Щотмәһ

Чахе әм Иса нас дькьн, әме рʹабун-рʹуньштьнеда чʹәʹв бьдьнә ԝи. Әм чьԛас рʹьнд бьзаньбьн щурʹе фькьрандьна Иса у чʹәʹв бьдьнә ԝи, һаԛас достийа мәйә тʹәви ԝи, ԝе ԛәԝи бә. Ле ча чʹәʹв бьдьнә Иса? Мәсәлә, Иса кʹара хԝә нәдьгәрʹийа, ле кʹара мәрьва (Мәт. 20:28; Рʹом. 15:1-3). Ләма әԝ дькʹәтә һʹәйра мәрьва, нә кӧ йа хԝә, у ӧса жи әԝ йәки рʹәʹм бу. Әԝи һьлнәдьда дьле хԝә чь кӧ мәрьва сәр ԝи дьготьн (Йуһʹн. 1:46, 47). Иса ньһерʹандьна хԝә һьндава мәрьва нәдьгӧһаст жь бо шашийед ԝанә бәре, чьмки бира хԝәда хԝәй нәдькьр (1 Тимтʹ. 1:12-14). Иса гот: «Бь ве йәке һʹәмуйе заньбьн һун шагьртед мьн ьн, һәгәр һун һәвдӧ һʹьз бькьн» (Йуһʹн. 13:35). Ԝе баш бә әм пьрсе бьдьнә хԝә: «Әз чʹәʹв дьдьмә Иса у алийе хԝәда һәр тьшти дькьм, сәва тʹәви хушк-бьра әʹдьлайе хԝәй кьм?» w20.04 24 ¶11

Рʹаст ә әм дьжин дьнйакә ӧсада, кʹидәре мәрьв наве Йаһоԝа беһӧрмәт дькьн, ле мәщала мә һәйә, ԝәки наве ԝи бьпарезьн у дәрһәԛа ԝи рʹастийе бежьн, кӧ Әԝ пироз, һәԛ, ԛәнщ у бь һʹьзкьрьн ә. Әм дькарьн пьштгьрийа сәрԝертийа ԝи бькьн. Әм дькарьн али мәрьва бькьн, ԝәки фәʹм кьн кӧ тʹәне сәрԝертийа Йаһоԝа рʹаст у һәԛ ә, у тʹәне әԝ дькарә әʹдьлайе у бәхтәԝарийе инсанәтерʹа бинә (Зәб. 37:9, 37; 146:5, 6, 10). Әм диса бь щурʹәки дьн жи дькарьн наве Йаһоԝа пироз кьн. Чахе әм мәрьва Кʹьтеба Пироз һин дькьн, әм дьдьнә кʹьфше ԝәки тʹәне изьна Йаһоԝа һәйә сәрԝертийе сәр тʹәмамийа дьнйайе бькә. Рʹаст ә фәрз ә мәрьва дәрһәԛа ԛанунед Хԝәде һин кьн, ле нета мәйә сәрәкә әԝ ә, ԝәки али ԝан бькьн, кӧ Йаһоԝа Баве мә һʹьз бькьн у ԝирʹа амьн бьминьн. Ләма жи ԝе баш бә, ԝәки әм дина мәрьва бьдьнә сәр һʹӧнӧред Йаһоԝа, у ԝанрʹа бьдьнә кʹьфше, ԝәки йе кӧ әԝ нав сәр ә, кәсәки ча нә (Иша. 63:7). Ӧса әме али ԝан бькьн, ԝәки жь һʹьзкьрьне гӧрʹа Йаһоԝа бькьн у ԝирʹа һʹәта хьлазийе амьн бьминьн. w20.06 6 ¶16; 7 ¶19

Мәжийе мәрьва бь щурʹе мәхсус һатийә чекьрьне. Чахе һун һе зьке дийа хԝәда бун, мәжийе ԝә бь организә саз дьбу, у һәр дәԛә бь һʹәзара шанәйед тʹәзә  чедьбун! Леколинкʹар дьбежьн, ԝәки мәжийе мәрьве гьһиштида, ԝәкә 100 милйард шанә һәнә, наве кʹижана неирон ьн, у гьранийа мәжу ԝәкә 1.5  килограм ә. Йәк жь фәрәсәтәки мәжу әԝ һәйә хәбәрдан. Сәва һәма хәбәрәке бежьн, мәжийе мә гәрәке рʹебәрийе ԝәкә 100 масулкед мә бькә, йед зьман, ԛьрʹьке, лева, чәнгийе, у синге мә. Сәва кӧ гьлийа зәлал бежьн, лазьм ә әв һʹәму масулкә ԝәʹде хԝәда бьхәбьтьн. Сала 2019-да леколинәке әʹйан кьр, ԝәки зарʹед вьрʹни дькарьн хәбәред башԛә тедәрхьн. Гәләк леколинкʹар ԛайил ьн тʹәви ве йәке, чьмки баԝәр ьн, ԝәки әм бь ви фәрәсәти тенә буйине, кӧ дькарьн зьмана тедәрхьн у һин бьн. Әшкәрә йә, хәбәрдан әԝ һәйә пʹешкʹеша жь Хԝәде. w20.05 22-23 ¶8-9

Бьраһим бь дьлхԝази жийана рʹьһʹәт йа ль бажаре Уре һишт. Гәло чьма? Чьмки әԝ һивийа ‹бажаре кӧ бьнгәһа ԝи сахләм ә› дьма (Ибрн. 11:8-10, 16). Бажаре кӧ Бьраһим һивийе бу, Пʹадшатийа Хԝәде йә. Әв Пʹадшати жь Иса Мәсиһ у 144 000 кәсед һьлбьжарти пек те. Паԝлосе шанди әв Пʹадшати ԝәк «бажаре Хԝәдейе сах, Оршәлима әʹзмана» нав кьр (Ибрн. 12:22; Әʹйан. 5:8-10; 14:1). Иса Мәсиһ шагьртед хԝәрʹа гот кӧ бьра әԝана жь бо һатьна ве Пʹадшатийе дӧа бькьн, бона кӧ хԝәстьна Хԝәде ԝәк ль әʹзмен, ль рʹуйе әʹрде жи бе сери (Мәт. 6:10). Гәло Бьраһим заньбу кӧ Пʹадшатийа Хԝәде ԝе ча бе саз кьрьн? На. Гәләк сәдсала, әв әʹламәти ԝәк «сӧрʹ» дьма (Әфәс. 1:8-10; Колс. 1:26, 27). Ле бәле, Бьраһим заньбу кӧ һьнә кәсед жь зӧрʹәта ԝи ԝе бьбьн пʹадша. Йаһоԝа әв йәк ԝирʹа соз дабу (Дәстп. 17:1, 2, 6). w20.08 2-3 ¶2-4

Әм гәрәке һинкьрьнед рʹабәра инкʹар кьн. Шәйтʹан тʹьме мәрьвед ԛәлп дьда хәбате, сәва кӧ шьке бькә дьле хьзмәткʹаред Хԝәдейи амьн. Ләма жи әм гәрәке бьзаньбьн кӧ ча тедәрхьн рʹасти жь ԛәлпийе. Дьжмьнед мә дькарьн интернете бьдьнә хәбате, сәва баԝәрийа мә һьндава Йаһоԝа у һʹьзкьрьна мә һьндава хушк-бьра, сьст кьн. Тʹӧ щар бир нәкьн, кӧ кʹе пьшт ве йәке сәкьни йә (1 Йуһʹн. 4:1, 6; Әʹйан. 12:9). Сәва нәкʹәвьнә тʹәлькед Шәйтʹан, әм гәрәке баԝәрийа хԝә һьндава Иса у рола ԝи ԛьрара Хԝәдеда, дьһа ԛәԝи кьн. Әм ӧса жи гәрәке итʹбарийа хԝә ве канийа тʹәк биньн, кʹижан кӧ Йаһоԝа иро дьдә хәбате, ԝәки рʹебәрийе мә бькә (Мәт. 24:45-47). Һәрге әм дьхԝазьн ԝәки баԝәрийа мә мина бахед бь кʹокед ԛәԝи бә, әм гәрәке һәр гав Хәбәра Хԝәде леколин бькьн. Паԝлос жи нәʹма хԝәйә щьвата Колосирʹа ԝе йәке да кʹьфше, гава гьлийед рʹеза ве рʹоже ньвиси. w20.07 23-24 ¶11-12

Әм мәрьвнә гӧнәкʹар ьн, ләма нав мәда әԝ хәйсәт һәйә, кӧ анәгори дитьна чʹәʹвед хԝә диԝана мәрьва бькьн (Йуһʹн. 7:24). Ле әм бь дитьна чʹәʹве хԝә, бь рʹасти дәрһәԛа мәрьва тʹәне һьнә тьшт педьһʹәсьн. Бьфькьрьн сәр ве мәсәле: Һәла һе һʹәкиме гәләк баш у щерʹьбанди жи, нькарә дәрһәԛа мәрьве нәхԝәш гәләк тьшт пебьһʹәсә, һәрге тʹәне рʹува ԝи бьньһерʹә. Пешийе әԝ гәрәке рʹьнд гӧһ бьдә ԝи, һәла чь нәхԝәшийед ԝи һәбун, сәва пебьһʹәсә дәрһәԛа һʹале ԝи у симптомед нәхԝәшийа ԝи. Һʹәким дьбәкә жерʹа бежә, кӧ лазьм ә рентген бькә, сәва бьвинә нав дьле ԝи ча нә. Һәрге һʹәким леколине нәкә, ԝе йе нәхԝәшрʹа нәрʹаст дәрмана бьньвисә. Мина ве йәке, әме жи нькарьбьн бь тʹәмами хушк-бьра фәʹм бькьн, һәрге тʹәне рʹува ԝана бьньһерʹьн. Әм гәрәке бьхәбьтьн, кӧ тедәрхьн әԝана дьлда мәрьвнә ча ньн. Һәмьки әм нькарьн дьла бьвиньн, ле лазьм ә әм чьԛас дькарьн, чʹәʹв бьдьнә Йаһоԝа. Әԝ гӧһ дьдә хьзмәткʹаред хԝә, дәрәщед ԝан у чь кӧ сәр ԝан һʹӧкӧм дьбә, һьлдьдә һʹәсаб, у дьлшәԝат ә һьндава ԝан. w20.04 14-15 ¶1-3

Әм гәрәке мьлуктийе нав хԝәда пешда биньн, чьмки мәрьвед бабах сәрԝахт ниньн. Мәрьвед бабах дькәʹвьнә дәʹԝе у хԝәһʹьз ьн. Щурʹе фькьрандьна ԝан у кьред ԝан, гәләк щар һьн ԝанрʹа һьн жи мәрьвед дьнрʹа зийане тинә. Һәрге әԝана нәйенә гӧһастьне, Мире-щьна ԝе һʹьше ԝан дадә (2 Корн. 4:4; 11:3). Ле мәрьве мьлук ньһерʹандьна рʹаст хԝәй дькә. Мәрьве ӧса сәр хԝә рʹаст дьньһерʹә у фәʹм дькә, кӧ мәрьвед дьн гәләк тьштада ԝи четьр ьн (Фили. 2:3). У әԝана заньн кӧ «Хԝәде мьԛабьли кʹӧбар-бабаха йә, ле кʹәрәме дьдә шкәстийа» (1 Пәт. 5:5). Мәрьвед сәрԝахт нахԝазьн кӧ Йаһоԝа мьԛабьли ԝан бә. Сәва кӧ мьлук бьминьн, әм гәрәке әве ширәта жь Кʹьтеба Пироз биньн сери, кӧ «мәрьве кәвьн кьред ԝива жь сәр хԝә [бехьн] у әԝи ну ль хԝә [кьн]». Бона ԝе йәке, әм гәрәке сәр хԝә бьхәбьтьн, кӧ мәсәла Иса кʹур леколин бькьн, у чьԛас дькарьн чʹәʹв бьдьнә ԝи (Колс. 3:9, 10; 1 Пәт. 2:21). w20.07 7 ¶16-17

Чь ԛәдьрәки мәзьн ә кӧ Йаһоԝа әм щьвата хԝәда ԛәбул кьрьнә. Щьватеда әʹдьлайи һәйә, у әм бь шабуне һәврʹа Йаһоԝа дьһʹәбиньн. Ле гәло щьватеда рола тә чь йә? Паԝлосе шанди щьват бәрамбәри бәдәне кьр, у ԝи әндәмед щьвате бәрамбәри пʹаред бәдәне кьр (Рʹом. 12:4-8; 1 Корн. 12:12-27; Әфәс. 4:16). Дәрсәк кʹижан кӧ әм дькарьн жь мәсәла Паԝлосе шанди бьстиньн, әв ә кӧ малбәта Йаһоԝада, щийе һәр кәси һәйә. Паԝлос ӧса гот: «Ԝәк кӧ дь бәдәна мәда гәләк әндәм һәнә у кʹаре һʹәму әндәма щьһе йә, ӧса жи әм йед кӧ гәләк ьн, әм бь Мәсиһ йәк бәдән ьн у әм һʹәму әндәмед һәв ьн» (Рʹом. 12:4, 5, ИМ). Паԝлос чь дьхԝәст бьгота? Щьватеда, рола һәр кәси жь һәв щӧда йә, ле һәр кәс бь ԛимәт ә. w20.08 20 ¶1-2; 21 ¶4

Де у бавно, һун чаԝа дькарьн мьлуктийа Йаһоԝа хԝәрʹа бькьн мәсәлә? Бәʹса хәбәре, пешийа кӧ һун сафикьрьнәке бькьн, һун бәлки дькарьн фькра зарʹокед хԝә жи бьпьрсьн. Һәрге дьбә, ль гора фькред ԝан бькьн. Йаһоԝа ӧса жи бь сәбьр ә, гава хьзмәткʹаред ԝи зор те кӧ ԛьраред ԝи ԛәбул бькьн. Гава Бьраһим пьрси, кʹа ԝе һәԛ бә кӧ Йаһоԝа бажаред Содом у Гоморайе ԝеран бькә, Хԝәде бь сәбьр гӧһ да ԝи (Дәстп. 18:22-33). Ӧса жи, бинә бира хԝә кӧ Йаһоԝа чаԝа дьлованийа хԝә жьна Бьраһим Сарайерʹа әʹйан кьр. Сара ида пир бу, у гава Хԝәде соз да кӧ әԝе һʹәмлә бьминә, әԝ кʹәнийа. Диса жи, Йаһоԝа һерс нәкʹәт у әʹщьз нәбу, ле ԝи диса жи ԛәдре Сарайе гьрт (Дәстп. 18:10-14). Һәрге тӧ де, бав йан рʹуспийе щьвате йи, тӧ дькари жь мәсәла Йаһоԝа чь дәрса бьстини? Гава ль кәсәки зор те кӧ ԛьраред тә ԛәбул бькә, тӧ чь дьки? Гәло тӧ рʹастә-рʹаст ԝирʹа дьбежи кӧ тӧ рʹаст и у әԝ шаш ә, йан хирәт дьки кӧ ньһерʹандьна ԝи фәʹм бьки? Гава кәсед хԝәйиһʹӧкӧм Йаһоԝа хԝәрʹа дькьн мәсәлә, нәфәред малбәте у щьвате жь ве йәке кʹаре дьстиньн. w20.08 10 ¶7-9

Чахе әм дәрһәԛа рʹастийе тʹәзә пеһʹәсийан, дьбәкә мә дьхԝәст ԝәки кәсәк аликʹарийе бьдә мә, чьмки мә фәʹм дькьр, ԝәки әм  гәләк тьшт ньзаньн у лазьм ә һин бьн (1 Корн. 3:1, 2). Ле ньһа әм чь дькарьн бежьн? Һәрге әм зудава Йаһоԝарʹа хьзмәт дькьн у әм ида рʹьнд щерʹьбанди нә, дьбәкә дьле мә нәйе кӧ аликʹарийа хушк-бьра ԛәбул кьн, илаһи йа ԝан, йед кӧ тʹәзә һатьнә нава рʹастийе. Ле Йаһоԝа бь аликʹарийа хушк-бьра мә ԛәԝи дькә (Рʹом. 1:11, 12). Ләма жи әм гәрәке аликʹарийа хушк-бьра ԛәбул кьн. Култура мәрьва, ӧса жи ԛәԝат, хԝәндьн у һәбук фәрз нинә, ле һәрге мәрьв мьлук бә у итʹбарийа хԝә Йаһоԝа бинә, ԝе бькарьбә гәләк тьштед баш бькә. Ԝәрә әм һʹәму жи пешда һәрʹьн кӧ 1) итʹбарийа хԝә Йаһоԝа биньн, 2) жь мәсәлед Кʹьтеба Пироз һин бьн, у 3) аликʹарийа хушк-бьра ԛәбул кьн. Һьнге фьрԛи тʹӧнә әм чьԛас жи хԝә сьст тʹәхмин кьн, Йаһоԝа ԝе ԛәԝате бьдә мә! w20.07 14 ¶2; 19 ¶18-19

Һьнәка зор те кӧ ль һьмбәри мәрьвед хԝә йед нәбаԝәрмәнд бьсәбьр бьн. Принсипа ль Ԝаиз 3:7 дькарә ве йәкеда али мә бькә. Әв рʹез ӧса дьбежә: «Ԝәхта һʹьшбуне һәйә у ԝәхта готьне һәйә». Бь рʹабун у рʹуньштьна хԝә, әм дькарьн дина мәрьвед хԝә бькʹьшиньн сәр рʹастийе. Ӧса жи, гәрәке әм һәр тʹьм һазьр бьн кӧ ԝанрʹа бәʹса Йаһоԝа бькьн (1 Пәт. 3:1, 2). Бәле, лазьм ә кӧ әм мьзгине бь хирәт бәла бькьн, у һьндава һәр кәси, демәк һьндава мәрьвед хԝә жи, бьсәбьр бьн. Сәрһатийед кәсед амьн дькарьн али мә бькьн кӧ әм сәбра хԝә зедә бькьн. Һәбаԛуԛ һʹьзрәта хьлазбуна хьрабийе бу, ле әԝ диса жи бь сәбьр һивийе дьсәкьни (Һәбԛ. 2:1). Паԝлосе шанди жь дьл дьхԝәст хьзмәта хԝә ‹бинә сәри›. Диса жи, әԝи ише бәлакьрьна мьзгине бь сәбьр бәрдәԝам дькьр (Кʹар. Шанд. 20:24). w20.09 11-12 ¶12-14

Рʹаст ә Иса паши Йаһоԝа щийе дӧда дьгьрә, ле әԝ хԝә бьльнд накә, у дәрһәԛа хԝә зедә нафькьрә. Һәрге әм мина Иса мьлук бьн, әме дьһа зәʹф һʹьзкьрьна хԝә мәрьварʹа бьдьнә кʹьфше. Иса ӧса жи гот, кӧ хьзмәткʹаред Хԝәде ԝе һьндава һәвда һʹьзкьрьне бьдьнә кʹьфше (Луԛа 9:48; Йуһʹн. 13:35). Әм гәрәке чь бькьн һәрге дьвиньн, ԝәки щьватеда проблем һәнә, у бь тʹәхмина мә рʹуспи бона ве йәке тьштәки накьн? Ве дәрәщеда дәԝса кӧ бькьнә кӧтә-кӧт, ԝе баш бә кӧ әм гӧрʹа бьред щабдарда бьн (Ибрн. 13:17). Сәва кӧ ве йәке бькьн, пьрсед ӧса бьдьнә хԝә: «Гәло әԝ проблемед кӧ әз дьвиньм, ӧса мәзьн у фәрз ьн, кӧ гәрәке бенә рʹасткьрьне? Гәло әԝ ԝәхтәки баш ә, ԝәки әԝ проблем бенә сафикьрьне? Гәло әԝ ише мьн ә, кӧ бькʹәвьмә нава ԝан шьхӧла? Бь рʹасти әз дьхԝазьм йәктийе бькьмә щьвате, йан дьхԝазьм хԝә баш бьдьмә кʹьфше?» Йаһоԝа мьлуктийе дьһа ԛимәт дькә нә кӧ фәрәсәта, у әʹдьлайе һе зедә ԛимәт дькә, нә кӧ хирәтбуне. Ләма жи алийе хԝәда һʹәму тьшти бькьн, ԝәки бь мьлукти Йаһоԝарʹа хьзмәт кьн. Һәрге һун ӧса бькьн, һуне әʹдьлайе щьватеда хԝәй кьн (Әфәси 4:2, 3). w20.07 4-5 ¶9-11

Иса Мәсиһ жь бо аликʹарийа кӧ ԝи жь жьнед баԝәрмәнд дьстанд, шекьрдар бу (Луԛа 8:1-3). Рʹастийед кʹур жи ԝанрʹа әʹйан дькьрьн. Мәсәлә, әԝи ԝанрʹа гот  кӧ әԝе бьмьрә у паше бе рʹакьрьн (Луԛа 24:5-8). Әԝи нә тʹәне шандийед хԝә, ле әв жьнед баԝәрмәнд жи бона тәнгасийед ну һазьр дькьрьн (Марԛ. 9:30-32; 10:32-34). Гава Иса һат гьртьн, шандийед ԝи рʹәвийан, ле гава әԝ ль сәр стуне дьмьр, һьнә жьнед кӧ бәре пьштгьрийа ԝи кьрьбу, ль кʹеләка ԝи бун (Мәт. 26:56; Марԛ. 15:40, 41). Паши кӧ Иса жь мьрьне һат рʹакьрьн, кәсед пешьн кӧ әԝ дит, жьнед баԝәрмәнд бун. Иса ԝанрʹа гот кӧ бьра әԝ шандийед ԝирʹа бежьн кӧ әԝ жь мьрьне рʹабуйә (Мәт. 28:5, 9, 10). Ӧса жи, ль Рʹожа Пенщийе Һʹәсабе йа сала 33 Д.М., гава рʹӧһʹе пироз һат рʹьжандьн, дьбә кӧ ль ԝе дәре һьнә жьнед баԝәрмәнд жи һәбун у әԝ хушкед бьжарти жи бь сайа рʹӧһʹе пироз бь щурʹә-щурʹә зьмана хәбәр дьда у бәʹса «кʹаред Хԝәде йед мәзьн» дькьр (Кʹар. Шанд. 1:14; 2:2-4, 11). w20.09 23 ¶11-12

Ише бәлакьрьна мьзгине пʹьрʹ фәрз ә. Иса Мәсиһ ӧса готьбу: «Ньһа һәрʹьн һʹәму мьләта һин кьн у ԝана . . . бьньхӧминьн» (Мәт. 28:19, 20). Бона кӧ инсан хьлаз бьбьн у жийана һʹәта-һʹәтайе бьстиньн, ньхӧмандьн әʹсәйи йә. Кәсе кӧ дьхԝазә бе ньхӧмандьне гәрәке баԝәрийа хԝә бинә кӧ ԛӧрбанбун у рʹабуна Иса Мәсиһ рʹийа хьлазбуне вәкьрийә. Ләма, Пәтрусе шанди гот кӧ ньхӧмандьн инсана бь сайа рʹабуна Иса Мәсиһ «хьлаз дькә» (1 Пәт. 3:21). Демәк, гава шагьртәки ну те ньхӧмандьне, әԝ дькʹәвә рʹийа хьлазбуне. Бона кӧ әм мәрьва бькьн шагьртед Иса Мәсиһ, гәрәке әм «һинкьрьнеда» бьбьнә һостә (2 Тимтʹ. 4:1, 2). Гәло чьма? Иса Мәсиһ готьбу кӧ гәрәке әм мәрьва «һин бькьн». Паԝлосе шанди жи ӧса гот: «Һәр гав нава ԝанда бьминә, чьмки бь ви тʹьһәри те хԝә жи хьлаз ки у ԝан жи, кʹижанед гӧһдарийа тә дькьн». w20.10 14 ¶1-2

Паши кӧ Пәтрус бу шагьрте Мәсиһ Иса, ԝи ида дәст бь ише мәʹсигьрийа симболик кьр. Бь аликʹарийа Йаһоԝа, Пәтрус дь ви ишида жи пʹьрʹ пешдачуйи бу (Кʹар. Шанд. 2:14, 41). Әм мьзгине бәла дькьн, чьмки әм Йаһоԝа һʹьз дькьн. Сәбәба мә йа һәри мәзьн әв ә. Һʹьзкьрьна Йаһоԝа дькарә али мә бькә, ԝәки әм нәтьрсьн кӧ һʹӧнӧред мә тʹера мә накьн әм ви иши бь аԝайәки баш биньн сери. Гава Иса Мәсиһ гази Пәтрус кьр, әԝи жерʹа гот: «Нәтьрсә!» (Луԛа 5:8-11) Иса Мәсиһ чьма ӧса гот? Гәло Пәтрус дьтьрсийа кӧ һәгәр әԝ бьбә шагьрте Иса, тьштәки хьраб ԝе бе сәре ԝи? На. Пәтрус у мәʹсигьред дьн бь аликʹарийа Иса гәләк мәʹси гьртьн. Гава Пәтрус әв йәк дит, әԝ әʹщебмайи ма у фькьри кӧ әԝ һежа нинә тʹәви Иса Мәсиһ һәвкʹарийе бькә. Дьбәкә һьнә тьрсед тә жи һәнә. Мәсәлә, дьбәкә тӧ дьфькьри кӧ нькари ве щабдарийе һьлди сәр стуйе хԝә. Ләма, сәва хԝәстьна тә зедә бә кӧ тӧ тʹәглифа Иса Мәсиһ ԛәбул бьки, ԝе баш бә кӧ тӧ һʹьзкьрьна һьндава Йаһоԝа, Иса Мәсиһ у инсана дьле хԝәда зедә бьки (Мәт. 22:37, 39; Йуһʹн. 14:15). w20.09 3 ¶4-5

Әм ԝәхт, ԛәԝат у пʹәре хԝә бь рʹәзәдьли хәрщ дькьн, ԝәки кәсед кӧ дьле ԝан бона жийана һәрһәйи һазьр ә бьвиньн (Кʹар. Шанд. 13:48). Бь ви аԝайи, әм Иса Мәсиһ хԝәрʹа дькьн мәсәлә. Әԝи гот: «Хԝарьна мьн әԝ ә, кӧ әз хԝәстьна ԝи йе кӧ әз шандьмә бькьм у кʹаред ԝи пек биньм» (Йуһʹн. 4:34; 17:4). Әм жи жь дьл дьхԝазьн ише кӧ мәрʹа һатийә дайин, пек биньн (Йуһʹн. 20:21). Хԝәстьна мә әв ә кӧ кәсед нәактиф жи дь ви ишида тʹәви мә бьхәбьтьн (Мәт. 24:13). Пеканина тʹәмийа Иса Мәсиһ һьлбәт һеса нинә. Ле бәле, әм дь ви ишида тʹәне ниньн. Иса соз дайә кӧ әԝ ԝе тʹәви мә бә. Дь ише шагьрткьрьнеда, әм тʹәви Хԝәде у Иса Мәсиһ һәвкʹарийе дькьн (1 Корн. 3:9; 2 Корн. 2:17). Бәле, әм дькарьн ви иши пек биньн. Чь ԛәдьрәки мәзьн ә кӧ әм ви шьхӧли тиньн сери у дькарьн али кәсед дьн бькьн, ԝәки әԝ жи дь ише Хԝәдеда тʹәви мә һәвкʹарийе бькьн! (Фили. 4:13) w20.11 7 ¶19-20

Сафикьрьнед де-бава дькарьн ԝәхтәкә дьреж ль сәр зарʹед ԝан һʹӧкӧм бькьн. Һәгәр де у бав сафикьрьнед хьраб бькьн, әв йәк дькарә бьбә сәбәба проблемед мәзьн. Ле һәгәр әԝ ԛьраред баш бьдьн, әԝана дькарьн али зарʹед хԝә бькьн кӧ жийана ԝан баш бә. Һьлбәт лазьм ә кӧ зарʹок жи сафикьрьнед баш бькьн. Әм һевидар ьн кӧ әԝе сафи кьн кӧ Йаһоԝарʹа хьзмәт бькьн. Жийина мәрьвада әва сафикьрьна һәрә баш ә (Зәб. 73:28). Де у баве Иса дьхԝәст али зарʹед хԝә бькьн кӧ әԝана Йаһоԝарʹа хьзмәт бькьн, у сафикьрьнед ԝан нишан дькьр кӧ нета ԝан йа сәрәкә әв бу (Луԛа 2:40, 41, 52). Иса жи ԛьраред баш дькьрьн, йед кӧ али ԝи дькьрьн кӧ әԝ хԝәстьна Йаһоԝа бинә сери (Мәт. 4:1-10). Иса бу мәрьвәки дьлован, амьн у мерхас. Һьлбәт һәр де у бав дьхԝазьн кӧ зарʹед ԝан бьбьнә мина Иса. w20.10 26 ¶1-2

Ван мәсәла бинә бәр чʹәʹве хԝә: Хушкәкә әʹмьрда мәзьн рʹожед хԝәш тинә бира хԝә. Жийана ԝе ньһа һе зор ә, ле әԝ диса жи бь дьл у щан Йаһоԝарʹа хьзмәт дькә (1 Корн. 15:58). Әԝ һәр рʹож дьдә бәр чʹәʹве хԝә кӧ жийина дьнйа тʹәзәда ԝе чьԛас хԝәш бә. Хушкәкә дьн тинә бира хԝә кӧ хушкәкә жь щьвата ԝе дьле ԝе чаԝа ешандьбу, ле әԝ сафи дькә кӧ һерса хԝә бәрʹдә (Колс. 3:13). Бьрак шашийед хԝә йед бәре бир нәкьрийә, ле ньһа әԝ сәр хԝә дьхәбьтә у һәр тьшти дькә ԝәки амьн бьминә (Зәб. 51:10). Әв се мәсәлә чаԝа һәвва гьредайи нә? Һәрсека жи бир нәкьрийә кӧ дь рʹожед бәреда чь ԛәԝьмибу. Диса жи, әԝ рʹастә-рʹаст ль пешийа хԝә дьньһерʹьн, у һʹьше ԝан ль сәр тьштед бәре наминә. Чьма әԝ йәк ӧса фәрз ә? Мәрьвәки кӧ һәртʹьм ль паш дьньһерʹә нькарә рʹастә-рʹаст рʹе һәрʹә. Мина ве йәке, һәгәр әм һәртʹьм дәрһәԛа рʹожед бәре бьфькьрьн, әме нькарьбьн дь хьзмәта Йаһоԝада пешда һәрʹьн (Луԛа 9:62). w20.11 24 ¶1-3

Даԝьд һьмбәри Голйатʹе әскәр, сьст дьһатә кʹьфше. Голйат йәки тәрʹьки, ԛәԝи чʹәккьри у бона шәрʹ рʹьнд һинкьри бу. Рʹаст ә Даԝьд сьст дьһатә хане, ле бь рʹасти әԝ дьһа ԛәԝат бу. Әԝи итʹбарийа хԝә Йаһоԝа дьани, ләма жи Йаһоԝа ԛәԝат да ԝи, у әԝи дьжмьне хԝә алт кьр (1 Сам. 17:41-45, 50). Даԝьд паше рʹасти чәтьнайикә дьн һат, кʹижан кӧ дькарьбу әԝ бьшкенанда у ԛьдум бехьста. Даԝьд һьндава Шаԝулда, йе кӧ жь Йаһоԝа һатьбу кʹьфшкьрьне ча пʹадша, амьн бу. Шаԝул пʹадша пешийе ԛәдьре Даԝьд дьгьрт. Ле ԝәʹдә шунда әԝи жь бо бабахийе, дәхәси Даԝьд кьр. Шаԝул һьндава Даԝьд ӧса хьраб бу, кӧ һәла һе жи дьхԝәст ԝи бькӧжә (1 Сам. 18:6-9, 29; 19:9-11). Шаԝул чьԛас жи нәһәԛи Даԝьд дькьр, йәкә Даԝьд һьндава бьжартийе Йаһоԝа ԛәдьр дьда кʹьфше (1 Сам. 24:6). Даԝьд итʹбарийа хԝә Йаһоԝа дьани, кӧ ԝе ԛәԝате бьдә ԝи, ԝәки ԝан чәтьнайада тәйах кә (Зәб. 18:1). w20.07 17 ¶11-13

Әв пʹехәмбәрти дәрһәԛа пʹадше бакӧре у пʹадше башуре, ниве зәʹф ида һатийә сери, ләма әм дӧдьли ниньн, ԝәки чь кӧ майә, әԝ жи ԝе әʹсә бе сери. Сәва әм пʹехәмбәртийа Данийел жь сәре 11 фәʹм кьн, әм гәрәке бир нәкьн, ԝәки ԝедәре те готьне дәрһәԛа ԝан сәрԝер у сәрԝертийа, йед кӧ хут пәй щьмәʹта Хԝәде дькʹәтьн. Рʹаст ә һәжмара хьзмәткʹаред Хԝәде һьмбәри бьнәлийед тʹәмамийа дьнйайе гәләк бьчʹук ә, йәкә әԝана дькʹәвьнә чʹәʹва. Чьрʹа? Чьмки әԝана бәр чʹәʹве Шәйтʹан у дьнйа ԝи рʹәш ьн, у ләма нета ԝан әԝ ә кӧ ԛьрʹа хьзмәткʹаред Йаһоԝа биньн (Дәстп. 3:15; Әʹйан. 11:7; 12:17). Хенщи ве йәке, пʹехәмбәртийа жь кʹьтеба Данийел гьредайи йә тʹәви пʹехәмбәртийед майин. Ләма жи сәва әве пʹехәмбәртийе рʹаст фәʹм кьн, әм гәрәке бәрамбәри рʹезед дьн бькьн. w20.05 2 ¶1-2

Иро дәрһәԛа жийана паши мьрьне щурʹә-щурʹә фькьр һәнә. Ле бәле, Кʹьтеба Пироз ль сәр ве йәке чь дьбежә? Гава мәрьв дьмьрә, бәдәна ԝи дьрьзә. Ле бәле, Хԝәде, йе кӧ Әʹфьрандаре һәр тьшти йә, дькарә ви кәси бь бәдәнәкә ну рʹакә (Дәстп. 1:1; 2:7). Паԝлосе шанди бь мәсәләке нишан кьр кӧ гава Хԝәде кәсәки бона жийана ль әʹзмана рʹадькә, нә лазьм ә кӧ әԝ бь әʹйни бәдәне рʹакә. Мина кӧ тʹохьмәк те чандьн у гиһайе кӧ же дәрдькʹәвә, жь тʹохьме бьчʹук пʹьрʹ щӧдә йә, Хԝәде жи дькарә «ль гора хԝәстьна хԝә бәдәнәке» чекә. Паԝлос ӧса жи гот кӧ ԛальбед, демәк бәдәнед әʹзмани у бәдәнед дьнйайи һәнә. Әԝ чь те һʹәсабе? Ль дьнйайе, бәдәнед жь гошт һәнә, ле ль әʹзмана, бәдәнед жь рʹӧһʹ һәнә, мәсәлә бәдәнед мәләка (1 Корн. 15:36-41). w20.12 9-10 ¶7-9

Әм гьшк дьхԝазьн бь жийанәкә рʹьһʹәт у бедәрд бьжин. Ле әм чь жи бькьн йәкә әм щарна дьлтәнг дьбьн у дьбәкә мина Даԝьд Пʹадша жь Йаһоԝа ӧса дьпьрсьн, ча ве рʹеза рʹожеда мә хԝәнд. Һьнә тьштед кӧ нә дь дәсте мәда ньн дькарьн хәма мә зедә бькьн. Мәсәлә, кʹьнщ, хԝарьн у кʹьрейа мала чьԛас дьчә бьһа дьбә. Ль мәкʹтәбе йан ль щийе хәбате, гәләк кәс ԛәлпи у бенамусийе дькьн, у әԝана щарна зоре ль мә дькьн кӧ әм жи бьбьнә мина ԝан. Ӧса жи дәр-дора мә зӧлми у зордари тʹьжә йә. Әм һьлбәт нькарьн тьштед ӧса бьдьн сәкьнандьн. Бь рʹасти сәбәба ван чәтьнайа әв ә кӧ пʹьрʹанийа мәрьва принсипед Кʹьтеба Пироз ԛәбул накьн. Шәйтʹан, йе кӧ хԝәйе ве дьнйайе йә, дьхԝазә кӧ әм бь «хәмед ве дьнйайе» һаԛас мьжул бьн, ԝәки әм нькарьбьн Йаһоԝарʹа хьзмәт бькьн (Мәтта 13:22; 1 Йуһʹәнна 5:19). Ләма, әм әʹщебмайи наминьн кӧ дьнйа бь дәрдед гьранва тʹьжә йә! w21.01 2 ¶1, 3

Йуһʹәнна шанди әм тʹәми кьрьнә кӧ әм хушк у бьра нәфрʹәт нәкьн. Һәгәр әм ве ширәте пек нәйньн, Шәйтʹан дькарә ль сәр мә һʹӧкӧм бькә (1 Йуһʹәнна 2:11). Незики хьлазийа ԛьрʹна йәке, һʹале һьнә хушк у бьра ӧса бу. Шәйтʹан пʹьрʹ хирәт дькьр кӧ дь нав ԝанда нәфрʹәте пешда бинә у йәктийа ԝан хьраб бькә. Ԝәхта кӧ Йуһʹәнна нәʹмед хԝә дьньвисин, дь щьватада һьнә кәс кʹәтьбун бәр байе Шәйтʹан. Мәсәлә, мәрьвәки бь наве Дийотрәфис дӧтирәти дьхьст нав щьвате (3 Йуһʹәнна 9, 10). Дийотрәфис йәки ԛӧрʹә бу, у әԝи ԝан рʹуспийа кӧ кʹома рʹебәрийе шандьбу, ԛәбул нәдькьр. Бь сәрда, әԝи дьхԝәст ԝәки кәсед кӧ бьред щабдар ль малед хԝә дькьрьн меван, жь щьвате бен дәрхьстьн. Иро жи, Шәйтʹан чь жь дәсте ԝи те дькә кӧ дӧтирәтийе нав мә хә. Бьра әм тʹӧ щара изьне нәдьн кӧ нәфрʹәти йәктийа мә хьраб бькә. w21.01 11 ¶14

Шәрʹе һʹәмдьнйайе пешьнда, дәԝләта Алманйайе у Британйайе пәй хьзмәткʹаред Хԝәде дькʹәтьн, чьмки ԝана инкʹар дькьр шәрʹда мәрьва бькӧжьн. У дәԝләта Америкайе жи бьред кӧ рʹебәрийа шьхӧле бәлакьрьна мьзгинийе дькьрьн, кьрә кәле. Бь ве йәке пʹехәмбәртийа жь Әʹйанти 11:7-10 һатә сери. Паше, ида жь дәстпека сала 1933, у илаһи ԝәʹде шәрʹе һʹәмдьнйайе дӧдада, пʹадше бакӧре щьмәʹта Хԝәде гәләк дьзеранд. Һитлер у пьштгьред ԝи, шьхӧле щьмәʹта Хԝәде ԛәдәхә кьрьн. Ԝана бь сәда хьзмәткʹаред Йаһоԝа кӧштьн, у бь һʹәзара зедәтьр кьрьнә гьртигәһе. Пʹадше бакӧре шьхӧле бәлакьрьна мьзгинийе ԛәдәхә кьр, у бь ве йәке бь симболик «пʹарьстгәһ» һʹәрам кьр у ԛӧрбанед кӧ тʹьме дьанин, да һьлдане (Дан. 11:30б, 31а). Сәроке ԝи, Һитлер, һәла һе сонд жи хԝар, кӧ ԝе Алманйайеда ԛьрʹа һʹәму хьзмәткʹаред Хԝәде бинә. w20.05 6 ¶12-13

Һәгәр һʹьзкьрьна мә һәбә, әме хԝә жь хушк у бьра бьльндтьр нәгьрьн. Чаԝа кӧ мә дит, Йонатʹан Даԝьдрʹа нәдькʹәтә рʹьке (1 Самуйел 20:42). Ԝе баш бә кӧ әм чʹәʹв бьдьнә Йонатʹан. Гәрәке әм һʹәвсудийе хушк-бьра нәкьн жь бо һʹӧнӧред ԝан. Паԝлос ӧса ширәт дабу: «Жь ԝә һәр йәк бь мьлуктийе һәвале хԝә сәр хԝәрʹа бьгьрә» (Филипи 2:3). Дь щьватеда, рола һәр кәси ԛимәт ә. Һәгәр әм мьлук бьн, әме һʹәму хушк-бьра ԛимәт бькьн у чʹәʹв бьдьнә амьнийа ԝан (1 Корьнтʹи 12:21-25). Гава әм дьлбинийе дьдьнә хушк-бьред һʹәԝщәдар у бь ве йәке йәктийа дь нав хьзмәткʹаред Хԝәдеда дьһа ԛәԝи дьбә. Әм избат дькьн кӧ әм шагьртед Иса Мәсиһ нә, у әв йәк дькарә кәсед дьлпʹак бькʹьшинә бәрбь рʹастийе. Тьште һәри фәрз жи әв ә кӧ бь ви щурʹәйи, әм пәсне Йаһоԝа дьдьн, йе кӧ «Баве дьлшәԝатийе у Хԝәдейе һʹәму бәрдьлийе» йә (2 Корьнтʹи 1:3). w21.01 24 ¶14; 25 ¶16

Рʹожа иройин гәләк мәрьв ԛәдьре мә чаԝа Шәʹдед Йаһоԝа, нагьрьн, мә дькʹәньн, у һʹәсаб дькьн кӧ әм сьст у нәзан ьн. Чьрʹа? Чьмки әм пе ньһерʹандьна хԝә жь ԝана щӧдә дьбьн. Әм дьхәбьтьн кӧ мьлук, шкәсти у гӧһдар бьн. Ле мәрьвед ве дьнйайе ԛӧрʹә, бабах у нәгӧһдар ьн. Әм тʹәви политикайе набьн, нә жи тʹәви шьхӧле әскәрийе дьбьн. Әм мина мәрьвед ве дьнйайе ниньн, ләма жи әԝана мә ньмьз һʹәсаб дькьн (Рʹом. 12:2). Рʹаст ә мәрьвед ве дьнйайе мә һʹәсаб дькьн ча мәрьвнә сьст, ле Йаһоԝа ӧса нафькьрә, әԝ бь мә шьхӧлед мәхсус дькә. Әԝ шьхӧл һәйә бәлакьрьна мьзгинийе нав тʹәмамийа дьнйайе, кʹижан кӧ тʹәрихийа инсанәтеда тʹӧ щар тʹӧнә буйә. Иро хьзмәткʹаред ԝи сәр щурʹә-щурʹә зьмана журнала дәрдьхьн, кӧ нав тʹәмамийа дьнеда гәләк бәлабуйи нә. Әԝана пе Кʹьтеба Пироз али бь милйона мәрьва дькьн, ԝәки әԝана әʹмьре хԝә баш кьн. Сәва ԝи шьхӧле мәзьн, тʹәне Йаһоԝа һежайи һӧрмәт-рʹумәте йә. w20.07 15 ¶5-6

Иса Мәсиһ гӧрʹа Йаһоԝада нә. Әв йәк һьлбәт найе һʹәсабе кӧ аԛьл йан фәрәсәтед ԝи кем ьн. Әв йәк кӧ Иса Мәсиһ бь щурʹәки зәлал у һеса һин дькьр, нишан дькә кӧ әԝ йәки гәләк сәрԝахт ә (Йуһʹәнна 7:45, 46). Йаһоԝа фәрәсәтед Иса Мәсиһ гәләк ԛимәт дькьр, ләма әԝи изьн да кӧ Иса тʹәви ԝи әʹфьрандьна гәрдунеда бьхәбьтә (Мәтʹәлок 8:30; Ибрани 1:2-4). Ӧса жи, паши кӧ Иса Мәсиһ жь мьрьне рʹабу, Йаһоԝа «һʹәму һʹӧкӧме әʹрд у әʹзмен» да ԝи (Мәтта 28:18). Рʹаст ә Иса гәләк аԛьл у сәрԝахт ә, ле әԝ диса жи хԝә дьсперә рʹебәрийа Йаһоԝа. Гәло чьма? Чьмки әԝ Баве хԝә һʹьз дькә. Мер гәрәке бир нәкә кӧ әв йәк кӧ Йаһоԝа мер ча сәре жьне кʹьфш кьрийә найе һʹәсабе кӧ әԝ жьна жь мера ньмьзтьр һʹәсаб дькә. Йаһоԝа нә тʹәне мера, ле жьна жи ча һәмпʹадшед Иса Мәсиһ дьжберә (Галати 3:26-29). Йаһоԝа итʹбарийа хԝә Кӧрʹе хԝә тинә, ләма жи әԝи һʹӧкӧм дайә ԝи. Мина ве йәке, мерәки аԛьл ԝе һьнә һʹӧкӧм бьдә жьна хԝә жи. w21.02 11 ¶13-14

Мина нәйнькәке, Хәбәра Хԝәде али мә дькә әм тедәрхьн кӧ кемасийед мә чь нә у ль сәр ԝан бьхәбьтьн (Аԛуб 1:23-25). Мәсәлә, гава әм Хәбәра Хԝәде леколин бькьн, әме фәʹм бькьн кӧ гәрәке әм һерса хԝә контрол бькьн. Бь аликʹарийа Йаһоԝа, әм һин дьбьн кӧ ль һьмбәри мәрьва йан проблемед кӧ дькарьн һерса мә рʹакьн, нәрм бьминьн. Ԝи щурʹәйи әм дькарьн сәрԝахт бьминьн у сафикьрьнед баш бькьн (Аԛуб 3:13). Бәле, гәләк фәрз ә кӧ әм Кʹьтеба Пироз рʹьнд леколин бькьн! Щарна, паши кӧ әм шашики дькьн, әм һин дьбьн кӧ мә гәрәке чь  бькьра у чь нәкьра. Рʹекә дьһа баш әв ә, кӧ әм жь пешдачуйин у шашийед кәсед дьн дәрса һин бьн у биланийе бьстиньн пешийа кӧ әм сәре хԝә бькьнә хәтайе. Ләма Аԛуб әм һелан кьрьн кӧ әм дина хԝә бьдьн сәрһатийед кәсед ӧса ча Бьраһим, Рʹәхаб, Ибо у Елйас (Аԛуб 2:21-26; 5:10, 11, 17, 18). Ван хьзмәткʹаред амьн ль һьмбәри тәнгасийа сәбьр дькьрьн у шабуна хԝә ӧнда нәдькьрьн. Мәсәлед ԝан мә һин дькьн кӧ бь аликʹарийа Йаһоԝа, әм жи дькарьн ль һьмбәри тәнгасийа сәбьр бькьн у шабуна хԝә хԝәй бькьн. w21.02 29-30 ¶12-13

Сәр һинбуна Кʹьтеба Пироз, һәри зедә дәрсдар щабдар ә кӧ али хԝәндәкʹаре хԝә бькә кӧ әԝ Кʹьтеба Пироз фәʹм бькә. Бир нәкә кӧ һәгәр тә тʹәглифи сәр һинбуне кьрьнә, тӧ тʹәне аликʹар и (Ԝаиз 4:9, 10). Ле гәло тӧ ча дькари ԝәʹде һинбуне бьби аликʹарәки баш? Бона һинбуна Кʹьтеба Пироз хԝә һазьр бькә. Йа пешьн, дәрсдаррʹа бежә бьра дәрһәԛа хԝәндәкʹаре хԝә һьнәки тәрʹа гьли кә. Хԝәндәкʹар йәки чаԝа йә? Баԝәрийа ԝи чь йә? Һуне дәрһәԛа кʹижан тʹемайе хәбәр дьн? Тӧ дьхԝази кӧ хԝәндәкʹар жь ве дәрсе чь һин бә? Ԝәʹде һинбуне, гәло тьштәк һәйә, кӧ гәрәке әз нәвежьм йан нәкьм? Әз чаԝа дькарьм хԝәндәкʹар һелан бькьм кӧ әԝ пешда һәрʹә? Һьлбәт нә лазьм ә кӧ дәрсдар дәрһәԛа хԝәндәкʹаре хԝә һәр тьшти әшкәрә бькә, ле әԝ диса жи дькарә дәрһәԛа ԝи һьнә тьшт гьли кә ԝан хушк-бьрарʹа, йед кӧ тʹәви ԝи тенә сәр һинбуне. Мисйонерәкә бь наве Щой ӧса дьбежә: «Әв йәк али мьзгинване дьн дькә кӧ әԝ хԝәндәкʹар дьһа баш нас бькә у бьзаньбә кӧ әԝ дькарә ԝәʹде һинбуне чь бежә». w21.03 9 ¶5-6

Щарна мә нәфрʹәт дькьн, чьмки әм ль гора ԛанунед Хԝәде дьжин. Әв ԛанун жь ньһерʹандьнед дьнйайе йед ль сәр намусийе гәләк щӧдә нә. Иро, гәләк кәс дьфькьрьн кӧ бенамуси тьштәки нормал ә. Әԝана бир дькьн кӧ Хԝәде бажаред Содом у Гоморайе сәва бенамусийа ӧса ԝеран кьрьбун (Щьһуда 7). Ле әм гӧһ дьдьн Кʹьтеба Пироз, йа кӧ бенамусийе ԛәдәхә дькә, ләма жи гәләк кәс ԛәрфед хԝә мә дькьн у дьбежьн кӧ әм мәрьвнә пашдамайи нә (1 Пәтрус 4:3, 4). Гава мәрьв мә нәфрʹәт дькьн у мә беһӧрмәт дькьн, гәло чь дькарә али мә бькә кӧ әм сәбьр бькьн? Гәрәке әм ԛайим баԝәр бькьн кӧ Йаһоԝа ԝе али мә бькә. Мина мәртʹаләки, баԝәрийа мә дькарә «һʹәму тиред агьрийә кӧ Йе Хьраб давежә» бьтәмьринә (Әфәси 6:16). Ле хенщи баԝәрийе, һʹьзкьрьн жи гәләк фәрз ә. Гәло чьма? Чьмки һʹьзкьрьн «зу һерс накʹәвә», ле ль һьмбәри хьрабийе сәбьр дькә (1 Корьнтʹи 13:4-7, 13). Һʹьзкьрьна һьндава Йаһоԝа, хушк-бьра у һәла һе һʹьзкьрьна һьндава дьжмьна жи дькарә али мә бькә кӧ әм һьмбәри нәфрʹәте сәбьр бькьн. w21.03 20-21 ¶3-4

Щарна, әм һьнә тьшта накьн, чьмки әм хушк у бьра һʹьз дькьн. Мәсәлә, әм сәва готьнед ԝан зу әʹщьз набьн. Бинә бәр чʹәʹве хԝә кӧ незики хьлазийа әʹмьре Иса Мәсиһ, чь ԛәԝьми. Әԝи шагьртед хԝәрʹа гот кӧ жь бо кӧ әԝана жийане бьстиньн, гәрәке әԝана гоште ԝи бьхԝьн у хуна ԝи вәхԝьн (Йуһʹәнна 6:53-57). Гәләк шандийед Иса Мәсиһ һаԛас әʹщебмайи ман кӧ ԝана тʹәрка ԝи да. Ле бәле, достед ԝи йед рʹаст бь амьни тʹәви ԝи ман. Мина кәсед дьн, ԝана жи фәʹм нәдькьр кӧ Иса Мәсиһ дьхԝәст чь бьгота, у дьԛәԝьмә әԝана жи сәва готьнед ԝи әʹщебмайи ман. Ле бәле, әԝана нәдьфькьрин кӧ готьнед ԝи шаш ьн. Әԝана баԝәр бун кӧ готьнед ԝи рʹаст ьн, ләма әԝана итʹбарийа хԝә ԝи дьанин (Йуһʹәнна 6:60, 66-69). Гәләк фәрз ә кӧ әм жи сәва готьнед һәвалед хԝә зу әʹщьз нәбьн у нәхәйдьн. Гәрәке әм мәщале бьдьн ԝана кӧ әԝ готьнед хԝә зәлал бькьн (Мәтʹәлок 18:13). w21.01 11 ¶13