Нисан

Әристархойе Мәкәдони кӧ Мәсиһи бу, бона Паԝлосе шанди һәваләки амьн бу. Кʹьтеба Пирозда дәрһәԛа Әристархо щара пешьн һьнге те гьликьрьне, чахе Паԝлос ԝәʹде рʹеԝитийа хԝәйә мисйонертийә сьсийа, чу Әфәсе. Чахе Әристархо тʹәви Паԝлос бу, әʹлаләте ԝи гьрт (Кʹар. Шанд. 19:29). Ле гава ԝи аза кьрьн, әԝ бона хԝә нәдьтьрсийа у нәрʹәви, ле бь амьни тʹәви Паԝлос ма. Чәнд мәһ шунда, Йунаньстанеда, Әристархо диса жи кʹеләка Паԝлос бу, һәла һе жи гава дьжмьн дьхԝәстьн Паԝлос бькӧштана (Кʹар. Шанд. 20:2-4). Незики сала 58 Д.М., чахе Паԝлос ча гьрти шандьнә Рʹоме, Әристархо ве рʹийа дурда жи тʹәви ԝи бу, у һьнге әԝана тʹәвайи хьлаз бун чахе гәми һурдәхԝәши бу (Кʹар. Шанд. 27:1, 2, 41). Паше чахе әԝана гьһиштнә Рʹоме, әԝ дьбәкә һьнә ԝәхт тʹәви Паԝлос кәледа бу (Колс. 4:10). Бешьк, Паԝлос дьшьдийа у дьлбини дьстанд, чьмки һәвал-рʹейе амьн кʹеләка ԝи бу! Әм жи мина Әристархо, бона хушк-бьра дькарьн һәвалед амьн бьн, кӧ кʹеләка ԝан бьн нә тʹәне шайада, ле «рʹожа охьрме гьранда» жи. w20.01 9 ¶4-5

Мәсиһийе кӧ те бьжартьне, дькарә бьфькьрә, ԝәки әԝ һежайи ԝи ԛәдьре мәзьн нинә. Ле йәкә әԝ дәԛәке жи дӧдьли нинә, ԝәки Йаһоԝа ԝи бьжартийә. Чахе әԝ дьфькьрә дәрһәԛа һевийа хԝәйә ахьрийе, дьле ԝи бь шабуне у рʹазибуне тʹьжә дьбә (1 Пәт. 1:3, 4). Ле гәло әԝ те һʹәсабе, ԝәки йед бьжарти дьхԝазьн бьмьрьн? Паԝлосе шанди щаба ве пьрсе дьдә. Әԝи бәдәна мәрьва бәрамбәри кон кьр у гот: «Бәле һʹәта кӧ әм ви конида дьминьн, бьн баре гьранда дьнәльн, нә кӧ әм дьхԝазьн ви жь хԝә бехьн, ле йе әʹзмани сәрда ԝәргьрьн, ԝәки йе хԝәйимьрьн ԝе жийинеда бәтавәбә һәрә» (2 Корн. 5:4). Әԝан Мәсиһийа һʹәԝаса хԝә һьндава жийине ӧнда нәкьрьнә, у нә жи дьхԝазьн ԝәки жийина ԝанә сәр әʹрде зу хьлаз бә. Әԝана жийина хԝәрʹа ша дьбьн у дьхԝазьн һәр рʹож Йаһоԝарʹа тʹәви нәфәред хԝә у һәвалед хԝә хьзмәт кьн. Ле йәкә һевийа ԝанә ахьрийе тʹьме бира ԝанда нә (1 Корн. 15:53; 2 Пәт. 1:4; 1 Йуһʹн. 3:2, 3). w20.01 23 ¶12-13

Баве мә сәва мә һин кә, ԝәʹдәда жь һʹьзкьрьне мә ширәт дькә. Йаһоԝа бь гәләк щурʹа мә ширәт дькә. Мәсәлә, чахе әм Кʹьтеба Пироз дьхуньн, йан жи сәр щьвата гӧһ дьдьнә бәрнаме, әм щара тедәрдьхьн, кӧ чьда әм гәрәке хԝә бьгӧһезьн. Йан жи щара әм аликʹарийе жь рʹуспийа дьстиньн. Фьрԛи тʹӧнә Йаһоԝа чь щурʹәйи мә ширәт дькә, әԝ тʹьме ве йәке дькә, чьмки мә һʹьз дькә (Йерәм. 30:11). Йаһоԝа тәнгасийада али мә дькә. Мина баве кӧ ԝәʹде чәтьнайа али зарʹед хԝә дькә, ӧса жи Баве мәйи әʹзмана ԝәʹде тәнгасийа те һәԝара мә. Әԝ пе рʹӧһʹе хԝәйи пироз мә жь зийана рʹӧһʹани хԝәй дькә (Луԛа 11:13). Хенщи ве йәке, чахе әм дьлтәнг ьн, Йаһоԝа ӧса жи емосийалида мә хԝәй дькә. Мәсәлә, әԝ һевийа пʹьрʹ баш дьдә мә бона ахьрийе. Әԝ һеви али мә дькә кӧ бәр дәрәщед гьран тәйах кьн. Бир нәкьн ве йәке: Фьрԛи тʹӧнә әм рʹасти чь кӧл-дәрда жи бен, Баве мәйи һʹьзкьри ԝе һʹәму зийанед кӧ мә стандийә, бь тʹәмами ԛәнщ кә. Һʹәму щерʹьбандьнед мә ԝәʹдәлу нә, ле кʹәрәмед кӧ Йаһоԝа бьдә мә, ԝе һʹәта-һʹәтайе бьминьн (2 Корн. 4:16-18). w20.02 5 ¶14-15

Әм дькарьн сәр хԝә бьхәбьтьн, ԝәки һʹәвсудийе жь дьле хԝә кʹокева дәрхьн! Бьфькьрьн сәр мәсәла бьред Усьв. Чахе ԝана ӧса сәре Усьв кьр, сал дәрбаз бун әԝана Мьсьреда рʹасти ԝи һатьн. Пешийа кӧ Усьв хԝә бьред хԝәрʹа әʹйан кьра, әԝи  ԝана щерʹьбанд һәла әԝана һатьнә гӧһастьне йан на. Әԝи сьфьр вәкьр у бәр сьфьре дьһа зәʹф дина хԝә дьда бьре хԝәйи лапи бьчʹук, Бьнйамин (Дәстп. 43:33, 34). Ле бьред ԝи һʹәвсуди Бьнйамин нәкьрьн. Дәԝсе әԝана гәләк бәрхԝә дькʹәтьн бона бьре хԝә у баве хԝә Аԛуб (Дәстп. 44:30-34). Бьред Усьв һʹәвсуди жь дьле хԝә дәрхьстьн, ләма диса әʹдьлайи кʹәтә нав малбәта ԝан (Дәстп. 45:4, 15). Ӧса жи һәрге әм һʹәвсудийе кʹокева жь дьле хԝә дәрхьн, әме бькарьбьн нав малбәта хԝәда у щьватеда әʹдьлайе хԝәй кьн. Йаһоԝа дьхԝазә, ԝәки әм хԝә жь һʹәвсудийе хԝәй кьн у әʹдьлайе чекьн. Һәрге әм мьлук бьн, рʹази бьн бона ԝан тьшта чь кӧ бал мә һәнә, у мәрьва ԛимәт кьн, щийе һʹәвсудийе дьле мәда ԝе тʹӧнә бә. w20.02 19 ¶17-18

Тӧ дькари Йаһоԝарʹа рʹазибуне нишан ки бона һʹьзкьрьна ԝи, чахе дӧада тʹәви ԝи хәбәр ди. Һʹьзкьрьна тә һьндава Хԝәде ԝе һе ԛайим бә, чахе тӧ жерʹа тʹьме дәрһәԛа хәмед хԝә гьли ки у жь ԝи рʹази би бона һәр тьшти кӧ әԝ бона тә дькә. У достийа тә тʹәви Йаһоԝа ԝе һе ԛәԝи бә, гава тӧ бьвини кӧ әԝ ча щаба дӧайед тә дьдә. Тӧйе баԝәр би, ԝәки әԝ тә фәʹм дькә. Ле сәва һе незики Йаһоԝа би, тӧ гәрәке бьзаньби кӧ әԝ ча дьфькьрә. У тӧ гәрәке бьзаньби, ньһерʹандьна ԝи ча нә, әԝ чь һʹьз дькә ле чь һʹьз накә. Ве йәке тӧ дькари тʹәне бь сайа леколинкьрьна Хәбәра Хԝәде, демәк Кʹьтеба Пироз пебьһʹәси. Ләма жи һин бә ԛимәт ки ԝе йәке. Тʹәне Кʹьтеба Пирозда һәйә рʹасти дәрһәԛа Йаһоԝа у ԛьрара ԝи һьндава тә. Те бь ве йәке бьди кʹьфше кӧ Кʹьтеба Пироз ԛимәт дьки, һәрге һәр рʹож бьхуни, хԝә һазьр ки бона һинбуна Кʹьтеба Пироз, у чь кӧ педьһʹәси әʹмьре хԝәда бьди хәбате (Зәб. 119:97, 99; Йуһʹн. 17:17). Ле бәрнама тәйә хԝәндьна Кʹьтеба Пироз һәйә? Һәрге әре, тӧ Кʹьтеба Пироз һәр рʹож дьхуни? w20.03 5 ¶8-9

Һәрге һун нькарьн гәләк рʹе һәрʹьн, һун дькарьн дәрва кʹидәре мәрьв дьчьн-тен, рʹунен, у кʹе дәрбаз дьбә ԝанрʹа мьзгинийе гьли кьн. Һун ӧса жи дькарьн нәформал шәʹдәтийе бьдьн, нәʹма бьньвисьн, йан жи пе тʹеле хьзмәт кьн. Гәләк мьзгинван кӧ нькарьн мал бь мал хьзмәт кьн, ԝан щурʹе хьзмәтийеда шабуне у дьлрʹьһʹәтийе дьстиньн. Һәрге сьһʹәт-ԛәԝата ԝә хьраб ә, һун һьнге жи дькарьн хьзмәтийа хԝә биньн сери. Паԝлос гот: «Әз һәр тьшти бь сайа ԝи дькарьм, йе кӧ ԛәԝате дьдә мьн» (Фили. 4:13). Паԝлосрʹа әԝ ԛәԝат лазьм бу, чахе ԝәʹде рʹеԝитийа хԝә әԝ нәхԝәш кʹәт. Әԝи Галатийарʹа шьровәкьр: «Щара пешьн бесьһʹәтийа ԛальбе мьн бу мәʹни, мьн мьзгини да ԝә» (Галт. 4:13). Мина ве йәке, һәрге жи сьһʹәт-ԛәԝата ԝә нәбаш ә, йәкә гәләк мәщалед ԝә һәнә кӧ мьзгинийе бәла кьн. Мәсәлә һун дькарьн һʹәкимарʹа, бәрдәстийед һʹәкимарʹа, у ԝанрʹа кʹе мьԛати ԝә дьбә шәʹдәтийе бьдьн, чьмки чахе мьзгинван мал бь мал хьзмәт дькьн у тен мала ԝан, һьнге әԝана сәр хәбате нә. w19.04 4-5 ¶10-11

Сала 2018-да, 223 000 мьзгинвана зедәтьр ԝан ԝәлатада дьжитьн, кʹидәре кӧ йан бь тʹәмами йан жи һьнә шьхӧлед мә ԛәдәхәкьри нә. Ле әм әʹщебмайи наминьн, чьмки Мәсиһийед рʹаст ԝе бенә зерандьне. Фьрԛи тʹӧнә әм кʹидәре дьжин, йәкә сәрԝеред дәԝләте дькарьн ньшкева  һʹәбандьна мә Йаһоԝарʹа, Хԝәдейе һʹьзкьрирʹа, ԛәдәхә кьн. Һәрге сәрԝеред дәԝләте шьхӧле мә ԛәдәхә кьн, дьбәкә әм бьфькьрьн, кӧ мә кʹәрәма Хԝәде ӧнда кьрийә. Ле бир нәкьн, ԝәки зерандьн әԝ найе һʹәсабе, кӧ Йаһоԝа ида жь мә рʹази нинә. Мәсәлә, бьфькьрьн дәрһәԛа Паԝлосе шанди. Хԝәде ԝи ԛәбул дькьр у әԝ йәк әшкәрә дьһатә кʹьфше. Хԝәде ԛәдьрәки ӧса да ԝи, кӧ 14 нәʹмед ԝи кʹәтьнә нава Ньвисаред Йунанида, у һьн жи әԝ шанди бу бона мьләтед хәриб. Ле йәкә әԝ ԛайим дьһатә  зерандьне (2 Корн. 11:23-27). Әм жь әʹмьре Паԝлосе шанди педьһʹәсьн, ԝәки Йаһоԝа щара дьһелә, кӧ хьзмәткʹаред ԝийи амьн бенә зерандьне. w19.07 8 ¶1, 3

Йаһоԝа һʹьзкьрьна хԝәйә мәзьн һьндава хьзмәткʹаред хԝә бь ԝи щурʹәйи жи избат дькә, кӧ али ԝан дькә нәкʹәвьнә дәсте дьжмьна у мьԛабьли ԝан бьсәкьньн. Дьжмьнед мәйи лапи мәзьн, әԝ һәнә Шәйтʹан у щьн. Йаһоԝа дәрһәԛа ԝан дьжмьна пешда мәрʹа готийә, у һьн жи ԝан тьшта дьдә мә, чь кӧ мәрʹа лазьм ьн сәва мьԛабьли ԝан бьсәкьньн (Әфәс. 6:10-13). Һәрге әм аликʹарийа Йаһоԝа ԛәбул кьн у бь тʹәмами итʹбарийа  хԝә ԝи биньн, әме бькарьбьн мьԛабьли Мире-щьна бьсәкьньн. Баԝәрийа мә дькарә мина йа Паԝлос ԛәԝи бә, кӧ гот: «Һәгәр Хԝәде пьшта мә йә, ки дькарә мьԛабьли мә бә?» (Рʹом. 8:31) Әм Мәсиһийед рʹаст, һʹьш-аԛьле хԝә надьнә сәр Шәйтʹан у щьнед ԝи. Бона мә йа лапә фәрз әԝ ә, кӧ дәрһәԛа Йаһоԝа пебьһʹәсьн у жерʹа хьзмәт кьн (Зәб. 25:5). Ле әм гәрәке һаш жь кьред Шәйтʹан һәбьн. Чьрʹа? Сәва әм нәйенә хапандьне у нәкʹәвьнә тʹәлькед ԝи (2 Корн. 2:11). w19.04 20 ¶1-2

Чахе әм рʹасти йед дьлтәнг тен, әм рʹьнд гӧһ дьдьнә ԝан? Әԝ гәләк фәрз ә, чьмки ӧса әм дькарьн дьлбинийе бьдьнә ԝан. Щара чәнд гьлийед лайиԛ у дьлгәрми, дькарьн нишан кьн, кӧ әм бона ԝан бәрхԝә дькʹәвьн. Әм дькарьн ԝанрʹа бежьн: «Дьле мьн дьшәԝьтә бона тә!» Дьбәкә һун дькарьн пьрсәке йан чәнд пьрса бьдьнә ԝи мәрьви, сәва бьзаньбьн кӧ ԝә әԝ һәвале хԝәйи дьлтәнг рʹаст фәʹм кьр йан на. Мәсәлә, һун дькарьн пьрс кьн: «Бьбахшинә, дькари һьнәки зәлал мьнрʹа шьровәки, ԝәки әз тә рʹаст фәʹм кьм?», йан жи бежьн, «Чахе тә гот . . . мьн ӧса фәʹм кьр . . . Мьн тә рʹаст фәʹм кьр?» Бь сайа ве йәке әԝ мәрьв ԝе баԝәр бә кӧ һун бь рʹасти гӧһ дьдьнә ԝи у дьхԝазьн ԝи рʹаст фәʹм кьн (1 Корн. 13:4, 7). Фәсал бьн ԝәки «хәбәрданеда» ләз нәкʹәвьн. Ләз нәкʹәвьн ширәте бьдьнә ԝи мәрьви, йан жи ньһерʹандьна ԝи рʹаст кьн. Бь сәбьр бьн! Дәԝса кӧ ԝанрʹа ширәта бьдьн кӧ ча проблема хԝә сафи кьн, һе баш ә һьндава ԝанда дьлшәԝат бьн у дьлбинийе бьдьнә ԝан (1 Пәт. 3:8). w19.05 17-18 ¶15-17

Малбәтеда, мер гәрәке жьна хԝә ӧса һʹьз бькә, чаԝа кӧ «Мәсиһ щьвин һʹьз кьр» (Әфәс. 5:28, 29). Әԝ гәрәке чʹәʹв бьдә һʹьзкьрьна Исайә һʹәлал, демәк һʹәԝщед жьна хԝә дайнә щийе пешьн, у бькʹәвә һʹәйра ԝе, нә кӧ һʹәйра хԝә. Һьнә мерарʹа чәтьн  ә жьна хԝәрʹа һʹьзкьрьна ӧса бьдьн кʹьфше, чьмки дьбәкә ԝе маледа кʹидәре әԝана мәзьн бунә, ԛәдьр у һʹьзкьрьн кем һәбуйә. Рʹаст ә ԝан мерарʹа һеса нинә бенә гӧһастьне, ле йәкә әԝана гәрәке ве йәке бькьн, сәва кӧ гӧрʹа ԛануна Мәсиһ бькьн. Мер кӧ жьна хԝә һʹьз дькә у кʹара ԝе дьгәрʹә, ԝе ԛәдьре жьна хԝә ԛазанщ кә. Бавед кӧ зарʹед хԝә һʹьз дькьн, ԝе тʹӧ щар дьле ԝан нәешиньн нә пе гьлийа, нә жи пе кьред хԝә (Әфәс. 4:31). Дәԝсе, әԝана ԝе һʹьзкьрьна хԝә у ԛәбулкьрьна хԝә зарʹарʹа бьдьнә кʹьфше, сәва зарʹ хԝәйкьри хԝә тʹәхмин кьн. Бавед ӧса, һʹьзкьрьн у итʹбарийа зарʹед хԝә ԛазанщ дькьн. w19.05 6 ¶21

Әԝ гьлийед Щьбрайил чь дьһатьнә һʹәсабе бона Мәрйәме? Гәло дьԛәԝьмә әԝ дьфькьри кӧ гьлийед ԝи тенә һʹәсабе, ԝәки Иса ԝе щийе Пʹадша Һеродәс бьгьрә, йан жи ԝе бьбә мәрьве паши ԝи у сәрԝертийе сәр Исраеле бькә? Ԝәки Иса бьбуйа пʹадша, ԝе Мәрйәм бьбуйа  дийа пʹадше, у малбәта ԝе ԛәсьреда бьжита. Ле Кʹьтеба Пирозда тʹӧ щики найе готьне, кӧ әԝе хԝәстийә Пʹадшатийеда щийе бьльнд бьгьрә. Мәрйәм рʹасти жи мәрьвәкә мьлук у шкәсти бу! Әм гәрәке бир нәкьн, ԝәки нета мәйә сәрәкә, кӧ чьрʹа әм Хәбәра Хԝәде у әʹдәбйәтед мә леколин дькьн, әԝ ә, кӧ әм незики Йаһоԝа бьн. Әм ӧса жи дьхԝазьн һе рʹьнд бьвиньн, кӧ әм мәрьвнә ча ньн у бьзаньбьн нав хԝәда чь гӧһастьна бькьн, сәва дьле Хԝәде ша кьн (Аԛуб 1:22-25; 4:8). Һәр гав чахе әм дәстпедькьн леколина бькьн, әм гәрәке жь Йаһоԝа рʹӧһʹе ԝийи пироз бьхԝазьн. Әм гәрәке жь Йаһоԝа һиви кьн, сәва али мә бькә, кӧ бь тʹәмами кʹаре бьстиньн жь леколине, у тедәрхьн кӧ әԝ дьхԝазә әм чьда бенә гӧһастьне. w19.05 31 ¶18-19

Щара әм щарәкева рʹасти чәнд проблема тен. Дина хԝә бьдьнә ԝан мәсәла. Бьраки мә бь наве Щон, йе кӧ пе нәхԝашийа скләроза әнифьрәһ (multiple sclerosis) нәхԝаш ә, кʹәтә стресәкә гьран,  чахе жьна ԝи әԝ һишт, паши 19  салед зәԝаща ԝан. Паше дӧ ԛизед ԝи хьзмәтийа хԝә Йаһоԝарʹа данә сәкьнандьне. Жьн-мер, Боб у Линда рʹасти тәнгасийед дьн һатьн. Ԝан һәрда жи хәбата хԝә ӧнда кьрьн, у паше мала хԝә ӧнда кьрьн. Сәрда жи, һʹәким Линдайерʹа гот, ԝәки нәхԝәшийа ԝейә дьльк һәйә, кӧ гәләк хоф ә бона әʹмьре ԝе. Һьн жи нәхԝәшийа ԝейә артрит, дәстпекьр система имунитета ԝе һьлшинә. Әм дькарьн дӧдьли нәбьн, ԝәки Әʹфьрандаре мә, Баве мәйи һʹьзкьри Йаһоԝа, дькʹәвә һале мә чахе әм дькʹәвьнә стресе. У әԝ дьхԝазә али мә бькә, ԝәки әм ԝан чәтьнайада тәйах кьн (Фили. 4:6, 7). Хәбәра Хԝәдеда һәнә сәрһатийед ԝан хьзмәткʹаред Хԝәде, йед кӧ рʹасти тәʹли-тәнгасийа һатьнә. Әм жь Кʹьтеба Пироз ӧса жи педьһʹәсьн, кӧ чаԝа Йаһоԝа али ԝан дькьр, гава әԝана дьлтәнг дьбун. w19.06 14 ¶2-3

Чахе әм ԛәнщийед бьчʹук дькьн бона ԝан, йед кӧ бемер йан бежьн манә, әм ԝанрʹа избат дькьн, ԝәки ԝана һʹьз дькьн. Хут ԝи ԝәʹдәйи әԝана һʹәԝще һәвалед баш ьн. Ле һун ча дькарьн ԝанрʹа избат кьн, ԝәки һун бь рʹасти һәвалед ԝан ьн? Һун дькарьн һәма сәр нанхԝарьне ԝана тʹәглиф кьн. Һун ӧса жи дькарьн ԝәʹдә тʹәви ԝан хәрщ кьн у тʹәви ԝан һеса бьн, йан жи тʹәвайи хьзмәт кьн. Щара жи һун дькарьн ԝана тʹәглиф кьн, сәва ԛӧльхкьрьна тʹәви малбәте тʹәвайи дәрбаз кьн. Һәрге һун ӧса бькьн, һуне дьле Йаһоԝа ша кьн, чьмки әԝ «незики дьлшкәстийа йә» у хԝәйкьре жьнәбийа йә (Зәб. 34:18; 68:5). Зутьрәке, чахе Пʹадшатийа Хԝәде сәрԝертийе сәр әʹрде бькә, ԝе «тәнгасийед бәре» бенә биркьрьн. Әм чьԛас һивийа ԝи ԝәʹдәйи нә, чахе «биранина тьштед бәре нәйен кьрьн у нәйен рамане» (Иша. 65:16, 17). Ле һʹәта әԝ рʹож бе, ԝәрә әм али һәв бькьн, у һьн пе хәбәрдане һьн жи пе кьред хԝә избат кьн, ԝәки әм малбәта хԝәйә рʹӧһʹанида гьшка һʹьз дькьн (1 Пәт. 3:8). w19.06 25 ¶18-19

Гәләк сал пешда, «Бьрща Ԛәрәԝьлийеда» һатә готьне: «Мәрьве кӧ Хԝәде рʹьнд нас дькә, ԝе ԝәʹде щерʹьбандьна бь тʹәмами итʹбарийа хԝә ԝи бинә». Рʹасти жи ӧса йә! Һәрге әм дьхԝазьн ԝәʹде зерандьне сәбьр кьн, әм гәрәке Йаһоԝа һʹьз бькьн, бь тʹәмами итʹбарийа хԝә ԝи биньн (Мәт. 22:36-38; Аԛуб 5:11). Һәр  рʹож Кʹьтеба Пироз бьхуньн, сәва һе незики Йаһоԝа бьн (Аԛуб 4:8). Ԝәʹде хԝәндьне, дина хԝә бьдьнә һʹӧнӧред Йаһоԝайи ԛәнщ. Ӧса жи дина хԝә бьдьн, кӧ ча гьли у кьред ԝида те кʹьфше, кӧ әԝ ԝә гәләк һʹьз дькә (Дәркʹ. 34:6). Һьнәкарʹа дьбәкә чәтьн  ә баԝәр кьн, кӧ Хԝәде ԝана һʹьз дькә, чьмки һьндава хԝәда тʹӧ щар һʹьзкьрьн нәдитьнә. Һәрге һун ӧса хԝә тʹәхмин дькьн, ԝе баш бә хԝәрʹа һәр рʹож башԛә бьньвисьн, кӧ Йаһоԝа чь щурʹәйи рʹәʹмти у ԛәнщийе һьндава ԝәда дьдә кʹьфше (Зәб. 78:38, 39; Рʹом. 8:32). Чахе һун сәр ве йәке у ӧса жи сәр хԝәндьна Кʹьтеба Пироз бьфькьрьн, һуне бьвиньн, кӧ Йаһоԝа чьԛас гәләк тьшт бона ԝә кьрийә у дькә. Чьԛас һе зедә һун жь Йаһоԝа рʹази бьн, һаԛас ԝе һәләԛәтийа ԝә тʹәви ԝи һе ԛәԝи бә (Зәб. 116:1, 2). w19.07 2-3 ¶4-5

Йаһоԝа изьне надә мә, ԝәки әм жь хԝә ԛанун у ԛәйда хушк-бьрарʹа дайньн. Кәсе кӧ ԛанунед нәлазьм датинә, нә кӧ хушк-бьра хԝәй дькә, ле дьхԝазә һʹӧкӧми сәр баԝәрийа ԝан бькә. Шәйтʹан Мире-щьна, ԝе бәрдәԝам кә пәй хьзмәткʹаред Йаһоԝайи амьн кʹәвә (1 Пәт. 5:8; Әʹйан. 2:10). Шәйтʹан у пьштгьрийед ԝи, ԝе бьхԝазьн һʹәбандьна мә Йаһоԝарʹа ԛәдәхә кьн. Ле әм гәрәке нәтьрсьн у нәләрьзьн! (Ԛан. Дщр. 7:21) Йаһоԝа алийе мә йә, у һьнге жи  ԝе али мә бькә, һәрге шьхӧле мә бе ԛәдәхәкьрьне (2 Дир. 32:7, 8). Ԝәрә әм чʹәʹв бьдьнә бьред ԛьрʹна йәке, йед кӧ сәрԝерарʹа готьн: «Кʹа һун хԝәха бьфькьрьн, гәло әв йәк бәр Хԝәде рʹаст ә кӧ әм гӧрʹа ԝә бькьн, нә йа Хԝәде? Әм нькарьн бона ԝан тьштед кӧ мә хԝәха дитьн у бьһистьн нәкьнә дәнги» (Кʹар. Шанд. 4:19, 20). w19.07 13 ¶18-20

Хьзмәтийеда әм гәрәке фәʹм кьн, кӧ чьрʹа ньһерʹандьна мәрьва ӧса йә. Паԝлосе шанди нава Щьһуйада мәзьн бьбу. Ләма жи чахе әԝи мәрьвед нә жь мьләте Щьһурʹа мьзгини бәла дькьр, демәк ԝан мәрьварʹа, йед кӧ дәрһәԛа Йаһоԝа у Ньвисаред Пироз һьндьк йан жи ԛә тьштәк ньзаньбун, гәрәке щурʹе хәбәрдана хԝә бьгӧһаста. Ԝе баш бә әм леколина бькьн ча мәрьвед мьһала мәда дьфькьрьн у чь тʹәхмин дькьн (1 Корн. 9:20-23). Нета мә әԝ ә, ԝәки мәрьвед «һежа» бьгәрʹьн (Мәт. 10:11). Бона ве йәке, әм гәрәке мәрьва бьпьрсьн, кӧ әԝана дәрһәԛа фьлан тьшти чь дьфькьрьн у паше бь сәбьр гӧһ бьдьнә ԝан. Бьрак жь Инглистане мәрьва дьпьрсә, кӧ бь тʹәхмина ԝан, мәрьв ча дькарә зәԝащеда бәхтәԝар бә, чаԝа зарʹед хԝә рʹаст мәзьн кә, йан жи чаԝа бәр нәһәԛийе тәйах кә. Әԝ гӧһ дьдә щабед ԝан, у паше пьрсе дьдә ԝан: «Һун ча дьфькьрьн, әва ширәта кӧ ԝәкә 2 000 сал пешда, һатийә ньвисаре, ԝе керһати бә?» У әԝ тʹела хԝәда рʹезед жь Кʹьтеба Пироз ԝанрʹа дьхунә, ле хәбәра «Кʹьтеба Пироз» надә хәбате. w19.07 21-22 ¶7-8

Әм ча гәрәке Хԝәде һʹьз бькьн? Иса Ферьсикирʹа гот: «Хӧдан Хԝәдейе хԝә һʹьз бькә бь тʹәмамийа дьле хԝә, бь тʹәмамийа щанийа хԝә у бь тʹәмамийа һʹьше хԝә» (Мәт. 22:36, 37). Әм нахԝазьн, ԝәки һʹьзкьрьна мә һьндава Хԝәде нивида бә, ле әм дьхԝазьн, ԝәки һәр рʹож һʹьзкьрьна мә һьндава ԝи ԛәԝи бә. Әм гәрәке Хԝәде рʹьнд нас кьн, сәва ԝи һʹьз бькьн. Кʹьтеба Пироз дьбежә: «Йе кӧ һʹьз накә әԝ Хԝәде нас накә, чьмки Хԝәде һʹьзкьрьн ә» (1 Йуһʹн. 4:8). Паԝлосе шанди да кʹьфше, ԝәки һʹьзкьрьна мә һьндава Хԝәде ԝе һе мәзьн бә, һәрге әм дәрһәԛа Ԝи «занәбун у сәрԝахтийа гьһишти» ԛазанщ кьн (Фили. 1:9). Чахе мә пешийе дәстпекьр Кʹьтеба Пироз леколин бькьн, мә дәрһәԛа Хԝәде у һʹӧнӧред ԝийи ԛәнщ һьндьк заньбу, ле мә Хԝәде һʹьз кьр. Паше чахе әм дәрһәԛа Йаһоԝа һе зедә пеһʹәсийан, һʹьзкьрьна мә һьндава ԝи һе ԛәԝи бу. Ләма жи гәләк фәрз ә әм һәр гав Кʹьтеба Пироз бьхуньн у сәр бьфькьрьн! (Фили. 2:16) w19.08 9 ¶4-5

Һәрге кʹьфшкьрьна ԝә тʹәзә йә, һун гәрәке һәвалед тʹәзә хԝәрʹа бьвиньн. Бир нәкьн, ԝәки сәва хԝәрʹа һәвала бьвиньн, һун гәрәке хԝәха жи бьбьнә һәвале баш. Гьли кьн ԝанрʹа дәрһәԛа ԛәԝьмандьнед һʹәԝас кӧ хьзмәтийа Йаһоԝада бал ԝә һәбу, сәва әԝана шабуна ԝә бьвиньн. Һәрге һун гәрәке кʹьфшкьрьна хԝә бьгӧһезьн жь бо сьһʹәт-ԛәԝата мер йан жьна хԝә, ԝи йан ԝе сущдар нәкьн. Ӧса жи һәрге бона сьһʹәт-ԛәԝата хԝә һун кʹьфшкьрьна хԝә дьһельн, хԝә нәһәԛ нәкьн бона ве йәке, у нәфькьрьн, ԝәки ԝә дьле мер йан жьна хԝә ешандийә. Бир нәкьн, ԝәки һун «бәдәнәк» ьн, у ԝә соз дайә Йаһоԝа ԝәки нава һʹәму дәрәщада һуне мьԛати һәв бьн (Мәт. 19:5, 6). Һәрге ԝә кʹьфшкьрьна хԝә һиштийә, чьмки һун гьран дәркʹәтьн, зарʹа ԝә гәрәке бьзаньбә кӧ бона ԝә әԝ һе фәрз ә, нә кӧ кʹьфшкьрьна ԝәйә бәре. Һәр гав жерʹа бежьн, ԝәки әԝ бона ԝә «пʹешкʹеша» жь Хԝәде йә (Зәб. 127:3-5). Ӧса жи зарʹерʹа гьли кьн ԝан ԛәԝьмандьнед һʹәԝас у хԝәш, кӧ хьзмәтийа ԝәда ԛәԝьми нә. Ԝи щурʹәйи һуне зарʹе һелан кьн, ԝәки мина ԝә әʹмьре хԝә хәрщ кә сәр хьзмәтийа Йаһоԝа, кʹижан кӧ гәләк шабуне тинә. w19.08 22 ¶10-11

Бабилона Мәзьн, демәк империйа религийа ԛәлп наве Хԝәде гәләк беһӧрмәт дькә. Әԝ дәрһәԛа Хԝәде дәрәԝийа һин дькә. Әԝ тʹәви сәрԝеред дьнйайе бь симболик ԛавтийе дькә, чьмки пьштгьрийа ԝан дькә. Әԝ религийа ԛәлп, ԛәԝата хԝә у һʹӧкӧме хԝә дьдә хәбате, сәва жь әндәмед хԝә пʹәра бьстинә. Хенщи ве йәке, әԝе хуна гәләка рʹетийә, ӧса жи хуна хьзмәткʹаред Хԝәде (Әʹйан. 18:24; 19:2). Йаһоԝа ԝе пе «щәʹнәԝьрәки соре гәвәз» у «дәһә стьруйед» ԝи, ԛьрʹа «ԛава бь нав у дәнг» бинә. Әԝ щәʹнәԝьр бь симболик те һʹәсабе организасийа «Мьләтед Йәкбуйи». Ле дәһ стьруйед ԝи, әԝ һәнә сәрԝеред политики, йед кӧ пьштгьрийа ве организасийе дькьн. Әԝ сәрԝеред политики, ԝи ԝәʹде кӧ Хԝәде кʹьфш кьрийә, ԝе мьԛабьли Бабилона Мәзьн дәрен. Әԝана ԝе «дәсте ԝе жь һәр тьшти бькьн, ԝе тәʹзи кьн», бь ве йәке кӧ һʹәму һәбука ԝе тʹалан кьн, у хьрабийа ԝе бәр һʹәмуйа әшкәрә кьн (Әʹйан. 17:3, 16). Кʹӧтакьрьна ԝе ԛаве, ча бежи ԝе рʹожәкеда бә, у әԝ йәк ԝе әʹщебмайи бә бона ԝан, йед кӧ пьштгьрийа ԝе дькьн, чьмки әԝ гәләк ԝәхт хԝә ԛӧрʹә дькә у дьбежә: «Тʹӧ щар әзе шине нәбиньм» (Әʹйан. 18:7, 8). w19.09 10 ¶10-11

Әԝ тʹәглифкьрьн бона һʹәму мәрьва йә, у ләма Иса ԝе тʹӧ щар инкʹар нәкә мәрьвед дьлсах, йед кӧ дьхԝазьн Хԝәдерʹа хьзмәт кьн (Йуһʹн. 6:37, 38). Һʹәму шагьртед Мәсиһрʹа ԛәдьрәки гәләк мәзьн һатә дайине, кӧ тʹәви Иса ԝи шьхӧли бькьн, кʹижан кӧ Йаһоԝа да ԝи. У әм дькарьн дӧдьли нәбьн, ԝәки Иса ԝе тʹьме тʹәви мә бә у али мә бькә, кӧ ԝи шьхӧли биньн сери (Мәт. 28:18-20). Мәрьвед мьлук незики Иса дьбун, чьмки ԝана хԝәш дьһат тʹәви ԝи бьн (Мәт. 19:13, 14; Луԛа 7:37, 38). Ле чьрʹа? Дина хԝә бьдьн фьрԛийа ортʹа Иса у Ферьсийа. Әԝ сәрԝеред дине щьһуйа дьлсар у ԛӧрʹә бун (Мәт. 12:9-14). Ле Иса дьлгәрм у мьлук бу. Ферьси дькʹәтьнә һʹәйра хԝә у бабах бун, чьмки нава щьмәʹтеда щийе бьльнд дьгьртьн. Ле Иса тьштед ӧса ԛәбул нәдькьр, у әԝи шагьртед хԝә һин дькьр, ԝәки мьлук бьн у кʹара мәрьва бьгәрʹьн (Мәт. 23:2, 6-11). Ферьсийа ӧса һʹӧкӧме хԝә дьданә хәбате, кӧ мәрьва жь тьрсе гӧрʹа ԝан дькьрьн, сәва алийе ԝанда нәйенә щәзакьрьне (Йуһʹн. 9:13, 22). Иса пе кьред хԝә у гьлийед ширьн мәрьв дьшьдандьн у баре ԝан сьвьк дькьр. Ле һун чʹәʹв дьдьнә Иса? w19.09 20 ¶1; 21 ¶7-8; 23 ¶9

Щьват али мә дькьн, әм һәләԛәтийа хԝә тʹәви Йаһоԝа ԛәԝи кьн. Ньһерʹандьна мә һьндава һатьна сәр щьвате, дьдә кʹьфше кӧ ахьрийеда ԝәʹде зерандьне әме ча хԝә бьдьнә кʹьфше (Ибрн. 10:24, 25). Чьрʹа? Һәрге әм иро дьһельн, ԝәки чәтьнайед бьчʹук рʹе мә бьгьрьн кӧ нәчьнә щьвате, бьфькьрьн, әме ахьрийеда ча бьн, гава әм мәщбур бьн бькʹәвьнә бьн хофе, сәва тʹәви хушк-бьра тʹоп бьн? Ле һәрге әм хԝәрʹа сафи кьн, кӧ һәр гав бенә сәр щьвата, әме нәһельн, ԝәки дьжмьнед мә рʹе мә бьгьрьн тʹәвайи тʹоп бьн. Ньһа ԝәʹдә йә һин бьн, кӧ щьватед хԝә һʹьз бькьн. Һәрге әм һʹьз дькьн бенә сәр щьвате, тʹӧ зерандьн, у һәла һе жи ԛәдәхәкьрьна дәԝләте, ԝе мә нәдә сәкьнандьне, ԝәки гӧрʹа Хԝәде бькьн, нә кӧ гӧрʹа мәрьва (Кʹар. Шанд. 5:29). Рʹезед кӧ һун һʹьз дькьн, бь әзбәри һин бьн (Мәт. 13:52). Дьбәкә бира ԝә нә ӧса баш ә, ле Йаһоԝа пе ԛәԝата рʹӧһʹе хԝәйи пироз, дькарә ԝан рʹеза бинә бира ԝә (Йуһʹн. 14:26). Әԝан рʹеза ԝе али ԝә бькьн, ԝәки незики Йаһоԝа бьминьн у бь амьни сәбьр кьн. w19.07 3 ¶5; 4 ¶8-9

Һәрге һун паши сала 1914 һатьнә буйине, демәк һун тʹәмамийа әʹмьре хԝә дьжин «рʹожед ахьрийеда». Әм гьшк жи дьбьһед дәрһәԛа ԝан ԛәԝьмандьна, кʹижан кӧ Иса бона рʹожед мә пʹехәмбәрти кьр. Мәсәлә, әԝ һәнә шәрʹ, хәлайи-щәлайе, әʹрдһʹәж, нәхԝәши, зедәбуна нәһәԛийе у мьԛабьлибун һьндава щьмәʹта Йаһоԝа (Мәт. 24:3, 7-9, 12; Луԛа 21:10-12). Әм ӧса жи дьвиньн кӧ мәри ча һатьнә гӧһастьне, чаԝа кӧ Паԝлос пʹехәмбәрти кьр. Әм чаԝа хьзмәткʹаред Йаһоԝа, дӧдьли ниньн, ԝәки әм дьжин ԝәʹде «рʹожед даԝинда [хьлазийеда]» (Мих. 4:1). Жь сала 1914, гәләк ԝәʹдә дәрбаз буйә, ләма иро әм ида хьлазийа «рʹожед ахьрийеда» дьжин. Чьмки хьлази незик ә, әм гәрәке бьзаньбьн щабед һьнә пьрсед фәрз: Чь ԝе бьԛәԝьмә хьлазийа «рʹожед ахьрийеда»? У һʹәта кӧ әм һивийа ԝан ԛәԝьмандьна нә, Йаһоԝа һивийе йә кӧ әм чь бькьн? w19.10 8 ¶1-2

Сәбьра мә дәрәщед башва гьредайи нинә. Ле сәбьра хԝә әм дькарьн һьнге ԛәԝи кьн, гава итʹбарийа хԝә Йаһоԝа тиньн (Рʹом. 12:12). Әԝ созе Иса жь рʹеза иройин те һʹәсабе, ԝәки әм гәрәке ԝәʹде һәр чәтьнайа амьн бьминьн. Һәрге әм ԝәʹде тәнгасийед иро, сәбьр кьн у ԛәԝи бьминьн, әме пешийа дәстпебуна тәнгасийа мәзьн һе ԛәԝи бьн. Чаԝа сәва сәбьр кьн баԝәри һьндава Йаһоԝа лазьм ә, ӧса жи сәва мерхас бьн, әм гәрәке итʹбарийа хԝә Йаһоԝа биньн. Ле ча әм дькарьн һин бьн һе зедә итʹбарийа хԝә Йаһоԝа биньн? Әм гәрәке һәр рʹож Хәбәра ԝи бьхуньн у бьфькьрьн кӧ ча Йаһоԝа ԝәʹде бәре щьмәʹта хԝә хьлаз дькьр (Зәб. 68:20; 2 Пәт. 2:9). Чахе мьләтед дьнйайе ԝәʹде тәнгасийа мәзьн мьԛабьли мә дәрен, әм гәрәке мерхас бьн у илаһи һьнге бь тʹәмами баԝәрийа хԝә Йаһоԝа биньн (Зәб. 112:7, 8; Ибрн. 13:6). Һәрге әм ньһа итʹбарийа хԝә Йаһоԝа тиньн, әме ԝәʹде пәйкʹәтьна Гог мерхас бьн. Әԝ мә дьшьдинә, кӧ әм дькарьн һʹьзкьрьна Йаһоԝада һʹәта-һʹәтайе хԝәйкьри бьн (1 Корн. 13:8). w19.10 18 ¶15-16

Әԝ дьнйа бьн дәсте Мире-щьнада нә, у әԝ дьхԝазә ԝәки тьштед кӧ мә хԝәш тен, әʹмьре мәда щийе фәрз бьгьрьн, у әм пәй хԝәстьнед хԝәйи нәрʹаст кәвьн (Әфәс. 2:1-3). Нета ԝи әԝ ә кӧ һʹьзкьрьна мә һьндава Йаһоԝа бь тʹәмами нибә, у әм тьштед дьн жи һʹьз бькьн. Чахе Пәтрусе шанди ньвиси дәрһәԛа ахьрийа дьнйа Шәйтʹан у дьнйа тʹәзә кӧ зутьрәке ԝе бе, әԝи гот: «Аԝа дәлално, һун кӧ һивийа ван йәка нә, бькьн кӧ әԝ ԝә беләкʹә у беԛӧсур әʹдьлайийеда тʹәви хԝә бьбинә» (2 Пәт. 3:14). Һәрге әм гӧрʹа ве ширәте бькьн у һәр тьшти бькьн, сәва намусийеда у рʹӧһʹанида хԝә тʹәмьз хԝәй кьн, әме избат кьн ԝәки әм тʹәне Йаһоԝа дьһʹәбиньн у бь тʹәмамийа дьле хԝә ԝи һʹьз дькьн. Шәйтʹан у дьнйа ԝи, ԝе бәрдәԝам кьн мә бьхальфиньн, ԝәки әм әʹмьре хԝәда дәԝса Йаһоԝа, тьштед майин дайньн щийе пешьн (Луԛа 4:13). Ле әм тʹӧ щар гәрәке нәһельн, ԝәки хенщи Йаһоԝа кәсәк йан тьштәк дьле мәда щийе йәке бьгьрә. Әм бь дьл у щан дьхԝазьн, ԝәки ве йәке бьдьнә Йаһоԝа, чь кӧ тʹәне әԝ һежа йә, демәк бь тʹәмамийа дьле хԝә ԝи һʹьз кьн у тʹәне ԝи бьһʹәбиньн! w19.10 27 ¶4; 31 ¶18-19

Һьнә щурʹә бәрхԝәкʹәтьн баш ә. Мәсәлә, әм бәрхԝә дькʹәвьн, ԝәки тьштед ӧса нәкьн чь кӧ Йаһоԝа у Иса хԝәш найен (1 Корн. 7:32). Һәрге әм гӧне мәзьн дькьн әм гәләк бәрхԝә дькʹәвьн, чьмки нахԝазьн достийа хԝә тʹәви Хԝәде ӧнда кьн. Әм ӧса жи бәрхԝә дькʹәвьн, ԝәки дьле жьн йан мере хԝә нәешиньн, у ӧса жи әм бона һʹалхԝәшийа нәфәред хԝә у хушк-бьра бәрхԝә дькʹәвьн (1 Корн. 7:33; 2 Корн. 11:28). Алики дьнва жи, һәрге әм гәләк бәрхԝә дькʹәвьн, әԝ йәк дькарә мә ӧса сьст кә, кӧ әм тʹьме бәрхԝә бькʹәвьн бона хԝарьне у кʹьнща (Мәт. 6:31, 32). Бона ве йәке, әм дьбәкә һʹьш-аԛьле хԝә бьдьн сәр тʹопкьрьна һәбуке. Һәрге әм бьһельн кӧ әԝ йәк ӧса бә, баԝәрийа мә һьндава Йаһоԝа ԝе сьст бә у әме рʹӧһʹанида зийанәкә мәзьн бьстиньн (Марԛ. 4:19; 1 Тимтʹ. 6:10). Йан жи әм дьбәкә бькʹәвьнә ве тʹәльке, кӧ мәрьв дәрһәԛа мә чь дьфькьрьн. Һәрге әм дьтьрсьн кӧ мәрьв ԝе мә бькʹәньн йан жи пәй мә кʹәвьн, хофа мә һьндава Йаһоԝа дькарә ида кем бә. Сәва хԝә жь ԝе тʹәльке хԝәй кьн, әм гәрәке лавайа жь Йаһоԝа бькьн, ԝәки баԝәрийе у мерхасийе бьдә мә, кӧ әм жь мәрьва нәтьрсьн (Мәтʹлк. 29:25; Луԛа 17:5). w19.11 15 ¶6-7

Һьнә сафикьрьнед фәрз әме тʹӧ щар нәгӧһезьн. Мәсәлә, әме тʹӧ щар сафикьрьна хԝә кӧ Йаһоԝарʹа хьзмәт кьн у жьн йан мере хԝәрʹа амьн бьминьн, нәгӧһезьн (Мәт. 16:24; 19:6). Ле сафикьрьнед майин, щара лазьм ә әм бьгӧһезьн. Чьрʹа? Чьмки дәрәщә тенә гӧһастьне. Ле кʹижан гав дькарьн али мә бькьн, кӧ чьԛас дькарьн сафикьрьнед лапә баш бькьн? Дӧа бькьн, ԝәки Хԝәде биланийе бьдә ԝә. Дькарьн бежьн, сәрԝахти «тʹера» мә гьшка накә. Ләма жи чахе һун сафикьрьна дькьн, у ӧса жи чахе дьхԝазьн сафикьрьне бьгӧһезьн, аликʹарийе жь Йаһоԝа бьхԝазьн. Һьнге Йаһоԝа ԝе әʹсә али ԝә бькә, кӧ сафикьрьна бь билани бькьн. Кʹур леколина бькьн. Жь Хәбәра Хԝәде ширәта бьгәрʹьн, әʹдәбйәтед кӧ тʹәшкиләта мәда һәнә бьхуньн, у тʹәви мәрьве бь итʹбар хәбәр дьн, йе кӧ дькарә ширәтед баш бьдә ԝә (Мәтʹлк. 20:18). Әԝ һәр тьшт гәләк фәрз ьн пешийа ве йәке чахе әм сафи дькьн кӧ хәбате бьгӧһезьн, дәрбази щики дьн бьн, йан жи чь пешәйи бьстиньн, сәва әʹбура хԝә бькьн у бькарьбьн хьзмәт кьн. w19.11 27 ¶6-8

Чьԛас баш ә кӧ Хԝәде тьштәки ӧса кьр, ԝәки әм хьлаз бьн, демәк жь гӧнә аза бьн. Иса роләкә сәрәкә лист кӧ әм бькарьбьн ве азайе бьстиньн. Һʹәта кӧ Иса бьһата сәр әʹрде, 700 сали зедәтьр пешийа ве йәке, Ишайа пʹехәмбәрти кьр дәрһәԛа азайа мәзьн. Әԝ азайа мәзьн ԝе азайа дьһа баш у мәзьн бинә, нә кӧ ԝәʹде сала Йубила Исраелийа. Әԝи ньвиси: «Рʹӧһʹе Хӧдан, Йаһоԝа ль сәр мьн ә; чьмки Йаһоԝа әз бьжартьм, ԝәки дьлньмьзарʹа мьзгинийе әʹлам кьм. Әԝи әз шандьм сәва бьринед дьлшкәстийа бьпʹечьм, әʹлам кьм дәрһәԛа азайа дила» (Иша. 61:1, ДТʹ). Ле гәло әԝ пʹехәмбәрти дәрһәԛа кʹе йә? Әԝ пʹехәмбәртийа фәрз дәрһәԛа азайе, дәстпебу бе сери паши дәстпека хьзмәтийа Иса. Чахе Иса чу кʹьниште, шәһәре хԝә Ньсрәтеда, әԝи Щьһуйарʹа йед кӧ ԝедәре тʹоп бьбун, әв пʹехәмбәртийа Ишайа хԝәнд у ани сери (Луԛа 4:16-19). w19.12 9-10 ¶6-8

Ԝәʹде зерандьна, мәрʹа мерхаси лазьм ә. Ле һәрге һун тʹәхмин дькьн, ԝәки һун мерхас ниньн, чь дькарьн бькьн? Бир нәкьн, ԝәки мерхаси бәжьн-балева, ԛәԝатева йан жи фәрәсәтава гьредайи нинә. Дина хԝә бьдьнә мәсәла Даԝьде щаһьл, йе кӧ мьԛабьли Голйат дәркʹәт. Даԝьд жь ԝи мәрьве тәʹрьки, ньмьзтьр у сьст бу, һьн жи чʹәкед ԝи жи пʹаки тʹӧнә бун. Һәла һе шурәк жи щәм ԝи тʹӧнә бу. Ле Даԝьд йәки гәләк мерхас бу у бь әʹгити мьԛабьли ви мәрьве тәʹрьки дәркʹәт. Чьрʹа Даԝьд ӧса мерхас бу? Әԝи ԛайим баԝәр дькьр, ԝәки Йаһоԝа тʹәви ԝи йә (1 Сам. 17:37, 45-47). Даԝьд дина хԝә нәда ве йәке, кӧ Голйат бәр ԝи чьԛас мәзьн ә. Дәԝсе, әԝ дьфькьри кӧ Голйат һьмбәри Йаһоԝа чьԛас бьчʹук ә. Әм жь ве сәрһатийе чь хԝәрʹа һин дьбьн? Әм һин дьбьн кӧ әм гәрәке баԝәр бьн, ԝәки Йаһоԝа тʹәви мә йә, у дӧдьли нәбьн, ԝәки дьжмьнед мә һьмбәри Хԝәдейе Һәри Жорьн чьԛас бьчʹук ьн (2 Дир. 20:15; Зәб. 16:8). w19.07 5 ¶11-13

Тьхико, һәвал-рʹейе Паԝлосе шанди бу, йе кӧ Мәсиһийе бь итʹбар бу (Кʹар. Шанд. 20:4). Незики сала 55 Д.М., Паԝлос организә кьр, ԝәки бона аликʹарийа Мәсиһийед Щьһустане пʹәрә бе тʹопкьрьне, у дьбәкә әԝи Тьхикорʹа гот, ԝәки ԝи шьхӧле фәрзда али ԝи бькә (2 Корн. 8:18-20). Паше чахе Паԝлос Рʹомеда щара пешьн кʹәтә кәле, Тьхико ча әʹламәтчийе ԝи бу. Әԝи нәʹмед Паԝлос у гьлийед дьлдайине нава щьватед Асйайеда бәла дькьр (Колс. 4:7-9). Тьхико бона Паԝлос ма һәваләки бь итʹбар (Тито 3:12). Ле нә һʹәму Мәсиһи мина Тьхико бь итʹбар бун. Незики сала 65 Д.М., чахе Паԝлос щара дӧда һатә гьртьне, әԝи ньвиси кӧ гәләк Мәсиһийед жь ԛәза Асйайе, хԝә жь ԝи дур хьстьн, у нәдьхԝәстьн тʹәви ԝи хәбәр дьн, чьмки дьбәкә жь дьжмьна дьтьрсийан (2 Тимтʹ. 1:15). Ле Паԝлос итʹбарийа хԝә Тьхико дьани у һәла һе жи шьхӧләкә дьн да ԝи (2 Тимтʹ. 4:12). Паԝлос бешьк гәләк ԛимәт дькьр һәвале мина Тьхико баш. w20.01 10 ¶7-8

Дьԛәԝьмә тӧ дьфькьри, кӧ дьбәкә тӧ пе рʹӧһʹе пироз кʹьфшкьри йи. Һәрге әре, дәрһәԛа ԝан пьрсед фәрз бьфькьрә: Тӧ бь дьл у щан дьхԝази ԛьрара Йаһоԝа бини сери? Тӧ шьхӧле бәлакьрьна мьзгинийеда гәләк хирәт и? Тӧ һʹьз дьки леколинкьрьна Хәбәра Хԝәде у педьһʹәси дәрһәԛа «нет-мәрәмед Хԝәдейә кʹур»? Тӧ тʹәхмин дьки, ԝәки Йаһоԝа хьзмәтийа тә гәләк кʹәрәм дькә? Тӧ дьле хԝәда тʹәхмин дьки, ԝәки щабдарийа тә һәйә рʹӧһʹанида али мәрьва бьки? Тӧ әʹмьре хԝәда аликʹарийа Йаһоԝа дьвини? Һәрге щаба ԝан һʹәму пьрса әре йә, гәло әԝ йәк избат дькә, ԝәки тӧ бона жийина сәр әʹзмана газикьри йи? На, ӧса нинә. Чьрʹа? Чьмки һʹәму хьзмәткʹаред Хԝәде дькарьн хԝә ӧса тʹәхмин кьн. Бь рʹасти һәрге һун дӧдьли нә, кӧ һун пе рʹӧһʹе пироз бьжарти нә йан на, әԝ шьк ида избат дькә, кӧ һун бьжарти ниньн. Әԝед кӧ Йаһоԝа бьжарт, дӧдьли набьн, ԝәки әԝана бьжарти нә! Әԝана сәд сәләфи ве йәкеда баԝәр ьн! w20.01 23 ¶14