ಹುಚ್ಚನ ತರ ನಾಟಕ ಮಾಡಿದ್ದಕ್ಕೆ+ ಅಬೀಮೆಲೆಕ ದಾವೀದನನ್ನ ಓಡಿಸಿಬಿಟ್ಟಾಗ ಈ ಕೀರ್ತನೆ ರಚಿಸಿದ.
א [ಆಲೆಫ್‌]
34 ನಾನು ಯಾವಾಗ್ಲೂ ಯೆಹೋವನನ್ನ ಹೊಗಳ್ತೀನಿ,
ಆತನ ಸ್ತುತಿ ನನ್ನ ತುಟಿ ಮೇಲೆನೇ ಇರುತ್ತೆ.
ב [ಬೆತ್‌]
2 ನಾನು ಯೆಹೋವನ ಬಗ್ಗೆ ಕೊಚ್ಚಿಕೊಳ್ತೀನಿ,+
ದೀನರು ಅದನ್ನ ಕೇಳಿಸ್ಕೊಂಡು ಖುಷಿಪಡ್ತಾರೆ.
ג [ಗಿಮೆಲ್‌]
3 ನನ್ನ ಜೊತೆ ಸೇರಿ ಯೆಹೋವನನ್ನ ಹೊಗಳಿ,+
ನಾವೆಲ್ಲ ಸೇರಿ ಆತನ ಹೆಸ್ರಿಗೆ ಕೀರ್ತಿ ತರೋಣ.
ד [ಡಾಲತ್‌]
4 ನಾನು ಯೆಹೋವನ ಹತ್ರ ಕೇಳಿದೆ, ಆತನು ನನಗೆ ಉತ್ರ ಕೊಟ್ಟ.+
ಎಲ್ಲ ಭಯಗಳಿಂದ ನನ್ನನ್ನ ಕಾಪಾಡಿದ.+
ה [ಹೆ]
5 ಆತನನ್ನ ನೋಡಿದವರ ಮುಖದಲ್ಲಿ ಕಳೆ ಬಂತು.
ಅವ್ರಿಗೆ ಅವಮಾನ ಆಗಲಿಲ್ಲ.
ז [ಜಯಿನ್‌]
6 ದೀನ ಪ್ರಾರ್ಥಿಸಿದಾಗ ಯೆಹೋವ ಅದನ್ನ ಕೇಳಿಸ್ಕೊಂಡ.
ಅವನ ಎಲ್ಲ ಕಷ್ಟಗಳಿಂದ ಅವನನ್ನ ಬಿಡಿಸಿದ.+
ח [ಹೆತ್‌]
7 ದೇವ್ರಿಗೆ ಭಯಪಡೋರ ಸುತ್ತ ಯೆಹೋವನ ದೂತ ಪಾಳೆಯ ಹಾಕ್ತಾನೆ,+
ಅವನು ಅವ್ರನ್ನ ಕಾದು ಕಾಪಾಡ್ತಾನೆ.+
ט [ಟೆತ್‌]
8 ಯೆಹೋವ ಒಳ್ಳೆಯವನು ಅಂತ ಸವಿದು ನೋಡಿ,+
ಆತನನ್ನ ಆಶ್ರಯಿಸುವವನು ಭಾಗ್ಯವಂತ.
י [ಯೋದ್‌]
9 ಯೆಹೋವನ ಪವಿತ್ರ ಜನ್ರೇ, ಆತನಿಗೆ ಭಯಪಡಿ.
ಭಯಪಡೋರಿಗೆ ಯಾವ ಕೊರತೆನೂ ಇರಲ್ಲ.+
כ [ಕಾಫ್‌]
10 ಎಳೇ ಸಿಂಹಗಳು ಹಸಿವಿಂದ ಸೊರಗಿ ಹೋಗಬಹುದು,
ಆದ್ರೆ ಯೆಹೋವನನ್ನ ಹುಡುಕೋರಿಗೆ ಒಳ್ಳೇ ವಿಷ್ಯಗಳ ಕೊರತೆನೇ ಇರಲ್ಲ.+
ל [ಲಾಮೆದ್‌]
11 ನನ್ನ ಮಕ್ಕಳೇ ಬನ್ನಿ, ನಾನು ಹೇಳೋದನ್ನ ಕೇಳಿಸ್ಕೊಳ್ಳಿ,
ಯೆಹೋವನಿಗೆ ಭಯಪಡೋದು ಅಂದ್ರೆ ಏನಂತ ನಾನು ನಿಮಗೆ ಕಲಿಸ್ತೀನಿ.+
מ [ಮೆಮ್‌]
12 ಸಂತೋಷವಾಗಿ ಜೀವನ ಮಾಡೋಕೆ ಇಷ್ಟಪಡ್ತೀರಾ?
ತುಂಬಾ ದಿನ ಬದುಕಬೇಕು ಅಂತ ಆಸೆಪಡ್ತೀರಾ?+
נ [ನೂನ್‌]
13 ಹಾಗಾದ್ರೆ ನಿಮ್ಮ ನಾಲಿಗೆಯಿಂದ ಕೆಟ್ಟ ಮಾತುಗಳು ಬರದ ಹಾಗೆ,+
ನಿಮ್ಮ ತುಟಿಯಿಂದ ಕಪಟ ಮಾತುಗಳು ಬರದ ಹಾಗೆ ನೋಡ್ಕೊಳ್ಳಿ.+
ס [ಸಾಮೆಕ್‌]
14 ಕೆಟ್ಟದ್ರಿಂದ ದೂರ ಇದ್ದು, ಒಳ್ಳೇದನ್ನ ಮಾಡಿ,+
ಶಾಂತಿಯನ್ನ ಹುಡುಕಿ, ಪ್ರಯತ್ನ ಬಿಡಬೇಡಿ.+
ע [ಅಯಿನ್‌]
15 ಯೆಹೋವನ ಕಣ್ಣು ನೀತಿವಂತರ ಮೇಲಿದೆ,+
ಸಹಾಯಕ್ಕಾಗಿ ಅವರು ಕೇಳಿದಾಗ ಆತನ ಕಿವಿ ಅದನ್ನ ಕೇಳಿಸ್ಕೊಳ್ಳುತ್ತೆ.+
פ [ಪೇ]
16 ಆದ್ರೆ ಕೆಟ್ಟ ಕೆಲಸ ಮಾಡೋರು ಯೆಹೋವನಿಗೆ ಬೇಡ,
ಅವ್ರ ನೆನಪುಗಳನ್ನೂ ಭೂಮಿಯಿಂದ ಅಳಿಸಿಹಾಕ್ತಾನೆ.+
צ [ಸಾದೆ]
17 ನೀತಿವಂತರು ಮೊರೆಯಿಟ್ಟಾಗ ಯೆಹೋವ ಅದನ್ನ ಕೇಳಿಸ್ಕೊಂಡ,+
ಅವ್ರ ಎಲ್ಲ ಕಷ್ಟಗಳಿಂದ ಆತನು ಅವ್ರನ್ನ ಬಿಡಿಸಿದ.+
ק [ಕೊಫ್‌]
18 ಹೃದಯ ಒಡೆದು ಹೋಗಿರೋರಿಗೆ ಯೆಹೋವ ಹತ್ರಾನೇ ಇರ್ತಾನೆ,+
ಮನಸ್ಸು ಚೂರುಚೂರಾಗಿ ಹೋಗಿರೋರನ್ನ ಆತನು ಕಾದು ಕಾಪಾಡ್ತಾನೆ.+
ר [ರೆಶ್‌]
19 ನೀತಿವಂತನಿಗೆ ಒಂದಲ್ಲ ಎರಡಲ್ಲ ನೂರಾರು ಕಷ್ಟಸಂಕಟಗಳು,+
ಆದ್ರೆ ಯೆಹೋವ ಅವುಗಳಿಂದ ಅವನನ್ನ ಬಿಡಿಸ್ತಾನೆ.+
ש [ಶಿನ್‌]
20 ಅವನ ಎಲ್ಲ ಮೂಳೆಗಳನ್ನ ಆತನು ಕಾಪಾಡ್ತಿದ್ದಾನೆ,
ಅದ್ರಲ್ಲಿ ಒಂದೂ ಮುರಿದು ಹೋಗಲಿಲ್ಲ.+
ת [ಟಾವ್‌]
21 ಕಷ್ಟ ಕೆಟ್ಟವನಿಗೆ ಸಾವು ತರುತ್ತೆ,
ನೀತಿವಂತನನ್ನ ದ್ವೇಷಿಸೋ ವ್ಯಕ್ತಿ ಅಪರಾಧಿ ಆಗ್ತಾನೆ.
22 ಯೆಹೋವ ತನ್ನ ಸೇವಕರ ಜೀವ ಕಾಪಾಡ್ತಾನೆ,
ಆತನಲ್ಲಿ ಆಶ್ರಯ ಪಡ್ಕೊಳ್ಳೋ ಒಬ್ಬನೂ ಅಪರಾಧಿ ಆಗಿರಲ್ಲ.+