Нисан

Гәло чәтьнайед тә һәнә? Дьбәкә хушк йан бьраки дьле тә ешандийә (Аԛуб 3:2). Йан жи, дьбәкә һәвалхәбатчи йан һәвалдәрсханед тә ԛәрфед хԝә тә дькьн, чьмки тӧ хьзмәткʹаре Йаһоԝа йи (1 Пәтрус 4:3, 4). Дьбәкә һьнә мәрьвед тә нахԝазьн кӧ тӧ һәрʹи щьвина йан жи дәрһәԛа баԝәрийа хԝә кәсәки дьнрʹа гьли ки (Мәтта 10:35, 36). Гава тәнгасийед мә йед гьран һәнә, щарна гәләк зор ә кӧ әм амьн бьминьн. Ле әм дькарьн баԝәр бьн кӧ чь тәнгасийед мә һәбьн жи, Йаһоԝа ԝе билани у ԛәԝате бьдә мә кӧ әм сәбьр кьн. Кʹьтеба Пирозда, Йаһоԝа нишани мә дькә кӧ мәрьвед ԛьсурдар чаԝа һьмбәри тәнгасийед гьран амьн дьман. Чаԝа кӧ Паԝлосе шанди ньвисибу, Йаһоԝа дьхԝазә кӧ әм жь сәрһатийед ӧса дәрса һин бьн. Хԝәндьна ван сәрһатийа дькарә дьлбини у һевийе бьдә мә. Ле сәва кӧ әм бь рʹасти кʹаре бьстиньн, нә бәс ә кӧ әм тʹәне Кʹьтеба Пироз бьхуньн. Гәрәке әм изне бьдьн кӧ Ньвисаред Пироз сәр фькред мә һʹӧкӧм бькьн у дьле мә бьгьрьн. w21.03 14 ¶1-2

Һун мәрьве кʹижанарʹа шәʹдәтийе дьдьн, сәр ԝан ӧса дьньһерʹьн, чаԝа зәвийед дьрутьнерʹа һазьр? Һәрге һун сәр ԝана ӧса бьньһерʹьн, һуне бьгьһижьнә се нета: Йа пешьн, һуне һе бь хирәт хьзмәт бькьн, чьмки ԝәхте дьрутьне гәләк накʹьшинә, у ԝәʹдә гәрәке бадиһәԝа нәйе хәрщкьрьне. Йа дӧда, һуне шабуне бьстиньн, гава бьвиньн кӧ мәрьв ча гӧһ дьдьнә мьзгинийе. Кʹьтеба Пироз дьбежә: «Мәрьв ԝәхте дьрутьнерʹа ша дьбьн» (Иша. 9:3, ДТʹ). У йа сьсийа, һуне сәр һʹәму мәрьва ӧса бьньһерʹьн ча сәр хушк-бьра, у һуне щурʹе бәлакьрьна мьзгинийе бьгӧһезьн, сәва бьгьһиньнә дьле ԝан. Иса нәдьфькьри, ԝәки Самәри тʹӧ щар ԝе нәбьнә шагьртед ԝи, чаԝа кӧ дьбәкә һьнә шагьртед ԝи дьфькьрин. Чьрʹа? Чьмки әԝ баԝәр бу, ԝәки әԝана дькарьн бьбьнә шагьртед ԝи. Әм жи гәрәке сәр мәрьвед мьһала хԝәда ӧса бьньһерʹьн. Ве йәкеда Паԝлосе шанди мәрʹа мәсәләкә баш һиштийә. Чахе әԝи шәʹдәти дьда ча тедәрдьхьст кӧ әԝана чь баԝәр дькьн, ча сәрва дьчу кӧ чь ԝанрʹа һʹәԝас ә, у чьрʹа баԝәр дькьр кӧ әԝана дькарьн бьбьнә шагьртед Иса. w20.04 8-9 ¶3-4

Дәԝса һьндава хушк-бьрада газьна бькьн, һе баш ә әм һәр тьшти бькьн, сәва ԝана фәʹм кьн. Тʹәне кәсәк дькарә мә бь тʹәмами фәʹм кә, әԝ һәйә Йаһоԝа. Жь Йаһоԝа бьхԝазьн, кӧ али ԝә бькә нав мәрьвада ве йәке бьвиньн, чь кӧ әԝ дьвинә, у фәʹм бькьн кӧ ча һьндава ԝанда дьлшәԝат бьн. Һун нькарьн бьжберьн, кӧ кʹижан хушк йан бьра һежа йә, кӧ һун һьндава ԝида дьлшәԝат бьн. Һәр кәс жь ԝана рʹасти проблема тен, мина йед Уньс, Елйас, Һащәр у Лут. Щара әԝана хԝәха дьбьнә сәбәбе проблемед хԝә. У бь рʹасти әм гьшк жи щара хԝәха хԝә дькьнә нава проблема. Ләма жи ԝе билани бә, кӧ жь Йаһоԝа һиви кьн, ԝәки али мә бькә, сәва әм һьндава һәвда шәԝат бьн у һәв фәʹм кьн (1 Пәт. 3:8). Чахе әм гӧрʹа Йаһоԝа дькьн, әм тʹьфаԛийе дькьнә нава малбәта хԝәйә һʹәмдьнйайе, кӧ мәхсус ә у жь щурʹә-щурʹә мәрьва йә. Ләма ԝәрә әм хԝәрʹа нете дайньн, кӧ гӧһ бьдьнә хушк-бьра, ԝана һе рʹьнд нас кьн у һьндава ԝанда дьлшәԝат бьн. w20.04 18-19 ¶15-17

Иса мәсәләкә гәләк баш һишт ве йәкеда, кӧ гӧрʹа Йаһоԝа бькьн. Щурʹәки фәрз кӧ гӧрʹа Йаһоԝа бькьн әԝ ә, ԝәки чьԛас дькарьн пʹегәһа Исада һәрʹьн  (Йуһʹн. 8:29). Сәва әм бәрдәԝам кьн нава рʹастийеда бьжин, әм гәрәке баԝәр бьн ԝәки Йаһоԝа Хԝәдайе рʹастийе йә у әԝ чь кӧ бь Кʹьтеба Пироз мәрʹа дьбежә, рʹасти йә. Әм гәрәке ӧса жи баԝәр бьн, ԝәки Иса Мәсиһийе создайи йә. Гәләк дӧдьли дьбьн, ԝәки Иса һатийә кʹьфшкьрьне ча Пʹадше Пʹадшатийа Хԝәде. Йуһʹәнна дьгот ԝәки фәсал бьн, чьмки һәбун «гәләкед кӧ хәлԛе жь рʹе дәрдьхьн», кʹижана дькарьбун ԝан мәрьва бьхальфиньн, йед кӧ һазьр нибун баԝәрийа хԝә һьндава рʹастийа дәрһәԛа Йаһоԝа у Иса бьпарезьн  (2 Йуһʹн. 7-11). Йуһʹәнна ньвиси: «Кʹи йә дәрәԝин? Һәма әԝ ә, йе кӧ дьбежә: ‹Иса нә Мәсиһ ә›» (1 Йуһʹн. 2:22). Сәва әм нәйнә хальфандьне, рʹийа тʹәк әв ә, кӧ Хәбәра Хԝәде леколин бькьн. Тʹәне һьнге әме Йаһоԝа у Иса рʹьнд нас кьн (Йуһʹн. 17:3). У тʹәне һьнге әме баԝәр бьн, ԝәки әм рʹастийе заньн. w20.07 21 ¶4-5

Диса чь щурʹәйи нәбьнә «кәвьрәк ль бәр ньге» хушк-бьра, әԝ ә кӧ бьһельн әԝана хԝәха сафикьрьна бькьн чаԝа дьхԝазьн, нә кӧ зоре ԝан бькьн, ԝәки мина мә сафикьрьна бькьн (Рʹом. 14:19-21; 1 Корн. 8:9, 13). Ԝи щурʹәйи, әм мина рʹәвийе ләщмәйданеда ниньн, йе кӧ хәлате тʹәне хԝәрʹа дьхԝазә. Әԝана йед майин дәв дьдьн, сәва кӧ пешийа ԝан кʹәвьн. Ле әм мина ԝан рʹәвийа ниньн, әм һәврʹа накʹәвьнә ләще (Галт. 5:26; 6:4). Нета мә әԝ ә кӧ чьԛас дькарьн али гәләка бькьн, ԝәки тʹәви мә хәза финише дәрбаз бьн, у хәлата жийине бьстиньн. Ләма жи әм ширәта Паԝлос тиньн сери, кӧ «тʹәне ль кʹара хԝә нәгәрʹьн, ле . . . ль кʹара һәвале хԝә жи» (Фили. 2:4). Йаһоԝа жь һʹьзкьрьне соз дьдә, ԝәки хьлазийа рʹәва ләщмәйдана мә, ԝе хәлате бьдә мә, демәк жийина һʹәта-һʹәтайе, сәр әʹзмана йан жи щьнәтеда сәр әʹрде. w20.04 28 ¶10; 29 ¶12

Бь милйона Мәсиһи ча жьн ӧса жи мер, ԝе дәрбази дьнйайа ну бьбьн. Сәрда, йед кӧ ль дьнйайе сах бьминьн ԝе рʹабуна бь милиарда инсана бьвиньн. Бинә бәр чʹәʹве хԝә кӧ әме сәва ве сәркʹәтьне чьԛас шабуне бьстиньн! (Кʹар. Шанд. 24:15) Ӧса жи, һәр кәсе кӧ бь тʹәмами Йаһоԝарʹа амьн ә, ԝе ль сәр мьрьна бь миратʹстанди сәркʹәвә у һʹәта бь һʹәтайе бьжи. Гәло әм бона әʹламәтийа кӧ Паԝлосе шанди дәрһәԛа рʹабуна мьрийа Корьнтʹийарʹа ньвиси, шекьрдар ниньн? Ԝе баш бә кӧ әм гӧһ бьдьн тʹәмийа Паԝлос кӧ әм «һәр гав шьхӧле Хӧданда пешда һәрʹьн» (1 Корн. 15:58). Һәгәр әм ви иши бь хирәт у бь амьни биньн сери, әме бәрәкʹәтед мәзьн бьстиньн. Бәле, әме дьлхԝәшикә һаԛас мәзьн бьстиньн, йа кӧ мә хәйал жи нәдькьр. Әме бьвиньн кӧ хәбата мә ль бәр Хӧдан, бош-бәтал нинә. w20.12 13 ¶16-17

Һәрге әм бьньһерʹьн пʹехәмбәртийед жь Һәзәԛел 38:10-23; Данийел 2:43-45; 11:44–12:1; у Әʹйанти 16:13-16, 21, әме бьвиньн  ԝәки әԝ һʹәму пʹехәмбәрти дәрһәԛа ԝәʹдәки дьбежьн. Ль гора ве йәке, әм дькарьн ахьрийеда һивийа ԝан тьшта бьн. Һьнә ԝәхт паши дәстпека тәнгасийа мәзьн, «һʹәму пʹадшед дьнйайе» ԝе коалисйа мьләта саз кьн, демәк бьбьнә кʹомәк (Әʹйан. 16:13, 14). Әва ԝе әԝ коалисйа бә, кʹижан кӧ Кʹьтеба Пироз нав дькә «Гог жь ԝәлате Магоге» (Һәзԛл. 38:2). Әв коалисйа мьләта, ԝе мьԛабьли щьмәʹта Хԝәде дәркʹәвә у бьхԝазә бь тʹәмами ԛьрʹа ԝе бинә. Дәрһәԛа ԝи ԝәʹдәйи, Йуһʹәннайе шанди хәԝн-хәйаледа дит, ԝәки тәйрока гьр сәр дьжмьнед Хԝәдеда дьбарә. Әԝ тәйрок бь симболик дьбәкә те һʹәсабе диԝана сәрт, кӧ щьмәʹта Йаһоԝа ԝе мәрьварʹа әʹлам кьн, йа кӧ ԝе һерса Гог жь Магоге рʹакә, сәва мьԛабьли щьмәʹта Хԝәде дәре у сәр рʹуйе әʹрде ԝана бь тʹәмами кʹӧта кә (Әʹйан. 16:21). w20.05 15 ¶13-14

Ԛәԝата Хԝәде әԝ һәйә пʹешкʹеша кӧ әм гәрәке гәләк ԛимәт бькьн. Әм дькарьн рʹазибуна хԝә бона рʹӧһʹе пироз һе зедә кьн, һәрге бьфькьрьн кӧ рʹожа иройин рʹӧһʹе пироз чь дькә. Биньн бира хԝә, Иса пешийа кӧ бьчуйа ль әʹзмен, готә шагьртед хԝә: «Гава рʹӧһʹе пироз бе сәр ԝә, һуне ԛәԝате бьстиньн у . . . һʹәта сәре дьне жи бьбьнә шәʹдед мьн» (Кʹар. Шанд. 1:8). Пе аликʹарийа рʹӧһʹе пироз, жь һәр чар ԛӧлбед дьнйайе ԝәкә 8 милйон нив мәрьв бунә хьзмәткʹаред Йаһоԝа. Әм ӧса жи шабуне дьстиньн кӧ щьнәта рʹӧһʹанида ньн, чьмки рʹӧһʹе Хԝәдейи пироз али мә дькә әм һʹӧнӧред бәдәԝ нав хԝәда пешда биньн, әԝ һәнә һʹьзкьрьн, шабун, әʹдьлайи, сәбьр, ԛәнщи, ширьнайи, баԝәри, мьлукти у хԝәгьртьн. Әв һʹӧнӧр жь бәре рʹӧһʹе пироз ьн (Галт. 5:22, 23). Рʹасти жи рʹӧһʹе пироз пʹешкʹешәкә чьԛас ԛимәт ә! w20.05 28 ¶10; 29 ¶13

Әм чьма дьфькьрьн кӧ әме кәсед рʹакьри нас бькьн? Мәсәлә, дәмед бәреда, гава Йаһоԝа кәсәк жь мьрьне рʹадькьр, ви кәси әʹйни хӧйа дькьр, хәбәр дьда у дьфькьри. Ча те кʹьфше, Йаһоԝа ԝе диса ӧса бькә. Ӧса жи, Иса Мәсиһ мьрьн бәрамбәри хәԝе дькьр, ләма рʹабуна жь мьрьне ԝәкә һʹьшйарбуна жь хәԝе йә (Мәт. 9:18, 24; Йуһʹн. 11:11-13). Гава кәсәк жь хәԝе һʹьшйар дьбә, шькьл у шәмал, дәнг у бира ԝи диса әʹйни нә. Кʹа сәрһатийа досте Иса Лазар бинә бәр чʹәʹве хԝә. Әԝ чар рʹож мьри бу, ләма бәдәна ԝи ида дьрьзи. Ле бәле, гава Иса әԝ жь мьрьне рʹакьр, Мәрйәм у Мәртʹайе әԝ нас кьр, у кʹьфш ә кӧ Лазар жи әԝ нас кьрьн (Йуһʹн. 11:38-44; 12:1, 2). w20.08 14 ¶3; 16 ¶8

Бәр чʹәʹве Хԝәде ԛимәта мәсиһийед бь рʹӧһʹ кʹьфшкьри у ԛимәта пәзед дьн мина һәв ә. Әԝи әʹмре Кӧрʹе хԝәйи дәлал һьм бона кәсед бь рʹӧһʹ кʹьфшкьри һьм жи бона пәзед дьн бәрва да. Фьрԛи дь нав ԝанда тʹәне әв ә кӧ һевийед ԝан жь һәв щӧдә нә. Һәр дӧ кʹом гәрәке Хԝәде у Иса Мәсиһрʹа амьн бьминьн (Зәбур 31:23). Бир нәкә кӧ рʹӧһʹе Хԝәдейи пироз дькарә бь әʹйни ԛәԝате ль сәр мә һʹәмуйа һʹӧкӧм бькә. Ләма һʹәԝщәдарийа ԝан чь бә жи, Йаһоԝа дькарә рʹӧһʹе пироз бьдә һьм кәсед бь рʹӧһʹ кʹьфшкьри һьм жи пәзед дьн. Йаһоԝа һевикә хԝәш дайә һʹәму хьзмәткʹаред хԝә (Йерәмйа 29:11). Хԝәде у Иса Мәсиһ рʹе вәкьрьн кӧ әм жийина һәрһәйи бьстиньн. Биранина Мьрьна Иса Мәсиһ мәщаләкә баш ә кӧ әм рʹазибуна хԝә ԝанрʹа нишан бькьн. Бона мә, Биранина Мьрьна Иса Мәсиһ бешьк рʹожа һәри фәрз йа тʹәмамийа сале йә. w21.01 18 ¶16; 19 ¶19

Пʹьрʹанийа хьзмәткʹаред Йаһоԝа һивийа жийана ль сәр әʹрде нә, ле әԝана чьрʹа тенә сәр Биранина Мьрьна Иса Мәсиһ? Чаԝа кӧ һәвал тʹәглифа бук у зәʹва ԛәбул дькьн, пәзед дьн жи дьчьн сәр Биранине, чьмки әԝана Иса Мәсиһ у мәсиһийед бь рʹӧһʹ кʹьфшкьри һʹьз дькьн у дьхԝазьн пьштгьрийа ԝан бькьн. Пәзед дьн нишан дькьн кӧ әԝана ԛӧрбанбуна Иса Мәсиһ ԛимәт дькьн, йе кӧ әʹмьре хԝә бәрва да, ԝәки әԝана бькарьбьн һʹәта-һʹәтайе ль сәр әʹрде бьжин. Мәʹникә майин кӧ чьрʹа пәзед дьн тенә сәр Биранина Мьрьна Иса Мәсиһ әв ә, кӧ әԝана дьхԝазьн гӧһ бьдьн тʹәмийа Иса Мәсиһ. Гава Иса Мәсиһ әв шива мәхсус тʹәви шандийед хԝә йед амьн дәрбаз кьр, әԝи ԝанрʹа гот: «Ве йәке бона биранина мьн бькьн» (1 Корьнтʹи 11:23-26). Ләма, һʹәта кӧ һьнә кәсед бь рʹӧһʹ кʹьфшкьри һе ль сәр әʹрде нә, пәзед дьн ԝе Биранина Мьрьна Иса Мәсиһ дәрбаз бькьн. w21.01 17-18 ¶13-14

Һʹьзкьрьна рʹасти гәрәке бь кьрьнед баш бе әʹйанкьрьне (Аԛуб 2:17, 26 жи бьньһерʹә). Мәсәлә, Йаһоԝа мә һʹьз дькә (1 Йуһʹәнна 4:19). Һʹьзкьрьна ԝи, жь готьнед хԝәш, йед кӧ ль Кʹьтеба Пироз һатьнә ньвисаре, әʹйан дьбә (Зәбур 25:10; Рʹомайи 8:38, 39). Ле бәле, әм һʹьзкьрьна Хԝәде нә тʹәне жь готьнед ԝи, ле жь кьрьнед ԝи жи дьвиньн. Йаһоԝа изьн да кӧ Кӧрʹе ԝийи дәлал бона мә еше бькʹьшинә у бьмьрә (Йуһʹәнна 3:16). Гәло әв йәк избат накә кӧ Йаһоԝа Хԝәде бь рʹасти мә һʹьз дькә? Гава әм гӧһдарийа Йаһоԝа у Иса Мәсиһ дькьн, әм избат дькьн кӧ әм ԝана һʹьз дькьн (Йуһʹәнна 14:15; 1 Йуһʹәнна 5:3). Йәк жь тʹәмийед Иса Мәсиһ әв бу кӧ әм һәвдӧ һʹьз бькьн (Йуһʹәнна 13:34, 35). Гәрәке әм нә тʹәне бь готьнед хԝә, ле бь кьрьнед хԝә жи нишан бькьн кӧ әм хушк-бьра һʹьз дькьн (1 Йуһʹәнна 3:18). w21.01 9 ¶6; 10 ¶8

Әԝед кӧ бь рʹӧһʹе пироз кʹьфшкьри нә, һевийа ԝана әԝ ә, кӧ һʹәта-һʹәтайе тʹәви Иса Пʹадшатийа Хԝәдеда пʹадшатийе бькьн. Әԝана ԝе тʹәви Иса бьн, ԝи бьвиньн, у тʹәви ԝи хәбәр дьн (Йуһʹн. 14:2, 3). Ле әԝед кӧ сәр әʹрде бьжин, әԝана жи ԝе һʹьзкьрьна Иса бьвиньн. Рʹаст ә әԝана ԝе Иса нәвиньн, ле ԝе мәщала ԝан һәбә бьбьнә достед ԝийи һе незик у жь жийина һʹәта-һʹәтайе ләзәте бьстиньн, кʹижан Йаһоԝа у Иса ԝе бьдьнә ԝан (Иша. 9:6, 7). Чахе әм тʹәглифкьрьна Иса ԛәбул дькьн, кӧ бьбьнә достед ԝи, әм гәләк кʹәрәма дьстиньн. Мәсәлә, ида ньһада әм һʹьзкьрьна ԝи тʹәхмин дькьн у аликʹарийа ԝи дьстиньн. Һьн жи мәщала мә һәйә, кӧ жийина һʹәта-һʹәтайе бьстиньн. Ле йа лапә фәрз әԝ ә, кӧ бь сайа достийа тʹәви Иса, әм дькарьн һәләԛәтийа һәри ԛимәт ԛазанщ кьн, демәк достийа тʹәви Баве ԝи, Йаһоԝа. Рʹасти жи ԛәдьрәки чьԛас мәзьн ә, кӧ әм дькарьн бьбьнә достед Иса! w20.04 25 ¶15-16

Паԝлос нәʹма хԝә шагьртед бь рʹӧһʹе пироз бьжартирʹа дьньвиси, йед кӧ ԝе бона жийана һәр-һәйи жь мьрьне бьһатана рʹакьрьн. Паԝлос гот кӧ әԝ «бӧһӧрти-жьбарәбуйийед йәктийа Мәсиһ Исада, йед пирозбунерʹа газикьри» бун. Ӧса жи, әԝи бәʹса һьнә кәса кьр, «әԝед баԝәрийа Мәсиһда жи мьрьнә» (1 Корн. 1:2; 15:18; 2 Корн. 5:17). Нәʹма дьнда, Паԝлос ньвиси кӧ йед кӧ ԝе мина Иса Мәсиһ бьмьрьн ԝе мина ԝи бен рʹакьрьн (Рʹом. 6:3-5). Иса Мәсиһ ԝәк рʹӧһʹ һат рʹакьрьн у чу әʹзмана. Мина ԝи, һʹәму шагьртед йед бь рʹӧһʹ кʹьфшкьри жи ԝәк рʹӧһʹ тен рʹакьрьн у дьчьн әʹзмана. Паԝлос ньвиси кӧ Мәсиһ «рʹабуйә, чаԝа бәре дәрәмәта пешьн жь нава мьрийа рʹабуйи» (1 Корн. 15:20). Иса мәрьве пешьн бу, йе кӧ ԝәк рʹӧһʹ жь мьрьне һат рʹакьрьн у жийана һәр-һәйи станд. w20.12 5-6 ¶15-16

Кәсед бь рʹӧһʹ кʹьфшкьри, йед кӧ рʹожед мәда дьмьрьн, дәрберʹа бона жийана ль әʹзмана тен рʹакьрьн. Әв йәк жь готьнед Паԝлосе шанди йед ль 1 Корьнтʹи 15:51, 52 тен фәʹм кьрьн. Паши рʹабуна жь мьрьне, әв бьред Мәсиһ дьгьһижьн дьлхԝәшикә мәзьн. Кʹьтеба Пироз мәрʹа дьбежә кӧ кәсед кӧ «чаԝа чʹәʹве хԝә бьгьри-вәки» тен гӧһәртьн, ԝе ль әʹзмана чь иши бькьн. Иса Мәсиһ ԝанрʹа дьбежә: «Әԝе кӧ сәркʹәвә у һʹәта хьлазийе кьред ль гора дьле мьн бькә, әзе ԝи һʹӧкӧме сәр мьләта бьдьмә ԝи, кʹижан мьн жь Баве хԝә һьлдайә у әԝе пе шьвдара һʹәсьни шьвантийе ль ԝан бькә, мина фьраԛед чьни ԝе бьпʹьшьринә» (Әʹйан. 2:26, 27). w20.12 12 ¶14-15

Паԝлосе шанди Иса Мәсиһ ԝәк «бәре дәрәмәта пешьн» нав кьр, чьмки кәсед дьн жи ԝе бона жийана ль әʹзмана жь мьрьне бьһатана рʹакьрьн (1 Корн. 15:18). Демәк, әԝе жи ԝәк Иса Мәсиһ жь мьрьне бьһатана рʹакьрьн. Ԝәхта кӧ Паԝлос нәʹма хԝә Корьнтʹийарʹа дьньвиси, рʹабуна бона жийана ль әʹзмана һе дәстпенәбьбу. Паԝлос гот кӧ әв йәк ԝе паше бьԛәԝьмә: «Һәр кәс дора хԝәда: Пешийе Мәсиһ чаԝа бәре дәрәмәта пешьн, паше йед пʹара Мәсиһ» (1 Корн. 15:23; 1 Тʹеслн. 4:15, 16). Бәле, лазьм бу кӧ шандийед Иса Мәсиһ у бьжартийед дьн һивийа ԝәхта һазьрбуна Мәсиһ бьбуна кӧ хәлата әʹзмани бьстандана у ԝәк Иса Мәсиһ бьһатана рʹакьрьн. Иро, әм дь ве ԝәхта мәхсусда дьжин (Рʹом. 6:5). w20.12 5 ¶12; 6 ¶16-17

Паԝлос бәʹса ԝан кәса дькьр, йед кӧ бь бәдәнәкә әʹзмани, демәк бь «бәдәна рʹӧһʹани» тен рʹакьрьн (1 Корн. 15:43, 44). Гава Иса Мәсиһ ль дьнйайе дьжит, бәдәна ԝи, бәдәнәкә физики бу, ле гава әԝ жь мьрьне рʹабу, әԝ бу «рʹӧһʹәки жийиндайине» у вәгәрʹийа әʹзмана. Мина ԝи, шагьртед бь рʹӧһʹ кʹьфшкьри жи ԝәк рʹӧһʹ тен рʹакьрьн. Паԝлос гот: «Мә чаԝа кьрасе йе жь хԝәлийе ль хԝә кьрийә, әме ӧса жи кьрасе йе жь әʹзмен ль хԝә кьн» (1 Корн. 15:45-49). Дина хԝә бьдьн кӧ Иса Мәсиһ бь бәдәнәкә физики нәһат рʹакьрьн. Ль хьлазийа зәлалкьрьна тʹема рʹабуна мьрийа, Паԝлосе шанди гот кӧ «хун у гошт ль Пʹадшатийа Хԝәде нькарьн ԝар бьн» у һәрʹьн әʹзмана. Ләма, шандийед Иса Мәсиһ у йед майин бь рʹӧһʹ кʹьфшкьри, ԝе бь бәдәнед жь «хун у гошт» нәһатана рʹакьрьн (1 Корн. 15:50). Гәло әԝе кʹәнге бьһатана рʹакьрьн? Паԝлос готьбу кӧ рʹабуна мьрийа ԝе ԝәхтәкә шунда бьбә, демәк әԝе дәрберʹа паши мьрьне рʹанәбуна. w20.12 10-11 ¶10-12

Жь бина бәр Хԝәде, һьнә шагьртед Иса Мәсиһ дәрһәԛа һевийа әʹзмани дьньвисин. Мәсәлә, Йуһʹәннайе шанди ӧса гот: «Ньһа әм зарʹед Хԝәде нә у һәла һе нә әʹйан ә әме бьбьнә чь. Ле әм ве йәке заньн кӧ чахе Иса әʹйан бә, әме бьбьнә мина ԝи» (1 Йуһʹн. 3:2). Демәк, шагьртед бь рʹӧһʹ кʹьфшкьри ньзаньн кӧ жийана ль әʹзмана ԝе чаԝа бә. Ле бәле, әԝ заньн кӧ гава әԝе хәлата хԝә бьстиньн, әԝе Йаһоԝа рʹу бь рʹу бьвиньн. Кʹьтеба Пирозда дәрһәԛа ве йәке һьнә әʹламәти һәйә. Гава Иса Мәсиһ «кʹока һәр сәрԝертийе, һʹӧкӧмәтийе у ԛәԝате бинә» у «дьжмьне хьлазийе», демәк мьрьне, жь кʹокева рʹакә, кәсед бь рʹӧһʹ кʹьфшкьри ԝе ль щәм ԝи бьн. Хьлазийеда, Иса Мәсиһ у һәмпʹадшед ԝи ԝе хԝә у һәр тьшти тʹәсмили Йаһоԝа бькьн (1 Корн. 15:24-28). w20.12 8 ¶2

Шагьртед амьн, йед кӧ мьрьнә, ле нәһатьнә һьлбьжартьн кӧ бь Мәсиһрʹа ль әʹзмана бьжин, әԝана жи бен рʹакьрьн! Кʹьтеба Пироз дьбежә кӧ Паԝлосе шанди у йед бь рʹӧһʹе кʹьфшкьри ԝе дь рʹабуна пешьнда бен рʹакьрьн (Әʹйан. 20:6). Әв йәк нишан дькә кӧ рʹабунәкә дьн жи һәйә. Ибо жи бәʹса ве йәке кьрьбу (Иб. 14:15). Гава Мәсиһ «кʹока һәр сәрԝертийе, һʹӧкӧмәтийе у ԛәԝате бинә», йед бь рʹӧһʹ кʹьфшкьри ԝе ль әʹзмана бьн. Паше, «дьжмьне хьлазийе кӧ . . . мьрьн хԝәха йә», ԝе кʹокева бе рʹакьрьн. Бәле, мьрьн ԝе ль сәр кәсед кӧ бона жийана ль әʹзмана тен рʹакьрьн, һʹӧкӧм нәкә (1 Корн. 15:23-26). Кәсед кӧ нәһатьнә һьлбьжартьн кӧ ль әʹзмана бьжин, дькарьн жь ван готьнед Паԝлос жь рʹеза ве рʹоже, һевийе бьстиньн. Әшкәрә йә кӧ кәсед «нәһәԛ» нькарьн һәрʹьн әʹзмана, ләма готьнед Паԝлос мәрʹа әʹйан дькьн кӧ әԝе ль рʹуйе әʹрде бен рʹакьрьн. w20.12 6-7 ¶18-19

Бәлки әм жь хԝә ӧса дьпьрсьн: «Гәло әз чаԝа дькарьм бьзаньбьм кʹа Йаһоԝа һе мьн һʹьз дькә йан на?» Бь әʹсле хԝә, һәгәр тӧ ве пьрсе дьпьрси, әв йәк те һʹәсабе кӧ Йаһоԝа дькарә тә әʹфу бькә. Дь сала 1954-да, журнала «Бьрща Ԛәрәԝьлийеда» ӧса һатьбу готьне: «Әм [бәлки] әʹйни шашийе диса у диса дькьн. Дьбәкә хәйсәтәки мәйә бәре ӧса кʹур нав мәда рʹуньштийә кӧ һʹәта ньһа мәрʹа чәтьн ә әв хәйсәт кʹокева дәрхьн. . . . Һевийа хԝә ӧнда нәкә! Нәфькьрә кӧ тә гӧнәки ӧса кьрийә, йа кӧ Йаһоԝа нькарә әʹфу бькә. Шәйтʹан дьхԝазә кӧ тӧ ӧса бьфькьри. Әв йәк кӧ тӧ сәва шашийа хԝә хәмгин и нишан дькә кӧ тӧ мәрьвәки хьраб нини у Йаһоԝа дькарә бьбахшинә тә. Бь мьлукти у жь дьл жь Хԝәде рʹәща бькә кӧ әԝ тә әʹфу бькә, исафа тә паԛьж бькә у али тә бькә кӧ тӧ ве шашийе ида нәки. Пешийа кӧ Паԝлос бу шагьрте Иса Мәсиһ, әԝи һьнә гӧнед гьран кьрьбун. Паԝлос һьлбәт бир нәкьрьбу кӧ әԝи чь кьрьбу (1 Тимтʹ. 1:12-15). Ле әԝи ԛӧрбана Иса Мәсиһ ԝәк пʹешкʹешәкә шәхси дьдит. Ләма, Паԝлос нәдькʹәт тʹәлька хԝәсущдаркьрьне, ле әԝи бәрдәԝам кьр бь дьл у щан Йаһоԝарʹа хьзмәт бькә. w20.11 27 ¶14; 29 ¶17

Гәләк тʹәлькед Шәйтʹанә дьн жи һәнә, кӧ дьбьнә бәрбь кьред нәрʹаст. Ле әм чь дькьн чахе ԝан тʹәлька дьвиньн? Һеса йә хԝәха хԝә бьхапиньн. Мәсәлә, дьбәкә әм дьфькьрьн: «Әзе бона ве йәке жь щьвате нәйемә дәрхьстьне, ләма жи әԝ тьштәки мәзьн нинә». Ньһерʹандьна ӧса гәләк хоф ә. Һе баш ә әм ԝан пьрса бьдьнә хԝә: «Дьбә кӧ ньһа Шәйтʹан дьхԝазә әве йәке бьдә хәбате, сәва мьн бьвә бәрбь гӧнә? Һәрге әз пәй хԝәстьнед нәрʹаст кʹәвьм, нә әзе наве Йаһоԝа беһӧрмәт кьм? Әԝ йәк ԝе мьн һе незики Йаһоԝа кә, йан мьн жь ԝи дур хә?» Сәр пьрсед ӧса бьфькьрьн. Дӧа бькьн кӧ бь һʹәлали хԝә бьщерʹьбиньн, ԝәки хԝәха хԝә нәхапиньн. Ӧса әме хԝә жь тʹәлька хԝәй кьн у мина Иса ԝәʹде щерʹьбандьна бежьн: «Дури мьн һәрʹә, Шәйтʹан!» (Мәт. 4:10, ДТʹ) Бир нәкьн ԛимәта дьле пʹаравәкьри мәзьн нинә. w20.06 12-13 ¶16-17

Әм бь мьлукти гӧрʹа принсипед Йаһоԝа дькьн, чьмки фәʹм дькьн, ԝәки Йаһоԝа тʹьме занә чь бона мә дьһа баш ә (Әфәс. 4:22-24). Һәрге әм мьлук бьн, әме ԛьрара Йаһоԝа дайньн щийе пешьн у хԝә сәр мәрьварʹа нәгьрьн. Ӧса һәләԛәтийа мә тʹәви Йаһоԝа у хушк бьра ԝе баш бә (Фили. 2:3). Һәрге әм фәсал нибьн, ньһерʹандьна мәрьвед ве дьнйайе, йед кӧ ԛӧрʹә у хԝәһʹьз ьн, ԝе сәр мә һʹӧкӧм бә. Ча те кʹьфше һьнә Мәсиһийед ԛьрʹна йәке кʹәтьнә бәр байе мәрьвед ӧса. Паԝлосе шанди дәрһәԛа ве йәке ньвиси: «Ԝә һәр кәсирʹа дьбежьм: Чьԛас жь ԝә дькʹәвә, жь ԝе зедәтьр нәфькьрьн, ле сәр хԝә бьн». Паԝлос нәдьхԝәст бьгота ԝәки әм гәрәке дәрһәԛа хԝә ԛә нәфькьрьн, ле гот ԝәки зедә нәфькьрьн. Ве йәкеда мьлукти ԝе али мә бькә кӧ дәрһәԛа хԝә зәʹф нәфькьрьн. w20.07 2 ¶1-2

Дь рʹожед Аса Пʹадшада, ԝәхт һат кӧ әʹдьлайи хьлаз бу. Жь милйонәки зедәтьр әскәред Әтйопйайи һʹьщуми сәр ԝәлате Щьһуда кьр. Фәрмандаре ԝан Зәраһ баԝәр бу кӧ ордийа ԝи ԝе һеса бькарьбә ԝәлате Щьһуда бьн дәст бькә. Ле бәле, Аса Пʹадша баԝәрийа хԝә Йаһоԝа ани. Әԝи ӧса дӧа кьр: «Йа Хӧдан Хԝәдайе мә, аликʹарийе бь мәрʹа бькә! жь бәр кӧ мә хԝә сьпартьнә тә у әм бь наве тә ль дьжи ве ажаԝәйе [әʹлаләте] дәркʹәтьн» (2 Дир. 14:11). Рʹаст ә әскәред Әтйопйайи ԝәкә дӧ щара жь әскәред Щьһу зедәтьр бун, ле Аса заньбу кӧ Йаһоԝа дькарә хьзмәткʹаред хԝә бьпарезә. Бь рʹасти жи ӧса бу. Бь аликʹарийа Йаһоԝа, ордийа Әтйопйайи ль һьмбәри ԝан бьн кʹәт (2 Дир. 14:8-13). Әм һьлбәт ньзаньн кӧ чь ԝе бьԛәԝьмә, ле әм заньн кӧ дәма әʹдьлайе ԝе һʹәта бь һʹәтайе бәрдәԝам нәбә. Иса Мәсиһ жь бәреда готьбу кӧ «һʹәму мьләт» ԝе шагьртед ԝи «нәфрʹәт бькьн» (Мәт. 24:9). w20.09 17-18 ¶14-16

Тʹӧ кәси хԝәш найе, гава ԝи беһӧрмәт дькьн. Чахе дьжмьн мә беһӧрмәт дькьн у әԝ йәк сәр мә һʹӧкӧм дьбә, әм дькарьн дьлтәнг бьн (Мәтʹлк. 24:10). Ле дәрәщед ӧсада әм гәрәке ча хԝә бьдьнә кʹьфше? Әм жи дькарьн мина Паԝлосе шанди ша бьн, чахе мә беһӧрмәт дькьн. Чьрʹа? Чьмки әԝ беһӧрмәткьрьн у мьԛабьлибун дьдьнә кʹьфше, ԝәки әм шагьртед Исайә рʹаст ьн (1 Пәт. 4:14). Иса гот, ԝәки ԝе пәй шагьртед ԝи кʹәвьн (Йуһʹн. 15:18-20). Әԝ йәк һәма тʹәви Мәсиһийед ԛьрʹна йәке ԛәԝьми. Һьнге мәрьвед кӧ пе әʹйд-ԛәйде Йунанийа дьжитьн, Мәсиһи һʹәсаб дькьрьн һесир у беаԛьл. Ле Щьһуйа сәр ԝана ча сәр Пәтрус у Йуһʹәнна дьньһерʹин, демәк ча сәр мәрьвед «нәхԝәнди у нәзан» (Кʹар. Шанд. 4:13). Гәләк мәрьва Мәсиһи сьст һʹәсаб дькьрьн. Әԝана тʹәви политикайе нәдьбун, ләма жи мәрьва ԛәдьре ԝан нәдьгьртьн. Гәло әԝан Мәсиһийа һиштьн, ԝәки беһӧрмәткьрьн у мьԛабьлибуна ԝан дьжмьна, ԝана бьдә сәкьнандьне? На. w20.07 14-15 ¶3-4

Жь ширәтед кӧ Йуһʹәннайе шанди нәʹмед хԝәда ньвиси, әшкәрә те кʹьфше кӧ әԝ гәләк хушк-бьра һʹьз дькьр, у бона рʹӧһʹанийа ԝан хәм дькьр. Әм чьԛас ша дьбьн кӧ тʹәви Иса ԝе хьзмәткʹаред ӧса сәрԝертийе бькьн, йед кӧ мина Йуһʹәнна бона һʹалхԝәшийа хушк-бьра хәм дькьн (1 Йуһʹн. 2:27). Ԝәрә әм бь дьл у щан ԛәбул кьн ширәтед, кӧ әԝи да мә. Ԝәрә әм хԝәрʹа ԛьрар кьн, кӧ тʹьме рʹийа рʹастийеда һәрʹьн у һәр тьштида гӧрʹа Йаһоԝа бькьн. Тʹьме Хәбәра ԝи леколин бькьн у дӧдьли нәбьн, ԝәки ширәтед теда, бона кʹара ԝә йә. Баԝәрийа хԝә һьндава Иса дьһа ԛәԝи кьн. Тʹӧ щар гӧһ нәдьнә философийа мәрьва у һинкьрьнед рʹабәра. Пе принсипед Йаһоԝа бьжин. Ԝәрә әм тʹьме бьбахшиньнә хушк-бьра у ԝәʹде чәтьнайа али ԝан бькьн, ԝәки әԝана ԛәԝи бьминьн. Һьнге чь жи бьԛәԝьмә, әме сәр рʹийа рʹаст бьминьн. w20.07 24-25 ¶15-17

Йаһоԝа бь дьловани ролед щӧда данә һʹәму хьзмәткʹаре хԝә. Рола мә чь бә жи, әм гьшк бьԛимәт ьн у һʹәԝщәйи һәвдӧ нә. Паԝлосе шанди да кʹьфше кӧ тʹӧ кәс нькарә хушк у бьрайәки дьнрʹа бежә: «Тӧ кери мьн найейи!» (1 Корн. 12:21) Жь бо кӧ әʹдьлайийа щьвате хьраб нәбә, гәрәке әм ԛимәте бьдьн һәвдӧ у һәвкʹарийе бькьн (Әфәс. 4:16). Һәрге әм дь йәктийеда һәвкʹарийе бькьн, щьват ԝе бь һʹьзкьрьне гәш бьбә. Һʹәму рʹуспийед щьвате жь алийе рʹӧһʹе пирозва тен кʹьфш кьрьн, ле һʹӧнӧред һәр йәк жь ԝан жь һәв щӧда нә (1 Корн. 12:17). Һьнә рʹуспийед щьвате бәлки тʹәзә һатьнә кʹьфш кьрьн, у щерʹьбанди ниньн. Һьнәк бәлки ида кал бунә, у сьһʹәта ԝан нә баш ә. Ле йәкә, тʹӧ рʹуспи рʹуспики дьнрʹа нькарә бежә: «Тӧ кери мьн найейи!» Ԝе баш бә кӧ һәр рʹуспи гӧһ  бьдә ширәта кӧ Паԝлос Рʹомайи 12:10-да дабу. w20.08 26 ¶1-2; 27 ¶4

Йаһоԝа бь сайа тʹәшкиләта хԝә али мә дькә кӧ әм ль сәр рʹийа жийане бьминьн. Бешьк әм һазьр ьн кӧ рʹебәрийа Кʹьтеба Пироз йа ль сәр намусийе ԛәбул бькьн. Ле гава тʹәшкиләт сафикьрьнәкә ну дькә, йа кӧ ль сәр жийана мә һʹӧкӧм дькә, мәсәлә гава Ода Щьвата мә дьфьрошә, гәло әм чь дькьн, бона кӧ әм шабуна хԝә ӧнда нәкьн, гәрәке әм биньн бира хԝә кӧ әм бона Йаһоԝа дьхәбьтьн, у әԝ хԝәха рʹебәрийа тʹәшкиләта хԝә дькә (Колс. 3:23, 24). Гава Даԝьд Пʹадша дьхԝәст бона авакьрьна пʹарьстгәһе пʹәра ԛӧрбан кә, әԝи гот: «Әз кʹи мә у нәтәԝа [щьмәʹта] мьн чи йә кӧ, әм бькарьбьн ӧса пʹешкʹешед жь дьл бьдьн? Жь бәр кӧ һәр тьшт жь тә йә у мә жь дәсте тә дан тә» (1 Дир. 29:14). Гава әм пʹәра ԛӧрбан дькьн, әм жи тьштед кӧ мә жь Йаһоԝа стандьнә, дьдьн ԝи. Ле йәкә Йаһоԝа ԛимәт дькә ԝәхт, ԛәԝат у һәбуна мә кӧ әм бона пьштгьрийа ише ԝи хәрщ дькьн (2 Корн. 9:7). w20.11 22-23 ¶14-16

Сәркʹәтибуна мә, ве йәкева гьредайи нинә кӧ чьԛас мәрьв әм дькьн шагьртед Иса (Луԛа 8:11-15). Һʹәта әм ише бәлакьрьн у һинкьрьна мьзгине бәрдәԝам дькьн, Йаһоԝа ԝе мә мина кәсед сәркʹәти һʹәсаб бькә. Гәло чьма? Чьмки гава әм ви иши дькьн, әм гӧһ дьдьн ԝи у Кӧрʹе ԝи (Марԛ. 13:10; Кʹар. Шанд. 5:28, 29). Хьлазийа ве система хьраб ль бәр шемике йә. Ԝәхт һьндьк майә кӧ әм мьзгина хьлазбуне бьгьһиньн мәрьва. Ләма хԝә паш нәхә! Жь бо кӧ тӧ ви ише фәрз бьки, нә лазьм ә кӧ һʹал у дәрәщед тә һәри баш бьн. Бәле, хԝәстьн, һостәти, мерхаси у дисиплина хԝә тʹьме зедә бькә. Тʹәви зедәтьри 8 милйон «мәʹсигьред» дьн һәвкʹарийе бькә. Һәгәр тӧ ӧса бьки, Йаһоԝа ԝе дьлхԝәшийе бьдә тә (Нәһәм. 8:10; Луԛа 5:10). Һʹәта хьлазийе бь дьл у щан бьхәбьтә. w20.09 7 ¶18-20

Гәрәке әм изне нәдьн кӧ һәбукһʹьзи бькʹәвә дьле мә. «Хапандьна дәԝләмәндийе» дькарә бьбә сәбәб кӧ һʹьзкьрьна Йаһоԝа дьле мәда сар бә, кӧ әм ида ԛимәте нәдьн Хәбәра Хԝәде у хԝәстьна хԝә ӧнда кьн кӧ мьзгине бәла бькьн (Мәт. 13:22). Сәва кӧ әм тьштед кӧ Йаһоԝа тʹәсмили мә кьрьнә, бьпарезьн, гәрәке әм тʹәлька тедәрхьн у дәрберʹа тьштәки бькьн. Әм дькарьн пешда бьфькьрьн кӧ әме чь бькьн, һәгәр әм ль интернете йан ль телевизйоне ньшкева тьштәки нәбаш бьвиньн, мәсәлә бенамуси, зордари йан әʹдәбйәтед кәсед кӧ ль һьмбәри рʹастийе дәркʹәтьнә. Һәгәр әм хԝә пешда һазьр бькьн, әме бькарьбьн хԝә зу бьпарезьн у дь чʹәʹве Йаһоԝада паԛьж бьминьн (Зәб. 101:3; 1 Тимтʹ. 4:12). Йаһоԝа рʹастийа Кʹьтеба Пироз у ԛәдьре бәлакьрьна мьзгине тʹәсмили мә кьрьнә. Гәрәке әм ван тьштед бьԛимәт рʹьнд бьпарезьн. Һәгәр әм ӧса бькьн, әме бьбьн хԝәйе исафа тʹәмьз у бь жийанәкә бәхтәԝар бьжин. Ӧса жи, әме бькарьбьн али кәсед дьн бькьн ԝәки әԝана Йаһоԝа нас бькьн, у әв йәк ԝе дьле мә ша бькә. w20.09 30 ¶16-19

Гава кәсәк те ньхӧмандьне, әԝ ль бәр һәр кәси әшкәрә дькә кӧ әԝ баԝәрийа хԝә Йаһоԝа тинә у һазьр ә кӧ тʹәви тʹәшкиләта ԝи һәвкʹарийе бькә. Әв йәк кӧ Йаһоԝа чаԝа рʹебәрийе тʹәшкиләта хԝә дькә, хәйсәт, нет у принсипед ԝи әʹйан дькә. Дина хԝә бьдьн се һʹӧнӧред Йаһоԝа дь тʹәшкиләта ԝида чаԝа тенә кʹьфше. Йа йәке, Хԝәде йәки бетәрәф ә, демәк әԝ фьрԛийе накә нава мәрьва (Кʹар. Шанд. 10:34). Жь һʹьзкьрьне, Йаһоԝа Кӧрʹе хԝә ԝәк ԛӧрбан бона һәр кәси дайә (1 Тимтʹ. 2:6; Йуһʹн. 3:16). Бь дәсте хьзмәткʹаред хԝә, Йаһоԝа мьзгине дьгьһинә һәр кәсе кӧ гӧһ дьдә, у али ԝан дькә кӧ әԝ жь ве ԛӧрбане кʹәрәма бьстиньн. Йа дӧда, Йаһоԝа Хԝәдайе әʹдьлайе у тʹәрбәтийе йә (1 Корн. 14:33, 40). Ләма, хьзмәткʹаред ԝи жи гәрәке бь әʹдьлайе у бь аԝайәки тʹәрбәт у маԛули ԝирʹа хьзмәт бькьн. Йа сьсийа, әԝ хьзмәткʹаред хԝә һәртʹьм һин дькә (Иб. 36:22). Ләма, тʹәшкиләта ԝи һьм ль щьвате һьм жи ль хьзмәте бь сайа Кʹьтеба Пироз һин дькә. w20.10 20 ¶1-3