Гӧлан

Гава Иса зарʹок бу, әԝи гӧһдарийа де у баве хԝә дькьр. Әԝи рʹебәрийа де у баве хԝә тʹӧ щара пʹепәс нәдькьр у нәдьфькьри кӧ әԝ жь ԝан баштьр занә. Жь бәр кӧ Иса кӧрʹе мәзьн бу, һьнә щабдарийед ԝи һәбун, у әԝи әв щабдари бешьк бь аԝайәки баш дьанин сери. Ӧса те фәʹм кьрьн кӧ әԝ ише нәщартийе жь Усьв һин бу, бона кӧ бькарьбә пьштгьрийа малбәте бькә. Дьԛәԝьмә, де у баве Иса ԝирʹа готьбун кӧ әԝ чаԝа һатә дьнйайе у мәләка дәрһәԛа ԝи чь готьбун (Луԛа 2:8-19, 25-38). Хенщи һинкьрьне кӧ Иса жь де у баве хԝә дьстанд, әԝи Ньвисаред Пироз хԝәха жи леколин дькьрьн. Әм ве йәке жь кӧ заньн? Гава әԝ һе зарʹок бу, мамостәйед ль Оршәлиме «сәр занәбун у щабед ԝи зәндәгьрти дьман» (Луԛа 2:46, 47). Гава Иса 12 сали бу, әԝи ида фәʹм дькьр кӧ Йаһоԝа Баве ԝи йә (Луԛа 2:42, 43, 49). w20.10 29-30 ¶13-14

Әв йәк кӧ Иса Мәсиһ жь мьрьне рʹабу һевийе дьдә мә кӧ кәсед дьн жи ԝе жь мьрьне рʹабьн. Дь нәʹма хԝәда дәрһәԛа рʹабуна мьрийа, Паԝлос бәʹса се тьштед фәрз кьр: (1) «Мәсиһ бона гӧнед мә мьр». (2) Әԝ «һатә дәфьнкьрьне». (3) Әԝ «рʹожа сьсийа . . . жь мьрьне рʹабу ль гора ньвисара» (1 Корн. 15:3, 4). Мьрьн, дәфьнкьрьн у рʹабуна Иса Мәсиһ бона мә чьма фәрз ьн? Ишайа пʹехәмбәр жь бәреда готьбу кӧ Мәсиһ ԝе бе кӧштьн у тʹәви хьраба бе дәфьн кьрьн. Ӧса жи, Ишайа готьбу кӧ Мәсиһ ԝе гӧнед гәләк мәрьва һьлдә сәр хԝә. Гава Иса Мәсиһ әʹмьре хԝә ԝәк кʹьрʹин да, әԝи әв пʹехәмбәрти ани сери (Иша. 53:8, 9, 12; Мәт. 20:28; Рʹом. 5:8). Ләма, мьрьн, дәфьнкьрьн у рʹабуна Иса Мәсиһ һевийе дьдьн мә кӧ әме жь гӧнә у мьрьне аза бьбьн у һʹьзкьрийед хԝә йед кӧ мьрьнә, диса бьвиньн. w20.12 2-3 ¶4-6; 5 ¶11

Паԝлосе шанди кʹьништед Щьһуйада гәләк щар шәʹдәти дьда. Мәсәлә, кʹьништа Тʹесалоникида, әԝ «се рʹожед шәмийе [Щьһуйарʹа] дькʹәтә хәбәрдане», у жь ньвисара ԝанрʹа шьровәдькьр (Кʹар. Шанд. 17:1, 2). Паԝлосрʹа һеса бу кʹьништада шәʹдәтийе бьдә, чьмки әԝ хԝәха Щьһу бу у нава ԝанда мәзьн бьбу (Кʹар. Шанд. 26:4, 5). Әԝи Щьһу рʹьнд нас дькьрьн, ләма жи дькарьбу аза тʹәви ԝан хәбәр дә (Фили. 3:5). Чахе Паԝлос жь дьжмьна рʹәвийа, әԝ чу Тʹесалонике, паше жи Бәройайе, у ахьрийе чу Атʹинайе. Ԝедәре жи әԝи «кʹьништеда щьһу у йунанед хԝәдебаԝәррʹа . . . дькʹәтә хәбәрдане» (Кʹар. Шанд. 17:17). Ле чахе Паԝлос чу мәйдана бажер сәва хьзмәт кә, әԝ ида рʹасти щурʹә-щурʹә мәрьва һат. Һьнәк жь ԝан философ у пʹутпʹарьст бун, йед кӧ дьфькьрин, ԝәки Паԝлос «һинкьрьна ну» бәла дькә. Ԝана жерʹа дьгот: «Тӧ тьштед хәриб мә дьди бьһистьне» (Кʹар. Шанд. 17:18-20). w20.04 9 ¶5-6

Һәгәр тӧ ль һьмбәри кемасикә хԝә шәрʹ дьки, хԝә бекер һʹәсаб нәкә. Әм гьшк жи ԛьсурдар ьн, у әм һʹәԝщәйи кʹәрәма Хԝәде нә, йа кӧ әԝ бь сайа ԛӧрбана Иса ль сәр мә дьбаринә (Әфәс. 1:7; 1 Йуһʹн. 4:10). Хенщи ве йәке, хушк у бьра дькарьн мә һелан бькьн. Гава әм дьхԝазьн бәʹса проблемед хԝә бькьн, әԝана дькарьн гӧһ бьдьн мә у дьл бьдьнә мә (Мәтʹлк. 12:25; 1 Тʹеслн. 5:14). Хушкәкә бь наве Щой, йа кӧ ль Нижәрийайе дьжи, дьбежә кӧ гава әԝ дьлтәнг дьбу, чь али ԝе дькьр: «Һәгәр хушк у бьра али мьн нәкьрана, мьне чь бькьра? Аликʹарийа ԝан избат дькә кӧ Йаһоԝа щаба дӧайед мьн дьдә. Бь сәрда, әз жь ԝан һин бумә кӧ әз чаԝа дькарьм кәсед дьн һелан бькьм, йед кӧ ԝәк мьн дьлгьран ьн». Ле бәле, гәрәке әм нәфькьрьн кӧ хушк у бьра нә һәртʹьм заньн кӧ һʹале мә чь йә. Ләма, ԝе бәлки лазьм бә кӧ әм һәрʹьн бал хушк йан бьраки гьһишти у бежьн кӧ әм һʹәԝщәйи аликʹарийе нә. w20.12 23-24 ¶7-8

Чахе һун дьхԝазьн тʹәви кәсәки һәвалтийе бькьн, бәре әʹԝльн һун тʹәви ԝи ԝәʹдә дәрбаз дькьн. Һун һәврʹа хәбәр дьдьн, фькьред хԝә һәврʹа гьли дькьн у дьле хԝә һәврʹа вәдькьн, ӧса һун дьбьнә һәвалед һәв. Ле сәва бьбьнә достед Иса, һьнә чәтьнайи һәнә. Чәтьнайик әԝ ә, кӧ мә Иса нәдитийә. Гәләк Мәсиһийед ԛьрʹна йәкеда жи Иса нәдитьбун. Ле Паԝлосе шанди гот: «Ԝә әԝ нәдитийә, ле һун ԝи һʹьз дькьн, ньһа жи набиньн, ле ԝи баԝәр дькьн» (1 Пәт. 1:8). Бәле, рʹаст ә мә Иса нәдитийә, ле йәкә әм дькарьн бьбьнә достед ԝийи незик. Ле әм нькарьн тʹәви ԝи хәбәр дьн. Чахе әм дӧа дькьн, әм Йаһоԝарʹа хәбәр дьдьн. Рʹаст ә әм пе наве Иса дӧа дькьн, ле әв найе һʹәсабе, кӧ әм Исарʹа хәбәр дьдьн. У Иса хԝәха жи нахԝазә, ԝәки әм ԝирʹа дӧа бькьн. Чьрʹа? Чьмки дӧа дькʹәвә нава һʹәбандьне, у әм гәрәке тʹәне Йаһоԝа бьһʹәбиньн (Мәт. 4:10). Ле йәкә әм бь гәләк тьшта дькарьн избат кьн кӧ әм Иса һʹьз дькьн. w20.04 20 ¶1-3

Листькед Йунанида йед дьрʹәвийан гәрәке бәр чәтьнайа тәйах кьрана, мәсәлә әԝана дьԝәстийан у еш дькʹьшандьн. Һьнге ԝана һевийа хԝә дьда тʹәне сәр ве йәке, чь кӧ һин бьбун у сәр ԛәԝата хԝә. Әм жи мина ԝан рʹәвийа тенә һинкьрьне, кӧ ча ләщмәйданеда бьрʹәвьн. Ле дәрәща мә жь йа ԝана щӧдә дьбә ве йәкеда, кӧ әм дькарьн ԛәԝате жь Йаһоԝа бьстиньн, у синоре ԛәԝата ԝи тʹӧнә. Йаһоԝа соз дьдә, кӧ һәрге әм итʹбарийа хԝә ԝи биньн, әԝ ԝе мә нә кӧ тʹәне һин кә, ле ӧса жи ԛәԝи кә! Чәтьнайед Паԝлос гәләк бун. Хенщи кӧ гәләка әԝ беһӧрмәт дькьрьн у пәй ԝи дькʹәтьн, әԝ ӧса жи щара сьст дьбу, у дьчәрчьри жь бо «стьрийәк» ль бәдәна хԝәда (2 Корн. 12:7, ИМ). Ле әԝ чәтьнайи бона ԝи нәдьбун сәбәб  кӧ әԝ бькʹәвә, дәԝсе әԝи сәр ван чәтьнайа дьньһерʹи ча мәщал, кӧ дәсте Йаһоԝа бьвинә (2 Корн. 12:9, 10). Жь бо ве ньһерʹандьна ԝи, Йаһоԝа али ԝи кьр, кӧ һʹәму щерʹьбандьнед хԝәда тәйах кә. w20.04 29 ¶13-14

Диса пʹешкʹешәкә ԛимәт кӧ найе дитьне әԝ ә, кӧ әм «һәвал-хәбатед» Йаһоԝа, Иса у мәләка нә (2 Корн. 6:1). Әм һьнге тʹәви ԝан һәвкʹарийе дькьн, чахе мьзгинийе бәла дькьн. Паԝлос дәрһәԛа хԝә у йед кӧ тʹәви ԝи хьзмәт дькьрьн, гот: «Әм тʹәвайи бона Хԝәде дьхәбьтьн» (1 Корн. 3:9). Чахе әм хьзмәт дькьн, әм тʹәви Иса жи һәвкʹарийе дькьн. Биньн бира хԝә, чахе Иса тʹәми да шагьртед хԝә, кӧ «һәрʹьн һʹәму мьләта һин кьн», әԝи ԝанрʹа гот: «Әз . . . тʹәви ԝә мә!» (Мәт. 28:19, 20) Ле тʹәви мәләка әм ча һәвкʹарийе дькьн? Мәләк рʹебәрийе мә дькьн, ԝәки әм «мьзгинийа . . . һʹәта-һʹәтайе», бьдьнә «йед рʹубари дьне». Әԝ йәк рʹасти жи кʹәрәм ә бона мә! (Әʹйан. 14:6) Пе аликʹарийа жь әʹзмана, иро чь те кьрьне? Әм чахе тʹохьме мьзгинийа Пʹадшатийе дьрʹәшиньн, һьнә тʹохьм дькʹәвьнә дьлед ԛәнщ у шин дьбьн (Мәт. 13:18, 23). Ле кʹе ӧса дькә, ԝәки әв тʹохьмед рʹастийе дьлда шин бьн у бәр бьдьн? Иса ве йәке рʹеза ве рʹожеда шьровәкьр. w20.05 30 ¶14-15

Иро бь милйона малбәт һьлдьшен, чьмки жьн-мер жь һәв дьԛәтьн. Гәләк жьн-мер жи жь һәв наԛәтьн у маләкеда дьминьн, ле әԝана диса жи бәхтәԝар ниньн. Шеԝьрмәндәки малбәта ӧса дьбежә: «Де-бав у зарʹ ниве зәʹф бь компӧтәр, табләт йан тʹелед хԝә мьжул ьн. Әԝ маләкеда дьжин, ле пʹаки һаш жь һәв тʹӧнәнә». Гәрәке әм нәкʹәвьн бәр байе ве дьнйа дьлсар. Ль гора Кʹьтеба Пироз, лазьм ә кӧ әм нә тʹәне малбәта хԝә, ле хушк-бьред ль щьвате жи һʹьз бькьн (Рʹомайи 12:10). Хәбәра кӧ ль Рʹомайи 12:10 ча «шәԝат бьн» һатийә ԝәлгәрʹандьн, дьлгәрмийа дь нав нәфәред маледа әʹйан дькә. Чаԝа кӧ әм сәр малбәта хԝә шәԝат ьн, чьмки ԝана һʹьз дькьн, гәрәке әм хушк-бьра жи ӧса һʹьз бькьн. Әв йәк ԝе али мә бькә кӧ әм бь йәкти Йаһоԝарʹа хьзмәт бькьн (Миха 2:12). w21.01 20 ¶1-2

Кʹома кӧ йәкти теда һәйә, ԝе һе пешда һәрʹә, нә кӧ кʹомәкә дьн. Дьле ԝә дькарә мина ве кʹома пешдачуйи бә, һәрге фькьр, хԝәстьн у емосийед ԝә ль гора принсипед Йаһоԝа бьн. Тʹӧ щар бир нәкьн, ԝәки Шәйтʹан гәләк дьхԝазә дьле ԝә пʹарәвәбә. Әԝ дьхԝазә фькьр, хԝәстьн у емосийед ԝә мьԛабьли принсипед Йаһоԝа бьн. Ле һун алийе хԝәда гәрәке һәр тьшти бькьн, ԝәки дьле ԝә бь тʹәмами тʹәви Йаһоԝа бә (Мәт. 22:36-38). Тʹӧ щар нәһельн, ԝәки Шәйтʹан дьле ԝә жь Хԝәде дур хә! Мина Даԝьд дӧада Йаһоԝарʹа бежьн: «Дьле мьн бькә йәк кӧ жь наве Тә хоф бькьм». Бьра нета ԝә әԝ бә, кӧ бона ве йәке тʹьме дӧа бькьн. Һәр рʹож сафикьрьнед мәзьнда у ӧса жи йед бьчʹукда избат бьн, ԝәки һун жь наве Йаһоԝа хоф дькьн. Ӧса һуне ча Шәʹдед Йаһоԝа, һӧрмәте бьдьнә наве Хԝәде (Мәтʹлк. 27:11). У әме гьшк жи бькарьбьн бежьн ԝан гьлийед Миха пʹехәмбәр: «Әм жи һәртʹьм у һʹәта бедаԝибуне, бь наве Хԝәдейе хԝә Хӧданва бьмәшьн» (Мих. 4:5). w20.06 13 ¶17-18

Әԝ һʹьщумкьрьна пʹадше бакӧре у сәрԝертийед майин, ԝе һерса йе Һьмзор бинә, у Әԝ ԝе шәрʹе Һармәгәдон дәстпекә (Әʹйан. 16:14, 16). Ԝи ԝәʹдәйи пʹадше бакӧре у мьләтед майин кӧ бь симболик Гог жь Магоге тенә һʹәсабе, ԝе бәла хԝә бьстиньн у «кәсәки кӧ аликʹарийе» бьдә ԝан, ԝе «тʹӧнә бә» (Дан. 11:45). Рʹеза паши ве рʹезе һур бь һур те шьровәкьрьне дәрһәԛа ве йәке, кӧ ча пʹадше бакӧре у пьштгьред ԝи, ԝе ԛьрʹ бьн у ча Йаһоԝа ԝе щьмәʹта хԝә хьлаз кә (Дан. 12:1). Әԝ рʹез чь те һʹәсабе? Ве рʹезеда Мьхайил, сәрнаве Иса Мәсиһ йә, кӧ бу Пʹадша Пʹадшатийа Хԝәдеда. Жь сала 1914, чахе әԝ Пʹадшати сәр әʹзмана саз бу, һьнгеда Иса бона щьмәʹта Хԝәде сәкьни йә. Ахьрийеда жи әԝ ԝе «рʹабә», демәк ԝе шәрʹе Һармәгәдонеда дьжмьнед Хԝәде кʹӧта кә. Әв шәрʹ ԝе хьлазийа ве ԛәԝьмандьне бә, кӧ Данийел нав дькә «ԝәхтәки тәнгасийе», у кʹижан кӧ нава тʹәрихийа инсанәтеда тʹӧ щар тʹӧнә буйә. Йуһʹәннайе шанди кʹьтеба Әʹйантида әԝи ԝәхти нав дькә «тәнгасийа мәзьн» (Әʹйан. 6:2; 7:14). w20.05 15-16 ¶15-17

Гава Усьв хӧлам бу у паше кʹәтә кәле, азайа ԝи тʹӧнә бу у әԝи нькарьбу һʹале хԝә бьгӧһаста. Гәло чь али ԝи дькьр кӧ әԝ ньһерʹандьнәкә позитив хԝәй бькә? Әԝи дина хԝә нәдьда тьштед кӧ ида нькарьбу бькьра, ле әԝи шьхӧлед хԝә бь дьл у щан дьани сери. Әԝи һәртʹьм хирәт дькьр кӧ дьле Йаһоԝа ша бькә. Ләма, Йаһоԝа һʹәму кʹаред Усьв бьбәрәкʹәт дькьрьн (Дәстп. 39:21-23). Сәрһатийа Усьв тинә бира мә кӧ дьнйа берʹәʹм ә у дьхԝазьн нахԝазьн әме рʹасти нәһәԛийа бен. Хушк-бьред мә жи дькарьн дьле мә бьешиньн. Ле бәле, һәгәр әм Йаһоԝа ԝәк Зьнар у Стʹара хԝә бьвиньн, әме мерхасийа хԝә ӧнда нәкьн у хьзмәта хԝә нәдьн сәкьнандьн (Зәб. 62:6, 7; 1 Пәт. 5:10). Ӧса жи, бинә бира хԝә кӧ гава Усьв хәԝнед жь Хԝәде дитьн, әԝ тʹәне ԝәкә 17 сали бу. Әв йәк нишани мә дькә кӧ Йаһоԝа бь хьзмәткʹаред хԝә йед щаһьл жи баԝәр ә. Иро, гәләк щаһьл ԝәк Усьв ьн. Мина ԝи, әԝ баԝәрийа хԝә Йаһоԝа тиньн. Һьнә жь ԝан сәва амьнийа хԝә бь нәһәԛи кʹәтьнә кәле (Зәб. 110:3). w20.12 16 ¶3; 17 ¶5, 7

Пәйкʹәтьн бона Пәтрус у Йуһʹәннайе шанди ԛәдьр бу, чьмки әԝана пәй Иса дьчун у дәрһәԛа ԝи һин дькьрьн (Кʹар. Шанд. 4:18-21; 5:27-29, 41, 42). Мәʹнийа шагьрта тʹӧнә бу, кӧ шәрм кьн. Рʹаст ә мәрьва ԛәдьре ԝан Мәсиһийа нәдьгьртьн, ле йәкә ԝана гәләк али мәрьва дькьрьн. Мәсәлә кʹьтебед жь бина бәр Хԝәде, кʹижан кӧ һьнә жь ԝан Мәсиһийа ньвисинә, һʹәта иро жи али бь милйона мәрьва дькьн. Әԝ Пʹадшати, дәрһәԛа кʹижани ԝана дьгот, нә тʹәне ньһа сәрԝертийе дькә, ле ӧса жи зутьрәке ԝе сәрԝертийе сәр тʹәмамийа дьнйайе бькә (Мәт. 24:14). Мәсәлә, әԝ сәрԝертийед ԛәԝат кӧ пәй Мәсиһийа дькʹәтьн, кʹӧта бунә, ле әԝ Мәсиһийед амьн ньһа ль әʹзмана пʹадша нә. Әԝ мәрьвед кӧ пәй ԝан дькʹәтьн, мьрьнә. Әԝана һәрге рʹабьн жи, ԝе бьн ве Пʹадшатийеда бьжин, кʹижанеда әԝ Мәсиһи ԝе сәрԝертийе бькьн, йед кӧ бәр чʹәʹве ԝан рʹәш бун (Әʹйан. 5:10). w20.07 15 ¶4

Бьраһим бь ви сози һаԛас баԝәр бу кӧ ԝи те бежи Мәсиһ дьдит, йе кӧ ԝе бьбә Пʹадшайе Пʹадшатийа Хԝәде. Ләма, Иса Щьһуйарʹа ӧса гот: «Баве ԝә Бьраһим бь һевийа кӧ ԝе рʹожа мьн бьвинә гәләк ша бу; ԝи әԝ дит у дьлгәш бу» (Йуһʹн. 8:56, ИМ). Бәле, Бьраһим заньбу кӧ һьнә кәсед жь зӧрʹәта ԝи ԝе бьбьн пʹара Пʹадшатийа Хԝәде, у әԝ һазьр бу ԝәки һивийе бә, һʹәта кӧ Йаһоԝа ве созе хԝә бинә сери. Гәло Бьраһим ча әʹйан кьр кӧ әԝ һивийа «бажар» йан Пʹадшатийа Хԝәде дьма? Мәсәлә, Бьраһим нәбу бажарване тӧ пʹадшатийа ве дьнйайе. Әԝ кʹочбәр бу, конада дьжит у пьштгьрийа тӧ пʹадшаки нәкьр. Ӧса жи, ԝи хԝәрʹа пʹадшатик ава нәкьр, ле ԝи гӧһ дьда Йаһоԝа у һивийе дьма кӧ Йаһоԝа созе хԝә бинә сери. Бь ви аԝайи, Бьраһим баԝәрикә мәзьн әʹйан дькьр. w20.08 3 ¶4-5

Йаһоԝа соз дайә кӧ бьн һʹӧкӧмдарийа Иса Мәсиһда, тʹӧ кәс ԝе нәбежә: «Әз нәхԝәш ьм» (Иша. 33:24). Ләма, мьри ԝе һьлбәт бь бәдәнәкә сахләм бен рʹакьрьн. Ле бәле, әв йәк найе һʹәсабе кӧ әԝе дәрберʹа беԛьсур бьн. Ӧса те кʹьфше кӧ һʹәму инсан ԝе гав бь гав бьгьһижьн беԛьсурийе. Хьлазийа Һʹӧкӧмдарийа Һʹәзарсалида, Иса Мәсиһ ԝе Пʹадшатийе вәгәрʹинә Баве хԝә. Һʹәта ԝе дәме, Пʹадшати ԝе ише хԝә хьлаз бькә у һәр кәси бьгьһинә беԛьсурийе (1 Корн. 15:24-28; Әʹйан. 20:1-3). Бинә бәр чʹәʹве хԝә кӧ гава һʹьзкьрийед тә ԝе рʹабьн, тӧйе чьԛас ша би. Ԝе дәме, ма чʹәʹвед тә ԝе бь һесьред шабуне тʹьжә нәбьн? Ма тӧйе жь бо пәсне Йаһоԝа страна нәвежи? Бәле, тӧйе гәләк дьлша би, у тӧйе Йаһоԝа у Иса Мәсиһ жь дьл шекьрдар би! w20.08 16-17 ¶9-10

Паԝлос гот кӧ ԝе баш бә кӧ хьзмәткʹаред Хԝәде бьфькьрьн кʹа әԝ дькарьн хьзмәтеда азәп бьминьн йан на (1 Корн. 7:8, 9). Паԝлос хушк у бьрайед азәп ньмьз һʹәсаб нәдькьр. Мәсәлә, ԝи хортәки азәп йе бь наве Тимотʹейо һьлбьжарт кӧ әԝ щабдарийед гьран бьстинә (Фили. 2:19-22). Әв йәк кӧ кәсәк жь бо щабдарийа теократик һазьр ә йан на, бь азәпбун йан зәԝьщибуна ԝива гьредайи нинә (1 Корн. 7:32-35, 38). Иса Мәсиһ у Паԝлосе шанди һин нәдькьр кӧ гәрәк шагьртед Иса бьзәԝьщьн йан азәп бьминьн. Һәгәр ӧса йә, гәрәке ньһерʹандьна мә йа ль сәр зәԝащ у азәпбуне ча бә? Журнала «Бьрща Ԛәрәԝьлийе» йа 1 Щотмәһе сала 2012, ӧса готьбу: «Бь рʹасти, һәр дӧ жи [зәԝащ у азәпбун] пʹешкʹешед жь Хԝәде нә. . . . Йаһоԝа азәпбуне ԝәк бебәхти йан тьштәки шәрм навинә». Ләма, гәрәк әм ԛәдре хушк у бьрайед азәп бьгьрьн. w20.08 28 ¶8-9

Һьнә ԝәлатада, гәләк мәрьв мьзгине бь дьлхԝази ԛәбул дькьн. Гава әԝана мьзгине дьбьһен, әԝ пʹьрʹ ша дьбьн. Ле бәле, һьнә ԝәлатада мәрьварʹа һʹәԝас нинә дәрһәԛа Хԝәде йан Кʹьтеба Пироз хәбәр дьн. Гәло мәрьвед ль мьһала тә ль мьзгине чаԝа дьньһерʹьн? Ньһерʹандьна ԝан чь бә жи, Йаһоԝа дьхԝазә кӧ әм бәлакьрьна мьзгине нәһельн һʹәта әԝ нәбежә «Бәс». Йаһоԝа жь бәреда ԛьрар дайә кӧ бәлакьрьна мьзгине ԝе кʹәнге бьԛәдә, у «һьнге хьлази ԝе бе» (Мәт. 24:14). Иса Мәсиһ шагьртед хԝәрʹа готьбу кӧ ль рʹожед хьлазийе, чь ԝе бьԛәԝьмә у мәрьв ԝе чь щурʹәйи бьн. Әԝи заньбу кӧ һʹале дьнйайе ԝе бькарьбә бьбә сәбәб кӧ шагьртед ԝи бь тʹәмами дина хԝә нәдьн сәр ише бәлакьрьна мьзгине. Ләма, әԝи тʹәми да шагьртед хԝә кӧ әԝана «һʹьшйар бьминьн» (Мәт. 24:42). Ль рʹожед пешийа Тофане, мәрьва гӧһ нәда Нӧһ, чьмки гәләк шьхӧлед дьнва мьжул дьбун, у иро жи, һʹьш-аԛьле мә дькарә дәрбази сәр тьштед дьн бә (Мәт. 24:37-39; 2 Пәт. 2:5). Ләма, гәрәке әм бь тʹәмами дина хԝә бьдьн ише кӧ Йаһоԝа дайә мә. w20.09 8 ¶1-2, 4

Мире-щьна гәләк һерс ә, у гәрәке әм нәфькьрьн кӧ һерса ԝи ԝе ль сәр мә һʹӧкӧм нәкә (Әʹйан. 12:12). Дь дәмәкә незикда, амьнийа мә ԝе бе щерʹьбандьн. Ԝәк Иса Мәсиһ готьбу, «тәнгасикә ӧса мәзьн ԝе бьбә, кӧ жь дәстпебуна дьнйайе һʹәта ньһа мина ԝе нәбуйә» (Мәт. 24:21). Ль ԝе дәме, дьбә кӧ мәрьвед мә ԝе бьбьн дьжмьнед мә у ише мә ԝе бе ԛәдәхә кьрьн (Мәт. 10:35, 36). Гәло әме мина Аса Пʹадша баԝәрийа хԝә бь Йаһоԝа биньн у баԝәр бьн кӧ әԝе мә бьпарезә? (2 Дир. 14:11) Бь гәләк сала, Йаһоԝа али мә кьрийә кӧ баԝәрийа мә ԛәԝи бә. Бь сайа «хӧламе амьн у сәрԝахт», Йаһоԝа дь ԝәхта рʹастда хԝарьна рʹӧһʹани дьдә мә, ԝәки әм рʹийа рʹастийеда ԛәԝи бьсәкьньн (Мәт. 24:45). Гәрәке әм хирәт бькьн кӧ баԝәрийа мә һьндава бь Йаһоԝа һәр тʹьм сахләм бә (Ибрн. 10:38, 39). w20.09 18 ¶16-18

Һәгәр Йаһоԝа бьхԝазә, әԝ дькарә бь дәсте рʹӧһʹе пироз кәсед хԝәйиһʹӧкӧм бьдә хәбате кӧ әԝана хԝәстьна ԝи биньн сери. Әв мәтʹәлок чь те һʹәсабе? Мина кӧ щоткʹар дькарә каналәке бькʹолә у рʹийа аве ль гора хԝәстьна хԝә бьгӧһезә, Йаһоԝа жи дькарә бь дәсте рʹӧһʹе пироз фькред һʹӧкӧмдара ль гора хԝәстьна хԝә бьгӧһезә. Ахьрийеда, кәсед хԝәйиһʹӧкӧм дькарьн али хьзмәткʹаред Хԝәде бькьн (Әзра 7:21, 25, 26 жи бьньһерʹә). Әм дькарьн чь бькьн? Әм дькарьн «бона пʹадша у һʹәму сәрԝера» дӧа бькьн, ԝәки ԛьраред ԝан жь бо хьзмәт у һʹәбандьна мә баш бьн (1 Тимтʹ. 2:1, 2; Нәһәм. 1:11). Ԝәк шагьртед Иса, йед кӧ ль ԛьрʹна йәке дьжитьн, әм жи жь дьл бона хушк у бьрайед мә йед гьрти дӧа дькьн (Кʹар. Шанд. 12:5; Ибрн. 13:3). w20.11 15 ¶13-14

Һәгәр хԝәндәкʹарәки Кʹьтеба Пироз те ньхӧмандьне у дәрсдаре ԝи тӧ йи, дьлшадийа тә бешьк һе зедә йә! (1 Тʹеслн. 2:19, 20) Шагьртед ну ԝәк «шәʹдәнәʹма» нә – нә тʹәне бона дәрсдаред хԝә, ле бона тʹәмамийа щьвате (2 Корн. 3:1-3). Нава чар салада ль тʹәмамийа дьнйайе һәр мәһ ԝәкә 10 милйон һинбунед Кʹьтеба Пироз һатьн дәрбаз кьрьн. Ль ван сала, һәр сал зедәтьри 280 һʹәзар мәрьв һатьн ньхӧмандьн у бун шагьртед Иса Мәсиһ. Гәло әм чаԝа дькарьн али һе зедә кәса бькьн, кӧ әԝана жи пешда һәрʹьн у бенә ньхӧмандьне? Һʹәта кӧ Йаһоԝа бь сәбьр һивийе дьсәкьнә кӧ мәрьв бьбьн шагьртед Иса Мәсиһ, бьра әм бь дьл у щан али ԝан бькьн кӧ әԝ бәрбь ньхӧмандьне һәрʹьн. Бәле, ԝәхт һьндьк майә! (1 Корн. 7:29а; 1 Пәт. 4:7) w20.10 6 ¶1-2

Шаԝул Пʹадша гӧһ нәда Йаһоԝа. Гава Самуйел пʹехәмбәр сәр ԝи һерс кʹәт жи, Шаԝул Пʹадша шашийа хԝә бьчʹук һʹәсаб кьр у дьхԝәст суще хԝә бавежә сәр кәсед дьн (1 Сам. 15:13-24). Әв йәк нә щара пешьн бу кӧ Шаԝул ньһерʹандьнәкә ӧса әʹйан кьр (1 Сам. 13:10-14). Чь һʹәйф ә кӧ ԝи изьн да кӧ ԛӧрʹәти бькʹәвә дьле ԝи. Әԝи фькред хԝә рʹаст нәкьр, ләма Йаһоԝа сәр ԝи һерс кʹәт у әԝ рʹәд кьр. Сәва кӧ әм жь сәрһатийа Шаԝул дәрсе бьстиньн, ԝе баш бә кӧ әм жь хԝә бьпьрсьн: «Гава әз ширәтәкә жь Хәбәра Хԝәде дьхуньм, гәло әз мәʹнийа дьгәрʹьм кӧ гӧһ нәдьм ԝан ширәта? Гәло әз шашийед хԝә бьчʹук һʹәсаб дькьм? Гәло әз суще хԝә давежьм сәр кәсед дьн?» Һәгәр дь ван алийада кемасийед мә һәбьн, гәрәке әм ньһерʹандьн у фькред хԝә рʹаст бькьн. Һәгәр әм ве йәке нәкьн, ԛӧрʹәти дькарә бькʹәвә дьле мә, у әм дькарьн достийа хԝә тʹәви Йаһоԝа ӧнда бькьн. w20.11 20 ¶4-5

Щаһьло, сафи кә кӧ тӧйе кʹерʹа хьзмәт бьки. Гәрәке тӧ рʹьнд фәʹм бьки кӧ Йаһоԝа кʹи йә, нета ԝи чь йә у хԝәстьна ԝи бона тә чь йә (Рʹом. 12:2). Һьнге тӧйе бькарьби ԛьрара һәри фәрз бьди – сафи ки кӧ тӧйе Йаһоԝарʹа хьзмәт бьки (Йешу 24:15). Бь сайа хԝәндьн у леколина Кʹьтеба Пироз, тӧйе һе зедә Йаһоԝа һʹьз бьки, у баԝәрийа тә ԝе дьһа ԛәԝи бә. Дь жийана хԝәда һәри зедә дина хԝә бьдә хԝәстьна Йаһоԝа. Дьнйайа Мире-щьна дьбежә кӧ һәгәр тӧ һʹӧнӧред хԝә бона кʹара хԝә бьди хәбате, тӧйе бәхтәԝар бьби. Ле рʹасти әв ә кӧ кәсед кӧ дьхԝазьн мал у мьлкʹ ԛазанщ бькьн, хԝә дькьнә «хԝәйе кӧл у дәрда» (1 Тимтʹ. 6:9, 10). Ле һәгәр тӧ гӧһдарийа Йаһоԝа бьки у дь жийана хԝәда һәри зедә дина хԝә бьди хԝәстьна ԝи, тӧйе пешдачуйи у сәрԝахт би (Йешу 1:8). w20.10 30-31 ¶17-18

Ль ԛьрʹна йәке, мьзгина кӧ Иса Мәсиһ бәла дькьр һеви дьда һәр кәси. Әԝи әʹмьр да шагьртед хԝә кӧ әԝ ве мьзгине «һʹәта сәре дьне жи» бәла бькьн (Кʹар. Шанд. 1:8). Ԝана һьлбәт нькарьбуйа әв иш бь ԛәԝата хԝә биньн сери. Ләма, сәва әԝ бькарьбьн ви иши бькьн, Иса Мәсиһ соз да кӧ әԝе рʹӧһʹе пироз бьстиньн (Йуһʹн. 14:26; Зәкәр. 4:6). Ль Рʹожа Пенщийе Һʹәсабе йа сала 33 Д.М., шагьртед Иса рʹӧһʹе пироз стандьн. Бь сайа аликʹарийа рʹӧһʹе пироз, ԝана дәрберʹа бәлакьрьна мьзгине дәстпекьр, у дь ԝәхтәкә кьнда, бь һʹәзара кәса мьзгина Пʹадшатийе ԛәбул кьр (Кʹар. Шанд. 2:41; 4:4). Гава зерандьн дәстпебу, шагьртед Иса тʹәрка шьхӧле хԝә нәкьрьн, ле жь Хԝәде аликʹари хԝәстьн. Ԝана ӧса дӧа кьр: «Кʹәрәме хӧламед хԝәрʹа бькә, ԝәки әм меркʹими хәбәра тә хәбәр дьн». Һьнге әԝана бь рʹӧһʹе пирозва тʹьжи бун у бәрдәԝам дькьрьн «хәбәра Хԝәде меркʹими» бәла кьн (Кʹар. Шанд. 4:18-20, 29, 31). w20.10 21 ¶4-5

Гәло әм жь кӧ заньн кӧ Иса Мәсиһ бь рʹасти жь алийе Хԝәдева жь мьрьне һат рʹакьрьн? Гәләк кәса бь чʹәʹве хԝә дит кӧ Иса Мәсиһ жь мьрьне һатьбу рʹакьрьн (1 Корн. 15:5-7). Шәʹде пешьн, йе кӧ Паԝлосе шанди бәʹса ԝи кьр, Пәтрусе шанди бу, йе кӧ ԝәк Кифас жи дьһат нав кьрьн. Чәнд шагьртед дьн жи избат кьрьн кӧ Иса паши рʹабуна хԝә Пәтрусрʹа хӧйа бу (Луԛа 24:33, 34). Ӧса жи, Иса Мәсиһ 12 шандийед хԝәрʹа жи хӧйа бу. Паше, Иса Мәсиһ «щарәкерʹа пенсьд хушк-бьрайи зедәтьрва хӧйа бу». Дьбә кӧ Мәтта 28:16-20 бәʹса ве ԛәԝьмандьне дькә. Хенщи ве йәке, Иса «паше Аԛубва хӧйа бу». Дьԛәԝьмә әв Аԛуб, бьре Иса бу, йе кӧ дь сәрида Иса ԝәк Мәсиһ ԛәбул нәдькьр (Йуһʹн. 7:5). Паши кӧ Иса Мәсиһ Аԛубрʹа хӧйа бу, әԝи баԝәрийа хԝә бь Иса ани. Дь сала 55 йа Д.М., гава Паԝлос әв нәʹмә ньвиси, гәләк шәʹдед рʹабуна Иса Мәсиһ һе сах бун. Ләма, кәсед кӧ бь рʹабуна Иса Мәсиһ баԝәр нәдькьрьн дькарьбун рʹастә-рʹаст жь ван шәʹда әʹламәтийе бьстиньн. w20.12 3 ¶5, 7-8

Гава әм нәхԝәш дькʹәвьн – ила-һи гава әм нәхԝәшикә кʹроники нәхԝәш ьн – бәлки ль мә зор те кӧ әм ньһерʹандьнәкә позитив хԝәй бькьн. Ләма жи аликʹарийе жь Йаһоԝа бьхԝазьн. Йаһоԝа мә һәр чьԛас бь кʹәрәмәта иро ԛәнщ нәкә жи, әԝ бәрдьлийе у ԛәԝате дьдә мә кӧ әм бькарьбьн сәбьр бькьн (Зәб. 94:19). Мәсәлә, гава әм бона ишед мале һʹәԝщәйи аликʹарийе дьбьн, Хԝәде дькарә ль сәр дьле хушк у бьред мә һʹӧкӧм бькә кӧ әԝ али мә бькьн. Йан жи, әԝ дькарә ԝана һелан бькә кӧ әԝ тʹәви мә дӧа бькьн. Ӧса жи, әԝ дькарә готьнед дьлбини жь Кʹьтеба Пироз бинә бира мә, мәсәлә һевийа жийанәкә бе еш у бе нәхԝәшийе дьнйа тʹәзәда (Рʹом. 15:4). Щарьна әм дьлтәнг дьбьн, чьмки әм нькарьн мина бәре хьзмәт бькьн. Хушкәкә бь наве Лаурел, 37 сал дь һӧндьре мәкʹинәкә жь бо бинкʹьшандьнеда ма. Хенщи ве йәке, кансәра ԝе һәбу, әԝ чәнд щара һат операсийонкьрьн у нәхԝәшийа чʹәрм щәм ԝе һәбу. Диса жи, тʹӧ тьшти нькарьбу рʹийа ԝе бьгьрә кӧ әԝ бәʹса мьзгине нәкә. Әԝе мьзгин дьда бәрдәстед һʹәкима у кәсед дьн кӧ дьһатьн мала ԝе. Бь сайа хирәта ԝе, һәри кем 17 кәс бун Шәʹдед Йаһоԝа! w20.12 24 ¶9; 25 ¶12

Паԝлосе шанди һʹәԝщәйи аликʹарийе бу. Ԝәкә сала 56 Д.М., әʹлаләте әԝ жь пʹарьстгәһе дәрхьст у дьхԝәст ԝи бькӧжә. Рʹожәк шунда, гава Паԝлос ль бәр щьвина гьрәгьра сәкьни, дьжмьнед ԝи дьхԝәстьн ԝи ԛәт-ԛәти кьн (Кʹар. Шанд. 21:30-32; 22:30; 23:6-10). Дьбә кӧ Паԝлос ӧса дьфькьри: «Әзе һʹәта кʹәнге карьбьм ль бәр ве зӧлме тәйах бькьм?» Паԝлос чь аликʹари станд? Шәва паши кӧ Паԝлос һат гьртьн, Иса ԝирʹа хӧйа бу у гот: «Сәрхԝә бә, тә чаԝа шәʹдәтийа мьн Оршәлимеда да, ӧса жи гәрәке Рʹомеда шәʹдәтийе бьди» (Кʹар. Шанд. 23:11). Паԝлос бешьк жь ве созе пʹьрʹ мерхаси дьстанд. Иса Мәсиһ пәсне Паԝлос да жь бәр кӧ әԝи ль Оршәлиме шәʹдәти дабу. Ӧса жи, әԝи соз да Паԝлос кӧ әԝе бь сах у сьламәт бьгьһижә Рʹоме, у кӧ әԝе ль ԝе дәре диса шәʹдәтийе бьдә. Гава Паԝлос әв соз бьһист, бешьк әԝи хԝә хԝәйкьри тʹәхмин дькьр, ԝәк зарʹокәки кӧ хԝә дь пʹашьла баве хԝәда хԝәйкьри тʹәхмин дькә. w20.11 12 ¶1, 3; 13 ¶4

Һевийа Пʹадшатийе мина «ләнгәр» ә бона мә у али мә дькә кӧ әм ԝәʹде хәм у тәнгасийа сәбьр бькьн. Йаһоԝа соз дайә кӧ дь дәмәкә незикда, фькред негатиф ԝе ида нәйен бира мә (Ишайа 65:17). Бинә бәр чʹәʹве хԝә кӧ тӧ ида дьнйа тʹәзәда ни, у кӧл у дәрд ида тʹӧнә (Миха 4:4). Сәва кӧ һевийа тә дьһа ԛәԝи бә, кәсед дьнрʹа бәʹса һевийа хԝә бькә. Мьзгина Пʹадшатийе бь дьл у щан бәла бькә. Бь ви аԝайи, тӧйе бькарьби һевийа хԝә һʹәта хьлазийе ԛайим бьгьри (Ибрани 6:11). Чьԛас әм незики хьлазийа ве системе дьбьн, һаԛас әме рʹасти һе зедә тәнгасийа бен, йед кӧ дькарьн хәмед мә зедә бькьн. Әме нава тәнгасийед ӧса нә бь сайа аԛьле хԝә, ле бь сайа баԝәрийа хԝә һьндава Йаһоԝа рʹьһʹәт бьминьн. Ԝәрә әм бь готьн у кьред хԝә нишан бькьн кӧ әм бь ве соза Йаһоԝа баԝәр ьн: Һәгәр һун дьле хԝәда рʹьһʹәтийе хԝәйи бькьн у итʹбари бьдьн кʹьфше, һуне ԛәԝат бьн! (Ишайа 30:15) w21.01 7 ¶17-18

Ль гора Зәбур 103:8, Йаһоԝа ӧса жи «рʹәʹм ә» (Дәркʹәтьн 34:6). Йаһоԝа гәләк дьлрʹәʹм ә, ләма әԝ шашийед мә әʹфу дькә (Зәбур 51:1). Хенщи ве йәке, Кʹьтеба Пироз нишан дькә кӧ дьлрʹәʹми нә тʹәне бь бахшандьнева гьредайи йә. Гава кәсәки дьлрʹәʹм дьвинә кӧ кәсед дьн тәнгасийеда ньн, әԝ жь дьл дьхԝазә али ԝан бькә. Дьлрʹәʹмийа Йаһоԝа жь дьлрʹәʹмийа дайика мәзьнтьр ә (Ишайа 49:15). Ләма, ԝәхта кӧ әм дькʹәвьн тәнгасийе, Йаһоԝа һәртʹьм һазьр ә кӧ али мә бькә (Зәбур 37:39; 1 Корьнтʹи 10:13). Ԝе баш бә кӧ әм жи һьндава хушк-бьра дьлрʹәʹм бьн. Гава әԝ дьле мә дешиньн, гәрәке әм кʹине нәжон, ле бьбахшиньнә ԝан (Әфәси 4:32). Ӧса жи, гава хушк у бьра рʹасти тәнгасийа тен, гәрәке әм пьштгьрийа ԝан бькьн. Бь ве йәке, әме чʹәʹв бьдьнә дьлрʹәʹми у дьлшәԝатийа Йаһоԝа (Әфәси 5:1). w21.01 21 ¶5

Малхе мале гәрәке мьԛат бә ԝәки хәбат гәләк ԝәʹдә жь ԝи нәстинә, кӧ әԝ бькарьбә алийе рʹӧһʹанива бона малбәта хԝә хәм кә у малбәта хԝә һин бькә. Жь бәр кӧ Йаһоԝа мә һʹьз дькә, әԝ мә һин дькә (Ибрани 12:7-9). Мина Йаһоԝа, Иса Мәсиһ жи шагьртед хԝә бь дьловани һин дькә (Йуһʹәнна 15:14, 15). Әԝ рʹастә-рʹаст, ле бь нәрми ширәта дьдә мә (Мәтта 20:24-28). Әԝ занә кӧ әм гӧнәкʹар ьн, у щарна шашийа дькьн (Мәтта 26:41). Малхе мале, йе кӧ чʹәʹв дьдә Йаһоԝа у Иса Мәсиһ, бир накә кӧ һʹәму нәфәред мале гӧнәкʹар ьн. Ләма жи әԝ сәр жьн у зарʹед хԝә бь зедәйи һерс накʹәвә у дьле ԝан наешинә (Колоси 3:19). Ль гора Галати 6:1, гәрәке әԝ малбәта хԝә «бь рʹӧһʹе мьлуктийе» ширәт бькә у бир нәкә кӧ әԝ хԝәха жи ԛьсурдар ә. Мина Иса Мәсиһ, әԝ фәʹм дькә кӧ бона һинкьрьна малбәте, кьред ԝи жь готьнед ԝи фәрзтьр ьн. w21.02 6-7 ¶16-18

Бь сайа ԛӧрбана Иса, Йаһоԝа кʹьрʹи жийина һәр кәсе кӧ ԝирʹа хьзмәт дькә у баԝәрийа хԝә ԛӧрбана Иса тинә (Марԛос 10:45; Кʹаред Шандийа 20:28; 1 Корьнтʹи 15:21, 22). Ләма жи фәʹмдари йә чьрʹа Йаһоԝа Иса, йе кӧ әʹмьре хԝә чаԝа кʹьрʹин да, ча сәре щьвате кʹьфш кьрийә. Әԝ йәк кӧ Иса Мәсиһ сәре мә йә, изьна ԝи һәйә ԝәки ԛәйда у ԛануна дайнә у ширәте бьдә кәсед кӧ гӧһ надьн ван ԛануна (Галати 6:2). Ле Иса Мәсиһ нә тʹәне ԛануна датинә, әԝ мә һʹьз дькә у мә хԝәй дькә (Әфәси 5:29). Гава хушкед мә гӧһ дьдьн рʹебәрийа меред кӧ жь алийе Иса Мәсиһва һатьнә кʹьфшкьрьне, ԝәки ԝана хԝәй кьн, әԝана нишан дькьн кӧ ԛәдре Иса Мәсиһ дьгьрьн. Гава бьред мә ԛәдре хушка дьгьрьн у хушка ԛимәт дькьн, әԝана нишан дькьн кӧ принсипа сәритийе фәʹм дькьн. Һәгәр щьватеда гьшк принсипа сәритийе фәʹм бькьн у ԛәбул бькьн, әʹдьлайи ԝе һәбә, у кәсед дьн жи ԝе пәсне Йаһоԝа, Баве мәйи дьлован бьдьн. w21.02 18-19 ¶14-17

Гава Даԝьд у әскәред ԝи кʹочбәр бун, әԝана чунә шәрʹ. Чахе әԝана жь бажер дур кʹәтьн, дьжмьна малед ԝан тʹалан кьрьн у малбәтед ԝан рʹәвандьн. Даԝьд чьԛас әскәрәки гәләки щерʹьбанди бу жи, әԝ нәдьфькьри кӧ әԝ дькарә малбәта хԝә бь аԛле хԝә хьлаз кә, ле әԝи рʹебәрийа Йаһоԝа гәрʹийа. Бь аликʹарийа кʹаһинәки бь наве Абиатʹар, Даԝьд жь Йаһоԝа ӧса пьрси: «Әз бьдьм пәй еришкʹаред сьԝари, гәло әзе бьгьһижьм ԝан?» Йаһоԝа ӧса щаб да: «Бьдә пәй ԝан те бьгьһижи ԝан у те һесира рʹьзгар [хьлаз] бьки» (1 Самуйел 30:7-10). Жь ве сәрһатийе, тӧ дькари чь һин би? Щаһьло, пешийа кӧ тӧ сафикьрьна бьки, ԝе баш бә кӧ тӧ жи ширәте бьгәрʹи. Мәсәлә, тӧ дькари жь де у баве хԝә йан жь рʹуспийед щьвате ширәте бьхԝази. Йаһоԝа ван рʹуспийед щерʹьбанди ча «пʹешкʹеш» һʹәсаб дькә у итʹбарийа хԝә ԝан тинә (Әфәси 4:8). Ләма тӧ жи дькари итʹбарийа хԝә ԝан бини. Баԝәрийа ԝан хԝәрʹа бькә мәсәлә у гӧһ бьдә ширәтед ԝанә бь билани. w21.03 4-5 ¶10-11

Иса Мәсиһ готьбу кӧ һәгәр әм тьштед кӧ һин дьбьн пек нәйньн, әме мина ԝи мәрьви бьн, йе кӧ ханийе хԝә ль сәр ԛуме ава дькә. Әԝ чьԛас хирәт бькә жи, щәфе ԝи бадиһәԝа йә. Гәло чьма? Чьмки һәгәр фьртонә у селав ль ханийе ԝи кʹәвә, хани ԝе һьлше (Мәтта 7:24-27). Мина ве йәке, һәгәр әм тьштед кӧ һин бунә пек нәйньн, щәфе мә ԝе бадиһәԝа бә. У гава әм рʹасти зерандьн йан тәнгасийа бен, әме нькарьбьн амьн бьминьн. Ле һәгәр әм леколине бькьн у тьштед кӧ әм һин бунә бьдьнә хәбате, әме сафикьрьнед баш бькьн, әʹдьлайи ԝе бькʹәвә дьле мә, у баԝәрийа мә ԝе дьһа ԛәԝи бә (Ишайа 48:17, 18). Сәва кӧ әм ль һьмбәри тәнгасийа амьн бьминьн, гәрәке әм тʹьме Йаһоԝарʹа дӧа бькьн у Кʹьтеба Пироз леколин бькьн. Гәрәке әм тʹӧ щар бир нәкьн кӧ йәк жь тьштед һәри фәрз әв ә кӧ әм рʹумәте бьдьн Йаһоԝа. Әм дькарьн баԝәр бьн кӧ Йаһоԝа ԝе мә тʹӧ щара нәһелә у тʹӧ тьшт нькарә мә жь һʹьзкьрьна ԝи бьԛәтинә (Ибрани 13:5, 6). w21.03 15 ¶6; 18 ¶20