ಕೀರ್ತನೆ

ಸ್ವರ್ಗದಲ್ಲಿ ಇರೋರೇ, ಯೆಹೋವನನ್ನ ಹೊಗಳಿ,+

ಎತ್ರವಾದ ಸ್ಥಳದಲ್ಲಿರೋರೇ, ಆತನನ್ನ ಕೊಂಡಾಡಿ.

 2 ಆತನ ದೇವದೂತರೇ, ನೀವೆಲ್ರೂ ಆತನನ್ನ ಹಾಡಿಹೊಗಳಿ,+

ಆತನ ಇಡೀ ಸೈನ್ಯವೇ, ಆತನನ್ನ ಕೊಂಡಾಡು.+

 4 ಎಲ್ಲಕ್ಕಿಂತ ಎತ್ರದಲ್ಲಿರೋ ಆಕಾಶವೇ,

ಅದ್ರ ಮೇಲಿರೋ ಜಲರಾಶಿಯೇ ಆತನನ್ನ ಸ್ತುತಿಸಿ.

 5 ಅವು ಯೆಹೋವನ ಹೆಸ್ರನ್ನ ಸ್ತುತಿಸಲಿ,

ಯಾಕಂದ್ರೆ ಆತನು ಆಜ್ಞೆ ಕೊಟ್ಟಾಗ ಅವೆಲ್ಲ ಸೃಷ್ಟಿ ಆದ್ವು.+

 6 ಆತನು ಅವುಗಳನ್ನ ಶಾಶ್ವತಕ್ಕೂ ಇಟ್ಟಿದ್ದಾನೆ,+

ಎಂದಿಗೂ ರದ್ದಾಗದ ಒಂದು ಆಜ್ಞೆಯನ್ನ ಆತನು ಕೊಟ್ಟಿದ್ದಾನೆ.+

 7 ಭೂಮಿಯಲ್ಲಿ ಇರೋರೇ, ಯೆಹೋವನನ್ನ ಸ್ತುತಿಸಿ,

ಆಳವಾದ ಸಮುದ್ರವೇ, ಅದ್ರಲ್ಲಿರೋ ಮಹಾ ಜೀವಿಗಳೇ ಆತನನ್ನ ಹೊಗಳಿ.

 8 ಸಿಡಿಲೇ, ಆಲಿಕಲ್ಲಿನ ಮಳೆಯೇ, ಹಿಮವೇ, ದಟ್ಟವಾದ ಮೋಡಗಳೇ,

ಆತನ ಆಜ್ಞೆಗಳನ್ನ ಪಾಲಿಸೋ ಬಿರುಗಾಳಿಯೇ ಆತನನ್ನ ಸ್ತುತಿಸಿ.+

 9 ಪರ್ವತಗಳೇ, ಎಲ್ಲ ಬೆಟ್ಟಗಳೇ,+

ಹಣ್ಣಿನ ಮರಗಳೇ, ಎಲ್ಲ ದೇವದಾರು ಮರಗಳೇ ಆತನನ್ನ ಸ್ತುತಿಸಿ.+

10 ಕಾಡು ಪ್ರಾಣಿಗಳೇ,+ ಎಲ್ಲ ಸಾಕುಪ್ರಾಣಿಗಳೇ,

ತೆವಳೋ ಪ್ರಾಣಿಗಳೇ, ಹಾರಾಡೋ ಪಕ್ಷಿಗಳೇ ಆತನನ್ನ ಸ್ತುತಿಸಿ.

11 ಭೂಮಿಯ ರಾಜರೇ, ಎಲ್ಲ ಜನ್ರೇ,

ಅಧಿಕಾರಿಗಳೇ, ಭೂಮಿಯಲ್ಲಿರೋ ಎಲ್ಲ ನ್ಯಾಯಾಧೀಶರೇ ಆತನನ್ನ ಸ್ತುತಿಸಿ.+

12 ಯುವಕ, ಯುವತಿಯರೇ,

ವೃದ್ಧರೇ, ಮಕ್ಕಳೇ ಎಲ್ರೂ ಸೇರಿ ಆತನನ್ನ ಸ್ತುತಿಸಿ.

13 ಅವ್ರೆಲ್ಲ ಯೆಹೋವನ ಹೆಸ್ರನ್ನ ಕೊಂಡಾಡಲಿ,

ಯಾಕಂದ್ರೆ ಎಲ್ಲಕ್ಕಿಂತ ಆತನ ಹೆಸ್ರೇ ಶ್ರೇಷ್ಠ.+

14 ಆತನು ತನ್ನ ಎಲ್ಲ ನಿಷ್ಠಾವಂತರಿಗೆ,

ತನಗೆ ಎಲ್ರಿಗಿಂತ ಆಪ್ತರಾಗಿರೋ ಇಸ್ರಾಯೇಲ್ಯರಿಗೆ ಕೀರ್ತಿ ಬರೋ ಹಾಗೆ

ಅವ್ರ ಬಲವನ್ನ* ಹೆಚ್ಚಿಸ್ತಾನೆ.