму тьшти бькьн, сәва бь тʹәмами wирʹа амьн бьн, у wирʹа хьзмәт кьн чаwа wи хwәш те (Ибрн. 12:28, 29). w16.06 3:14

Дьбежьн кӧ һʹәwщед мәрьв һьнәк ьн, ле хwәстьнед wан кʹӧта набьн. Гәләк мәрьв нькарьн фәʹм кьн, фьрԛийа ортʹа һʹәwщед хwә у хwәстьнед хwә. Ле бь рʹастийе чь фьрԛи һәйә? «Һʹәwщәти», әw һәйә чь кӧ тәрʹа лазьм ә сәва бьжийи. Мәсәлә, хwарьн, кʹьнщ у мал, тьштед лазьм ьн бона мәрьва. Ле «хwәстьн» әw ә, чь кӧ тӧ дьхwази щәм тә һәбә, ле әw тьшт нә әʹсәйи йә сәва жийина һәррʹожи. Хwәстьнед мәрьва гәләк жь һәв щӧдә дьбьн, чьмки мәрьв щурʹә-щурʹә wәлатада дьжин. Мәсәлә, wәлатед пешдачуйида, гәләк мәрьв дьбәкә тʹәне дьхwазьн епʹещә пʹәре wан һәбә, сәва тʹел, мотосиклет, йан әʹрдәки бьчʹук бькʹьрʹьн. Ле wәлатед дәwләтида, гәләк дьхwазьн кӧ кʹьнщед wани бьһа һәбьн, таме мәзьн, йан әʹрәбед гәләк бьһа. Wан хwәстьнада хофа вәшарти һәйә, әw һәйә тʹәлька материалисме. Чахе әм дькʹәвьнә ве тʹәльке, әм дьхwазьн һе зедә у зедә тьшта ԛазанщ кьн, у мәрʹа фьрԛи тʹӧнә әw тьшт лазьм ьн йан на, йан жи дәсте мәда һәйә кӧ бькʹьрʹьн йан на (Ибрн. 13:5). w16.07 1:1-3

Иро гәләк мәрьв нава һаԛас шьхӧлада ньн, кӧ нә жи дьфькьрьн дәрһәԛа һʹәwщед хwәйә рʹӧһʹани (Мәт. 5:3). Әwана пәй тьштед ве дьнйайе дькʹәвьн, у әw йәк «дьлһавьжи» у «чʹәʹвһавьжи» нав wанда пешда тинә (1 Йуһʹн. 2:16). Әм дьхwазьн кӧ рʹӧһʹе Хwәде рʹебәрийе мә бькә, нә кӧ рʹӧһʹе ве дьнйайе. Йаһоwа бь сайа рʹӧһʹе хwәйи пироз али мә кьрийә, кӧ әм фәʹм бькьн ԛәwьмандьнед кӧ дьнйайеда дьԛәwьмьн (1 Корн. 2:12). Ле әм гәрәке фәсал бьн. Һәла һе тьштед бьчʹук жи дькарьн бьбьнә мәʹни, кӧ әм рʹӧһʹанида рʹазен (Луԛа 21:34, 35). Мәрьвед дьн дькарьн ԛәрфе хwә мә бькьн, кӧ әм һʹьшйар дьминьн у баwәр дькьн wәки ахьри незик ә. Ле әw йәк гәрәке рʹе мә нәгьрә, кӧ әм бәрдәwам кьн һʹьшйар бьминьн (2 Пәт. 3:3-7). Һәрге әм дьхwазьн кӧ рʹӧһʹе Хwәдейи пироз сәр мә һʹӧкӧм бә, әм гәрәке тʹьме бенә сәр щьвате у тʹәви хушк-бьра һәвалтийе бькьн. w16.07 2:13, 14

Гәләк мәрьв дӧа дькьн, чьмки әwана паши дӧа хwә баш тʹәхмин дькьн. Ле әwана баwәр накьн кӧ Хwәде бь рʹастийе дӧайед wан дьбьһе. Әwана гәрәке бьзаньбьн кӧ Йаһоwа әw кәс ә, йе кӧ дӧа «дьбьһе». Иса шагьртед хwәрʹа гот: «Һәгәр һун пе наве мьн тьштәки бьхwазьн әзе бькьм» (Йуһʹн. 14:14). Фәʹмдари йә, кӧ «тьштәки» ль wьр те һʹәсабе, чь кӧ ль гора ԛьрара Йаһоwа йә. Йуһʹәнна гот: «Әм ль бәр Хwәде рʹуспи нә, чьмки әм заньн, һәгәр әм тьштәки ль гора хwәстьна wи же бьхwазьн, әw дәнге мә дьбьһе» (1 Йуһʹн. 5:14). Чьԛас әм ша дьбьн чахе әм мәрьва һин дькьн, wәки әwана бь дӧа незики «тәхте Хwәдейи кʹәрәме» дьбьн, демәк Йаһоwа! (Ибрн. 4:16). Әм гәрәке wана һин кьн кӧ рʹаст дӧа бькьн, Кәсе рʹастрʹа дӧа бькьн, у бона тьштед рʹаст дӧа бькьн. Ӧса әме али wан бькьн, кӧ әwана незики Йаһоwа бьн у wәʹде чәтьнайа бәрдьлийе бьстиньн (Зәб. 4:1; 145:18). w16.07 4:11, 12

Һʹәму мәрьв йед кӧ Йаһоwа һʹьз дькьн у wирʹа амьн ьн, дәрһәԛа wи дьхwазьн гьшкарʹа гьли кьн. Ле щара дьԛәwьмә ӧса кӧ жь бо нәхwәшийе йан кал-пирбуне, һун нькарьн гәләк хьзмәт кьн. Wи чахи һун чь дькарьн бькьн? Тʹьме бира хwәда хwәй кьн кӧ чахе һун дәрһәԛа Йаһоwа гьли дькьн мәрьвед дор бәре хwәрʹа, мәсәлә, wанрʹа кʹе мьԛати wә дьбә у һәкимарʹа, бь ве йәке һун наве Йаһоwа рʹумәт дькьн. Һәрге һун жь бо баwәрийа хwә кәледа ньн, дьбәкә һун ль wе дәре мәрьварʹа дәрһәԛа рʹастийе гьли дькьн, бь ве йәке һун дьле Йаһоwа ша дькьн (Мәтʹлк. 27:11). Ӧса жи һәрге нәфәре малбәта wәда нәбаwәр  ьн, у һун йәкә Йаһоwарʹа бь дьл у щан хьзмәт дькьн, һун гәләк дьле wи ша дькьн (1 Пәт. 3:1-4). Һәла һе wәʹде чәтьнайед гьранда жи, һун дькарьн Йаһоwа рʹумәт кьн у рʹӧһʹанида пешда һәрʹьн. Йаһоwа wе әʹсә wә кʹәрәм кә, чахе һун рʹастийед wийи ԛимәт гьли дькьн wанрʹа, йед кӧ һʹәwще бәрдьлийе нә. w16.08 3:19, 20

Гьлийед Паwлос найе һʹәсабе кӧ жьн гәрәке бьбә щарийа мере хwә. Дәwсе, әw гьли али жьна дькә, wәки бьԛәдиньн ве борщдарийа хwә, кʹижан кӧ Хwәде сәре-серида дабу wан чахе гот: «Нә баш ә кӧ мер тʹәне бьминә, кʹомәкдарәк кӧ лайиԛи wи бә чекьм» (Дәстп. 2:18, ПКʹМ). Мер гәрәке сәрwертийа хwә бь һʹьзкьрьн бькә, чаwа Мәсиһ «сәре щьвине» сәрwертийе дькә. Һәгәр мер ӧса бькә, һьнге жьн wе хwә хwәйкьри тʹәхмин кә у wерʹа wе һеса бә ԛәдьре мере хwә бьгьрә. Чʹәʹв бьдьнә Иса, те һʹәсабе кӧ гәрәке ӧса һәв һʹьз кьн, ча Иса пәйчуйед хwә һʹьз дькьр (Йуһʹн. 13:34, 35; 15:12, 13; Әфәс. 5:25). Мер у жьнед мәсиһи гәрәке ӧса ԛайим һәв һʹьз кьн, кӧ һазьр бьн әʹмьре хwә жи бона һәв бьдьн. w16.08 2:3, 4

Гьлийед мәйи позитив дькарьн гәләк баш һʹӧкӧм бьн сәр хушк-бьра, у әwана бь тʹәмами Йаһоwарʹа хьзмәт кьн. Чахе һун щьватеда дәсте хwә бьльнд дькьн у щаба хwә дьдьн, нәфькьрьн кӧ әw йәк сәр йед дьн һʹӧкӧм накә. Бь рʹастийе әw йәк жи сәр wана гәләк баш һʹӧкӧм дькә. Йаһоwа дәстед Нәһәмийа у йед кӧ тʹәви wи бун ԛәwи кьр, сәва әwана шьхӧле авакьрьне бькьн. Wана һәма нава 52 рʹожада авакьрьна диwаред Оршәлиме хьлаз кьрьн! (Нәһәм. 2:18; 6:15, 16). Wәʹде авакьрьне, Нәһәмийа бәрпьрсийаре авакьрьне бу, ле йәкә әwи хwә бешьхӧл нәдьһишт. Әwи хwәха жи аликʹари дьда авакьрьнеда (Нәһәм. 5:16). Иро жи, гәләк рʹуспи чʹәʹв дьдьнә Нәһәмийа у аликʹарийе дьдьн wәʹде авакьрьна Одед Щьвата, у щьватед мәзьн. Ӧса жи әwана аликʹарийе дьдьн wәʹде тʹәмьзкьрьн у тʹәзәкьрьна Ода Щьвата мьһала хwәда. Хенщи ве йәке, әwана тʹәви хушк-бьред сьстбуйи дәрдькʹәвьн хьзмәтийе сәва wан бьшьдиньн, йан жи тʹәсәлийа wан дькьн. Ӧса әwана дәстед wан ԛәwи дькьн, йед кӧ жь бо хәмгинийа хwә сьст бунә (Иша. 35:3, 4). w16.09 1:15, 16

Хьзмәткʹаред Хwәде гәләк ԛәwат хәрщ дькьн, wәки ширәтед жь Кʹьтеба Пироз биньн сери: «Хwәстьнед дьле хwәйә ве дьне бькӧжьн: Бенамусийе, һʹәрамийе, тәме хьраб» (Колс. 3:2, 5). У ӧса жи әw хушк-бьред кӧ бенамуси тʹәрькандьнә, дьбәкә һʹәта ньһа жи шәрʹ дькьн пешийа хwәстьнед хwәйә нәрʹаст (1 Корн. 6:9, 10). Ләма жи әм нахwазьн әве йәке wанарʹа чәтьн кьн. Чахе әм нав хушк-бьред хwәда ньн, щурʹе кʹьнщхwәкьрьна мә гәрәке али wан бькә, wәки әwана намусийеда хwә тʹәмьз хwәй кьн. Рʹаст ә, бьжартьна мә һәйә бона кʹьнщхwәкьрьне, ле әм борщдар ьн кӧ кʹьнщед ӧса хwә кьн, wәки сәр хушк-бьред мә баш һʹӧкӧм бә. У ӧса жи wәки wанарʹа һеса бә принсипед Хwәде биньн сери бь фькьред хwә, хәбәрдана хwә, у бь рʹабун-рʹуньштьна хwә (1 Пәт. 1:15, 16). w16.09 3:9, 10

Мер у жьнәк кӧ Франсайеда дьжин, готьн: «Әм кӧ Йаһоwа баwәр дькьн, әw найе һʹәсабе wәки зарʹед мә жи wе әʹсә wи баwәр бькьн. Чьмки баwәри әw тьштәки ӧса нинә, кӧ дькарә жь де-бава дәрбази сәр зарʹа бә. Бал зарʹа баwәри һеди-һеди пешда те». Бьрак жь Австралйайе гот: «Бона де-бава чәтьнайикә лапә мәзьн дькарә әw бә, кӧ али зарʹа бькьн wәки дьле хwәда Хwәде баwәр кьн . . . Мәсәлә, чахе зарʹ пьрсе дьдә, де-бав щаба хwә ӧса дьдьн кӧ әw фәʹм кә. Ле wәʹдә дәрбаз дьбә у зарʹ диса әве пьрсе дьдә. Чьмки зарʹ чьԛас мәзьн дьбә, һаԛас фькьред wи дькарьн бенә гӧһастьн. Ләма жи дьбәк лазьм бә кӧ де-бав әве пьрсе диса у диса шеwьр кьн». Һәрге зарʹед тә һәнә, дьԛәwьмә щара тӧ дьфькьри кӧ тӧйе нькарьби зарʹед хwә һин ки, кӧ Йаһоwа һʹьз бькьн у ахьрийеда бьбьнә хьзмәткʹаред wи. Бь рʹастийе, әме нькарьбьн тʹәне пе ԛәwат у аԛьле хwә әве йәке бькьн (Йерәм. 10:23). Ле һәрге әм пе рʹебәрийа Йаһоwа һәрʹьн, әме бькарьбьн. w16.09 5:1, 2

Мәрьвед хәриб чьԛас дькарьн һʹәму тьшти дькьн сәва лайиԛи әʹдәтед wәлате тʹәзә бьжин. Ве йәкеда Рʹутʹ мәсәләкә баш ә. Йа әʹwльн, әwе ԛәдьре әʹдәтед wәлат гьрт, чахе изьн хwәст кӧ бәрмайи тʹоп кә (Рʹутʹ 2:7). Әw нә дьфькьри кӧ әw йәк жерʹа дькʹәвә, йан жи кӧ йед дьн борщдар ьн жерʹа тьштәки бьдьн. Йа дӧда, әwе тʹьме рʹазибун дьда кʹьфше, сәва ԛәнщийед кӧ жерʹа дькьрьн (Рʹутʹ 2:13). Чахе йед хәриб хwә ӧса дьдьнә кʹьфше, хушк-бьред щьватеда у мәрьвед дьн жи wе дьһа ԛәдьре wан бьгьрьн. Әм гәләк ша нә wәки Йаһоwа һʹәму мәрьварʹа мәщале дьдә wәки мьзгинийа wи пебьһʹәсьн, у әw йәк һәйә ԛәнщийа wийә мәзьн. Һьнә хәриб дьбәкә wәлате хwәда нькарьбун Кʹьтеба Пироз һин бьн, йан һәрʹьнә сәр щьвата, ле wәлате дьнда дькарьн бенә сәр щьвата. Гәло әw йәк мә һелан накә wәки али wан бькьн, кӧ әwана хwә хәриб тʹәхмин нәкьн? w16.10 1:17-19

Иро бь милйона хьзмәткʹаред Хwәде чʹәʹв дьдьнә Иса. Әwана жи һивийа созед Хwәде нә, у wирʹа амьн дьминьн wәʹде тәнгасийа. Wәрә мәсәла бьраки мә бьньһерʹьн, наве wи Рудолф Грикен ә. Әw сала 1925 Алманйайеда һатийә буйине. Әwи дьани бира хwә wәки мала wида, сәр диwара шьклед ԛәwьмандьнед жь Кʹьтеба Пироз һәбун. Әwи ньвиси: «Сәр шькләки гӧр тʹәви бәрхьке бу, пьльнг тʹәви карьке, гольк тʹәви шерʹ, һʹәмушк әʹдьлайеда бун, у гәде бьчʹук wана дажот . . . Шькьлед wи щурʹәйи һʹьше мьнда гәләк кʹур ман» (Иша. 11:6-9). Нава гәләк салада Рудолф ԛайим дьһатә зерандьне, пешийе Гестапойа Натсиста wи дьзерандьн, паше жи Комунист «Стаси» йа Алманйа Роһлате. Wәʹде wан тәнгасийа, әwи әw шькьл у щьнәт дьда бәр чʹәʹве хwә, у ӧса әw баwәрийа хwә ԛәwи хwәй кьр. Рудолф гәләк чәтьнайед дьн жи дит. Дийа wи гьртигәһа натсистада жь нәхwәшикә гьран мьр. Баве wи рʹӧһʹанида сьст бу, у документ тʹьжә кьр wәки әw ида нахwазә бьбә Шәʹде Йаһоwа. w16.10 3:12-14

Хьзмәткʹаред Йаһоwа гәләк ԛимәт дькьн Хәбәра wи, демәк Кʹьтеба wийә Пироз. Кʹьтеба wида әм дькарьн ширәте у рʹасткьрьне бьстиньн, у әw йәк мәрʹа гәләк лазьм ә чьмки әм гьшк гӧнәкʹар ьн. Ле һун ширәтед Хwәде ԛәбул дькьн? Wәрә шеwьр кьн дәрһәԛа чәтьнайикә ортʹа дӧ хушка, Әйодийа у Сьнтиха, йед кӧ ԛьрʹна йәкеда дьжитьн. Әw чәтьнайа ортʹа Сьнтихайе у Әйодийайе дькарьбу әʹдьлайа щьвате хьраб кьра. Кʹьтеба Пирозда найе готьне кӧ әwана ча һәв һатьн, ле дьԛәwьмә әw дӧ хушк ширәта Паwлосе шанди ԛәбул кьрьнә (Фили. 4:2, 3). Иро щара чәтьнайед ӧса дькарьн щьватеда нава хушк-бьрада жи һәбьн. Ле һәрге әм ширәтед Хәбәра Хwәде биньн сери, әме бькарьбьн wан чәтьнайа сафи кьн у һәла һе жи ӧса бькьн кӧ әw чәтьнайи пешда нәйен. Һәрге әм ԛимәт кьн Кʹьтеба Йаһоwа, әме әʹмьре хwәда тʹьме гӧһ бьдьнә ширәтед wи (Зәб. 27:11). w16.11 3:1-3

Мә гьшкарʹа лазьм ә дьл бьдьнә һәвдӧ, илаһи де-бав гәрәке дьл бьдьнә зарʹа. Дәрсдарәки гьлийед ӧса гот: «Чаwа кӧ шинкайерʹа ав лазьм ә, ӧса жи зарʹарʹа . . . лазьм ә дьл бьдьнә wан. Чахе дьл дьдьнә зарʹа, әwана тʹәхмин дькьн wәки wана ԛимәт дькьн у һʹьз дькьн». Ле йазьх, әм зәманед хьрабда дьжин, кʹидәре кӧ мәрьв хwәһʹьз у дьлсар ьн, ләма жи мәрьв кем дьл дьдьнә һәв (2 Тимтʹ. 3:1-5). Шәйтʹан дьхwазә мә дьлтәнг кә, чьмки әw занә wәки дьлтәнги дькарә рʹӧһʹанида мә сьст кә. Шәйтʹан хwәст пе тәнгасийед гьран Ибойе амьн дьлтәнг кә, ле йәкә хwәстьна wи нәһатә сери (Иб. 2:3; 22:3; 27:5). Әм жи дькарьн Хwәдерʹа амьн бьминьн у дьле Шәйтʹан ша нәкьн. Һәрге әм дьл бьдьнә нәфәред мала хwә у хушк-бьред щьватеда, әме чаwа малда ӧса жи Ода Щьватеда бәхтәwар у ԛәwи бьминьн. w16.11 1:4, 6

Мәʹнийа дӧда әw бу, wәки һьнә мәрьвед мерхас, дәстпека ԛьрʹна 16-да дәстпекьрьн Кʹьтеба Пироз wәлгәрʹиньн сәр wан зьмана, кӧ гәләк мәрьв фәʹм дькьрьн. Чаwа кӧ Кʹьтеба Пироз ида дәст дькʹәт, мәрьв дәстпекьрьн әw бьхуньн. Чахе wана дьхwәнд, пьрс щәм wана пешда дьһатьн: «Гәло кʹидәре Хәбәра Хwәдеда те готьне wәки мәрьв паши мьрьне, дькʹәвьнә щийе паԛьжкьрьне? Кʹидәре ньвисийә Кʹьтеба Пирозда wәки мәрьв гәрәке кʹәшишарʹа пʹәра бьдьн wәки сәр мьрийа ԛәwьла бежьн? Йан жи кʹидәре Кʹьтеба Пирозда те готьне wәки гәрәке поп у кардинал һәбьн?» Сәрwеред дера гәләк һерс кʹәтьн, чьмки мәрьв изьн данә хwә һинкьрьна дер бькьнә бьн шьке. Ләма wана әw мәрьв щәза дькьрьн, чьмки wана һинкьрьнед дере ԛәбул нәдькьрьн. Дер дьготьнә дәwләте wәки әw мәрьв бькӧжьн. Нета сәрwеред дера әw бу, wәки мәрьв ида нәхwазьн Кʹьтеба Пироз бьхуньн у нә жи пьрса бьдьн. Гәләк щар ӧса жи дьбу, ле йәкә һьнә мәрьвед мерхас нәдькʹәтьнә бьн байе Бабилона Мәзьн, демәк рʹелигийа ԛәлп. Wана ида заньбу дәрһәԛа рʹастийа Хәбәра Хwәде, у дьхwәстьн һе зедә пебьһʹәсьн дәрһәԛа ве. w16.11 4:13

Чаwа Мәсиһи әм гәрәке нәԛәлп у рʹаст бьн (Әфәс. 4:25). Әм заньн wәки Шәйтʹан «баве дәрәwа йә» у әм нәхwазьн чʹәʹв бьдьнә wи. Һананийа у жьна wи әʹмьре хwә ӧнда кьрьн, чьмки дәрәw кьрьн. Әм нәхwазьн мина wан бьн, у әм хwә жь дәрәwийе дур дьгьрьн (Йуһʹн. 8:44; Кʹар. Шанд. 5:1-11). Ле нәԛәлпи найе һʹәсабе тʹәне дәрәwа нәкьн. Ләма һәрге әм бона ԛәнщийа Хwәде рʹази нә, әме һʹәму тьштида рʹаст у дьлтʹәмьз бьн. Хапандьн әw те һʹәсабе тьштәки нәрʹаст бежи. Ле Йаһоwа дьхwазә wәки әм нә кӧ тʹәне жь нәрʹастийе дур бьн, ле ӧса жи мәрьва нәхальфиньн. Йаһоwа щьмәʹта хwә Исраелрʹа гот: «Пироз бьн, чьмки әз Хӧдан Хwәдейе wә пироз ьм». Паше Хwәде рʹастә-рʹаст wанрʹа гот: «Дьзийе нәкьн, дәрәwа нәкьн у һәвдӧ нәхапиньн» (Ԛан. Кʹаһ. 19:2, 11). Йазьх, ле ӧса дьԛәwьмә кӧ мәрьв рʹастә-рʹаст дәрәwа накә, ле йәкә дькарә мәрьва бьхапинә у һьндава wан ԛәлп бә. w16.12 1:17, 18

Әм жь Хәбәра Хwәде педьһʹәсьн, кӧ Иса ча хәбәрдьда тʹәви мәрьва. Гьлийед wи у һинкьрьнед wи бона wан мәрьва ча дәрман бу, у әwана дьлрʹьһʹәт дьбун. Әʹлаләт дьһатә щәм wи, чьмки әw бәр дьле дьлшкәстийада дьһат, йед сьст ԛәwи дькьр, у бәрдьли дьда йед дьлтәнг (Мәт. 11:28-30). Әwи һʹәму алийава сәва мәрьва хәм дькьр ча рʹӧһʹанида, емосийалида ӧса жи һʹәwщед физикида (Марԛ. 6:30-32). Созе Иса, кӧ әwи Мәттада гот бона мә йә жи. Чаwа әwи али шандийед хwә дькьр, ӧса жи wе али мә бькә. Сәва кӧ аликʹарийе жь Иса бьстиньн, әʹсәйи нинә әw кʹеләка мә бә, ча тʹәви шандийед хwә. Әw ньһа сәр әʹзмана Пʹадша йә, ле диса жи бәр дьле мәда те. У чахе әм дьлтәнг дьбьн, әw дькарә wәʹдәда аликʹарийе бьдә мә. Бәле, Иса wәʹде тәнгасийа дькарә али wә бькә wәки сәбьр кьн, у әw дькарә ӧса жи дьлрʹьһʹәтийе у мерхасийе бьдә wә (Ибрн. 2:17, 18; 4:16). w16.12 3:4, 6

Нӧһ дьнйакә ӧсада дьма, кʹижан кӧ «хьрабийава» тʹьжи бу (Дәстп. 6:4, 9-12). Рʹаст ә Нӧһ бь амьни дәрһәԛа диwана Хwәде гьли дькьр, ле әwи нькарьбу зоре бькә, wәки әw мәрьвед зӧлм кӧ дор бәре wи бун, гӧһ бьдьнә ве әʹламәтийе. Әwи нә жи дькарьбу ӧса бькә wәки Селав зу бе. Нӧһ гәрәке итʹбарийа хwә Йаһоwа бьанийа кӧ әw wе зӧлмийе бьдә һьлдане. Ӧса жи Нӧһ гәрәке баwәр кьра wәки Хwәде әwе йәке wәʹдәда бькә (Дәстп. 6:17). Әм жи дьжин дьнйакә зӧлм у хьрабда, у Йаһоwа wе зутьрәке әве дьнйайе кʹӧта кә (1 Йуһʹн. 2:17). У әм жи нькарьн зоре мәрьва бькьн, wәки «мьзгинийа Пʹадшатийе» ԛәбул кьн. Әм ӧса жи нькарьн дәстпебуна тәнгасийа мәзьн ләз хьн (Мәт. 24:14, 21). Мина Нӧһ, мәрʹа жи баwәрийа ԛәwи лазьм ә, wәки итʹбарийа хwә Йаһоwа биньн, кӧ әwе һʹәму хьрабийе кʹӧта кә (Зәб. 37:10, 11). Әм баwәр ьн wәки Йаһоwа wе нәһелә кӧ әw дьнйа рʹожәке зедә бькʹьшинә, чьмки әwи чьԛас ԛьрар кьрийә wе һаԛас жи бькʹьшинә (Һәбԛ. 2:3). w17.01 1:5-7

Иро, гәләк мәрьв нәрʹаст азайа хwә дьдьнә хәбате, у һәла һе жи зийане дьдьнә мәрьва. Бәле, чаwа кӧ Кʹьтеба Пироз пʹехәмбәрти кьр, wәʹде ван «рʹожед ахьрийеда» мәрьв бешекьр ьн (2 Тимтʹ. 3:1, 2). Wәрә әм тʹьме әw пʹешкʹеша ԛимәт кӧ Хwәде да мә, рʹаст бьдьнә хәбате у бьшекьриньн. Азайа мә гьшка һәйә кӧ хwәха бьжберьн һәвала, щурʹе кʹьнщхwәкьрьне, хәмьландьне, у һесабуне. Ле һәрге әм дьбьнә хӧламед хwәстьнед хwә, йан дькʹәвьнә бәр байе ве дьнйа хьраб, азайа мә бона мә дьбә ча «хелийа хьрабикьрьне» (1 Пәт. 2:16). Әм азайа хwә гәрәке нәдьнә хәбате, сәва хwәстьнед бәдәне биньн сери, ле әм гәрәке пәй ве тʹәмийе һәрʹьн: «Һәр тьшти бона шькьрдайина Хwәде бькьн» (Галт. 5:13; 1 Корн. 10:31). w17.01 2:12-14

Әм жь сәрһатийа Нәһәмийа һин дьбьн, wәки чахе әм щабдарийед зедә дьстиньн, йан чахе кʹьфшкьрьна мә те гӧһастьн, әм дькарьн мьлук бьминьн у итʹбарийа хwә һʹьш-аԛьле хwә нәйньн. Ле гәло чь щурʹәйи әм дькарьн итʹбарийа хwә һʹьш-аԛьле хwә биньн? Мәсәлә, рʹуспи дькарә итʹбарийа хwә һʹьш-аԛьле хwә бинә кӧ әw щерʹьбанди йә, у шьхӧле щьвате сафи кә бей дӧа Йаһоwарʹа. Йан мәсәлә, хушк йан бьрак тьштәк ида сафи кьрийә у паше Йаһоwарʹа дӧа дькә wәки сафикьрьна wи кʹәрәм кә. Ле гәло әw те һʹәсабе wәки әwана мьлук ьн? Мәрьве мьлук рʹьнд фәʹм дькә, wәки әw бәр Хwәде чь щи дьгьрә у шьхӧле wи тʹәшкиләта Хwәдеда чь йә. Гәләк фәрз ә wәки әм итʹбарийа хwә аԛьле хwә у фәрәсәтед хwә нәйньн. Илаһи чахе әм рʹасти дәрәщә йан чәтьнайед ӧса тен кʹижан кӧ мәрʹа нас ьн, әм гәрәке фәсал бьн, wәки пе аԛьле хwә тьшта сафи нәкьн (Мәтʹлк. 3:5, 6). Әм нәфәре малбәта Хwәде нә, у ләма әм гьшк гәрәке рʹьнд щабдарийед хwә биньн сери чаwа малбәта хwәда ӧса жи щьватеда. Тʹәшкиләта Хwәдеда әм гәрәке нәкʹәвьнә һʹәйра наве хwә у щийе бьльнд нәгәрʹьн (1 Тимтʹ. 3:15). w17.01 4:7, 8

Ԛьрара Йаһоwа йа пешьн әw бу, wәки мәрьв һʹәта-һʹәтайе сәр әʹрде бьжин (Дәстп. 1:28; Зәб. 37:29). Әwи бь мәрʹдани щурʹә-щурʹә пʹешкʹеш да Адәм у Һеwайе сәва әwана әʹмьре хwәрʹа ша бьн (Аԛуб 1:17). Йаһоwа азайа бьжартьне дайә wан, һʹьш-аԛьл у фәрәсәте ӧса, кӧ әwана бькарьбьн һʹьз бькьн у һәвалтийерʹа ша бьн. Әʹфрандар тʹәви Адәм хәбәр да у жерʹа шьровәкьр кӧ чьда әw гәрәке гӧрʹа wи бькә. Адәм ӧса жи һин бу ча хwә хwәй кә у ча мьԛати һʹәйwана у әʹрде бә (Дәстп. 2:15-17, 19, 20). Хенщи ве йәке, Йаһоwа Адәм у Һеwайе ӧса әʹфрандьн, кӧ әwана бькарьбьн тәʹма хwарьна һьлдьн, дәсте хwә бьдьнә тьшта, бьвиньн, дәнг дәрхьн, бьбьһен у бине һьлдьн. Бь wи щурʹәйи wана дькарьбу шабуне бьстиньн жь һʹәму тьштед щьнәтеда кӧ пьрʹ бәдәw бун. Бона жьн у мере пешьн, беһʹәсаб шьхӧлед һʹәwас һәбун. Wана дькарьбу һʹәта-һʹәтайе әw шьхӧл бькьрана, шабун бьстандана у ӧса жи тьштед тʹәзә һинбуна у пебьһʹәсийана. Йаһоwа Адәм у Һеwа ӧса әʹфьранд, wәки wанрʹа зарʹед беԛьсур бьбьн. Әʹрд гәрәке бона wан бьбуйа мала һʹәта-һʹәтайе у һʹәму тьштед сәр әʹрде жи бона кʹара wан бу. w17.02 1:6, 7

Ле гәло ча Хәбәра Хwәде сәр wан мера һʹӧкӧм дькьр, йед кӧ рʹебәри дькьрьн? Wәрә шеwьр кьн сәрһатийа Йошийа. Чахе ньвисара Ԛануна Муса һатә дитьне, аликʹарчийе Йошийа дәстпекьр жерʹа бьхунә. Хәбәра Хwәде дьле Йошийа гьрт у әwи wәлатда һʹәму пʹут кʹӧта кьр. Әwи щәжьна Рʹожа Дәрбазбуне саз кьр, кʹижан кӧ тʹӧ щар ӧса мәзьн дәрбаз нәбьбу (2 Пʹадш. 22:11; 23:1-23). Йошийа у рʹебәред дьнә амьн, гӧһ дьданә Хәбәра Хwәде у ләма һазьр бун бьгӧһезьн әw фәрман у рʹебәрийед хwә кӧ ль гӧрʹа Хәбәра Хwәде нибун. Әwан гӧһастьна али щьмәʹта Хwәде дькьрьн wәки гӧрʹа Хwәдеда бьн. Ле йәкә нав щьмәʹта Хwәдеда, нә һʹәму пʹадша тʹәмийед Хwәде дьанинә сери. Һьнә дәрәщада, Йаһоwа әw пʹадша ширәт у рʹаст дькьрьн, щара жи дәwса wан кәсәки дьн дьжбарт (1 Сам. 13:13, 14). Ле wәʹдә дәрбаз бу, у Йаһоwа рʹебәрәки беԛьсур бьжарт, кʹижан кӧ жь wан пʹадша wе бьльндтьр буйа. w17.02 3:11, 12, 14

Хwәде мәрьв «дьлԛе хwәда» әʹфьранд (Дәстп. 1:27). Ләма һʹәчʹи зәʹф мәрьв һʹӧнӧред Хwәде дьдьнә кʹьфше. Мәсәлә, әwана дькарьн һьндава һәвдӧ һʹьзкьрьне, ԛәнщийе у бәрдьлийе бьдьнә кʹьфше. Хенщи ве йәке, Хwәде исаф дайә мәрьва. Исаф али мәрьва дькә wәки рʹасти у хьрабийе, ԛәлпи у нәԛәлпийе жь һәв дәрхьн. Ле бәле, щара исафа һьнә мәрьва нәрʹаст дьхәбьтә (Рʹом. 2:14, 15). Гәләк мәрьв тʹәмьзайе у тьштед бәдәw һʹьз дькьн у дьхwазьн тʹәви йед дьн әʹдьлайеда бьжин. Бәле, мәрьв ӧса һатьнә чекьрьне кӧ дькарьн чʹәʹв бьдьнә Йаһоwа. Ләма жи, әwана һежайи һӧрмәт у ԛәдьр ьн. Ле әм гәрәке бьзаньбьн чьԛас һӧрмәте бьдьнә мәрьва, чьмки иро гәләк мәрьв әwе йәке нәрʹаст дькьн. w17.03 1:5, 6

Йаһоwа тʹӧ щар ләз накʹәвә һерса хwә бьрʹежә, чаwа гәләк мәрьв дькьн. Әw тʹьме фькьранди тьшта сафи дькә. Гава Йаһоwа дит кӧ бьнәлийед Нинәwайе гӧнед хwә анинә рʹуйе хwә, әwи сафикьрьна хwә гӧһаст. Бь ве йәке Йаһоwа һәԛи, мьлукти у рʹәʹмти нишан кьр. Дьбәкә щара лазьм бә кӧ әм сәр бьжартьн йан жи сафикьрьна хwә диса кʹур бьфькьрьн, мәсәлә чахе дәрәщед мә тенә гӧһастьне. Биньн бира хwә wәки щара Йаһоwа жи ль гора гӧһастьна дәрәще, сафикьрьна хwә дьгӧһаст (1 Пʹадш. 21:20, 21, 27-29; 2 Пʹадш. 20:1-5). Щара әм чахе тьштәки тʹәзә педьһʹәсьн, әw жи дькарә бьбә мәʹни кӧ сафикьрьне бьгӧһезьн. Мәсәлә, щарәке Даwьд Пʹадша дәрһәԛа Мәфибошәте нәбийе Шаwул, әʹламәтийа ԛәлп пеһʹәсийа. Ле гава кӧ Даwьд рʹастийе пеһʹәсийа, әwи сафикьрьна хwә гӧһаст (2 Сам. 16:3, 4; 19:24-29). w17.03 2:14, 15

Чахе әм гәрәке тьштәки сафи кьн, лазьм ә бьфькьрьн кӧ кʹижан принсипед Кʹьтеба Пироз дькарьн али мә бькьн у ча wан принсипа бь аԛьлайи бьдьнә хәбате. Дина хwә бьдьн ве мәсәле: Хушкәк кӧ мере wе нәбаwәр ә, рʹожәке дьхwазә һәрә хьзмәтийе (Кʹар. Шанд. 4:20). Ле мере wе дьхwазә wәки әw малда бьминә. Әw жьна хwәрʹа дьбежә wәки wана зудава тʹәвайи wәʹдә дәрбаз нәкьрьнә, ләма дьхwазә wәки ве рʹоже тʹәвайи дәрбаз кьн. Хушк сәр чәнд рʹезед жь Кʹьтеба Пироз дьфькьрә, кӧ әw гәрәке гӧрʹа Хwәде бькә у ӧса жи тʹәмийа Иса бинә сери кӧ мьзгинийе бәла кә (Мәт. 28:19, 20; Кʹар. Шанд. 5:29). Әw ӧса жи занә, кӧ гәрәке гӧрʹа мере хwәда бә у бәрбьһер бә (Әфәс. 5:22-24). Пьрс пешда те, ле мере wе дьхwазә wәки әw ԛә нәчә хьзмәтийе, йан тʹәне ве рʹоже? Әм гәрәке сәрwахт бьн wәки сафикьрьнед ӧса бькьн, кӧ Хwәде хwәш бен у исафа мә жи тʹәмьз бьминә. w17.03 4:17