ಅಧ್ಯಯನ ಆವೃತ್ತಿ

ಮೋಶೆಗೆ ಎಷ್ಟು ಬಲವಾದ ನಂಬಿಕೆ ಇತ್ತೆಂದರೆ ಅವನಿಗೆ ಯೆಹೋವನು ಕಣ್ಣೆದುರಿಗೇ ಇರುವ ವ್ಯಕ್ತಿಯಂತಿದ್ದನು. ಅವನಲ್ಲಿದ್ದ ಅದೇ ನಂಬಿಕೆ ನಮ್ಮಲ್ಲಿರಬೇಕಾದರೆ ಏನು ಮಾಡಬೇಕು? ನಾವು ‘ಅದೃಶ್ಯನಾಗಿರುವಾತನನ್ನು ನೋಡುತ್ತಿದ್ದೇವೋ ಎಂಬಂತೆ ಸ್ಥಿರಚಿತ್ತರಾಗಿ ಮುಂದುವರಿಯುವುದು’ ಹೇಗೆ? ಎನ್ನುವುದನ್ನು ಈ ಲೇಖನಗಳು ಚರ್ಚಿಸುತ್ತವೆ.—ಇಬ್ರಿ. 11:27.

ಪ್ರಪಂಚದಾದ್ಯಂತ ಲಕ್ಷಾಂತರ ಜನರು ಕೆಲಸವನ್ನು ಅರಸುತ್ತಾ ತಮ್ಮ ಮನೆ, ಬಾಳಸಂಗಾತಿ ಮತ್ತು ಮಕ್ಕಳನ್ನು ಬಿಟ್ಟು ದೂರ ಹೋಗುತ್ತಾರೆ. ಕುಟುಂಬದ ಶಿರಸ್ಸುಗಳು ತಮ್ಮ ಕುಟುಂಬವನ್ನು ಹೇಗೆ ನೋಡಿಕೊಳ್ಳಬೇಕೆಂದು ಯೆಹೋವನು ಬಯಸುತ್ತಾನೆ ಮತ್ತು ಆ ಜವಾಬ್ದಾರಿಯನ್ನು ಪೂರೈಸಲು ಆತನು ಹೇಗೆ ಸಹಾಯ ಮಾಡುತ್ತಾನೆಂದು ಈ ಲೇಖನಗಳು ವಿವರಿಸುತ್ತವೆ.

“ಯೆಹೋವನ ದೃಷ್ಟಿಯು ಎಲ್ಲೆಲ್ಲಿಯೂ ಇರುವದು” ಎಂದು ಬೈಬಲ್‌ ಹೇಳುತ್ತದೆ. ಅಂದರೆ ನಾವು ಆತನ ನಿಯಮಗಳನ್ನು ಮೀರಿ ನಡೆಯುತ್ತೇವಾ ಎಂದು ಕಂಡುಹಿಡಿಯಲಿಕ್ಕಾಗಿ ಆತನು ನಮ್ಮ ಮೇಲೆ ಕಣ್ಣಿಟ್ಟಿದ್ದಾನೆಯೇ? ಹಾಗೆ ನೆನಸಿ ನಾವು ಹೆದರಬೇಕೇ? (ಜ್ಞಾನೋ. 15:3) ಆತನು ಕಾಳಜಿಯಿಂದ ನಮ್ಮನ್ನು ಗಮನಿಸುತ್ತಿರುವುದರಿಂದ ನಾವು ಯಾವ ಐದು ವಿಧಗಳಲ್ಲಿ ಪ್ರಯೋಜನ ಪಡೆಯುತ್ತೇವೆಂದು ಈ ಲೇಖನದಲ್ಲಿ ನೋಡೋಣ.