Тирмәһ

Чахе кәсәк тʹәви мә сәрт йан жи сарә-сар хәбәр дьдә, әм бәрхԝә дькʹәвьн. Илаһи чахе мәрьве мәйи незик йан жи һәвале мә һьндава мәда ӧса ньн, әм һе зедә бәрхԝә дькʹәвьн у хәмгин дьбьн. Гава әм рʹасти бәрхԝәкʹәтьне тен, әм дькарьн гәләк тьшт һин бьн жь Кʹьтеба Пироз дәрһәԛа мәсәла Һанна, йа кӧ рʹасти ԛәрфа дьһат жь алийе жьна мере хԝә (1 Сам. 1:12). Мина Һаннайе әм жи дькарьн тʹәви Йаһоԝа дәрһәԛа хәмед хԝә у тьрса хԝә, дьреж хәбәр дьн. Фәрз нинә кӧ дӧайед мә поетики бьн йан жи бь гьлийед пʹьр бәдәԝ бьн. Щара чахе дьле мә тʹьжи дьбә, әм бь дӧа-дьрозга у һесьра тʹәви Йаһоԝа хәбәр дьдьн. Чь жи һәбә, Йаһоԝа ԝе тʹӧ щар нәԝәстә гӧһ бьдә мә. Ле хенщи кӧ дәрһәԛа проблемед хԝә дӧа бькьн, әм гәрәке ӧса жи бир нәкьн кӧ чь ньвисар ә Филипи 4:6, 7-да. Паԝлосе шанди гот ԝәки әм гәрәке бь рʹазибуне Йаһоԝарʹа дӧа бькьн. Һәмьки гәләк мәʹнийед мә һәнә кӧ Йаһоԝарʹа бежьн, ԝәки әм жь ԝи рʹази нә, мәсәлә кӧ, әԝи әʹмьр дайә мә, тьштед пʹьр бәдәԝ чекьрийә, һʹьзкьрьна амьн дьдә кʹьфше, у һевийа пʹьр хԝәш дайә мә. w20.02 21 ¶3; 22 ¶6

Зьман, демәк хәбәрдан, әԝ һәйә пʹешкʹеша жь Йаһоԝа (Дәркʹ. 4:10, 11; Әʹйан. 4:11). Әԝ бь сайа Хәбәра хԝә али мә дькә, кӧ һин бьн ча әве пʹешкʹеше рʹаст бьдьнә хәбате. Әм гәрәке һәр гав һазьр бьн дәрһәԛа Йаһоԝа у Пʹадшатийа ԝи хәбәр дьн (Мәт. 24:14; Рʹом. 10:14). Ӧса әме чʹәʹв бьдьнә Иса. Мәʹник кӧ чьрʹа Иса һатә сәр әʹрде, әԝ бу, ԝәки дәрһәԛа Баве хԝә рʹастийе һин кә (Йуһʹн. 18:37). Ле әм гәрәке бир нәкьн, ԝәки ӧса жи фәрз ә кӧ әм ча хәбәр дьдьн. Ләма жи чахе әм тʹәви мәрьва дәрһәԛа Йаһоԝа хәбәр дьдьн, әм гәрәке бь нәрми у бь мьлуктийе хәбәр дьн. Ӧса жи әм гәрәке фькьред мәрьва һьлдьн һʹәсаб у ԛәдьре баԝәрийа ԝан бьгьрьн (1 Пәт. 3:15). Һьнге әме нә кӧ тʹәне хәбәр дьн, ле ԝана һин кьн у дьбәкә рʹастийе бьгьһиньнә дьле ԝан. Һәрге хушк йан бьракирʹа ширәт лазьм ә, рʹуспи гәрәке хԝә паш нәхьн ширәте бьдьн. Ле һәмьки әԝана бона ве йәке ԝе ԝәʹде рʹаст бьжберьн, сәва әԝ шәрми нәбә. w20.03 18-19 ¶2-4

Әм дәрһәԛа чь дькарьн Йаһоԝарʹа дӧа бькьн? Әм дькарьн Йаһоԝарʹа дӧа бькьн, ԝәки «баԝәрийа мә зедә кә» (Луԛа 17:5; Йуһʹн. 14:1). Мәрʹа баԝәри лазьм ә, чьмки Шәйтʹан ԝе һʹәму шагьртед Иса бьщерʹьбинә (Луԛа 22:31). Ле гәло чаԝа баԝәри дькарә али мә бькә? Һәрге мә алийе хԝәда һʹәму тьшт кьрийә, ле диса жи проблем майә, баԝәри ԝе али мә бькә бәрхԝә нәкʹәвьн, әве чәтьнайе бьдьнә дәсте Йаһоԝа у һивийа ԝи бьн. Чахе әм итʹбарийа хԝә ԝи тиньн, кӧ әԝ жь мә четьр занә чь гәрәке бькә, әме дьлрʹьһʹәт бьминьн у әʹдьлайеда бьн (1 Пәт. 5:6, 7). Фьрԛи тʹӧнә әм рʹасти чь тәнгасийа жи тен, дӧа али мә дькә дьлрʹьһʹәтийе ӧнда нәкьн. Дина хԝә бьдьнә мәсәла Роберт, рʹуспики амьн, кӧ 80 сали зедәтьр ә. Әԝ гьли дькә: «Ширәта жь Филипи 4:6, 7, гәләк тәнгасийада али мьн дькьр. Мәсәлә, алийе пʹәрада чәтьнайед мьн һәбун, у ӧса жи ԝәʹдәки әз ида рʹуспи нибум». Ле гәло чь али Роберт дькә, ԝәки нава чәтьнайада дьлрʹьһʹәтийе ӧнда нәкә? Әԝ дьбежә: «Һәма чаԝа кӧ әз дәстпедькьм бәрхԝә кʹәвьм, әз дәрберʹа дӧа дькьм. Әз тʹәхмин дькьм ԝәки чьԛас дӧа дькьм, һаԛас һе дьле мьн рʹьһʹәт дьбә». w19.04 9-10 ¶5-7

Зорбәтийа һьндава зарʹа бәр Хԝәде гӧнәки гьран ә. Чахе мәрьв һьндава мәрьве майин гӧнә дькә, әԝ ӧса жи бәр Йаһоԝа гӧнә дькә. Дина хԝә бьдьнә мәсәләкә жь Ԛануне, кӧ Хԝәде дабу Исраелийа. Ԛанунеда дьһатә готьне, кӧ һәрге мәрьв мәрьвәки дьн шеландийә, йан жи һьндава ԝида ԛәлпи кьрийә, әԝи «борще хԝә ль бәр Хӧдан» нәԛәдандийә, демәк һьндава Хԝәде нәамьни дайә кʹьфше (Ԛан. Кʹаһ. 6:2-4). Бәле, һәрге кәсәк жь щьвате зорбәти зарʹе кьрийә, жь бо чь жи зарʹ ида бехофийе тʹәхмин накә, әԝ һьндава Хԝәде нәамьн ә. Әԝ ӧса жи наве Йаһоԝа гәләк беһӧрмәт дькә. Бәле, зорбәти һьндава зарʹа, бәр Хԝәде гӧнәки гәләк мәзьн у һʹәрам ә. Готарада жь «Бьрща Ԛәрәԝьлийе» у «Һʹьшйар Бьн!», дьһатә готьне, кӧ ча әԝ зарʹ зорбәти кʹижана кьрьнә, дькарьн бәр ԝи дәрди тәйах кьн, ча мәрьвед дьн дькарьн али ԝан бькьн у дьлбинийе бьдьнә ԝан, у ча де-бав дькарьн зарʹед хԝә хԝәй кьн. Рʹуспи сәр һʹиме Кʹьтеба Пироз, һур бь һур рʹебәри дьстиньн, кӧ чь гәрәке бькьн чахе кәсәки зорбәти зарʹа кьрийә. Тʹәшкиләт бәрдәԝам дькә леколин кә, кӧ щьват гәрәке чь бькьн, чахе педьһʹәсьн дәрһәԛа зорбәтийа сексуали һьндава зарʹа. w19.05 9 ¶8-9

Хәбәра Хԝәде мина шуре туж ә, кӧ дькарә һʹәму дәрәԝед Шәйтʹан әшкәрә кә (Әфәс. 6:17). Мәсәлә, Хәбәра Хԝәде әшкәрә дькә әве дәрәԝе, кӧ йанчь мьри тʹәви саха дькарьн хәбәр дьн (Зәб. 146:4). Әԝ ӧса жи дьбежә, ԝәки тʹәне Йаһоԝа дькарә дәрһәԛа ахьрийе бежә (Иша. 45:21; 46:10). Һәрге әм Хәбәра Хԝәде һәртʹьм дьхуньн у сәр дьфькьрьн, әме һе һазьр бьн у ԛәԝи бьн бона ве йәке, ԝәки инкʹар кьн у нәфрʹәт кьн дәрәԝед кӧ рʹӧһʹед хьраб дьхԝазьн әм баԝәр кьн. Ләма жи инкʹар кьн һʹәму тьштед кӧ сербазийева гьредайи нә. Чаԝа Мәсиһийед рʹаст, әм тʹӧ щурʹә сербазийе накьн. Мәсәлә, әм начьнә бал кʹочʹәка у нә жи тьштәки дькьн сәва йанчь тʹәви мьрийа хәбәр дьн. Әм ԛәйд-әʹдәтед чʹәʹлкьрьна мьрийава гьредайи, накьн, чьмки әԝана сәр һʹиме һинкьрьна ԛәлп ьн, кӧ йанчь мьри бәрдәԝам дькьн щики дьжин. У әм ӧса жи стәйрнасийе у кʹочʹәктийе надьнә хәбате сәва дәрһәԛа ахьрийе пебьһʹәсьн. Әм заньн ԝәки әԝ һʹәму шьхӧл гәләк хоф ьн у дькарьн мә незики Шәйтʹан у щьна бькьн. w19.04 21-22 ¶8-9

Мәрьвед кӧ сәрԝахтийа ве дьне ԛәбул дькьн, дькʹәньн сәр принсипед Кʹьтеба Пироз дәрһәԛа намусийе, чьмки дьфькьрьн кӧ нәреали йә ԝан принсипа биньн сери. Мәрьвед ԝи щурʹәйи пьрсе дьдьнә хԝә: «Чьрʹа Хԝәде пе хԝәстьнед сексуали әм әʹфьрандьнә, у паше мәрʹа дьбежә, ԝәки пәй ԝан хԝәстьна нәчьн?» Әԝ пьрс бал ԝан пешда те, чьмки ньһерʹандьна ԝан нәрʹаст ә. Әԝана дьфькьрьн кӧ дьле мәрьв чь дьхԝазә, гәрәке ве жи бькә. Ле Кʹьтеба Пироз щурʹәки майин һин дькә. Әԝ һин дькә кӧ әм гәрәке пәй һәр хԝәстьнед хԝә нәчьн у хԝә контрол кьн (Колс. 3:5). Хенщи ве йәке, Йаһоԝа мәрьвед зәԝьщирʹа пʹешкʹеш дайә, сәва бькарьбьн һʹәԝщед хԝәйә сексуали лайиԛ рʹази кьн (1 Корн. 7:8, 9). Бәле, Кʹьтеба Пироз дәрһәԛа сексе ньһерʹандьна рʹаст һин дькә у дьбежә, ԝәки һәләԛәтийа ортʹа жьн-мер ләзәте тинә (Мәтʹлк. 5:18, 19). Ле әԝ ӧса жи дьбежә: «Бьра жь ԝә һәр кәс жи заньбә ԛальбе хԝә һʹәлал у бь намуси хԝәй кә, нә бь хԝәстьна тәме хьраб» (1 Тʹеслн. 4:4, 5). w19.05 22-23 ¶7-9

Хԝәде ԝе нәһелә, ԝәки сәрԝеред дьнйайе щьмәʹта ԝи кʹӧта кьн. Щьмәʹта Йаһоԝа бь фьрнаԛи наве ԝи һьлданә сәр хԝә, у гӧрʹа тʹәмийа ԝи кьрьнә кӧ жь Бабилона Мәзьн дәркʹәтьнә (Кʹар. Шанд. 15:16, 17; Әʹйан. 18:4). Әԝана ӧса жи алийе хԝәда һәр тьшти дькьн, сәва али мәрьвед дьн жи бькьн жь Бабилона Мәзьн аза бьн. Ләма жи хьзмәткʹаред Йаһоԝа ԝе «жь бәлайед ԝе пʹаре нәстиньн». Ле йәкә баԝәрийа ԝан ԝе бе щерʹьбандьне (Һәзԛл. 38:2, 8). Паши кʹӧтакьрьна һʹәму религийед ԛәлп, щьмәʹта Хԝәде ԝе бьбә мина бахәкә кӧ ԝәʹде фьртонә хьлаз буйә. Шәйтʹан һьнге ԝе гәләк һерс кʹәвә. Әԝ ԝе һерса хԝә бь ве йәке бьрʹежә, кӧ пропаганда щьна, демәк «гьлийед һʹәрам» бьдә хәбате, сәва коалисйа дәԝләта, демәк йәктийа һʹәму сәрԝеред дьнйайе, һелан кә кӧ пәй хьзмәткʹаред Йаһоԝа кʹәвә (Әʹйан. 16:13, ДТʹ, 14). Әԝ коалисйа дәԝләта те навкьрьне «Гог жь әʹрде Магоге». Чахе әԝ мьԛабьли щьмәʹта Йаһоԝа дәре, һьнге шәрʹе Һармәгәдон ԝе дәстпебә (Әʹйан. 16:16). w19.09 11 ¶12-13

Ԝәде Исраела бәре, Шәйтʹан дине ԛәлп да хәбате, сәва ԝана бькә нав бенамусийе. Иро жи әԝ ӧса дькә. Динед ԛәлп чʹәʹве хԝә дадьдьн сәр бенамусийе у һәла һе жи кьред бенамуси ԛәбул дькьн. Ахьрийа ве йәке әԝ ә, кӧ гәләк мәрьв дьбежьн, ԝәки Хԝәдерʹа хьзмәт дькьн, ле гӧрʹа принсипед ԝийә намусийе накьн. Паԝлосе шанди Рʹомайарʹа нәʹма хԝәда гот, кӧ ахьрийа ве йәке чь йә (Рʹом. 1:28-31). Һʹәму щурә бенамуси, демәк һомосексуалти жи, дькʹәвьн нава ԝан «тьштед нәщайиз» (Рʹом. 1:24-27, 32; Әʹйан. 2:20). Чьԛас фәрз ә, ԝәки әм хԝә ԛәԝи ль һинкьрьнед Кʹьтеба Пироз бьгьрьн. Философийа мәрьва, принсипед Йаһоԝа пьшт гӧһе хԝәва давежә у һьн жи мьԛабьли ван принсипа дәрдькʹәвә. Әԝ һелан накә, ԝәки әм бәре рʹӧһʹе Хԝәдейи пироз нав хԝәда пешда биньн, ле бәрбь «кьред бьнйатʹа инсен» һелан дькә (Галт. 5:19-23). Әԝ философийа мәрьва һелан дькә, ԝәки ԛӧрʹә у бабах бьн. Ахьрийа ве йәке әԝ ә, кӧ мәрьв дьбьнә «хԝәһʹьз» (2 Тимтʹ. 3:2-4). Әԝ һʹӧнӧр мьԛабьли шкәстибуне, демәк мьлуктийе йә, кӧ бал хьзмәткʹаред Хԝәде гәрәке һәбә (2 Сам. 22:28). w19.06 5-6 ¶12-14

Елйас Йаһоԝарʹа ԝәде гьранда хьзмәт дькьр у рʹасти чәтьнайед мәзьн һат. Йаһоԝа готә Елйас, ԝәки һьнә щабдарийед хԝә бьдә Елиша. Бь ве йәке, Йаһоԝа һәваләки баш да Елйас, кʹижани баре ԝи сьвьк кьр у бәр дьле ԝида һат. Һәрге һәвале мәйи ӧса һәйә, кӧ әм итʹбарийа хԝә ԝи тиньн, әԝ дькарә дәрде мә сьвьк кә у дьле мә рʹьһʹәт кә (2 Пʹадш. 2:2). Һәрге кәсәки ӧса тʹӧнә, кӧ һун бькарьбьн дьле хԝә жерʹа вәкьн, Йаһоԝарʹа дӧа бькьн, ԝәки һун Мәсиһийед рʹӧһʹанида гьһишти хԝәрʹа бьвиньн, кʹижан кӧ ԝе дьл бьдә бәр ԝә. Йаһоԝа али Елйас кьр, ԝәки бәр стресе тәйах кә у гәләк сала бь амьни хьзмәт кә. Сәрһатийа Елйас һевийе дьдә мә. Дьԛәԝьмә ԝәʹдәкида стрес у чәтьнайед гьран пәй һәв рʹасти мә бен, кʹижан кӧ мә сьһʹәт-ԛәԝатеда у емосийалида сьст кьн. Ле һәрге чʹәʹве мә сәр Йаһоԝа йә, әԝ ԝе ԛәԝате бьдә мә, сәва бәрдәԝам кьн жерʹа хьзмәт кьн (Иша. 40:28, 29). w19.06 15 ¶4; 16 ¶9-10

Әм дькарьн мерхасийа хԝә зедә кьн, һәрге мьзгинийа Пʹадшатийе мәрьварʹа гьли кьн. Чьрʹа? Чьмки ԝәʹде хьзмәтийе әм һин дьбьн итʹбарийа хԝә Йаһоԝа биньн у тьрса бәр мәрьва алт кьн. Чахе әм спортева мьжул дьбьн, масулкед (чʹил) мә ԛәԝи дьбьн, мина ве йәке чахе әм мал бь мал, щийед кӧ гәләк мәрьв тʹоп дьбьн, нәформал у щийед хәбате мьзгинийе бәла дькьн, мерхасийа мә ԛәԝи дьбә. Һәрге әм ньһада ԝәʹде хьзмәтийе мерхасийа хԝә зедә кьн, әме һе рʹьнд һазьр бьн мьзгинийе бәла кьн һьнге жи, һәрге шьхӧле мә бе ԛәдәхәкьрьне (1 Тʹеслн. 2:1, 2). Әм дькарьн жь мәсәла хушка амьн кӧ мерхас бу, дәрсе хԝәрʹа һин бьн. Ненси Йуед бәжн-баледа метьр нив бу, ле мерхасийа ԝе гәләк мәзьн бу. Әԝ ԛайил нәбу, ԝәки бәлакьрьна мьзгинийа Пʹадшатийе бьдә сәкьнандьне. Ахьрийа ве йәке әԝ бу, кӧ әԝ ԝәкә 20 сали кәла Чинайеда рʹуньшт. Мәрьвед дәԝләте, йед кӧ ле дьщерʹьбандьн у пьрс дьданә ԝе, готьн ԝәки ԝәлате ԝанда, әԝ «мәрьвәкә лапә сәрһʹьшк» бу. w19.07 5 ¶13-14

Һьнә мәрьварʹа һʹәԝас ә дәрһәԛа рʹастийа жь Кʹьтеба Пироз пебьһʹәсьн, һьнәкарʹа жи һʹәԝас нинә. Әм дькарьн ӧса бькьн, ԝәки һʹәԝаса ԝан пешда биньн. Сәва хьзмәтийеда пешдачуйи бьн, әм гәрәке хԝә рʹьнд һазьр кьн. Бона ве йәке, чәнд тʹемед конкрет бьжберьн, кӧ ԝе ԝан мәрьварʹа һʹәԝас бьн, рʹасти кʹижана һуне бен. Паше бона ԝан һәр тʹема, пешхәбәрʹа һазьр кьн. Мәсәлә, һун дькарьн жь хԝәйе мале бьпьрсьн: «Изьн ә әз тьштәки жь ԝә бьпьрсьм? Гәләк мәрьв иро рʹасти проблемед мәзьн тен. Бь тʹәхмина ԝә, чь щурә сәрԝерти лазьм ә, сәва проблемед инсанәте сафи кә?»  Паше һун дькарьн тʹәви ԝан Данийел 2:44 шеԝьр кьн. Йан жи дьбәкә һун жь хԝәйе мале бьпьрсьн: «Ча һун дьфькьрьн, мәрьв ча дькарьн зарʹед хԝә ӧса мәзьн кьн, ԝәки рʹабун-рʹуньштьна ԝан баш бә? Әз дьхԝазьм фькьред ԝә пебьһʹәсьм һәрге изьн ә». Паше шеԝьр кьн Ԛануна Дӧщари 6:6, 7. Бешьк дькарьн бежьн, ԝәки әм гәләк ша дьбьн чахе али мәрьва дькьн кӧ бьбьнә шагьртед Мәсиһ. w19.07 15 ¶4, 6-7

Бьраки мә кӧ Рʹоһьлата Дурда хьзмәт дькә, кʹидәре кӧ мәрьвед нәбаԝәр дьжин, дьбежә: «Бь рʹасти чахе ԝьра мәрьв дьбежә: ‹Әз Хԝәде баԝәр накьм›, әԝ дьхԝазә бежә, ԝәки әԝ ԝан хӧдана наһʹәбинә, кʹижан кӧ бь әʹдәти мәрьвед ԝьра дьһʹәбиньн. Ләма жи әз ԝанрʹа гәләк щар ԛайил ьм, кӧ һʹәчʹи зәʹф хӧдан бь дәсте мәрьва тенә чекьрьне у сах ниньн. У әз ԝанрʹа гәләк щар Йерәмйа 16:20 дьхуньм у дьпьрсьм: ‹Ле ча әм дькарьн тедәрхьн, һәла кʹижан хԝәде реали йә, ле кʹижан мәрьва хԝәха чекьрийә йан жи бәр хԝә дәрхьстийә?› Әз рʹьнд гӧһ дьдьм щаба ԝан, у паше ԝанрʹа дьхуньм Ишайа 41:23: ‹Гьли кьн мәрʹа ахьрийеда ԝе чь бьԛәԝьмә, у әме бьзаньбьн кӧ һун хӧдан ьн, ДТʹ›. Паше әз пʹехәмбәртике нишани ԝан дькьм, кʹижан кӧ Йаһоԝа пешда дәрһәԛа ахьрийе готийә». Бьраки жи гьли дькә: «Әз ԝанрʹа нишан дькьм биланийа жь Кʹьтеба Пироз, пʹехәмбәртийед жь Кʹьтеба Пироз кӧ һатьнә сери, у ԛанун кʹижан кӧ гәрдуне контрол дькьн. Паше әз ԝанрʹа нишан дькьм чаԝа әԝ һәр тьшт әʹйан дькә, ԝәки Әʹфьрандаре сах у билан һәйә. Гава әԝ мәрьв ԛайил дьбә, кӧ дьбәкә жи Хԝәде һәйә, әз ԝирʹа нишан дькьм, ԝәки Кʹьтеба Пироз чь дьбежә дәрһәԛа Йаһоԝа». w19.07 23-24 ¶14-15

Нава тьштед һәрә ԛәнщда ньн, пирозкьрьна наве Йаһоԝа, ԛьрара ԝи, әʹдьлайи у йәктийа щьвате (Мәт. 6:9, 10; Йуһʹн. 13:35). Чахе әʹмьре мәда әԝ тьшт сәр щийе пешьн ьн, әм избат дькьн ԝәки әм Йаһоԝа һʹьз дькьн. Паԝлосе шанди ӧса жи гот, ԝәки әм гәрәке «ширһʹәлал» бьн. Әԝ гьлийе Йунани щара те һʹәсабе «бекемаси». Йаһоԝа ԝе мә һʹәсаб кә ширһʹәлал, демәк бекемаси, һәрге әм алийе хԝәда һәр тьшти бькьн, сәва һʹьзкьрьна хԝә зедә кьн у тьштед фәрз дайньн щийе пешьн. Мәсәлә, әм һʹьзкьрьне нишан дькьн ӧса жи бь ве йәке, кӧ набьнә сәбәбе лькʹӧмандьна тʹӧ кәси. Беләкʹә бьн, демәк тʹӧ кәсирʹа нәбьнә сәбәбе лькʹӧмандьне, тʹәмикә гәләк фәрз ә. Ле ча әм дькарьн кәсәки бьлькʹӧминьн? Әм дькарьн ԝана бьлькʹӧминьн бь ве йәке,  кӧ чь ԝәʹдәдәрбазкьрьна дьжберьн, чь кʹьнщ дьжберьн, йан һәла һе жи чь хәбате ԛәбул дькьн. Дьбәкә әм һәма ԝан тьшта накьн, чь кӧ бәр чʹәʹве Йаһоԝа хьраб ә, ле һәрге бьжартьнед мә сәр исафа кәсәки хьраб һʹӧкӧм дьбьн, йан жи әԝ кәс дьлькʹӧмә, әԝ йәк ида тьштәки гәләк хоф ә (Мәт. 18:6). w19.08 10 ¶9-11

Бәле, жь сала 1935 Шәʹдед Йаһоԝа фәʹм кьрьн, ԝәки әʹлаләта мәзьн жь хәԝн-хәйала Йуһʹәнна, әԝ һәйә Мәсиһийед амьн, йед кӧ ԝе жийина һʹәта-һʹәтайе сәр әʹрде бьстиньн (Әʹйан. 7:9, 10). У сәва кӧ әԝана ԝәʹде тәнгасийа мәзьн хьлаз бьн, әԝ әʹлаләта мәзьн гәрәке дәрһәԛа Йаһоԝа пешийа Һʹәзарсалийе бенә һинкьрьне. Баԝәрийа ԝан гәрәке ԛайим бә, сәва кӧ «бькарьбьн жь ԝан һʹәму тьштед» кӧ ԝе пешийа Һʹәзарсалийа Сәрԝертийа Мәсиһ бьԛәԝьмьн, «бьрʹәвьн-хьлаз бьн» (Луԛа 21:34-36). Әԝед кӧ дькʹәвьнә нава әʹлаләта мәзьн, һевийа хԝәрʹа ша дьбьн. Әԝана фәʹм дькьн, ԝәки Йаһоԝа сафи дькә, кӧ хьзмәткʹаред ԝийи амьн кʹидәре жерʹа хьзмәт кьн, сәр әʹрде йан сәр әʹзмана. Мәсиһийед бьжарти у әʹлаләта мәзьн фәʹм дькьн, ԝәки әԝана хәлата хԝә дьстиньн жь рʹәʹм у ԛәнщийа Йаһоԝайә мәзьн, бь сайа ԛӧрбана Иса Мәсиһ (Рʹом. 3:24). w19.09 28 ¶10; 29 ¶12-13

Ԝә стандийә кʹьфшкьрьна тʹәзә? Нәфькьрьн ԝәки ԝә кʹьфшкьрьна тʹәзә станд, чьмки ԝә шьхӧле хԝә нәбаш дькьр, йан жи ида һун нәлазьм ьн. Чʹәʹв бьдьнә Мәсиһийед амьн йед ԛьрʹна йәке. Фьрԛи тʹӧнә әԝана кʹидәре бун, әԝана «дьгәрʹийан, Мьзгинийа хәбәре дьдан» (Кʹар. Шанд. 8:1, 4). Һәрге һун бәрдәԝам кьн бь хирәт хьзмәт кьн, һуне бәред баш бьстиньн. Мәсәлә, жь ԝәлатәки пешәнг аксор кьрьн шандьн ԝәлатәки незик, ле ԝедәре жи һʹәԝщәтийа мьзгинвана һәбу сәр зьмане ԝан пешәнга. У ԝедәре нава чәнд мәһада, кʹомед сәр зьмане ԝан һе зедә бун. Шабуна мә гәрәке пешийе Йаһоԝа бә. Ләма жи незики Йаһоԝа бьминьн, итʹбарийа хԝә биланийа ԝи, рʹебәри у аликʹарийа ԝи биньн. Бир нәкьн, ԝәки ԝә кʹьфшкьрьна хԝәйә бәре һʹьз кьр, чьмки бь дьл хԝәст али мәрьвед ԝедәре бькьн. Кʹьфшкьрьна тʹәзәда жи бь дьл у щан һәр тьшти бькьн, у һуне бьвиньн ча Йаһоԝа али ԝә дькә, кӧ кʹьфшкьрьна хԝәйә тʹәзә жи һʹьз бькьн (Ԝаиз 7:10). w19.08 24-25 ¶15-16

Әм гәрәке гӧрʹа Йаһоԝада бьн, чьмки әԝ Әʹфьрандаре мә йә. Ләма тʹәне изьна ԝи һәйә, кӧ мәрʹа бежә ча бьжин (Әʹйан. 4:11). Ле мәʹник жи кӧ чьрʹа әм гәрәке гӧрʹа ԝи бькьн, әԝ ә, кӧ сәрԝертийа Йаһоԝа щурʹе лапи баш ә. Нава тʹәрихийеда, гәләк сәрԝер сәр мәрьва һʹӧкӧмтийе дькьн. Ле дьнйайеда тӧ кәс нькарә ԝәкә Йаһоԝа бь билани, һʹьзкьрьн, рʹәʹм у бь дьлшәԝати сәрԝертийе бькә (Дәркʹ. 34:6; Рʹом. 16:27; 1 Йуһʹн. 4:8). Әм гӧрʹа Йаһоԝада ньн, чахе һәр тьштида гӧһдарийа ԝи дькьн, у итʹбарийа хԝә һʹьш-аԛьле хԝә найньн кӧ хԝәха сафи кьн чь баш ә чь хьраб ә (Мәтʹлк. 3:5). Мәрʹа ԝе һеса бә гӧрʹа Йаһоԝада бьн, һәрге хәйсәт-һʹӧнӧред ԝи рʹьнд бьзаньбьн. Чьрʹа әԝ йәк ӧса нә? Чьмки һʹӧнӧред ԝи һәр кьре ԝида тенә кʹьфше (Зәб. 145:9). Әм чьԛас зедә дәрһәԛа Йаһоԝа пебьһʹәсьн, һаԛас әме һе ԛайим ԝи һʹьз бькьн. У һәрге әм Йаһоԝа һʹьз дькьн, мәрʹа гәләк ԛәйд у ԛанун нәлазьм ьн, кʹидәре бе готьне әм гәрәке чь бькьн у чь нәкьн. w19.09 14 ¶1, 3

Шәйтʹан пе дәрәԝед хԝә дәрдед мәрьва зедә дькә у әʹмьре ԝан беһеви дькә. Мәсәлә, әԝ дьхԝазә мә бьдә баԝәркьрьне, ԝәки Йаһоԝа гӧнед мә набахшинә у мә һʹьз накә (Йуһʹн. 8:44). Ле бь рʹасти чахе әм тенә бал Мәсиһ, гӧнед мә тенә бахшандьне у Йаһоԝа жи мә һәр кәси гәләк һʹьз дькә (Мәт. 11:28). Дәрәԝед Шәйтʹан рʹасти жи мәрьва дьԛӧрӧфиньн! (Рʹом. 8:32, 38, 39) Баре кӧ Иса дьбежә мә һьлдьн, щӧдә дьбә жь баред майин кӧ әм мәщбур ьн һьлдьн. Мәсәлә, хьлазийа рʹоже, чахе әм жь хәбате тен, әм нә тʹәне ԝәстийайи нә, ле ләзәте жи навиньн. Ле чахе әм ԝәде хԝә хәрщ дькьн, гава дьчьн Йаһоԝарʹа у Мәсиһрʹа хьзмәт дькьн, әм бь шабуне тʹьжә у дьлрʹьһʹәт вәдьгәрʹьн. Дьбәкә чахе әм ԝәстийайи нә, зоре хԝә дькьн һәрʹьн щьвате. Ле чахе әм жь щьвате вәдьгәрʹьн мал, әм гәш у бь ԛәԝата тʹәзә вәдьгәрʹьн. Әм һьнге жи ләзәте дьвиньн чахе жь хьзмәтийе вәдьгәрʹьн у чахе Кʹьтеба Пироз леколин дькьн. Әԝ шабун у ԛәԝата кӧ әм дьстиньн, пʹьр бьльнд ә һьмбәри щәфе мә. w19.09 20 ¶1; 23-24 ¶15-16

Гәләк һьндьк майә, кӧ рʹожа Йаһоԝа дәстпебә, ләма жи Йаһоԝа дьхԝазә, ԝәки әм шьхӧле бәлакьрьна мьзгинийеда хирәт бьн. Әм гәрәке һәр тьшти бькьн, сәва «шьхӧле Хӧданда пешда» һәрʹьн (1 Корн. 15:58). Чахе Иса хәбәр да дәрһәԛа ԛәԝьмандьнед фәрз, кӧ рʹожед ахьрийеда гәрәке бьԛәԝьмьн, паше әԝи зедә кьр: «Гәрәке пешийе Мьзгини һʹәму мьләтарʹа бе дайине» (Марԛ. 13:4, 8, 10; Мәт. 24:14). Һәла бьфькьрьн: Бьдьнә һʹьше хԝә, һәр гав чахе һун дьчьнә хьзмәтийе, һун әве пʹехәмбәртийа Кʹьтеба Пироз тиньн сери. Шьхӧле бәлакьрьна мьзгинийе, сал бь сал пешда дьчә. Мәсәлә, бьфькьрьн кӧ ԝан рʹожед ахьрийеда нав тʹәмамийа дьнйайе һәжмара мьзгинвана чьԛас зедә буйә. Сала 1914-да, 43 ԝәлатада 5 155 мьзгинван һәбун. Ле иро ԝәкә 8.5 милйон мьзгинван һәнә 240 ԝәлатада! Йәкә, шьхӧле мә һе хьлаз нәбуйә. Әм гәрәке бәрдәԝам кьн мәрьварʹа гьли кьн, ԝәки тʹәне Пʹадшатийа Хԝәде дькарә һʹәму проблемед инсанәте бьдә һьлдане (Зәб. 145:11-13). w19.10 8 ¶3; 9-10 ¶7-8

Йаһоԝа Барзиллай да хәбате, сәва али Даԝьд Пʹадша бькә. Чахе Даԝьд у мәрьвед кӧ тʹәви ԝи бун, жь кӧрʹе ԝи Абшалом дьрʹәвийан, әԝана тʹи, бьрʹчи у ԝәстийайи бун. Мерәки әʹмьрда мәзьн Барзиллай тʹәви мәрьвед дьн, әʹмьре хԝә кьрә бьн ԛәзийе, сәва аликʹарийе бьдә Даԝьд у йед кӧ тʹәви ԝи бун. Барзиллай нәфькьри кӧ әԝ әʹмьрда мәзьн ә, бона Йаһоԝа керһати нинә у нькарә тьштәки бькә. Дәԝсе, чь кӧ дәсте ԝида һәбу, әԝи бь мәрʹдани да хәбате, сәва али хьзмәткʹаред Хԝәде бькә, чьда әԝана һʹәԝщә бун (2 Сам. 17:27-29). Әм жь ве йәке чь дәрсе хԝәрʹа һин дьбьн? Фьрԛи тʹӧнә әм чәнд сали нә, Йаһоԝа дькарә мә бьдә хәбате, сәва әм һьн мьһала хԝәда ӧса жи ԝәлатед майинда, али хушк-бьра бькьн чьда әԝана һʹәԝщә нә (Мәтʹлк. 3:27, 28; 19:17). Һәрге жи әм рʹастә-рʹаст нькарьн али ԝан бькьн, әм дькарьн бона шьхӧле һʹәмдьнйайе пʹәра ԛӧрбан кьн, кʹижан кӧ те хәрщкьрьне бона аликʹарийа ԝан хушк-бьра, йед кӧ ԝәде хәзәбе зийане дьстиньн, у щийе кӧ һʹәԝщәти һәйә (2 Корн. 8:14, 15). w19.10 21 ¶6

Дьбәкә кәсәки әм данә хәйдандьне у дьле мә ешандийә, ләма мәрʹа ида чәтьн ә мәрьварʹа дьле хԝә вәкьн (Мәтʹлк. 18:19, 24). Йан жи дьбәкә бь тʹәхмина мә, ԝәʹдә у ԛәԝата мә тʹӧнә, сәва кәсәкирʹа бьбьнә һәвале незик. Ле әм гәрәке нәфькьрьн, кӧ әԝ ԝе нәйе стандьне. Һәрге әм дьхԝазьн, ԝәки хушк-бьра ԝәде тәнгасийа кʹеләка мә бьн, әм гәрәке ньһада ида һин бьн итʹбарийа хԝә ԝана биньн у дьле хԝә ԝанрʹа вәкьн. Әԝ гавәкә фәрз ә бона һәвалтийа рʹаст (1 Пәт. 1:22). Иса дьда кʹьфше, ԝәки итʹбарийа хԝә һәвалед хԝә тинә, чьмки чь дьле ԝида һәбу әԝи ԝанрʹа гьли дькьр (Йуһʹн. 15:15). Әм жи дькарьн чʹәʹв бьдьнә ԝи ве йәкеда, кӧ чахе әм тьштәкирʹа ша дьбьн, йан бона тьштәки бәрхԝә дькʹәвьн, йан чахе әм дьлшкәсти нә, һәвалед хԝәрʹа гьли кьн. Чахе кәсәк ԝәрʹа хәбәр дьдә, рʹьнд гӧһ бьдьнә ԝан у һуне бьвиньн, ԝәки фькьр, һәст у нетед ԝи, дьбәкә мина йе ԝә нә. Һәрге һун пешийе хԝәха дьле хԝә вәкьн, ԝе һәвалтийа ԝә дьһа ԛәԝи бә (Мәтʹлк. 27:9). w19.11 4 ¶8-9

Ԝәде тәнгасийа мәзьн, мьзгинийа кӧ әм иро бәла дькьн, дьбәкә ԝе бе гӧһастьне. Ньһа әм мьзгинийа дәрһәԛа Пʹадшатийе бәла дькьн у әм чьԛас дькарьн, мәрьва дькьнә шагьрт. Ле ԝи чахи әм дьбәкә ида әʹламәтийа ӧса бәла кьн, кӧ мина тәйрокед гьр бә (Әʹйан. 16:21). Дьԛәԝьмә әме әʹлам кьн, кӧ дьнйа Шәйтʹан ԝе зутьрәке кʹӧта бә. Ԝәʹдәда әме пебьһʹәсьн, кӧ әʹламәтийа мә ԝе чь бә у чаԝа әм гәрәке әве әʹламәтийе бәла кьн. Гәло әме диса ԝан метода бьдьнә хәбате, йан жи дьбә кӧ әме методед дьн бьдьнә хәбате? Әм гәрәке һивийе бьн у бьвиньн. Чь жи һәбә, йәкә әме бь мерхаси дәрһәԛа диԝана Йаһоԝа әʹлам кьн (Һәзԛл. 2:3-5). Дьбәкә әԝ әʹламәти кӧ әме һьнге бәла кьн, ԝе һерса мьләта бинә у әԝана ԝе бьхԝазьн мә һʹәта-һʹәтайе бьдьнә кәркьрьне. Ле чаԝа кӧ иро хьзмәтийеда әм итʹбарийа хԝә Йаһоԝа тиньн, һьнге жи әм гәрәке итʹбарийа хԝә ԝи биньн. Әм дькарьн дӧдьли нәбьн, ԝәки Хԝәдайе мә ԝе ԛәԝате бьдә мә, сәва ԛьрара ԝи биньн сери (Мих. 3:8). w19.10 16 ¶8-9

Ве рʹезеда хәбәра хальфандьн дьдә кʹьфше, ԝәки әм дькарьн һе зедә у зедә пәй тьштед ӧса кәвьн, кʹижан кӧ мәрʹа нәлазьм ьн. Ԝи щурʹәйи дьле мәда дькарә «гәләк тәʹмед ахмах у зийанкʹар» пешда бен (1 Тимтʹ. 6:9). Ле дәԝса кӧ әԝан хԝәстьнед нәрʹаст дьле хԝәда пешда биньн, әм гәрәке ԝана һʹәсаб кьн ча чʹәкед Шәйтʹан мьԛабьли мә. Бьдьнә бәр чʹәʹве хԝә, кӧ бал ԝә епʹещә пʹәрә һәйә сәва тьшта бькьрьн. Ле гәло хьраб ә, һәрге әм ԝан тьшта дькьрьн, кʹижан кӧ дьхԝазьн, ле бь рʹасти мәрʹа нәлазьм ьн? Дькарьн бежьн на. Ле бьфькьрьн сәр ԝан пьрса: Һәрге дәсте мәда һәйә, кӧ тьштәки бькьрьн, ле һаԛас ԝәʹдә у ԛәԝата мә һәйә сәва әԝан тьшта хԝәй кьн у бьдьнә хәбате? Дьбә кӧ әм ԝан тьшта һе зедә һʹьз бькьн у ԝанва бенә гьредане? Дьбә кӧ һʹьзкьрьна мәйә һьндава тьшта, мә бькә мина ԝи мерьки, йе кӧ тʹәглифкьрьна Иса ԛәбул нәкьр у нәхԝәст шьхӧле Хԝәде һе зедә бькә? (Марԛ. 10:17-22) Рʹасти жи чьԛас баш ә кӧ нәкʹәвьнә пәй пʹәра у һәбуке, у ԝәʹдә у ԛәԝата хԝә хәрщ кьн кӧ ԛьрара Хԝәде биньн сери! w19.11 17-18 ¶15-16

Хԝәде дькарә ве йәке бькә дьле мә, кӧ әм сафикьрьна хԝә биньн сери (Фили. 2:13). Ләма жи жь Йаһоԝа рʹӧһʹе пироз бьхԝазьн, сәва ԛәԝате бьдә ԝә нета хԝә биньн сери. Бәрдәԝам кьн дӧа бькьн, һәрге жи һун дьфькьрьн кӧ щаба дӧайе ԝә дәрәнги дькʹәвә. Чаԝа Иса гот: «Бьхԝазьн һуне [рʹӧһʹе пироз] бьстиньн» (Луԛа 11:9, 13). Ӧса жи хԝәрʹа плане чекьн. Сәва нет йан жи сафикьрьна хԝә һʹәта хьлазийе биньн сери, ԝәрʹа план лазьм ә. Паше ԝәрʹа лазьм ә хԝә ль ве плане бьгьрьн. Мәсәлә, ԝәде сафикьрьнәке конкрет хԝәрʹа бьньвисьн, кӧ ԝәрʹа чь лазьм ә сәва сафикьрьна хԝә биньн сери. Һун дькарьн шьхӧле мәзьн пʹарәвәкьн сәр шьхӧлед бьчʹук, сәва әԝи шьхӧли биньн сери. Паԝлосе шанди ширәт да Корьнтʹийа, ԝәки «һәр йәкшәм» пʹәре бона ԛӧрбане башԛә кьн, дәԝса кӧ һивийа Паԝлос бьн һʹәта әԝ бе у паше тʹоп кьн (1 Корн. 16:2). Һәрге әм шьхӧле мәзьн пʹарәвәкьн, мәрʹа ԝе баргьран нибә кӧ ԝан тьшта биньн сери. w19.11 29 ¶13-14

Әм дьбәкә дьфькьрьн, ԝәки Йаһоԝа нас дькьн, чьмки наве ԝи заньн, йан жи дәрһәԛа һьнә кьред ԝи. Ле әв найе һʹәсабе, ԝәки әм Йаһоԝа рʹьнд нас дькьн. Әм гәрәке ԝәʹдә хәрщ кьн, сәва дәрһәԛа Йаһоԝа у хәйсәт-һʹӧнӧред ԝи пебьһʹәсьн. Тʹәне һьнге әме бькарьбьн фәʹм кьн, кӧ чьрʹа әԝ ӧса дьфькьрә у чьрʹа ӧса дькә. Әԝ йәк ԝе али мә бькә тедәрхьн, һәла фькьр, сафикьрьн у кьред мә Йаһоԝа хԝәш тен йан на. Гава мә фәʹм кьр, кӧ Йаһоԝа чь дьхԝазә әм бькьн, әм гәрәке ван тьшта бькьн. Һьнә мәрьв дьԛәԝьмә мә дькʹәньн, кӧ әм дьхԝазьн Йаһоԝарʹа хьзмәт кьн, у дьбәкә мьԛабьли мә дәртен чахе әм дәстпедькьн һәрʹьнә сәр щьвата. Ле һәрге әм итʹбарийа хԝә Йаһоԝа биньн, әԝ ԝе тʹӧ щар мә нәһелә. Әме һʹим дайньн бона достийа хԝә тʹәви Хԝәде, кӧ ԝе һʹәта-һʹәтайе бьминә. Ле гәло әм рʹасти дькарьн Йаһоԝа рʹьнд нас бькьн? Бәле! w19.12 16-17 ¶3-4

Де-бав щара дьфькьрьн кӧ гәләк чәтьн ә зарʹа һин кьн, ле зарʹ пʹешкʹешед жь Йаһоԝа нә. Йаһоԝа һәр гав һазьр ә али ԝә бькә.  Әԝ бь дьл у щан гӧһ дьдә дӧайед де-бава. У әԝ щаба дӧайед ԝан дьдә пе Кʹьтеба Пироз, әʹдәбйәтед мә, ӧса жи пе мәсәлә у ширәтед хушк-бьред щерʹьбанди кӧ де-бав ьн. Һьнә мәрьв дьбежьн, ԝәки мәзьнкьрьна зарʹа 20 сала дькʹьшинә, ле де-бав диса жи де-бав дьминьн. Һьнә тьштед лапә баш, кӧ әԝана дькарьн бьдьнә зарʹед хԝә, әԝ һәнә һʹьзкьрьн, ԝәʹдә у һинкьрьна сәр һʹиме Кʹьтеба Пироз. Һʹәму зарʹ ԝе мина һәв ԛәбул нәкьн әве һинкьрьне. Ле гәләк жь ԝан зарʹа, кʹижана мәзьн кьрьнә де-бавед кӧ Йаһоԝа һʹьз дькьн, хԝә тʹәхмин дькьн мина хушкәкә жь Асйайе, Щоана Мае, йа кӧ гот: «Әз гәләк рʹази мә, ԝәки де-баве мьн чь щурʹәйи әз ширәт дькьрьм у һин дькьрьм, кӧ Йаһоԝа һʹьз бькьм. Ԝана нә тʹәне жийин данә мьн, ле жийина бәхтәԝар» (Мәтʹлк. 23:24, 25). Бь милйона хушк-бьред мә ӧса дьфькьрьн. w19.12 27 ¶21-22

Чәтьн нинә тедәрхьн, кӧ кʹижан хушк-бьрарʹа дьлбини лазьм ә. Һәрге мәрʹа чәтьн ә жи, йәкә әм гәрәке мәщала бьгәрʹьн, сәва аликʹарийе бьдьнә мәрьва. Мәсәлә, әм дьбәкә бәрхԝә дькʹәвьн, чьмки ньзаньн чь бежьн йан жи чь бькьн бона ԝан, йед кӧ кӧл-дәрда дькʹьшиньн. Ле йәкә әм дькарьн дьлбиникә мәзьн бьдьнә мәрьва, һәрге ԝанрʹа бьдьнә кʹьфше, кӧ әм бона ԝана хәм дькьн. Әм незики хьлазийа ве дьнйайе дьбьн, һале дьнйайе ԝе дьһа хьраб бә у әʹмьр жи ԝе дьһа чәтьн бә (2 Тимтʹ. 3:13). Һьн жи әме жь бо гӧнәкʹари у шашийед хԝә рʹасти проблема бен, у һьнге жи әме һʹәԝще дьлбинийе бьн. Чьрʹа Паԝлосе шанди ԝәде тәнгасийа амьн ма у сәбьр кьр, мәʹник әԝ ә, кӧ әԝи жь хушк-бьра дьлбини дьстанд. Һәрге әм чʹәʹв бьдьнә мәсәла ԝан, әме жи бькарьбьн али хушк-бьред хԝә бькьн, сәва әԝана баԝәрийеда ԛәԝи бьминьн (1 Тʹеслн. 3:2, 3). w20.01 12-13 ¶17-19

Йед бьжарти һивийе ниньн, ԝәки ԝана бьльнд кьн у башԛә кьн (Фили. 2:2, 3). Әԝана заньн, кӧ чахе Йаһоԝа әԝана кʹьфш кьрьн, Әԝи тʹӧ кәсирʹа дәрһәԛа ве йәке әʹлам нәкьр. Ләма йе кʹьфшкьри әʹщебмайи наминә, кӧ һьнәк дәрберʹа баԝәр накьн, ԝәки әԝ һатийә бьжартьне. Әԝ фәʹм дькә, ԝәки Кʹьтеба Пирозда те готьне, кӧ һәрге кәсәк дьбежә, ԝәки Хԝәде жерʹа щабдарийа мәхсус дайә, әм гәрәке дәрберʹа ԝи баԝәр нәкьн. Йе бьжарти чахе тʹәви мәрьва дьбә нас, ԝанрʹа набежә, ԝәки әԝ Мәсиһийе бьжарти йә, сәва дина мәрьва нәкʹьшинә сәр хԝә. У әԝ ӧса жи бона ве йәке, ԝе хԝә ԛӧрʹә нәкә у пʹайе хԝә нәдә (1 Корн. 4:7, 8). Мәсиһийед бьжарти бьжартийед майин нагәрʹьн бона ве йәке, кӧ тʹәви ԝан дәрһәԛа бьжартьна хԝә хәбәр дьн у шеԝьр кьн, у ӧса жи әԝана башԛә тʹоп набьн, сәва тʹәвайи Кʹьтеба Пироз леколин бькьн (Галт. 1:15-17). Һәрге бьжарти ԝан тьшта бькьн, йәктийа щьвате ԝе ӧнда бә, чьмки һәрге әԝана ӧса бькьн, әԝ те һʹәсабе кӧ әԝана мьԛабьли рʹӧһʹе пироз дәртен. Чьрʹа? Чьмки әԝ рʹӧһʹе пироз али щьмәʹта Хԝәде дькә, ԝәки әʹдьлайеда у йәктийеда бьн (Рʹом. 16:17, 18). w20.01 28 ¶6-7

Зу йан дәрәнг, мәрьвед кӧ религийа ԝан кʹӧта бә, дьбәкә һерс кәвьн, ԝәки чьрʹа религийа Шәʹдед Йаһоԝа нәһатийә кʹӧтакьрьне. Әм дькарьн бьдьнә бәр чʹәʹве хԝә, кӧ әԝана ԝе ча һерса хԝә нишан кьн, мәсәлә дьԛәԝьмә интернетеда тьштед хьраб дәрһәԛа мә бәла кьн. Әԝ мьләт у сәрԝере ԝан Шәйтʹан, ԝе мә нәфрʹәт кьн, чьмки тʹәне религийа мә ԝе бьминә. Әԝана ԝе нәгьһижьнә ве нета хԝә, кӧ сәр әʹрде ԛьрʹа һʹәму религийа биньн. Ләма жи әме бькʹәвьнә чʹәʹва. У һьнге мьләтед сәр әʹрде, ԝе бьбьнә Гог жь Магоге. Әԝана ԝе бьбьнә йәк у пе һʹәму ԛәԝата хԝә ԝе мьԛабьли щьмәʹта Йаһоԝа дәрен (Һәзԛл. 38:2, 14-16). Дьбәкә әм бәрхԝә дькʹәвьн кӧ чь ԝе бьԛәԝьмә ԝәде тәнгасийа мәзьн, илаһи чьмки әм һур бь һур һәр тьшти ньзаньн. Ле тьштәки әм сәд сәләфи заньн: Әм гәрәке тәнгасийа мәзьн нәтьрсьн, чьмки Йаһоԝа ԝе рʹебәрийа бьдә мә, кӧ гәләк фәрз ьн бона әʹмьре мә (Зәб. 34:19). w19.10 16-17 ¶10-11

Әм нә тʹәне дьле хԝәда тʹәхмин дькьн, кӧ әм жь ԝи рʹази нә, ле ӧса жи пе хәбәрдан у кьред хԝә әве йәке дьдьн кʹьфше. Ӧса әм нишан дькьн, ԝәки әм нә мина мәрьвед ве дьнйайе нә. Әм дьжин дьнйакә ӧсада, кʹидәре мәрьв нашекьриньн һʹәму ԛәнщийед кӧ Хԝәде бона ԝан дькә. Әм әʹщебмайи наминьн, чьмки әԝ жи нишана «рʹожед ахьрийе» йә, кӧ мәрьв иро бешекьр ьн (2 Тимтʹ. 3:1, 2). Ле әм тʹӧ щар нахԝазьн бьбьнә мина ԝан! Йаһоԝа жи дьхԝазә, ԝәки һʹәму зарʹед ԝи һәврʹа тʹьфаԛ бьн у һәвалтийе бькьн. У һәма һʹьзкьрьна мә һьндава һәвда, нишана ве йәке йә кӧ әм Мәсиһийед рʹаст ьн (Йуһʹн. 13:35). Әм тʹәви зәбурбеж ԛайил ьн, йе кӧ ньвиси: «Чаԝа ԛәнщ ә, чаԝа хԝәш ә, кӧ бьра һәврʹа йәктийеда нә!» (Зәб. 133:1) Чахе әм хушк-бьред хԝә һʹьз дькьн, әм Йаһоԝарʹа избат дькьн, ԝәки әм ԝи һʹьз дькьн (1 Йуһʹн. 4:20). Чьԛас баш ә кӧ әм нава малбәтәкә ӧсада ньн, кʹидәре һьндава һәвдӧ «ширьн у дьлшәԝат» ьн! (Әфәс. 4:32) w20.02 9 ¶6-7

Проблемед Һаннайе дәрберʹа хьлаз нәбун. Әԝе диса жи гәрәке бьма ԝедәре кʹидәре Пенина дьжит. У Кʹьтеба Пирозда тӧ щики найе готьне, ԝәки Пенина һьндава Һаннайеда һатә гӧһастьне. Демәк  ча те кʹьфше, Һаннайе диса жи гьлийед ԝейә туж дьбьһист у тәйах дькьр. Ле Һанна ида бь кʹәсәр нибу, чьмки дьле ԝе рʹьһʹәт бу. Паши  ве йәке ча Һаннайе проблемед хԝә да дәсте Йаһоԝа, әԝ ида бәрхԝә нәдькʹәт. Әԝе һишт, ԝәки Йаһоԝа бәрдьлийе бьдә ԝе у дьле ԝе рʹьһʹәт кә. Һьнә ԝәʹдә шунда Һанна һатә кʹәрәмкьрьне, демәк жерʹа зарʹ һатьнә буйине (1 Сам. 1:2, 6, 7, 17- 20). Әм дькарьн әʹдьлайе бьстиньн һәла һе һьнге жи, чахе проблемед мә сафи набьн. Һәла һе чахе әм гәләк дӧа дькьн у һәр гав тенә щьвате, диса жи һьнә проблемед мә дьминьн. Ле жь мәсәла Һаннайе әм педьһʹәсьн, кӧ тʹӧ тьшт нькарә рʹийа Йаһоԝа бьгьрә, ԝәки дьле мәйи хәмгин рʹьһʹәт кә. Йаһоԝа ԝе тʹӧ щар мә бир нәкә. Зу йан дәрәнг Әԝе мә бона амьнийа мә хәлат кә (Ибрн. 11:6). w20.02 22 ¶9-10

Рʹуспи хԝә нагьрьн кӧ ширәте сәр һʹиме принсипед жь Кʹьтеба Пироз бьдьнә хушк-бьра, ԝәки әԝана сәрԝахт бьн. Дина хԝә бьдьнә мәсәла Әли: Дӧ кӧрʹед Әли Сәрәккʹаһин һәбун, кʹижана әԝи һʹьз дькьр. Ле кӧрʹед ԝи һӧрмәт нәдьдан Йаһоԝа. Әԝана коне пирозда ча кʹаһин хьзмәт дькьрьн, чь кӧ шьхӧләкә гәләк фәрз бу. Ле ԝана һʹӧкӧме хԝә хьрабийеда дьданә хәбате. Ԝана ԛӧрбанед кӧ щьмәʹте бона Йаһоԝа дьанин, беһӧрмәт дькьрьн у әшкәрә бешәрми бенамуси дькьрьн (1 Сам. 2:12-17, 22). Ль гора Ԛануна Муса, кӧрʹед Әли һежайи мьрьне бун, ле Әли тʹәне бь нәрми ԝана ширәт кьр у һишт, ԝәки әԝана диса конда хьзмәт кьн (Ԛан. Дщр. 21:18-21). Ле Йаһоԝа ча ньһерʹи сәр ве йәке? Әԝи готә Әли: «Чьма тӧ жь мьн зедәтьр һӧрмәте дьди кӧрʹед хԝә?» Паше Йаһоԝа гот кӧ әԝ дӧ кӧрʹед ԝийи хьраб ԝе бьмьрьн (1 Сам. 2:29, 34, ДТʹ). w20.03 19 ¶4-5